(помощница в исцелении проказы и других тяжких телесных недугов).
Тропарь мученице Агриппине, глас 4.
Агница Твоя, Иисусе, Агрипина / зовет велиим гласом: / Тебе, Женише мой, люблю, / и, Тебе ищущи, страдальчествую, / и сраспинаюся, и спогребаюся крещению Твоему, / и стражду Тебе ради, / яко да царствую в Тебе, / и умираю за Тя, да и живу с Тобою; / но яко жертву непорочную приими мя, / с любовию пожершуюся Тебе. // Тоя молитвами, яко Милостив, спаси души наша.
(молиться о помощи при душевных болезнях).
Тропарь преподобному Александру, игумену Куштскому, глас 4.
Иже плотским дебельством Богови работати изволи, / в пустыню вселився, / в нейже многими поты и труды / безтелеснаго равноангельнаго пребывания возможе достигнута, / таже от Бога узрен быв, / сподобися великих чудес в жизни и по преставлении, / на нечистыя духи силу восприим, / изгониши от приходящих к тебе с верою, / темже, отче Александре, / за вся ны моли, / спастися душам нашим.
(еще при жизни имел дар исцеления проказы).
Тропарь преподобному Алипию, иконописцу Печерскому, глас 8.
Зраки изобразуя святых на дщицах, / сих благодеяния спешно, /яко искусен художник, всехвальне Алипие, / написал еси на скрижалех твоего сердца и сего ради, яко образ, / боголепне украшен, священства благодатию, / яки златом, обложился еси от Христа Бога и Спаса душ наших.
(помогает при беременности).
Тропарь праведной Анне, глас 4.
Жизнь рождшую во чреве носила еси, / Чистую Богоматерь, богомудрая Анно: / темже к приятию небесному, идеже веселящихся жилище, / в славе радующися, ныне преставилася еси, / чтущим тя любовию / прегрешений просящи очищение, /присноблаженная.
(помощница в трудных родах).
Тропарь великомученице Анастасии Узорешительнице, глас 4.
Победоноснаго Воскресения / истинноименитая наречена еси, / мученице Христова, /победы на враги поставила еси мук терпением, / Христа ради, Жениха твоего, / Егоже возлюбила еси. / Того моли спасти души наша.
Каждому крещенному христианину Бог дает Ангела хранителя, который невидимо охраняет человека всю его земную жизнь от бед и напастей, предостерегает от грехов, оберегает в час смерти. Ангел хранитель — скорый помощник в любой нужде и болезни.
Тропарь Ангелу хранителю, глас 6.
Ангеле Божий, / хранителю мой святый, / живот мой соблюди во страсе Христа Бога, / ум мой утверди во истиннем пути, / и к любви горней уязви душу мою / да тобою направляема / получу от Христа Бога велию милость.
(молиться об исцелении от геморроя).
Тропарь мученице Анисии Солунской, глас 4.
Агница Твоя, Иисусе, Анисия, / зовет велиим гласом: / Тебе, Женише мой, люблю, / и Тебе ищущи страдальчествую и сраспинаюся и спогребаюся крещению Твоему и стражду Тебе ради, / яко да царствую в Тебе, и умираю за Тя, / да и живу с Тобою: / но яко жертву непорочную приими мя, с любовию пожершуюся Тебе. / Тоя молитвами, / яко милостив, спаси души наша.
Много чудес он совершил в городе Патры: слепые прозревали, больные (в том числе жена и брат правителя города) исцелились.
Тропарь Андрею Первозванному, глас 4.
Яко апостолов первозванный / и верховнаго сущий брат / Владыце всех, Андрее, молися, / мир вселенней даровати / и душам нашим велию милость.
(сподобился дара прозрения и целительства лишенных разума и при обморожении).
Тропарь Андрею, Христа ради юродивому, глас 1.
Глас Апостола Твоего Павла услышав глаголющ: / мы юроди Христа ради, / раб Твой Андрей юрод бысть на земли, / тебе ради, Христе Боже. / Темже ныне память его почитающе, тебе молимся: / Господи, спаси души наша.
(молиться об исцелении страждущих болезнями ног).
Тропарь мученикам Антонию, Иоанну и Евстафию Литовским, глас 4.
Иже земных, чести и славы отвергшеся, / доблии и честнии страдальцы, / веры ради крепко и мужественно муки претерпесте, / на смерть себе вдавше за Живот всех — Владыку. / Темже и Христос преславно столпом облачным / с Небесе вас озари/ и почестьми и венцы от Престола славы венча. / Со Ангелы Тому предстояще, / молите спастися душам нашим.
(молиться об избавлении от болезней желудка и исцелении грыжи).
Тропарь великомученику Артемию Антиохийскому, глас 4.
Истинною бо Христовою верою утверждься, страстотерпче, мучителя злочестива царя победил еси со идольским того возношением. Тем от Царя Великаго, вечно царствующаго, пресветлым венцем победным одарен бысть, вся исцеляяй болящия и призывающий тя, Артемие великий, моли Христа Бога спасти души наша.
(молиться о помощи в отчаянии и в том, чтоб больной, которому нет надежды выздороветь, который мучается сам и в тягость другим, скорее скончался).
Тропарь преподобному Афанасию Афонскому, глас 3.
Еже во плоти житию твоему удивишася ангельстии чини: како с телом к невидимым сплетением изшел еси, приснославне, и уязвил еси демонские полки. Отонудуже, Афанасие, Христос тебе воздаде богатыми дарованьми, сего ради, отче, моли спастися душам нашим.
(молиться об исцелении ног).
Тропарь преподобному Афанасию, затворнику Печерскому, в Ближних пещерах, глас 3.
Блаженство плачущих получити желая, / день и нощь непрестанно плакал еси, / имея во уме час Судный, / тем по кончине твоей обрел еси утешение на Небеси, / преподобие Афанасие. / Подаждь и нам плакатися зде грехов наших выну, / яко да плача безконечнаго избывше, / тамо приимем вечное утешение.
(молиться об исцелении болезней, особенно болезней ног, онкологических заболеваний).
Тропарь благоверным князьям мученикам Борису и Глебу, глас 4.
Днесь церковная разширяются недра, / приемлющи богатство Божия благодати, / веселятся русстии собори, / видяще преславная чудеса, / яже творите приходящим к вам верою, / святии чудотворцы Борисе и Глебе, // молите Христа Бога, да спасет души наша.
(молиться об избавлении от скоропостижной или внезапной смерти, чтоб не умереть без исповеди и Святого Причащения, о помощи и заступничестве за детей, об избавлении от тяжких недугов и болезней).
Тропарь великомученице Варваре, глас 4.
Агнице всеблаженная Варваре, / Божественне озарившися Светом Святыя Троицы Трисолнечным / и в купели утвердившися, / в побеждение лести отеческия / веру исповедала еси Христову. / Тем, всечестная, свыше благодать тебе дарова Бог / исцеляти недуги и болезни вся. / Егоже моли, великомученице, / да спасет души наша.
(молиться об исцелении болезней, особенно глазных).
Тропарь святителю Варсонофию, епископу Тверскому, глас 3.
Возвестителю пути спасительного, / истинный хранителю апостольских преданий, / столпе непоколебимый, благочестия учителю / и Православия наставниче, святителю Варсонофие, / Владыку всех моли / мир вселенней даровати / и душам нашим велию милость.
(молиться об избавлении от вздутия живота и тяжелого дыхания).
Тропарь преподобному Василию исповеднику, глас 1.
Пустынный житель, и в телеси Ангел, / и чудотворец явился еси, Богоносе, отче наш Василие, / постом, бдением, молитвою Небесная дарования приим, / исцелявши недужныя и души верою притекающих ти. / Слава Давшему ти крепость, / слава Венчавшему тя, / слава Действующему тобою всем исцеления.
(молиться об исцелении от язвы или черной смерти).
Тропарь святителю Василию Новгородскому, глас 4.
Правило веры и образ кротости, / воздержания учителя / яви тя стаду твоему, / яже вещей истина: / сего ради стяжал еси смирением высокая, / нищетою богатая, / Отче священноначальниче Василие / моли Христа Бога / спастися душам нашим.
(молиться об исцелении от лихорадки).
Тропарь преподобному Василию Новому, глас 8.
В тебе, отче, известно спасеся еже по образу / приим бо крест последовал еси Христу, / и дея учил еси презирати убо плоть, приходит бо: / прилежати же о души, вещи безсмертней: / тем же и со Ангелы срадуется, преподобие Василие, дух твой.
(молиться о спасении от тяжелых болезней, об избавлении от падучей болезни).
Тропарь мученику Виту Сицилийскому, глас 4.
Мученик Твой, Господи, Вите / во страдании своем венец прият нетленный от Тебе Бога нашего / имеяй бо крепость Твою, / мучителей низложи сокруши и демонов немощныя дерзости / того молитвами / спаси души наши.
(молиться об избавлении от плотской блудной страсти).
Тропарь преподобному Виталию, глас 8.
В тебе, отче, известно спасеся еже по образу / приим бо крест последовал еси Христу, / и дея учил еси презирати убо плоть, приходит бо: / прилежати же о души, вещи безсмертней: / тем же и со Ангелы срадуется, преподобие Виталие, дух твой.
(молиться об исцелении глазных болезней).
Тропарь равноапостольному великому князю Владимиру, глас 1.
Яко начальнику Крещения/ и кореню веры Божественныя,/ идолов разрушителю,/ блаженне княже Василие равноапостольне, вопием ти:/ слава вразумльшему тя Христу Богу,/ слава освятившему тя Крещением Своим,/ слава просветившему тобою всю страну Русскую.
(молиться об избавлении от страсти пьянства и запоя, об исцелении щитовидной железы).
Тропарь мученику Вонифатию, глас 4.
К сословию послан мучеников, /мученик был еси истинен, /пострадав за Христа крепчайше, всехвальне, /мощми же возвратился еси верою пославшей тя, / Вонифатие блаженне, /моли Христа Бога /прияти нам грехов прощение.
(молиться об избавлении от головной боли и глазных болезней).
Тропарь святителю Гурию, архиепископу Казанскому, глас 3.
Добродетельного и благороднаго ради твоего жития, / извел тя есть Прещедрый Бог / на первопрестольство богоспасаемаго царства Казани / и просветил есть учением твоим бесерменьстии языцы. / И многия, святителю Гурие, во избранное Христово стадо привел еси, / и нищелюбием богоугодно пожил еси, / и по преставлении твоем много лет сокровенное твое тело / от недр земных на удивление явися, / и благоуханнаго мира гроб наполнися приходящим с верою, / взимающим миро от раки честных мощей твоих, / всем источаеши исцеления, / святителю Христов Гурие, / моли Христа Бога / спастися душам нашим.
(молиться о помощи в трудных родах и в супружеском бесплодии).
Тропарь пророку Захарии и праведной Елисавете, глас 2.
Праведных Твоих Захарии и Елисавети, Господи, память празднующе, / теми молим Тя: / спаси душы наша.
(молиться о помощи страдальцам, изнемогающим грудной болезнью).
Тропарь святителю Димитрию Ростовскому, глас 8.
Православия ревнителю и раскола искоренителию, / Российский целебниче и новый к Богу молитвенниче, / списаньми твоими буих уцеломудрил еси, / цевнице духовная, Димитрие блаженне, / моли Христа Бога спастися душам нашим.
(молиться об избавлении от слепоты, при онкологически заболеваниях).
Тропарь великомученику Димитрию Солунскому, глас 3.
Велика обрете в бедах /тя поборника вселенная, страстотерпче, /языки побеждающа. / Якоже убо Лиеву низложил еси гордыню, /и на подвиг дерзновенна сотворив Нестора, / тако, святе Димитрие, /Христу Богу молися /даровати нам велию милость.
(молиться о прозрении слепых очей).
Тропарь благоверному царевичу Димитрию Угличскому и Московскому, глас 1.
Всеоружеством Духа благодати вооружен быв / и необорим столп и утверждение отечеству своему показася, яко агнец незлобивый, / от врага неправедно заклан быв и в жертву непорочну Господеви принесеся. / И ныне дар благодати от всех Подвигоположника прием, / источаеши всем исцеление, / достохвальне благоверный царевичу княже Димитрие, / Слава Восприимшему тя от земных в Небесная, / слава Венчавшему тя венцем неувядаемым, / слава Действующему тобою всем исцеление.
(ей молятся женщины, которые не могут стать матерями).
Тропарь преподобномученице Евдокии, глас 8.
Правостию умною душу твою привязавши в любовь Христову, / тленных, и красных, и временных забытием претекла еси, / яко Слова ученица: / лощением страсти первее умертвивши, / страдальчески второе врага посрамила еси. / Тем Христос сугубых венца сподоби тя, / славная Евдокие, преподобная страстотерпице, / моли Христа Бога спастися душам нашим.
(молиться о разрешении бесплодия, изгонял бесов).
Тропарь преподобному Евфимию Великому, глас 4.
Веселися, пустыня нераждающая, /благодушствуй, неболящая, /яко умножи тебе чада муж желаний духовных, /благочестием насадив, /воздержанием воспитав добродетелей в совершенство, /Того молитвами, Христе Боже, /умири живот наш.
(молиться об избавлении от плотской блудной страсти).
Тропарь святителю Евфимию, архиепископу Новгородскому, чудотворцу, глас 4.
Избран быв Богови от юности, / святителю Евфимие, / и, сего ради архиерейства саном почтен быв, / упасл еси люди, иже тебе Богом врученный; / темже и по преставлении чудес дарования от Господа приял еси / исцеляти различный недуги. / Того моли о нас, / совершающих честную память твою, / да тебе вси непрестанно ублажаем.
(молиться при трудных родах).
Тропарь великомученице Екатерине, глас 4.
Добродетельми, яко лучами солнечными, / просветила еси неверныя мудрецы, / и, якоже пресветлая луна ходящим в нощи, / неверия тьму отгнала еси / и царицу уверила еси, / вкупе же и мучителя обличила еси, / богозванная невесто, блаженная Екатерино, / желанием востекла еси в Небесный чертог / к прекрасному Жениху Христу, / и от Него царским венцем венчалася еси: / Емуже, со Ангелы предстоящи, / за ны молися, // творящия прелестную память твою.
(молиться об избавлении от разных недугов и болезней, онкологических заболеваний).
Тропарь священномученику Ермолаю, глас 1.
Миром благодати помазан, / преблаженне отче Ермолае, / иерей Бога Вышняго явился еси / и благочестия светлый проповедник, / мученик же твердый и безмездный врач притекающих к тебе. / Слава Давшему тебе крепость, / слава Венчавшему тя, / слава Действующему тобою всем исцеления.
(молиться об исцелении от проказы).
Тропарь священномученику Зотику, пресвитеру, сиропитателю, глас 4.
И нравом причастник, / и престолом наместник апостолом быв, / деяние обрел еси, Богодухновенне, / в видения восход: / сего ради слово истины исправляя, / и веры ради пострадал еси даже до крове, / священномучениче Зотике, / моли Христа Бога / спастися душам нашим.
(молиться об исцелении болей ног и от паралича).
Тропарь преподобному Иакову Железноборовскому, глас 4.
Небеснаго желая, / земная возненавидел еси / и, взем крест свой, последовал еси Христу / и от Него прием дарования чудес, / исцеляти недужныя; / но, яко имея дерзновение ко Святей Троице, / испроси православным Христианом здравие и спасение, / на враги же победу / и не забуди, посещая чад своих, / припадающих к цельбоносному гробу твоему, / Иакове, преподобие отче наш.
(молиться о разрешении от бесплодия).
Тропарь святым праведным Богоотцу Иоакиму и Анне, глас 2.
Праведных Твоих, Господи, память празднующе, / теми молим Тя: // спаси души наша.
(молиться об исцелении болей рук или при увечье рук).
Тропарь преподобному Иоанну Дамаскину, глас 8.
Православия наставниче, / благочестия учителю и чистоты, / вселенныя светильниче, / монашествующих богодохновенное удобрение, Иоанне премудре, / ученьми твоими вся просветил еси, цевнице духовная, // моли Христа Бога спастися душам нашим.
(молиться при грудной болезни).
Тропарь Иоанну Богослову, глас 2.
Апостоле, Христу Богу возлюбленне, / ускори избавити люди безответны: / приемлет тя припадающа, / иже падша на перси приемый / Егоже моли, Богослове, / и належащую мглу языков разгнати, /прося нам мира и велия милости.
(молятся при лейкемии).
Тропарь мученику Иоанну Воину, глас 4.
Всеблагаго Бога и Царя / благоверный раб и воин явился еси, / Иоанне чудодетелю, / пострадав бо ради веры мужески, / блаженне же скончав течение, / зриши Всетворца Господа в небесех светлейше. / От Негоже прием дарование чудес, / страждущим человеком во всяких напастех помогаеши, / укрепляеши воины в ратех, / от врагов пленения, / ран же и внезапных смертей / и от бед лютых изымаеши. / Темже моли Владыку Христа, приснопамятне, / да во всяком обстоянии сотворит нам милость, / и не введет нас во искушения, / но спасет души наша, яко Человеколюбец.
(молиться об избавлении от головной боли, рака и опухолей, при заболевании нервной системы).
Тропарь Иоанну Предтече (Рождество), глас 4.
Пророче и Предтече пришествия Христова, / достойно восхвалити тя недоумеем мы, любовию чтущии тя: / неплодство бо рождшия и отчее безгласие разрешися / славным и честным твоим рождеством, / и воплощение Сына Божия мирови проповедуется.
(молятся при параличе).
Тропарь преподобному Иоанну Многострадальному, Печерскому, в Ближних пещерах, глас 1.
Терпения столп воистину непоколебимый / и забрало от вражиих стреляний необоримо, / равноангельне и многострадальне отче наш Иоанне, / имуще тя, мы, недостойнии, молимся, / припадающе к честным твоим мощем тепле: / избави нас душетленных страстей плотских и спаси твоими молитвами.
(молиться об исцелении немоты, при онемении языка).
Тропарь преподобному Иоанну Рыльскому, глас 4.
Тело смирив лощением, / душу же возвысив пением, / сосуд явися избран Святому Духу, / Иоанне, отче наш, / в чистоте сердца твоего, преподобие, пожив. / Тем, дерзновение имея ко Господу, / моли спастися душам нашим.
(молиться при бездетности, парализации).
Тропарь преподобному Илариону Оптинскому, глас 4.
Божественный врачеватель страстей, / веры искусный кормчий воистину, / благодать исцелений приял еси от Господа всех Царя, / Иларионе отче предивне, / и на демонов одолительныя победы, / вся тайная обличил еси / и еретичествующих умыслы разорив. / Темже молися Христу / от прелести диавольской мир избавити // и спасти души наша.
(молиться при психических заболеваниях).
Тропарь святителю Игнатию Брянчанинову, епископу Кавказскому и Черноморскому, глас 8.
Православия поборниче, / покаяния и молитвы делателю и учителю изрядый, / архиереев Богодухновенное украшение, / монашествующих славо и похвало, / писании твоими вся ны уцеломудрил еси. / Цевнице духовная Игнатие богомудре, / моли Слова Христа Бога, / Егоже носил еси в сердце твоем, / даровати нам прежде конца покаяние.
(молиться о терпении болезней).
Тропарь праведному Иову Многострадальному, глас 1.
Богатство видев добродетелей Иовлих, / украсти кознствоваше праведных враг, / и, растерзав столп телесе, / сокровище не украде духа, / обрете бо вооружену непорочнаго душу, / мене же и обнажив плени: / предварив убо мя прежде конца, // избави мя льстиваго, Спасе, и спаси мя.
(молиться об избавлении от зубной боли).
Тропарь святителю Ионе, патриарху Московскому и всея России чудотворцу, глас 3.
Ярем Господень измлада восприим, / и Того стопам невозвратным желанием последовал еси, / и освящен- наго подвига достигл, / святительства паству приим и чудес от Бога дары прият, / с верою приходящим к раце мощей твоих / подавши различным недугом исцеление неоскудно, / отче наш Ионо, святителю Христов, / моли Христа Бога даровати нам велию милость.
(молиться об исцелении от женского кровотечения, при недостатке материнского молока для младенцев).
Тропарь преподобному Ипатию целебнику, Печерскому, в Дальних пещерах, глас 1.
Безначальнаго онаго и тихаго места, / идеже несть печали, ни воздыхания, / достигнута, преподобие, желая, / не дал еси себе зде покоя нимало, / но присно день и нощь в делех всяких / и жестоком житии трудолюбно подвизался, пребываеши, / тем желаемого получил уже, Ипатие, / молися о душах наших.
(молиться об избавлении от бесплодия, женского кровотечения и об исцелении от водянки).
Тропарь преподобному Ипатию, игумену Руфианскому, глас 8-й.
В тебе, отче, известно спасеся еже по образу: / приим бо Крест последовал еси Христу, / и дея учил еси презирати убо плоть, преходит бо, / прилежати же о души, вещи бессмертней. / Темже и со ангелы срадуется, преподобие Ипатие, дух твой.
(молиться об избавлении от бессонницы, от беснования и об изгнании бесов).
Тропарь преподобному Иринарху Затворнику, Ростовскому чудотворцу, глас 4.
Яко мученика добропроизвольна / и преподобных удобрение, / звезду Ростовскую, / в затворе, узах и веригах Господеви благоугодившаго / и чудес благодать от Него приемшаго, / Иринарха предивнаго песньми хвалебными почтим / и, к нему припадающе, умильно глаголем: / отче преподобие, моли Христа Бога / спастися душам нашим.
(молиться об исцелении от оспы).
Тропарь мученику Конону Исаврийскому, глас 4.
Яко девственника предивна / и мученика непоколебима, / блаженнаго страдальца, / на бесы власть приемшаго, / Конона песньми восхвалим и к нему возопиим: / моли Христа Бога, / да спасет души наша.
(молиться об исцелении болезней глаз).
Тропарь мученику архидиакону Лаврентию, глас 4.
Мученик Твой, Господи, Лаврентий / во страдании своем венец прият нетленный от Тебе, Бога нашего, / имеяй бо крепость Твою, / мучителей низложи, / сокруши и демонов немощныя дерзости. / Того молитвами // спаси души наша.
(молиться об исцелении от беснования).
Тропарь Лаврентию, затворнику Печерскому, епископу Туровскому, в Ближних пещерах, глас 8.
Всеблаженне Лаврентие, / затворивый себе Господа ради в месте тесне /и в нем многа лета трудолюбие поживый, / молися о нас ко Господу, / яко да и мы от всякаго греха чувства затворше, / получим отверзение дверей милости Господни в День судный.
(молиться об исцелении при укусе змеи).
Тропарь преподобному Леониду Устьнедумскому, глас 1.
Божественною любовию и житием духовным / от юности распалився, преподобие, / и вся, яже в мире красная, возненавидев, / Христа единаго от души возлюбил еси, отче, / легкое иго на рамо взем, / Божественным Промыслом и Пречистыя Богородицы чудным явлением направляемь / достиже пустыни /и в ней многолетне подвизался еси / в трудех многих и слезах, / всяким злостраданием плоть свою изнуряя. / Отонудуже Бог, твоя труды видев, / умножи тебе чада в пустыни. / Но яко имея дерзновение к Богу, / моли о нас, рабех твоих, отче преподобие Леониде, / да избавит нас от всех навет вражиих / и спасет души наша.
(молиться об исцелении глазных болезней).
Тропарь апостолу и евангелисту Луке, глас 5.
Апостольских деяний сказателя / и Евангелия Христова светла списателя, / Луку препетаго, / славна суща Христове Церкви, / песньми священными святаго апостола похвалим, / яко врача суща, / человеческия немощи, / естества недуги и язи душ исцеляюща // и молящася непрестанно за души наша.
(молиться о прозрении слепых очей).
Тропарь мученице Людмиле, княгине Чешской, глас 4.
Оставльша тьму идолослужения /и с горячей любовию прияв свет Православныя веры Христовы, /явися ты, святая Людмило, яко звезда утренняя, /и светом святости твоея /истинный день Богопочитания в Честей земли начав.
(молиться об исцелении бесноватых).
Тропарь преподобному Макарию Великому, Египетскому, глас 1.
Пустынный житель, и во плоти Ангел, / и чудотворец явился еси, Богоносе отче наш Макарие, / постом, бдением, молитвою Небесная дарования приим, / исцеляеши недужньш и души верою приходящих ти. / Слава Давшему ти крепость, / слава Венчавшему тя, / слава Действующему тобою всем исцеления.
(молиться об исцелении от рака и опухолей).
Тропарь преподобной Макрине, сестре святителя Василия Великого, глас 2.
Жениха твоего смерть видевши, / разсмотрела еси тленную жизнь и суетие мира, / отвсюду вину приимши, / Нетленному Обручнику уневестилася еси, / постом и смирением любовь Того постигающи. / Тем ныне радуется со Ангелы, преподобная Макрино, дух твой.
(молиться об исцелении от горячки и лихорадки).
Тропарь преподобному Марону, пустыннику Сирийскому, глас 8.
Яко незаходимое солнце возсия нам днесь / светозарными твоими молитвами, преподобие отче наш Мароне, / иже некия горы достигл / и тамо на ней живущими нечестивыми чтом бысть, / за превосходящую твою к Богу добродетель, / и тамо обрет требище идольское. Богу освятив, в нем пребывал еси, / и видев Человеколюбец Бог твой подвиг и труды, / дарова тебе дар Свой, / имже пронесеся имя твое в человецех, / целити скорби, огневицу и трясавицу прибегающим к тебе с верою. / Темже и зовем ти: / радуйся, целителю наш скорый; / радуйся, заступниче наш теплый, / предстоиши бо у Пресвятыя Троицы, / молися Той о призывающих имя твое святое, / да избавит от сих тяжких скорбей и спасет души наша.
(прогоняет лукавых духов, молиться об избавлении от бессонницы).
Тропарь преподобному Маруфу, еписопу Месопотамскому, глас 8.
В тебе, отче, известно спасеся еже по образу: / приим бо крест, последовал еси Христу, / и дея учил еси презирати убо плоть: преходит бо, / прилежати же о души, вещи без смертней. / Темже и со ангелы срадуется, преподобие Маруфе, дух твой.
(молиться при трудных родах).
Тропарь преподобной Мелании Римляныне, глас 8.
В тебе, мати, известно спасеся, еже по образу: / приимши бо крест, последовала еси Христу, / и деющи учила еси презирати убо плоть, преходит бо; / прилежати же о души, вещи безсмертней; / темже и со ангелы срадуется, преподобная Мелание, дух твой.
(молиться об исцелении от лихорадки).
Тропарь святителю Мирону Критскому, чудотворцу, глас 4.
Правило веры и образ кротости, / воздержания учителя / яви тя стаду твоему, / яже вещей истина: / сего ради стяжал еси смирением высокая, / нищетою богатая, / Отче священноначальниче Мироне / моли Христа Бога / спастися душам нашим.
(молиться об избавлении от страсти к вину страждущих запоем).
Тропарь преподобному Моисею Мурину, глас 1.
Пустынный житель, и в телеси Ангел, / и чудотворец явился еси, Богоносе отче наш Моисее: / постом, бдением, молитвою Небесная дарования приим, / исцеляеши недужньш и души верою приходящих ти. / Слава Давшему ти крепость, / слава Венчавшему тя, / слава Действующему тобою всем исцеления.
(молиться для укрепления духа в борьбе с плотской блудной страстью).
Тропарь преподобному Моисею Угрину, Печерскому, в Ближних пещерах, глас 4.
Труды и подвиги со страстьми по чистоте твоей видя, святе, / кто не удивится? / Глад бо, темницу и раны приемля, / не поработился еси сластем ляховицы, / но, яко царь, страстьми обладаяй, / ныне и тогда воспрославился еси от Всевидящаго человеческая сердца, / от Него же во искушениих всем пособствовати благодать прием, / пособствуй и нам, твою память чтущим, / Моисее преподобие.
(молиться об исцелении от разных болезней и недугов).
Тропарь священномученику Мокию, глас 4.
И нравом причастник, / и престолом наместник апостолом быв, / деяние обрел еси, Богодухновенне, / в видения восход; / сего ради, слово истины исправляя,/ и веры ради пострадал еси даже до крове, / священномучениче Мокие. / Моли Христа Бога / спастися душам нашим.
(прогнать лукавых духов, молиться об исцелении в расслаблении тела с бессонницей, потерей аппетита и лишением каких-либо членов).
Тропарь преподобному Никите, столпнику Переславльскому, глас 4.
Православным смыслом юношская возжеления возненавидев / и доблественныя нравы восприим, врага победил еси, / и во благоразумии Богу угодил еси, / и свыше от Него прием дар чудес, / бесы прогоняти, недуги исцеляти, / Никито преславне, / моли Христа Бога, да спасет души наша.
(молиться при болезнях ног).
Тропарь преподобному Нилу Столобенскому, глас 4.
Яко светильник всесветел, / явился еси во острове Селигера езера, / преподобие отче Ниле, / ты бо, крест Христов от юности своея на рамо взем, / усердно Тому последовал еси, / чистотою Богови приближився, / отонудуже и чудес дарованием обогатился еси. / Тем и мы, притекающе к раце мощей твоих, умильно глаголем: / отче преподобие, / моли Христа Бога / спастися душам нашим.
(молиться об исцелении глазных болезней).
Тропарь святителю Никите, затворнику Печерскому, епископу Новгородскому, глас 4.
Насладився, богомудре, воздержания / и желание плоти твоея обуздав, / на престоле святительства сел еси, / и яко звезда многосветлая, просвещая верных сердца / зарями чудес твоих, отче наш, святителю Никито, / и ныне моли Христа Бога, / да спасет души наша.
(прогоняет лукавых духов от людей и животных, молиться об изгнании бесов).
Тропарь преподобному Нифонту Кипрскому, глас 8.
В тебе, отче, известно спасеся еже по образу: / приим бо крест, последовал еси Христу, / и дея учил еси презирати убо плоть: преходит бо, / прилежати же о души, вещи безсмертней. / Темже и со ангелы срадуется, преподобие Нифонте, дух твой.
(молиться, чтоб не умереть внезапной смертью).
Тропарь преподобному Онуфрию Великому, глас 1.
Желанием духовным пустыни достигл еси, богомудре Онуфрие, / и яко безплотен в ней многолетне подвизался еси трудолюбие, / соревнуя пророкам Илии и Крестителю: / и от руку ангельску тайн божественных насладився, / ныне во свете Святыя Троицы купно с ними веселишеся. / Моли спастися нам, твою память почитающим.
(молиться об изгнании бесов).
Тропарь преподобному Павлу Препростому, глас 8.
В тебе, отче, известно спасеся еже по образу: / приим бо Крест, последовал еси Христу, / и дея учил еси презирати убо плоть, преходит бо, / прилежати же о души, вещи безсмертней. / Темже и со Ангелы срадуется, преподобие Павле, дух твой
(молиться о легкой смерти для тяжко больных).
Тропарь священномученику Панкратию, епископу Тавроменийскому, глас 8.
Яко стрела огнезрачная, / от Верховнаго послан был еси Тавроменийскому престолу / уязвляти безбожных злочестие, / верных же сердца просвещати, / яже боговещанными твоими словесы в вере утвердив / и течение совершив, пострадал еси до крове, / священномучениче Панкратие, / моли за вся, поющия память твою.
(молиться об исцелении детей, о разрешении бесплодия).
Тропарь великомученице Параскеве Пятнице, глас 4.
Премудрая и всехвальная Христова мученица Параскева, / мужескую крепость приимши, / женскую же немощь отвергши, / диавола победи и мучителя посрами, / вопиющи и глаголющи: / приидите, тело мое мечем ссецыте и огнем сожгите, / аз бо, радующися, иду ко Христу, Жениху моему / Тоя молитвами, Христе Боже, / спаси души наша.
(молиться об исцелении от лихорадки и трясовицы, горячки, о сохранении младенцев от внезапной смерти).
Тропарь Петру и Павлу, первоверховным апостолам, глас 4.
Апостолов первопрестольницы, / и вселенныя учителие, / Владыку всех молите / мир вселенней даровати / и душам нашим велию милость.
(молиться об исцелении от разных недугов и болезней).
Тропарь преподобному Пимену Многоболезненному, Печерскому, в Ближних пещерах, глас 5.
Богоноснаго Антония смиренномудрием подражая, / терпением Иову подобяся, / не исцеления от болезни, но паче протяжения тоя / желал еси себе, терпеливодушне Пимене, / да не како, здрав быв / и от места сего родительми исторжен, / сожития преподобных и чина их лишишися, / тем паче надежды от самих Ангел пострижен был еси, / с нимиже моли Христа Бога / спастися душам нашим.
(считается врачевателем глазных болезней).
Тропарь мученику Проклу, глас 4.
Мученик Твой, Господи, Прокл, / во страдании своем венец прият нетленный от Тебе, Бога нашего: / имеяй бо крепость Твою, / мучителей низложи, / сокруши и демонов немощныя дерзости. / Того молитвами / спаси души наша.
(молиться при обморожении).
Тропарь блаженному Прокопию, глас 4.
Иже на земли Христа ради волею в буйство преложися, / и мира сего красоты отнюд возненавиде, / и плотская играния увядив постом и жаждою / и на земли леганием, / от зимы студению и мразом, / и от зноя солнечнаго и дождя / и прочил тяготы никогда же уклонися под кров, / и на теле своем не имея одеяния,/ Божиею помощию покрываем, / и душу очистил еси добродетельми своими, яко злато в горниле, / Прокопие премудре, / с верою творящим память твою честно / и усердно притекающим к мощем твоим, / прославляюще твое святое успение, / Христу Богу молися, благоюроде, / да избавит ны Господь от варварскаго нашествия и междоусобныя брани / и мир мирови дарует / и душам нашим велию милость.
(врачеватель Божий, целитель душевных недугов).
Тропарь Архангелу Рафаилу, глас 4.
Небесных воинств Архангеле Рафаиле / молим тя мы недостоинии / да твоими молитвами оградиши нас от бед и напастей, / сохраняя нас припадающих прилежно и вопиющих / от недугов и всяких болезней избави нас, / яко чиноначальник выших сил.
(молиться о разрешении от бесплодия, прогоняет лукавых духов).
Тропарь преподобному Роману Антиохийскому, глас 8.
В тебе, отче, известно спасеся еже по образу: / приим бо крест, последовал еси Христу, / и дея учил еси презирати убо плоть, преходит бо, / прилежати же о души, вещи безсмертней. / Темже и со ангелы срадуется, преподобие Романе, дух твой.
(молиться об избавлении от скоропостижной или внезапной смерти).
Тропарь священномученику Садоку Персидскому, глас 4.
И нравом причастник, / и престолом наместник апостолом быв, / деяние обрел еси, Богодухновенне, / в видения восход; / сего ради слово истины исправляя, / и веры ради пострадал еси даже до крове, / священномучениче Садоке, / моли Христа Бога / спастися душам нашим.
(молятся о детях, воскрешал детей).
Тропарь преподобному Сергию, глас 4.
Иже добродетелей подвижник, / яко истинный воин Христа Бога, / на страсти вельми подвизался еси в жизни временней, / в пениих, бдениих же и пощениих образ быв твоим учеником, / темже и вселися в тя Пресвятый Дух, / Егоже действием светло украшен еси; / но, яко имея дерзновение ко Святей Троице, / поминай стадо, еже собрал еси, мудре, / и не забуди, якоже обещался еси, / посещая чад твоих, // Сергие, преподобие отче наш.
(молиться о покровительстве детей, об исцелении и о сохранении здравия младенцев).
Тропарь праведному Симеону Богоприимцу, праведному, глас 4.
Симеон старец днесь веселится, / восприят на руку свою Младенца Превечнаго Бога, / от уз плоти разрешится прося / и вопия: / видеста очи мои спасение Твое мирови.
(молиться при бесчадии и неплодстве).
Тропарь преподобному Стефану, в иночестве Симеону, царю Сербскому, Мироточивому, глас 3.
Божественною благодатию просветився, / и по смерти показуеши светлость жития твоего, / источаеши бо миро благоухания / притекающим к раце мощей твоих, / и люди твоя наставил еси к свету Богоразумия, / Симеоне отче наш, / Христа Бога моли / даровати нам велию милость.
(молиться об исцелении от лихорадки).
Тропарь священномученику Сисинию, глас 4.
И нравом причастник, / и престолом наместник апостолом быв, / деяние обрел еси, Богодухновенне, / в видения восход; / сего ради, слово истины исправляя, / и веры ради пострадал еси даже до крове, / священномучениче Сисиние. / Моли Христа Бога / спастися душам нашим.
(молиться об избавлении от заражения крови).
Тропарь мученику Смарагду Римскому, глас 4.
Мученик Твой, Господи, Смарагд, / во страдании своем венец прият нетленный от Тебе, Бога нашего: / имеяй бо крепость Твою, / мучителей низложи, / сокруши и демонов немощныя дерзости. / Того молитвами / спаси души наша.
(молиться об исцелении от лихорадки).
Тропарь святителю Тарасию, архиепископу Константинопольскому, глас 4.
Правило веры и образ кротости, воздержания учителя, яви тя стаду твоему, яже вещей истина, сего ради стяжал еси смирением высокая, нищетою богатая, отче Тарасие, моли Христа Бога спастися душам нашим.
(молиться об исцелении от разных недугов и болезней).
Тропарь мученику Фалалею Эгейскому, глас 4.
Мученик Твой, Господи, Фалалей, / во страдании своем венец прият нетленный от Тебе, Бога нашего: / имеяй бо крепость Твою, / мучителей низложи, / сокруши и демонов немощныя дерзости. / Того молитвами / спаси души наша.
(молиться об исцелении от грудных болезней и от болей в желудке).
Тропарь преподобному Феодору Студиту, исповеднику, глас 8.
Православия наставниче, / благочестия учителю и чистоты, / вселенныя светильниче, / монашествующих Богодухновенное удобрение, / Феодоре премудре, / ученьми твоими вся просветил еси, цевнице духовная, / моли Христа Бога спастися душам нашим.
(молиться об избавлении от болей в пояснице, при радикулите, болезнях почек и др.).
Тропарь преподобному Феодору Печерскому, Молчаливому, глас 8.
В тебе, отче, известно спасеся еже по образу: / приим бо крест, последовал еси Христу, / и дея учил еси презирати убо плоть, преходит бо, / прилежати же о души, вещи безсмертней. / Темже и со ангелы срадуется, преподобие Феодоре, дух твой.
(молиться об исцелении от глазных болезней).
Тропарь преподобному Ферапонту Монзенскому, глас 8.
Любовию Христовою, Богомудре, просветився и добродетельми, / сожительствовал еси Василию блаженному, / и, всякое наслаждение плотское возненавидев, / в пустыню вселился еси, / в ней же вельми подвизался еси в жизни сей временней, / плоть умерщвляя свою в пениих, и во бдениих, и в пощениих. / Темже и Христос даром чудес обогати тя, / но поминай убо нас, чтущих пресветлую память твою, / преподобие отче Ферапонте, / и моли Христа Бога спастися душам нашим.
(молиться об исцелении от лихорадки).
Тропарь мученице Фотине Самаряныне, глас 4.
Агница Твоя, Иисусе, Фатино, / зовет велиим гласом: / Тебе, Женише мой, люблю, / и Тебе ищущи страдальчествую и сраспинаюся и спогребаюся крещению Твоему и стражду Тебе ради, / яко да царствую в Тебе, и умираю за Тя, / да и живу с Тобою: / но яко жертву непорочную приими мя, с любовию пожершуюся Тебе. / Тоя молитвами, / яко милостив, спаси души наша.
(молиться об исцелении от разных недугов и болезней, от скоропостижной или внезапной смерти).
Тропарь священномученику Харалампию, глас 4.
Пострадавый мужески и мученический надевый венец, / священномучениче преславне Харалампие, / свободи раб твоих от губительства и всякаго зла, / напастей и бед, святе, / с любовию твое призывающих чудное имя.