Молитослов (цсл в українській транслітерації)

Молитви богослужбові з вечірні

Псалом 103

Благослови, душе моя, Господа. Господи, Боже мой, возвеличился єси зіло.

Во ісповіданіє і в велеліпоту облеклся єси, одіяйся світом, яко ризою.

Простираяй небо, яко кожу, покриваяй водами превиспренняя Своя.

Полагаяй облаки на восхожденіє Своє, ходяй на крилу вітреню.

Творяй Ангели Своя духи, і слуги Своя пламень огненний.

Основаяй землю на тверді єя, не преклонится во вік віка.

Бездна яко риза одіяніє єя, на горах станут води.

От запрещенія Твоєго побігнут, от гласа грома Твоєго убоятся.

Восходят гори і нисходят поля в місто, єже основал єси їм.

Преділ положил єси, єгоже не прейдут, ниже обратятся покрити землю.

Посилаяй істочники в дебріх, посреді гор пройдут води.

Напаяют вся звіри сельния, ждут онагри в жажду свою.

На тих птици небесния привитают, от среди каменія дадят глас.

Напаяяй гори от превиспренних Своїх, от плода діл Твоїх наситится земля.

Прозябаяй траву скотом, і злак на службу человіком.

Ізвести хліб от землі, і вино веселит сердце человіка.

Умастити лице єлеєм, і хліб сердце человіка укріпит.

Наситятся древа польская, кедри ліванстії, їхже єси насадил, тамо птици вогніздятся.

Єродієво жилище предводительствуєт їми; гори високія єленем, камень прибіжище заяцем.

Сотворил єси луну во времена, солнце позна запад свой.

Положил єси тьму, і бисть нощ, в нейже пройдут всі звіріє дубравнії.

Скимни рикающії восхитити і взискати от Бога пишу себі.

Возсія солнце, і собрашася, і в ложах своїх лягут.

Ізидет человік на діло своє, і на діланіе своє до вечера.

Яко возвеличишася діла Твоя, Господи, вся премудростію сотворил єси: ісполнися земля твари Твоєя.

Сіє море великоє і пространноє, тамо гади, їхже ність числа.

Животная малая с великими, тамо кораблі преплавают.

Змій сей, єгоже создал єси ругатися єму, вся к Тебі чают, дати пищу їм во благо время.

Давшу Тебі їм, соберут; отверзшу Тебі руку, всяческая ісполнятся благості.

Отвращшу же Тебі лице, возмятутся; отімеши дух їх, і ісчезнут, і в персть свою возвратятся.

Послеши Духа Твоєго, і созиждутся, і обновиши лице землі.

Буди слава Господня во віки, возвеселится Господь о діліх Своїх.

Призираяй на землю і творяй ю трястися, прикасаяйся горам, і димятся.

Воспою Господеві в животі моєм, пою Богу моєму, дондеже єсм.

Да усладится Єму бесіда моя, аз же возвеселюся о Господі.

Да ісчезнут грішници от землі і беззаконници, якоже не бити їм; благослови, душе моя, Господа.

Солнце позна запад свой, положил єси тьму, і бисть нощ.

Яко возвеличишася діла Твоя, Господи, вся премудростію сотворил єси.

мнозі возстають на мя, мнозі глаголють душі моїй: ність спасенія єму в Бозі єго.

Ти же, Господи, заступник мой єси, слава моя, і возносяй главу мою.

Гласом моїм ко Господу воззвах, і услиша мя от гори святия Своєя.

Аз уснух і спах, востах, яко Господь заступит мя.

Не убоюся от тем людей, окрест нападающих на мя. Воскресни, Господи, спаси мя, Боже мой.

Яко Ти поразил єси вся враждующия ми всує, зуби грішников сокрушил єси.

Господнє єсть спасеніє, і на людей Твоїх благословеніє Твоє. Аз уснух і спах, востах, яко Господь заступит мя.

Псалом 37

Господи, да не яростію Твоєю обличиши мене, ніже гнівом Твоїм накажеши мене,

Яко стріли Твоя унзоша во мні, і утвердил єси на мні руку Твою.

Ність ісціленія в плоті моєй от лица гніва Твоєго, ність мира в костех моїх от лица гріх моїх.

Яко беззаконія моя превзидоща главу мою, яко бремя тяжкоє отяготіша на мні.

Возсмердиша і согніша рани моя от лица безумія моєго.

Пострадах і слякохся до конца, весь день сітуя хождах.

Яко лядвія моя наполнишася поруганій, і ність ісціленія в плоті моєй.

Озлоблен бих і смирихся до зіла, риках от воздиханія сердца моєго.

Господи, пред Тобою все желаніє моє і воздиханіє моє от Тебе не утаїся.

Сердце моє смятеся, остави мя сила моя і світ очію моєю, і той ність со мною.

Друзі мої і іскреннії мої прямо мні приближишася і сташа.

І ближнії мої отдалече мене сташа, і нуждахуся іщущії душу мою.

І іщущії злая мні глаголаху суєтная і льстивим весь день поучахуся.

Аз же яко глух не слишах, і яко нім не отверзаяй уст своїх.

І бих яко человік не слишай, і не імий во устіх своїх обличенія.

Яко на Тя, Господи, уповах. Ти услишиши, Господи, Боже мой.

Яко ріх: да не когда порадуютмися врази мої, і всегда подвижатися ногам моїм, на мя велерічеваша.

Слава: і нині: Аллилуя, аллилуя, аллилуя, слава Тебі, Боже (тричі).

Блажен муж

Блажен муж, іже не ідет на совіт нечестивих. Аллилуя (тричі).

Яко вість Господь путь праведних, і путь нечестивих погибнет Аллилуя (тричі).

Работайте Господеві со страхом і радуйтеся єму с трепетом. Аллилуя (тричі).

Блаженні всі надіющіїся Нань. Аллилуя (тричі).

Воскресни, Господи, спаси мя, Боже мой. Аллилуя (тричі). (Цей стих співається вечором в суботу).

Господи, что ся умножиш а стужающії ми. Аллилуя (тричі).

Господнє єсть спасеніє і на людіх Твоїх благословеніє Твоє. Аллилуя (тричі). Слава: Аллилуя. І нині: Аллилуя. Аллилуя, аллилуя, аллилуя, слава Тебі, Боже (тричі).

З псалма 140

Господи, воззвах к Тебі, услиши мя, услиши мя, Господи. Господи, воззвах к Тебі, услиши мя, вонми гласу моленія моєго, внегда воззвати ми к Тебі. Услиши мя, Господи.

Да ісправится молитва моя, яко кадило пред Тобою, воздіяніє руку моєю, жертва вечерняя. Услиши мя, Господи.

Вечірня пісня Синові Божому

Світе тихий святия слави безсмертнаго Отца небесного, святаго, блаженнаго, Ісусе Христе! Пришедше на запад солнца, видівше світ вечерній, поєм Отца, Сина і Святаго Духа, Бога. Достоїн єси во вся времена піт бити гласи преподобними. Сине Божий, живот7 даяй: тім же мір Тя славит.

Сподоби, Господи, в вечер сей без гріха сохранитися нам.

Благословен єси, Господи, Боже отец наших, і хвально і прославлено імя Твоє во віки. Амінь.

Буди, Господи, милость Твоя на нас, якоже уповахом на Тя.

Благословен єси, Господи, научи мя оправданієм Твоїм.

Благословен єси, Владико, вразуми мя оправданієм Твоїм.

Благословен єси, Святий, просвіти мя оправданії Твоїми.

Господи, милость Твоя во вік, діл руку Твоєю не презри. Тебі подобаєт хвала, Тебі подобаєт пініє. Тебі слава подобаєт, Отцу і Сину і Святому Духу. Нині і присно і во віки віков. Амінь.

Молитва св. Симеона Богоприїмця

Нині отпущаєши раба Твоєго, Владико, по глаголу Твоєму с миром: Яко видіста очи мої спасеніє Твоє, єже єси уготовал пред лицем всіх людей, світ в откровеніє язиков і славу людей Твоїх Ізраїля.