Псалтирь

Псалом Давиду, во исповедание, 99

1 Воскликните Богови вся земля, 2 работайте Господеви в веселии, внидите пред Ним в радости. 3 Уведите, яко Господь той есть Бог наш: Той сотвори нас, а не мы, мы же людие Его и овцы пажити Его. 4 Внидите во врата Его во исповедании, во дворы Его в пениих: исповедайтеся Ему, хвалите имя Его. 5 Яко благ Господь, в век милость Его, и даже до рода и рода истина Его.