Mən aşiq ay camala,
Qərənfiləm, qalxaram,
Yar əldən ay cam ala.
Açılmağa qorxaram.
148
Eşitsəm qardaş gəlir,
Nə dərdim tək dərd olmaz,
Xəstə olsam, qalxaram.
Nə yaram sağalandı.
Bir quş uçdu tüləkdən,
Bu dağlar kömürdəndi,
Qolum sındı biləkdən,
Keçən gün ömürdəndi,
Bizimki belə gəldi
Fələyin bir quşu var,
Çərxi dönmüş fələkdən.
Caynağı dəmirdəndi.
Bostan əkdim xiyarsız,
Əzziyəm naçar ağlama,
Gülün dərdim, mən arsız,
Gündü keçər, ağlama.
Yatdım, yuxuda gördüm,
Qapı bağlayan fələk
Qalxdım tez, ixtiyarsız.
Bir gün açar, ağlama.
Əziziyəm arxa var,
Əzizinəm saraylar,
Belin götür arxa var.
Sarı illər, sar aylar.
Sıtqını dürüst eylə,
Başım cəllad əlində,
Əli kimi arxa var.
Dilim səni haraylar.
Yaylığımda qara var,
Əzzinəm güneylər,
Ürəyimdə yara var.
Gün düşmüş o güneylər.
Nə ölmürəm qurtaram,
Dost dostunnan görüşsə,
Nə dərdimə çara var.
Bayramın o gün eylər.
Mən aşiq gülə-gülə,
Ana, məni yaz ağla,
Gül əkdim, gülə-gülə.
Payız ağla, yaz ağla.
Evimi düşmən yıxdı,
Bas bağrına şəklimi,
Üzümə gülə-gülə.
Daha məni az ağla.
Əzizinəm tatar məni,
Əzizinəm bularıymış,
Qul eylər satar məni,
Çeşmələr, sularıymış,
Vəfalı yarım olsa,
Azreyilin adı beddam,
Axtarar, tapar məni.
Can alan bularıymış.
Görünən Savalandı,
Əziziyəm gül əllər,
Hər dağ-daş havalandı,
Oynayallar, güləllər,
149
Dəryaca ağlın olsa,
Mən səndən ayrılmazdım,
Yoxsul olsan, güləllər.
Zor ilə ayırdılar.
Əzziyəm hər aylar,
Fələyi dindirəydim,
Hər ulduzlar, hər aylar.
Qəm ilə güldürəydim,
Könlüm hey ərzə yazar,
Mənə Yazı yazanda,
Dilim səni haraylar.
Qələmin sındıraydım.
Eləmi qəlbi para,
Eləmi ağam oldu,
Ay doğdu qəlbi para,
Ay düşdü, ağam oldu.
Dil aşnası olanın
Fələk bir iş işlədi,
Qabaqcan qəlbin ara.
Nökərim ağam oldu.
Əzizim sellər axar,
Bu qala daşlı qala,
Göydə buludlar çaxar,
Torpağı yaşlı qala,
Böyüklər öyüd eylər,
Qorxuram cavan öləm,
Kiçiklər sözə baxar.
Yar gözü yaşlı qala.
Qara atı nallaram,
Aman fələk, dad fələk,
Pilləkənə bağlaram,
Heç olmadım şad, fələk,
Yarım yada düşəndə
Mən içdiyim şərbətdən
Hönkür-hönkür ağlaram.
Bir özün də dad, fələk.
Bağça könlüm, bar könlüm, Bağa girdim, bağbansız,
Heyva könlüm, nar könlüm, Dəvə gördüm sarvansız,
Şadlıqnan işim yoxdu,
Aləmə dərman canım,
Ağlamağa var könlüm.
Özüm qaldım dərmansız.
Eləmi hasan dağlar,
Eləmi gülüm yandı,
Qar dibin basan dağlar,
Bülbülüm, gülüm yandı.
Yetimlər çətin gülər,
Fələk elə dərd verdi,
Ağlasa, hasand ağlar.
Ağzımda dilim yandı.
Arazı ayırdılar,
Dağlar dağımdı mənim,
Qum ilə qayırdılar,
Qəm ortağımdı mənim,
150
Dindirmə, qəm ağlaram,
Qəribin vay xəbərin
Yaman çağımdı mənim.
Öz elinə yetirin.
Dağların qarı mənəm,
Haray yetim əlinnən,
Gün vursa ərimənəm,
Yol ver ötüm əlinnən.
Qəbrimi qüzeydə qaz,
Harada yetim görsəm,
Cavanam, çürümərəm.
Gedim tutum əlindən.
Əzizinəm butam yoxdu,
Araza Kür desinlər,
Yetiməm, atam yoxdu.
Kürdən də kür desinlər.
Düşdüm qəm dəryasına,
Əlim yara yetişsə,
Qolumdan tutan yoxdu.
Gəncədən sür desinlər.
Apardı göy at məni,
Əzizinəm qardaşlar,
Saxladı sayat məni.
Yağış yağar, qar başlar.
Baş qoyum dizin üstə,
Tabutum əyri gedər,
Çox yatsam, oyat məni.
Yapışmasa qardaşlar.
Əzizinəm xal xala,
Əziziyəm qız qıza,
Qoyunu salın xalxala.
Oğlan qıza, qız qıza,
Qorxuram cavan öləm,
Oğlan qızsa, soyuyar,
Sevgilimi xalx ala.
Vay o günə qız qıza.
Mənim dərdim uludu,
Qaradı qaşın, ördək,
Ulu dərddən uludu.
Yaşıldı başın, ördək.
Dərdim açıb söyləsəm,
Həmişə cüt gəzərdin,
Hamı dərdin unudu.
Hanı yoldaşın, ördək?
Əzizinəm qalasız,
Dağlarda maral azdı,
Şəhər olmaz qalasız.
Ovçu çox, maral azdı.
Biz ki gedərgi olduq,
Ağlama, xumar gözlüm,
Siz sağlıqla qalasız.
Ölmərəm, yaram azdı.
Qərib öldü, götürün,
Xoruz ban verəndə gəl,
Dar küçədən ötürün.
Yaram qan verəndə gəl.
151
Sağlığımda gəlmədin,
Bilsəydim vəfan budur,
Barı can verəndə gəl.
Sənə bel bağlamazdım.
Başımın sarğısı var,
O taya,
Ağrıyır, ağrısı var,
Sarı dayım otdaya.
Gəl halallaşaq, qardaş,
Qolların kəmənd eylə,
Qiyamət ayrısı var.
Məni də çək o taya.
Eləmi uca toya,
Dağdan aşıb gələnə,
Yel vurdu, tökdü çaya,
Qanı coşub gələnə,
Çox cəfalar çəkmişik,
Xoş o kəsin halına,
Hamısı getdi zaya.
Halallaşıb ölənə.
Eləmi günə düşdüm,
Lala yalqız,
Kölgədən günə düşdüm.
Göy yalqız, lala yalqız.
Düşmənə xəbər olsun,
Qorxuram qərib öləm,
Dediyi günə düşdüm.
Cənazəm qala yalqız.
Bülbüləm, qəfəsdəyəm,
Bir gül əkdim daraqnan,
Ölməmişəm, xəstəyəm.
Gülü biçdim oraqnan.
Anama xəbər getsin,
Bir qardaş itirmişəm,
Üç gündür can üstəyəm.
Axtarıram soraqnan.
Ay doğur sini kimi,
Bir gül əkdim ləyəndə,
Hərlənir səlmi kimi.
Sünbül boynun əyəndə.
Atamın iyi gəlir,
On iki qurban demişəm,
Xorasan gülü kimi.
Əlim qardaşa dəyəndə.
Əzziyəm yaralıyam,
Gülən az,
Dindirmə, haralıyam.
Bülbül, eylər gülə naz.
Beş qardaş itirmişəm,
Zamana nə bəd gəlib,
Ürəyi yaralıyam.
Ağlayan çox, gülən az.
Əzzinəm ağlamazdım,
Əzizim yara bağlar,
Gülərdim, ağlamazdım.
Tutubdu qora bağlar.
152
Qardaşsız bacı görsəm,
Sağ maral sənin olsun,
Ürəyim yara bağlar.
Mənim yaralımı ver.
Əzizim arxa haray
Daş daşı,
Bel götür, arxa haray,
Çax-çax döyər daş daşı,
Bir gün dara düşərsən,
Çirkinnən ploy yemə,
Deyərsən: «Arxa haray».
Get gözəlnən daş daşı.
Gül əkdim ələk-ələk,
Əzəl günüm,
Gülə dadandı leylək.
Baxdığım xəzəl günüm.
Yenicə bulunurdu,
Qocalıq yaxamdan tutdu,
Qoymadı qanlı fələk.
Ta gəlməz əzəl günüm.
Gecələr keçəkeçdi,
Gözəl alma,
Gündüzlər gecə keçdi,
Bağımda gözəl alma,
Mənim günüm ah-vayla,
Çirkin al, əsil olsun,
Səninki necə keçdi?
Bedasıl gözəl alma.
Ay doğub peşman-peşman,
Ürəyimdə yaram var,
Gün doğub ona düşman,
Üstə xal-xal qaram var,
Baş götürüb gedərəm,
Can bala, sən tərəfdən
Nə dost bilər, nə düşman.
Gör yanmamış haram var.
Sənə dağlar,
Aşıq bəlgəli dağlar,
Göy geymiş sənə dağlar.
Dibi gölgəli dağlar.
Tutaydım yar dəstindən,
Qəribəm, yol gözlərəm,
Çıxaydım sənə, dağlar.
Haçan el gəli, dağlar?
Günə qarşı,
Qazan ağlar,
Ay doğub günə qarşı,
Od yanar, qazan ağlar,
Sən yaş zülfün kölgəsinə,
Kim yuyar, kim basdırar,
Qoy mən yanım günə qarşı. Qəbrimi qazan ağlar.
Dağlar, maralımı ver,
Savalana qar gəldi,
Səbri-qərarımı ver.
Heyva əkdim, nar gəldi.
153
Kül tərlanın başına,
Sən sinəmə çəkmisən,
Oylağına sar gəldi.
Əlif kimi düz dağı.
Əzizim ağlamazlar,
Evləri çay keçəndə,
Gülərlər, ağlamazlar,
Tikilib çay keçəndə.
Qəriblikdə ölənin
Sənə onda qarğaram,
Gözünü bağlamazlar.
Günüm ah-vay keçəndə.
Mən aşiqəm nərgizlər,
Əziziyəm birə var,
Dağda bitər nərgizlər.
Məni dişdər, birə var,
Əsrəmiş maya gördüm,
Urustami Zal olasan,
Qoltuğunda nər gizlər.
Fələk səni bir ovar.
Evləri dağ ağzında,
Çinar başı ayandı,
Tikilib dağ ağzında,
Ucu yerə dayandı.
Tüleyi – tərlan gördüm,
Mənim ahu-naləmdən,
Bir qara dağ ağzında.
Fələk göydə oyandı.
Əziziyəm gənə var,
Yaralandım yanımdan,
Məni dişdər, gənə var.
Quşlar doydu qanımdan.
Qarı düşmən dost olsa,
Canım bir dərdə düşdü,
Ürəyində gənə var.
Bezar oldum canımdan.
Ay qaşları çatma fələk,
Arxalıq aldırmışam,
Gəl aranı qatma, fələk.
Yaxalıq saldırmışam,
Taylını tayına yaz,
Dərdim artanan bəri,
Günaha batma, fələk.
Ürəyimi aldırmışam.
Burdan bir qoşun getdi,
Yük üstə sicim gördüm,
Qoşun nə üçün getdi?
Sicimin ucun gördüm,
Aləmdən bir-ikisi,
Canım bir dərdə düşdü,
Bizdən bir qoşun getdi.
Fələyin gücün gördüm.
Maral otdar düz dağı,
Nərgizlər, ay nərgizlər,
Otdadıqca düz dağı.
Daşda bitər nərgizlər,
154
Cavanda nə qaydadır,
Ağlım başımdan çıxdı,
Torpaq örtər, yer gizlər.
Yadıma yar düşübdü.
Duman, dağdan belə gəl,
Əzizim badam olmaz,
Belə dolan, belə gəl.
Əkməsən, badam olmaz.
Azreyil ova çıxıb,
İstərəm özüm görəm,
Səni vurar, belə gəl.
Şəkildən adam olmaz.
Qəlbim qara qazandı,
Ağacda var ağ alma,
Dilim ərzə yazandı,
Böyrü çürük, ağ alma,
Fələyə bel bağlama,
Sənə kimlər qarğadı,
Fələk pərgar pozandı.
Sən bu dərdən sağalma.
Əziziyəm boyana,
Əziziyəm ay qardaş,
Bağın yönü hayana?
Qaşın ucu yay qardaş,
Burda bir oğlan ölüb,
Ölmə bacılar ölsün,
Laylay çalın, oyana.
Heç deməsin vay qardaş.
Qardaş mənim gülümdü,
Bir bağ saldım bağbansız,
Gülümdü, bülbülümdü.
Dəvə gördüm sarvansız.
Ölsə, bacılar ölsün,
Fələk bir yara vurdu,
Qardaş ölmək zülümdü.
Həkim gördüm dərmansız.
Bir ev tikdim dəyirmi,
Əlimə saz verdilər,
Çubuqları iyirmi,
Yonqarı az verdilər.
Qoyub hara gedirsən?
Evə bölükçü girdi,
Bu ev sənin deyilmi?
Payımı az verdilər.
Dərd məndə üz görübdü,
Əzrayıl bostançıdı,
Meydanı düz görübdü.
Aləmə dastançıdı.
Gedir-gedir qayıdır,
Dəymiş qoyub, kal dərir,
Məni yalqız görübdü.
Bu nə hal bostançıdı.
Dağlara qar düşübdü,
Sürümüz dağdan aşdı,
Yağıbdı, qar düşübdü.
Gözümdən yuxu qaçdı.
155
İstədim ki, qaytaram,
Gedərgi qonaq idim,
Başım yara qarışdı.
Bir şirin dilə bəndəm.
Araza gəmi gəldi,
O toyda quzu gördüm,
İçində hamı gəldi,
Tükün qırmızı gördüm,
Mən ayrılıq deməmişdim,
Çıxdım çinar başına,
Ayrılıq dəmi gəldi.
Qardaş sevən qızı gördüm.
Eləmi qalam qardaş,
Arpa çayı daşanda,
Qahmarım, qalam qardaş.
Bülbüllər oynaşanda.
Top atıldı, burc sındı,
On iki şamını yandırram,
Alındı qalam, qardaş.
Həsrətlər qovuşanda.
Eləmi al yorğanı ,
Bağda dolu durubdu,
Ortası xal yorğanı.
Dolu boynun burubdu.
Əcəl gəlib, can gedir,
Mən doludan qorxuram,
Üstümdən al yorğanı.
Dolu məni vurubdu.
Güzgünü atdım bayıra,
Ölürəm üstümə gəl,
Şoxu düşüb çayıra,
Yanıram, tüstümə gəl.
Yığılsın qohum qardaş,
Əlüzənnik eləmə,
İşimiz dönsün xeyirə.
Ayrılıq istəmə gəl.
Eləmi o gün olaydı,
Əziziyəm bağda nə var,
Şalın ucu duyün olaydı,
El gedir, dağda nə var.
Səni gördüyüm günün
Dərirsən dər şamama,
Biri bu gün olaydı
Qurumuş tağda nə var.
Eləmi durma, keç get,
Əziziyəm başda dur,
Dərdimi sorma, keç get.
Ayaqda yox, başda dur,
Bir saralmış kövşənəm,
Ağıl ki, var satılmır,
Sən də od vurma, keç get.
Ağıl özü başdadır.
Arazam Kürə bəndəm,
Ay doğdu laxtalandı,
Bülbüləm, gülə bəndəm.
Doğduqcan laxtalandı.
156
İndiyətən gözüm gördü,
Yarıma nə demişəm,
İndi üstüm taxtalandı.
Küsüb gedib acıxdan.
Əzizim sözə düşdü,
Aşiq yaza nə qaldı,
Gözlərim gözə düşdü.
Qış keçdi yaza nə qaldı,
Səslədin, səsə gəldim,
Qələmdə nə günah var,
Əzrayıl izə düşdü.
İnsaf yazana qaldı.
Şirəni şana çəkər,
Mən aşiqəm arxa var,
Hər övlad qana çəkər,
Belin götür arxa var,
Balanın qəm yükünü,
Qəm yemə, dəli könlüm,
Ölüncə ana çəkər.
Əli kimi arxa var.
Əzzinəm zamana çalır,
Bu yol cavada1 gedər,
Halım zamana çalır,
Aşar cavada gedər,
Yüz tümənə çalmayan aşıq
Uçubdu könlüm quşu,
Bir torba samana çalır.
Gör nə havada gedər.
Aşiqəm gecədən gedir,
O taydan ötən oğlan,
Karvan gecədən gedir,
Köynəyi kətan oğlan,
Gecə uzun, həmdəm yox,
Nişanlını xalx apardı,
Zəhləm gecədən gedir.
Beyxəvər yatan oğlan.
Bir yel qalxdı tüləkdən,
Bağa su düşdü, neynim,
Qolum düşdü biləkdən.
Ağaclar içdi, neynim,
Bu işlərin hamısı
Ellərə pay paylandı,
Fələkdəndir, fələkdən.
Mənə bu düşdü, neynim?
1Ъавад – 1) Ъомярд, сяхавятли, ялиачыг адам.
2) Йахшы йеришли ат.
Yarım gəlir cacıxdan,
Ulus oyumdan olum,
Yol salır yoncalıxdan,
Çinar boyumdan olum,
157
Mağarları qurulmuş,
Qürbət eldən tez qayıt,
Sənsiz toyumdan olum.
Dalınca ağların var.
Əziziyəm Kürəm mən,
Bulağın başı ilə,
Arazam mən, Kürəm mən,
Dibinin daşı ilə,
Yarım məndən inciyib,
Səni yaman axtardım,
Ona yaman kürəm mən.
Gözümün yaşı ilə.
Əzizim keçi gəldi,
Dağlara dolu düşər,
Keçinin ucu gəldi,
At qaçsa, nalı düşər,
Darvazanı gen açın,
Qəbrim yol üstə qazın,
Atamın köçü gəldi.
Anamın yolu düşə.
Bağda üzüm ağacı,
Bu sel haradan gəldi,
Üzüm gözüm ağacı,
Peykan yaradan gəldi,
Bağa baltalı girdi,
Nə çən vardı, nə duman,
Kəsdi bizim ağacı.
Bəla haradan gəldi?
Əziziyəm naçar ağlama,
Mən aşiq yeri qalsın,
Gündü keçər, ağlama.
Yer salın, yeri qalsın,
Bir yandan bağlayan Allah, Yaxşı gözəl sevməsən,
Bir yandan açar ağlama.
Gözünün yeri qalsın.
Qalanın yaşı azdı,
Əziziyəm çəkənə ver,
Üstündə kaşı azdı,
Qəlyanı çəkənə ver,
Vermədilər yarımı,
Bu dərdi çəkəmmirəm,
Dedilər yaşı azdı.
Qaldır bir çəkənə ver.
Əlif mənəm, bey mənəm,
Qaya mənəm, dağ mənəm,
Əlif qəddim əymənəm,
Anama dayaq mənəm,
Mən ki, cavan ölürəm,
Atam getdi gəlmədi,
O köynəyi geymənəm.
Hələ göz-qulaq mənəm.
Nə uca dağların var,
Arx üstündə biyana,
Al – yaşıl bağların var,
Baxır o yan, bu yana,
158
Hərə bir laylay çala ,
Qiyamət o gün qopar,
Bəlkə gəlin oyana.
İyin evdən çəkilə.
Yaylığın yeri məlum,
Dağların lalası var,
Yeləni, yeri məlum,
Gülü var, lalası var,
Hər hara gedirsən, get,
Fələk, dəymə gəlinə,
Ad məlum, yeri məlum.
Beşikdə balası var.
Eləmi aşdı gəlin,
Aşiq sənəm səsinə,
Gülə dolaşdı gəlin,
Səs versənəm səsinə?
Sən düydüyün düyünü,
Elə həvəsim gəlir,
Gör kimlər aşdı gəlin?
Öz kimsənəm səsinə.
Eləmi aydın olsun,
Dağlara keçi gəldi,
Ay doğsun, aydın olsun,
Dolandı üçü gəldi,
Əziz kimsən gəlibdi,
Qaçın –qaçın yol ilə ,
Gözlərin aydın olsun.
Düşgünün köçü gəldi.
Qarabağda bağ olmaz,
Burdan bir maya keçdi,
Qara salxım ağ olmaz,
Sallandı çaya keçdi,
Qəriblikdə olanın ,
Namərdə zəhmət çəkdim,
Ürəyində yağ olmaz.
Əməyim zaya keçdi.
Qolumda qabarım var,
Əziziyəm qalasız,
Ağrıyır qabarım var,
Şəhər olmaz qalasız,
Əziz kimsəm ölübdü,
Mən ki, gedərgi oldum,
Mənim nə xəbərim var?
Siz sağlıqla qalasız.
Şalın qara boyandı,
Ürəyimdə ahım var,
Ucu yerə dayandı,
Başımda külahım var,
Mənim ah-fəryadımdan,
Əziz kimsəm ölübdü,
Göydə fələk oyandı.
Mənim nə günahım var?
Çəkilə bax çəkilə,
Əlin xına tutmasın,
Çəkil yerə tökülə,
Çevir günə, tutmasın,
159
Sənə kimlər qarğadı,
Burda bir kimsə ölüb,
Evin binə tutmasın.
Dağ inildər, daş mələr.
Eləmi aşdı gəlin,
Bağça-barın olaydım,
Dağları aşdı gəlin,
Heyva, narın olaydım,
Sən deyən bağlamanı,
Əgər mümkünüm olsa,
Gör kimlər açdı, gəlin?!
Dərdinə yarı olaydım.
Eləmi közə barı,
Qayadan endim ancaq,
Kababa közə barı,
Başımda qızıl sancaq,
Sən ki, mənim olmadın,
Nə qız oldum, nə gəlin,
Görünmə gözə barı.
Odlara yandım, ancaq.
Gedirdim qırağınan,
Gəncədən, Gəncədən,
Gül biçdim orağınan,
Atın yesin yoncadan,
İtirmişəm yarımı,
Sevdin ala bilmədin,
Gəzirəm sorağınan.
Belin sınsın incədən.
Eləmi haray çimən,
Gəncənin yollarında,
Göy çimən, haray çimən,
Nar bitib kollarında,
Fələk səni vuranda,
Bir cüt bəzmənd olaydım,
Olaydım harayçı mən.
Yarımın qollarında.
Eləmi lala dağı,
A qara çuxalı qardaş,
Bürüyüb lala dağı,
Gümüş yaxalı qardaş,
Hər yara sağalsa da,
İlxını bəri döndər,
Sağalmaz bala dağı.
Mən də baxalı, qardaş.
Eləmi tikə – tikə,
Sarı kalağey ortası,
Kəs bağrım tikə-tikə,
Gümüş kəmər toqqası,
Qoy öz anam ağlasın,
Allah murazın versin,
Kəfənim tikə-tikə.
Gələn bazar ertəsi.
Dağda maral xoş mələr,
Haray meşəli yerdə,
Xoş inildər, xoş mələr,
Gül bənövşəli yerdə,
160
Vuran elə vurdu ki,
Suyum başdan quruyub,
Qaldım döşəli yerdə.
Əli bellilər haray.
Ceyranlısan, çöllüsən,
Haray elli neyləsin,
Ördəklisən, göllüsən,
Şana telli neyləsin,
Niyə yiyəsiz ölürsən,
Suyum dəhnədən uçub,
Sən ki ağır ellisən.
Əli belli neyləsin?
Yük üstə kilim yandı,
Gəlin giribdi bağa,
Əl vurdum, əlim yandı,
Başı dəydi yarpağa,
Fələk elə vurdu ki,
Bu gəlin cavan gedib,
Ağzımda dilim yandı.
Vaxtsız dönüb torpağa.
Ceyran, çölə bir də gəl,
Dağların dumanı var,
Ördək, gölə bir də gəl,
Çiskinli, dumanı var,
Elin minnətə gəlib,
Çox gözləmə yolunu,
Bizim elə bir də gəl.
Gəlməyə gümanı var.
Əlində maşası var,
Ceyranam, çölə gəlmərəm,
Tutubdu, maşası var,
Ördəyəm, gölə gəlmərəm,
Burda bir gəlin ölüb,
Fələk məni elə vurdu,
Əcəb tamaşası var.
Sizin elə gəlmərəm.
Qoyunu qoyun gəlsin,
Dağlar, mənə qar göndər,
Dərisin soyun gəlsin,
Əsirgəmə, var göndər,
Bu gəlinin anası var,
Ya dərdə əlac eylə,
Anasını qoyun gəlsin.
Ya mənə dərman göndər.
Qəbirsanlıq kənd oldu,
Gərgədanam, gərgədan,
Yol, küçələrə bənd oldu,
Yoxdur məni öyrədən,
Gedən getdi gəlmədi,
Sənə kimlər qarğadı,
Qalıb orda bənd oldu.
Boyun çıxsın cərgədən.
Haray ellilər, haray,
Gəbəni yığdım yükə,
Şana tellilər haray,
Qatını bükə-bükə,
161
Mən səndən ayrı düşdüm,
Ahu - vay eləməkdən,
Göz yaşı tökə-tökə.
Cavan ömrüm puş keçdi.
Mən aşiq qızaranda,
Köynəyi yaşıl oğlan,
Dan yeri qızaranda,
Geymə, yaraşır, oğlan,
Qalırsa oğlan qalsın,
Çıxma bizim küçəyə,
Qalmasın qız aranda.
Anam savaşır, oğlan.
Əzizinəm yanıb ağlar,
Gəncənin bucağında,
Gəncənin yanı bağlar,
Şam yanar ocağında,
Düşmən görsə, şad olar,
Baş qoyum sinən üstə,
Dost görsə, yanıb ağlar.
Can verim qucağında.
Dağdan gələn sudumu?
Əzizim yara dəydi,
Dağ-daşları yudumu?
Neştər vur, yara dəydi,
Vədə verdin gəlmədin,
Dil səni quruyasan,
Etibarın budumu?
Nə dedin, yara dəydi?
Mən aşiqəm yaxandan,
Mən aşiq inci mənəm,
Ya sultandan, ya xandan,
Dürr mənəm, inci mənəm,
Bir dəstə gül olaydım,
Baş qoyub dizin üstə,
Asılaydım yaxandan.
Can versəm incimərəm.
Əzizinəm bağda ara,
Mən aşiqəm gəl incə,
Bülbülü bağda ara,
Ayaq incə, əl incə,
Bağbanın könlü olsa,
Ağardaram saçımı,
Nə gəlib bağda nara?!
Gözlərəm sən gəlincə.
Əzizinəm qu məni,
Qara atın qulağı,
Nə çox istər bu məni,
Gözləri şah bulağı,
Yaylığın kəfən eylə,
Eşitdim yar evlənir,
Göz yaşınla yu məni.
Qara gəlin duvağı.
Göydə ulduz uş keşdi,
Əzizim inci məndə,
Çaqılldaşdı üş keşdi,
Dür məndə, inci məndə,
162
Dedim ki, vəfalı ol,
Küsdürmüsən, küsmüşəm,
Demədim inci məndən.
Daha barışmaq olmaz.
Samavar yana-yana,
Eləmi bekar canım,
Od düşüb şirin cana,
Qəndinən şəkər canım,
Danışıram kağızla,
Bivəfa yar yanında,
Dil qalır yana-yana.
Donluqsuz nökər canım.
Əzizinəm keçdi məndən,
Qəriblik yaman olar,
Ox dəydi keçdi məndən,
Sovrular saman olar,
Mərdlərə körpü oldum,
Mən düşdüm, yaman dərdə,
Namərdlər keçdi məndən.
Sən düşmə, yaman olar.
Eləmi gözdə nə var,
Əzizinəm yaz ağla,
Sürmə çək, gözdə nə var,
İl sızılda, yaz ağla,
Gözəl görmək savabdı,
Açıb deyim dərdimi,
Qoy baxsın, gözdə nə var?
Ağ kağıza yaz, ağla.
Dəyə başında bəstər,
Əzizinəm əkə dərdim,
Bülbül balasın bəslər,
Yüklənib ləkə dərdim,
Könülsüz ərə gedən,
Nər çəkməz, maya çəkməz,
Allahdan ölüm istər.
Fil gərək çəkə dərdim.
Girdim bağa əzəldən,
Ağaclar çiçəkdimi,
Dəstə tutdum xəzəldən,
Çiçəyi ləçəkdimi?
Bilsəydim vəfan budu,
Deyirlər qardaş gəlib,
Söz deməzdim əzəldən.
Siz Allah, gerçəkdimi?
Ağ quzu mələr gələr,
Arxalığım ikidi,
Çölləri gəzər gələr,
Biri İran çitidi,
Anasız balaların,
Elə bir yar sevmişəm,
Başına nələr gələr?
Bəylər onunun itidi.
Qayadan baxmaq olmaz,
Darçının lüləsinə
Narıncı başmaq olmaz,
Dolan gəl beləsinə,
163
Durum qurbanın olum,
Sevəsən, getməyəsən,
Gözünün giləsinə.
Görəsən nə yamandı.
Ay çəkməsi dik oğlan,
Qondaranın yanına,
Çəkmən üstə sək oğlan,
Qanım qaynar qanına,
Sən orada qoşa gəz,
İxtiyar məndə deyil,
Mən burada tək, oğlan.
Duram gələm yanına.
Bu dağlar bizim yurtdar,
Arxalığın gilası,
Kəklik orda yumurtdar,
Alım yarın qadasın,
Sevgi – sevgi deməkdən,
Gedibdi gələcəkdi,
Ağzımda dilim partdar.
Qaynanamın balası.
Bostan, tağım ağlar,
Bu dağda gəzən mənəm,
Basma, yarpağım ağlar,
Al geyib bəzənmərəm,
Nə qədər sağam özüm,
Dilim şad, qəlbim yara,
Ölsəm torpağım ağlar.
Dünyada gəzəmmərəm.
Çay mənim, çeşmə mənim,
Əzizim çiskin olmaz,
Çayımdan keçmə mənim,
Qar yağar, çiskin olmaz,
Ürəyim yaralıdı,
Ağlamayım, neyləyim,
Yaramı deşmə mənim.
Bundan da pis gün olmaz.
Ceyran çölündə ağlar,
Dağlar duman arzular,
Ördək gölündə ağlar,
Çaylar çimən arzular,
Cavan oğul itirən,
Mənim bu sınıq könlüm
Gedər elində ağlar.
Səni yaman arzular.
Qəribin səsi gəlməz,
Gedərəm elimizdən,
Gülər, həvəsi gəlməz,
Qurtullam dilinizdən,
Baş yastıqda, göz yolda,
Yaşılbaş ördək ollam,
Gözlər kimsəsi gəlməz.
Uçaram gölünüzdən.
Qondaran dikdabandı,
Əzzinəm səndə qalsın,
Yerə basma, amandı,
Yaz, dərdim səndə qalsın,
164
Can cismimdə dayanmaz,
Getdi şirin məhəbbət,
Gəl verim, səndə qalsın.
Qaldı bir acı dərdi.
Dağları gəzdim gəldim,
Qızıl üzüyün qaşı,
Daşını düzdüm gəldim,
Yandı bağrımın başı,
Baxdım viranə kəndə,
Mən deyən yar olmasa,
Əlimi üzdüm gəldim.
Yandırram dağı daşı.
Bulağın başı ola,
Haray ellərim haray,
Dibinin daşı ola,
Fitnə fellərim haray,
Adına dayı deyəm,
Bir amansız yel əsdi,
Anam qardaşı ola.
Tökdü güllərim haray.
Gəlmişəm görəm səni,
Cəhrəmin pəri qaldı,
Yıxmışam hörəm səni,
Əyirmədim, geri qaldım,
Nə qapın var, nə bacan,
Hamıdan qabaq canım ,
Haradan görəm səni?
Hamıdan geri qaldı.
Əzizim öyçu məni,
Oğlan adın Talıbdı,
Gəzərəm göy çəməni,
Dağları gün alıbdı,
Ya axtarıb taparam,
Verdiyin qızıl üzük,
Ya vurar oyçu məni.
Barmağımda qalıbdı.
Əzzinəm qoru yandı,
Əzzinəm talx üzümü,
Qəlyanın qoru yandı,
Gəncənin talx üzümü,
Ölməsin qoca bağban,
Gec sevdim, tez ayrıldım,
O da gül qoruyandı.
Danladı xalx üzümü.
Dağların başına bax,
Əziziyəm al məndən,
Dibinin daşına bax,
Oxu dərsin, al məndən,
Həsrətlə tap, tez ayrıl,
Ya bu dərdə şərik ol,
Fələyin işinə bax.
Ya bu canı al məndən.
Bacımın bacı dərdi,
Dağlara bax, dağlara,
Yoxdu illacı dərdi,
Gülən baxmaz ağlara,
165
Görən səni taparmı,
Qoşaram qəm kotanın,
Öyçü salsam dağlara?
Qəm səpib, dərd əkərəm.
Aşıq deyər oyan gül,
Əzizinəm ay zalım,
Oyan bülbül, oyan gül,
Ülkər zalım ay zalım,
Qoy bir üzündən öpüm,
Əyil üzündən öpüm,
Sən yuxudan oyan, gül.
Ləkə düşsə say zalım.
Aşıq der nə bağışla,
Mən aşığam od alar,
Dost-dosta nə bağışlar,
Tikilibdir odalar,
Başım cəllad əlində,
Könül elə kövrəlib,
Nə kəsər, nə bağışlar.
Bir çınqıdan od alar.
Mən aşiqəm ala göz,
Neyləmişəm, neyləyəm,
Cənı məndən ala göz.
Fələkdən gileyliyəm,
Sevgi yükünü çəkən
Sinəm qəmdən yaralı,
Yorularmı alagöz?
Halım yox, dərdim deyəm.
Bu dağdan aşmaq olmaz,
Mən aşiq nədən yana,
Qızıldan başmaq olmaz.
Pərvanə nədən yana,
Fələk elə fələkdir,
Dostum deyən dar gündə
Əlindən qaçmaq olmaz
Çəkilər nədən yana?
Mən aşiq məzə qala,
Mən aşiq o gün eylər,
Mey qala məzə qala.
Dərd mənə o gün eylər.
Qorxuram nakam öləm,
İki həsrət qovuşsa,
Eşqimiz təzə qala.
Bayramın o gün eylər.
Mən aşiq eldən gələr,
Mən dostdan aralandım,
Şirin söz dildən gələr.
Oxlara yaralandım,
Qardaş tapılan deyil,
Mən gördüm yar üzünü,
Ər oğlan eldən gələr.
Dərdimdən aralandım.
Əzizim dərdə Kərəm,
Mən aşiqəm qalasız,
Yol gedər dərdə Kərəm,
Şəhər olmaz qalasız.
166
Qürbətə teylənirəm,
Məcnun xəyallı könlüm,
Siz salamat qalasız.
Leylisiz dağda nə var.
Aşiq deyir yay oxu,
Dağlara çən düşəndə
Mənə dəydi yay oxu.
Qəlbimi qəm deşəndə
Dərdim hezarı keçdi,
Yar ağlımı apardı,
El-obaya yay oxu.
Nə vardısa döşündə.
Aşığam nəyim qaldı,
Aşiq min aya dəyər,
Ay fələk nəyim qaldı.
Min qış, min aya dəyər,
Arzun gözündə qalsın,
Sənin ikicə qaşın,
Necə ki, mənim qaldı.
And bu Minaya dəyər.
Aşiq deyər nə qaldı,
Mən aşiq sərinə yaz,
Nə qovğadı, nə qaldı,
Yaz başı sərin ayaz,
Yaxşı, sənə min rəhmət,
Mərdə gələn qadanı,
Yaman, sənə nə qaldı?
Namərdin sərinə yaz.
Mən aşiqəm ağam gəl,
Mən aşiq ay amandı,
Yanında üz ağam gəl.
Xəbisdən ay amandı,
Elə dərd vermisən ki,
Namərd mərdi qovlayır,
O dərdə dustağam gəl.
Qoymayın ay amandı.
Mən aşiq nərdivana,
Mən aşiq yerdə məni,
Ayaq qoy nərdivana,
Salmayın dərdə məni.
Qədrimi hardan bilər,
Namərdə qul olmaram,
Hər nadan, hər divana.
Qurban kəs mərdə məni.
Mən aşiq nədə yandı,
Mən aşiqəm hər aylar,
De canım nədə yandı,
Keçdi illər, hər aylar,
Nəynən sinəm qaladın,
Namərddə aman olmaz,
Nə alışdı, nə də yandı.
Dilim mərdi haraylar.
Mən aşiq dağda nə var,
Mən aşiqəm nə yardı,
El köçüb dağda nə var.
Bu gözəl can nə yardı,
167
Gözün canım doğradı,
Yar Şirvanda yurd edib,
Nə kəsdi, nə də yandı.
Məni də Şirvana yaz.
Mən aşiq dərindən yar,
Mən aşiq qara dağ var,
Çıxıbdı dərindən yar,
Muğanda qara dağ var,
Yar elə yara qoyub,
Müxənnətin əlindən,
Dərindi, dərindən yar.
Sinəmdə qara dağ var.
Mən aşiq ulu dağlar,
Mən aşiq qara dağlar,
Uludan ulu dağlar,
Bürünüb qara dağlar,
Dərddən bir ah çəkərəm,
Qoy dərdimi söyləsin,
Dağ dözməz, dağılar.
Sinəmdə qara dağlar.
Oxların dələr keçər,
Mən aşiq aylar məni,
Sinəmi nişan seçər,
Həftələr, aylar məni,
Yaşımla dərd suladım,
Yüküm dərddən tay vurub,
Murazım gələr keçər.
Yordu bu taylar məni.
Mən aşiq bağda ara,
Mən aşiq yastı dağlar,
Aç zülfün, bağda dara,
Çən gəldi, basdı dağlar,
Ay insafsız, üstündə
Doqquz ay kef-damağda,
Çəkilirəm bağda dara.
Üç ayı yaslı dağlar.
Mən aşiq qara gözlər,
Dağları dələrəm mən,
Baxsana yara gözlər,
Torpağın ələrəm mən,
Sinəm üstə tuş olub,
Belə ki, dərd vermisən,
İstəyir yara gözlər.
İnanma gülərəm mən.
Mən aşiq hər ayına,
Mən aşiq başdı belə,
Can verrəm hər ayına,
Yel gedər başlıbelə,
Dara düşsən bir çağır,
Gah gül, gah ağla, aşıq,
Can gələr harayına.
Dolandır, başdı, belə.
Mən aşiq Şirvana yaz,
Aşiq eşqə a dalar,
Burda yaz, Şirvan ayaz,
Dəryada var adalar.
168
Namərd qeylü-qal gəzər,
Yüz il keçsə unutmaz,
Mərdlər yaxşı ad alar.
Nə bir simsar simsarı.
Aşiqəm sənəm sənsiz,
Mən aşıq gözəl varı,
Dözmürəm sənəm sənsiz,
Sallan gəl gözəl varı,
Bir dərdli ah çəkəndə,
Çirkini gözəl eylər,
Bilginən mənəm sənsiz.
Dünyanın gözəl varı.
Mən aşiq sənəm, sənəm,
Mən aşiq a cilovlar,
Çağırram Sənəm-Sənəm,
Qəm məni a cilovlar,
Dedim dodağın kimin?
Yarın nazik əllərin,
Söylədi: sən əm, sən əm!
İncitmə, a cilovlar.
Mən aşiqəm ya xalıq,
Mən aşiq aram-aram,
Zər düyməli yaxalıq,
Gəl dolan aram-aram,
Kişilər süfrə açıb,
Sən mənə yaranı vur,
Hey göstərə səxalıq.
Mən özüm sağalaram.
Mən aşiq minən gəlsin,
Mən aşiq yüz ətəklə,
Dilbəri dinən gəlsin,
Yaş yanmaz yüz ətəklə,
Qulu darda olanda,
Namərddə mürvət olmaz,
Düldülü minən gəlsin.
Yüz yalvar, yüz ətəklə.
Dağları gəzdim gəldim,
Mən aşiq qəlbim ara,
Gülləri əzdim gəldim,
Yüzcə yol qəlbim ara,
Yarı bivəfa gördüm,
Sinəm incidər səni,
Əlimi üzdüm gəldim.
Hər yanı yara-yara.
Mən aşiqəm sar nəzər,
Mən aşiq telə bağlı,
Sar yerində sar gəzər,
Yel vuran telə bağlı,
Yarı bir gün görməsəm,
Sinəmdə öz kilidim,
Canım canımdan bezər.
Qoymusan elə bağlı.
Mən aşiqəm simsarı,
Mən aşiqəm il gələr,
Aşıq saza sim sarı,
İl dolanar, il gələr,
169
Yarın kəndiri uzun,
Girsən qəlbim evinə,
Candadır qəm ilgələr.
Görərsən cəlladımsan.
Başı bəlgəli dağlar,
Mən aşiqəm nə yana,
Dibi kölgəli dağlar.
Nə alışa, nə yana,
Yolçuyam, yol gözlərəm,
Bir gəlib söndürsənə,
Haçan el gəli, dağlar?
Qalmışam yana–yana.
Gəlmişəm Alıncadan,
Mən aşiqəm nə dedim,
Xəbər ver Alıncadan.
Nə danışdıq, nə dedim,
Bir quş yüz bəla çəkir,
Əğyar sənə neylədim,
Sərgidən alınca dən.
Məni yardan eylədin.
Eləmi, dəlisənmi,
Əzizim, tən geri dur,
İlqara bəllisənmi?
Dağlara çən, geri dur,
Cəllad-bıçaq gələndə,
Sənə gələn qadanı,
Çağırram gəlisənmi?
Mən alım, sən geri dur.
İpək yaylıq ad oldu,
Tellərin varaq – varaq,
Yırtıldı bərbad oldu,
Heyifdir, vurma daraq,
Sən mənə yar olmadın,
Mən ki səni sevirəm,
Üstümdə bir ad oldu.
Aləmə salma soraq.
Haralıyam, haralı,
Əziziyəm başdıqnan,
Bu dağların maralı,
Qoyun gəlir daşdıqdan,
Dost olursan yaxşı ol,
Qardaşa qız seçmişəm,
Olmursan, gəz aralı.
On min tümən başdıqdan.
Bulaq başı buz bağlar,
A fələk, ala fələk,
Dörd yanı yarpız bağlar,
Başıma bala fələk,
Güllə dəyən oğlanın,
Tökülsün pal-paltarın,
Yarasını qız bağlar.
Lüt-üryan qal, a fələk.
Mən aşiq öz adımsan,
Əzizim elə qalar,
Öz şanım, öz adımsan,
El malı elə qalar.
170
Malın ye, dövranın sür,
Çalmasın başa çalar,
Sən ölsən, elə qalar.
Yemə namərd çörəyi,
Qaldırıb başa çalar.
Eləmi Murov səndən,
Getməz qar – qırov səndən, Köynəyi biçən ölsün,
Yüz il ovçuluq etdim,
Biçibən tikən ölsün,
Almadım bir ov səndən.
Mən sənə göz dikmişəm,
Sənə göz dikən ölsün.
Mən aşiqəm, yazda gəl,
Gül gətirib yazda gəl,
Dediyim demiş olsun,
Qəbrim üstə əkməyə,
Yediyin yemiş olsun.
Gül gətirib yazda gəl.
Söykəndiyin qapının,
Yanları gümüş olsun.
Əzizim nazik ağlar,
Geyməyə nazik ağlar,
Əzizim nədən oldu,
Məni anam ağlasın,
Ayrılıq nədən oldu.
Hamıdan nazik ağlar.
Ay Allah, mən neyləyim,
Yar küsüb gedən oldu.
Qızıl gül həşəm oldu,
Dərmədim, həşəm oldu,
Aşiq, bağça-bağ olsun,
Sən dünyadan köçəli,
Gülləri calaq olsun.
Ağlamaq peşəm oldu.
Yarım gələn yollarda,
Ürəyim çıraq olsun.
Mən gələndə qış idi,
Göllər dolu quş idi.
Eyvanımda quş mənəm,
İstədim namə yazım,
«Kiş!» desələr uçmaram.
Barmaqlarım üşüdü.
Yarım mənə göz eylər,
Mən heç başa düşmərəm.
Eləmi tikən gülə,
Sarılıb tikən gülə,
Mən öldüm ağlamaqdan,
Off, a qanlı fələk,
Arxa su bağlamaqdan.
Gör neçəsi göz tikib,
Bağda xəzəl qalmadı,
Mən gözüm tikən gülə.
Yarama bağlamaqdan.
Əzizim başa çalar,
171
GÜLMƏCƏLƏR
SORAĞINI NALTÖKƏNDƏN ALMIŞIM
Bir ayrım Gəncədə qonaq qalır. Ev yiyəsi bunun
qabağına çay gətirir. Ayrım yazıq ömründə çay deyilən
şey görməyibmiş. Gözünün altından çaya bir tərs-tərs
baxır, amma nə olduğunu anlaya bilmir. Soruşmağa da
üzü gəlmir. Axırda ayrım canını dişinə tutub stəkanı əlinə
alır, birnəfəsə çəkir başına. Tərslikdən çay da yaman
qaynar imiş. Dili-ağzı pörşələnir. Ayrım qınağa boğulub
heç kəsə heç nə demir. Gecəni yatır, səhər özünə söyə-
söyə kəndə qayıdır. Naltökənə çatanda bir də baxır budu
ha qabaqdan bir adam gəlir. Ayrım eşşəyin belində gələn
ayrımla tanış çıxır. Əhvallaşandan sonra soruşur:
- Ə, xeyir ola, haana gedeysin?
- Gəncəə.
- Gedeysin get, uğruna xeyir! Bax, Gəncədə hansı
öydə qalsan, gətirif qavağına bir qırmızı şey qoyajaxlar.
Olmaa-bilməə dilinə vurasın. Başın haqqı, mənim atamı
yandırıb o qırmızı şey.
Eşşəyin belindəki ayrım deyir:
- Əşi arxayın ol, uşaxsınmı?
Kənddən gələn ayrım axşam tərəfi Gəncəyə çatır.
Bu da bir evdə gecələyəsi olur. Yeməkdən qabaq süfrəyə
çay gətirirlər. Ayrım çaya əyri-əyri baxıb deyir:
- Nə buğlaneysın, haveyi buğlanma! Sorağını
Naltökən-dən almışım.
172
MÜBARƏK OLSUN, AY ABBASƏLİ
Abbasəli adında bir nökər varıymış. Novruz
bayramında ev adamları ilə bərabər buna da təzə çuxa
tikdirirlər. Gözü hamının üzündə qalan nökər ha
gözləyirsə, çuxasına «mübarək olsun» deyən tapılmır.
Çuxanı geyir, bir o başa gedir, bir bu başa. Yenə də heç
kəs Abbasəlinin çuxasına tərəf baxmır. Abbasəli daha
dözə bilməyib öz-özünə deyir:
-
Mübarək olsun, ay Abbasəli! Mübarək olsun, ay
Abbasəli!
SEYFƏLİSƏN, KEÇ BAŞA
Şamxorun Seyfəli kəndində toy imiş. Ev sahibi öz
kəndçilərini görən kimi tez süfrənin başında yer göstərir:
- Seyfəlisən, keç başa… Seyfəlisən, keç başa…
Qonşu kənddən gələn qonaqları heç saya salan
olmur. Birdən toy mağarının qabağından bir it keçir.
Qonaqlardan biri özünü saxlaya bilməyib itə deyir:
- Seyfəlisən, keç başa!
GÖRMÜŞÜM DƏ, YİMİŞİM DƏ
Bir ayrım o birindən soruşur:
- Hamam görüfsünmü?
O biri ayrım forslanır:
- Görmüşüm də, yimişim də.
173
BƏS O BİRİ KİMDİ
Bəy evinə falçı gəlir. Fal açıb deyir:
-Bu evdən iki ölü çıxacaq.
Hamı nökərin üzünə baxır. Nökər özünü o yerə
qoymayıb deyir:
-Biri mənəm, bəs o biri kimdi?
KÜÇÜKDƏN SÜDƏ GETDİ
Ayrım arvadı südü ocağa qoyub qonşuya gedir.
Qızına da tapşırır ki, südə baxsın, birdən küçük südü içər.
Qayıdanda qızdan soruşur:
- Aaz, aaz, ay günüqara, südə baxdınmı?
Qız deyir:
- Aana, aana, dayımın başı haqqı, küçük başını elə yenicə
qazana soxmuşdu. Tutdum elə sıxdım, elə sıxdım,
küçükdən südə getdi ki, süddən küçüyə getmədi.
ÖZ ÇIRAĞIMI KEÇİRTDİM,
SƏNİNKİNİ YANDIRDIM
Bir kişinin bir xəstə atı varıydı. Bir gün kişi atı
bazara çıxardıb satmaq istəyir. Gələn müştərilərə atı
tərifləyir. Müştərilərdən biri atı alası olur. At yiyəsi pulu
cibinə qoyub at alana deyir:
- Qardaş, Allah atana rəhmət eləsin, öz çırağımı
keçirtdim, səninkini yandırdım.
At alan heç nə demir. Evə qayıdır. Yol boyu
fikirləşir ki, o kişi öz çırağını keçirib mənimkini
yandırırsa, bəs niyə atı mənə satır? Nəysə fikirli-fikirli
174
gəlib evə çatır. Arvad-uşaq atı görüb bərk sevinir. At da
bir az gözəgəlim atıydı. Ona görə də evdə kişinin bu
bazarlığını çox bəyənirlər. Kişi atı tövləyə salır, qabağına
arpa, saman, su qoyur. Amma at gözünün ucu ilə də
baxmır bunların heç birinə. Kişi elə başa düşür ki, at hələ
buralara öyrəşməyib, ona görə də heç nəyə yaxın durmur.
Nəysə, gecə düşür. Gecənin bir vaxtı kişi görür ki,
tövlədən bərk xırıltı səsi gəlir. Tez çırağı yandırıb tövləyə
gedir. Görür ki, at yaman gündədir, nəfəs alammır. Kişi o
gecə səhərə qədər atın yanında qalır. Çırağı da söndürmür.
Beləcə-beləcə kişi hər gecə atın xırıltısına oyanır, çırağı
yandırıb tövləyə qaçır, səhəri dirigözlü açır. Ona elə gəlir
ki, atın bu dərdi nədisə, ötüb-gedəcək. Aradan bir xeyli
keçir. Kişi baxıb görür ki, yox, at elə həmin atdır. Axırı
başıalovlu qaçır at satanın yanına. Əhvalatı ona danışır.
Atı satan deyir:
- A qardaş, sənin başına gələn mənim də başıma
gəlib. İndi gördünmü ki, doğrudan da mən öz çırağımı
söndürüb, səninkini yandırdım.
QOY YENƏ GƏNCƏ DEYİM
Gəncənin adını Yelizavetpol eləyirlər. Rus Gəncə
sözünü işlətməyə qoymur. Kim bu sözü dilinə gətirsə, üç
manat cərimə olunur.
Bir dəfə ağsaqqallardan biri camaatın gur yerində
Gəncə deyir. Bunu eşidən rus məmurları ağsaqqala
yaxınlaşır və ondan üç manat cərimə verməsini tələb edir.
Ağsaqqal bərk hirslənir. Cibindən on beş manat çıxarıb
məmura verir.
Məmur deyir:
- Kişi, cərimə üç manatdır, sən nə üçün on beş
manat verirsən? Qoy sənin pulunun qalığını verim.
175
Ağsaqqal deyir:
- Dayan ə, mənə pul-zad lazım deyil. Qoy sənin
mənə qaytaracağın pulun əvəzinə yenə Gəncə deyim.
Ağsaqqal Gəncə sözünü bir neçə dəfə ucadan təkrar
edir.
XANLARIN ERKƏKDİ YARI
Xanlar adlı bir bəy varmış. Süpürgəyə don
geydirsələr, onu arvad bilib düşərmiş dalınca.
Bir gün cavanlar sözü bir yerə qoyurlar. Bir oğlana
qadın paltarı geydirib salırlar bəyin otağına. Çarşab
altındakı oğlanla xeyli söhbət edən bəy işi başa düşmür.
Üstəlik elçi göndərmək üçün qızın «hə»sini alıb yola salır.
Səhər bəy səs-küyə yuxudan oyanır. Həyətə baxıb görür
ki, cavan-cavan oğlanlar yığılıb bir ağızdan deyirlər:
Bağçalar gətirər barı,
Heyvanların rəngi sarı.
Xanların erkəkdi yarı,
Dur, yatmağın çağı deyil.
Aşpazlar bişirər aşı,
Xara çarşab altda kişi.
Allah kəssin belə işi,
Dur, yatmağın çağı deyil.
Çöllərdə otlayar ilxı,
Göydə öldürdüm mığ-mığı.
Bir qarışdır «gəlinin» bığı,
Dur, yatmağın vaxtı deyil.
Deyirlər, o gündən bəy öz xasiyyətini tərgidib.
176
NÖVBƏYƏ DUR
Bir gün biri görür ki, iraq üzündən, bir cənazə
aparırlar. Neçə-neçə adam da cənazənin dalınca gedir.
Cənazə ilə yanaşı al-qumaşa, zər-zibaya tutulmuş
taxti-rəvanda bir keçi aparırlar. Bunu görən həmin adam
yanındakından soruşur ki, a qardaş, bu nə əhvalatdır? O
da başa salır ki, bu gördüyün keçi həmin o qarını vurub
öldürüb. Bu dəm-dəstgahı da onun gəlini yaradıb. Bunu
eşitcək, həmin adam irəli durub soruşur ki, bu keçini
mənə verərlərmi?
Həmsöhbəti qəh-qəhə çəkib deyir:
- A pir olmuş, bu neçə yüz adamı görürsən ha…
bunların hamısı növbədədir. Sən də get növbəyə dur.
İKİSİNDƏN BİRİNİN VƏZİYYƏTİ
AĞIR OLACAQ
Qoca bir kişi qızlarına baş çəkməyə gedir. Böyük
qızın güzəranı ilə tanış olur. Kürəkəni ilə həyət-bacanı
gəzir.
Kürəkən deyir:
- Bu il bolluca kərpic kəsəcəm. Bəxtimiz gətirib
yağış yağmasa, əldə edəcəyimiz qazanc ilə əməlli-başlı
güzaran yarada bilərik.
Kişi əllərini göyə qaldırıb Allaha dua edir ki, bu il
quraqlıq olsun.
Qoca səhərisi gün kiçik qızının evinə qonaq gedir.
Burada da qızı ilə kürəkəni danışırlar ki, göy-göyərti
əkmişik bir sözlə, il yağmurlu keçsə, sudan korluq olmasa
dirrikdən əməlli-başlı qazanc götürəcəyik.
177
Ata bu dəfə əllərini göyə qaldırıb dua edir ki, tez-tez
yağış yağsın.
Evinə qayıdan kimi arvad soruşur:
- Ay kişi, danış görək, qızlarımız, kürəkənlərimiz
necədirlər?
Kişi deyir:
- Bircə onu bilirəm ki, bu il ikisindən birinin
vəziyyəti ağır olmalıdır. Çünki birinə yağış üçün, birinə
isə quraqlıq üçün dua eləmişəm. Görək Allah hansını
eşidir.
QOYUN, GÖRƏK NƏ DEYİR?
Gəncə aktyorlarından bir qrupu yaxın rayonlardan
birinə qastrola gedibmiş. Onlar bir kənd klubunda tamaşa
göstərmək istəyirdilər. Amma zalda oturan adamlar elə
hay-küy salırlar ki, pərdəni açmaq mümkün olmur. Yaşlı
aktyorlardan biri üzünü camaata tutur:
- Ay camaat, xahiş edirik sakit olun. Biz də
tamaşaya başlayaq.
Bu sözlərin heç bir təsiri olmur. Başqa bir aktyor da
səhnəyə çıxıb eyni xahişi eləyir. Yenə də bir faydası
olmur. Axırda bu qərara gəlirlər ki, kolxoz sədrini
çağırsınlar. Bəlkə o camaatı sakitləşdirə. Belə də eləyirlər.
Bir azdan sədri tapıb gətirirlər. İri gövdəli kolxoz sədri
pərdəni aralayıb səhnəyə çıxır, xırıldaya-xırıldaya
camaata deyir:
- Ay köpəy uşağı, bir sakit olun, görək bu it uşağı nə
deyir də…
178
BİR QONAQLIQDA
Deyir bir ayrımın evinə Gəncədən qonaq gəlir.
Ayrım qonaqları elə küçədə qarşılayır. Evə çatanda deyir:
- Görursəniz, mən özumə nə yaxşı şərait
yaratmışam. Görürsəniz, mən nə yaxşı alt-üst evlər
tikdirmişəm. Allah sizin də evlrərinizi alt-üst eləsin!
Qonaqlar dinmir. Evə girirlər. Süfrə açılır. Yeyib-
içirlər. Ayrım dil-ağız eləyir:
- Siz ki məni sayıb mənim evimə gəlifsəniz, mənnən
bir oturursanız, mənim çörəyim kəsirsəniz, Allah da sizin
çörəyinizi kəssin.
MOTOSİKLETDƏ
Bir ayrım öz motosikletində gecə qaranlığında yol
gedirmiş. Arvadı da əyləşibmiş onun arxasıda. Birdən
görür ki, qabaqda bir cüt işıq yandı. İşıqlar bu tərəfə
gəlməyə başladı. Ayrım tez arvadına deyir:
- Arvad, qabaqdan iki dənə motosiklet gəlir. Odur
ey bir cüt işıqdan bilirəm. Bunlar mənim düşmənlərim
olacaq. Gəlirlər ki, məni tutsunlar. Elə bilirlər ki mən
uşaq-zadam. Sən məndən bərk yapış. Mən acıqnan qazı
basıb onların ikisinin də arasından keçəcəm.
Ayrım bunu deyib motosikletin sürətini daha da
artırır. Sən demə, qabaqda yanan bir cüt işıq ağır yük
maşınının işıqlarıymış. Ayrım motosikleti aparıb həmin
yük maşınının tən ortasına vurur.
179
O BİRİSİNİN DƏ YERİNİ DEYİM ?
Biri iki dənə öküz oğurlayır, aparıb hərəsini bir
yerdə gizlədir. Kimsə öküzün birinin yerini bilir və öküz
yiyəsinə xəbər verir. Öküz yiyəsi oğrunu tapır və
möhkəm danlayır. Oğru ona bir xeyli qulaq asandan sonra
deyir:
- Sən məni belə möhkəm danlayırsan ki, o biri
öküzün də yerini deyim?
LAP TƏZƏK DADIR Kİ
Bir dələduz bərk pulsuzlayıbmış. Oturub fikirləşir
ki, hardan bir az pul qazansın. Çox baş sındırır, çox götür-
qoy eləyir. Axırda bu qərara gəlir ki, bazara gedib alverlə
məşğul olsun. Tezcə bazara yollanır. Mal almaq üçün pul
lazım idi. Ona görə niyyəti baş tutmur. Bir tərəfdə oturub
xeyli fikirləşir. Birdən onun gözü yekə bir təzəyə sataşır.
Tez təzəyi yerdən götürür, xırda-xırda bölüb kağızlara
bükür. Başlayır müştəri çağırmağa:
-Ay alan, ağıl satıram! Ağıl satıram! Ağıl! Ağıl!
Ağıl!
Bütün bazar əhli bu sözü eşidən kimi bərk
təəccüblənir. Hamı dələduzun başına toplaşır. Soruşurlar
ki, neçəyədir? Bunu necə qəbul etmək lazımdır?
Dələduz cavab verir ki, hər bir qırıntının qiməti 2
manatdır. Yeyirsən, dərhal ağlın artır.
Təzəyin müştərisi çoxalır. Hamı bu «qiymətli»
«dərmandan» bir neçə dənə almağa çalışır. Müştərilər
təzək qırıntılarını alır, elə oradaca yeməyə başlayırlar.
180
Onlar bu «dərmanı» yeyəndən sonra ağız-burunlarını
bərk-bərk turşudaraq deyirlər:
- Əşi, bu heç nə dadmır ki.
Bir nəfər də dələduza yaxınlaşıb pul verir və
«dərman» alır. Elə oradaca yeyib deyir:
- Əşi, bu heç nə dadmır ki…
Birini də alıb yeyir və deyir:
- Əşi, bu heç nə dadmır ki:
Birini də alıb yeyir və deyir:
- Əşi, bu, heç nə dadmır ki:
Birini də alıb yeyir və ağız-burnunu turşudaraq
deyir:
- Əşi, bu lap təzək dadır ki…
Bunu eşidən dələduz dərhal deyir:
- Hə, bax sən yavaş-yavaş ağıllanırsan.
PADŞAH VƏ GÖZƏL QADIN
Padşah mahalı gəzməyə çıxıbmış. Birdən gözəl bir
qadın görür. Bunun üzündə nə ənlik varıydı, nə kirşan.
Padşah əmr edir ki, bu qadını hər gün onun sarayına
gətirsinlər. Padşah qadına baxıb ləzzət alırmış. Hər dəfə
də ona bir qızıl bağışlayırmış.
Bir gün qadın düşünür ki, əgər padşah məni bəzək-
düzəksiz bəyənirsə, gör bəzənsəm nələr olar? Onda
padşahın lap ağlı başından çıxar, lap çox qızıl verər.
Qadın elə belə də edir. Padşahın hüzuruna getməmişdən
qabaq özünə əmməli- başlı əl gəzdirir. Padşah onu görən
kimi qəzəbindən gözü kəlləsinə çıxır və deyir:
- Ay zalım balası, boyalı qadın onsuz da doludur
mənim sarayımda. İndi tapşıraram sənə yaxşıca cəza
verərlər.
181
Həmin gün padşah qadını möhkəm cəzalandırır.
DAMAZLIQ ÜÇÜN
Yüngül maşınlar təzəcə çıxanda biri dağdan
Gəncəyə gəlibmiş. Şəhərdə şütüyən balaca minik
maşınlarını görüb bərk təəccüblənir. Bir nəfərdən soruşur
ki, bunlar nədir belə? O da başa salır ki, bu yüngül minik
maşınıdır. Qonaq bunun nə demək olduğunu başa düşmür.
Axırda belə qandırırlar:
- Bu maşınlar sizin gördüyünüz o iri maşınların
balalarıdır.
Qonaq bu sözdən bərk sevinir və deyir:
- Görəsən, bu baladan bir-ikisini damazlıq
verərlərmi gedəndə özümlə aparım?
ÖZÜBOŞALDAN MAŞIN
Bir ayrım şəhərə çoxlu pomidor aparmaq istəyir. Bir
yük maşınının sürücüsü ilə danışır. Beş yüz manata
yollaşırlar. Nə isə, bir güc-bəla ilə pomidoru maşına
yükləyirlər. Maşın yerindən tərpənəndə ayrım şoferə
deyir:
- Şofer qardaş, düzdür, sənnən beş yüz manata
yollaşdıq. Amma bəri başdan deyirəm ki, sana cəmisi yüz
manat verəcəm.
Şofer bu sözdən həm təəccüblənir və həm də
qəzəblənir. Deyir:
- Yox, qardaş, incimə, onda mən sənin yükünü
şəhərə apara bilmərəm.
182
Ayrım kefini pozmur:
- Onda get, zəhmət çək mənim pomidorumu özün
boşalt. Mən yorulmuşam, əlimi də vuran deyiləm.
Şofer maşının kuzovunu qaldırır, pomidorun hamısı
yerə tökülür. Ayrım çaş-baş qalır. Elə bu vaxt onun
yanında başqa bir yük maşını dayanır. Şofer başını
pəncərədən çıxarıb deyir:
- Ay qardaş, şəhərə mal aparmaq istəyirsənsə, gəl
yollaşaq.
Ayrım yerlə yeksan olmuş pomidoru yığa-yığa
soruşur:
- Sənin də maşının özü boşaldandır?
HEÇ KIM GƏLMƏK ISTƏMIR
Biri ölür. O dünyada onu cəhənnəmə göndərirlər.
Cəhənnəmə çatan kimi başlayırlar bunu o ku var
döyməyə. Döyülən adam zarıya-zarıya Hinkir-Minkirə
deyir:
- Əşi, adamı belə döyürsünüz deyə yanınıza heç kim
gəlmək istəmir də …
HAMISINDAN BİŞİRİN
Daşkəsəndə Karağan Usub adlı çox baməzə bir kişi
olub. Bir gün Karağan Usub dostlarından birinin evinə
qonaq gedibmiş. Ev yiyəsi Usub kişidən soruşur ki, nə
yeyəcəksən, nə hazırlayaq?
Usub kişi soruşur:
- Nə bişirə bilərsiniz?
Cavab verirlər ki, çox şey. Məslən: piti, kələpır,
bozartma, küftə, dolma, plov …
183
Bunu eşidən Karağan Usub deyir:
- Qazanınız çoxdursa, hamısından bişirin …
ANASINI AĞLADACAM
Dağ kəndlərinin birində kolxoz sədri seçmək
istəyirlər. Layiqli adam tapa bilmirlər. Kənddə
savadsız,amma qoldan qüvvətli, ağızdan pərtov bir kişi
varıymış. Müəllimlərdən biri onun üstünə düşür ki, gəl bu
işi elə sən götür öhdənə. Bizim kolxoz üçün səndən yaxşı
sədr ola bilməz.
Kişi cavab verir ki, ay canım, mən savadsız bir
adamam. İclasda-miclasda danışa bilmərəm. Əl çəkin
məndən.
Müəllim təkid edir:
- Təki sən razı ol, gerisi ilə işin yoxdur. Harda çıxış
eləsən, mən sənə kömək eyləyərəm.
Kişini birtəhər yola gətirirlər. Kolxoz sədri seçirlər.
Dərhal iclas çağırılır. Sədr ona dil tökən müəllimi yanına
çağırıb deyir ki, mən caamatın qabağında çıxış etməliyəm.
Bəs nə təhər eyləyək?
Müəllim deyir ki, heç narahat olma. Sən çıx
kürsüyə. Mən də kürsünün altında gizlənəcəm. Mən nə
desəm, sən təkrar edərsən.
Razılaşırlar. İclas başlanır. Təzə sədr kürsüyə çıxır.
Kürsünün altında gizlənən deyir:
Denən: « Yoldaşlar!»
Sədr deyir:
- Yoldaşlar!
184
Sədr bunu deyəndən sonra asta səslə kürsünün
altında gizlənmiş adamdan soruşur:
- Ə, bəs indi nə deyim?
O da, cavab verir:
- Ə, canına azar de! Mən nə bilim nə demək
lazımdır?
Hamı gözünü dikir sədrin üzünə. Yerdən biri
soruşur:
- Hə, bəs sonra? Eşidirik, sözünü de.
Sədr qızarıb-bozarır. Bir nəfər ayağa qalxıb deyir:
- Əşi, sözün yoxdursa, biz çıxıb gedək. Sən Allah,
bizi avara eləmə. İşimiz-gücümüz var.
Sədr deyir:
-Yaxşı, yoldaşlar, siz gedin. Sizə heç bir sözüm
yoxdur. Amma mənim ayağımın altında biri var. Bu saat
onun anasını ağladacam.
ƏZMƏSİN, ƏZMƏYİM
Bir çoban dağda qoyun otarırmış. Elə bu vaxt bir
molla sürünün yanından keçib harasa gedirmiş. Dayanıb
çobanla salam-əleyk eləyir. Sonra soruşur:
- A bala, burada neyləyirsən?
Çoban cavab verir:
- A molla əmi, ruzumu qazanıram.
- A bala, ruzu belə qazanılmır. Sən gərək gecə-
gündüz Allaha dua eləyəsən, ibadət eləyəsən, namaz
qılasan. Bax, onda sənin başından ruzu tökülər.
Çoban soruşur:
- A molla əmi, ibadət nədir, namaz nədir?
Molla cavab verir ki, indi gedərsən məscidə. Orada
baxarsan, camaat nə eləyirsə, sən də ondan eləyərsən. Hər
şey sənə agah olar.
185
Çoban sürünü arxaca salıb tez məscidə gedir.
Ömründə birinci dəfə məsciddə olduğu üçün burada
gördüklərinə çox təəccüblə baxır. Baxıb görür ki, bir dəstə
adam gah diz üstə çökür, gah yeri öpür, gah üzünü yuxarı
tutur, gah da əyilib qalxır. Bir uzunsaqqallı kişi də lap
qabaqda dayanıb uca səslə deyir:
- Allahü-Əkbər!.. Allahü-Əkbər!.. Allahü-Əkbər!..
Çoban ibadət edən, namaz qılan adamların başının
üstündən hoppana-hoppana lap qabağa gəlir. Hamıdan
qabaqda, axundun geri yanında dayanıb ibadətə başlayır.
Kim nə cür hərəkət edirsə o, dərhal həmin hərəkəti təkrar
edir. Arxadakı adamlar çobanın yersiz hərəkətlərindən,
ələlxsus hamının başı üstündən hoppanaraq qabağa
keçməsindən bərk qəzəblənsələr də, namazın xatirinə heç
nə deyə bilmirlər. Çoban aşağı əyiləndə birdən arxadakı
adamlardan biri onun ətinin yumşaq yerindən tutub bərk
sıxır. Ağrıdan çobanın gözləri böyüsə də cıqqırını
çıxartmir. Bunu namazın ümumi qaydası kimi qəbul edir.
O da əlini uzadıb ondan qabaqda dayanmış axundun
ətinin yumşaq yerindən tutur var gücü ilə sıxır. Axund
özündə dəhşətli bir ağrı hiss etsə də Allahın kəlamını
yarımçıq kəsə bilmir. Öz dualarına, ibadətinə davam edir.
«Əlləzinə» sözünü eşidən çoban deyir:
- Əşi, əzməsin, əzməyim də…
SƏNİ YEMƏYƏCƏK Kİ
Günlərin bir günü bir gəncəlinin evinə qonaq gəlir.
Qonaq məhləyə girir. Məhlədə bir sərt it varıymış. Ev
yiyəsi eyvandan qonağa nə qədər deyirsə içəri gəl, it aman
vermir. Qonaq da qorxusundan irəli yeriyə bilmir. Ev
186
yiyəsi eyvandan itə bərk təpinir. Amma yenə it qonağı
irəli buraxmır. Bu dəfə ev yiyəsi itə acıqlanır:
- Ə, nə hürüyürsən, bir aman versənə. Qonaqdır
dana, qoysana gəlsin, səni yeməyəcək ki …
İNDİ BİLDİN?
Bir kişinin qızına elçi gəlir. Kişi mətləbdən halı olan
kimi bircə kəlmə ilə öz sözünü deyir:
- Mənim qızm həm lal, həm kar, həm də topaldır.
Elçilər bildirirlər ki, qızın hər nə qədər eybi olsa,
onlar üçün qəbuldur. Hər iki tərəf razılığa gəlir. Nişan, toy
başa çatır. Qaynana təzə gəlinin başıaşağı, ağıllı, gözəl,
zirək olduğunu görür. Odur ki, bir gün qudasına üzünü
tutur:
- Bura bax, a qohum, bəs sən deyirdin qızın laldı,
kardı, topaldı?
Qızın atası cavab verir:
- Mən o sözü başqa mənada demişəm. Yəni mənim
qızım heç vaxt yanında danışılan sirri başqalarına verməz,
hər söhbətə qulaq asmaz, qapı-qapı gəzməyi də xoşlamaz.
İndi bildin, belə deməyimin səbəbini?..
BOSTANA DÖNÜB
Keçmişdə bir bəy var imiş. Qapısına ağlı kəsməyən
adam gələndə nökərini göndərərmiş ki, get denən ağam
xəstədi. Bir gün yenə bəyin qapısı döyülür.Bəy tez nökəri
187
göndərir ki, get denən ağam xəstədi. Qonaq da üzlü qonaq
imiş. Qırsaqqız olur ki, ağanın xəstəliyi nədir?
Nökər özünü itirir, başlayır kəkələməyə:
- Ağam uzanıb yerə. Başı şişib qarpız boyda olub.
Ayaqları elə bil ki, lap yemişdi. Rəngi badımcan kimi
qaralıb. Əlləri…
Bunu eşidən qonaq qəhqəhə çəkir:
- Əşi, taa denən ağam bostana dönüb. Vay dədəm,
vay!..
QISA, KOSA, MUSA
Bir kənddə üç qardaş varmış. Bu qardaşların da var-
yox bircə atı varmış. Bir gün bu at itir. Qardaşlar oturub
fikirləşirlər:
- Ayə, üç qardaşın var-yox bir atı ola. O da itə? Bizə
ayıbdır ki, bir atı saxlaya bilmirik. Yox, mütləq atı
tapmalıyıq.
Onlar atı axtarmağa başlayırlar. Birdən baxıb
görürlər uzaqdan bir adam gəlir. Qardaşlardan biri deyir
elə atı bu oğurlamış olar.
Böyük qardaş deyir:
- Ayə, bunun boyu qısadır.
Ortancıl qardaş deyir:
- Əgər onun boyu qısadırsa, onda bığı da kosadır.
Kiçik qardaş deyir:
- Əgər onun boyu qısa, bığı kosadırsa, onda adı
Musadır.
Qardaşlar belə hesab edirlər ki, əgər onların
fikirləşdikləri düz çıxsa, deməli, atı doğrudan da bu adam
oğurlayıb. Bir azdan həmin adam onların yanına çatır.
Qardaşlar baxıb görürlər ki, dedikləri əlamətlərin hamısı
bu adamda var. Tez soruşurlar:
- Ayə, sənin adın Musadırmı?
188
O cavab verir:
- Bəli, mən Musayam.
Bunu eşidən kimi qardaşlar onun yaxasından
yapışırlar ki, bizim atımızı sən oğurlamısan. Tez ol bizim
atımızı ver.
Musa nə qədər and-aman eləyir ki, at-zad görməyib.
Heç onun bu işdən xəbəri yoxdur. Qardaşlar inanmır ki,
inanmır. Kişini tutub qazının yanına gətirirlər. Əhvalatı
danışırlar.
Qazı soruşur:
- Axı siz hardan bilirsiniz ki, atı bu adam oğurlayıb?
Qardaşlar cavab verirlər ki, biz biliciyik və hər şeyi
bilirik.
Qazı deyir:
- Onda gəlin bir şərt kəsək. Siz çıxın çölə. Mən
ovcumda bir şey gizlədəcəm. Onu tapa bilsəniz, deməli
dediklərinizin hamısı doğrudur.
Qardaşlar çölə çıxırlar. Bir azdan qayıdırlar. Qazı
soruşur:
- Tapın görüm, mənim ovcumdakı nədir?
Böyük qardaş deyir:
- Kişinin əlindəki onun varıdır.
Ortancıl qardaş deyir:
- Əgər o, kişinin varıdırsa, deməli rəngi sarıdır.
Kiçik qardaş deyir:
- Kişinin əlindəki onun varıdırsa, rəngi də sarıdırsa,
deməli o, darıdır.
Qazı ovcunu açır. Baxıb görürlər ki, doğrudan da
onun gizlətdiyi darı imiş. Qazı qardaşların bilici olduğuna
tam inanır və belə hesab edir ki, onlar at oğurlayanı
düzgün tapıblar. Odur ki, Musaya təpinərək deyir:
- Tez ol get, onların atını tap, ver özlərinə.
189
BAKIDAN GƏTİRDƏRİK
Gəncədəki bədii özfəaliyyət kollektivlərindən biri
konsertə hazırlaşırmış. Birdən şəhər mədəniyyət şöbəsinin
müdiri içəri girir. Uşaqlardan soruşur:
- Vəziyyət nətəridir, ə?
Uşaqlar yerbəyerdən deyirlər ki, nə qədər çalırıqsa,
rezonans vermir.
Müdir kefini pozmur:
- Ə, vermir, heç verməsin, təşkil eləyib Bakıdan
gətirdərik.
BİR MANATIN DƏRDİNDƏN
Dəllək bir mərdimazarın başını qırxırmış. Birdən
oğlu içəri girib pul istəyir:
- Ay dədə, mənə bir manat ver, konfet alacam.
Dəllək yanıb –yaxılır:
- Ə, köpək oğlu, mən bir manatın dərdindən
qabağımda it qırxıram, sən də gəlib məndən bir manat
istəyirsən?
FİL HƏKİMİ
Biri çox xərc-xəsərrətnən uzaq bir ölkədən fil
həkimliyini öyrənib öz vətəninə qayıdır. Çatan kimi
yanına bir fil gətirib deyirlər ki, bəs deməssənmi, bu fil
xəstələnib, buna bir əlac elə. Həkim çölə çıxanda fil yerə
səvərib yatmışdı. Həkim fil sahibinə deyir ki, fil bərk
xəstələnib, ona mütləq iynə vurmaq lazımdır. Fil sahibi də
deyir ki, hə, lap yaxşı, iynə vur, nə qədər istəyirsən sənə
190
pul verərəm. Həkim iynəni hazırlayır. Amma iynəsi də
əlində bir xeyli dayanıb filə baxır. Fil sahibi soruşur:
- Həkim qardaş, nooldu, niyə işə başlamırsan?
Həkim deyir:
- Bilirsən, qardaş, bir iş var, iki əməl. Mən bu iynəni
filin başına vurmalıyam, amma bayaqdan ha baxıramsa bu
çər dəymiş heyvanın başı ilə geri yanını seçə bilmirəm.
Fil yiyəsi həkimin sözünə lap məəttəl qalıb deyir:
- Bu nətəri həkimdi, ə? Neçə ildi papağını günə
yandırıb fil həkimliyi oxuyub, hələ də filin başı ilə geri
yanın seçə bilmir.
Kişi bunu deyib fili dəhmərləyir, birtəhər qabağına
qatıb evinə aparır.
EŞŞƏKNƏN İTİN YEMƏYİ
İki üzdəniraq alim ucqar dağ kəndlərindən birinə
gedir. Bir ağsaqqalın evində qonaq qalası olurlar. Axşam
düşür, yemək vaxtı çatanda ağsaqqal qonaqlara təklif
eləyir ki, buyurun, əl-üzünüzü yuyun, bir tikə çörək
kəsək. Bizim qarı şəhərli qonaqlarımıza bir yaxşı xəngəl
bişirib. Qonaqlardan biri əl-üzünü yumaq üçün çölə çıxır.
Elə bu vaxtı ağsaqqal o biri qonaqdan soruşur:
- Ay oğul, məni bağışla, qadan alım, səndən bir söz
soruşmaq istəyirəm. Bir mənə de görüm, sənin bu çölə
çıxan dostun nətəhər adamdı?
- Əşi, nətəri olacaq ey, eşşəyin biridir.
Bir azdan sonra çöldəki qonaq içəri girir, bu dəfə də
o biri qonaq əl-üzünü yumağa çıxır. Ağsaqqal indi də ona
yaxınlaşıb soruşur:
- A bala, qadan alım, məni bağışla, səndən bir söz
soruşmaq istəyirəm. Sənin o dostun nə cür adamdı?
Qonaq üz-gözünü turşudub deyir:
191
- Eh … O niyə adam olur, itin biridir.
O biri qonaq da əl-üzünü yuyub qayıdır. Ağsaqqal
bunların ikisini də burda qoyub çölə çıxır, gedib bir qab
arpa, bir qab da yal gətirir. Qonaqların qabağına qoyur.
Qonaqlar deyir:
- A kişi, bu nədi belə ?
Ağsaqqal əhvalını pozmur:
- A bala, eşşəknən itin yeməyi ayrı nə ola bilər ki?
QOYSANA NƏÇƏNNİKNƏN GÖRÜŞƏK
Daşkəsənə təzə katib gəlibmiş. Katib rayonla
yaxından tanış olmaq istəyir. Əvvəlcə kəndləri gəzmək,
adamlarla görüşmək qərarına gəlir. Maşına minib uzaq
kəndlərin birinə yollanır. Daxili işlər şöbəsinin rəisi də
onun yanındaymış. Bir dağın ətəyindən ötüb keçəndə
katibin gözü böyük bir qoyun sürüsünün arxasınca gedən
ortayaşlı çobana sataşır. Tez maşını saxlatdırır. Maşından
düşüb daxili işlər idarəsinin rəisi ilə birlikdə çobana tərəf
gedir. Çoban rəisi lap uzaqdan tanıyır, amma
yanındakının kim olduğuna əhəmiyyət vermir. Katib
çobana yaxınlaşıb əl uzadır. Çoban onun əlini geri itələyib
deyir:
- Ə, öldüyün ha döyül, qoysana bir nəçənniknən
görüşək.
ÖLÜYNƏN BİR YASTIĞA BAŞ
QOYURAM
Bir məclisdə Məmməd adlı bir kişinin
xəstələnməyin-dən söz düşür. Soruşurlar ki, nolub, niyə
xəstələnib? Biri də qayıdır ki, bəs deməssənmi Məmməd
kişi uşaqlıqdan ölüdən qorxandır. Keçən gecə
192
qəbristanlığın yanından keçəndə gözünə ölülər görünüb,
kişinin qorxudan zəhri çatlayıb. Həsən adlı zarafatcıl bir
kişi özünü saxlaya bilməyib deyir:
- Niyə qorxur, ə… Ölüdən də qorxarlarmı? Mən
otuz ildir ki, ölüynən bir yastığa baş qoyuram,bə niyə
qorxmuram?
KƏLBALI KİŞİ VƏ LOTULAR
Albalı kəndində olan Kəlbalı kişi bir eşşək yükü
gavalı aparırmış bazarda satmağa. Yolda lotular kişinin
qabağını kəsib soruşurlar:
- Kişi, haralısan? Kəndinin adı nədir?
Kişi deyir:
- Albalı.
- Adın nədir?
- Kəlbalı.
- Yükün nədir?
- Gavalı.
Lotular qəzəblə bir-birlərinə baxıb deyirlər:
- Ayə, bu qoca deyəsən bizi sarıyıb. Gəlin onu bir
yaxşı əzişdirək.
Bunu eşidən Kəlbalı kişi cibindən sənəd çıxarıb
onlara göstərir. Lotular sənədlərə baxdıqdan sonra kişinin
sözlərinin doğruluğuna inanır və ona toxunmurlar.
ƏLLİ VERMİŞİM, ƏLLİ DƏ İSTİYEY
193
Beş-altı ayrım Gəncəyə kartof aparırmış. Yolda
polis maşını saxlayır. Şofer düşür yerə. Başlayırlar çənə-
boğaz eləməyə. Kuzadakı ayrımlar soruşur:
- Noolub, ə, nə istiyey?
Şofer deyir:
- Ə, ta noolajax bundan artıx, buraxmax istəmir.
Ayrımların biri deyir:
- Ə, şərrəsin, ölmüyüfsən ha şərrə!
Şofer deyir:
- Ə, ta nə şərriyəjim, əlli vermişim, əlli də istiyey.
BAL
Bir gəncəlinin evinə qonaq gəlir. Ev yiyəsi yaxşı
süfrə açır. Qonaq deyir:
- Allah süfrənizi belə həmişə açıq eləsin! Mən
toxam, heç nə yeməyəcəm.
Ev yiyəsi əl çəkmir ki, yox, bu nemətlərdən
dadmasan, bir tikə çörək kəsməsən, üzünə baxmaram,
qonaq nə illah eləyirsə, mümkün olmur. Axırı əlacı kəsilib
süfrəyə qoyulmuş baldan yeməyə başlayır. Bir dadım alan
kimi balı tərifləyir:
- Əşi, bu nə gözəl baldı?! Bu yaşacan mən hələ belə
ləzzətli bal yeməmişəm.
Ev yiyəsinin qoltuğu qarpızlanır. Özünü saxlaya
bilməyib deyir:
- Qonaq qardaş, hələ mənim yaxşı balım dağdadır.
Sənin yediyin onun yanında nə zibildir ki…
CANAVAR YUVASI
194
Tovuzda Qıqqı Vəli adında baməzə bir kişi olub.
Bir gün Vəli Gürcüstanın Ovçular Cəmiyyətinə teleqram
vurur ki, tez silahlanın gəlin, sovxozumuza çoxlu canavar
dadanıb. Günlərin bir günü Tiflisdən bir dəstə silahlı ovçu
maşınla kəndə gəlir. Onları Vəli özü qarşılayır. Soruşurlar
ki, a kişi, sən bu məzmunda bir teleqram vurmusanmı?
Vəli deyir ki, hə. Nəysə, Vəli bunlara deyir ki, dalımnan
gəlin, mən bu saat canavarların yuvasını sizə göstərəcəm.
Ovçular əli silahlı düşürlər Vəlinin yanına. Vəli onları
aparır düz sovxoz idarə heyətinin binasına. Ovçulara
sovxoz direktoruyla müavinin otağını göstərib deyir:
-Bax, ana canavarla ata cavar bu otaqlarda
oturublar. Bala canavarlar isə bax orda – mühasib
otağında otururlar. Siz əvvəlcə ata canavarla ana canavarı
ovlayın. Bala canavarlar bunu görüb öz-özlərinə
qaçacaqlar.
ADAM YOX, ALİM ELƏDİ
Özündən razı, lovğa və savadsız iki alim Nizami
Gəncəvinin heykəlinin yanından ötüb keçirmiş. Onlardan
biri heykələ tərəf baxıb deyir:
-Bizi də bu kişi adam elədi.
Onların arxasınca gələn və hər iki «alimi» yaxşı
tanıyan bir ağsaqqal bu sözləri eşidib deyir:
-Nizami rəhmətlik sizi adam yox, alim elədi.
HAQQIN VAR
Bir kişin çox sevdiyi bir iti varmış. Bir gün bu it
milisin papağını götürüb qaçır. Milis bir güc-bəla ilə gəlib
papağını tapır. İt yiyəsini çağırtdırıb əhvalatı ona danışır.
Sonra da itə bir təpik vurur.
195
Bunu görən it yiyəsi deyir:
-Vur, vur, lap əlinin içindən gəlir. Vur, vallah, sən
indi bu itin ətini dişinə çəksən də haqqın var.
ÖMRÜMÜN AXIRINA KİMİ
Bir qarışqa bir fil ilə evlənibmiş. Günlərin bir günü
fil ölür. Qarışqa başlayır ağlamağa, şivən qoparmağa.
Yaxınlaşıb təsəlli verirlər ki, əşi, ağlama, ölüb-ölüb, canın
sağ olsun.
Qarışqa deyir:
- Mən başıdaşlı bunu ağlamıram ki… Mən öz
günümə ağlayıram. Gərək ömrümün axırına kimi qəbir
qazam.
AXTARARSAN BİZLƏRİ …
Bir kişi pinəçilik öyrənir. Di gəl ki, işlətməyə hacatı
olmur. Gedir çoxdan pinəçilik eləyən dostunun yanına.
Xoş-beşdən sonra gözünün altından bizlərə baxır,
istəməyə də üzü gəlmir. Başlayır zümzümə eləməyə:
Axtararsan bizləri,
Tapa bilməzsən bizləri,
Onda söymə bizləri.
Oxuya-oxuya özünə lazım olan bizləri çırpışdırır.
Dostu heç nə başa düşmür. Bu çıxıb gedəndən sonra
iynəni, bizi yerində tapmır. Pinəçi barmağını dişləyir: «…
Deməli, dostum mənnən halallıq alırmış».
196
NƏ BOYUN OLURSAN?
Bir ağsaqqal raykom katibinin yanına gedib deyir:
- Yoldaş katib, rüşvət rayonu başına götürüb.
Katib əlini ağsaqqalın çiyninə qoyur. Deyir:
- Ağsaqqal, nə boyun olursan, bu rayondan rüşvəti
tamam yığışdırım?
ÇAY ƏHVALATI
Gəncəbasarın QarApirimli kəndində Əmrah adında
bir kişi varıymış. Bu kişi kəndin yüzbaşısı imiş. Bir gün
Ağasbəyliyə dostu Həsənin üstünə çapar göndərir. Deyir:
- Dostuma deyin filan gündə Əmrah kişi başının
dəstəsiynən çay qonaqlığına gələcək.
Çarar çatır Ağasbəyli kəndinə. Sözü yiyəsinə yetirir.
Həsən kişi çağırır arvadı Sayalını. Deyir bəs belə, hazırlıq
gör. Qonaqlar gəlir.
Vaxt- vədə tamam olur. Qonaqlar tökülüşür. Sayalı
öz-özünə deyir: «Yox, mən bu işi yoxlamalıyam, görüm
bu Əmrah necə çay içəndi ki, o boyda yolu basa-basa çay
içməyə gəlir».
Qonaqlar keçir öyə. Mütəkkələrə dirsəklənirlər.
Qəlyan çəkib, ordan-burdan söz salırlar. Sayalı məhlənin
ortasında samavar qaynadır. Çayı qəsdən iki çaynikdə
dəmləyir. Çaynikin birinə bir ovuc arpa tökür. Arpalı
çaydan süzüb qoyur qonaqların qabağına. Qapının
arAsından baxır. Əmrah kişi stəkanı əlinə götürüb iyləyir.
O saat başlayır at kimi kişnəməyə. Sayalı barmağını
197
dişləyir. Tez çayları yığışdırır. O biri çaynikdən süzüb
gətirir. Əmrah kişi yenə stəkanı başına qaldırır. Bu dəfə
«bəh-bəh» deyir. Sayalı görür ki, hə, bu kişi həqiqətən çay
içən adam imiş.
BİR EŞŞƏYİ OLAN
İki həmşəri rastlaşır. Biri o birindən soruşur:
- Qardaş, vətəndə nə var, nə yox?
Deyir:
- Bir eşşəyi olan
Madar- küdar dolaney.
İki eşşəyi olan
Quyruğundan bal əmey.
Üç eşşəyi olan
Xannan bacanaq oley.
YEDDİ BACANAQ
Yeddi bacanaq yolnan gedirmiş. Birdən bunlardan
biri deyir:
- Bir adam olaydı, söhbət eliyərdik.
BAĞRIN DAŞDIMI
Bir qız gəlin köçür. Toy günü baxır ki, qaynatası
kababdan çəkir, yeyir. Çəkir, yeyir. Gəlin ac imiş. Baxır,
baxır. Axırda dözə bilmir, deyir:
- Bağrın daşdımı, a Möhləş kişi! Demirsənmi bəlkə
birinin tamahı keçər.
198
GÜLÜ KİŞİ İTİNƏ YAXIN DURMUR
Goranboyun Qaradağlı kəndindən olan Gülü kişi
gəlir Gəncə bazarına. İti də yanındaymış. İt andır bir
kişini yağ dolu qarnını yırtır. Yağ axır. Kişi qışqırır:
- Ay bu itin yiyəsi! Ay bu itin yiyəsi! Gəl cəriməni
ver!
Gülü kişi görür işlər şuluqdur. Bu da başlayır iti
döyməyə. O vaxtdan bəri öz malına yiyəlik eləməyənə
deyirlər:
- Gülü kişi itinə yaxın durmur.
TƏKİ YAXŞI YEMƏK OLSUN
Bir gün Gülü kişinin aldadırlar. Deyirlər ki, səni
Hazırəhmədliyə qonaq çağırıblar. Bir də yalandan
canıyananlıq eləyirlər:
- A kişi, yol çox uzaqdı, nətəri gedib çıxacaqsan?
Gülü kişi kefini pozmur:
- Təki yaxşı yemək olsun. Hazırəhmədli budu
buradır.
ALLAHIN İKİ ADI
Deyir bir çirkin kişinin çox gözəl arvadı var imiş.
Bir gün bunlara bir qonaq gəlir. Arvada deyir:
- Ay bacı, sən ki, belə gözəlsən. Bu bədheybət
kişiynən nətəri oturursan?
Arvad deyir:
- Ay qardaş, sən yəqin müsəlman deyilsən.
Bilmirsənmi Allahın bir adı Səbrdi, o biri adı Şükr. Mən
199
bu kişinin kifirliyinə baxıb səbr eləyirəm, öz gözəlliyimə
baxıb şükr eləyirəm.
SAĞ TƏRƏFDƏKİ MƏNƏM
Biri əsgərlikdə eşşəknən şəkil çəkdirir. Yollayır
atasına. Altından da yazır:
- Dədə, sağ tərəfdəki mənəm.
ÜÇ BACI
Bir kişinin üç qızı var idi. Bir gün bunlara elçi
gəlir. Kişi deyir:
- Hərəniz bir çaydan çay qaynadın. Kim tez
qaynatsa, onu verəcəm ərə.
Qızlar üçü də başlayır çay qaynatmağa. Böyüknən
ortancıl tez-tez qapağı qaldırıb baxır. Görsün çay qaynadı
ya yox. Kiçik qız bir tərəfdə oturur. Hamıdan tez onun
çayı qaynayır.
200
201
202
NAĞILLAR
FATMA
Biri varıydı, biri yoxuydu Fatma adında bir qız
varıydı. İraq sizin üzünüzdən, bir gün Fatmanın anası
öldü. Bunlar bir qardaş, bir bacı yetim qaldılar. Dədələri
gedib təzə arvad aldı. Analıq bu yetimlərə göz verdi, işıq
vermədi. Allahdan qorxmayan külli – kafirdi. Analıq
Allahından döndü. Kişiyə dedi:
- Ya bu yetimləri buradan genit, ya da mən səndə
oturmuram. Çıxıb gedirəm dədəm öyünə.
Kişinin əlacı kəsildi. Uşaqları yanına salıb meşəyə
apardı. Meşəyə çatanda hərəsinə bir torba verib tapşırdı:
- Gedin bu torbaları əzgilnən, fısdıqnan doldurun.
Mən də burada duvaq qayırıram.
Kişi götürdü bir taxtanı ağaca mıxladı. Yel
vurduqca tıq-tıq elədi. Kişi uşaqları buradaca qoyub dala
qayıtdı. Uşaqlar taqqıltını eşidib elə bildilər dədələri
meşədədi.
Şər qarışdı, yetimlər qaldı tək-tana. Çox hərrəndilər,
dolandılar bir nəjranın düzünə çıxdılar. Burada bir qarıya
urcah oldular. Sən demə, bu qarı adamyeyən imiş. Allah
elə onand elədi bu qarının əlinə xəlbir verib su gətirməyə
yolladılar. Qarı gəlincə komadan çıxıb qaçdılar.
Savax açıldı. Cəmi savaxlar üzünüzə xeyirriknən
açılsın. Bunlar qardaş-bacı gethaget gedib bir yol ayrıcına
çıxdılar. Burdan üç yol ayrılırdı. Birinə yazılmışdı:
gedərsən gəlməzsən. O birinə yazılmışdı: gedərsən gec
gələrsən. Üçüncü yolun adı beləydi: gedərsən tez
gələrsən.
Bunlar gedərsən, tez gələrsən yazılan yolnan
getdilər. Bir xeyli gedəndən sonra gördülər iki su axır.
203
Hərəsi suyun birindən içdi. Fatma dönüb oldu gözəl bir
qız. Qardaşı da dönüb oldu öküz. Fatma bir başına döydü,
bir dizinə. Ta hara çataydı? Birdən öküz dil açdı. Dedi:
- Ay bacı, ağlama! Allah mənim cilidimi dəyişib.
Görürsənmi dil bilirəm. Min belimə! Ta sənə yemək-
içmək gərək deyil. Buynuzumun biri yağdı, biri bal. Əmə-
əmə gəl gedək dədəmizin qapısına.
Bunlar gəlhagəl-gəlhagəl gəlib dədələrinin öyünə
çatdılar. Analıq gördü Fatma öküznən gəlib, dinib
eləmədi. Qız öküzü aparıb otarırdı, gətirirdi. Analığın
Fatmaya paxıllığı tutdu. Gördü bu qız günbəgün
gözəlləşir, şox salır. Arvad dedi:
- Yun darağını apar. Çöldə bu yunu did, dara!
Fatma yunu diddi, daradı. Birdən Yel, Qiyamət
qopdu, Fatma qaçdı, piltə qaçdı. Yel piltəni götürüb bir
qarının bacasından saldı, Fatma bacadan boylandı, gördü
bir qarı oturub. Qarı dedi:
- A qızım, piltən məndədi. Dur gəl yanıma !
Fatma girdi qarının komasına.
Qarı dedi:
- A qızım, gəl bir bu başımı bitlə !
Qız baxdı ki, qarının başında bitlər var ilan - çayan
boyda. Heç dinmədi. Qarı soruşdu :
- A qızım, sənin ananın başı gözəldi, yoxsa mənim ?
Fatma tez dedi:
- Həlvət də sənin, qarı nənə.
Qarı nənə qapqara çörəklər bişirmişdi. Yan–yanaşı
düzmüşdü. Bu dəfə də çörəyi xəbər aldı:
- De görüm sənin anan yaxşı çörək bişirir, yoxsa
mən?
Fatma dedi ki, sən. Qarı dedi:
- Mən yatacam. Bax o buxarıdan üç su çıxacaq: biri
ağ, biri qırmızı, biri qara. Gördün gəlir, məni durğuz.
204
Fatma oturdu buxarının qabağında. Birdən gördü üç
rəngdə su çıxdı. Tez qarını durğuzdu. Qarı dedi ki, tez ol
suda çim. Fatma oldu dümağ mərmər kimi. Dedi: qırmızı
sudan yanaqlarına, dodağına çək. Fatma oldu ağ gülnən
qızılgül. Qarı dedi:
- Bax o qara sudan da saçlarına, kipriyinə, qaşına
sürt!
Qız qarının dediklərini elədi. Qarıya alxış dua verdi.
Mindi öküzün belinə. Analıq Fatmanı görəndə partladı, nə
partladı. Bunun da bir qızı varıydı: keçəl Fatma. Dedi:
- Savax getmə, öydə qal. Qoy bu dəfə mənim qızım
getsin.
Analıq öz qızına da yun darağı verdi, yun verdi.
Göndərdi öküz otarmağa. Keçəl Fatma yunu diddi, daradı.
Yel gəldi bunun da piltəsini apardı. Saldı qarının
bacasından. Qarı keçəl Fatmanı içəri çağırdı. Buna da
dedi başımı bitdə. Qız bittəmədi. Qarı nənə dedi:
- A qızım, sənin ananın başı gözəldi yoxsa mənim ?
Qız qayıtdı:
- Həlvətdə mənim anamın.
Qarı nənə dinmədi. Bu dəfə də çörəkləri göstərdi.
Soruşdu:
- İndi de görək sənin anan yaxşı çörək bişirir, yoxsa
mən ?
Qız dedi:
- Mənim anamın bişirdiyi hara, bu hara?Qapqara
palçıqdı bu.
Qarı nənə başladı mürgüləməyə. Qıza da bərk-bərk
tapşırdı:
- Buxarıdan su gələndə xəbər elə. Mən bir gözümün
acısını alım.
Qara su gəldi. Qarı qara suyu tökdü qızın başına,
oldu qapqara zənci. Qız ağlaya-ağlaya gəldi anasının
yanına. Başına gələni söylədi. Anası dedi :
205
- Gərək Fatmanın öküzü kəsilə!
Fatma bunu eşitdi. Başı alovlu öküzün yanına gəldi.
Oğlanın adı Məhəmməd idi. Dedi:
- Ay bacı, ta keçib, ağlama. Mənim nə qədər ətimi
alan olsa, yalvar sümüyümü atmasınlar. Desələr sümüyü
neynirsən, de ki, bu öküzü insana dəyişmişəm. Sümükləri
yığ, üç quyu qazarsan. Birinə qanımı, birinə sümüklərimi,
birinə qarnımı basdırarsan.
Fatma qardaşı hər nə demişdisə, hamısını elədi. Bir
gün bir qarı varıydı. Qarı dedi:
- A bala, yalvar – yaxar hamıdan sümük yığdın. Bir
gedib o quyulara baxsana.
Qız gedib xəlvətcə quyuların ağzını açdı. Gördü
qandan elə gözəl libas əmələ gəlib, iki göz istəyir baxa.
Sümük olan quyunu açdı. Gördü yəhərli-yüyənli bir atdı.
Qarın olan quyunu açanda bir cücəli toyuqnan bir xoruz
gördü. Xoruz Fatmanı görən kimi üstünə yüyürdü: Fatma
bacı, Fatma bacı….
Fatma qorxusundan quyuların ağzını bağladı. Gəlib
arvada dedi. Arvad da tapşırdı ki, olmaya-bilməyə bu sirri
açasan.
Bir gün kənddə toy varıydı. Analıq öz çirkin
Fatmasını bəzəndirdi, bərtəndirdi. Bir çuval arpanı,
buğdanı, darını bir – birinə qatdı. Tökdü Fatmanın
qabağına. Bir də bir cəm qoydu. Dedi:
- Biz toydan gələnətən bunları seçməsən, vay qara
halına. Ağlayanda gözünün yaşını da bu cəmə doldur.
Bunlar çıxdılar getdilər. Allahdan olan kimi quyular
Fatmanın yadına düşdü. Tez gedib qarın olan quyunun
ağzını açdı. Cücəli toyuğu gətirdi buraxdı dənin üstünə.
Toyuq cücələrinnən baravar dəni ayırdı. Fatma tez cəmi
duzlu suynan doldurub qoydu. Toyuq-cücəni aparıb öz
quyusuna qoydu. Gedib o biri quyuların ağzını açdı.
Atnan paltarın yanında bir torba kişmiş, bir torba da kül
206
varıydı. Fatma geyindi-kecindi. Kişmişnən külü də
götürdü. Atını minib gəldi toya. Hamı gördü bir gözəl qız
gəlib, iki göz istəyir baxa. Qız başladı toyda süzməyə.
Oynaya-oynaya mərəkənin hamısına kişmiş payladı.
Keçəl Famaynan anasının da gözünə kül səpdi; Fatma
bayxanı üzə vermədi. Tələsik toydan çıxdı. Ayağında qızıl
başmaq varıydı. Çarhovuzun yanından keçəndə başmağın
bir tayı düşdü suya.
İndi görək analıq neylədi? Ana-bala başladılar
Fatmanın dalınca qarğamağa:
- Bu günüqara haradan gəlib çıxdı?
Hərə bunların başına bir qapaz saldı.
Fatmanın başmağı qaldı suda. Gəldi pal-paltarını
yerbəyer elədi. Analıqnan qız qayıtdı öyə. Fatma soruşdu:
- Toy nətəri keçdi ?
Bunlar bir də başladılar ah-nif tökməyə. Padşahın
oğlu yolda Fatmanı görmüşdü. Üzgüçü gətirdi başmağı
çıxartdırdı. Dedi:
- Bu başmaq filan atlıdan düşüb. Başmaq yiyəsi
tapıla gərək.
Padşahın adamları düşdülər qapı-qapı. Hamı qızını
bəzədi-düzədi. Kirli-pasdı ayaqlar isdağa qoyuldu.
Yuyuldu. Başmaq heçcə kəsin ayağına olmadı ki, olmadı.
Dedilər bəs filan evdə iki qız var, birinə baxdıq, birinə
yox. Analıq bu dəfə Fatmanı saldı təndirə, ağzına da bir
yekə daş qoydu.
Allahtaala haqqın Allahıdı. Xoruz durdu təndirin
başında. Başladı :
- Fatma bacım təndirdədi,
Əli – ayağı kəndirdədi.
Xoruzu nə qədər qovaladılar, getmədi.
Padşah dedi:
- Burada bir sirr var. Açın təndirin ağzını.
207
Təndirin ağzını açdılar. Qızı çıxartdılar. Başmaq
qızın ayağının üstündə oldu. İşin üstü açıldı. Qız həmin
quyudakı libası geyinib padşahın imarətinə getdi. Fatma
xoruzu da özüylə götürdü. Dedi :
-
Xoruz mənim qardaşımdı. Xoruzumu
aparmasam, gedəmmərəm.
Padşah Fatmaya qırx gün, qırx gecə toy çaldırdı.
Aradan bir xeyli keçdi. Fatma həmliydi. Analıq
paxıllıqdan çatlayırdı. Keçəl Fatmanı göndərdi qızın
yanına. Bu da gəlib padşahın oğluna dedi :
- Gəlmişəm bacıma özüm qulluq eləyim. Ayağı
ağırdı. Qoy aparım çarhovuzun qırağında çimizdirim.
Bu çarhovuzun içində bir laxa balıq varıydı. Çirkin
Fatma qızı itələdi balığın ağzına. Balıq Fatmanı uddu.
Keçəl Fatma onun libasını geydi gəldi.
Padşahın oğlu ovdan qayıtdı. Gördü xoruz
çarhovuzun qırağında o başa bu başa qaçır. Deyir:
- Fatma bacım çarhovuzun içində,
Ağ oğlan qucağında.
Allahın hökmüylə Fatma laxa balığının qarnınıda
bir oğlan doğdu. Padşahın oğlu üzgücülər gətirdi. Fatmanı
laxa balığının qarnından çıxartdı. Gördü Fatma lümlütdü.
Əbasına büküb uşaqlı-zadlı gətirdi imarətinə.
Allah pisə lənət elədi. Padşahın oğlu əmr verdi, bir
nökər, bir eşşək, bir xurcun gətirdilər. Oğlan keçəl
Fatmanı iki şaqqa elətdi. Hər şaqqasını xurcunun bir
tayına qoydurdu. Dedi:
- Nökər bunu filan qapıya ötürərsən.
Analıq gördü bir eşşək yükü pay gəlir. Kişiyə dedi :
- Görürsənmi, a kişi, sənin qızın bir ildi gedib, bir
çürük qoznan da adımızı anmayıb. Amma mənim qızım
iki gündü gedib. Bir belə pay göndərib.
Arvad xurcunu açdı, gördü xurcundakı öz qızıdı. Bir
başına döydü, bir dizinə.
208
Nağılımız burada bitdi. Göydən üç alma düşdü. Biri
mənim, biri nağıl danışanın, biri qulaq asanın.
MƏLİKMƏMMƏD
Bir varıydı, biri yoxuydu. Bir padşah varıydı. Bu
padşahın da üç qızı. Qızların üçü də yetişmişdi. Padşahın
qorxusundan heç kəs bunlara ağız açammırdı. Bir gün
bacılar fikir-fikir elədilər. Biz neyləyək? Bunu atamıza
nətəri çatdıraq? Kiçik qız dedi ki, gəlin bir qarı çağıraq,
dərdimizi açaq. Belə də elədilər.
Qarı gəldi. Dedi:
- Nökəri göndərin bazara. Üç yemiş alsın. Biri bir az
ötmüş, biri lap yeməli, biri də tam yetişməmiş.
Bəli, nökər yemişləri alıb gətirdi. Qızlar bunu qızıl
məcməyidə padşaha göndərdilər. Padşah əyan-əşrafını
yığdı. Dedi :
- Gəlin bu yemişləri kəsək!
Padşahın bir ağıllı vəziri varıydı. Dedi:
- Qibleyi-aləm sağ olsun! Bu yemişlər elə belə
gəlməyib. Bax bu vaxtı ötmüş yemiş böyük qızındı.
Yeməli ortancıl qızındı, bu biri də kiçik qızındı.
Padşah barmağını dişlədi. Dedi:
- Vəzir, belə ?
Dedi:
- Belə.
Padşah car çəkdirdi. Vilayətində nə qədər cahal
varıydı hamısını yığdırdı. Meydan sulandı. Qızın hərəsinə
bir qızıl alma verdilər, bəyəndiyi oğlana atsın. Böyük qız
vəzirin oğluna, ortancıl vəkilin oğluna atdı, kiçiyin alması
əlində qaldı. Atmadı. Bu qız bağmanın yanında bir keçəl
varıydı onu sevirdi. Gördü keçəl gəlmədi. Bu da Allahın
işiydi. Qız keçəli çayda çiməndə görmüşdü. Keçəl keçəl
209
deyildi; bir teli qızılıydı, bir teli gümüş. Özü də padşah
oğluydu. Sirri açılmasın deyin başına qarın keçirərdi.
Gördülər kiçik qız almanı atmadı. Dedilər kim
qalıb, kim qalmayıb? Bəs deməzsənmi bağmanın
yanındakı keçəl. Keçəli gətirdilər meydana. Qız keçəli
görən kimi əlindəki almanı tulladı keçələ. Padşah bərk
qəzəbləndi. Dedi:
-Allah bu qızın əvəzinə mənə bir qara daş verəydi.
Bu ki məni xar elədi, qoy elə keçələ də getsin. Heç buna
toy-zad da lazım deyil.
Kiçik qız keçəlin dalına düşüb getdi. Keçəl qızı hər
gün döyürdü. Gecə yatanda qılıncını sıyırıb ortaya
qoyurdu. Qız dinib-danışmırdı.
Günlərin bir günündə, iraq üzümüzdən, padşah bərk
azarrandı. Buna ov əti buyruldu. Kürəkənlər hərəsi bir at
minib ova çıxdı.
Keçəlin adı Məlikməmməd idi. Məlikməmməd iki
tükü bir-birinə tutuzdurur, Həzrət Süleyman eşqinə nə
istəsə hazır olurdu. Bir dəfə də Süleyman peyğəmbəri
çağırdı. Bir quyu açıldı. Quyudan yəhərli, yüyənli bir at
çıxdı. Məlikməmməd ata mindi. Süleyman peyğəmbər
eşqinə nə qədər quş varıydı, ceyran – cüyür varıydı,
hamısını bir dərəyə doldurdu.
Vəzirnən vəkilin oğlu ha gəzdilər, ha dolandılar,
əllərinə ov keçmədi. Gəldilər Məlikməmmədin yanına.
Məlikməmməd başındakı qarını atmışdı. Gözəl
libasdaydı. Kürəkənlər bunu tanımadı. Gördülər dərə
ovnan doludu. Məlikməmməddən ceyran-cüyürün birini
istədilər. Dedilər qızıllan bir çəkək, ver bunlardan bizə.
Məlikməmməd dedi:
- Elə şey olmaz. Məndə damğa var.Gərək sizin
kürəyinizə damğa basam. Siz mənim qulum olasınız.
Bunlar bir-birinin üzünə baxdılar. Dedilər əşi, kimdi
kürəyimizi görən? Vurur, qoy vursun.
210
Məlikməmməd vəzirnən vəkilin oğluna damğa
vurdu. Sonra ceyranlardan birini kəsdi, soydu. Süleyman
peyğəmbər eşqinə dua oxudu:
- Dadı başına,
Tüpürüm leşinə.
Bunu deyə-deyə ətə tüpürdü. Kürəkənlər ovu
götürüb getdi.
Məlikməmməd ceyranın başını evə gətirdi.
Arvadına dedi:
- Bunu təmizlə, bişir. Atana apar.
Qız Məlikməmmədin dediyini elədi. Ceyranın
başını gətirib anasına verdi. Anası gəldi padşahın yanına,
yalvar- yaxar elədi:
- A kişi, sənin o kəsiyin gözünün yaşını tökür. Nolar
bundan bircə qaşıq ağzına al. Bəlkə düşəri düşdü.
Padşah bircə qaşıq yeyən kimi gözünə işıq gəldi.
Dedi:
- Arvad, bundan varsa, yenə gətir!
Qada-bala sizdən uzaq olsun, padşahın azarını o
vermişdi, o da aldı. Padşah qalxdı ayağa.
Bu padşahnan bir ayrısı dava eləyəsi oldu. Dedi ki,
qızının üçünü də mənə verməlisən. Keçəlin namusu qavıl
eləmədi. Gəldi şahın imarətinə. Bir silah, bir də bir at
istədi. Buna bir axsaq qatır verdilər.
Keçəl Həzrət Süleyman eşqinə yenə iki tükü
tutuzdurdu. Yəhərli-yüyənli bir at, bir də bir qılınc hazır
oldu. Girdi meydana keçəl, nə girdi? Düşmən tərəfi qırıb-
tökdü. Qılınc dəydi başına keçəl yaralandı. Padşah özü də
vuruşurdu. İşi belə görəndə qızıl yaylığını oğlanın
yarasına soxdu. Keçəl öyə gələndə qız dədəsinin yaylığını
tanıdı. Gedib xəlvətcə anasına dedi:
- Ana, dədəmin yaylığı keçəlin başındadı.
Padşah car çəkdirdi. Dedi:
211
-
Mənim qızıl yaylığım kimin başındadısa, gərək
həmin adam tapıla.
Keçəl gördü sirr açıldı, mindi axsaq qatıra, getdi
imarətin qabağına. Padşah öz-özünə dedi əşi, yəqin
nəmərə gəlib. Qız da yuvada Allaha yalvarırdı. Oğlan
dedi:
-
Padşah sağ olsun, davanı yatızdıran yuxarıda
Allah, aşağıda mənəm. İndi kürəkənlərini çıxart ortaya.
Bir sirri açmalıyam.
Padşah soruşdu:
- O nə sirdi ?
Keçəl dedi :
- Kürəkənlərinin kürəyini aç, ortasına bax. Orada
mənim adıma damğa var.
Baxdılar ki, keçəl doğru deyir. Keçəl yenə üzünü
padşaha tutdu:
- Qibleyi-aləm, mən keçəl deyiləm. Filan padşahın
oğluyam. Atamın səltənəti mənimdi.
Padşah keçəli bağrına basdı:
- Bu gündən mən də taxt-tacımı sənə bağışlayıram.
Padşah qırx gün, qırx gecə toy vurdurdu. Oğlan hər
iki vilayətin padşahı oldu.
AĞ FƏRƏ
Biri varıydı, biri yoxuydu. Bir qarıynan bir qoca
varıydı. Bunlar yaman kasıbıydılar. Günlərin birində baba
nənəyə deyir:
- Ay qarı, daha qocalmışıq, əlimizdən də heç nə
gəlmir. Yeməyə də bir şey yoxdu ki, dişinə çəkəsən.
Deyirəm bir tuluq su aparım, satım bazarda. Sonra
yeməyə bir şey alım gətirim.
Nənə babayla razılaşır :
212
- Nə deyirəm, qoy sən deyən olsun.
Baba ertəsi gün bir tuluq su götürüb aparır bazara,
başlayır qışqırmağa:
- Sərin su, sərin su…
Birdən gözü bir tacirə sataşır. Görür ki, bu tacir
xeyli mal gətirib bazara satmağa, bir dənə də ağ fərəsi var.
Tacir bu səsi eşidən kimi babanın yanına gəlib deyir:
- Mənə bir qab su ver içim, yerdə qalan suyun
hamısını tök atımın qabına, atım da su içsin. Bax pulun
əvəzinə də sənə bu ağ fərəni verərəm.
Baba yaman söyündü. Ağ fərəni götürüb evinə
gəldi. Başına gələni qarıya söylədi. Qarı çox şad oldu.
Bunlar Allaha şükür oxudular. Həmən bu ağ fərə hər gün
evin bir küncünə girərdi, orada yumurtlayardı. Qarılı-
qocalı bu yumurtanı bişirib yeyərdilər. Bir müddət
günlərini beləcə keçirdilər.
Bir belə, beş belə, qarı lap qocaldı, əldən düşdü.
Başladı gileylənməyə:
- Ay kişi, görürsən də, ta əlim iş tutmur, keşkə bir
köməyimiz olaydı.
Qocalar bir-biri ilə dərdləşəndə ağ fərə
fallığındaydı. Ağ fərə tez yumurtladı, çıxdı çölə. Bunun
bir kolluğu varıydı. Hər gün orada eşələnirdi. Yenə girdi
həmin kolluğa. Gözlədi, gözlədi ta şər qarışana kimi. Elə
ki, şər qarışdı, hər yana qaranlıq çökdü. Göydə ulduzlar
sayrışmağa başladı. Qaranlıq çökəndə toyuq libasını
soyundu. Oldu bir qənirsiz gözəl. Düşdü insan cildinə.
Gəldi babaynan nənənin komasına. Qapını döydü.
Baba dedi:
- Ay adam, kimsən?
Qız dedi:
- Mən haxdan gəlmiş qonağam.
Baba tez qapını açdı. Dedi:
213
- Hax Yiyəsinə də qurban olum, onun göndərdiyi
qonağa da. A bala, hər kimsən, gəl içəri. Qız girdi içəri.
Nənə qızın gözəlliyinə baxıb dedi:
- Səni Yaradana əhsən! Baxan deyir, bir də baxım.
Nənə qızı çağırıb yanında otuzdurdu. Dedi:
- Ay qızım, gecənin bu vaxı hardan gəlib, hara
gedirsən?
Qız dedi:
- Mən sizin ağ fərənizəm. Gündüz söhbətinizi
eşitdim. İndi mən hər gecə gəlib sizə qulluq edəcəyəm.
Amma gərək bu sirri heç kəs bilməsin. Gündüzlər yenə
toyuq cildinə girəcəm.
Babaynan nənəni bərk fikir aldı ki, bu nə sirr idi?
Soruşdular:
- Ay qızım, bir başına gələni danış. Kim səni tilsimə
salıb?
Qız dərdini açdı. Dedi:
- Mən Dərbənd şahının qızıyam. Atamın məndən
savayı övladı yoxuydu. Var-dövlət, taxt-tac mənə
qalmasın deyin əmim arvadı məni tilsimə saldı. Oldum ağ
fərə. Sonra da tutub məni bir tacirə verdi ki, uzaq ölkədə
bir başqasına satsın. Heç bu torpaqda izim olmasın. Siz də
məni bir tuluq su verib aldınız.
Babayla nənə Allaha şükürlər oxudular. Nə yaxşı bu
fərəni bazardan alıblar.
Ay ötdü, il dolandı. Günlər belə keçdi. İndi sizə
kimdən deyim şah oğlu Şahzadə Salmandan. Günlərin bir
günü şah oğlu ova çıxmışdı. Başının dəstəsiynən həmin
bu yerdə gecələyəsi oldu. Gecə bu qız su gətirməyə getdi.
Şahzadə qızı görüb bir könüldən min könülə vuruldu. Qız
o qədər gözəl idi, o qədər gözəl idi… Saçları qulac-qulac.
Yeriyəndə saçları yer süpürürdü. Üzü də işıx salırdı.
Baxanın gözü qamaşırdı. Şahzadə fikirdən gecəni çimir
eləmədi.
214
Sabah açıldı. Cəmi sabahlar üzünüzə xeyirnən
açılsın, şahzadə evi nişan elədi. Qayıtdı dədəsinin
məmləkətinə. Oğlan günü-gündən heyva kimi saraldı.
Axırda dözmədi, düşdü yorğan – döşəyə. Şah oğlunun
dərdindən baş açammadı. Car çəkdirdi dörd bir yana.
Rəmmallar, bilicilər, münəccimlər hamısı yığıldı. Əlac
olmadı ki, olmadı. Axırda bir qoca münəccim gəldi. Dedi:
- Padşah sağ olsun! Oğlun eşq sevdasına düşüb.
Amma kimə vurulduğunu indi deyəmmərəm, qoy ay
yarılansın. Bax onda bilmək asandı.
Gözlədilər ay yarı oldu. Ay yarı olanda münnəcim
baxdı göyə. Gördü göydə iki ulduz var, ikisinin bəxti bir-
birinə yazılıb. Amma qovuşa bilmirlər. Nə xatadırsa,
ulduzun biri at üstündədi, o biri toyuğa oxşayır.
Münəccim bunları şaha xəbər verdi. Xəbəri eşidən
şah bir başına döydü, bir dizinə. Dedi:
- Oğul, qurbanın olum, heç yana getmə. Burdan
sənə kimi istəyirsən alım.
Oğlan daş atıb, başını tutdu. Qızın olduğu yeri
münəccimə isnad verdi. Atasından rüsxət istədi. Şah dedi:
- Oğlum, o sən deyən yer düz yeddi illik yoldur. Ya
nəsib, ya qismət, o vaxta qalam, qalmayam. Gəl bu daşı
ətəyindən tök.
Padşah çox dedi, oğlu az eşitdi. İki ayağını bir
başmağa dirədi. Padşahın əlacı kəsildi. Şahzadə
münəccimi də götürüb yolun ağını əlinə aldı. Ulduz getdi,
bunlar getdilər. Gethaget, gethaget, çatdılar ağ fərənin
olduğu yerə. Qapını döydülər. Qoca qapını açdı. Qonaqlar
girdi içəri. Ağ fərə yenə girdi fallığına yumurtdadı. Baba
yumurtdanı qarıya verib dedi:
- Ay arvad, bunu yağa sal, bir yaxşı qayğanaq bişir.
Elə ki, həm özümüz doyaq, həm də qonaqlar.
Qarı yumurtanı götürüb oxudu:
- Ağ toyuğum,
215
Ağca toyuğum,
Yumurtdayan,
Ağ toyuğum!
Bəs mən necə edim,
Neçə pay edim,
Bu bircə yumurtanı?
«Bərəkət, bərəkət» deyib, başladı işə. Qarı buxarını
qaladı. Başladı qayğanaq bişirməyə. Bir də gördü ki, ayə,
qayğanaq o qədər artıb, o qədər artıb ki, lap qazannan bir
olub. Qonağa da çatdı, ev yiyəsinə də. Hələ bir pay da
artıq qaldı. Allaha şükür oxuyub, süfrəni yığdılar. Hərə bir
tərəfə çəkilib, başladılar dincəlməyə. Sizə kimdən deyim,
münəccimdən. Münəccim gördü ki, ağ fərə küllükdə
küllənir. Axşam düşdü. Münəccim başladı fərəyə göz-
qulaq olmağa. Gördü bu həmin göydə gördüyü fərədi.
Fərə münəccimdən duyuq düşmüşdü deyə, gözünün biri
münəccimdəydi. Vurnuxa-vurnuxa qalmışdı. Münəccim
də gördü fərə duyuq düşüb, özünü vudu yuxuluğa. Fərə
tez qapıdan çıxdı, girdi kolluğa. Münəccim də bunu
qarabaqara izləyirdi. Gördü ağ fərə girdi kolluğa, kolluqda
cildini dəyişdi. Oldu bir gözəl qız. Qayıtdı evə. Başladı
nənəynən-babaya qulluq eləməyə. Qız çölə çıxanda
münəccim qocadan soruşdu:
- Gündüz gördüyümüz o ağ fərəni hardan almısan?
Bəs niyə bircə dənədi?
Kişi dedi:
- Allahdan gizlin deyil, sizdən nə gizlin. Mən həmin
fərəni bircə tuluq suya dəyişmişəm. Allah bərəkət versin,
gündə bir yumurta verir. Yeyib dolanırıq.
Gün çıxanda bu qız yenə toyuq olmalıydı.
Münəccim axşamdan şahzadəyə tapşırdı:
- Get gir kolluğa. Səhər açılmamış toyuq cildini
götür. Sabah açılır. Gün günorta olur. Qız kolluğa girəndə
görür cild nə gəzir? Qalır lüt-ana üryan. Qulac saçlarıynan
216
bədənini örtür. Utandığından kolluqdan çıxammır. Birdən
görür şahzadə kolluqda, əlində də toyuq cildi. Qız buna
yalvarır, yaxarır, nə xeyri?! Şahzadə cildi vermir ki,
vermir. Deyir:
- Öz sirrini açmasan, cildi verən deyiləm.
Qız deyir:
- Bir şərtnən açaram. Gərək mənim dediklərimə
əməl eliyəsən.
Şahzadə söz verdi ki, hər nə desən eləyərəm. Təki
sən toyuq cildini geyməyəsən.
Qız gözünün yaşını abi-leysan kimi tökdü. Bir ah
çəkib dedi:
- Ey oğlan, bil və agah ol. Mən Dərbənd şahının
qızıyam. Atamın gözünün ağı-qarası mən idim. Taxt-tac
da mənim olmalıydı. Əmim arvadının gözü götürmədi.
Məni tilsimə saldı, toyuq elədi. Sonra da məni bir tacirə
satdı. Tacir də məni gətirib bax bu qoca kişiyə satdı. Özü
də suyu qiymətinə. Bir tuluq suya.
Şahzadənin qıza ürəyi yandı. Dedi:
- Xanım, əlimdən gələni eləməyə hazıram. Təki sən
bir də toyuq cildinə girməyəsən.
Qız tilsimi qırmaq yolunu bilirdi. Dedi:
- Gərək yeddi il keçə. Yeddi ildən sonra yeddi dağ
aşmalısan. Yeddi bulaq başına çatmalısan. Yeddi bulaq
başında yeddi ağac əkməlisən. Həmin ağaclar yeddi ildən
sonra bar gətirməlidir. Yeddi ağacdan yeddi meyvə
dərməlisən, gətirməlisən. Mən də onu yeddi gün
yeməliyəm. Bax onda mən bu tilsimdən azad olub, insan
cildinə düşərəm. İnsan cildinə düşəndən sonra məni öz
atamın məmləkətinə qaytarmalısan.
Şahzadə dedi:
- Bu yolda öldü var, döndü yoxdur. Sən də mənə söz
ver ki, əhdə vəfa edəcəksən.
Qız dedi:
217
- Mənim cildimi ver. Qanadımdan bir lələk götür.
Havax həmin lələyə baxsan, məni görəcəksən. Onu hər
zaman qoynunda saxla.
Şahzadə cildi verdi. Sonra barmağındakı üzüyü
çıxartdı, qızın barmağına taxdı. Qız bu üzüyü taxandan
sonra oğlan dedi:
- Mən indi səni öz sarayıma aparmaq istəyirəm.
Qız razılıq vermədi. Dedi:
- Məni tilsimdən qurtarmamış hara aparırsan?
Qız tez cildi əyninə taxdı. Dönüb oldu ağ fərə.
Başladı küllükdə eşələnməyə.
Bu burda eşələnməkdə olsun, eşit münəccimdən.
Münəccim qıraqdan göz qoyurdu. Gördü şahzadə qayıtdı
komaya. Qayıdanda münəccim işarə verdi ki, getməliyk.
Qocalarla halal-hümbət elədilər. Atdandılar. Gəlhagəl,
gəlhagəl, gəlib çıxdılar öz məmləkətlərinə. Başlarına
gələn hal-qəziyyəni açıb şaha söylədilər. Şah başladı
oğluna yalvar-yaxar eləməyə.
- Ay oğul, bu sevdadan əl çək. Saç-saqqalımın ağ
vaxtıdı, bu gün-sabahlığam. Nə çoxdu qız. Birini al,
qurtarsın getsin. Oğlan yenə də iki ayağını bir başmağa
dirədi:
- Olmaz. O qızı almalıyam, vəssalam.
Padşah heç nə demədi. Vəziri çağırdı:
- Vəzir, nə tədbir? Oğlum əldən gedir.
Vəzir tədbir tökdü:
- Padşah sağ olsun, hər gün yatanda oğlunun yanına
bir kəniz göndər. Qoy gülsün, oynasın, eyni açılsın. O qızı
yaddan çıxartsın.
Padşah əmr elədi. Hər gün bir gözəl kəniz oğlanın
otağına gedib çaldı, oynadı. Şahzadənin kefi açılmadı ki,
açılmadı. Axırda bir kənizi öyrədib şahzadənin otağına
göndərdilər. Bu əvvəlki kənizlərdən çox gözəliydi, həmi
də çoxbilmiş. Şahzadənin başını qatdı. Qatanda sinəsində
218
gizlətdiyi toyuq lələyini gördü. Lələyi istədi. Şahzadə
vermədi. Kəniz lap qırsaqqız oldu.
Şahzadə dedi:
- Mən o lələkdən ayrıla bilmərəm. Ona baxanda
sevdiyim qızı görürəm.
Gözəl kəniz şahzadənin başını qatıb, lələyi götürür.
Aparıb gizlədir. Şahzadə nə qədər lələyi axtarırsa, tapa
bilmir. Girin-girin olur. Bir az keçir, qızı yaddan çıxardır.
Ay ötür, il dolanır. Şah oğlunu məcbur edir ki,
evlənsin. Şahzadə razılaşır, toy başlanır.
İndi eşit ağ fərədən. Ağ fərəyə agah olur ki,
şahzadənin toyudur. Yenə toyuq cildində şah sarayına
gəlir. Fərə görür ki, aş qazanları asılıb. Bir vur-çattasın
var, gəl görəsən. Birdən toy atlıları gəldi. Gələndə fərə
atların qabağına keçdi. Atlar hürkdü. Gəlin atdan bayaqdı
yıxıldı. Bü ilmi ölübsən, bildirmi? Gəlinin başı daşa
dəyib, parça-parça oldu. Gəlin öldü. Bir qıyxırıx düşdü,
gəl görəsən. Dedilər:
- Atların qabağına bir ağ fərə keçdi.
Di hərə bir çömçə, bir kəfkir. Ağ fərəni döyüb
qovaladılar. Toy vaya döndü. Gəlinə qırx gün yas
saxladılar. Qırx gün tamam olandan sonra padşah yenə
oğlunu evləndirmək fikrinə düşdü. Şahzadə bu dəfə razı
olmadı.
Bir gün Şahzadə Salman yatıb yuxu görür ki, bir qız
gəlib, saçlarını bədəninə paltar kimi bürüyüb. Amma nə
illah eləyir, qız onnan danışmır.
Aradan bir müddət keçdi. Oğlan bir də həmin
yuxunu görür. Dərdini atasına danışır. Şah deyir:
- Oğul, gəl bu daşı ətəyindən tök. Gəl səni
evləndirim.
Bu dəfə şahzadə dinmədi. Yenə qazanlar
asıldı,məclis quruldu. Şadlıq-şadyanalıq.
219
Ağ fərə yenə xəbəri eşitdi. Gəldi aş qazanları asılan
yerə. Başladı külü eşməyə. Bu dəfə də qanadınnan vurdu
qazanları aşırdı. Aşpaz kəfkiri götürdü, ağ fərəni qovdu:
- Kış, kış… qənədin sınsın, kış….
Ağ fərə qaçdı. Bilmədi hara getsin. Üzünü Allaha
tutub yalvardı:
- Ya Allah, nolar mənim cildimi dəyiş!
Gün batdı. Şər qarışdı. Ulduzlar çıxdı. Qız cildini
dəyişdi. Başladı toyda oynamağa hamı qızın gözəlliyinə
tamaşa elədi. Qız da oynaya-oynaya şaha qaramat atdı.
Adamlar yerbəyerdən soruşdular:
- Haralısan?
Qız sındıra-sındıra dedi:
- Çömçə vuran kənddənəm,
Kəfkir vuran kənddənəm.
Birdən şahın oğlu bunun barmağında üzüyü gördü.
Tez barmağını dişlədi. Ay dili-qafil, bu o mənim
gördüyüm qızdır. Şahzadə dinmədi. Gözlədi toy qurtardı.
Qız çıxıb getmək istəyəndə hörüyündən yapışdı.
Qız dedi:
- Saçımı burax. Sirrimi açma.
Oğlan qızın saçını buraxdı. Təğyiri-libas olub qızın
dalınca düşdü. Yeddi dağ aşdılar, yeddi bulağın başında
dayandılar. Şahzadə qızın dediyi kimi yeddi meyvə ağacı
əkdi.
Yeddi ildən sonra şahzadə meyvələri dərib, gəldi öz
məmləkətinə. Gördü atası yoxdu. Şahlıq ayrı adamın
əlinə keçib. Çox bikeflədi. Gəldi qıza bunları söylədi. Qız
dedi:
- Heç kefini pozma. Bu yeddi meyvənin hər biri
güc-qüvvətdir. Ta bizə heç kim toxuna bilməz.
Qız meyvəni yeyir, toyuq cildindən çıxır. Tilsim
sınandan sonra oğlana məsləhət görür ki, yeddi bulağın
220
suyundan, bir də yeddi ağacın meyvəsindən dərib özündə
saxlasın. Şahzadə elə də eləyir.
Bunlar gəlib çatırlar Dərbəndə. Yolda bir dilənçi
olur. Qız dilənçini görüb deyir:
- Get şahı muştuluqla. De ki, qızın tapılıb.
Dilənçi getdi şaha şad xəbər verdi. Şah çox
qocalmışdı. Gözünün nuru itmişdi. Dedi:
- Qızım olduğunu ondan bilərəm ki, yeddi ağacın
yeddi meyvəsini gətirsin versin yeyim, yeddi bulağın
suyundan içim. Həmi qəddim düzəlsin, həmi gözüm
açılsın.
Qız meyvəni verdi. Şah yedi, gözünə nür gəldi.
Suyu verdi, şah çimdi, qəddi-qəməti düzəldi. Qızını
bağrına basdı. Şahzadəni öz taxtında əyləşdirdi. Qırx gün,
qırx gecə toy vurdurdu. Bunlar xoşbəxt oldular. Allah sizə
də toy qismət eləsin!
DÜLGƏR, DƏRZI, MOLLA
Günlərin bir günündə dülgər, dərzi, molla səfərə
çıxır. Mal çox, yol uzaq. Bunlar yoruldular. Yornuxlarını
almaq üçün qəflə-qatırı saxladılar. Dedilər ki, növbəynən
yataq. Birimiz qarovul çəkək, ikisi kəlləni atıb yatsın.
Dərziynən molla yatdı. Bunlar yatanda dülgər lap darıxdı.
Bilmədi neyləsin. Gördü mürgü vurur. İndicə yuxu
basacaq. O yana, bu yana döyükdü, bir taxta tapdı.
Taxtanı yonub adam qayırdı. Ha eləyib işini qurtarana
qədər dərzinin novatı çatdı. Dərzi yuxudan durdu.
Duranda gördü yanında bir adam var. Özü də lüt ana-
hüryan. Dərzi tez iynəsini götürdü. Buna bir paltar tikdi,
geyindirdi. Növbəsi qurtardı, yıxılıb yatdı. Növbə
mollaya çatdı. Molla gördü ayə, sən öləsən, yanında bir
adam durub, elə bil taxtadı. Nə dinir, nə danışır, nə
221
tərpənir. Molla da tez bir dua oxudu, buna ruh verdi.
Adam cildinə saldı. Dülgərnən dərzi yuxudan durdu. Hərə
adamı bir yana dartdı. Dülgər dedi:
- Onu taxtadan qayıran mənəm. Mənə çatacaq.
Dərzi dedi:
- Əynindəki paltarı mən tikmişəm. Ayıbını mən
örtmüşəm. Yoxsa çılpaq hara gedəcəkdi?
Molla razılaşmadı:
- Noolsun ki, sən düzəldibsən, sən də paltar
tikibsən. Əsas candı. Canı ki, mən vermişəm.
Bunlar iddələşə-iddələşə yola düzəlirlər. Gəlhagəl,
gəlhagəl gəlib bir şəhərə çıxırlar. Özlərini yetirirlər
qazının yanına ki, bəs belə-belə, bizim şərtimizi kəs.
Qazı dedi:
- Düzdü, bunu siftə dülgər düzəldib. Əziyyət çəkib.
Öz əl muzdunu alsın, getsin. Dərzi də don tikib, o da
zəhmət haqqısını götürsün. Yerdə qaldı adamın kimə
çatmağı. Adam əlbəttə ki, mollaya çatır. Molla ona ruh
verib.
SƏN TÖK, MƏN VURUM
Biri varıymış, biri yoxuymuş, bir cütcü kişi
varıymış. Bu kişi sonsuz imiş. Arvadı hər gün Allah
verəndən yığıb, buna çöl çörəyi qoyarmış. Kişi də
gedərmiş çölə. Bir tək qarağacın altında yer şumlayarmış.
Günorta çörəyini yeyəndə bir tülkü qıraqdan buna göz
qoyarmış. Ağzının suyu sel kimi axarmış. Tülkü fikir
eləyir. Öz-özünə deyir: «Mənə də tülkü deyərlər. Gərək
bir təhər eləyəm, xurcundakı çörəyi ələ keçirəm».
Tülkü gəlir kişinin yanına. Başlayır yanımcıllıq
eləməyə:
222
- Ay qardaş, sənə baxıram ürəyimin başına od
düşür. Bu düzdə qarala-qarala təkcə işləyirsən. Ay fağır,
görürəm, köməyin-zadın yoxdu. Gəlsənə dost olaq. Mən
də sənin öz qardaşın. Əl tutmaq Əlidən qalıb.
Kişi sevindiyindən papağını göyə atır. Tülküyə dil-
ağız eləyir:
- Sağ ol, tülkü qardaş. Allah səndən razı olsun!
Tülkü başlayır kişiynən yer əkməyə. Bir az keçir,
bunların ikisi də yorulur. Əldən düşür.
Tülkü deyri:
- Ay qardaş, bu nə çətin işdi? Gəlsənə növbəynən
əkək. Birimiz dincələndə o biri işləsin.
Kişi heçcə nə demir. Tülküdən sümüyü sancır.
Fikirləşir ki, tülkü tülküdü. Fırıldağı olmamış olmaz. Bir
görüm kələyi nədi? Kişi deyir:
- Onda sən yornuğunu al. Mən bu kəmçiyi də
qurtarıb gəlirəm.
Kişinin bir gözü tülküdəydi. Başlayır altdan-altdan
göz qoymağa. Görür ayə, budu ha tülkü girib xurcuna.
Xımır-xımır çörəyi yeyir. Kişi tez özünü tülkünü yanına
yetirir. Ustufcana xurcunun ağzını közüyür. Tülkü ha
yalvar-yaxar eləyir, xeyri olmur. Tülkü qalır xurcunda.
Kişi başlayır yerini əkməyə.
Axşam düşür, hava qaralır. Kişi xurcunu çiyninə
atıb gəlir evinə, evə çatanda arvad bərk sevinir. Deyir
yəqin kişi ov ovlayıb.
Soruşur:
- A kişi, nədi o xurcundakı?
Kişi deyir:
- Heç, arvad… Bir qazan qaynar su qoy, çiməcəm,
özün də xurcuna əl vurma.
Arvad gedir su qoysun. Bu, suyu isidənə kimi kişi
tez bir çökürlü ağac kəsib gətirir.
Arvada deyir:
223
- Arvad, sən o parçı al əlinə. Sən tök, mən vurum!
Arvad şaqqaşaq qaynayan suyu xurcunun üstünə
əndərir. Əndərdikcə də kişi zopaynan xurcunu vurur. Di
vur ki, vurasan. Nə yemisən, turşulu aş. Vurduqca da
deyir:
- Nə itim kimi zingildəyirsən? Nə pişiyim kimi
miyoldayırsan?
Bunlar bir də baxıllar ki, xurcundan qan süzülür.
Kişi xurcunun ağzını açır. Qızıl alqana bulaşmış tülkünü
açıb-buraxır. Deyir:
- Di get, gördüyünü söylə!
Tülkü sıpıxmış götürülür, nə götürülür. Özünü verir
meşəyə. Heyvanlar bunun başına yığılır. Soruşurlar:
- A tülkü, bu nə gün-dirrikdi? Kim səni bu kökə
qoyub?
Tülkü yana-yana deyir:
- İnsan oğlu bütün heyvanlara ağzına gələni dedi.
Dedi ki, sizin kökünüzü kəsəcəm.
Heyvanlar hamsı inanır. Dedilər:
- Biz hamımız birləşib onu tikə-tikə eləyərik. De
görək haradadı dediyin adam?
Tülkü deyir:
- Bax o tək qarağac var ha… hər gün onun dibində
yer əkir.
Səhər açılır. Heyvanlar hamısı sözü bir yerə qoyub
kişinin yanına gəlir. Kişi uzaqdan bunları görür. Dırmaşır
qarağacın başına. Heyvanlar tökülüşür. Görürlər kişi
ağacın başında. O deyir sən çıx, bu deyir sən çıx. Çıxan
olmur. Axırda düşürlər tülkünün üstünə:
- Düşmən səninkidi, özün çıx!
Tülkü ha hoppanır, sürüşüb düşür. Ha hoppanır,
sürüşüb düşür. Axırı ayı pəncəsinə alıb tülkünü qaldırır.
Bunun dalınnan da o biri heyvanlar düzülür dal-dala.
Dırmaşırlır ağaca. Tülkü çatır kişinin düz yanına. Soruşur:
224
- Hə, halındı, dəmin?..
Kişi özünü itirir. Əli yerdən-göydən üzülür.
Qışqırır:
- Arvad, sən tök, mən vurum!
Tülkü elə bilir başına qaynar su tökürlər. İndicə
döyəcəklər. Tez özünu atır yerə. O birilər də bunun
dalınca. Hamısı özünü yerə çırpır. Oradaca leş-leşə
verirlər. Kişi ağacdan düşür. Heyvanları bir-bir soyur.
Xəzini də aparıb bazarda satır. Kasıblığın daşını atır.
ZURNA
Biri varmış, biri yoxmuş bir padşah varmış. Bu
padşahın da gözünün ağı-qarası bir qızı varıymış. Çox
yerdən elçi gəlir, amma padşah öz qızını heç kimə vermək
istəmir ki, istəmir.
Günlərin bir günü bir kasıb kişinin oğlu padşahın
qızına vurulur. Gecə-gündüz bu qızın fikri ilə
yaşayır,ondan ötrü az qala dəli –divanə olur. Oğlan qızın
dərdindən xəstələnib yorğan-döşəyə düşür. Çox təbib
gəlir, bir əlac eləyə bilmir. Axırı bir gün oğlan dərdini
anasına açır. Anası da bu məsələni öz ərinə ərz eləyir.
Bunu eşidəndə kişinin halı birtəhər olur. Öz-özünə
fikirləşir ki, balam, bu gədə dəli olub, nədir? Biz hara,
padşah hara? Harda görünüb ki, padşah öz qızını bir
kasıbın oğluna versin?
Nəysə, kişi çox götür-qoy eləyir. Görür oğlu
gözünün qabağındaca günü-gündən şam kimi əriyib
üzülür. Oğlunun dərdi onu içəridən yeyir. Axırı əlacı
kəsilir, padşahın qapısına elçiliyə getməli olur. Kişi
padşahı görən kimi əli-ayağı köməşir, nitqi tutulur, rəng
verib, rəng alır. Nəyə gəldiyini unudur.
Padşah soruşur:
225
- Kişi, nəyə gəlibsən?
Kişinin dili topuq çalır:
- Padşah sağ olsun, oğluma toy eləmək istəyirəm,
sən zurna çala bilərsənmi?
Padşah bu sözü eşidib əvvəlcə qaş-qabağını
turşudur, sonra kişinin dəli olduğunu zənn edib şaqqanaq
çəkir. Padşah nə illah eləyirsə, gülüşünü saxlaya bilmir.
Bir də özünə gələndə görür ki, bu sözü deyən adam
yoxdu. Kasıb kişi qorxub qaçmışdı. Padşahın «Zurna çala
bilərsənmi?» sözündən xoşu gəlir, ona görə də tez əmr
edir ki, bu sözü iri hərflə sarayın ən çox gözə çarpan
yerinə yazsınlar. Əmr yerinə yetirilir.
Ertəsi gün padşah yuxudan oyanır. Üzünü
qırxdırmaq istəyir. Bir azdan dəllək padşahın yanında
hazır olur. Amma bu gün nədənsə padşahın dəlləkdən heç
gözü su içmir. Padşah dəlləkdən soruşur:
- Noolub, kişi, yoxsa naxoşlamısan? Rəngin niyə
qaçıb?
Dəllək cavab verir:
- Padşah sağ olsun, bir az soyuqlamışam.
Dəllək bunu deyib başlayır padşahın üzünü
qırxmağa. Birdən padşahın gözü divara yazdırdığı sözə
sataşır: «Oğluma toy eləmək istəyirəm, sən zurna çala
bilərsənmi?» Padşah uğunub gedir. Dəlləyi uçunma tutur.
Özünü saxlaya bilməyib dizi üstə padşahın ayaqları altına
yıxılır, hönkür-hönkür ağlayır:
- Padşah sağ olsun, bilirəm… bilirəm ki, sən bu
məsələdən xəbərdarsan… Vallah, məndə günah yoxdur.
Mənə yazığın gəlsin. Mən sənin başını kəsmək istəmirəm.
Məni onlar məcbur eləyir.
Padşah elə bil yuxudan ayılır. Təəccüblə soruşur:
- Noolub, a kişi, sən nə danışırsan? De görüm nə baş
kəsmək, nə sui-qəsd? Bu nə deməkdir?
Dəllək məsələni padşaha ərz eləyir:
226
- Padşah sağ olsun, sənin vəzirin mənə hədə-qorxu
gəldi. Dedi ki, bu gün padşahın üzünü qırxanda onun
başını kəsməsən, özünü ölmüş bil.
Padşah cəld ayağa qalxır. Zalım vəziri yanına
çağırtdırır. Vəzir dəlləyin zarımasındın məslənin nə yerdə
olduğunu başa düşür. Həmin gün padşah vəzirin boynunu
vurdurur. Sonra isə divara yazdırdığı sözün sahibinini
tapıb onu saraya gətirməyi əmr edir. Çox keçmir ki, kasıb
kişi padşahın hüzuruna gətirilir. Padşah bundan soruşur:
- Kişi, mən sənə yaxşılıq eləmək istəyirəm. De
görüm o vaxt mənim hüzuruma nədən ötrü gəlmişdin?
Qorxma, sözünü açıq de.
Kasıb kişi əvvəlcə qorxur. Sonra padşahın sözünün
doğruluğuna inanıb ürəklənir:
- Padşah sağ olsun, o vaxt mən sənin yanına başqa
məqsədlə gəlmişdim. Amma çaşdım, sözümü sənə açıq
deyə bilmədim. Bu dəfə sənə sözün doğrusunu deyəcəm.
İstəyirsən boynumu vurdur, istəyirsən də məni vəhşi
itlərinə yem elə, özün bilərsən. Mən sözün doğrusunu
deyəcəm.
Kasıb kişi padşahı məsələdən agah elədi. Padşah
heç nə demədi. Öz qızını kasıb kişinin oğluna verdi.
Onlara qırx gün, qırx gecə toy elədi.
Nağıl qurtardı. Göydən üç alma düşdü. Biri nağıl
söyləyənin, biri sizin, biri də o kasıb kişinin.
AĞILLI VƏ DƏLİ QARDAŞ
(nağıl-qaravəlli)
Bir kənddə iki qardaş yaşayırmış. Nejə olubsa,
bunlar qış tədarükü görməyiblər. Qış da gəlib qapının
ağzını kəsir. Qar yavaş-yavaş yağmağa başlayanda dəli
qardaş ağıllı qardaşa deyir:
227
- Qardaş, qış gəlib qapının kandarını kəsdirib,
neyləyəjəyik, yavannıq - zad yoxdur.
Ağıllı qardaş dedi:
- Neyləyəcəyik ki, Allah verəndən nəyimiz varsa,
yeyərik. Bir parça cadımız ki, var. Acından ölmərik.
Dəli qardaş dedi:
- Bu da bizim ağıllımız. Ədə, quru çörəkdən o qədər
ye ki, nə üzə çıxar, nə də cana xeyri var. Yuvannıqsız
qırılıb gedərik. Yazbaşı kim bizi qaldıracaq, heyimiz
qalar?
Ağıllı qardaş dedi:
- Fikir eləmə. Allah kərimdi.
Dəli qardaş dedi:
- Ədə, Allah kərimdisə, quyusu da dərindi. Durma,
gəl gedək kürdün bir kök inəyini kəsək. Qovurub
dolduraq küpələrə. Düz yazbaşınadək bəsimiz olar.
Ağıllı qardaş dedi:
- Qardaş, ağlını başına yığ! Kürdün inəyini gətirib
kəssək, bəs birdən bildilər? Qazının əlindən qurtara
bilmərik.
Dəli qardaş dedi:
- Ədə, bu sənin işin deyil. Görmürsən göy də
qaralıb, bizdən sonra qar yağıb izimizi itirəcək. Dur,
gedək.
Ağıllı qardaş daha bir söz demədi. Durub düşdü dəli
qardaşının dalınca. Gəlib çatdılar kürdün töyləsinə. İçəri
girib onun kök bir inəyini çatılayıb çıxartdılar. Çəkə-çəkə
evlərinə gətirdilər. Dünənnən yağan qarın üstünə düşən
izlər sazaqdan dondu. Bəxtlərindən təzə qar yağmadı.
Ağıllı qardaş dedi:
- Qardaş, bəs qar yağmadı, kürd biləcək, qazı da
dərimizə saman təpəcək.
Dəli qardaş dedi:
228
- Qazı biləndə nə olar? Bəs nəyin ağıllısısan? Bir
söz tapıb deyərsən.
Səhərsi mal töylədən daranan vaxt kürd görür ki,
inəyin biri yoxdu. Ora inək, bura inək, gördüm deyən
olmur. Kürd bir də baxıb görür ki, töylədən çıxan iz iki
qardaşın evinə tərəf gedir. İzlə gedib qardaşların evinə
yetişir. Qapını döyür, inəyini tələb edir. Dəli qardaş deyir:
- Ay kürd, nə inək? Biz inək-zad görməmişik. İtiyini
get başqa yerdə axtar.
Kürd deyir:
- Elə itiyimi düz tapmışam. Mənim töyləmdən çıxan
iz həm sizin evə gəlib çıxır, həm də burnuma qovurma iyi
dəyir.
Dəli qardaş deyir ki, ay kürd, axşamnan qar
yağmayıb. Yerdəki qar da neçə gün bundan əvvəlkidir.
Sənin tövlənin yanından o qədər gəlib keçmişik ki, bir də
ki, sənin burnun keçən ilki ilə bu ilki qovurmanı ayıra
bilmir. Bizdəki qovurma kecən ilkidi.
Kürd deyir:
- İndi ki, inəyimi vermirsiniz, gedib qazıya şikayət
edəcəyəm.
Dəli qardaş deyir:
- Qazı nədi, lap padşahın yanına get.
Kürd gedən kimi ağıllı qardaq düşür dəli qardaşın
üstünə ki, sən bizi xataya saldın. Dəli qardaş deyir:
- Elə isə bir tədbir tök.
Ağıllı qardaş deyir:
- Əgər məni qazı tutdursa sən acından ölərsən.
Yaxşısı budur, ala bu yüz manatı da get qazının yanına.
Birtəhər bildir ki, cibində yüz manat var, o da qazıya
çatacaq. Elə elə ki, kürd bundan şübhələnməsin.
Dəli qardaş ağıllı qardaşdan yüz manatı alıb qazının
yanına gəlir. Gəlib görür ki, kürd də burdadır. İçəri girən
kimi qazı dəli qardaşa deyir:
229
- Ədə, sən nə ixtiyarnan kürdün töyləsinə girib
inəyini aparıbsan, kəsib ətindən qovurma bişirtdiribsən?
Dəli qardaş deyir:
- Qazı sağ olsun, bu kürd yalan deyir. Mən inək-zad
görməmişəm. Onun töyləsindən keçən izlər köhnədir.
Bizdəki qovurma keçən ildən qalıb.
Qazı acıqlanıb deyir:
- Ədə, sənin deməyinnən bu boyda fağır kürd yalan
danışır?
Dəli qardaş gördü qazıya işarə etməsə iş düzələn
deyil. Ona görə də ona yüz manat gətirdiyini, pulun da
cibində olduğunu sözlə qandırmaq istədi. Tez-tez dedi:
- Qazı ağa,
Canım sadağa!
Dağ başı duman idi,
Halımız yaman idi.
İnəyi gətirdik biz,
Yağmadı qar, qaldı iz.
İndi durduq üzbəüz:
Sən, mən, cibimdəki yüz,
Bu kürdün əlini məndən üz.
Qazı o saat başa düşdü ki, dəlinin cibində ona
çatacaq yüz manat var, dedi:
- Adə, köpək oğlu, çaşdınmı yolu?
Dağ başı duman idi,
Halınız yaman idi,
İnəyi gətirdiniz,
Yağmadı qar, qaldı iz.
Durduq üzbəüz:
Sən, mən, cibindəki yüz.
Yan otağa qoy yüzü,
230
Görməsin kürdün gözü.
Sən dal qapıdan vız,
Qalaq kürd ilə biz.
Kürd ha fikir verdi, amma onların danışığından bir
şey anlamadı. O qədər tez-tez danışırdılar ki, yazıq kürd
yalnız dız-vız eşidirdi. Dəli qardaş aradan çıxan kimi kürd
qazıdan soruşdu:
- Qazı sağ olsun, oğrunu neylədin ?
Qazı dedi:
- Neyləyəcəyəm ki? Görmürdünmü, padşahımızın
başına and içirdi ki, xəbərim yoxdu. Mən də buraxdım
getdi.
Kürd dedi:
Qazı ağa,
Canım sadağa!
Sizin sözünüz dız-vız,
İnəyim orda cız-bız.
Hardan tapım indi iz,
Üstünü örtəndə yüz?!
Qazı kürdü belə yola saldı. Şad-xürrəm, keçdi ki,
yan otağa, dəli qardaşın orda qoyduğu yüzlüyü götürsün.
Nə qədər axtardısa, yüzlüyü tapa bilmədi. O saat
barmağını dişlədi ki, dəli qardaş onun da başına kələk
gətirib. Tez adam yollayıb dəli qardaşı hüzuruna
çağırtdırdı. Dəli qardaş özünü qazının yanına yetirib baş
endirdi. Dedi:
- Qazı qağa, mənə görə daha nə qulluq?
Qazı qəzəbindən dilini-dodağını gəmirə-gəmirə
dedi:
- Adə, nadürüst oğlu nadürüst, mənə kələk gəlirsən,
üstəlik hələ dil də tökürsən?! Sən burada mənə işarə
etmədinmi cibimdə yüzlük var?
231
Dəli qardaş dedi:
- Düz buyurursan, qazı qağa.
Qazı dedi:
- Mən də sənə demədimmi o biri otağa qoy, dal
qapıdan da çıx.
Dəli qardaş dedi:
- Bəli, düz buyurursan qazı qağa.
Qazı dedi:
- Bəs indi de görüm., o yüzlük hanı?
Dəli qardaş dedi:
- Qazı qağa, o boyda inəkdən iz qalmayanda, bir
parça kağızdan necə iz qalsın?
Dəli qardaş bunu deyib qapıdan çıxdı, dalına
baxmayıb birbaşa evlərinə gəldi. Qazı da onun kələyini
başa düşüb özü-özünü danladı.
KEÇƏLİN NAĞILI
Biri var imiş, biri yox imiş, bir padşah var imiş.
Padşahın bir axundu var imiş. Axund bir gün padşaha iki
qızıl balıq gətirir. Padşahın balıqlardan çox xoşu gəlir.
Deyir ki, kaş biləydim bu balıqların hansı erkək, hansı
dişidir? Birdən balıqlar sinidən pıqqıldayıb gülürlər. Şah
çox təəccüblənir. Səbəbini axunddan soruşur. Deyir ki,
sənə üç gün möhlət verirəm. Balıqların gülməyinin
səbəbini öyrənməsən, boynunu vurduracağam.
Axund məlul-məlul evinə gəlir. Əhvalatı arvadına
söyləyir.
Axundun bir keçəl nökəri varıydı. Keçəl deyir:
- Ağa, fikir etmə, o nə şeydir? Mən bilirəm balıq
niyə gülüb.
Axund sevinir. Keçəlin qarnını doydurub padşahın
yanına gətirir. Padşah deyir:
232
- Axund, öyrəndinmi?
Axund sevincək deyir:
- Padşah sağ olsun, onu mənim bu nökərim də bilir.
Bu zaman nökər deyir:
- Padşah sağ olsun, mən nökər adamam, heç nə
bilmirəm. Özüm elə edirdim ki, ağam mənim ac qarnımı
doydursun. O axunddu, axund bilər belə şeyləri.
Axund qalır mat-məhəttəl. Aradan bir az keçmiş
padşahın vəziri deyir ki, padşah sağ olsun, bu Keçəldən
mənim ağlım bir şey kəsmir. Deyəsən balıqların
gülməsini Keçəl bilir. Padşah Keçəli yanına çağırıb deyir:
- Əgər balıqların nəyə gülməsini deməsən, boynunu
vurduracağam.
Keçəl məcbur olur. Deyir ki, ey padşah, balıqların
gülməsini məndən soruşma, peşman olarsan. İndi ki,
məcbur edirsən, qoy onda bir məsələ çəkim, sonra
deyərəm.
Padşah izn verir. Keçəl deyir:
- Padşah sağ olsun. Bir padşah var imiş, vəziri ilə
gəzirmiş. Görür ki, göydə uçan quşlar qəfəsdəki
qızılquşlarla söhbət edir. Padşah onların nə danışdıqlarını
vəzirdən soruşur. Vəzir deyir:
- Padşah sağ olsun, göylərdə uçan quşlar qəfəsdəki
quşlara deyir ki, qardaşın toy edir, səni də toya dəvət edir.
Qızıl quş isə deyir ki, məni kimdir boşlayan ki,
qardaşımın toyuna gedim.
Padşah vəzirə deyir:
- Quşa de ki, mən onu boşlasam, gedib-gələrmi?!
Qızılquş söz verir ki, gələrəm və ona ən mətah şey
gətirərəm. Quşu azad edirlər.
Üç gündən sonra qızılquş gəlir. O özü ilə iki alma
çəyirdəyi gətirir. Padşah iki bağban çağırır. Deyir ki,
hansınız bu çərdəkləri tez yetişdirərsiniz?
233
Qoca bağban çərdəkləri götürür. Aradan üç ay
keçəndən sonra bağban görür ki, dörd elə alma yetişib ki,
adam baxanda ağlı gedir. Kişi almaların ikisini evinə
qoyur. İkisini isə götürüb padşahın imarətinə gəlir.
Padşahın qara qulu deyir ki, padşah yatıbdır. Bağban da
almaları qarşısına qoyub yuxuya gedir. Qara qul hərlənir,
bağbanın yatdığını görüb iynə ilə almalara zəhər yeridir.
Bir azdan sonra bağbanı silkələyib ayıldır ki, padşah
yuxudan qalxıb.
Bağban almaları götürüb gedir, padşahın qarşısına
qoyur. Padşahın almalardan çox xoşu gəlir. Almanının
birini kəsib yemək istəyəndə qara qul deyir:
- Padşah, sən nə edirsən? Nə bilirsən ki, o almalar
necədir? Onu bizə dustaq etdiyimiz bir quş gətirib. Qoy
qoyun-quzuya ataq, onlar yesin, görək nə olur?
Belə də edirlər. Qoyun-quzu ölür. Padşah qızılquşun
boynunu üzür.
Bunu görən bağban qaçır. Evə gəlib arvada əhvalatı
danışır və deyir:
- Arvad, almaları gətir yeyək, biz də ölək. Yoxsa
padşah dərimizə saman təpəcək. Ər – arvad almanın birini
bölüb yeyirlər və on beş yaşında qızla oğlan olurlar.
Bağban almanın birini götürüb padşahın yanına
gəlir və hər şeyi padşaha danışır. Padşah almanı yeyir, on
beş yaşında oğlan olur. Bilir ki işlərin başı qara quldur.
Qulun boynunu vurdurur və qızılquşu öldürməyinə çox
peşman olur.
Keçəl söhbətini qurtarır və deyir:
- Padşah, indi bildinmi?
Padşah keçəlin üstünə qışqırır. Keçəl deyir:
- Yaxşı, padşah, onda dörd metr uzunluğu, üç metr
eni olan bir xəndək qazdır.
İş hazır olanda Keçəl deyir ki, arvadlarının qırxını
da bura gətir.
234
Arvadlar gəlir. Növbə ilə buradan tullanır.
Arvadların iyirmisi tullana bilir, iyirmisi isə xəndəyin
içinə düşür.
Keçəl deyir:
- Padşah sağ olsun, xəndəyin içinə düşənlər
arvaddır, qırağa düşənlər isə kişidir. Balıqlar da ona görə
gülür ki, sən öz arvadlarının erkək-dişiliyini bilmirsən,
bəs bizim erkək-dişiliyimizi nə biləcəksən?
Şah öz tacını götürüb Keçəlin başına qoyur. Keçəl
olur şah. Nağıl burada bitir.
COMƏRD QƏSSAB
Deyir bir gün Şah oğlu Şah Abbasın kefinin kök
vaxtı idi. Oturub vəzir Allahverdi xanla söhbət eləyirdi.
Birdən Şah oğlu Şah Abbas vəzirdən soruşdu:
- Vəzir, görəsən bu dünyada məndən səxavətli,
comərd adam varmı?
Vəzir fikrə getdi. Şah Abbasın İrandan gətirilmiş bir
qulu varıydı. O da qapıda müntəzir dayanmışdı. Qul
vəzirin dərin fikirə getdiyini görüb dilləndi:
- Şah sağ olsun, qəzəbin keçməsə, düzünü deyərəm:
var.
Şah Abbas tez qulu hüzuruna çağırdı. Quldan
soruşdu:
- De görək kimdir o comərd adam?
Qul dedi:
- Şah sağ olsun, Gəncədə bir Qəssab Əhməd var,
adına Comərd Qəssab deyirlər, bax o, səndən comərddir.
Şah dedi:
235
- Yaxşı, mən gedib onu yoxlayaram. Əgər dediyin
düz olsa, sənə ürəyin nə istəyir verəcəm. Yox, əgər yalan
cıxsa, boynun vurulacaq.
Qul baş endirdi ki, razıyam.
Şah oğlu Şah Abbasla vəzir Allahverdi xan yola
düşməkdə olsunlar, sizə kimdən xəbər verim Qəssab
Əhməddən. Qəssab Əhmədin bir əmisi qızı varıydı.
Bunlar yeddi il idi ki, nişanlı idilər. İkisinin də ata-anası
öldüyünə görə onlara yas saxlayıb toylarını eləyə
bilməmişdilər. Bunların evləri də yanaşı idi. Ancaq çox
həyalı dolanırdılar. Qız hər gün Əhmədin yemək-içməyini
hazırlayıb barının üstünə qoyardı, Əhməd də oradan
götürərdi.
Əhmədin tərəzisi də, baltası da, dükanı da qızıldan
idi. Özü də əmisi qızının eşqiylə əti elə kəsirmiş bircə
dəfə tərəziyə qoymaqla nə artıq olarmış, nə də əksik.
Bəli, Şah Abbasla Vəzir Allahverdi xan çox
gəzdikdən sonra gəlib çıxdılar Əhmədin dükanına.
Görürlər burda hər şey qızıldandı. Bir cavan oğlan əlində
qızıl balta ət doğrayıb – satır. Özü də hər müştəriyə ət
verdikcə baltanı bircə dəfə qaldırıb-endirir. Tərəziyə
qoyduğu ət qızıl kimi dübbədüz gəlir. Bu qəssab alıcıları
yola salanda deyir:
- Vermərəm, ya Əli, almaram, ya Əli!
Şah Abbas vəzirə deyir:
- Gəl biz də ət alaq, görək bunu tərəzidə çaşdıra
bilərikmi?
Bunlar qarışırlar camaata. Növbə çatanda Əhməd
bunlara ət vermir, yan-yörəsinə verir.
Axşam düşür, qəssab dükanı bağlayası olur. Şah
Abbasla vəzir istəyirlər çıxıb getsinlər. Qəssab Əhməd
deyir:
- Bayaqdan sizə fikir verirəm: görürəm qəribsiniz.
Heç yerə getməyin, ikiniz də mənim qonağımsınız.
236
Qəssab Əhməd qonaqları da götürüb gəlir evinə.
Barıdan əmisi qızına xəbər verir ki, qonağım var, xörək
hazırla. Qız yemək-içmək hazırlayıb verir Əhmədə.
Qonaqlar yemək-içməkdən sonra yıxılıb yatırlar. Səhər
açılanda istəyirlər çıxıb getsinlər. Əhməd deyir:
- Siz üç gün mənim qonağımsınız, adətim belədi.
Getməyin, qalın.
Şah Abbasla Vəzir Allahverdi xan burda qalmaqda
olsun, sizə kimdən deyim Əhmədin əmisi qızından.
Əhmədlə əmisi qızının nişanlı olmağının yeddi ili yeddi
gündən sonra tamam olurdu. Yeddi gündən sonra bunların
toyu olası idi.
Şah Abbas Əhmədin bağını gəzəndə görür barının o
tərəfində bir qız var. Baxanda adamın gözü qamaşır.
Şahın ağlı başından çıxır, az qalır ürəyi getsin. Birtəhər
özünü yetirir evə. Vəzir şahı belə görüb soruşur:
- Şah sağ olsun, nə olub, rəngin niyə qaçıb?
Şah əhvalatı söyləyir, deyir ki, vəzir, qızı almasam
burdan gedən deyiləm.
Axşam olur, Əhməd qayıdır evinə. Görür qonaqlar
yaman bikefdilər. Səbəbini soruşanda vəzir deyir:
- Qardaş, Allahdan gizlin deyil, səndən nə gizlin.?
Yoldaşım barının o tərəfində bir qız görüb, vurulub ona.
Əhməd gedir fikrə. Üzünü Şah Abbasa tutub deyir:
- Qonaq, heç kefini pozma, dünyasında razı
olmaram ki, mənim qonağım bikef olsun. Qızı alaram
sənə.
Əhməd barıdan aşır əmisi qızının yanına. Qıza
deyir:
- Əmiqızı, sənə bir söz demək istəyirəm. Bilmirəm
qəbul eləyəcəksən, ya yox?
Əmisi qızı deyir:
- Bu nə sözdü, Əhməd, sənin dediyin mənə
qanundur.
237
Əhməd başına gələni əmisi qızına danışıb, dərindən
ah çəkir:
- Əmiqızı, sən mənə qismət olası olmadın. Görünür
bəxtimiz beləymiş.
Qız deyir:
- Əhməd, sən məni doğrayıb itə də atsan,
dillənmərəm. Özün bilən məsləhətdi.
Əhməd bunlara üç gün yaxşı toy eləyir. Bir dəst
özünə, bir dəst də əmisi qızına toy paltarı tikdirmişdi.
Özünün toy paltarını qonağa geydirir, qıza da tapşırır ki, o
paltarı geysin.
Toy qurtarır, Əhməd qonağı gətirir əmisi qızının
yanına. Şah Abbas qızla oturur yemək yeyir. Qız əlini
süfrəyə uzatmır, qaşığı götürüb fikrə gedir. Şah soruşur ki,
nə olub? Qız ah çəkir, dillənmir, şah əl çəkmir. Axırda
qız məcbur olub deyir:
- Yeddi il idi əmim oğluna nişanlı idim. Üç gündən
sonra toyumuz olmalı idi. Allahın işinə bax ki, məni
Əhmədə yox, sənə qismət elədi. Şah qalır məəttəl. Qıza
deyir:
- Qəssab Əhməd sənin nişanlın imiş?
Qız asta-asta başını tərpədir. Şah Abbas bir az
fikirləşib deyir:
- İndi ki, belədi, sən mənim bacım, mən də sənin
qardaşın. Ancaq bu sirri göydə Allah, yerdə ikimizdən
savayı heç kəs bilməsin. Gedəndə səni də özümlə
aparacam.
Səhərisi gün Qəssab Əhməd qonaqlarla əmisi qızını
çoxlu bəxşiş verib yola salır.
Günlər keçir, Qəssab Əhməd daha əvvəlki kimi
ürəknən işləyə bilmir. Tərəzini çaşdırır, fikri həmişə qızın
yanında olur. Əhməd görür yox, belə yaşaya bilməyəcək.
Dükanını, evini, bütün var-yoxunu satıb, başlayır
şəhərbəşəhər gəzməyə.
238
Yanında da qızla vəzir Şah Abbas gəlir çatır öz
vilayətinə. Şahın qəsri yol kənarında idi. Həmin qəsrdə
cavan bir bacısı da var idi. Qızı gətirib bacısına tapşırır.
Özünə də deyir ki, qızın burada olmağını heç kəs
bilməsin.
Bir gün Şah Abbas Vəzir Allaverdi xanla
küləfirəngidə oturmuşdu. Gəlib-gedənə baxırdılar. Bu
vaxtı vəzir görür uzaqdan bir adam gəlir, heç özünü
bilmir, o qədər fikirlidir ki, yolun gah qırağına çıxır, gah
da ortasına. Yaxınlaşanda vəzirə tanış gəlir. Vəzir
Allahverdi xan diqqətlə baxanda Comərd Qəssabı tanıyır.
Üzünü şaha tutub sual eləyir:
- Şah sağ olsun, o gələn adamı tanıyırsanmı?
Şah cavabında deyir:
- Vəzir, mən də bayaqdan ona baxıram. Yazıq
yaman bikef görünür. Özü də mənə tanış gəlir.
Vəzir deyir:
- Şah sağ olsun, o adam Comərd Qəssabdı.
Şah deyir:
- Vəzir bu ola bilməz. Comərd Qəssab hara, bura
hara?
Şah qula buyurur ki, get o adamı bura çağır. Qul
Əhmədin yanına çatıb soruşur:
- A kişi, kimsən, hara gedirsən?
Əhməd deyir:
- Nə bilim, heç özüm də bilmirəm.
Qul deyir ki, şah səni hüzuruna çağırır. Əhməd qalır
məəttəl: «Şahın mənnən nə işi ola bilər?»
Qul Qəssab Əhmədi gətirir saraya. Şah Abbas əmr
eləyir ki, Qəssabı əvvəlcə hamama aparın, sonra yaxşıca
geyindirib gətirin.
Əhmədi gətirirlər şahın hüzuruna. Şah soruşur ki,
kimsən, hara gedirsən? Əhməd deyir:
239
- Qəssabam, ancaq hara getdiyimi özüm də
bilmirəm.
Şah Abbas deyir:
- İndi ki, Qəssabsan, qal mənim ölkəmdə, yenə
qəssab ol!
Əhməd deyir:
- Şah sağ olsun, mənim dükanım da, tərəzim də,
baltam da qızıldan idi. Özü də ayrı həvəsnən işləyirdim.
İndi hardadı o həvəs?
Şah Əhmədə deyir ki, səni evləndirəcəyəm. Əhməd
özünü itirir, bilmir nə desin. Şah Abbas deyir:
- Bax, səhər gedərsən bir bulaq var, onun başına.
Qız-gəlinlər ora suya gəlir. Xoşuna gələn qızın dalınca
düşərsən. Hara girsə, gəlib yerini deyərsən.
Əhməd deyir:
- Baş üstə!
Şah Abbas bacısına tapşırır ki, sabah qızı da
götürüb, getsin həmin bulağa.
Səhər açılır, səhər üzünüzə xeyirliklə açılsın, Şah
Abbasın bacısı qıza deyir:
- Yaman darıxıram. Gəl gedək, bir az gəzək.
Bunlar gəlirlər bulağın başına. Qəssab Əhməd də
durub bulağın qırağındaca gəlib-gedənə baxır. Görür ayə,
bir qız gəlir, elə bil əmisi qızıdı. Sonra da öz-özünə
fikirləşir ki, adam adama oxşayar da, əmisi qızı hara, bura
hara? Qız da Əhmədi görür, az qalır özündən getsin.
Şahın bacısı görür qızın ürəyi xarab oldu, deyir gəl
qayıdıb gedək. Bunlar qayıdırlar imarətə. Əhməd də
onların dalınca. Gəlib şaha deyir ki, bir qız görmüşəm,
girdi imarətə.
Şah oğlu Şah Abbas Qəssab Əhmədə üç gün, üç
gecə toy vurdurur. Həmin libas ki, Əhməd öz toyunda
geyməli idi, qız gələndə bunu da gətirmişdi. Əhməd
həmin libası geyir, qız da Əhmədin ona tikdirdiyi paltarı.
240
Burada onlar bir–birini tanıyır, görüşürlər. Qız başına
gələn əhvalatı Əhmədə söyləyir. Sonra şah Əhmədə bir
dükan bağışlayır. Dükan da, tərəzi də, balta da qızıl olur.
Şah Abbas yenə qulu hüzuruna çağırtdırır. Quldan
soruşur:
- İndi de görək comərd kimdi?
Qul da cavabında qayıdır:
- Şah sağ olsun, Əhməd səndən çox comərddi.
Şah deyir:
- Niyə?
Qul deyir:
- Çünki o qız Əhmədin qisməti idi, Əhmədin də
oldu.
Şah Abbas qula deyir:
- Düz deyirsən, mən olsaydım, heç vaxt öz nişanlımı
Əhmədə verməzdim. Doğrudan da Əhməd Comərd
Qəssabdı.
Şah qula çoxlu ənam verib, onu azad etdi.
YAZIYA POZU YOXDU
Bir gün Şah oğlu Şah Abbas Vəzir Allahverdi xanla
öz ölkəsini gəzməyə çıxmışdı. Şah rəiyyətinin nə təhər
dolandığını bilmək istəyirdi. Vəzirnən belə sözləşirlər ki,
gecələməyə hansı kəndə getsələr, birinci qabaqlarına
çıxan adamın evində qonaq qalsınlar. Nə isə, çox
gəzdikdən sonra bir də baxırlar ki, şər qarışır.
Şərtləşdikləri kimi ilk dəfə qabaqlarına çıxan bir kişinin
evində axşamlayırlar. Şahnan Vəzir Allahverdi xan
görürlər ki, bu kişi yaman kasıb adamdı, evdə dişə dəyəsi
heç nə yoxdu. Bir tərəfdən də ev yiyəsinin arvadı
hamilədi. Özü də ağrı çəkir. Ev yiyəsi yazıq xəcalətindən
bilmir neyləsin. Ev də daracaq. Belə bir yerdə qalmağı
241
Şah Abbas özünə ar bilir. Xəlvətcə vəzirə işarə eləyir ki,
gəl gedək başqa yerdə gecələyək. Vəzir Allahverdi xan
deyir:
- Qibleyi-aləm sağ olsun, sözümüz sözdü, elə burda
da qalmalıyıq.
Gecədən xeyli keçir, yatmaq vaxtı çatır. Ev dar
olduğundan şahnan vəzirə qapının ağzında yer salırlar.
Hamı yatır, amma qonaqların yuxusu ərşə çəkilir. Şahnan
vəzir nə görmüşdü belə narahat yerdə yatmağı? Gecənin
bir əyyamında arvad bari-həmlini yerə qoyur. Aradan bir
az keçməmiş Şah oğlu Şah Abbasnan Vəzir Allahverdi
xan görürlər ki, budu ha bunların üstündən bir adam
addayıb çölə çıxdı. Şah Abbas öz-özünə bərk
təəccüblənir, üzünü vəzirə tutub soruşur:
- Vəzir, məni bu sirdən agah elə, görüm, gecənin bu
vaxtı bizim üsütümüzdən yarıb keçən kim idi?
Vəzir bir xeyli fikirləşdikdən sonra cavab verir:
- Şah sağ olsun, bu adam yazı yazandı.
Şah oğlu Şah Abbas bir də soruşur:
- Vəzir, tez ol, de görüm, bu yazı yazan nə yazdı?
Vəzir deyir:
- Qibleyi-aləm sağ olsun, yazı yazan sənin qızını
bax bu indicə anadan olan oğlan uşağına yazdı.
Şah qəzəblənib deyir:
- Bu nə sözdü vəzir?! Mənim qızım hara, bura
hara? Mən belə yerə qızmı verərəm? İndi sənin gözünün
qabağında o yazını pozaram, sən də baxarsan.
Gecə keçir, səhər açılır. Sabah hamınızın üzünüzə
xeyirliklə açılsın. Şah oğlu Şah Abbas yuxudan duranda
üzünü ev yiyəsinə tutub deyir:
- Qardaş, Allahdan gizlin deyil, səndən nə gizlədim,
mən neçə illərdi övlad üzünə həsrətəm. Bir uşaq üzündən
düşmüşəm düzlərə, evə – eşiyə də yığışa bilmirəm.
Görürəm uşağın çoxdu, özünün də ehtiyac başından aşır.
242
Gəl sən bu axşam anadan olan uşağı mənə sat. Uşağı
tərəzinin bir gözünə qoyaq, qızılı da bir gözünə. Sənə o
uşaq ağırlığında qızıl verim.
Ev yiyəsi deyir ki, qoy bir arvad-uşaqla
məsləhətləşim, görüm onlar nə deyirlər. Kişi gəlib
əhvalatı arvadına söyləyir. Deyir ki, ay arvad, bir uşaq
nədi ki, gəl qızılnan dəyişək, kasıbçılığın da daşını ataq.
Ta nolacaq, Allah kasıblığın üzünü qara eləsin, arvad da
uşağı verməyə razı olur. Şah oğlu Şah Abbas uşaq
ağırlığında qızılı verib uşağı alır. Uşağın qundağını qoyur
vəzirin qucağına. Bir xeyli getdikdən sonra Şah Abbas
vəzirə deyir:
- Vəzir, sən deyirdin ki, yazıya pozu yoxdu. İndi
mən bu uşağı elə bir hündür qayadan atacam ki, heç tikəsi
də tapılmasın.
Şah oğlu Şah Abbasla vəzir Allahverdi xan gəzə-
gəzə gəlib bir hündür qayanın başına çıxdılar. Şah uşağı
vəzirin qucağından alıb qayanın başından uçurumun
dibinə atır. Cəbrayıl Əleyhissalam uşağı göydəcə tutur,
qoymur yerə düşməyə. Uşağı aparıb yavaşca qayanın
dibinə qoyur. Allahdan olan kimi bu qayalığın ətəyində də
bir ceyranın balası ölmüşdü. Ceyranın naləsi dağı-daşı
lərzəyə gətirirdi. Ceyran yorulub əldən düşəndə qayanın
dibində yatmaq istəyir. Yaxınlaşanda görür ki, qayanın
dibində bir uşaq var. Ceyran uşağın lap böyründəcə
uzanıb yatır. Neçə gündü ac olan uşaq başlayır ceyranı
əmməyə. Bundan sonra ceyran mehrini salır bu uşağa.
Hər gün gedib çəmənlikdə otlayır, sonra gəlib uşağı
əmizdirir. Günlər, aylar keçir, ceyran uşağı öz balası kimi
bəsləyir.
Günlərin bir günündə Şah Abbasın uşağı satın aldığı
məmləkətdən bir ovçu ova çıxır. Nə qədər gəzib
dolanırsa, güzarına bir dənə də olsun ov düşmür.
Yornuqluq ovçunu əldən salır. Ovçu bir hündür təpənin
243
başında oturur ki, bir az yorğunluğu çıxsın. Birdən
ovçunun gözü oturduğu qayanın dibində otlayan ceyrana
sataşır. Ovçu bu ceyranı neçə dəfə nişan alırsa, hər dəfə
gülləsi hədər gedir. Ovçu çox sərrast atırmış. Ona görə də
gülləsinin hədəfə dəymədiyinə məhəttəl qalır. Öz-özünə
deyir ki, indi ki belə oldu, mən bütün vaxtımı bu ceyrana
sərf edəcəyəm, görüm bunun təbiətində nə tilsim var, bu
hara gedir, harda yatır? Ovçu axşama kimi gözləyir, görür
ceyran otladı, doydu, üst tərəfdəki qayanın altından çıxan
bulaqdan su içib yavaş-yavaş dağın ətəyi tərəfə gəldi.
Ceyran dağın ətəyindəki qayanın dibində yatmağa
başlayır. Bu yenicə yatmışdı ki, bələkdə olan bir uşaq
başlayır ceyranı əmməyə. Ovçu bu işə lap məəttəl qalır ki,
bu uşaq bu biyabanlıqda nə gəzir? Ceyran bu uşagı hardan
tapıb? Ovçu bir az gözləyir, uşaq əmib doyandan sonra
ceyranı güdür, sonra uşağı qucağına alıb, qayıdır kəndə.
Kənddə nə qədər körpə uşaqlı analar var idisə, ovçu uşağı
onların hamısının yanına aparır, nə illah eləyirlərsə, uşaq
heç bir qadının döşünü götürmür. Birdən ovçunun yadına
düşür ki, bizim kəndin yuxarı başında yaşayan bir arvadın
da uşağı olmuşdu, aparım görüm bəlkə onun döşünü aldı.
Sən demə həmin arvad da uşağın öz anası imiş. Uşaq
anasının döşünün iysini alan kimi başlayır əmməyə. Gün
o gün olur ki, uşaq yekələnir, on altı yaşa çatır. Bu uşaq
öz gözəlliyi, ağıl-kamalı, fərasəti ilə tay-tuşlarından
seçilir.
Bir gün Şah Abbas öz vəziri ilə bu kəndin yanından
keçirmiş. Görürlər ki, yolun qırağında bir dəstə uşaq
dayanıb. Bunların arasında bir oğlan var, iki göz istəyir
bunun gözəlliyinə tamaşa eləsin. Şahın gözü bu oğlana
sataşan kimi vəzir Allahverdi xandan soruşur:
- Vəzir, mənə de görüm, bu uşaq kimdir, kimin
oğludur?
Vəzir cavab verir:
244
- Şah sağ olsun, bu sənin qayadan atdığın uşaqdır.
Görürsənmi ölməyib, yazıya pozu yoxdur.
Şah deyir:
- Vəzir, sən nə danışırsan, dəli olubsan, nədir? Sən
bax gör, mən o yazını necə pozuram?!
Şah oğlanı yanına çağırıb deyir ki, bala, sənə bir
namə yazıb versəm, onu mənim sarayıma çatdıra
bilərsənmi? Uşaq deyir ki, niyə çatdırmıram?
Şah Abbas o saat Qara Vəzirə bir namə yaır ki,
vəzir, bu oğlan yanına çatan kimi boynunu vurdurarsan.
Uşaq yazıq da bisavad idi, oxuyub-yazmaq bilmirdi.
Uşaq Şah Abbas verən naməni cibinə qoyub yol
başlayır. Günə bir mənzil, gecəni gündüzə qatıb, yolun
damarını qırıb, şahın sarayına çatır. Sarayın yaxınlığında
böyük bir bağ var idi. Oğlan gecə-gündüz yol
gəldiyindən bərk yorulur, bir ağacın kölgəsində yıxılıb
yatır.
İndi sizə kimdən xəbər verim, şahın qızından. Şahın
qızı qırx incəbel qızla şəhər kənarına seyrə çıxmışdı.
Qayıdanbaş onların yolu həmin oğlan yatan bağdan düşür.
Bağa girən kimi şahın qızı görüb ki, ayə, burada bir oğlan
yatıb, vallahi yemə-içmə, bunun xətti–xalına, gül
camalına tamaşa elə. Baxdıqca adamın ağlını başından
aparır. Padşahın qızı nə qədər eləyir, oğlanı oyada bilmir.
Birdən qızın gözü oğlanın cibindəki məktuba sataşır. Qız
o saat məktubu oğlanın cibindən çıxarıb oxuyur, atasının
niyyətindən hali olur. Tez vəzirə şahın adından başqa bir
məktub yazır. Yazır ki, bu oğlan ora çatan kimi toy eləyib
qızını ona verərsən. Qız məktubu oğlanın cibinə qoyub
gedir.
Oğlan yuxudan ayılan kimi özünü yetirir saraya,
məktubu verir Qara Vəzirə. Qara Vəzir padşahın qızının
toyunu eləyir, onu məktub gətirən oğlana verir.
245
Gün o gün olur ki, Şah Abbasın səfərdən qayıtmaq
vədəsi çatır. Qız oğlanı öyrədir ki, atamın atını minib, onu
qarşılamağa gedərsən. Atamın yanına çatan kimi ədəb-
ərkanla salam ver, amma dayanma, atın başın çevirib dala
qayıt. Oğlan qızın dediyi kimi eləyir. Bu, ədəb salam
verib dala qayıdanda, Şah Abbas vəzirdən soruşur:
- Vəzir, bu kimdir belə, nə cürətlə mənim atımı
minib?
Vəzir cavabında deyir:
- Şah sağ olsun, bu sənin kürəkənindi. Görürsənmi
yazıya pozu yoxdu.
DİL «BİLƏN» SAĞSAĞAN
Bir gün bir kişi eşşəklə meşədən odun gətirirmiş.
Yolda üzünü eşşəyə tutub deyir:
- Ay eşşək, gəl mərc gələk, sən bu yolla get, mən də
o biri yolla. Kim evə tez çatsa, qayğanağı o yesin.
Eşşək razılaşır. Kişi bir yolla, eşşək də başqa bir
yolla gedirlər. Bir xeyli getdikdən sonra eşşək yoldan
çıxır. Şər qarışır. Canavar yolda eşşəyi parçalayıb yeyir.
Sizə kimdən xəbər verim, kimdən deyim, eşşək
yiyəsindən. Eşşək yiyəsi evə çatan kimi arvadından
soruşur ki, eşşək gəlibmi? Arvaddan «yox» cavabı alan
kimi deyir ki, arvad, eşşəklə mərc gəlmişəm, mən mərci
uddum. Tez ol qayğanaq bişir. Kişi qayğanağı yeyir, gecə
düşür. Ha gözləyir, eşşək gəlmir ki, gəlmir.
Sabah kişi eşşəyi buraxdığı yerə gedir. Görür ki, bir
xeyli kənarda canavar eşşəyi yeyib, yazıq heyvanın
quruca səvədəyi qalıb. Kişi bir xeyli eşşəyin sür-
sümüyünə baxanda görür ki, bir sağsağan eşşəyin
qabırğalarında qalan ət qırıntılarını dimdikləyir. Kişi
sağsağanı qovur, fikirləşir ki, bir yolla eşşəyi diriltməlidir
246
(yəni pulunu çıxartmalıdır). Bu fikirlə eşşəyin səvədəyinə
girir, büzüşüb gözləyir. Sağsağan da ac imiş. Gəlib yenə
də ət qırıntılarını dimdikləməyə başlayır. Yeməyə başı o
qədər qarışır ki, özündən xəbərsiz kişiyə lap yaxınlaşır.
Kişi əlini uzadıb quşu tutur və qoltuğunda gizlədir.
Aradan bir xeyli keçir. Kişi bir də baxanda görür ki, daha
axşam düşüb, evə gedə bilməyəcək. Odur ki, yaxınlıqdakı
bir kəndə üz tutur. Rast gəldiyi birinci qapını döyür.
Qabağa bir qadın çıxır. Kişi deyir:
- Allah qonağı istəyirsinizmi?
- Allaha da qurban olum, qonağına da, - deyə qadın
kişini evə dəvət edir.
Qadın qonağın qabağına bir stəkan çay qoyur və öz
işi ilə məşğul olmağa başlayır. Plov bişirib taxçaya
qoyur, bir qazanda da dolma bişirib çarpayının altında
gizlədir. Kişiyə də yemək vermir.
Bir müddət keçir. Evin kişisi gəlir. Qonağa «xoş
gəldin» eləyəndən sonra arvada üz tutub deyir ki, yeməyə
nə var? Yəqin qonağımız da acdır. Qonaq da ki, bir gün
axşama kimi heç nə yeməmişdi, acından ürəyi qısılırdı.
Arvad dedi:
- Ay kişi, qatıqdan savayı heç nə yoxdu.
Kişi dedi:
- Arvad, kasıbın olanından deyiblər, gətir yeyək.
Qonaq fikirləşdi: axı necə desin ki, evdə plov, dolma var.
Bəli, sağsağan da hələ qonağın qoltuğunda idi. İşi
belə görən qonaq qolu ilə astaca sağsağanı sıxdı.
Sağsağan «vığğ» elədi.
Ev sahibi təəccüblə soruşdu:
- Qonaq qardaş, qoltuğundakı nə olan şeydi elə?
Qonaq dedi:
- Qardaş, bu mənim dil bilən sağsağanımdı.
- Qonaq qardaş, bəs o indi sənə nə dedi?
Qonaq dedi:
247
- Əşi, sarsaqlayır, bənd olma.
Kişi əl çəkmədi:
- Qardaş, sən Allah, de görək nə dedi?
Qonaq da elə bunu gözləyirdi. Odur ki, dedi:
- Deyir ki, xanım plov bişirdi, taxçaya qoydu.
Ev sahibi arvada tərs-tərs baxıb dedi:
- Ay arvad, plovun varsa, bəs niyə qatıq – çörək
verirsən? Nəyin varsa bəri gətir.
Arvad dilləndi:
- Ay kişi, canın haqqı, elə sənə bişirmişdim.
Amma yadımdan elə çıxıb ki …
Xülasə, arvad plovdan ərinə və qonağa bir boşqab
gətirir. Qonaq bərk acdığından nə qədər yedisə doymadı.
Bir azdan sağsağanı bir də sıxdı. Sağsağan yenə «vığğ»
elədi. Bunu eşidən ev sahibi dərhal soruşdu:
- Qardaş o, quş bəs indi nə deyir?
Qonaq dedi:
-Deyir ki, xanım dolmanı bişirdi, sonra da aparıb
çarpayının altında gizlətdi.
Kişi arvada bərk təpindi:
- Ay arvad, adam ələ salmısan? Sən öl durub,
sınmamış sümüyünü qoymaram. Dolmadan da gətir!
Arvad qorxa-qorxa dilləndi:
- Ay kişi, vallah elə səndən ötrü bişirmişdim,
yadımdan elə çıxıb ki …
Dolma da gəldi. Yedilər, doydular, yıxılıb yatdılar.
Ev sahibi qonağın sağsağanına yaman
vurulmuşdu. Səhər açılan kimi başladı qonağa yalvarmağa
ki, sən Allah, bu quşu neçəyə istəyirsən mənə sat. Qoy o,
hər gün bu qanmaz qızının işdəklərini mənə desin.
Qonaq dedi:
- Yox, qardaş, mən bu quşu sata bilmərəm. Elə mən
də bunu evdə saxlayıram ki, arvadımın əməllərini xəbər
versin.
248
Çox yalvar-yaxardan sonra qonaq sağsağanı bir
eşşəyin qiymətinə ev sahibinə satır. Bu tərəfdən də
arvadın kürkünə birə düşür ki, ey dili-qafil, evim yıxıldı,
bütün sirlərimi bu quş açacaq. Gərək bir yol tapıb bu quşu
öldürəm. Amma öldürsəm, kişi işi başa düşəcək. Bəs mən
necə eləyim?
Ev yiyəsi qonağa pul verib işə yollandı. Qonaq da
çıxmaq istəyəndə, bir az ləngiyir, duyur ki, arvadın ona
sözü var. Kişi evdən uzaqlaşan kimi arvad başladı:
- Səni evimə buraxdığım günə daş yağaydı, ay
qonaq. Bu nə iş idi mənim başıma gətirdin? İndi mən necə
eləyim ki, bu quş tezliklə, həm də öz əcəli ilə ölsün?
Qonaq dedi:
-Xanım, onun bircə əlacı var. Amma demərəm.
Kişi arvadı da bir xeyli yalvartdıqdan sonra bir
eşşəyin pulunu alıb dedi:
- Xanım, quşu öldürməyin bircə yolu var. O da onu
ac və susuz saxlamaqdı.
Arvad buna inandı. Qonaq cıxıb getdi. Aradan bir
neçə gün keçdi. Sağsağan ac və susuz yaşayırdı.
Bir gün arvadın oynacı gizlicə arvadın yanına
gəldi. Arvada bir neçə xoş söz dedi. Sonra da təklif etdi
ki, soyunub çarpayıya uzansınlar. Arvad əynini
soyunmağa başladı. Bunu görən ac sağsağan atılıb arvadın
ətli dizindən yapışdı. Arvad ağrıya dözməyib hay-küy
salmağa başladı. Arvadla oynacı nə illah elədilərsə,
sağsağanı kənara itələyə bilmədilər. Sağsağan iti
caynaqları ilə oynacın sir-sifətini qana qərq elədi. Arvadın
cır səsi bütün kəndə yayıldı. Elə bu vaxt arvadın əri ilə
kəndin camahatı içəri girdi. Kişi bu biabırçılığa dözməyib
arvadı da, oynacı da öldürdü. Sağsağana «əhsən» dedi və
ona çoxlu yem, su verdi.
Bunlar burda qalmaqda olsun. Sizə kimdən
deyim, kimdən xəbər verim, sağsağanı satandan.
249
Sağsağan satan fikirləşdi ki, yaxşı, mən eşşəyin pulunu
ikiqat çıxartdım. Bəs o yazıq quşun aqibəti necə oldu
görəsən? Mən o yazığı nə üçün özgə evində dustaq
elədim? Gedim görüm onun əhvalı necədir.
Kişi bu fikirlə qonaq qaldığı evə gəldi. Gördü ki, ev
yiyəsi tək-tənha oturub sağsağanı əzizləyə-əzizləyə
yemləyir. Xoş-beşdən sonra qonaq soruşdu ki, qardaş,
quş sənə necə xidmət edir?
Ev yiyəsi dedi:
- Qardaş, halal olsun sənin quşuna! O, mənə nəinki
çoxlu xəbər verdi, hətta mənim namusumu çəkdi.
Qonaq dedi:
- Qardaş, o ki belə igidlik eləyib, gəl biz də onu
azad edək.
Ev yiyəsi razılaşdı. Qapını açdılar. Sağsağan uçub
getdi.
DEYİNGƏN FATMA
Biri varmış, biri yoxmuş çox deyingən, hayı-küyü
kəsməyən bir Fatma varmış. Fatmanın deyingənliyi ailədə
hamını cana gətiribmiş. Onun əlindən bezar olan əri bir
gün onu aparıb quyuya salır ki, bəlkə bir az ağıllana,
deyinməyin daşını ata. İki-üç gün keçir. Ər dözmür.
Fatmanı quyudan çıxartmaq istəyir. Quyuya yaxınlaşıb
oraya bir kəndir sallayır. Birdən görür ki, quyunun bir
tərəfində böyük bir ilan var. İlan kişini görəndə adam
kimi dil açıb yalvarmağa başlayır:
- Nə olar, məni bu quyudan çıxart. Səni dünya
malına qəni edərəm. Amanın bir günüdür, yoxsa bu arvad
mənim beynimi tamam dəng edəcək. Gör üç gündə məni
nə kökə salıb?
250
Kişinin ilana yazığı gəlir. Kəndiri sallayıb onu
quyudan çıxarır. İlan kişiyə deyir:
- Mən gedib padşahın aman-zaman, gözünün ağı-
qarası olan bircə qızının boynuna dolanacağam. Nə qədər
ovsunçu gəlsə də açılmayacağam. Sən gələrsən,
dodaqlarını yavaşca tərpədərsən, onda açılıb gedərəm.
Padşah da sənə nə istəsən verər. Ancaq səninlə bir şərtim
var: üç dəfədən artıq mənim dalımca gəlsən, səni
çalacağam.
İlan dediyi kimi də edir. Gedib padşahın qızının
boynuna dolanır. Nə qədər ovsunçu gəlirsə də ilan açılmır
ki, açılmır. Xəbər Fatmanın ərinə çatan kimi tez özünü
saraya yetirir. Qızın yanına gəlir. Dərhal ilanı tanıyır.
Padşaha deyir:
- Padşah sağ olsun, mən sənin qızını bu bəladan
xilas eləyə bilərəm.
Padşah kişinin əl-ayağına döşənir. Kişi soruşur:
- Mənə nə qədər ənam verərsən?
Padşah deyir:
- Sənə özün ağırlıqda qızıl verərəm.
Kişi razılaşır. Başlayır dodaqlarını tərpətməyə. İlan
bir göz qırpımında qızın boynundan açılıb gedir. Kişi ilanı
üç padşah qızının boynundan açıb varlanır.
Bir gün kişinin yanına gəlib başlayırlar ki, bəs
deməzsənmi filan padşahın da qızının boynuna ilan
dolanıb. Gedək, onu xilas elə. İlanın dediyi şərt kişinin
yadına düşür. Ona görə də getmək istəmir. Yalvarıb-
yaxarırlar. Kişi yumşalır, getməyə məcbur olur. Saraya
çatanda baxıb görür ki, bəli, yenə də həmin ilandı. Kişi
qorxudan ayaq üstə quruyub qalır. Nə qədər istəyir ki,
dodaqlarını tərpətsin, taqəti çatmır. Birdən kişi ucadan
bağırır:
- İlan, Fatma gəlir! Fatma gəlir! Mən getdim, sən
özün bilərsən, – deyib qaçmağa başlayır.
251
İlan «Fatma» sözünü eşidən kimi qızın boynundan
açılıb daldalanmağa yer axtarır.
KƏNDXUDA VƏ BİÇİNÇİ OĞLU
Murtuz adlı bir kəndxuda varıymış. Ona el arasında
kəndxuda deyərlərmiş. Camaatın qənimi imiş, illah da
əkinçilərin. Məhsulun ondan birini onlara verərmiş,
qalanını isə özü mənimsəyərmiş. Bu zalım kəndxudanı
heç kimin görməyə gözü yoxuymuş.
Bir dəfə də məhsul yığılanda kəndxuda biçinçiləri
başının üstünü kəsdiribmiş. Ağsaqqallar gizlin-gizlin
pıçıldaşırlar ki, necə edək kəndxuda rədd olub getsin.
Biçinçi Muradın oğlu onların sözlərinə qulaq asırmış.
İstəyir ki, ağsaqqalların sözünə qoşulsun. Atasının sözü
yadına düşür: «Qaşıq çömçədən böyük olmaz». Fikirləşir
ki, onlar məndən böyükdürlər, inciyərlər. Amma
ağsaqqallardan birinin dediyi: «Necə edək ki, kəndxuda
buradan rədd olub getsin», - sözü onu rahat buraxmır ki,
buraxmır. Axırı söhbətə qarışası olur:
- Onun əlacı məndə. Mən elə bir fənd işlədərəm ki,
kəndxuda buradan gedər.
Bunu eşidən Həsən adlı bir kişi deyir:
- Eh, ay oğul, onun əlacı bircə «dayan doldurum»
tüfəngindədir. Ona da ürək lazımdır.
Muradın oğlu bir də deyir:
- Yox, Həsən dayı, mən elə eləyərəm ki, kəndxuda
lap papağını qoyub qaçar.
Həsən kişi maraqla soruşur:
- Axı necə eləyərsən, ay oğul?
Muradın oğlu deyir:
252
- Hər bir işin də öz üsulu var. Allah qoysa bir-iki
günə görərsiniz.
Muradın oğlu elə həmin andan tədbir görməyə
başladı. Tay-tuşlarını başına yığıb üç çanax qurbağa
tutdurdu. Axşam qurbağaları kəndxudanın hovuzuna
buraxdı. Bəli, yay ola, qurbağa gölü ola. Qurultudan qulaq
tutulurdu. Kəndxuda nə illah elədisə, səs-küydən yata
bilmədi. Yerində ha o yan-bu yana çevrildisə, gözünə
yuxu getmədi ki, getmədi. Durub hovuza daş atdı, hay-
küy saldı, yenə də xeyri olmadı.
Səhəri dirigözlü açan kəndxuda durub o başdan
kənddən qaçdı. Camaat bundan istifadə edib xeyli məhsul
götürdü. Amma qurbağaların qurultusu kəndi başına
götürmüşdü. Həsən kişi Muradın oğlunu görüb dedi:
- Ay oğul, çox sağ ol, o mərdüməzarı başımızdan
rədd elədin. Amma bizim özümüzü də xataya saldın.
Qurbağaların səsi bizi lap təngə gətirib.
Muradın oğlu gülüb dedi:
- Onun da çarəsi var, Həsən dayı. Siz bir yağlı plov
bişirtdirin, gəlib onların hamısını qovaram.
Həsən kişini fikir götürdü:
- Ayə, görəsən, bu o qurbağaları necə qovacaq?
Nətəri eləyəcək?
Ertəsi gün kənddə qurbağa səsi eşidilmirdi. Hamı
təəccüb edirdi. Sən demə, biçinçi oğlu uzun bir çatını
qulac-qulac edib hovuza atıbmış. Çatını ilan hesab edən
qurbağalar ağızlarına su alıb gizlənmişdilər. Ağsaqqallar
bunu görüb Muradın oğluna «əhsən» dedilər.
BELƏ DƏ QALMAZ
253
Bir tacir uzaq səfərə çıxır. Yolda bir kişinin evində
gecələməli olur. Ev yiyəsi yaman kasıb imiş. Qonaq çıxıb
gedəndə ev yiyəsi deyir:
- Belə də qalmaz.
Ay ötür, il dolanır. Günlərin bir günü tacir öz
yolunu həmin kişinin evindən salır. Tacir görür ki, kişi
varlanıb. Bir neçə gündən sonra tacir getməli olur. Ev
yiyəsi yenə də deyir:
- Belə də qalmaz.
Tacir kişinin sözünə lap məətəl qalır. Öz-özünə
düşünür: «Necə yəni belə də qalmaz. Yaxşı, kasıb idin,
varlandın. Bəs özgə nə olmalıdır?»
Tacir kişinin sözünü unuda bilmir. Aradan bir
müddət keçəndən sonra yenə də həmin kişinin evinə
qonaq gedir. Ona deyirlər ki, kişi yoxdur, rəhmətə gedib.
Tacir onun qəbrini ziyarət eləməyə gedir. Görür ki,
rəhmətlik həmişə dediyi sözü başdaşına da yazdırıb:
«Belə də qalmaz». Tacir öz-özünə deyir: «Yaxşı, kasıb
idin, varlandın. Varlı idin, öldün. Bəs öləndən sonra nə
olasıdır ki?». Fikirli-fikirli dayanıb baxır. Qəfildən ildırım
çaxır, göy guruldayır, leysan tökülür. Bir boran qopur, gəl
görəsən. Sel-su dünyanı ağzına alıb aparır. Tacir görür ki,
sel o rəhmətliyin də qəbrini yuyub apardı. Öz-özünə
deyir:
- Allah sənə rəhmət eləsin! Düz deyirsənmiş, belə
də qalmaz.
BİR GƏNCƏLİ VƏ İKİ İRANLI
Keçmiş zamanlarda bir gəncəli qazanc dalınca
başqa bir ölkəyə yola düşür. Bir səhrada iki iranlı ilə
rastlaşır. Bir-birindən hal-əhval tutandan sonra belə
məlum olur ki, iranlılar da qazanc dalınca gedirlər. Hə,
onlar bir müddət beləcə deyə-gülə yol gedirlər. Yolda
254
bərk acırlar. Deyirlər ki, bəs neyləyək, nə yeyək?
Aclığımızı nəynən öldürək? Çox fikirləşirlər, çox götür-
qoy eləyirlər. Görürlər ki, balam, yeməyə heç nələri
yoxdu, acqarnına yol yerimək də çətin işdi. Qabaqda bir
ümid yeri, bir işıq gələn, tüstü çıxan yer yoxdu. İranlının
biri deyir:
- Hə, qardaş, məndə bir az qovut, bir az da qənd var.
O biri iranlı isə deyir:
- Məndə bir az su var.
Gəncəlidə heç nə yoxuydu. Amma özünü o yerə
qomayıb dedi:
- Hə, qardaşlar, bizə ta nə lazımdı ki? Qəndimiz var,
qovudumuz var, gəlin halva düzəldib yeyək.
İranlılar gəncəli yoldaşlarının bu təklifini çox
bəyəndilər. Sonra fikirləşdilər ki, bəs halvanı kim
düzəltsin. Gəncəli dedi:
- Vallah mənim əlimdən belə iş gələn deyil. Bəlkə
siz özünüz…
İranlılar halva qayırmağı öz boyunlarına götürdülər.
Bir azdan halva hazır oldu. Amma baxıb görürlər ki, halva
azdı. Bu halvanı üç adamın arasında bölsələr, heç kimə bir
şey düşməyəcək. Gəncəli işi belə görüb tez dillənir:
- Hə, qardaşlar, düzü, mən hələ çox acmamışam.
Həm də ki, elə uşaqlıqdan mənim halvaynan aram yoxdu.
Amma neyləyim, ta əlac yoxdu. İndi gəlin belə eləyək: bu
halvanı bir adam yesə yaxşıdı. Heç olmasa bir adam tox
olsa, o birilərin də qolundan çəkib aparar. Allah kərimdi,
o birilərinin də ruzusunu Allah özü yetirər.
İranlılar gəncəlinin bu təklifi ilə də razılaşırlar. Çox
düşünüb-daşınırlar ki, bəs neyləyək, nətəri eləyək, halvanı
kimə verək?
Gəncəli dedi:
255
- Mənim rəhmətlik atam deyərdi ki, İran halvası çox
tamlı olur. Amma sözün düzü, mənim halvaynan heç
aram yoxdu. Hər halda bir adam yesə yaxşıdı.
İranlının biri deyir:
- Can qardaş, gəlin belə şərt kəsək. Halvanı qoyaq
dursun bir tərəfdə. Gəlin bu gecə yıxılıb yataq. Səhər
obaşdan durub yuxumuzu bir-birimizə söyləyək. Görək
kim daha yaxşı yuxu görür. Kimin yuxusu yaxşı olsa,
halvanı da qoy elə o yesin.
Üçü də bu şərtlə razılaşırlar. Halvanı qoyurlar tir
tərəfə, üstünə də bir yekə papaq qoyurlar ki, gecə qurd-
quş gəlib yeməsin. Kəlləni atıb yatırlar. İranlılar bərk
yorulduqlarından o saat yuxuya gedirlər. Gəncəli isə yata
bilmir, iranlıların yuxuya getməyini gözləyir. Onlar
yuxuya gedən kimi kirmişcə durub halvanı yeyir, papağı
da ağzıüstə çevirir, bığlarına da tumar verib, kəlləni atıb
yatır.
Səhər iranlılar yuxudan lap tez oyanırlar. Baxıb
görürlər ki, gəncəli yoldaşları yaman şirin-şirin yatır.
Oyatmağa da qıymırlar. İkisi də məzlum-məzlum oturub
gəncəlinin yuxudan durmasını gözləyirlər. Gün günorta
olur. İranlılar baxıb görürlər ki, gəncəli heç oyanana
oxşamır. Bir-iki dəfə öksürürlər ki, görsünlər heç
gəncəliyə təsir eləyirmi? Görürlər ki, yox, mümkün
olmur. Acından da ölürlər. Axırı məcbur olub gəncəli
yoldaşlarını «can qardaş, oyan, gün yaxır», - deyə-deyə
oyadırlar. Gəncəli gözüyumulu bir o üzü üstə, bir bu üzü
üstə çevrilir. Xırıltılı səslə deyir:
- Hə, oyanmışam, sözünüzü deyin.
İranlının biri deyir:
- Gəncəli qardaş, nə məsləhət görürsən, başlayaq
yuxumuzu danışmağa?
Gəncəli deyir:
256
- Başlayın, başlayın. Lap axırda mən söyləyəcəm
gördüyüm yuxunu.
Birinci iranlı deyir:
- Bu gecə canım fəda olmuş Həzrət Abbas gəldi
girdi yuxuma. Mənə dedi ki, görürəm, kasıb adamsan, bu
yaxınlarda sənə böyük bir məmləkət bağışlayacam.
İnşallah, ondan sonra atarsan kasıblığın daşını.
İkinci iranlı deyir:
- Elə mən də yuxuda fəda olduğum Həzrət Abbası
gördüm. Həzrət Abbas mənə də böyük bir məmləkət
bağışlayacağını vəd elədi. Sonra da əlimdən tutub məni
cənnətə apardı. Əşi, cənnət nə cənnət?! Çatan kimi huri-
mələklər aldılar məni dövrəyə. Kef eləmişəm onlarla bu
gecə səhərəcən.