Древние Литургии

Последование Божественной литургии Святаго Апостола и Евангелиста Марка В редакции игумена Силуана (Туманова)

После пения славословия (отпуста) агрипнии священник в предшествии свещеносцев выходит на амвон и благословляет народ: Мир всем.

Хор: И духови твоему.

Диакон или чтец: Помолимся.

Хор, протяжно: Кирие, элейсон (трижды).

Священник (тихо):

Благодарим Тя, и паки благодарим усердно, Господи, Боже наш, Отче Господа и Бога и Спаса нашего Иисуса Христа за вся благодеяния Твоя на всяком времени и месте. Ты бо защищаеши, спасаеши, помогаеши, и наставляеши нас во вся дни жизни нашея. Ты бо привел еси нас в настоящий час, сподобив предстати пред Тобою во святем храме Твоем, да испросим прощение прегрешений наших и милость всему народу Твоему.

Просим и молим Тя, милостивый Боже, даруй нам по благости Твоей прейти день сей святый и вся дни жития нашего без греха, в совершенней радости, здравии, безо всякаго вреда, во святости и преподобии Твоем. Всякую же зависть, всякий страх, всякое искушение и действие сатаны, и всякое коварство злых людей, Господи, отжени от нас и от Святой Твоей Соборной и Апостольской Церкви. Даруй нам, Господи, вся благая и праведная. Всякий грех, содеянный нами или словом, или делом, или помышлением, прости нам по велицей Твоей милости. Не остави нас, Господи, уповающих на Тя, и не введи нас во искушение, но избави нас от лукаваго и рабства его, чрез благодать, милость и любовь Единороднаго Твоего Сына,

(Возглас) Чрез Него и с Ним (и в Нем) Тебе сила и слава подобает, со Пресвятым и благим и животворящим Твоим Духом, ныне и присно и во веки веков.

Хор: Аминь.

Священник: Мир всем.

Хор: И духови твоему.

Священник: Помолимся о властех державы нашей Российстей.

Хор, протяжно: Господи, помилуй (трижды).

Священник (тихо):

Владыко, Господи Боже, Отче Господа и Бога и Спаса нашего Иисуса Христа. Просим и молим Тя: даруй Главе Отечества нашего пребывати в мире, и да будет он справедлив и храбр. Покори ему, Боже всех врагов его и супостатов. Приими оружие и щит и восстани в помощь его. Даруй ему победы на враги, о Боже, утверди в мире сердце его, да восхвалит имя Твое Святое. Мы же в мирном правлении его тихое и безмолвное житие поживем во всяком благочестии и страхе Божием, чрез благодать и милость, и любовь Единородного Твоего Сына:

(Возглас) Чрез Него и с Ним (и в Нем) Тебе сила и слава подобает, со Пресвятым и благим и животворящим Твоим Духом, ныне и присно и во веки веков.

Хор: Аминь.

Священник: Мир всем.

Хор: И духови твоему.

Священник: Помолимся о Великом Господине и Отце нашем Святейшем Патриархе АЛЕКСИИ и о Господине нашем Высокопреосвященнейшем Архиепископе ... .

Хор, протяжно: Господи, помилуй (трижды).

Священник (тихо):

O Владыко, Господи Боже, Отче Бога и Господа и Спаса нашего Иисуса Христа. Просим и молим Тя: огради Своею милостию Великаго Господина и Отца нашего АЛЕКСИЯ, Святейшаго Патриарха Московскаго и всея Руси, и Господина нашего Высокопреосвященнейшаго ... , Архиепископа ... , и сохрани их в мире на многая лета.

По святой Своей и благословенной воле сподоби священных пресвитеров Твоих совершити свое служение и право правити слово истины вкупе со всеми епископами православными, пресвитерами, диаконами, иподиаконами, чтецами, певцами и мирянами в полноте тела святей Твоей и единой соборной Церкви. Милостивно даруй им мир, здравие и спасение.

Приими, Господи, молитвы, возносимые Тебе за нас и за них, к Твоему святому, небесному и мысленному жертвеннику. Всех же врагов Твоей Святой Церкви скоро им покори, через благодать, милость и любовь Единороднаго Твоего Сына,

(Возглас) Чрез Него и с Ним (и в Нем) Тебе сила и слава подобает со Пресвятым и благим и животворящим Твоим Духом, ныне и присно и во веки веков.

Хор: Аминь.

Священник: Мир всем.

Хор: И духови твоему.

Диакон или чтец: Восстаните на молитву.

Хор, протяжно: Господи, помилуй (трижды).

Священник (тихо) читает молитву входа и фимиама:

О Владыко Господи, Боже наш, избравший двенадцать апостолов яко двенадцать светильников и давший им силу благовестия, весь мир научая Евангелию Царствия Твоего, исцеляти недужныя и немощныя среди человеков. Вдохнувший в лица их и рекший: приимите Духа Святаго Утешителя, и кому отпустите грехи, тому отпустятся, на ком оставите грехи - на том останутся. Вдохнувший также Духа Святаго и в нас, служителей Твоих, окрест предстоящих святыне Твоей, ожидая входа к святей Твоей службе вкупе с епископами, пресвитерами, диаконами, чтецами, певцами и мирянами по всей земли - полнотою тела Святой Твоей, Соборной и Апостольской Церкви.

От отлучения, и проклятия, осуждения, темничных уз и изгнания и от участи диавола, Господи, избави нас. Очисти наши жизни и сердца от всякия скверны и злобы, да с чистым сердцем и совестью принесем Тебе благоуханное кадило сие во оставление наших грехов и грехов всего народа Твоего, чрез благодать, милость и любовь Единороднаго Твоего Сына (влагает фимиам в кадило и кадит во святых вратах),

(Возглас) Чрез Него и с Ним (и в Нем) Тебе сила и слава подобает, со Пресвятым и благим и животворящим Твоим Духом, ныне и присно и во веки веков.

Хор: Аминь.

Диакон или чтец: Восстаните.

Хор поёт гимн "Единородный Сыне…"

Диакон или чтец подносит священнику Евангелие на плате (покрове). Священник кадит его, отдает кадило и принимает Евангелие. После пения священник творит крест Евангелием и произносит: Господу помолимся. (Премудрость прости.)

Хор поёт тропарь праздника. Священнослужители входят в алтарь.

Священник: Мир всем.

Хор: И духови твоему.

Диакон или чтец: Господу помолимся.

Хор: Господи, помилуй.

Священник (тихо) читает молитву Трисвятого:

О Владыко Господи Иисусе Христе, совечное Слово Превечнаго Отца, сотворивший вся без греха. Ради спасения человека пославший святых Своих учеников и апостолов проповедовать, научая Евангелию Твоего Царствия и исцеляя всякий недуг и всякую язву в людях. Буди милостив ныне, о Господи. Пошли свет Твой и истину Твою и просвети очи ума нашего к разумению божественных словес Твоих. Даруй нам быти слышателями, и не только слышателями, но же делателями Твоего слова, да принесем достойные дары и благие плоды от тридесяти к сотенному стаду, и да достойны будем Царствия Небеснаго.

(Возглас) Да приидет скоро милость Твоя на нас, о Господи. Яко Ты еси благовеститель, Спас и Хранитель душ и телес наших и Тебе славу, благодарение и трисвятую песнь возсылаем, Отцу и Сыну и Святому Духу, ныне и присно и во веки веков.

Хор: Аминь. и Трисвятое.

Затем священник благословляет: Мир всем.

Хор: И духови твоему.

Чтец: К (имя) послания святаго апостола Павла чтение.

Священник: Вонмем.

Читается Апостол. Диакон или алтарник, подавая кадило, тихо произносит: Господи, благослови.

Священник, влагая фимиам, тихо благословляет кадило:

Да благословит нас Господь Своею милостию и да поможет нам ныне и присно и во веки веков.

Приими к Твоему святому, небесному и умному алтарю, о Господи, кадило, еже приносим священной славе Твоей. Ниспошли нам благодать Святого Духа, яко благословен еси, и да оградит нас слава Твоя.

Принимает кадило и кадит по обычаю.

После чтения сразу поется Аллилуйя.

Диакон или чтец после пения:

Господи, благослови.

Священник: Да благословит и укрепит нас Господь, благословенный Бог, и сотворит нас слышателями Святаго Своего Евангелия, ныне и присно и во веки веков. Аминь.

Священник: Премудрость, прости, услышим Святаго Евангелия. Мир всем.

Хор: И духови твоему.

Священник: От (имя) Святаго Евангелия чтение.

Хор: Слава Тебе, Господи, слава Тебе.

Священник: Вонмем, и читает Евангелие.

Хор после чтения: Слава Тебе, Господи, слава Тебе.

Произносится проповедь.

Священник: Господу помолимся.

Хор: Господи, помилуй.

Священник тихо:

Призри милостивым состраданием, Господи, и исцели болящих в народе Твоем. Даруй путешествующим братиям нашим во Отечестве нашем и за пределами его безо всякаго вреда всякое нужное им благое дело сотворити во благовремении. Ниспошли щедрыя дожди на жаждущие земли, и сотвори реки полноводными, по милости Твоей. Плоды земли Твоея наполни семенами и умножи их во всяком изобилии.

В мире, храбрости, правосудии и спокойствии сохрани державу раба Твоего(имя), егоже поставил еси правити страной нашей. От злых дней, голода, недуга, нашествия иноплеменных, защити, Господи, сей христолюбивый град, смиренный и недостойный Твоего сострадания, якоже древле пощадил еси Ниневию. Ты бо еси исполнен милости и сострадания и не помянеши беззакония людей Твоих. Ты бо рекл еси через пророка Исаию: "защищу град сей, спасу его Мене ради и раба Моего Давида". Сего ради просим и молим Тя: огради милостивно сей град, ради мученика, апостола и евангелиста Марка, показавшего нам путь спасения, чрез благодать, милость и любовь Твоего Единороднаго Сына,

(Возглас) Чрез Него и с Ним (и в Нем) Тебе сила и слава подобает, со Всесвятым, благим и животворящим Твоим Духом во веки веков.

Хор: Аминь.

Диакон или чтец: Помолимся.

Хор: Господи, помилуй.

Священник, тихо:

О Владыко, Всемогущий Боже, Отче Господа нашего Иисуса Христа! Просим и молим Тя: исполни сердца наши миром небес, наипаче же даруй мир жизни нашей.

Сохрани на многая лета Великаго Господина и Отца нашего, Святейшаго Патриарха АЛЕКСИЯ и Господина нашего Высокопреосвященнейшаго Архиепископа ..., и по Твоей святой и благословенной воле мирно сподоби их совершити свое служение и право правити слово истины вкупе со всеми православными епископами, пресвитерами, диаконами, чтецами, певцами и мирянами - полнотой тела Святей Твоей, Соборной и Апостольской Церкви. Благослови собравшихся зде, Господи. Даруй нам и впредь собираться по святей Твоей воле. Буди милостив и даруй нам и рабам Твоим будущим храмы хваления и молитвы навеки.

Воскресни, Господи, и да расточатся враги Твои, и да бежат все ненавидящи Святое имя Твое. Благослови Твой верный и православный народ. Умножи их тысячами и десятками тысяч. Не дай смертным грехам одолеть святой народ Твой. Чрез благодать, милость и любовь Твоего Единороднаго Сына,

(Возглас) Чрез Него и с Ним (и в Нем) Тебе сила и слава подобает, со Всесвятым, благим и животворящим Твоим Духом во веки веков.

Хор: Аминь.

Священник: Мир всем.

Хор: И духови твоему.

Диакон или чтец: Да никто от оглашенных.

Затем поется Херувимская песнь "Да молчит всякая плоть…". Священник кадит алтарь и молится:

О Господи, Боже наш! Не имеющий нужды ни в чем. Приими кадило сие, недостойною рукою моею Тебе приносимое, приведи нас к досточтимому жертвеннику Твоему и соделай нас достойными Твоего благословения, яко Ты еси освящение наше и Тебе славу возсылаем.

Если не было проскомидии до литургии, то священник здесь с обычными молитвами полагает большую просфору на дискос и вливает вино с водою в чашу. Затем с каждением покрывает все покровами.

Предложение переносится с обычным поминовением на престол, затем священник молится:

О святый, высший, внушающий трепет Боже, во святых почиваяй. Освяти нас и сотвори нас достойными Твоего честного пресвитерства. Даруй нам приступить к честному жертвеннику Твоему с доброй совестью, и очисти сердца наши от всякия скверны. Отжени от нас всякое нечистое помышление и освяти нашу душу и ум. Даруй нам в преподобии совершити служение святых отцов наших и молитися Тебе на всякое время.

Яко Ты благословляеши и освящаеши всяческая, и Тебе славу и благодарение возсылаем.

Диакон или чтец после пения Херувимской:

Приветствуйте друг друга.

Священник приветствует стоящих в алтаре и в храме словами: Христос посреде нас.

Все отвечают: И есть и будет.

Священник: В единомыслии исповедуем.

Хор: Отца и Сына и Святаго Духа, Троицу Единосущную и Нераздельную. Священник тихо читает молитву приветствия:

О Владыко, Вседержителю Господи! Призри с небесе на Церковь Твою, на весь народ Твой, и на всю паству Твою. Спаси всех нас, недостойных рабов Твоих, овец стада Твоего. Даруй нам Твой мир, Твою помощь и Твою любовь и пошли нам дар Святаго Твоего Духа, да с чистым сердцем и благой совестью приветствуем друг друга священным лобзанием, без лицемерия и вражды, но в простоте души и чистоте во едином духе, в союзе мира и любви, в едином теле и духе, в единой вере взывая в единой надежде нашего призывания, да соединимся в божественной и безмерной любви во Христе Иисусе, Господе нашем, с Нимже благословен еси.

Затем священник кадит престол и молится:

Кадило приносим Твоему имени. Да вознесется оно, молим Тя, от рук Твоих бедных и грешных рабов к небесному жертвеннику Твоему благоуханием и умилостивлением за весь народ Твой.

Возглас: Яко вся слава, честь, поклонение и благодарение подобает Тебе, Отцу и Сыну и Святому Духу, ныне и присно и во веки веков (отдает кадило).

Хор: Аминь.

Затем диакон или чтец возглашает: Восстаните и сотворите должное приношение.

Священник крестит дискос и чашу, начиная петь с народом Символ веры.

Затем диакон или чтец: Восстаните на молитву.

Священник: Мир всем.

(Хор: И духови твоему).

Диакон или чтец: Помолимся за приносящих.

Хор: Господи помилуй.

Священник:

О Владыко Господи, Христе Иисусе, Слове, равный по власти Безначальному Отцу и Святому Духу, великий Архиерей, хлеб, нисшедший с небес и спасший души наши от тления, давший Себя Самого, яко непорочнаго Агнца за жизнь мира.

Просим и молим Тя, Господи. По милости Твоей пребуди в хлебе сем и чаше сей, предлежащих на святом престоле Твоем, егоже яко ангелы и архангелы обстоят окрест ныне и священнослужители Твои, служа славе Твоей во обновление душ наших,

Возглас: чрез благодать, милость и любовь Единороднаго Твоего Сына, через Негоже и с Ним Тебе слава и сила подобает во веки веков.

Хор: Аминь.

Священник благословляет народ:

Господь со всеми вами.

Хор: И со духом твоим.

Священник: Вознесем сердца.

Хор: Вознесем ко Господу.

Священник: Возблагодарим Господа.

Хор: Достойно и праведно.

Священник:

Господи, Боже, Владыко и Всемогущий Отче, воистину достойно и праведно, свято и должно и благо для душ наших Тя хвалити, Тя благословити, Тя благодарити, исповедатися днем и нощию неустанным гласом, устами и сердцем Тебе, сотворшему небеса и яже в них, землю и яже на ней. Море, источники, реки, озера и вся, яже в них. Тебе, по образу Своему и подобию сотворившему человека, емуже даровал еси Рая сладость. И не пренебрегл еси согрешившим Тебе и не оставил его, Блаже Господи, но воззвал еси его законом Твоим, наставил чрез пророков Твоих, восставил и обновил еси его Твоими страшными, жизнеподательными и небесными таинствами.

И вся сия сотворил еси через Твою мудрость и Свет истины, Единороднаго Твоего Сына, Господа и Бога и Спаса нашего Иисуса Христа, чрез Него же благодарим Тя с Ним и со Святым Духом, и приносим сию умную и бескровную жертву, которую все народы от востока до запада солнца, от севера и юга, приносят Тебе, Господи. Яко велико есть имя Твое среди всех людей, и на всяком месте каждение, жертва, приношение и благодарение приносится Святому имени Твоему.

Просим и молим Тя, человеколюбче и блаже Господи, помяни милостиво Единую святую, соборную и апостольскую церковь по всему миру и весь народ Твой и всех овец Твоего стада. Удостой сердца всех нас мира небеснаго и умири жизнь нашу.

Путеводи и направи во всяком мире власти, палату, воинство, судей, людей и ближних наших, и все входы и исходы наши.

О Царю мира, даруй нам Твой мир в единстве и любви. Да будем мы Твоими, Господи, яко несть иного Бога разве Тебе, и иного имени имже спасемся, кроме Твоего. Даруй жизнь душам нашим и не попусти смертным грехам овладеть нами и всем народом Твоим. Призри в милости и сострадании, Господи, и исцели болящих в народе Твоем. Избави их и нас, о Господи, от всякой болезни и немощи и отжени от нас дух зла и лукавства.

Восстави со одра болезни долго страждущих, и исцели обуреваемых злыми духами.

Помилуй пребывающих в заключении, рудниках, искушениях, осуждениях, ссылке и горьких работах и дани. Избави их, Господи, яко Ты еси Бог наш, пленныя свобождаяй, возводяй низверженныя, дающий надежду безнадежным и помогающий беспомощным, восставляющий падших, дающий пристанище в кораблекрушениях и отмщение угнетенным.

Помилуй, облегчи и возврати каждую христианскую душу страждущую и странствующую. Сам, Господи, Врачу душ и телес наших, хранителю всякой плоти! Призри и спасительной Своей силой исцели всех болящих душою и телом.

Направь и споспешествуй братьям нашим путешествующим в отечестве нашем и за пределами его. Шествующих по земле или воде или небе приведи в тихую и спокойную гавань. Милостив будь им на суше и на море и здравыми и радостными возврати каждого из них в радостные и благополучные дома их.

Присно огради, Господи, путь наш через всю жизнь сию от волнения и бури. Ниспошли богатые и обильные дожди на сухую и жаждущую землю.

Возрадуй и обнови лице земли источниками и возвесели каплями дождя и разливом воды. Соделай реки полноводными. Наполни каналы потоками и умножи плоды земли. Благослови, Господи, плоды земли, и сохрани их безопасны и невредимы. Наполни их семенами и умножи урожай их.

Благослови ныне, Господи, венец лета Твоего благословения ради бедного народа Твоего - вдов, сирот и странников, и ради всех нас, уповающих на Тя и призывающих Твое святое имя. Очи бо всех на Тя, Господи уповают, и Ты даеши им пищу во благовремение.

Дающий пищу всякой плоти! Исполни сердца наши радости и веселия на всякое время, даруй всякий достаток, да будем готовы на всякое доброе дело во Христе Иисусе, Господе нашем.

О Царю царей и Господи господ, защити правление Твоего раба, нашего православного и Христолюбивого Главы (имя), Егоже удостоил править страною сей в мире, храбрости и справедливости. Покори под ноги его, о Господи, всякого врага и супостата в отечестве нашем и за пределами его. Приими оружие и щит и востани в помощь его. Изыми меч Свой и помоги ему побороть борющих его. Защити его в день битвы. Милостив будь ему, Господи, ради святой Твоей и Апостольской Церкви и всего Твоего Христолюбивого народа, да и мы в мирное правление его тихое и безмолвное житие поживем во всяком благочестии, святости и чистоте.

О Господи Боже наш! Даруй мир душам усопших во Иисусе отцов и братий наших, помяни наших древних праотцев, отцев, патриархов, пророков, апостолов, мучеников, исповедников, епископов и души всех святых и праведников, умерших о Господе.

Изрядно помяни святых(имя), ихже память ныне совершаем, и святаго апостола, и евангелиста, и отца нашего Марка, показавшего нам путь спасения.

Диакон или пономарь, поднося заупокойные диптихи (записки) и кадило священнику:

Господи, благослови нас.

Священник, благословляя: Господь да благословит тя Своею благодатию ныне и присно и во веки веков. Упокой, Господи, души усопших раб Твоих…

И читает поминальные записки об усопших.

Хор протяжно поёт: Господи помилуй (трижды).

Затем кланяется и молится, кадя:

Даруй мир, о Владыко Господи, Боже наш, душам всех, обитающих в селении святых Твоих. Милостивно даруй им обещанное блаженство во Царствии Твоем, егоже око не видело, ни ухо не слышало, ни входило в сердца человеческие еже уготовал еси, Боже, любящим святое имя Его. Даруй мир душам их, и удостой их царствия небеснаго. Даруй нам христианскую кончину жизни нашей приятную Тебе и безгрешную, и подай нам часть и наследие со всеми святыми Твоими.

Приими, Боже, чрез служащих Тебе архангелов,ко святому Твоему, небесному и мысленному жертвеннику в Небе небес, благодарение принесших Тебе жертву и приношение, и тех, кто желал принести более и менее, тайно или явно, но не возмогох. Приими приношение благословною виною отшедших и благодарение предстательствующих за них в день сей, якоже приял еси дары праведнаго Авеля. Якоже приял еси жертву отца нашего Авраама, кадило Захарии, милостыню Корнилия, и вдовы две лепты, приими также благодарение их и даруй им вместо земных даров небесные, и вместо временных вечные (отдает кадило).

Сохрани, Господи, Великаго Господина и Отца нашего АЛЕКСИЯ, Святейшаго Патриарха Московскаго и всея Руси, егоже поставил еси пасти Святую Твою, Соборную и Апостольскую Церковь, и Господина нашего Высокопреосвященнаго ..., Архиепископа ..., имже даруй многая лета мира по Твоей святой и блаженной воле. Сподоби их должно и верно проповедати слово Твоея истины.

Помяни, Господи, всех епископов православных, пресвитеров, диаконов, иподиаконов, чтецов, певцов, монахов, дев, вдов и мирян (имена).

Здесь читаются поминовения о живых.

Хор протяжно поёт: Господи помилуй (трижды).

Помяни, Господи, святой Град нашего Бога Иисуса Христа Иерусалим, и царствующий град наш Москву, и град сей ..., и вся грады и страны, и даруй мир и безмятежие в них живущим православным христианам.

Помяни, Господи, возвращение отпадших и всякую христианскую душу, озлобленную и угнетенную, и нуждающуюся в Твоей божественной милости и помощи. Помяни, Господи, братий наших плененных. Даруй им обрести милость и сострадание у пленивших их.

Помяни и нас, Господи, Твоих грешных и недостойных рабов, и изглади грехи наши по благости и милости Твоей.

Помяни и меня, Твоего смиренного, грешнаго и недостойного раба, и по милости Твоей изглади грехи моя. Буди, Господи, с нами, служащими святому имени Твоему.

Благослови нашу Церковь, Господи. Совершенно искорени идолослужение с лица земли. Покори под ноги наши сатану и вся его нечистое действия. Смири ныне, яко прежде, врагов Церкви Твоея. Скоро отыми силу их. Посрами гордыню их. Ни во что же вмени злобные наветы сопротивных.

Воскресни, Господи, да расточатся враги Твои и да бежат все ненавидящии святое имя Твое. Благослови тысячи тысяч Твоих верных и православных христиан, творящих святую волю Твою.

Диакон или чтец: Сидящие востаните.

Священник: Освободи плененных, спаси бедствующих и голодающих, утеши малодушных, обрати заблуждающихся, просвети во тьме сущих, восстави падших, утеши колеблющихся, исцели болящих и приведи всех нас, Блаже Господи, на путь спасения во святое Твое стадо. Избави нас от наших беззаконий, защити и сохрани на всякое время.

Диакон или чтец: На востоки зрите.

Священник кланяется и молится:

Яко Ты еси превыше всякаго царствия и силы и власти и владычества, и всякаго именованного имени не токмо в мире сем, но и в грядущем. Окрест тебе предстоят тьмы тем святых ангелов, духов архангелов, честнейших и многоочитых херувимов и шестикрылых серафимов. Двема крыльями лица закрывающих, двема ноги покрывающих, двема летающих и вопиющих един ко другому вечный глас хвалы и славы Тебе, о Господи, возгласно воспевая победную и трисвятую песнь великой славе Твоей:

(Возглас) Ты бо присно освящаеши всякого человека, и со всеми, славословящими Тя, приими, Владыко Господи, наше освящение, с ними празднующе Твою хвалу и восклицающе:

Хор: Свят, Свят, Свят Господь Саваоф, исполнь небо и земля славы Твоея. Осанна в вышних, благословен грядый во имя Господне, осанна в вышних.

Священник творит звездицей знак креста над святыми Тайнами:

Воистину небо и земля полны славы Твоея через явление Господа и Бога и Спаса нашего Иисуса Христа. Исполни, Боже, жертву сию благословением Твоим чрез наитие Твоего всесвятаго Духа.

Яко Сам Господь, Бог наш и Царь всех Иисус Христос на вечери в ночь, в нюже предал Себя за грехи наши и умер плотию за всех, взял хлеб во Свои святые, пречистые и непорочные руки, возвел очи ко Отцу Своему, Богу нашему и Богу всяческих, возблагодарил, благословил, освятил и преломил хлеб, подал его святым Своим и блаженным ученикам и апостолам, возгласив:

(Возглас) Приимите, ядите.

Диакон или чтец: Молитеся усердно.

Священник, указывая рукою на Св. Хлеб: Сие есть Тело Мое, еже за вас ломимое и разделяемое во оставление грехов.

Хор: Аминь.

Священник:

Тем же образом после вечери, Господь принял чашу вина, смешанного с водою, возвел очи Свои к Тебе, Отцу Своему, Богу нашему и Богу всяческих, благодарил, благословил и исполнил чашу Духа Святаго, подал ю святым Своим и блаженным апостолам, рек:

(громче) Пийте от нея вси

Диакон или чтец: Паки молитесь усердно.

Священник, указывая рукою на Св. Чашу: Сия есть Кровь Моя Новаго Завета, яже за вас и за многих изливаемая и раздаваемая во оставление грехов.

Хор: Аминь.

Священник: Сие творите в Мое воспоминание. Всякий раз, егда вкушаете от хлеба сего и пиете чашу сию, смерть Мою возвещаете и воскресение Мое исповедаете и вознесение до дня пришествия Моего.

О Владыко и Вседержителю Господи, Царю Небесный! Возвещая ныне смерть Единороднаго Твоего Сына, Господа, и Бога, и Спаса нашего Иисуса Христа, и исповедуя Его благословенное воскресение из мертвых в третий день, дерзновенно возвещаем Его на небеса возшествие и одесную Тебе, Бога и Отца, седение, ожидая Его второе и страшное пришествие, егда приидеши судити праведно живых и мертвых и воздати каждому человеку по делам его.

О Господи, Боже наш! Приносим Тебе Твоя от Твоих милостей. Просим и молим Тя, Блаже и милостиве Боже, ниспосли с небесе святаго Твоего, от святого жилища Твоего, и от Твоих бесконечных недр, Самого Утешителя, святаго, сильнаго и животворящего Духа истины, глаголавшего чрез закон, апостолов и пророков. Иже везде Сый и вся исполняй, обильно освящающий, в Немже и пребудет по велицей Твоей милости. Единый по природе, многообразный в дарованиях, источник божественного благословения; единосущный Тебе и исходящий от Тебя, сидящий с Тобою на троне Твоего Царствия, и с Единородным Твоим Сыном, Господом и Богом и Спасом нашим Иисусом Христом. Ниспошли на нас, и на Хлеб сей и на чашу сию Духа Святаго Твоего, да всесильным и божественным действием освятит и преложит их, и сотвори хлеб сей телом (благословляет Св. Хлеб)

Хор: Аминь.

Священник: И чашу сию Кровью Новаго Завета истиннаго Господа и Бога и Спаса и Всецаря Иисуса Христа (благословляет Св. Чашу) .

Диакон или чтец: Преклонитесь.

Священник:

Всех же нас, причащающихся из нея, утверди в вере, здравии, трезвении, умеренности, освящении, обновлении души, тела и духа, причастии блаженства вечной жизни и безсмертия, славы Твоего наисвятейшаго имени и оставления грехов, да Твое святое, драгоценное и славное имя восхвалится и прославится в сем, как и во всяческих.

Хор: Якоже было и есть.

Священник: Мир всем.

Хор: И духови твоему.

Диакон или чтец: Помолимся.

Хор: Господи помилуй.

Священник тихо: О Боже света, Отче жизни, Виновниче благодати, Творче миров, Источниче знания, Подателю мудрости, Сокровище святости, Учителю чистой молитвы, Благодетелю душ наших. Давший нам, малодушным, возложить упование свое на Тя, причащаясь тайнам, ихже ангелы созерцати чают. О Владыко Господи, изведший нас из глубины тьмы ко свету, преведший нас от смерти к жизни, милостивно даровавший нам свободу от рабства, рассеявший в нас темноту греха, чрез пришествие Единороднаго Твоего Сына, сотвори ныне также чрез посещение Твоего Всесвятаго Духа, просвети умные наши очи, да без боязни осуждения причастниками будем Твоея небесныя и безсмертныя пищи, и совершенно освяти наши души, тела и духи.

(Возглас) И сподоби нас, Владыко Господи, по милости Твоей со святыми Твоими учениками и апостолами, без принуждения, без страха осуждения, с чистым сердцем и просвещенною душею, с лицем непостыдным и освященными устами, смети называти Тя, Святаго Бога, иже на небесех, Отцом нашим, и глаголати:

Все читают (поют) Молитву Господню.

Священник, тихо: Поистине, Господи, Господи, не введи нас во искушение, но избави нас от лукаваго, зрим бо, по преобильной милости Твоей, великую немощь нашу и не можем противостати ему. Даруй нам путь, на немже возможем противостати искушениям, яко даровал еси нам силу попирати змею и скорпиона и всю силу вражию.

(Возглас) Яко Твое есть Царство и сила и слава во веки веков.

Хор: Аминь.

Священник: Мир всем.

Хор: И духови твоему.

Диакон или чтец: Главы ваши ко Господу Иисусу преклоните.

Хор, протяжно: Тебе, Господи.

Священник, тихо: О Владыко, Всемогущий Боже, сидящий на херувимех и славословимый серафимами, сотворивший небеса из воды и покланяемый хором звезд; положивший бестелесные души ангелов в вышних небесах присно воспевати хвалу Тебе. Пред Тобою преклоняем наши души и тела, освобожденные от бремени страстей. Молим Тя, отврати темные напасти греха от разума нашего и возрадуй наш ум божественным сиянием Святого Духа Твоего, да исполняемии ведением Твоим, сподобимся причастия милостей, преподанных нам: Пречистого Тела и драгоценной Крови Единороднаго Твоего Сына, Господа и Бога и Спаса нашего Иисуса Христа. Прости все грехи наши по обильной Твоей и неизреченной благостыне, через благодать, милость и любовь Единороднаго Твоего Сына,

(Возглас) Чрез Него и с Ним (и в Нем) Тебе сила и слава подобает, со Пресвятым и благим и животворящим Твоим Духом, ныне и присно и во веки веков.

Хор: Аминь.

Священник: Мир всем.

Хор: И духови твоему.

Диакон или чтец: Со страхом Божиим.

Священник:

О святый, высший, страшный Боже, во святых почиваяй. Освяти нас словом Твоея благодати и нашествием Твоего Всесвятаго Духа, якоже рекл еси, Господи Боже наш: "будьте святы, якоже Аз Свят". О Слове Божий, явленный прежде всех век, Единосущный и Совечный со Отцем и Святым Духом, совладычествующий. Приими чистую песнь херувимов и серафимов, победно воспеваемую недостойными устнами Твоих грешных и недостойных рабов.

Хор: Кирие, элейсон (трижды).

Священник возглас: Святая святым!

Хор: Един Отец Свят, Един Сын Свят, един Дух Свят, во единстве Святаго Духа. Аминь.

Диакон или чтец: Во спасение и помощь.

Священник: Господь да будет со всеми вами.

Хор: И со духом твоим.

Затем священник преломляет Св. Хлеб со словами:

Хвалите Господа.

Хор поёт 150-й псалом.

(Здесь можно закрыть врата и завесу)

Священник разделяет Св. Хлеб по количеству причастников, говоря: Господь да благословит нас и поможет нам по велицей Своей милости.

Диакон или алтарник: Повели.

Священник, вливая теплоту в чашу: Дух святый повелевает и освящает.Виждь освященное и преложенное.

Диакон или алтарники: Един Отец Свят, Един Сын Свят, Един Дух Свят, во единстве Святаго Духа. Аминь.

Священник у престола благословляет стоящих в алтаре и в храме: Господь со всеми вами.

Диакон или алтарники: И со духом твоим.

Священник молится по обычаю: Вечери Твоея тайныя… или

Якоже елень жаждет источники водныя, тако и душа моя, Господи, к Тебе чает и на Тя уповает. Даруй мне, недостойному иерею (имя), Владыко, по великому человеколюбию Твоему достойно причаститися святых и животворящих таин Твоих не в осуждение, ни в тяжесть, ни в муку, но во оставление грехов и в жизнь вечную, аминь.

И причащается по обычаю, или с древней молитвой: Святое Тело. Аминь и Честная Кровь Господа и Бога и Спаса нашего. Аминь.

Священник выходит на амвон с чашей (если есть диакон или второй священник, то он выходит с дискосом) и молится: Сам, Господи, благослови сие.

Хор: Благословен Грядый во имя Господне, Бог Господь и явися нам.

Священник читает молитву перед причащением и затем причащает мирян раздельно или с лжицей.

Когда преподает Хлеб, говорит: Святое Тело. Или: Раб Божий (имя) причащается святаго тела Господа и Бога и Спаса нашего Иисуса Христа. И когда дает Чашу, говорит: Честная Кровь Господа и Бога и Спаса нашего.

Хор поёт во время причащения: Хлеб небесный и чашу жизни вкусите и видите, яко Благ Господь.

После причащения: Аллилуия (трижды) и 33-й псалом. В это время священник относит чашу и дискос на жертвенник, потребляет Св. Тайны, возвращается к престолу и складывает антиминс по обычаю.

После пения диакон или чтец возглашает:

Восстаните на молитву.

Священник: Мир всем.

Хор: И духови твоему.

Диакон или чтец: Помолимся.

Священник читает молитву благодарения:

О Владыко Господи Боже наш! Благодарим тебя за принятие Твоих святых, чистых, безсмертных и небесных таинств, яже даровал еси ради нашего блага, и во освящение и спасение наших душ и телес. Просим и молим Тя, Господи, даруй нам по Твоей благой милости, чрез принятие Святого Тела и честной Крови Твоего Единороднаго Сына, веру непостыдную, любовь нелицемерную, полную святости и силы избежать зла и сохранить Твои заповеди. Да будет оно нам пищей вечной жизни и чаемым заступлением на Страшном и Последнем Суде Христовом.

Громко: Чрез Него и с Ним (и в Нем) Тебе сила и слава подобает, со Пресвятым и благим и животворящим Твоим Духом, ныне и присно и во веки веков.

Хор: Аминь.

Священник поворачивается к народу и говорит:

О всесильный Царю, совечный Отцу, могуществом Твоим сокрушивший ад, и поправший смертию смерть, связавший сильного, и Твоей чудесной силой и блистающим сиянием Твоего неизреченного Божества воздвигший Адама от гроба. Пошли Твою невидимую благословляющую десницу и благослови всех нас. Помилуй нас, Господи, и укрепи нас твоей божественной силою. Отжени от нас греховное и нечистое действие плотских желаний. Да возсияет свет в душах наших и разгонит окружающую тьму греха. Соедини нас во всеблаженную Церковь, благоприятную Тебе.

Яко чрез Тебя и с Тобою все хваление, честь, сила, поклонение и благодарение подобает Отцу и Святому Духу, ныне и присно и во веки веков.

Хор: Аминь.

Диакон или чтец: Отпускаетесь в мире.

Хор: Во имя Господне.

Священник: Любовь Бога-Отца, благодать Сына, Господа нашего Иисуса Христа, и причастие и дар Всесвятаго Духа да будет со всеми вами ныне и присно и во веки веков.

Хор: Аминь. Благословенно имя Господне.

Священник молится в алтаре:

О Господи, давший нам освящение чрез принятие Всесвятаго Тела и драгоценной Крови Единороднаго Сына Твоего! Даруй нам благодать и дар Всесвятаго Духа. Сподоби нас жити свято и сынами и наследниками внити в вечную радость грядущего царства.

Яко Ты еси освящение наше, и Тебе славу возсылаем, Отцу и Сыну и Святому Духу ныне и присно и во веки веков.

Хор: Аминь.

Священник: Мир всем.

Хор: И духови твоему.

Священник отпускает людей, говоря:

Да благословит вас Бог, благословляющий и освящающий, защищающий и сохраняющий всех нас чрез принятие святых Его Таин. Бог, благословенный во веки!

Хор: Аминь.

Священник произносит напутственное слово и преподает молящимся Крест, а чтец читает благодарственные молитвы. Затем священник осеняет крестом народ и возвращается в алтарь. Царские врата и завеса закрываются.