главных молитв на деньги и материальное благополучие - читать бесплатно онлайн полную версию книги автора Наталия Берестова (Молитвы при материальных затруднениях и любых жизненных трудностях ко Господу Иисусу Христу) #6

Молитвы при материальных затруднениях и любых жизненных трудностях ко Господу Иисусу Христу

Даже если у вас перед глазами нет святого образа Спасителя, читайте эти молитвы, обращая свою душу к Всевышнему. Прибегайте к этим молитвословиям в любой сложной ситуации, и ваша просьба будет услышана. Однако не забывайте о том, что ответ на вашу молитву может быть не совсем таким, как вы ожидаете. И это повод задуматься – а действительно ли вам нужно то, о чем вы молите Господа? И загляните в свою душу – полна ли она любви и добра к другим людям, готовы ли сами в любой момент оказать помощь своему ближнему?

Какой бы ответ вы ни получили на свою молитвенную просьбу – принимайте его с благодарностью, и положившись на волю Божью.

Молитвы на помощь в любой беде

Молитва первая

Многомилостиве, и Всемилостиве Боже мой, Господи Иисусе Христе, многия ради любве сшел и воплотился еси, яко да спасеши всех. И паки, Спасе, спаси мя по благодати, молю Тя; аще бо от дел спасеши мя, несть се благодать и дар, но долг паче. Ей, многий в щедротах и невзреченный в милости! Веруяй бо в Мя, рекл еси, о Христе мой, жив будет и не узрит смерти во веки. Аще убо вера, яже в Тя, спасает отчаянныя, се верую, спаси мя, яко Бог мой еси Ты и Создатель. Вера же вместо дел да вменится мне. Боже мой, не обрящеши бо дел отнюд оправдающих мя. Но та вера моя да довлеет вместо всех, та да отвещает, та да оправдит мя, та да покажет мя причастника славы Твоея вечныя. Да не убо похитит мя сатана, и похвалится, Слове еже отторгнути мя от Твоея руки и ограды; но или хощу, спаси мя, или не хощу, Христе Спасе мой, предвари скоро, скоро, погибох: Ты бо еси Бог мой от чрева матере моея. Сподоби мя, Господи, ныне возлюбити Тя, якоже возлюбих иногда той самый грех; и паки поработати Тебе без лености тощно, якоже поработах прежде сатане льстивому. Наипаче же поработаю Тебе, Господу и Богу моему Иисусу Христу, во вся дни живота моего, ныне и присно, и во веки веков, аминь.

Молитва вторая

Господи! Се сосуд Твой семь: наполни мя дарованиями Духа Твоего Святого, без Тебя я пуст всякого блага, или паче полн всякого греха. Господи! Се корабль Твой семь: исполни мя грузом добрых дел. Господи! Се ковчег Твой: исполни его не прелестью сребролюбия и сластей, а любовию к Тебе и к одушевленному образу Твоему – человеку.

Молитва третья

Господи Иисусе Христе, Боже мой, покрый мя и раб твоих (имена) от злобы супостата нашего, зане сила его крепка, естество же наше страстно и сила наша немощна. Ты убо, о Благий, сохрани мя от смущения помыслов и потопа страстей. Господи, Пресладкий мой Иисусе, помилуй и спаси мя и рабов Твоих (имена).

Молитва четвертая

Тебе, Господи Боже мой, главу мою преклоняю, и во исповедании сердечном вопию: согреших, Господи, согреших на небо и пред Тобою, и несмь достоин просити от Тебе прощения; но Ты якоже блуднаго сына, помилуй мя, раба Твоего (имя), яко мытаря оправдай мя, и яко разбойника Царствия Твоего сподоби. Господи! Даждь мне зрети мои прегрешения, чтобы я не презирал грешников, мне подобных, и не питал к ним зла в сердце за грехи их, и сам бы себя презирал по достоинству, как грешника первого, сам к себе – к своему плотскому человеку – всегда питал непримиримую злобу.

Молитва пятая

О Господи, Иисусе Христе! Не отврати лица Твоего от нас, рабов твоих (имена) и уклонися гневом от рабов Твоих: помошник нам буди, не отрини нас и не остави нас.

Молитва шестая

Помилуй мя, Господи, и не даждь мне погибнуть! Помилуй мя, Господи, яко немощен есмь! посрами, Господи, борющаго мя беса. Упование мое, осени над главою моею в день брани бесовския! борющаго мя врага побори, Господи, и обуревающия мя помыслы укроти тишиною Твоею, Слове Божий!

Молитва ко Господу о прощении, заступлении и помощи

В руце Твоего превеликаго милосердия, о Боже мой, вручаю душу и тело мое, чувства и глаголы моя, советы и помышления моя, дела моя и вся тела и души моея движения. Вход и исход мой, веру и жительство мое, течение и кончину живота моего, день и час издыхания моего, преставление мое, упокоение души и тела моего. Ты же, о Премилосерде Боже, всего мира грехами непреодолеваемая Благосте, незлобиве, Господи, мене, паче всех человеков грешнейшаго, приими в руце защищения Твоего и избави от всякаго зла, очисти многое множество беззаконий моих, подаждь исправление злому и окаянному моему житию и от грядущих грехопадений лютых всегда восхищай мя, да ни в чемже когда прогневаю Твое человеколюбие, имже покрывай немощь мою от бесов, страстей и злых человеков. Врагом видимым и невидимым запрети, руководствуя мя спасенным путем, доведи к Тебе, пристанищу моему и желаний моих краю. Даруй ми кончину христианску, непостыдну, мирну, от воздушных духов злобы соблюди, на Страшном Твоем Суде милостив рабу Твоему буди и причти мя одесную благословенным Твоим овцам, да с ними Тебе, Творца моего, славлю вовеки. Аминь.

Молитвы о благополучии и достатке в доме

Молитва первая

Господи Иисусе Христе, Единородный Сыне, сый в недре Отчи, истинный Боже, Источниче жизни и безсмертия, Свете от Света, пришедый в мир, еже просветити его, озари нашу мысль Святым Твоим Духом, и приими нас, величество и благодарение Тебе приносящих, о яже от века дивных Твоих великодействиих, и еже в последния веки спасительном Твоем смотрении, в немже в наше немощное и нищее одеявся смешение, и работным мерам снизшедый, Иже всех Царю. Еще и рабскою рукою во Иордане креститися претерпел еси, да водное естество освятив, Безгрешне, путесотвориши нам, еже водою и Духом паки рождение, и к первому нас устроиши свобождению: егоже Божественнаго таинства воспоминание празднующе, молимся Тебе, Владыко Человеколюбче, воскропи и на ны недостойныя рабы Твоя, по Божественному Твоему обещанию, воду чисту, Твоего благоутробия дар, во еже над водою сею прошению нас грешных, благоприятну быти Твоею благостию, и благословению Твоему ею, нам же и всем верным людем Твоим дароватися, в славу святаго и покланяемаго Твоего имене. Яко подобает Тебе всякая слава, честь и поклонение, со Безначальным Твоим Отцем, и Пресвятым и Благим, и Животворящим Твоим Духом ныне и присно и во веки веков.

Молитва вторая

Владыко Господи! Твой есть день и Твоя есть нощь. Тебе вся тварь работает, и всякое дыхание славит Тя; мы же, окаянныя рабы Твоя (имена), все житие наше скончав блудно, страхом одержимы есмы, яко помянухом дни первыя, и доныне, в няже вся безместная сотворихом злая; и того ради не имамы к Тебе дерзновения, яко беззакония наша велика, и безмерни греси наша, врази же всегда стужают нам. Но, Господи наш, Господи, отверзый устне немому, и наша уста отверзи, да глаголем в молитве угодная Тебе; се бо, души наша яко земля безводная и не могут приносити о себе плода, но даждь нам от Семене Святаго Твоего Духа и напой нас росою благодати Твоея, да принесем Тебе плод покаяния. Господи Иисусе Христе, хотяй всем человеком спастися, услыши молитву нашу, молитвами святых апостол Твоих, яко тии молятся за ны, и теми у Тебе просим прощения, яко тех молитвы присно послушаеши; молением их спаси нас, грешных, исцели болезни сердец наших, уврачуй струпы душ наших, разжзи утробы наша пламенем страха Твоего, да пояст терние грехов наших, и души наша любовию прохлади, к Тебе бо желаем, Истинному Свету и Подателю Света, у Тебе Единаго просим милости, спаси ны: насыти алчущия и напой жаждущия души наша от потока безчисленнаго милосердия Твоего: покрый нас благодатию Твоего человеколюбия от всякаго зла, да Тобою храними, избавимся многих сетей лукаваго, по вся дни на нас пропинаемых, и да не похвалятся врази наши о нас, рабах Твоих, уповающих на Тя. Спаси нас по милости Твоей, да воздадим обеты наша, до последняго издыхания каяйся о своих согрешениих, и прославим пресвятое имя Твое, со Отцем и Святым Духом, ныне и присно и во веки веков. Аминь.

Тропарь на водоосвящение, глас 8

Глас Господень на водах вопиет, глаголя: приидите, приимите вси Духа премудрости, Духа разума, Духа страха Божия, явльшагося Христа. Тако глаголет Господь: почерпите воду с веселием от источник спасения. И речеши в день он: исповедайтеся Господеви, и призовите имя Его, возвестите во языцех славу Его: помяните, яко вознесеся имя Его. Пойте имя Господне, яко высокая сотвори: возвестите сия по всей земли. Радуйтеся и веселитеся живущии в Сионе, яко вознесеся Святый Израилев посреде его.

Молитва при любых затруднениях в делах

Столкнувшись с материльными трудностями или сложностями в делах (особенно если это связано с работой, бизнесом), обращайтесь к Господу словами 37-го Псалма.

Эта молитва помогает избавиться от чувства досады и разочарования, также от неприятия своих ближних и гнева на них. Слова этой молитвы – упование на волю Божью раскаивающегося грешника, его жажда покоя и прощения грехов, пробуждает в душе благоговейное чувство и дарит уверенность в неотступной Божьей помощи.

Чтение этого псалма – и хорошая защита от вмешательства в вашу жизнь темных сил и недоброжелателей.

Псалом 37

Господи, да не яростию Твоею обличиши мене, ниже гневом Твоим накажеши мене. Яко стрелы Твоя унзоша во мне, и утвердил еси на мне руку Твою. Несть исцеления в плоти моей от лица гнева Твоего, несть мира в костех моих от лица грех моих. Яко беззакония моя превзыдоша главу мою, яко бремя тяжкое отяготеша на мне. Возсмердеша и согниша раны моя от лица безумия моего. Пострадах и слякохся до конца, весь день сетуя хождах. Яко лядвия моя наполнишася поруганий и несть исцеления в плоти моей. Озлоблен бых и смирихся до зела, рыках от воздыхания сердца моего. Господи, пред Тобою все желание мое и воздыхание мое от Тебе не утаися. Сердце мое смятеся, остави мя сила моя, и свет очию моею, и той несть со мною. Друзи мои и искреннии мои прямо мне приближишася и сташа, и ближнии мои отдалече мене сташа и нуждахуся ищущии душу мою, и ищущи злая мне глаголаху суетная и льстивным весь день поучахуся. Аз же яко глух не слышах и яко нем не отверзаяй уст своих. И бых яко человек не слышай и не имый во устех своих обличения. Яко на Тя, Господи, уповах, Ты услышиши, Господи Боже мой. Яко рех: да не когда порадуют ми ся врази мои: и внегда подвижатися ногам моим, на мя велеречеваша. Яко аз на раны готов, и болезнь моя предо мною есть выну. Яко беззаконие мое аз возвещу и попекуся о гресе моем. Врази же мои живут и укрепишася паче мене, и умножашася ненавидящия мя без правды. Воздающии ми злая воз благая оболгаху мя, зане гонях благостыню. Не остави мене, Господи Боже мой, не отступи от мене. Вонми в помощь мою, Господи спасения моего.

Молитва о даровании благословения Господня на каждый день жизни

Ежедневная молитва святителя Филарета Московского

Господи, не знаю чего мне просить у Тебя. Ты один ведаешь, что мне потребно. Ты любишь меня паче, нежели я умею любить Тебя. Отче, даждь рабу Твоему, чего сам я просить не умею. Не дерзаю просить ни креста, ни утешения: только предстою пред Тобою. Сердце мое Тебе отверсто; Ты зришь нужды, которых я не знаю. Зри и сотвори по милости Твоей. Порази и исцели, низложи и подыми меня. Благоговею и безмолвствую пред Твоею святою волею и непостижимыми для меня Твоими судьбами. Приношу себя в жертву Тебе. Нету у меня другого желания, кроме желания исполнять волю Твою, научи меня молиться; Сам во мне молись! Аминь.

Филарет Московский (в миру – Василий Михайлович Дроздов), живший в XIX веке митрополит Московский и Коломенский, участвовавший в возведении Храма Христа Спасителя, на протяжении всей своей жизни трудившийся над переводом Ветхого и Нового завета на русский язык.

Мощи святителя находятся в кафедральном соборе Рождества Христова в Москве.

Молитвы перед началом любого дела

Приступая к любому делу, даже самому незначительному, остановитесь на минуту и прочтите слова молитвы, и благодать Господня не покинет вас.

Молитва первая

Господи Иисусе Христе, Сыне Единородный Безначальнаго Отца! Ты рекл еси пречистыми Твоими усты: яко без Мене не можете творити ничесоже. Господи мой, Господи, верою объем в души моей и сердце Тобою реченная, припадаю Твоей благости: помози ми, грешному, сие дело, мною начинаемо, о Тебе Самем совершити, во имя Отца и Сына и Святаго Духа. Аминь.

Молитва вторая

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Благослови, Господи, и помоги мне, грешному, совершить начинаемое мною дело, во славу Твою.

Господи, Иисусе Христе, Сыне Единородный Безначальнаго Твоего Отца, Ты бо рекл еси пречистыми усты Твоими, яко без Мене не можете творити ничесоже. Господи мой, Господи, верою объем в души моей и сердце Тобою реченная, припадаю Твоей благости: помози ми, грешному, сие дело, мною начинаемое, о Тебе Самом совершити, во имя Отца и Сына и Святаго Духа, молитвами Богородицы и всех Твоих святых. Аминь.

Молитва по окончании дела

Исполнение всех благих Ты еси, Христе мой, исполни радости и веселия душу мою и спаси мя, яко един Многомилостив, Господи, слава Тебе.

Достойно есть яко воистинну блажити Тя Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Завершив любое дело, обратитесь к Всевышнему и Пречистой Богоматери со словами благодарности. И даже если итог оказался не таким, как вы изначально рассчитывали, не ропщите, а положитесь на волю Божью – помните, что Господь все и всегда устраивает наилучшим для вас образом.

Молитва человека, занимающегося торговлей

Боже, богатый милостью и щедротами, в деснице Коего все сокровища мира! Устроением всеблагого Твоего Промысла мне суждено совершать куплю и продажу благ земных имеющим в них нужду и потребность. О Всещедрый, Премилосердный Боже! Осени своим благословением труды и занятия мои, сотвори меня нескудным живою в Тебя верою, соделай меня богатым на всякую, сообразную с Твоею волею, щедрость, и даруй мне тот прибыток, который на земле состоит в довольстве своим состоянием, а в будущей жизни отверзает двери милосердия Твоего! Да помилованный твоим благоутробием, прославляю Тебя, Отца и Сына и Святого Духа, во веки веков. Аминь.

В делах торговли далеко не все и всегда удается предусмотреть, нередко приходится уповать, как нам кажется, на удачу и счастливый случай, а на самом деле – на волю Господню. С молитвой начиная любое новое дело, мы просим Господа указать нам верный путь и уберечь от ошибок, просим послать встречи с честными людьми и оградить от дьявольских соблазнов и искушений.

Как и при любых молитвах о помощи, следует помнить, что благодать Господня будет пребывать только на делах тех людей, кто ведет их честно, и заботясь о благе ближних.

Молитва перед выходом из дома о помощи и защите на протяжении всего дня

Отрицаюся тебе, сатано, гордыни твоей и служению тебе, и сочетаюся Тебе, Христе, во имя Отца и Сына и Святаго Духа. Аминь. (И оградить себя крестным знамением.)

Для того чтобы все ваши дела за пределами дома удавались, чтобы встречи с людьми приносили пользу и радость, опасности обходили стороной, пред тем как вы переступите порог дома, вспомните о старинной русской православной традиции чтения небольшой молитвы для помощи и благословения каждого вашего шага.

Если же вы планируете на этот день какие-то особенно важные дела, тем более – связанные с работой и деньгами, вдумчиво и неторопливо прочтите эту молитву трижды.

Молитва для наставления на истинный путь всем святым и бесплотным Небесным Силам

Боже святый и во святых почиваяй, трисвятым гласом на небеси от Ангел воспеваемый, на земли от человек во святых Своих хвалимый: давый Святым Твоим Духом комуждо благодать по мере дарования Христова, и тою поставивый Церкви Твоей святей овы Апостолы, овы пророки, овы же благовестники, овы пастыри и учители, их же словом проповеди. Тебе Самому действующему вся во всех, мнози совершишася святии в коемждо роде и роде, различными добродетельми благоугодившии Тебе, и к Тебе нам образ добрых подвигов своих оставивше, в радости прешедшии, готови, в нем же сами искушени быша, и нам напаствуемым помогати. Сих святых всех воспоминая и их богоугодное похваляя житие, Тебе Самаго, в них действовавшаго, восхваляю, и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, паче те Твоею вседействующею благодатию, небесныя с ними сподобитися славы, хваляще пресвятое имя Твое, Отца и Сына и Святаго духа вовеки. Аминь.

С этой молитвой обращаются к Всевышнему, святителям Божьим за помощью в любом деле, особенно если вас мучают сомнения, вы никак не можете сделать выбор и опасаетесь совершить неверный шаг.

В сложной ситуации читайте эту молитву дважды в день, утром и вечером.

Призывание помощи Духа Святаго на всякое дело доброе

Эти небольшие молитвословия нужно читать каждый раз перед тем, как вы начнете какое-то новое дело.

Тропарь, глас 4

Творче и Создателю всяческих, Боже, дела рук наших, ко славе Твоей начинаемая, Твоим благословением спешно исправи, и нас от всякаго зла избави, яко един всесилен и Человеколюбец.

Кондак, глас 3

Скорый в заступление и крепкий в помощь, предстани благодатию силы Твоея ныне, и благословив укрепи, и в совершение намерения благаго дела рабов Твоих произведи: вся бо, елика хощеши, яко сильный Бог творити можеши.

Для защиты от недоброжелателей и помех в делах

Сила Святого Креста защищает нас на протяжении всей жизни от темных сил и недоброжелателей, помогает сохранить чистоту своей души, здоровье тела и благополучие жизни.

Читая эти молитвы, обязательно приложитесь губами к нательному кресту и осените себя крестным знамением. Это молитвословие читайте и в течение дня и обязательно – перед отходом ко сну.

Честный Животворящий Крест

Молитва первая

Кресте Честный, хранитель души и телу буди ми: образом своим бесы низлагая, враги отгоняя, страсти упражняя и благоговение даруя ми, и жизнь, и силу, содействием Святаго Духа и честными Пречистыя Богородицы мольбами. Аминь.

Молитва вторая

О Пречестный и Животворящий Кресте Господень! Древле убо был еси казни позорныя орудие, ныне же знамение спасения нашего присно почитаемое и прославляемое! Како достойне возмогу аз, недостойный, воспети Тя и како дерзну преклонити колена сердца моего пред Искупителем моим, исповедая грехи свои! Но милосердие и неизреченное человеколюбие Распеншегося на тебе смиренное Дерзновение подает ми, да отверзу уста моя воеже славити Тя; сего ради вопию Ти: радуйся, Кресте, Церкве Христовы красота и основание, всея вселенныя – утверждение, христиан всех – упование, царей – держава, верных – прибежище, Ангелов – слава и воспевание, демонов – страх, губительство и отгнание, нечестивых и неверных – посрамление, праведных – услаждение, обремененных – ослаба, обуреваемых – пристанище, заблудших – наставниче, одержимых страстьми – раскаяние, нищих – обогащение, плавающих – кормчий, слабых – сила, во бранех – победа и одоление, сирых – верное покровение, вдов – заступниче, дев – целомудрия охранение, ненадеянных – надежда, недужных – врач и мертвых – воскресение! Ты, прообразованный чудотворящим жезлом Моисея, животворный источник, напаяющий жаждущия духовныя жизни и услаждающий наши скорби; Ты – одр, на немже царственно почил тридневно Воскресший Победитель ада. Сего ради и утро, и в вечер, и полудне прославляю Тя, треблаженное Древо, и молю волею Распеншегося на Тебе, да просветит Он и укрепит Тобою ум мой, да открыет в сердце моем источник любве совершенней и вся деяния моя и путие мои Тобою осенит, да выну величаю Пригвожденнаго на Тебе, грех моих ради, Господа Спасителя моего. Аминь.

Молитва третья

Да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго и поправшаго силу диаволю, и даровавшаго нам тебе Крест Свой Честный на прогнание всякаго супостата. О, Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми вовеки. Аминь.