Житие святителя Григория Паламы

Приложение

Молитва преподобной Марии Египетской перед иконой Пресвятой Богородицы о даровании ей возможности поклониться честному кресту Христову, начинающаяся словами «Дево Владычице...», о которой говорит святой Филофей, содержится в житии преподобной, написанном святым патриархом Иерусалимским Софронием[103]. Она включена и в житие преподобной Марии Египетской, входящее в «Жития святых» святителя Димитрия Ростовского под 1-м числом месяца апреля[104].

Рукописные источники, сохранившие молитву святителя Григория, упоминаемую в его житии, не известны. Однако в «Цветнике различных умилительных молитв», изданном константинопольским патриархом Неофитом в 1799 г.[105], помещена молитва, имеющая надписание «Молитва ко Пресвятой Богородице, которою, как говорят некоторые, молился великий Фессалоникийский Григорий Палама, как в житии его видно». Позднее она была воспроизведена в «Великом молитвослове» А. Симонова[106]. Составителем «Цветника» является преподобный Никодим Святогорец. Можно предположить, что молитва, приписываемая святому Григорию, была найдена им в какой-то афонской рукописи. Если сравнить ее с вышеупомянутой молитвой преподобной Марии, то можно увидеть, что ее первый абзац почти буквально повторяет эту молитву, за исключением последних строк. Это обстоятельство согласуется со свидетельством жития святого Григория о том, что его молитва «получила начало от преподобной Марии Египетской» (буквально в подлиннике — «ведет начало и светлое вступление от дивной оной египтянки»). Несмотря на то, что мы не можем быть полностью уверены в принадлежности молитвы, помещенной в «Цветнике различных умилительных молитв», святителю Григорию, приводим ниже ее перевод.

Дево Владычице Богородице, Яже Бога Слова плотию рождшая, вем убо, яко несть благолепно ниже достойно мне, тако всеблудному, образ чистый Тебе, чистыя, Тебе, Приснодевы, Тебе, тело и душу имущей чиста и нескверна, очима оскверненными зрети и устнама нечистыма и скверныма объимати или молити. Праведно бо есть мене, блуднаго, ненавидети и гнушатися мною Твоей чистоте. Обаче, понеже бысть Бог, Егоже родила еси, человек, яко да призовет грешныя к покаянию, дерзая, и аз прихожду к Тебе, со слезами моляся.

Приими мое настоящее многих и тяжких прегрешений исповедание и принеси единородному Твоему Сыну и Богу, моление творящи, яко да будет милостив окаянней моей и смиренней души, ради бо множества беззаконий моих возбранен есмь к Нему взирати и просити прощения. Сего ради Тебе предлагаю молитвенницу и ходатаицу, яко многих вкусив и великих даров от создавшаго мя Бога и беспамятен о всех явився, окаянный и неблагодарный, приложихся скотом несмысленным и уподобихся им, нищ сый добродетельми, богатея страстьми, студа сый исполнь, дерзновения божественнаго лишен, осужден от Бога, плачим от ангел, поругаем от демонов и ненавидим от человек, обличаем от совести, от лукавых моих постыжаем дел и прежде смерти мертв сый, и прежде суда самоосужден сый, и прежде не некончаемаго мучения самомучим бываяй от отчаяния. Темже к Твоему и единому прибегаю заступлению, Владычице Богородице, тьмою талантов должен, блудно с блудницами отеческое расточив имение, соблудив паче блудницы, беззаконновав паче Манассии, паче богатаго немилосерден быв, гортанобесный раб, лукавых помысл приятелище, постыдных и скверных словес сокровищехранитель, всякаго благаго делания чужд.

Помилуй мое смирение, ущедри мою немощь; великое имаши дерзновение ко из Тебе Рожденному, никтоже может, яко Ты, Мати Божия. Вся бо можеши, яко вся превосходящи создания, и ничтоже Тебе невозможно есть, аще восхощеши точию. Не презри убо моих слез, не возгнушайся моим воздыханием, не отвержи мою еже от сердца болезнь, не посрами мое еже на Тя упование, но Матерними Твоими молитвами Благаго Сына Твоего и Бога ненуждное понудивши благоутробие, сподоби мя, окаяннаго и недостойнаго раба Твоего, первую и исконную мою восприяти доброту, и страстей отложити безобразие, свободитися от греха, поработитися же правде, совлещися скверны плотския сласти и облещися в святыню душевныя чистоты, умертвитися миру и жити добродетели.

Путешествующу ми спутешествуй, в мори плывущу сплавай, бдяща мя укрепи, скорбяща утеши, малодушествующа умири, болящу исцеление ми даруй, обижаема избави мя, оклеветаема неповинна яви, к смерти бедствующа, вскоре предваривши, спаси, невидимым врагом на всяк час страшна покажи мя, да уведят вси, неправедно мучащии, чий есмь раб.

Ей, Преблагая Владычице Богородице, услыши окаянную мою молитву и не посрами мене от чаяния моего, еже по Бозе упование всех концев земли. Врение плоти моея угаси, еже в души моей жесточайшую бурю утиши, горькую ярость укроти, надмение и гордость суетнаго мнения от ума моего истреби, нощная мечтания лукавых духов и дневная нечистых мыслей приражения от сердца моего умали, вразуми мой язык глаголати полезная, научи мои очи зрети право добродетели правость, нозе мои тещи непоползновенно сотвори блаженным путем Божиих заповедей, руце мои освятитися уготови, яко да достойно воздежу и́ к Вышнему. Очисти моя уста, яко да с дерзновением призываета Отца, страшнаго Бога и всесвятаго. Отверзи мои уши, яко да слышу чувственно и мысленно яже паче меда и сота слаждшая Святых Писаний словеса, и живу по сим, от Тебе укрепляем.

Даждь ми время покаяния, помысл обращения, напрасныя смерти мя свободи, осужденнаго совестию мя измени. И, наконец, предстани ми при разлучении души от окаяннаго моего телесе, нестерпимую оную облегчающи ну́жду, несказанную утишающи болезнь, неутешную утешающи тесноту, темнаго мя демонскаго избавляющи зрака, горчайшаго ответа мытарей воздушных и начал темных изъимающи, и рукописания многих моих грехов растерзающи, Богу мя усвой, и одесную Его блаженнаго стояния на Страшнем Судищи сподоби, и вечных и нетленных благ причастника мя сотвори.

Сие Тебе приношу исповедание, Владычице моя Богородице, свете помраченных моих очес, утешение моея души, по Бозе упование мое и предстательство, еже со благоволением приими, и очисти мя от всякия скверны плоти и духа, и сподоби мя в настоящем веце неосужденно причаститися всесвятаго и пречистаго тела и крове Сына и Бога Твоего, в будущем же небесныя вечери сладости райския, идеже всех есть веселящихся жилище. Сих же улучив благих, недостойный, прославлю во веки веков прелестное и великолепое имя Сына и Бога Твоего, приемлющего всех от всея кающихся души, ради Тебе, бывшей всех грешных ходатаицы и поручительницы. Ради бо Тебе, всепетая и преблагая Владычице, спасается всякое человеческое естество, хвалящи и благословящи Отца и Сына и Святаго Духа, Всесвятую Троицу и Единосущную, всегда, ныне и присно и во веки веков. Аминь.