Типикон

Глава 16. О светильнах на Утрени.

По 9–й песни, после достойна, како глаголются в седмице, кроме недели.

Светилен октоиха, Слава, и ныне, богородичен его. Аще ли будет в минеи светилен святаго, рцы его на Славу, после дневнаго светильна: И ныне, богородичен его. Аще ли будет в минеи два святых, и светильна два: И глаголем первый октоиха, таже святаго: Слава, другаго святаго. И ныне, богородичен его. Аще ли среда, и пяток. И ныне, крестобогородичен октоиха. В субботу же аще имать рядовый святый, по 9–й песни светилен глаголем святаго прежде минеи: Таже, Слава, октоиха: И ныне, богородичен его. Сице глаголются светильны, егда октоих с минеею поется.