Молитвы за родных и близких

Господи, Иисусе Христе, Сыне Божий, помилуй мя грешнаго (грешную).

Во имя Отца, и Сына, и Святаго Духа. Аминь.

Слава Тебе, Боже наш, слава Тебе. (Кратко эта молитва произносится: Слава Богу).

О великий угодниче Христов, страстотерпче и врачу многомилостивый Пантелеймоне! Умилосердися надо мною, грешным рабом, услыши стенание и вопль мой, умилостиви небеснаго, Верховнаго Врача душ и телес наших, Христа Бога нашего, да дарует ми исцеление от недуга, мя гнетущаго. Приими недостойное моление грешнайшаго паче всех человек. Посети мя Благодатным посещением. Не возгнушайся греховных язв моих, помажи их елеем милости и исцели мя; да здрав сын душею и телом, остаток дней моих, благодатию Божию возмогу провести в покаянии и угождении Богу и сподоблюся восприяти благой конец жития моего. Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь.

Богородице Дево, радуйся. Благодатная Марие, Господь с Тобою. Благословенна Ты в женах, и благословен плод чрева Твоего, яко Спаса родила еси душ наших.

Пресвятая Владычице моя Богородице, святыми Твоими и всесильными мольбами отжени от мене, смиреннаго и окаяннаго раба Твоего, уныние, забвение, неразумение, нерадение, и вся скверная, лукавая и хульная помышления от окаяннаго моего сердца и от помраченнаго ума моего; и погаси пламень страстей моих, яко нищ есмь и окаянен; и избави мя от многих и лютых воспоминаний и предприятий, и от всех действ злых свободи мя. Яко благословен от всех родов, и славится пречестное имя Твое во веки веков, Аминь.