Святитель Николай Чудотворец житие, перенесение мощей, чудеса, слава в России

МОЛИТВЫ СВЯТИТЕЛЮ НИКОЛАЮ ЧУДОТВОРЦУ

О, всесвятый Николае, угодниче преизрядный Господень, теплый наш заступниче и везде в скорбех скорый помощниче! Помози ми, грешному и унылому, в настоящем сем житии, умоли Господа Бога даровати ми оставление всех моих грехов, елико согрешил от юности моея, во всем житии моем, делом, словом, помышлением и всеми моими чувствы; и во исходе души моея помози ми, окаянному, умоли Господа Боса, всея твари Содетеля, избавити мя воздушных мытарств и вечнаго мучения, да всегда прославляю Отца и Сына и Святаго Дула и твое милостивое предстательство, ныне и присно и во веки веков. Аминь.

О, добрый наш пастырю и богомудрый наставниче, святителю Христов Николае! Услыши нас грешных, молящихся тебе и призывающих в помощь скорое предстательство твое: виждь нас немощных, отвсюду уловляемых, всякаго блага лишенных и умом от малодушия помраченных: потщися, угодниче Божий, не оставите нас в греховнем плену быти, да не будем в радость врагом нашим и не умрем в лукавых деяниих наших: моли=о нас недостойных Содетеля нашего и Владыку, Емуже ты со безплотными лики предстоиши: милостива к нам сотвори= Бога нашего в нынешнем житии и в будущем веде, да не воздает нам по делом нашим и по нечистоте сердец наших, но по Своей благости воздает нам: на твое бо ходатайство уповающе, твоим предстательством хвалимся, твое=заступление на помощь призываем, и ко пресвятому образу твоему=припадающе, помощи просим: избави нас, угодниче Христов, от зол находящих на нас, и укроти волны страстей и бед возстающих на нас, да ради святых твоих молитв не обымет нас напасть и не погрязнем в пучине греховней и в тине страстей наших: моли, святителю Христов Николае, Христа= Бога нашего, да подает нам мирное житие и оставление грехов, душам же нашим спасение и велию милость, ныне и присно и во веки веков.

Правило веры и образ кротости, воздержания учителя яви= тя стаду твоему, яже вещей истина. Сего ради стяжая еси смирением высокая, нищетою богатая, отче священноначальниче Николае, моли Христа Бога, спастися душам нашим.

В Мирех, святе, священнодействитель показался еси, Христово бо, преподобие, Евангелие исполнив, положил еси душу твою о людех твоих, и спасл еси неповинныя от смерти. Сего ради освятился еси, яко великий таинник Божия благодати.