Növbə gəncəliyə yetişəndə başladı hönkür-hönkür
ağlamağa:
- Heç bilirsiniz bu gecə mənim başıma nə iş gəlib?
Gəncəli ucadan hönkürür. Amma ha hönkürürsə,
gözündən bircə damla yaş çıxmır. İranlılar təşvişə
düşürlər:
- Qardaşcan, danış görək nə olub?
Gəncəli sözünə davam edir:
- Sizin əziz canınız üçün, qardaşlar, elə təzəcə
yuxuya getmişdim ki, bir də gördüm dəhşətli bir hənirti
gəlir. Oyandım gördüm qoca, əli qılınclı bir kişi durub
sizin başınızın üstündə. Kişini görəndə əlim-ayağım
göməşdi. Soruşdum ki, a kişi, kimsən, nəçisən, hardan
peyda oldun sən belə? Nə desə yaxşıdır? Dedi ki, sus,
heyvan oğlu heyvan. Sonra da əlindəki qılıncı qaldırıb
dedi:
- Mən Həzrət Abbasam. Gəlmişəm ki, bu iki
iranlının başını kəsib qurda-quşa atım. Çünki onlar Allah
yanında çox günah işlədiblər.
257
Bunu eşidən kimi, başladım fəda olduğum Həzrət
Abbasa yalvarmağa ki, onlara dəymə, yazıqdırlar. Onlar
Allahın kasıb bəndələridir. Həzrət Abbas mənə acıqlanıb
dedi:
- Ey Allahın məzlum bəndəsi, görürəm sən düz
adama oxşayırsan, mənim işimə qarışma ha… And olsun
Allaha, yoxsa bir qılınc da sənin başına endirərəm. Mən
bunları öldürüb, tikə-tikə doğrayıb qanlarını içəcəm.
Özlərini də cəhənnəm odunda yandıracam. Yenə başladım
yalvarmağa. Düşdüm əl-ayağıına ki, fəda olum, dəymə bu
yazıqlara, bir çətən külfətləri var. Çevir onları balalarının
başına. Bunu deyəndə kişi bir az rəhmə gəldi. Dedi ki,
onda onların cəzasını bir az yüngül eləyəcəm. Onları bir-
iki gün ac saxlayacam, qoy ağılları başlarına gəlsin. Sonra
da qılıncını mənə tərəf qaldırıb dedi ki, dur onların
hazırladığı halvanı ye, qoy onlar ac qalsınlar. Dedim ki,
fəda olum sənə, günahları nədir ki, bunları belə ac
saxlayırsan? Yazıqdırlar, bir qırıq halva qayırıblar, qoy
yesinlər, uzaq yol gedəcəklər. Bir də ki, mən halva yeyən
deyiləm. Kişi iki ayağını bir başmağa dirəyib durdu. Ha
yalvarıb yaxardım, mümkün olmadı. Dedi ki, yeyəcəksən,
vəssalam. Yoxsa bu saat səni də, iranlı yoldaşlarını da bu
qılıncla cəhənnəmə vasil edərəm. Gördüm ki, başqa əlac
yoxdu. Çar-naçar durub birtəhər halvanı yedim. Hərçənd
mən halva yeyən deyiləm. Neyləyim, o kişi qılınc gücünə
yedirtdi bu boyda halvanın hamısını mənə.
İranlılar gəncəlinin sözünə inandılar və ona bu
«yaxşılığı» üçün bəlkə min dəfə «çox sağ ol» dedilər.
TACİR VƏ HAMBAL
258
Bir tacir bir yeşik şüşə alır. Bir hambal cağırır ki,
şüşəni evə aparsın. Hambalnan üç manata razılaşırlar. Bir
az getməmiş tacir öz-özünə düşünür ki, mən bir tacir
babayam, necə ola ki, öz əlimlə bu hambala üç manat
verəm. Üzünü hambala tutub deyir:
- Hambal, sən məndən üç manat alacaqsan. De
görüm, bu üç manata neyləyəcəksən?
Hambal deyir:
- Tacir qağa, necə neyləyəcəm? Çorəyə verib
yeyəcəyəm.
Tacir deyir:
- Hambal, bu üç manatı sən neçə gün çörəyə verb
yeyəcəksən?
Hambal deyir:
- Tacir qağa, baxır vəziyyətə. Qonaq olsa, bir günə,
olmasa iki günə.
Tacir deyir:
- Hambal, sən bu üç manatı cəmisi iki günə yeyib
qurtaracaqsan. Əlində isə heç nə qalmayacaq. Gəl sənə bir
manata bir söz öyrədim, gərəyin olar.
Hambal bir xeyli fikirləşir. Deyir ki, balam, tacir
qağa düz deyir, bu üç manatı mən iki günə yeyib
qurtaracağam, əlimdə də bir şey qalmayacaq. Amma söz
həmişə qalır. Bəlkə bu tacir elə yaxşı sözlər bildiyi üçün
tacir olub? Üç manatdansa, üç kəlmə söz alsam yaxşıdı.
Gərəyim olar. Deyir:
- Tacir qağa mən razı, sözünü de.
Tacir deyir:
- Tərpən gedək, yolda deyərəm.
Hambal daha bir söz demir, başlayır yol getməyə.
Bir az gedəndən sonra hambal çiynindəki yeşiyi yerə
qoyub deyir:
- Tacir qağa, buradan o yana getmərəm, sözünü de.
Tacir deyir:
259
- Hambal, sözümün biri budur ki, desələr, dəli
ağıllıdan yaxşıdı, eşit, inanma.
Hambal deyir:
- Tacir qağa, burda nə var ki, elə bunu mən özüm də
bilirdim.
Tacir deyir:
- Hambal, yola düzəl gedək, ikincisi bundan da
yaxşıdı.
Hambal bir söz demir, yeşiyi dalına alıb yola
düzəlir. Bir az getməmiş yenə də yeşiyi çiynindən salıb
deyir:
- Tacir qağa, buyur, ikinci sözünü de. Amma bu o
birindən yaxşı olmalıdır.
Tacir deyir:
- Hambal, desələr, yalan söz doğru sözdən yaxşıdı,
eşit, inanma.
Hambal dedi:
- Tacir qağa, qırx ildi palan belimdə hamballıq
edirəm, hər gün də belə sözlər eşidirəm. Sən təzə bir şey
demədin.
Tacir dedi:
- Hambal, götür yeşiyi, yolçu yolda gərək. Bu
sözlərin mənasını sonra bilərsən. Üçüncüsü bundan da
yaxşıdı. Tələsmə.
Hambal bildi ki, manatın biri də havayı yerə getdi.
Daha bir söz demədi. Ləhliyə-ləhliyə yeşiyi dalına alıb
yola düzəldi. Gəlib tacirin evinə çatdılar. Tacirin evi
ikimərtəbəli idi. Hambala buyurdu ki, yeşiyi ikinci
mərtəbəyə qaldırsın. Elə ki, ikinci mərtəbəyə qalxdılar,
hambal dedi:
- Tacir qağa, di sözünün üçüncüsünü de.
Tacir dedi:
- Hambal, yeşiyi düşür, bir nəfəsini dər, üçüncüsünü
də deyim.
260
Hambal dedi:
- Tacir qağa, elə şey yoxdu. Yeşiyi belimdən
düşürən deyiləm. Sözünü de, sonra düşürüm.
Tacir gördü hambal dediyini deyəcək, əlacsız qalıb
dilləndi:
- Hambal, desələr pis arvad yaxşı kişidən yaxşıdı,
eşit inanma.
Söz bura çatanda, hambal başa düşdü ki, tacir ona
kələk gəlir. Nədi-nədi üç manatı verməsin. Ona görə də
dedi:
- Tacir qardaş, dediyin sözlərin tayı-bərabəri
yoxdur. Amma mən də bir söz bilirəm. Onu sənə
deyəcəyəm. Əgər mənim bir sözüm sənin üç sözündən də
yaxşı olsa, üç manatı alacağam, yox yaxşı olmasa üç
manat halalındı.
Tacir düşündü ki, bu hambalın nə sözü ola bilər.
Yenə bir şey quraşdırıb başını yozaram. Hambal tez
çiynindəki şüşə dolu yeşiyi ikinci mərtəbədən yerə
tullayıb dedi:
- Tacir qağa, desələr, bu yeşiyin içində bir dənə
salamat şüşə qalıb, eşit, inanma.
Hambal bunu deyib ikinci mərtəbədən aşağı endi.
Darvazadan çıxıb yola düzəldi.
Tacir də qaldı yana-yana.
ŞAH ABBASIN OĞLU
Deyir bir gün Şah Abbas yolnan keçirmiş. Görür bir
oğlan uşağı küllükdə yatıb. Götürüb buna bir kağız yazır:
«Dünyanı nə üzlü tutsan, o üzlü gedəcək». Kağızı qoyur
oğlanın qoynuna, çıxıb gedir. Bu çıxıb getməkdə olsun.
Görək oğlan neyləyir? Oğlan yuxudan ayılır. Görür
261
qoynunda bir kağız var. Kağıza baxır, baxır, bir şey
anlamır. Oğlan oxuyub-yazmaq bilmirdi. Yüyürür qazının
yanına. Kağızı oxutdurur.
Oğlan kağızı da götürüb gedir Şah Abbasın qılıncı
işləməyən uzaq vilayətlərdən birinə. Bir kənddə qonaq
qalası olur. Ev yiyəsinə deyir ki, bəs mən Şah Abbasın
oğluyam. Bunlar da çox şad olurlar.
Oğlan bir müddət burda qalır. Bu burda qalmaqda
olsun. Sizə kimdən deyim, kimdən xəbər verim ev
yiyəsinin arvadından. Bu sirr arvadın dəndiyini deşir.
Dözə bilmir. Koxanın arvadına deyir:
- Deməzsənmi bugün-sabah sənin ərini koxanlıqdan
çıxardacaqlar. Yerinə də bizim kişini qoyacaqlar. Odey
Şah Abbasın oğlu neçə gündü bizdə qalır.
Koxanın arvadı başıalovlu qaçır ərinin üstünə. Hal–
qəziyyəni söyləyir. Koxa tələm-tələsik gəlir oğlan qalan
evə. Deyir:
- Verin mənim qonağımı! Kəndin koxası mənəmsə,
qonaq da mənim evimdə qalmalıdı.
Gətirir qonağı öz evinə. Başlayır əzizləməyə.
Günlərin birində deyir:
- Şah Abbasın oğluna mənim canım da qurbandı,
var-dövlətim də. Hələ üstəlik gözümün ağı-qarası bircə
qızım da. Ay oğul, əgər razılıq versən, elə qızım da sənə
peşgəşdi.
Oğlan sevindiyindən bilmir neyləsin. Amma özünü
tox tutur. Deyir:
- Nə deyirəm, razıyam.
Koxa deyir:
- Yox, bala, biz gərək sənin atanın da razılığını alaq.
Atana bir məktub göndər, qoy gəlsin. Toya razılıq versin,
səni evləndirək.
Oğlan yerini-yurdunu bir kağızda yazdırıb yollayır
şaha.
262
Şah Abbas məktubu alanda qalır mat-məhəttəl.
Çağırır vəziri. Soruşur:
- Vəzir, məni bu sirdən agah elə, görüm bu oğlan
kimdir?
Vəzir şaha təzim edib deyir:
- Şah sağ olsun, bu oğlan hər kimdisə, biz gərək
onnan görüşək.
Şah vəzir-vəkili də götürür. Kəcavələr bəzənir.
Gəlib çatırlar oğlan olan məmləkətə. Hamı şahın gəldiyini
görüb pişvaza çıxır. Oğlan şaha baş əyir, ədəb salamı
verir. Şah Abbas oğlanı tanımır, adamlardan soruşur:
- Hanı mənim oğlum?
Deyirlər:
- Şah sağ olsun, elə bu gördüyün sənin oğlun
deyilmi?
Şah bir də təfərincnən oğlana baxır. Görür ayə, bu
hər kimdisə ona tanış gəlir. Oğlanı yanına çağırır. Qalan
adamlara əmr eləyir ki, onları tək buraxsınlar. Şah deyir:
- Bala, indi bir sənsən bir mən. Düzünü de görüm,
sən kimsən? Özün də mənə tanış gəlirsən.
Oğlan tez qoynundakı kağızı çıxardır. Verir şaha.
Şah məsələdən halı olur. Ta işi açıb-ağartmır. Oğlana öz
övladı kimi toy eləyir. Həmin vilayətin bəyliyini də ona
verir.
BÖYRƏK KABABI
Deyir Şah oğlu Şah Abbas ildə iki dəfə təğyiri-libas
olub öz vəziriynən məmləkəti gəzib-dolaşarmış. Belə
günlərin birində çöldə qoyun otaran bir oğlana ürcah olur.
Deyir:
- Vəzir, axşam bu oğlana qonağıq.
Vəzir deyir:
263
- Padşah sağ olsun, nə çox ev. Gəlsənə başqa yerdə
gecələyək? Kasıb komada narahat olarsan.
Padşah dediyinin üstündə durdu:
- Yox, elə bu kasıb gədənin evində qalmalıyıq.
Padşah oğlanın yanına gəlib soruşur:
- Bala, bu gecəliyə bizi qonaq saxlayarsanmı?
Oğlan deyir:
- Niyə saxlamıram, ay əmi. Qonaq Allah qonağıdı.
Allaha da qurban olum, qonağına da.
Bunlar oğlana qoşulub, gəldilər onun olacağına.
Gördülər bunun evi elə bircə gözlü daxmadı. Yarısını
kəsib özləri olurlar, yarısına da elə bu beş baş heyvanı
salırlar. Oğlanın anası xoş-beş elədi. Qonaqlara gətirib
yastıq qoydu, dirsəklənsinlər. Arvad yavaşca oğlunun
qulağına pıçıldadı:
- A bala, gör qonaqların könlü nə istəyir? Bişirim.
Oğlan qonaqlardan sual eləyir. Şah fikirləşir ki,
onsuz da kasıb adamlardı. Bunları bir para xərcə salmaq
gunahdı. Yaxşısı budur elə şey istəyim, tapa bilməsinlər.
Dedi:
- Bizim yediyimiz təkcə böyrək kababıdı.
Oğlan qonaqları evdə qoyub çıxdı eşiyə. Az keçdi,
çox keçdi, bir də gördülər ortalığa yekə bir sinidə böyrək
kababı gəldi. Qonaqlar da ev yiyələri də yeyib doydu.
Yeyib doyandan sonra padşah soruşdu:
- Oğul, de görüm bu qədər böyrəyi hardan tapdın?
Oğlan dedi:
- Əmi, o gördüyün beş baş heyvanın beşini də
kəsdim. Çox sağ olun ki, məni əziyyətdən qurtardınız.
Şah qaldı məhəttəl. Dedi:
- Nə əziyyət?
Oğlan dedi:
264
- Bax, qabaqda qarlı qış gəlirdi. Mənim də
heyvanlarımın bir çəngə otu yoxuydu. Fikir məni
aparmışdı.
Şah oğlu Şah Abbas heç nə demədi. Oğlanın
səxavətinə heyran qaldı.
GÖLƏ QƏLƏM SANCAN
Peyğəmbər yolnan gedirdi. Gedəndə gördü bir
göldü, uşaqlar göldə çimir. Bir mayıf uşaq da qıraqda
durub bunlara tamaşa eləyir. Peyğəmbərin uşağa yazığı
gəldi. Üz tutdu Allaha, dedi:
- Ya Allah, nola bu uşağa qədəm ver, yazıqdı.
Allahdan səda gəldi:
- Ya Peyğəmbərim! Qədəm verdim. Amma
qıraqdan bax gör o uşaq nələr eləyəcək?
Uşağın qədəmi açıldı. Getdi gölün qırağındaki
qamışlığa. Qamışları kəsdi, qələm qayırdı. Sancdı suyun
üzünə. Uşaqlar gölə atıldıqca qələm qarnına batdı. Gölün
üzü qızıl al qana boyandı. Peyğəmbər tutduğu işə peşman
oldu. Üzünü yenə Allaha tutdu:
- Ya Allah, keç gunahımdan! Sənin işinə əl apardım.
Özün bilən məsləhətdir.
Oğlanın qədəmləri yenə tutuldu. Peyğəmbər bir də
Allahtaalanın işinə qarışmadı.
SƏN OL HAQQINAN
Deyir bir dərviş oxuya-oxuya gedirdi:
-Sən ol haqqınan,
Haqq olu səninən.
265
Olma nahaqınan,
Nahaq olu səninən.
Padşahın bu sözdən xoşu gəldi. Çağırdı dərvişi
yanına. Dedi:
- Dərviş, hər gün sarayıma gəlib bu sözləri oxuya
bilərsənmi?
Dərviş dedi:
- Şah sağ olsun, niyə oxumuram? Elə oxuyaram?
Hələ o yana da keçərəm.
Dərviş hər gün gəldi saraya. Bu sözləri oxudu.
Padşah da öz dilinin üstünə bir qızıl qoydu. Dərviş
dilinnən həmin qızılı götürdü, getdi. Bir gün belə, beş
gün belə, vəzirin buna paxıllığı tutdu. Öz-özünə dedi:
«Mən vəzir ola-ola padşah mənə gündə bir qızıl vermir.
Bir-iki sözə görə dərvişə hər gün bir qızıl? Bu olan iş
deyil.»
Dərviş gəldi. Şahın yanına keçmək istəyəndə vəzir
qabağını kəsdi. Dedi:
- Gəl gedək sənə bir xəngəl bişirtdirim.
Gətirdi dərvişi. Tünd sarımsaqdan tökdü, buna bir
xəngəl yedirtdi. Əvvəlcədən də padşaha demişdi ki, dərviş
deyir mən padşahın ağzından iyrənirəm. Əlacım yoxdu, o
qızılı götürürəm.
Dərviş gəldi padşahın hüzuruna. Sarımsağın iyi
vurmasın deyə aralıda dayandı. Padşah barmağını dişlədi.
Elə vəzir düz deyirmiş. Götürdü bir kağız yazdı qəssaba
ki, bu adam yanına çatanda sallaqxanaya sal, bunun başını
kəs. Dərviş sözünü oxudu, kağızı da götürüb getdi. Vəzir
gördü dərviş sevincəkdi. Yüyürdü qabağına. Dedi:
- Nə oldu?
Dərviş dedi:
- Padşah bu kağızı verdi ki, qəssabın yanına get.
Vəzir tez kağızı aldı. Dedi:
266
- Sən dərviş adamsan. Əti neynirsən? Qoy oğlumu
göndərim gedib alsın. Biz bir çətən külfətik.
Vəzir oğlunu göndərdi qəssabın yanına. Qəssab
gördü şahın fərmanıdı. Yazır ki, kağızı gətirənin başını
kəs. Vəzirin oğlunu salır sallaqxanaya kəsir başını. Vəzir
ha gözləyir oğlu gəlib çıxmır.
Sabahısı gün dərviş yenə gəldi. Getdi padşahın
yanına. Padşah dərvişi görəndə məhəttəl qaldı. Soruşdu:
- Dərviş, verdiyim kağızı neylədin?
Dərviş dedi:
- Padşah sağ olsun, vəzir əlimdən aldı. Dedi qoy
mənim oğlum aparsın.
Padşah vəziri çağırtdırdı. Dedi:
- Hanı oğlun?
İşin üstü açıldı. Vəzir bir başına döydü, bir dizinə.
Padşah vəziri vəzirlikdən qovdu. Dərvişi özünə
vəzir təyin elədi.
267
268
269
DASTANLAR
NƏCƏF
Sizə ərz eləyim kimdən, Əhməd bəziryanla
Məhəmməd bəziryandan. Əhməd bəziryan İstambullu,
Məhəmməd bəziryan İsfahandandır. Bunların arası altı
aylıq yoldu. Günlərin bir günündə Əhməd bəziryan
İstambuldan aldan-qumaşdan, ağdan-bezdən alıb İsfahana
aparırdı. Məhəmməd bəziryan da İsfahandan otuz doqquz
yoldaşnan aldan-qumaşdan, zərbafdan götürüb, İstambula
yol başladı. İstambuldan İsfahana üç aylıq yolda Alxa
çiməni deyilən gözəl yurd vardı. Burada Çeşmə bulağı
adında gözəl bir bulaq vardı. Bəziryanlar burada düşüb
dincəlirdilər.
Bir gün Əhməd bəziryan Məhəmməd bəziryandan
qabaq Alxa çiməndə düşdü. Yoldaşlarına əmr elədi qəflə-
qatırı düşürtsünlər, çay-çörək tədarükü eləsinlər. Bir az
sonra Məhəmməd bəziryan da Alxa çimənə gəlib çıxdı.
Bir az aralı düşüb istirahət eləməyə başladı. Bunlar çay-
çörək tədarükü eləyəndə Məhəmməd bəziryan dedi ki,
gedim tacirdən soruşum görüm xırıdımız necədi?
Hər iki bəziryanın sonu yoxuydu. Məhəmməd
bəziryan qədəm basdı Əhməd bəziryanın yanına.
Salamməleyk elədi, Əhməd bəziryan gördü bu bir
mərifətli adamdı, yer göstərdi. Bunlar söhbətə başladılar.
Elə şirin gəldi söhbətləri bir-birinə, hər ikisi əl tutub siğə
qardaş oldular. Bunlar yenə söhbətə başladılar.
Məhəmməd bəziryan Əhməd bəziryandan düşüncəli
adamıydı. Bu dedi:
- Qardaş, Allahın yazısı, biz qardaş olduq. İndi gəl
dərdimizi bir-birimizə söyləyək.
Əhməd bəziryanın dərdi açıldı:
270
- Qardaş, Xudavəndi-aləm yanında hər bir cəhətdən
Allah məni yada salıb. Bir şeydə yox. Mən öldüm,
yarağan uçdu, toz qopdu. Bir keçi başı tutan yoxdu
yurdumda sahaflıq eləsin.
Bu belə deyəndə Məhəmməd bəziryan qayıtdı:
- Vallah qardaş, dədələrin goruna qurban olum.
Yaxşı deyiblər: taylı tayını tapmasa, günü ah-vaynan
keçər. Mən də sən günlüyəm. Allahın məsləhətinə şükür,
iki dərdlini bir-biri ilə tapışdırdı.
Bunların ahı-zarı Ərşi-əlaya bülənd oldu. Gördülər
qiblə tərfdən bir dərviş qəsidə oxuya-oxuya əlində hasa,
başında əmmamə gəlir. Dərviş bunların yanına çatdı.
Başda dərvişə yer göstərdilər. Dərviş baba mübarək əlləri
ilə qoynundan bir üzü süddən ağ, bir üzü laladan qırmızı
alma çıxardıb bu iki tacirin qabağına qoydu. Məhəmməd
bəziryan Əhməd bəziryandan ağıllı idi. Göz elədi ki, bu
nurlu dərvişə çıxardıb qızıl verək. Məhəmməd bəziryan
əlini cibinə atanda dərviş dedi:
- Mən pay alan dərvişlərdən deyiləm, pay verən
dərviş-lərdənəm. Bu almanı limşaqqaya bölün. Nə
qırmızıdan ağa, nə ağdan qırmızıya getsin. Əlimin
huğuvatına görə hərənizin bir züryəti olacaq. Burda ya
ilqar, ya iman eləyirəm. Sənin qızın bunun oğlunundu.
Burada kəbinini kəsirəm.
Bunlar söyüncək almanı ipək dəsmalın üstünə
qoydular. Hər ikisi əl uzatdı qırmızı almanı götürməyə.
Məhəmməd bəziryan dedi:
- Qardaş, gəlsənə sağ-sağ özümüzü cəhənnləmlik
eləməyək. İlahi çöp buyurub. Gəl çöp ataq.
Çöp atdılar. Qırmızı alma Əhməd bəziryana, ağ
alma Məhəmməd bəziryana düşdü. Hər ikisi almanı
büküb dəsmala, qoydu qoynuna. Burda biri xırıdını ona, o
biri xırıdını buna verdi. Malları dəyişdilər, hərə qayıtdı öz
şəhərinə.
271
Aşıq dili yüyrək olar. Tez bitirər, tez yetirər. Hər
kəs öz vətəninə daxil olanda hərəsi öz ailəsinə muştuluq
xəbəri verdi:
- İlahi bizə tütyə göndərib. Bir yaxşı xörək hazırla.
Bunlar bir yaxşı, istəkli xörək bişirdilər. Hər ikisi öz
yerində oturub almanı çıxartdılar. Hərə almanı öz ailəsi
ilə yedi.
İlahinin verməyinnən hər ikisinin arvadının
boynuna uşaq düşdü. Doqquz ay, doqquz gün, doqquz
saat, doqquz dəqiqədən sonra arvadlar Əhməd bəziryanın
bir qızı oldu. Məhəmməd bəziryanın arvadı ekiz gətdi: bir
oğlu, bir qızı oldu. Nəzir-niyaz paylandı, qurbanlar
kəsildi.
Əhməd bəziryan belə söhbət buraxdı ki, mənim
qızıma elə bir ad qoyulmalıdır, bu şəhərdə belə ad
olmasın. Hamı yığıldı: buna nə ad qoyaq. Molla, axund,
ağsaqqal, qarasaqqal hamısı dedi vallah elə ad uydura
bilmərik. Bir yaxşı qarı çağıraq.
Çağırdılar. Qarılar gəldi. Qarı var iman-Quran, qarı
var hərcayı, qarı var pərcayı. Qarının birisi dedi: «Adını
qoyuram Sicimqulu, ömru sicim kimi uzun olsun». Qızlar
qarını kötəklədilər, getdi. Qarının biri dedi: «Adını
Örkənqulu qoyuram, ömrü örkən kimi uzun olsun». Bunu
da o biri qarının dalınca yolladılar.
İman-Quran qarı irəli durub əlində Yusifi-təsbeh
deyir:
- Mən bu qızın adını qoyuram Pərizad xanım.
Hamı bəyəndi. Qarıya çoxlu xələt verdilər. Qarı bir
şələ götürdü. Qalanı mollalara qaldı. Yemək-içmək
həddən aşdı.
Məhəmməd bəziryanın bir oğlu oldu, bir qızı.
Məhəmməd bəziryan da qızının adını Səlbi xanım qoydu.
Oğlunun adını Nəcəf xan.
272
Uşaqlar iki yaşdan on beş yaşa çatdı. Əhməd
bəziryan gördü qızı yetirib, vaxtıdır. Özü də düşkünlüyüb,
qocalıb.
Məhəmməd bəziryan uşaqlar böyüyəndə Allah
rəhmətinə getdi. Günlərin bir günündə Nəcəf xan yetirdi.
Anasına dedi.
- Ana, dəvə qumundan yeyən kimi atamın malını
yeyirəm. Bəlkə qurtardı, deginən. Atamın sənətini
iştətməliyəm. Atam bu mal-dövlətin hansı sənətiynən
qazanıb?
Anası dedi:
- Oğul, bəziryan idi atan.
Nəcəf xan başına İsfahandan otuz doqquz yoldaş
yığır. Bir də özü olur qırx. Yoldaşlarına deyir:
- Gəlin tacirliyə gedək.
Yoldaşlarının heç birinin pulu olmur. Nəcəf xan
bunların hamısının əvəzinə pul qoyur. Mal yığıb
İsfahandan İstambula yola düşürlər.
Sizə kimdən xəbər verim, Əhməd bəziryandan.
Əhməd bəziryan görür qız böyüyür. On beş-on altı yaşına
çatıb. Yadına dərvişin sözləri düşür. Deyir İstambulu
gəzim, bəlkə İsfahandan bir adam tapa bildim. Gəzdi, tapa
bilmədi. Bir belə fikri-qərara gəldi ki, ayə çıxım şəhərdən
kənara. Əhməd bəziryan belə elədi, o yola, bu yola
yüyürdü. Gözünə dəyən olmadı. Günorta gördü budur ha
bəziryan karvanı gəlir. Gəldi yol qırağında oturdu.
Karvan bunun yanına çatdı. Gördülər bir qoca yol
qırağında oturub. Salam verdilər. Əhməd bəziryan sual
elədi.
- Oğul bu hara karvanıdır?
Dedilər:
- İsfahan.
İsfahan sözünü eşidəndə Əhməd bəziryan ürəkləndi,
soruşdu:
273
- Oğul, bir adam desəm tanıyarsınızmı? İsfahanda
Məhəmməd bəziryan var idi. Bəlkə onun adamı ola
içinizdə?
Dedilər:
- Əmi, budu oğlu.
Əhməd bəziryan oğlanı bağrına basdı, o üzündən,
bu üzündən öpdü. Düzsuz qoyun duz yalayan kimi yaladı.
Dedi:
- Bala, vallah gəldiyinizi bilsəydim, atınıza ot
biçərdim. Gedək bu gündən hamınız mənim
qonağımsınız.
Cavanlar çox sevindilər. Əhməd bəziryan dedi bəlkə
qızın oğlana könlü olmadı. Yaxşısı budu göstərim.
Pərizad xanımın evi bir az aralı idi. Əhməd bəziryan
qəsdən karvanı evin qabağından apardı.
Pərizad xanım külafirəngidən baxırdı. Gördü vallahi
bir oğlan gəlir, yemə-içmə xəttü-xalına, gül camalına
tamaşa elə. Pərizad xanım ürəyində Allaha yalvardı: «Ey
Xudaya, mənim yazımı yazmayıbsansa, bu oğlana yaz».
Pərizad xanım bir könüldən min könülə oğlana vuruldu.
Əhməd bəziryan qonaqları gətirir evinə. Xoş-beş, on
beş, süfrə açılır. Yemək-içməkdən sonra, istirahət
eləyirlər. Nəcəf xan yoldaşları ilə bir otaqda qalırdı. Gecə
hamı yatandan sonra başlayır haqq-hesab çəkməyə.
İndi görək Pərizad xanım neylədi? Pərizad xanımın
otuz doqquz qarabaşı varıydı. Əmr elədi qarabaşlara:
- Yeddi rəngdən özünüzə zinət verib ayağımı
qoyduğum yerə getməlisiniz!
Qızlar əmrə hazır oldular. Pərizad xanım geyindi-
kecindi. Nəcəf xanın otağına yaxın getdilər. Nəcəf xan
oyaq idi. Gördü otağın bir tərəfi az qalır uça. Bir küncə
qısıldı. Onlar bir tərəfə yüyürəndə qapı bir tayı açıldı.
Pərizad xanım çiynini bir də vuranda qapı uçub töküldü.
274
Qızlar içəri girdilər. Pərizad xanım qapının çərçivəsinin
bir yanını götürüb sinəsinə basdı:
Başına döndüyüm xan əmim oğlu,
Gəl gedək, gəl gedək qal bizim xanda.
Lalə tək bağrımı eyləmə dağlı,
Alma bizim xanda, nar bizim xanda.
Nəcəf xan baxdı Pərizad xanım bunu özünə dos-
doğma əmioğlu çıxdı. Bu da çərçivənin o biri yanını
söküb basdı sineyi-sandığına görək nə dedi:
Başına döndüyüm xan əmim qızı,
Gəl gedək, gəl gedək qal İsfahanda.
Lalə tək bağrımı eyləmə dağlı,
Alma İsfahanda, nar İsfahanda.
Qarabaşların böyüyü Abdulla xanın qızı Ağ qarabaş
baxdı ki, Pərizad xanım Nəcəf xanın ayağına yıxılacaq.
Dedi:
- Gedib atana deyəcəyəm.
Ağ qarabaş belə deyəndə Pərizad xanım aldı görək
nə dedi.
Pərizad xanım:
Ağamın əlindən içmişəm camı,
Mən kimi gözəldən alginan kamı,
Gəzdim İsfahanı, Urumu, Şamı,
Heç oğlan görmədim yar sən nişanda.
Nəcəf:
Ağzın dürdü, dişin inci sədəfi,
İndi bildim ürəyində muradı.
Gəzdim İsfahanı, Urumu, Şamı
Gəl gedək mətləbin al İsfahanda.
275
Pərizad xanım:
Eşqin xəncərini minib çaparsan,
Bənna olub sınıq könlün yaparsan.
Gedər olsan mən Pərizadı aparsan
İndi ki, qalmadın yar bizim Xanda.
Nəcəf :
Şamama bəslərlər torpaq içində,
Qızılgül bəslərlər yarpaq içində.
Aynabəndli büllur otaq içində,
Qol-boyun olaydıq, yar, İsfahanda.
Bunlar sözünü tamama yetirdi. Düşməninizin ömrü
tamama yetsin. Pərizad xanım evə qayıdıb, Nəcəf xan
istirahət etməkdə olsun. Al xəbəri Pərizaddan.
Pərizad xanım evə qayıtdı, nə qayıtdı. İlan vuran
yatdı, Pərizad xanım yatmadı. Dəli qoyun duzdağı
hərlənən kimi elə hərlənir, otaq yerindən oynayır. Bu səsə
Əhməd bəzirgan oyanır. Belə hesab eləyir ki, qonaqların
atları açılıb bir-birini qırıb. Arvadı oyadır ki, görək bu nə
səsdir? Arvad gördü ki, atlar-zad açılmayıb. Gurultu
Pərizad xanımın otağından gəlir. Qız vaxt eləyir özünü
aynadan atsın. Anası özünü yetirib soruşur:
- Qızım, sən ki, gün-günortaya qədər yatardın. Bu
nə səs-küydü, yoxsa dəli olmusan?
Pərizad xanım bu sözün cavabında dedi:
- Ana, mən dəli-zad olmamışam. Bax, deyirəm:
atam məni versə də o bəziryana gedəcəm, verməsə də.
Arvad gəlib bunu Əhməd bəziryana xəbər verdi.
Əhməd bəziryan dedi:
- Get deginən onu elə günü sabah Nəcəf xana
verəcəm. Heç fikir eləməsin.
276
Pərizad xanım qərəl tapıb istirahət etməkdə olur.
Əhməd bəziryan özünü verdi bazara. Azdan verdi, çoxdan
aldı, çoxdan verdi, azdan aldı. Yeddi gün yemək-içmək.
Yaxşı bir toy eləyib Pərizad xanımı verdilər Nəcəf xana.
Bunlara ayrıca bir imarət də bağışladılar. Bir gün Nəcəf
xan dedi:
- Pərizad xanım, mən İsfahana qayıtmalıyam.
Gedərsən, aparıram. Getməzsən, öz işindi. Atana da de.
Qız bu xəbəri çatdırdı Əhməd bəziryana. Əhməd
bəziryan onların yol tədarükünü gördü. Sonra öz-özünə
dedi: «Ey dili-qafil, bəlkə Nəcəf qızı aparıb yarı yolda
qoydu, dedi səni aparmıram. Yerini-yurdunu da
tanımıram».
Qoşunlar hazır-yarax atlanıb əmrə müntəzir
dayandı. Əhməd bəziryan dedi neyləyim ki, İsfahana kimi
Nəcəfin əli Pərizada dəyməsin. Bir molla çağırıb dərdini
söylədi. Molla dizini qatlayıb bir cadu duası yazır ki, bunu
ver Pərizad xanıma boynundan assın, özü də İsfahana
kimi Nəcəf xanı yanına qoymasın.
Əhməd bəziryan duanı verdi Pərizad xanıma.
Pərizad xanım da duanı boynundan asdı. Yol başladılar.
Pərizad xanım gördü ki, İstambul qalır, qarabaşları,
dostları qalır, bulud kimi doldu. Bunu görən anası dedi ki,
gedək Pərizad xanımın bacılığı Ağ qarabaşı atasından
alaq, qərib-qürbət eldə həyan olsun. Ağ qarabaş da
qoşuldu bunlara. Qoşun tərpənəndə Pərizad xanımın
ürəyinin başına od düşdü. Əmr elədi ki, iki xanə sözüm
var, dayanın onu deyim, sonra gedək. Aldı görək nə dedi:
Qürbət ölkələrə mən gedər oldum,
Allah belə yazıb yazımı mənim.
Atam yox, anam yox, qürbət ölkədə
Bəs kimlər çəkəcək nazımı mənim?
277
Mən Pərzadam, necə düşdüm bu dərdə,
Heç kəsləri düşməsin mən düşən dərdə,
Xan Nəcəfnən olmayaydım şərvəndə,
Daha görməzsiniz üzümü mənim.
Qoşun əhli bütün hamısı dəstə-tufaq bunları
apardılar. Bir neçə mənzil getdi. Əhməd bəziryanın
qoşunu qayıtdı.
Nəcəf xan otuz doqquz yoldaşı, özü, Pərizad
xanımnan Ağ qarabaş-qırx iki nəfər getdi. Az gedilər, çox
getdilər. Alxa çəməninə gedib çıxdılar. Gəcavələr əylənib
istirahatdıx eləməyə məşğul oldular. Bunlar burda
istirahatdıx eləmkdə oldular, Nəcəf fikir elədi ki, sən
İstambuldan İsfahana ailə aparırsan. Bir bax gör, bəlkə
korun-keçəlin birini bəzəyiblər bu Pərizad xanımdı. Dedi:
yox, yoldaşlarını yuxuya ver, get Pərizad xanımın
gəcavasına. Pərdəni aç, gör Pərizad xanımdı, ya başqası.
Yoldaşları yatdı. Nəcəf xan getdi Pərizad xanımın
gecavasına. Getdi ki, Allah-Allah Pərizad xanım belə
yatıb, belə yatıb, aya deyir sən doğma, mən doğmuşam.
Günə deyir sən doğma, mən doğmuşam. İstədi Pərizad
xanımın yanına paltarlı uzansın. Dedi yox, paltarı soyun,
gir əmin qızının qoynuna. Paltarını soyundu, bağladı.
Əlini qızın döşünə uzadanda əli duaya dəydi. Dua
göyərçinə döndü: «Əmioğlu, mən getdim, sən də gəl», -
elədi, uçdu. Nəcəf xan məhəttəl qaldı. Nə geyinə bildi, nə
bir şey elədi. Göyərçinin dalına düşüb getdi. Göyərçin
getdi qayanın başına qondu. Nəcəf xan istədi göyərçini
tutsun. Əl uzadanda daşa dönüb qaldı.
Pərizad xanım yuxuda gördü ki, Nəcəf xan bir qanlı
dəryaya düşüb axır. Yuxudan ayıldı. Əlini yanına atdı,
Nəcəf xanın paltarını gördü. Əlini döşünə atdı, duanı
görmədi. Pərizad xanıma demişdilər bu tilsimdi, qoyma
Nəcəf xan əlini vursun. Pərizad xanım qaldı naçar. Öz-
278
özünə dedi: «Ata, evini Allah yıxsın, indi bəs mən
neyləyim?» Axırda belə qərara gəlir ki, gey Nəcəf xanın
paltarını, yoldaşlarına da de ki, bəs haramı gəlib Pərizad
xanımı aparıb.
Pərizad xanım Nəcəfin paltarını geydi. On yeddi
para hörüyünü buxara papağının altına yığdı. Yoldaşlarına
xəbər verdi ki, haramı Pərizad xanımı aparıb. Yoldaşları
ata minib, ata əli çatmayan qılçasına minib, kimi dərə
aşağı, kimi dərə yuxarı qaçdılar. Yorulanan sonra dedilər:
- Ə, biz niyə özümüzü öldürürük? Odu biri gedib,
biri yanındadı. Qurbanı quruda ha döy…
Yoldaşdarı dedilər ki, Nəcəf xan, hər yanı axtardıq,
Pərizad xanımı heç yanda tapa bilmədik. Pərizad xanım
gedib, Ağcaqız ki, yerindədi. Bunlar bir az Nəcəf xana
toxtaqlıq verib yatdılar. İlan vuran yatdı, Pərizad xanım
yatmadı. Axırda belə qərara gəldi ki, arvad xaylağı zehinli
olar. Get Ağcaqızın gecavasına. Ağcaqız tanıdı, qoşun
əhli də tanıyacaq, tanımadı, tanımayacaq.
Pərizad xanım gecavasını açdı. Ağca qız onu
tanımadı. Dedi nə olar, Pərizad xanım gedib, mən ki,
yerindəyəm. Özüm də ondan heç əksik deyiləm. Pərizad
xanım dedi:
- Dur axtaraq, bəlkə tapa bildik.
Sabah açıldı. Yoldaşları yeyib-içdi. Gəcavalar
tərpəndi. Pərizad xanım bir kağız yazdı, dedi, əmioğlu,
Allah işinə fərac versə, mən İsfahandayam, məni axtarsan
orda gəz. Kağızı yazdı, bir daşın altına qoydu.
Yoldaşlarına dedi:
- Bir az dayanın, sinəmdə üçcə xana söz var, deyim
gedək.
Pərizad xanım aldı görək nə dedi:
Dad eylərəm qara baxtın əlindən,
Yar üzünə həsrət qalan mən oldum.
279
Əyyub kimi canda yara bəslədim,
Pərvanə tək şamda yanan mən oldum.
Nə yarım varıydı, nə yar-həmdəmim,
Günü-gündən artır möhnətim, qəmim,
Nuh kimi dəryaya qərq oldu gəmim,
Qəvvasam, dəryaya dalan mən oldum.
Nəcəfəm, oturdum qəm otağında,
Bülübül əl götürməz gül budağından.
Üzündən, gözündən tər buxağından
Tərsa sevmiş kimi Sənan mən oldum.
Söz tamama yetdi. Gəcavalar tərpəndi. Az getdilər,
çox getdilər, Pərizad xanım bir də baxdı ki, göydə bulud
karvanı İsfahan tərəfdən gəlib İstambul tərəfə gedir.
Yoldaşlarına dedi ki, gəcavaları əyləndirin. İndi görək
Pərizad xanım bulud karvanına üzünü tutub nə dedi:
Göydən gedən para-para buludlar,
Bulud, heç xəbərin varmı yarımdan?
Ciyər oldu hazar para, buludlar,
Bulud, heç xəbərin varmı yarımdan?
Bulud gedir ölkəsinə, elinə,
Qoymam xoryat əli dəyə gülümə,
Xətrim üçün bir Allahın yoluna,
Bulud, heç xəbərin varmı yarımdan?
Mən Pərzadam, öz canımdan bezaram,
Kağız olsa dərdi-dilim yazaram,
Yeddi gündü buralarda gəzərəm,
Bulud, heç xəbərin varmı yarımdan?
280
Az getdilər, çox getdilər. İynə yarım yol getdilər.
İsfahana çatmağa az qaldı. Yoldaşları deyir ki, Alağaca
çatmışıq. İsfahana bircə günlük yol qalıb. Pərizad xanım
fikirləşdi ki, adımı qoymuşam Nəcəf, yaxşı getdim çıxdım
Nəcəf xanın torpağına. Mən ki, onun ata-anasını
tanımıram, bacısını tanımıram. Dedi yaxşısı budur gəl
üzünü zəfəranla, özünü xəstəliyə qoy.
Nəcəf xanın gülər üzü gülməz oldu. Saraldı sapa
döndü. Yoldaşları gördü ki, Nəcəf xanın halı birdən-birə
qarışdı. Dedilər bir şey olar, Banı xanım nəfəsimizi kəsər.
Bunlardan ikisi gedib Nəcəf xanın anası Banı xanıma,
bacısı Səlmi xanıma, dayısı Salah bəyə, əmisi Pənah bəyə,
qohum-qələvəsinə dedi:
- Nəcəf xan gəlib Alağacda naxoşlayıb.
Nolasıdı, xəbər çatandan sonra hamısı tökülüb getdi.
Alağacda karvanı tapdılar. Nəcəf xanın gecavasının
başına yığıldılar. Anası dedi:
- Məni tanımırsanmı, oğul?
Nəcəf xan dedi:
- Yox.
Anası ürək-dirək verdi:
- Fikir eləmə, oğul, nə olar, sağalarsan.
Nəcəf xan dayısı Salah bəyi, əmisi Pənah bəyi də
onun kimi tanıya bilmədi. Hamıdan sonra bacısı Səlmi
xanım yetirdi özünü. O saat gördü gecavadakı qardaşı
deyil. Anasına dedi:
- Ana, bu qardaşım deyil. Görmürsənmi?
Anası acıqlandı, gecavanın bir taxtasını çıxardıb qızı
döydü, özünə də təpindi:
- Ağlın azıbdı, nədi? İrəli yeri, qardaşının üzündən
öp!
Qız yenə sözünün üstündə durdu:
- Ana, ələ, kəpəyində duyarsan bu mənim qardaşım
deyil.
281
Anası qızın sözünə inanmadı. Gecavalar tərpəndi,
gedib İsfahana çatdılar. İsfahana çatan kimi Nəcəf xan
Şah oğlu Şah Abbasa üç qiymətli xonça apardı.
Şah oğlu Şah Abbasla arvadı belə qərara gəldi ki,
xonçanın əvəzinə qızları Gülgəz Pərini versinlər Nəcəf
xana.
Gülgəz Pərini verirlər Nəcəf xana. Toy olur, toy
dağılır, toydan üç-dörd gecə keçir, Nəcəf xan qızın
otağına ayaq basmır. Qızın əlacı kəsilib Nəcəf xana
məktub göndərir ki, gəl söhbət eləyək. Nəcəf xan Gülgəz
xanımın yanına gəlib dedi:
- Gülgəz xanım, bilirsənmi, niyə gəlmirəm sənin
yanına? Atam vəsiyyət eləyib: toy olandan qırx gün sonra
əhya namazı qıl, sonra qıznan əl-ələ ver.
Gülgəz xanım gördü qırx gün keçdi, Nəcəf xan
gəlmədi. İki qırx, üç qırx gün keçir, yenə gəlmir. Götürüb
bir hərceyi kağız yazır ki, gəl məni atam evinə apar.
Nəcəf xanın atasının güllü bağçası var idi. Gedir
bağdan qırx çubuq qırır. Birdən Nəcəf xanın eşqi yadına
düşür: «Çubuğu dəstə bir eləyim, yavaşca vurum, andım
sınsın». Çubuqnan qızın dizdən aşağısına vurdu. Dedi:
- Bu yara sağalanacan biri sənə tapılar, biri də mənə.
Gülgəz Pəri bunu görüb xəlvətcə namə yazıb
göndərir Şah Abbasa.
Bunlar burda qalmaqda olsun, sizə kimdən ərz
eyləyim Nəcəf xandan. Axı Nəcəf xan daş kəsib. Nəcəf
xan gecənin bir aləmi yuxusunda gördü ki, Ağası gəlib
başının üstünü kəsib deyir:
- Nəcəf xan, nə müddətdi Ağanı yad-bud eləmirsən,
sidqinən Ağan dadına çatar, inşallah.
Sabah açıldı, sabah üzünüzə xeyirliknən açılsın.
Noolasıdı, ağac-daş yox, saz yox, Nəcəf xan daşın birini
basıb sinəsinə görək Ağasını necə yad-bud edir? Ağası
dadına çatar inşallah:
282
Sidqinən çağırram, ey Şahlar Şahı,
Haray məni bu cadudan qurtarın.
Əmbiyalar, övmiyalar, ərənlər,
Haray məni bu cadudan qurtarın.
Şahi-Mərdan, ərənlərin sərvəri,
Kərəm eylə, qiblə səmtdən dön bəri,
Yerin, göyün, ərşin-gürşün ləngəri,
Haray məni bu cadudan qurtarın.
Nəcəf də çağırar ya Şahlar Şahı,
Dadına yetişsin o qibləgahı,
Xorasanda qızıl bərgə sahabı,
Haray məni bu cadudan qurtarın.
Sözləri tamama yetirdi.
İndi sizə hardan ərz edim, bu dağın dalında bir şəhər
vardı. Burada bir Qəvvas Əhməd vardı. Qəvvas Əhməd
belə Qəvvas Əhməd idi ki, bütün xanlıq, xaqanlıq bundan
qorxardı, nədən ki, çox cadügün adamıydı. Kimə acığı
tutsa, daş qayırıb divara qoyardı. Qəvvas Əhməd gecə
yuxusunda gördü ki, bu dağdan ona qiymətli ənəət
(qənimət) çatacaq. Qəvvas Əhməd həm üzgüçü, həm də
ovçu idi. Oxunu götürüb dağın danamını getməyə başladı.
Gethaget, dağın davanına çatdı. Gördü bir çoban bir sürü
qoyunu otara-otara, dağdan gətirir. Yaxınlaşıb dedi:
- Ay çoban, bu dağdan-daşdan bir səs eşidibsənmi?
Çoban dedi:
- Bu dağın dalından qulağına bir zarıltı səsi, bir
inilti gəlir, qorxumuzdan heç birimiz qoyunu ora apara
bilmirik, elə yazdan nə bitib üstündədir.
Ovçu Əhməd irəli yeridi, getdi ki, bir cavan oğlan
tilsimə düşüb qalıb. Oğlana canı yandı. İrəli yeridi ki,
283
bunu çəksin çıxartsın, əl uzadanda bu da daş kəsib burada
qaldı. Ovçu Əhməd Quranını çıxardıb baxdı ki, onu
tilsimə salan qabağındaki göyərçindi.
Ovçu Əhməd Nəcəf xana dedi:
- Özün ağ günlü idinmi məni də ağ günə çıxartdın?
O göyərçinə bir ox atıram, onu tutub başını üzə bilsən,
tilsim açılacaq.
Ovçu Əhməd oxu atır, göyərçin hərlənir başının
üstündən. Nəcəf xan göyərçini tutub başını üzür, qanı
tökülür üstünə, hər ikisi dardan qurtarırlar.
Ovçu Əhmədin bir qızı var idi. Adı Xanı xanım idi.
Bunu heç kəs qorxusundan ala bilmirdi. At çapmaqda, ox
atmaqda tayı-bərabəri yox idi. Ovçu Əhməd ürəyində dedi
ki, elə yaxşı oldu, qızımı verərəm bu oğlana. Apardı
Nəcəf xanı aşpaz yanına. Aşpazı çağırıb tapşırdı ki, bu
oğlana, nə istəsə verərsən. Aşpaz Nəcəf xanı yedirib-
içirtdi. Ovçu Əhməd Nəcəf xana bir dəst bəylərə layiq
paltar verdi. Bir müddət keçəndən sonra Ovçu Əhməd öz-
özünə dedi: «Ayə, qarabağlı əmliyi kimi bunu
bəsdiyirsən, çağır gör qızını alır-almır? Bəlkə heç almadı.
Bir fikrini öyrənim».
Ovçu Əhməd Nəcəf xana dedi:
- Oğul, bilirsənmi səni niyə çağırmışam? Mənim
sineyi-pərdəmin dalında bircə qızım var: həm oğlum, həm
qızım Xanı xanım. İstəyirəm onu sənə verim. Olarsan
oğlum.
Nəcəf xan qaldı məəttəl, bilmədi nə cavab versin.
Əlacı kəsildi, dedi:
- İndi ki, sən verirsən, mən də alıram.
Ovçu Əhməd Nəcəf xanın toyunu tutub, Xanı
Xanımı verdi Nəcəf xana. Xanı xanım da gözlədi Nəcəf
xan onun dediyini demədi. Axırda Xanı xanım dilə gəldi.
Nəcəf xana dedi:
284
- Sən məni quş kimi qəfəsə salmısan. Heç yerə
getmirəm, könlüm açıla.
Xanı Xanım şəhərin istəkli cavanlarını çağırdı
Nəcəf xanın yanına. Nəcəf xan başının dəstəsi ilə gəzə-
gəzə gedib çıxdı Alxa çəmənə. Dedi:
- Ay uşaqlar, bura nə gözəl yurddur, gəlin bir az
əyləşək.
Cavanlar çeşmə bulağının üstündə oturdular. Nəcəf
xan yurd yerini dolandı. Pərizad xanımın naməsini tapıb
oxudu. Başını qaldıranda gördü bir atlı çapar İsfahandan
kağız gətirib, İstanbula aparır. Nəcəf xan dedi:
- Ay qardaş, ala bu kağızı İsfahana apar, bu da sənin
qızılın.
Aldı görək nə dedi:
Əgər gedər olsa şəhr İsfahana,
Söylə salamımı yara, bəzirgan.
Tut vay xəbərimi göndər yarıma,
Qoy yazsın ağ üstdən qara, bəzirgan.
Ağzı dürdü, dişi inci sədəfi,
Sinəmdən çəkərəm dəmbədəm ahı,
Desələr gördünmü sən də Nəcəfi,
Deynən həsrət bir cüt nara, bəzirgan.
Çapar tələsirdi. Atına bir qamçı da artıq vurdu, çatdı
İsfahana. Axtardı evi tapdı. Gördü Alxa çəmənində
qoyduğu oğlan qabağına çıxdı. Çapar dedi:
- Ayə, özün məndən qabaq gəlirdin, bəs kağızı
neyləyirdin?
Pərizad xanım barmağını dişlədi: «Şükür Xudaya,
Nəcəf xan sağdı». Pərizad xanım məktuba cavab yazdı:
Göz yaşımnan namə yazdım o yara,
285
Naməm yetişcəyin, canan, durma, gəl.
Gözləri yolunda bu intizara
Vədə verdin bu ilqara, durma gəl.
Aşiq bilər məşuqunun halını,
Mən sevmişəm ağ üzündə xalını.
Gözləməkdən sən namərdin yolunu,
Qalmadı gözündə qara, durma, gəl.
Pərzad deyər: düşmən biz güldürər,
Süsəndilər, sünbüldülər, güldülər,
Qiyamətdir, qızı qıza verdilər,
Çox da keçir günüm qara, durma, gəl.
Söz tamama yetdi. Pərizad xanım kağızı verdi
çapara. Çapar sürüb həmən kağızı Alxa çimənində verdi
Nəcəf xana. Nəcəf xan kağızı verdi Xanı xanıma. Xanı
xanım kağızı oxuyub mətləbdən hali oldu. Sonra dedi:
- İndi ki, belədi, gedək İsfahana. İki könlü yıxıb, bir
könlü şad eləmək də heç insafdan deyil.
Gəldilər Ovçu Əhmədin yanına. Ovçu Əhməd
bunların hərəsinə bir at verib ləl-cəvahiratla yola saldı.
Bunlar şəhərdən çıxmaqda olsunlar. Az getdilər, çox
getdilər, İsfahan torpağına yaxınlaşdılar. Nəcəf xanın
güllü bağçasına çatanda Xanı xanım dedi:
- Nəcəf xan, ta burdan o yana gedən deyiləm. Məni
gözəllərin ayağına aparırsan.
Nəcəf xan Xanı xanımın könlünü aldı:
- Heç fikir eləmə. Elə eləyərəm, gözəllər sənin
ayağına gələr.
Nəcəf xanla Xanı xanım gəlib güllü bağa çıxdı.
Xanı xanım atdan düşüb atları otarmaqda olsun. Nəcəf
xan cəld yola düşdü. Yolda fikir elədi ki, indi mən necə
286
eləyim, İsfahanda məni tanımasınlar. Uzaqdan bir qaraltı
gördü. Yanına çatanda baxdı ki, ayə, bu bir sayıldı. Bir
cırıx tuman geyib, başına da bir cındır papaq qoyub, bir
dağarcıq da çiynində budu ha gəlir. Nəcəf xan dilənçiyə
dedi:
- Qardaş, hardan gəlib haraya gedirsən?
Dilənçinin bu sözə acığı tutdu:
- Sənə nə?
Nəcəf xan dedi:
- Qardaş, niyə acıqlanırsan? Əgər razısansa, gəl
paltarımızı dəyişək. Hələ üstündə qızıl da verərəm.
Dilənçi inanmadı:
- Düz deyirsən?
Nəcəf xan and içib-aman elədi:
- Qardaş, vallah düz sözümdü. O dalındakı çörək
haqqı düz deyirəm.
Dilənçi sevincək Nəcəf xanın paltarını geyindi,
qızıllarını da götürüb dərə aşağı yüyürdü.
Nəcəf xan da sayılın paltarını geyindi, dağarcığını
çiyninə atdı. Birbaşa gəldi anasının çörək öyünə. Gördü
anası çörək bişirir. Bacısı Səlmi xanım da ev süpürür. Qız
dilənçini görən kimi cumdu, üz-gözündən öpdü. Anası
qızına bir şillə çəkdi ki, bu sayılın nəyini qucaqlayırsan?
İşi belə görəndə Səlmi xanım anasına dedi:
Ana, məni niyə döyün,
Həmi döydün, həmi söydün,
Bənövşə tək boynun əydin,
Ana, bax oğlun gəlibdi.
Anası da zəndlə baxıb oğlunu tanıdı. Elə bu dəm
Səlmi xanım Pərizad xanıma muştuluğa qaçdı. Pərizad
xanım toy paltarını soyundu. Yenə qız paltarı geyindi. Bu
da qaçdı Gülgəz xanıma muştuluq xəbəri verməyə.
287
Pərizad xanım gördü Gülgəz xanımın ayağının biri
sayalanıb, biri yox. Üzünü Gülgəz xanıma tutub aldı
görək nə dedi:
Dur ayağa, geyin alı qırmızı,
Sənə çox vermişəm cəbrilən cəza,
Qırx günlük namazı mən qıldım qəza,
Mənim butam, sənin yarın gəlibdi.
Qırmızı, qırmızı, alı al yanaq,
Əmmək üçün ləzzət verir bal dodaq,
Bundan belə dərdi-qəmi unudaq,
Mənim butam, sənin yarın gəlibdi.
Gecə deyil, gündüz bizə zülmatdı,
Bilməm fələk nəyimizə nə qatdı.
O Nəcəfdi, mənim adım Pərzaddı,
Hər iki gözəlin yarı gəlibdi.
Gülgəz xanım bəzənib axsaya-axsaya Nəcəf xanın
qulluğuna gedir. Bunların hamısı gedir Xanı xanmı
gətirməyə.
İndi sizə hardan xəbər verim, Şah Abbasdan.
Gülgəz xanımın ərizəsi çatır şaha. Çatan kimi atası cəlladı
gətirir, əmr eləyir:
- Get Nəcəf xanı gətir dar ağacının yanına!
Elə bu halatda Gülgəz xanım Xanı xanımı gətirdi.
Xanı xanım gördü yox, bu xına o xınadan deyil. Nəcəf
xan ölüm ayağındadır. Ürəyində deyir: «Mərdana
libasında bir Koroğlu havasıynan atanın adını isnad ver,
bəlkə Nəcəf xanı qurtara bildin». Xanı xanım Nəcəf xanın
paltarını geyib, qığılcını görürdü. Atını mindi girdi
meydana. Gördü Nəcəf xanı çəkirlər meydana. Mərdana
libasında, Koroğlu havasıynan Xanı xanım görək nə dedi:
288
Allahı çağırram girrəm meydana,
Şah olğluna deynən meydana gəlsin!
Meydanı bularam zəröyşan qana,
Şah oğluna deynən meydana gəlsin!
Ovçu Əhməd qızı Xanlar xanıyam,
Bu meydanda qənimimi tanıyam,
Yəqin bil Nəcəfin qoç qurbanıyam,
Şah oğluna deynən meydana gəlsin!
Söz tamama yetdi. Dar ağacının dibində olanlar Şah
Abbasa dedilər:
- Biz bu qana şərik deyilik. İstəyirsən get Ovçu
Əhmədə özün cavab ver.
Şah Abbas Ovçu Əhmədin adını eşidəndə deyir.
- Ay camaat, mən də Nəcəf xanı sizə bağışlayıram.
Xanı xanım Nəcəf xanı qoltuğuna basıb gətirdi.
Nəcəf xan bu qızların üçünü də aldı, onlarla xoş güzaran
keçirdi.
MƏMMƏD VƏ GÜLƏNDAM
Sizə hardan söyləyim, Üsgüdar şəhərindən. Üsgüdar
şəhərində Salah sövdəgar adında bir kişi var idi. Bu
kişinin var-dövləti başından aşırdı, amma zürriyyət üzünə
həsrət idi. Salah sövdəgar avam adam idi. Oxuyub-
yazmaq bilmirdi. Ona görə də qırxlotular qumarda onun
pulunu udardılar, sövdəgarın hesabına dolanardılar.
Günlərin birində qumarbaz lotular başqa ölkəyə keçirlər.
Salah sövdəgar yenə tacirliknən məşğul olmağındaydı. O,
hərdən Alfatun və Şəbiyi şəhərlərinə alverə gedib –
gələrdi. Salah sövdəgarın həmin şəhərlə gedib-gəlməyi üç
ay çəkərmiş.
289
Sövdəgar səfərdən qayıdanda Van şəhərinin
yaxınlığındakı bir meşənin qırağında axşamladı. Burdan
bir çay axırdı. Çayın üstündə də bir körpü var idi. Salah
sövdəgar qula əmr verdi ki, get bulaqdan su gətir. Qul su
gətirmək üçün bulağa tərəf gedəndə gördü ki, ayə
körpünün üstündə köynəkcək, zülfü dağılmış bir gözəl
durub, elə bil təzə doğmuş aydı, hər tərəfə işıq saçır. Bu
tez tacirin yanına xəbərə qaçdı.
Tacir gəlməkdə olsun, indi sizə xəbər verim qızdan.
Qız kim olsa yaxşıdı, Alı xanın arvadı Pəri xanım. Pəri
xanım başına gələnləri bir məktuba yazdı qoydu körpünün
üstünə. Özünü verdi meşənin içinə. Salah sövdəgar gəlib
gördü qız nə gəzir? Məktubda da yazıb ki, Qara vəzir
mənim bir cüt oğlumu öldürdü. Salah sövdəgar nə qədər
axtardısa qızı tapa bilmədi. Sövdəgarın qıza bərk yazığı
gəldi. Odur ki, üzünü haqqa çevirib dedi: «Mən bu
məktubu sahibinə çatdıracağam. Ey bizi yaradan Allah,
sən bu savabın əvəzində mənə bir övlad ver.»
Sövdəgar məktubu sahibinə çatdırdı, ordan da
qayıtdı Üsgüdar şəhərinə. Aradan heç bir il keçməmiş
Salah sövdəgarın bir oğlu oldu. Adını da Məmməd
qoydular.
Məmmədin altı yaşı tamam olanda atası rəhmətə
getdi. Qırxlotular da eşitdilər ki, Salah sövdəgar rəhmətə
gedib, tez sayıl paltarı geyib özlərini yetirdilər Üsgüdar
şəhərinə. Gündüz əl altından Salah sövdəgarın var-
dövlətinin yerini öyrəndilər, gecə hamısını oğurlayıb
apardılar. Sövdəgarın arvadı Şəhrəbanı səhər yuxudan
oyananda gördü ki, evdə gecə yatdıqları yorğan-döşəkdən
savayı heç nə qalmayıb. Arvad bərk fikrə getdi. Başına
gələn bu işi uzun müddət unuda bilmədi.
Ay ötdü, il dolandı, Məmməd böyüyüb həddi-
buluğa çatdı.
290
İndi sizə kimdən danışım, Salah sövdəgarın tacir
dostlarından. Günlərin bir günü tacirlərin yolu
Üsgüdardan düşdü. Tacirlər deyirlər ki, bir gedək Salah
sövdəgara baş çəkək. Gələndə görürlər ki, sövdəgar
rəhmətə gedib, ancaq evdə bir cavan oğlan var, elə bil
Salah sövdəgarın özüdü ki, durub. Tacirlər soruşdular ki,
bu oğlan kimdi? Şəhrəbanı dedi ki, Salah sövdəgarın
oğludu, siz gedəndən sonra olub. Bunlar məsləhət
gördülər ki, qarı nənə, qoy oğlun biznən getsin tacirlik
öyrənsin. Şəhrəbanı tacirlərdən soruşdu:
- A bala, bir mənə deyin görüm gedib-gəlməyiniz nə
qədər çəkər?
Tacirlər dedilər:
- Üç ay getməyimiz çəkər, üç ay da gəlməyimiz.
Allah qoysa, altı ayın tamamında burdayıq.
Qarı razılığını bildirdi. Tacirlər soruşdular ki, qarı
nənə, heç pulun-zadın varmı? Qarı gətirib oğluna üç yüz
tümən pul verdi.
Tacirlər Məmmədi də götürüb yola düşdülər. Yolda
Məmmədə tapşırdılar ki, bizə dədənin pulunu xərcləmə.
Bunlar üç ay yol gedəndən sonra bir karvansaraya
çatdılar. Tacirlər dəvələrlə nökərləri Məmmədə tapşırıb
şəhərə dağıldılar. Məmməd başladı darıxmağa, yollara
baxmağa. Bir də gördü ki, uzaqdan duman kimi buğanaq
gəlir. Yaxınlaşanda görür cəllad bir nökəri əlibağlı atın
döşündə gətirir. Məmmədin nökərə yazığı gəldi. Qılıncını
əlinə alıb qəzəbli-qəzəbli cəlladın qabağını kəsir.
Məmməd cəlladdan soruşdu:
- Cəllad, bu adamın günahı nədir, niyə bunu belə
edirsən?
Cəllad cavabında dedi:
- Bu adam beş ildi ki məndən sələminə yüz tümən
borc pul alıb. İndi beş yüz tümən pul edir. Borcunu
qaytara bilmir deyin indi mənim ixtiyarımdadır.
291
Məmməd cəllada dedi:
- Mənim üç yüz tümən pulum var, onu verim sənə,
bu yazığı burax.
Cəllad bu sövdaya razı oldu. Borclunu azad etdi.
Məmməd bu adamı da götürüb karvansaraya qayıtdı.
Tacirin biri gəlib Məmmədə dedi:
- Bala, indi pulumu ver, bir az da sənə mal alaq.
Məmməd dedi:
- Pulum yoxdu, pulu verdim, bu nökəri azad elədim.
Tacirlər heç nə demədilər. Öz aralarında himləşdilər
ki, Məmmədi yaxın şəhərlərin birində azıdıb getsinlər.
Məmməd məsələdən duyuq düşüb, yoldaşlarına
yalvarmağa başlayır:
Başına döndüyüm bəzirganbaşı,
Bu kağızı mənim anama yetir.
Ayağına dəyməsin yolların daşı,
Bu kağızı mənim anama yetir.
Axşam olcaq qaş qaralar, düzülər,
Xumarlanıb ala gözlər süzülər,
Sizin də əliniz eldən üzülər,
Bu kağızı mənim anama yetir.
Desələr ki, Məmməd harada qaldı,
Deynən fələk onu qürbətə saldı.
Üç yüz tümən verib, bir nökər aldı,
Bu kağızı mənim ana yetir.
Tacirlər məktubu götürüb, yola düşdülər.
Məmmədnən nökər axşama kimi karvansarada qaldılar.
Nökər dedi:
- Məmməd, gəl gedək sizin evinizə.
Məmməd dedi:
- Mən qəribəm. Buradan savayı heç bir yeri
tanımıram.
292
Nökər dedi:
- Onda mənim arxamca gəl.
Məmmədnən nökər bir xeyli yol gedib şahın
sarayına çatdılar, elçi daşının üstündə əyləşdilər. Şah
bunları hüzuruna çağırtdırdı, üzünü nökərə tutub soruşdu:
- Hə, indi deyin görək nə mətləbə gəlmisiniz,
şikayətininiz nədi?
Nökər böyük bir dağı göstərib dedi:
- Şah sağ olsun, mən gəlmişəm bax o dağın qızıl
mədənini işə salım.
Şah nökərin sözünə inandı, işə başlamaq üçün tez
əmr verdi. Qoşun dağa yeridi, az bir vaxtda qızıl mədənini
işə saldılar.
Nökərin göstərişi ilə qızıl mədəni işə düşdüyünə
görə şah Məmmədnən nökərə on dörd gözlü bir saray
bağışladı. Nökər Məmmədlə şərt kəsdi ki, axşam olanda
icazəsiz bir-birimizin qapısını açmayaq.
Nə təhər oldusa bir gün səhər tezdən Məmməd
beyqafıl nökərin otağının qapısını açdı. Baxdı ki, otaqda
bir qənirsiz gözəl yatıbdı. Bu qızın on səkkiz-on doqquz
yaşı ola-olmaya. Qızın gözəlliyi Məmmədin ağlını
başından aldı. Məmməd özünü saxlaya bilmədi, istədi
qızın üzündən bir öpüş alsın. Qız bunun hənirtisinə
yuxudan ayıldı, oğlan qorxusundan otaqdan çıxmaq istədi,
amma qız qabağını kəsdi. Qız Məmmədə tapşırdı ki, bir
də mən olan otağa gəlmə.
Aradan bir müddət keçdi, Məmməd qızın
gözəlliyini heç cür unuda bilmədi. Bir gün sübh çağı
Məmməd yenə xəlvətcə qızın otağına getdi. İçəri girəndə
gördü ki, yorğan qızın üzündən sürüşüb yerə düşüb, qızın
üzü ay kimi işıq saçır. Məmməd bu dəfə də istədi qızın
üzündən öpsün, qız səksənib oyandı, köynəkcək oğlanın
qabağını kəsdi. Qılıncın dəstəyini əlinə alıb Məmmədə
dedi:
293
- Bu saat kəlmeyi-şəhadətini de! Boynunu vururam.
Oğlan dedi:
- Xanım, bağışla, bizlərdə kəlmeyi-şəhadəti belə
deyərlər:
Dilimdə car etdim la ilahə illəllah
Bağışla Allaha, öldürmə məni.
Məhəmməd həbibi xətmi-ənbiya
O kanı-vəfaya bağışla məni.
Qəza məni qürbət elə salıbdı,
Gül irəngim saralıbdı, solubdu,
Gözü yaşlı mənim anam qalıbdı,
Bağışla Allaha, öldürmə məni.
Səhər olub, dan qapısı sökülüb,
Bülbüllər çığrışıb bağa çəkilib,
Gözəl zülfün dal gərdənə tökülüb,
Tökülən zülfünə bağışla məni.
Dərin-dərin dəryalara dalmışam,
Şirin canı eşq oduna salmışam,
Mən ki, səni o cəlladdan almışam,
Həmin o insafa bağışla məni.
Dərd əlindən düyünlüyəm, dağlıyam,
Qürbət eldə dərdim kimə ağlıyam,
Məmmədəm, Salah sövdəgar oğluyam,
Ədalət hakimə bağışla məni.
Söz tamam oldu. Oğlanın məhəbbəti qızın da
ürəyinə yol tapdı. Məlum oldu ki, qızın adı Güləndam
xanımdı, özü də Alfatun şahının qızıdı. Güləndam xanım
oğlana məsləhət elədi ki, ikimizdən birimiz gedək
Üsgüdar şəhərinə. Orada bir dükan, bir hamam tikdirək,
294
ancaq divarın kərpicinin bir üzü qızıldan olsun, bir üzü
gümüşdən. Hamamın da qapısına bir elan yazaq vuraq ki,
bu hamam üç ay pulsuz işləyir, kim istəsə, gəlib
hamamlansın. Məmməd dedi:
- Mən o işi bacarmaram.
Qız dedi:
- Yaxşı, indi ki, belə oldu, mən özüm gedərəm.
Güləndam yenə nökər paltarı geyindi, dəvələri
yükləyib yola düşdü. Gəlib çatdı Üsgüdar şəhərinə. Tez
bir vaxtda bütün işlərini qurtardı.
Bu xəbər gedib şaha çatdı. Şah bilirdi ki, bu işləri
görən bir cavan qızdı. Öz vəzirini qıza elçi göndərdi. Qız
cavabında dedi ki, şah başının dəstəsi ilə bazar günü mənə
qonaqdı. Güləndam xanım tez bazar gününə tədarük
görür, şaha layiq süfrə açır. Süfrənin üstünə yemək-
içməknən bərabər dörd ləl daşı,bir dənə də qılınc qoyur.
Şah bunları görüb vəzirdən soruşur:
- Vəzir, bir məni agah elə görüm, bu şeyləri süfrəyə
qoymaqla qız mənə nə demək istəyir?
Vəzir dedi:
- Şah sağ olsun, qız deyir ki, mən sənə nə qılınc
gücünə gedərəm, nə də qızıl gücünə.
Qız şahnan vəzirin danışığını eşidirdi. Güləndam
xanım üzünü şaha tutub dedi:
Başına döndüyüm ədalət şahım,
Ədalətsən, bu sirlərə var indi.
Ya qanginən, ya buradan dur, çəkil,
Tezliyinən paytaxtına var indi.
Vəkil bu işlərdə oldu bilici,
Yazıq vəzir oldu ellər gülüncü.
Görürsənmi bu qan tökən qılıncı,
Onu vuran əl də məndə var indi.
295
Güləndamam qızılgüldən ayrıyam,
Həm gülüyəm, həm dibinin xarıyam,
Haqq bilir ki, mən Məmmədin yarıyam,
Məndən olmaz çal xoryada yar indi.
Şah Güləndamın bu sözlərinə qəzəbləndi, qoşununu
da çəkib öz taxt-tacına qayıtdı. Qırmızı geyinib taxta
çıxdı, hökm etdi ki, Vayısa qarı gəlsin. Qarı gəldi, şaha
baş endirib dedi:
- Şah sağ olsun, mənə görə nə qulluq?
Şah dedi:
- Məmmədə anasının dili ilə elə bir məktub yaz ki,
həmin məktub çatan kimi Məmməd evinə qayıdıb
Güləndam xanımı öldürsün.
Qarı dedi:
- Baş üstə. Mənim əlimdə bu iş su içmək kimi şeydi.
Vayısa qarı məktubu yola saldı.
İndi sizə kimdən xəbər verim Məmməddən.
Məmməd neçə vaxt idi ki, qızıl mədənlərini
işlədirdi.Üsgüdardan bir xəbər tuta bilmirdi. Günlərin bir
günü Vayısa qarının göndərdiyi məktub Məmmədə
yetişdi. Məmməd məktubu oxudu, əhvalatdan halı oldu.
Ata minib Üsgüdara tərəf yol başladı. Gecəyarı gəlib
Üsgüdara çatdı. Birbaş evlərinə gəldi. Evin pilləkanında
Güləndamnan qabaqlaşdı. Qəfildən xəncəri çıxarıb qızın
ürəyinin başına sancdı. Sonra da evə keçib, əhvalatı
anasına danışdı. Anası da Güləndamın başına gələnləri
oğluna söylədi. Arvad sözünü tamam eləyib, eşiyə çıxdı.
Gördü ki, yerə çoxlu qan tökülüb, amma qız yoxdu.
Məmmədin anası işdən halı olan kimi üzünü göylərə tutub
yanıqlı bir nalə çəkdi:
Zalım fələk, nə iş açdın başıma,
Bu dərdin oduna ha yanım indi.
296
Çox zülmünən zəhər qatdın aşıma,
Düşüm səhraları dolanım indi.
Qolların qurusun, ay oğul Məmməd,
Cəmi dərdlərimdən oldu bedahat.
Gecə vaxtı kimə qılım şikayət,
Hicran atəşinə qalanım indi.
Şəhrəbanı qarıyam, gövhər kanıyam,
Əvvəldən qiymətli dürr məkanıyam,
Ağlamaqdan daha qəm tüğyanıyam,
Bu dərdli hicrandan nə qanım indi?
Məmməd də anasına qoşuldu, ha axtardılarsa,
Güləndamı gördüm deyən olmadı. Odur ki, Məmməd
ayağına dəmir çarıx geyindi, əlinə dəmir əsa götürüb
Üsgüdardan çıxdı. Qarı qalır evdə tək.
Məmməd yol getməkdə, Gülndamı axtarmaqda
olsun, sizə kimdən deyim Güləndamdan. Güləndam
xanımı yeddi loğman aparıb öz evində gizlətmişdi. Qırx
günlük müalicədən sonra qız ayıldı. Güləndam aldı görək
halına münasib nə dedi:
Əzrayıl zülmünən aldı canımı,
Qara gəldi kəm taleyim, ay fələk.
Almamışam bu dünyadan kamımı,
Qara gəldi kəm taleyim, ay fələk.
Dəryalardan ləli-gövhər çəkdirdim,
Dürr üstündən ləli-mərcan tökdürdüm,
Bir otaqnan bir hamam da tikdirdim,
Qara gəldi kəm taleyim, ay fələk.
O zaman ki, Alfatunu aldılar,
297
Çox zülmünən paytaxtımdan saldılar,
Qul yerinə at qabağına saldılar,
Qara gəldi kəm taleyim, ay fələk.
Qadir Allah, seyraqublar bilməsin,
Şahnan vəzir heç kamını almasın,
Güləndamı qeylü-qala salmasın,
Qara gəldi kəm taleyim, ay fələk.
Güləndam əlavə qırx gün də qaldı loğmanların
yanında. Loğmanların yeddisi də qıza aşiq oldular.
Loğmanlardan biri üzünü qıza tutub dedi:
- Biz sağaltmasaq, sən çoxdan ölmüşdün.
Güləndam xanım cavabında dedi:
- Çox sağ olun, yeri gələr, mən də sizin
hörmətinizdən çıxaram.
Loğmanlar dedilər:
- Nə yeri gəlsə? Sən bizim hansımızı bəyənsən,
birimizə getməlisən.
Qız dedi:
- Özünüz bilən məsləhətdi. Amma mən yaman
acmışam, izin verin bir xörək hazırlayım yeyək, sonra
danışarıq.
Qız tez bir tərhalva çaldı, içinə də bihuşdarı tökdü.
Halvanı səkkiz büküm eləyib tərəzidən keçirdi, hamının
payı bir bərabər oldu. Güləndam öz payını götürüb bir
qırağa qoydu, qalanını payladı. Sonra loğmanlara dedi:
- Kim halva payını tez yesə, ona gedəcəm.
Dərvişlər Güləndamın sözünə inandılar, tez halvanı
yeyib bihuş oldular. Güləndam xanım öz payını cibinə
qoydu, aldı görək nə dedi:
Nahaq qırdım sizi, günah eylədim,
Getdim, dərviş babam, qal innən belə,
298
Zülmkarlıq edib bədxah eylədim,
Getdim, dərviş babam, qal innən belə.
Çərxi-qəza axırımı itirdi,
Şükür olsun, mətləbimə yetirdi,
Hərəsi bir büküm halva ötürdü,
Getdim, dərviş babam, qal innən belə.
Əsl gülün ətrafında xar olmaz,
Xar vursa da gül yarpağı saralmaz,
Güləndamdan, dərviş, sizə yar olmaz,
Getdim, dərviş babam, qal innən belə.
Söz tamama yetdi, Güləndam xanım yola rəvan
oldu. Gethaget, gethaget gedib dir dağın ətəyinə çıxdı.
Burda bir çobana rast oldu. Qız yenə hiyləyə əl atıb
çobana dedi:
- Nənən məni sənə alır, bax gör xoşuna gəlirəmmi?
İndi məsləhət sənindi.
Çoban bir gülündən min gül açıldı, üzünü qıza tutub
dedi:
- Belə nənəmə də qurban olum, onun bəyəndiyi qıza
da.
Qız dedi:
- Mən yaman acmışam, gör yeməyə bir şey varmı?
Çoban tez bir əmlik kəsdi, kəlapır bişirdi, qıznan
ikisi də yedilər. Yeyib–içəndən sonra Güləndam çobana
dedi:
- Nənən sənə Tanrı payı göndərib.
Qız cibindəki tərhalvanı çıxardıb çobana verdi.
Çoban tərhalvanı yeyib bihuş oldu. Qız çobanın paltarını
özü geydi. Yenə də yol başladı. Günə bir mənzil, az getdi,
çox getdi, gedib bir meşədə bir talaya rast gəldi. Gördü
299
burda gül gülü çağırır, bülbüllər cəh-cəh vurur. Güləndam
xanım coşa gəldi. Aldı görək nə dedi:
Ərənlər sərvəri, ərənlər şahı,
Mənim bu dərdimə dərman eyləyin.
İmamlar padşahı, dinin pənahı,
Mənim bu dərdimə dərman eyləyin.
Dərin-dərin dəryalara dalmışam,
Şirin canı eşq oduna salmışam,
Səhralarda zəlil, müstər qalmışam,
Mənim bu dərdimə dərman eyləyin.
Güləndamam, düşdüm çöldən çöllərə,
Axdı eynim yaşı döndü sellərə,
Ağlaya-ağlaya düşdüm yollara,
Mənim bu dərdimə dəraman eyləyin.
Söz tamama yetdi, Güləndam yola rəvan oldu. Az
getdi, çox getdi gəlib bir şəhərə çıxdı. Baxdı ki, bu
şəhərdə camaat yığılıb özlərinə şah seçirlər. Güləndam
xanım da adamlara qarışdı. Elə bu vaxt şahlıq quşunu
göyə buraxdılar. Adamlar bir də baxdılar ki, quş bir az
göydə qanad çalandan sonra aşağı enib bir çobanın başına
qondu. Həmin çobanı döyüb bir otağa saldılar. Şahlıq
quşunu bir də uçurtdular. Gördülər ki, quş bu dəfə də
pəncərəni sındırıb içəri girdi, yenə bayaqkı çobanın başına
qondu. Yenə quşu qovub eşiyə çıxartdılar. Quşu üçüncü
dəfə uçurtdular. Quş yenə çobanın başına qondu. Camaat
bu işə lap məəttəl qaldı. Vəzir də camaatın arasında idi.
Vəzir işi belə görüb yanındakılara dedi:
- Siz gedin çoban olan otağın qapısını pusun, görün
çoban o quşa nə deyir?
Çobanı pusanda gördülər ki, çoban quşu əlinə
götürdü, o üzündən, bu üzündən öpdü, ağlayıb dedi:
300
- Ay Allahın dilsiz-ağızsız məxluqu, mənə ilahidən
qismət yoxdu. Get, o qəlbindən şahlıq keçənlərdən birinin
başına qon. Əgər mənə şahlıq qismət olsaydı, öz atamın
təxt-tacı özgələrin olmazdı.
Adamlar gəlib bu sözləri vəzirə çatdırdılar. Vəzir
dedi:
- Onun danışığı heç çoban danışığına oxşamır. Tez
gedin onu mənim yanıma gətirin.
Çobanı vəzirin yanına gətirdilər. Vəzir üzünü
çobana tutub dedi:
- Qardaş, şahlığı bacara bilərsənmi?
Çoban cavabında dedi:
- Niyə bacarmıram?
Həmin saatdan çobanı şah seçdilər. Şah taxta çıxan
kimi hökm elədi ki, bir mahir şəkil çəkən gəlsin. Şəkil
çəkən gəldi. Şah yeddi şəkil çəkdirdi, yeddi bulaq
sazladıb, hər bulağın başına bir şəkil qoydurdu. Hərəsinin
də yanına bir qaravulçu təyin elətdirdi. Sonra
qarovulçuları yanına çağırıb əmr elədi:
- Bu bulaqların başında əylənən adamlara fikir
verin. Hər kim bulaqdan su içib sakitcə yolunnan getsə,
ona dəyməyin. Əgər görsəniz ki, biri şəkilə baxanda
ağladı, güldü, bir söz dedi, o saat həmin adamı mənim
hüzuruma gətirin.
Şah öz işində, hökm verməyində olsun, indi eşit
dərvişlərnən çobandan. Dərvişlər qalxanda gördülər ki,
qız bunların yanına bir məktub yazıb qoyub, özü də
harasa çıxıb gedib. Həmin gündən dərvişlər qızı
axtarmağa başladılar. Dərvişlər gəzə-gəzə gəlib qızın
şahlıq elədiyi məmləkətə çıxdılar. Şah düzəltdirdiyi
bulağın başında dayanıb su içdilər. Bir az burda
dayanandan sonra birdən dərvişlərin gözü qızın şəklinə
sataşdı. Dərvişlər qızın şəklini görən kimi başladılar
gülməyə. Qarovulçular bunu görüb dərvişləri tez şahın
301
hüzuruna apardılar. Şah dərvişlərə böyük bir saray, çoxlu
var-dövlət bağışladı.
Sizə kimdən xəbər verim, çobandan. Çoban da
dərvişlər kimi ayılanda gördü qız-zad nə gəzir? Qız bunun
paltarlarını soyundurub aparıb, öz paltarlarını da bir
məktubnan bərabər çobanın yanında qoyub gedib. Çoban
başladı qızı axtarmağa. Gün o gün oldu ki, çoban da gəzə
–gəzə gəlib qızın düzəltdirdiyi bulaqlardan birinin başına
çıxdı. Əyilib bulaqdan su içmək istəyəndə qızın şəklini
gördü. Çobanın gözünün yaşı bulağın suyuna qarışdı. Bu
da qarovulçunun gözündən yayınmadı. O saat çobanı
şahın hüzuruna apardılar. Şah çobana çoxlu zər-ziba
bağışladı.
İndi görək Məmməd necə oldu? Məmməd ayağında
dəmir çarıq, əlində dəmir əsa bütün dünyanı dolandı.
Güləndamdan bir xəbər tuta bilmədi. Axırda gəzə-gəzə
gəlib qızın məmləkətinə çıxdı. Məmməd yolurulub əldən
düşmüşdü, özü də bərk susamışdı. Odu ki, özünü zorla
şahın düzəltdirdiyi bulaqlardan birinin başına çatdırdı.
Məmməd bulaqdan doyunca su içdi, uzanıb yorğunluğunu
almaq istəyəndə bir də gördü ki, Güləndamın şəkli budu
ha bulağın başındadı. Məmməd şəklə baxıb bir başına
döydü, bir dizinə. Gözünün yaşını sel kimi axıtdı.
Qarovulçu üzünü Məmmədə tutub soruşdu:
- Oğlan, bir məni bu sirdən agah elə görüm, sənə nə
oldu, niyə ağladın?
Məmməd dedi:
- Mənim dərdim dilnən deyiləsi deyil, dilnən desəm,
dilim alışıb yanar. İzn ver, saznan deyim.
Məmməd sazını sinəsinə basdı, aldı görək yana-
yana nə dedi:
Ay ağalar, gəlin sizə söyləyim,
Ellər, axtardığım maralı tapdım.
302
Xəncər alıb bağrım başın teyləyim,
Ellər, axtardığım maralı tapdım.
Sağlığında mən çəkmədim nazını,
Sinəm üstə qoydu hicran közünü,
Adı bəlli Alfatun şah qızını,
Surəti - şəkildə yaralı tapdım.
Mən Məmmədəm, neyləmişəm, neyləyim,
Xəncər alıb bağrım başın teyləyim,
Öz dədimi dinar-dinar söyləyim,
Ellər, axtardığım maralı tapdım.
Söz tamama yetdi, qarovulçu Məmmədi şahın
hüzuruna apardı. Şah oğlanı tanıyıb əmr etdi ki, bunu da
dərvişlərnən çobanın yanına aparın. Onların yanında
dincəlsin.
Bir neçə gündən sonra şah çobanı hüzuruna
çağırtdırıb dedi:
- Çoban, de görüm, sənə nə verim, sən məndən razı
qalasan?
Çoban dedi:
- Şah sağ olsun, o gördüyün sürü itibdi, heç
bilmirəm neyləyim.
Şah ona bir sürü bağışlayıb yola saldı. Sonra
dərvişləri çağırıb dedi:
- Dərviş baba, sizə nə versəm məndən razı
qalarsınız?
Dərvişlər dedilər:
- Hərəmizə bir çanaq qızıl ver, özümüzü də burax
gedək dərvişliyimizi eləyək.
Şah ərm etdi ki, dəvişlərin hərəsinə bir çanaq qızıl
verib yola salsınlar. Bunlar gedəndən sonra şah Məmmədi
hüzuruna çağırtdırdı. Məmmədə dedi ki, indi başına
303
gələnləri söyləyə bilərsən. Məmməd ölub-keçənlərin
hamısını bir-bir şaha söylədi. Şah əhvalatdan halı olan
kimi əmr elədi:
- Bunu tövləyə göndərin, qoyun dəvələrin altını
süpürsün.
Üç gündən sonra şah yenə Məmmədi hüzuruna
çağırtdırdı, üzünü ona tutub dedi:
- İndi şahlıq paltarını geyin, taxta çıx görüm şahlıq
sənə yaraşırmı?
Məmməd paltarı geyinib taxta çıxdı. O saat
Güləndam zülfünü saz eləyib aldı görək nə dedi:
Aldı Güləndam:
Cəllad olub şirin canım alan yar,
Keçən keçib, taxtın mübarək olsun!
Şirin canım eşq oduna salan yar,
Keçən keçib, taxtın mübarək olsun!
Aldı Məmməd:
Başına döndüyüm, qurban olduğum,
Bağışla təqsirim, səhv eyləmişəm,
Alışıb oduna büryan olduğum,
Bağışla təqsirim, səhv eyləmişəm.
Aldı Güləndam:
Necə qıydın, sevdiyini öldürdün,
Bu dərdini cəm aləmə bildirdin,
O zalım vəzirnən şahı güldürdün,
Keçən keçib, taxtın mübarək olsun!
Aldı Məmməd:
O zaman ki, düşdüm səndən aralı,
Dərd əlindən gəzdim yaslı-yaralı,
304
Bulammadım sənin kimi maralı,
Bağışla təqsirim, səhv eyləmişəm,
Aldı Güləndam:
Tanırsanmı Güləndamı üzünüdən,
Görürsənmi dürr tökülür sözündən.
Mənə sitəm qıldın namərd sözünnən,
Keçən keçib, taxtın mübarək olsun!
Aldı Məmməd:
Dağların başına dolanır duman,
Səndən ayrı düşdüm xeyli bir zaman,
Bu Məmmədin səri yolunda qurban,
Bağışla təqsirim, səhv eyləmişəm.
Söz tamama yetdi. Bunlar şahlıq dövrünü başa
çatdıran zaman Güləndam Məmməddən soruşdu:
- Məmməd, bəs görəsən Şəhrəbanı qarı necə oldu?
Məmməd cavabında qayıtdı:
- Biz bir də o yerlərə qayıtmayaq. O vilayət bizə
lazım deyil.
Güləndam xanım dedi:
- Səhvin var, Məmməd, biz gərək geri dönək, həm
düşməndən qisasımızı alaq, həm də ananı axtarıb tapaq.
Güləndam xanımın tədbiri ilə çəkidən yüngül,
qiymətdə ağır nə varıydısa dəvələrə yüklədidər, qoşunu
çəkib yola düşdülər. Gəlhagəl, gəlhagəl, gəlib çatdılar
Üsgüdar şəhərinə. Şahın qoşunlarını özlərinə tabe etdilər.
Güləndam xanım Məmmədnən bərabər özünün tikdirdiyi
üç mərtəbəli evin qabağına gəldi. Bunlar içəri girəndə
baxdılar ki, Şəhrəbanı qarı oturub piltəsiz cəhrə əyirir.
Güləndam xanım qarıdan soruşdu:
- Ay nənə, piltə yoxdu, bəs sən nə əyirirsən?
Şəhrəbanı qarı cavabında dedi:
305
- Bala, mən dərdimi əyirirəm.
Bunlar diqqətnən baxanda gördülər ki, qarı yazığın
gözləri tutulub, heç kimi tanımır. Güləndam xanım aldı
görək qarını necə dindirdi?
Aldı Güləndam xanım:
Başına döndüyüm ay qarı nənə,
Ay nənə, müjdə ver, oğlun gəlibdi.
Şad xəbər söyləyim mən dönə-dönə,
Ay nənə, müjdə ver, oğlun gəlibdi.
Aldı qarı:
Başına döndüyüm ay səsi gələn,
Sən Allah, deginən oğlun ölübdü.
Qara bağrım şan-şan eyliyib dələn,
Sən Allah, deginən oğlun ölübdü.
Aldı Güləndəm xanım:
Qarğama, ay nənə, oğlun ölməsin,
Qeyri bağban bağdan gülün dərməsin,
O vəzirnən şahın üzü gülməsin,
Ay nənə, müjdə ver, gəlnin gəlibdi.
Aldı qarı:
Bu dərd məndə nə sağalmaz, nə qala,
Fələk salıb məni bu qeylü-qala,
Müşkül işdi, ölən bir də sağala,
Neçə ildi, mənim gəlnim ölübdü.
Aldı Güləndəm xanım:
Sənin ilqarını doğru bilmişəm,
O səbəbdən qulluğuna gəlmişəm,
306
Güləndamam, xidmətində olmuşam,
Ay nənə, müjdə ver, gəlnin gəlibdi.
Aldı qarı:
Şəhrəbanı qarıyam, gövhər kanıyam,
Əzəldən qiymətli dürr məkanıyam,
Gözlərim görmür ki, görəm tanıyam,
Yəqin biləm mənim gəlnim gəlibdir.
Söz tamama yetdi. Güləndam xanım qarının
gözlərinə məlhəm qoydu, qarının gözlərinə işıq gəldi.
Qarı oğlunu, gəlnini tanıdı. Görüşdülər, öpüşdülər,
şadyanalıq elədilər.
AZAFLI VƏ NARINC XATUN
USTADNAMƏ
Bəşərin ədalət qanunu budur:
Şəfa verə alim, loğman xalqına,
Dahi odur, şair odur, mərd odur,
Canını söyləyə qurban xalqına.
Birlik dirilikdir, a dostlar, bilin,
Vicdanı saf olur haqq tutan əlin.
Həyat sükanıdır ziyalı əlin,
Sadiq ola böyük insan xalqına.
Dühanın qəlbində fil, aslan yatar,
307
Arzular eşqinə özünü atar.
Xain bir şöhrətə bir ölkə satar,
Dünyanı eyləyər zindan xalqına.
Lənət alçaqlara, lənət Şeytana,
Vətəni sevməyən nankor insana.
Şadlıq gətirəndə hakim dövrana,
Xeyirdən nur tökər zaman xalqına.
Qüdrətim olaydı təbiət kimi,
Bəzərdim aləmi min Cənnət kimi.
Söz, sənət sərdarı həqiqət kimi
Yaza gövhər, inci, mərcan xalqına.
Min şüar deyərəm səmimiyyətə,
Əyilər varlığın düz sədaqətə.
Böyük odur, dayaq odur millətə,
Qoymasın dəyməyə ziyan xalqına.
Azaflı, mənanı hər könül duya,
Yerdən sülh istərəm, Günəşdən ziya,
Arzum təbiətdən budur: bu dünya
Gətirsən səadət hər an xalqına.
Ustadlar ustadnaməni bir deməz, iki deyər, biz də
deyək iki olsun, elin keyfi kök olsun.
Hərə bir sevdanın sorağındadır,
Kimi pula, dövlət-vara aşıqdır.
Kimi qəmnən, kimi dəmnən dəm vurar,
Kimi oğul, qıza, yara aşıqdı.
Kimi həyat gəzir, kimi dövranı,
Kimi haqqı gəzir, kimi divanı,
Kimi qulluq gəzir, kimi cahanı,
308
Kimi saray, bağça-bağa aşıqdı.
Kimi alim, molla, kimi lotu-gic.
Kimi şair, ədib, kimi dəli-bic,
Kimi gövhər tapar, kimi qara tunc,
Kimi zər libasa, xara aşıqdı.
Kimi dostu gəzir, kimi hörməti,
Kimi səxavəti, kimi mürvəti,
Kimi ədaləti, kimi sərvəti,
Kimi Şeytan xənnas, mara aşıqdı.
Kimsə: Yaxşılıq et, bu dünya becə,
Kimsə: Ömür keçir hər gündüz-gecə.
Kimsə: Ay Azaflı, sən özün necə,
Vətənə, namusa, ara aşıqdı.
Ustadlar ustadnamələri iki deməyib, üç deyib, biz
də deyək üç olsun, düşmən ömrü puç olsun.
Bir neçə sözüm var, qanana, dostlar,
Güc çatmaz əlindən, aralı gəz bax!
Bir çınqı başından bir mahal yanar,
Namərdin ləlindən aralı gəz bax!
Nə cinayət, günah, şər eyləməynən,
Nanəcib əlindən çörək yeməynən,
Avara sarsağa dostum deməynən,
Kor gəzən gölündən aralı gəz bax!
Qəzanın qəhrinə tapılmaz çara,
Geri qayıdarmı vurulan yara?!
Uyma sərxoşluğa, çaya, qumara,
309
Fitnənin selindən aralı gəz, bax!
Çox yanma məhəbbət, eşqin gözündən,
Bil: nakam gedərsən dünya üzündən,
Elin təhnizindən, alçaq sözündən,
Şərxata dilindən aralı gəz, bax!
Azaflı özünü salma fəryada,
Üzmək bilmirsənsə, gəzmə dəryada.
Mən ölsəm, siz qalın hələ dünyada,
Şeytanın feylindən aralı gəz, bax!
Ərz olsun qulluğunuza: yaxın zamanlarda payız
fəslində, Muğan mahalının bir toy məclisindən.
Məclisdə Şəmşəddindən gəlmiş Yusif adında
qocaman, gözəl səsli, məharətli bir aşıq cövlan eyləyirdi.
Muğanın şair qızı, adı-sanı, şerləri, gözəlliyi dillər əzbəri
olan Narınc xatun da o toy məclisinin qonağı idi.
Usdad aşıq Şəmşəddinli Aşıq Mikayıl Azaflıdan çox
sözlər oxuyurdu. Məclis də çox gözəl keçirdi, qonaqlar
aşığa hər yandan sağ ol deyə-deyə sifariş verirdilər. Bir
ağsaqqal aşığa dedi:
- Aşıq qardaş, eşitmişəm Mikayıl Azaflının bir
«Qoca qartal» əhvalatı var. Xahiş eləyirəm onu oxuyasan.
Aşıq həmin əhvalatı söhbəti ilə oxumağa başlayır.
Azaflının özü qoşduğu «Azaflı dübeyti» havası Aşıq
Yusif ilə aldı görək nə dedi:
Qoca qartal, nə gəzirsən
Dağlar qoynunda-qoynunda?!
Bala gördüm anasının
Ağlar qoynunda-qoynunda.
Niyə qəlbin qaralıbdır,
Gül üstünü xar alıbdı.
310
Şamamalar saralıbdı,
Tağlar qoynunda-qoynunda.
Azaflı yaz ilə gəlməz,
Uçdu sonam, gölə gəlməz.
Keçən keçdi ələ gəlməz
Çağlar qoynunda-qoynunda.
Bəli, bu əhvalat hamının xoşuna gəlir. Narınc
xatunun da lap ürəyindən xəbər verir.
Bir neçə il idi ki, Aşıq Mikayıl Azaflının səsi-sədası
Xatunun qəlbində həzin bir nəğməyə dönmüşdü. Amma
bilmirdi ki, Aşıq Mikayıl Azaflı hansı mahalda, hansı eldə
yaşayır. Odur ki, «Qoca qartal»ı aşığın dilindən eşidəndə
qəlbini sevinc hissi bürüyür. Dedi: ayə, bu aşıq Azaflını
tanıyır. Odur ki, məclisin axırını gözləməli olur. Məclis
aram olandan sonra Xatun aşığa yaxınlaşır. Ehtiramla
salam verib deyir:
- Ustad, deyə bilərsənmi, Aşıq Mikayıl Azaflı hansı
mahaldandır?
Aşıq Yusif cavab verdi ki, qızım, o, Şəmşəddin
mahalındandır. Bu oxuduğum saz havalarını da özü
qoşub. Azaflı mənim ən istəkli şəyirdlərimdəndir. Nə
qədər şairlər, aşıqlar ona təriflər yazıb. Neçələri ilə
deyişib, həmişə qalib gəlib. Allah ona hər-tərəfli veribdir.
Xatun aşığa qulaq asdıqca qəlbində Azaflıya qarşı
daha böyük istəklər oyandı. Xatun xəbər aldı:
- Ustad, nə vaxt gedəcəksən?
- Qızım, sabah yola düşəcəm.
- Ustad, sənə bir namə versəm, Azaflıya
yetirərsənmi?
- Canla–başla yetirərəm, qızım, onunla bir eldə
yaşayıram, çox vaxt da toylara bir yerdə gedirik.
311
Xatun bir namə yazıb Aşıq Yusifə verir. Aşıq Yusif
naməni gətirməkdə olsun, indi sizə kimdən xəbər verim,
kimdən deyim, Aşıq Mikayıl Azaflıdan.
Azaflı həmin vaxtı ağır toydan gəlib, öz otağında
dincəlməkdə idi.Bu vaxtı ustadı Aşıq Yusif qapını açıb
içəri girdi. Azaflı tez ayağa qalxıb ustadı ilə öpüşüb-
görüşdü, əyləşdilər. Ustadının halını, əhvalını soruşmağa
başladı. Ustadı dedi:
- Oğlum, Muğan mahalına toya getmişdik.
- Ustad, həmişə toyda olasan!
- Sağ ol, oğlum, həmişə üzün ağ olsun, canın sağ
olsun, qulaq as gör nə deyirəm. Gör nələr oldu, başıma nə
gəldi? Məclis çox gözəl keçdi, sənin sözlərindən nə qədər
oxutdular. Sənin səsin, sədan oralarda da gəzir. «Qoca
qartal»ını da söhbəti ilə sifariş etdilər. Hələ sənə bir
məktub da gətirmişəm.
- Ustad, məktub kimdəndi?
- Narınc Xatun adlı şair bir qızdandı. Oğlum elə bir
candır ki:
Misli – bərabəri yoxdur cahanda,
Mərifət əhlidir Mildə, Muğanda.
Aşıq Yusif sazı sinəsinə basdı, aldı görək nə dedi:
Muğan qızı bir gözəldən,
Sənə salam gətirmişəm.
Xoş danışan şirin dildən,
Qeyri halam, gətirmişəm.
Elə bil ki, rəna gördüm,
Tellərimdə şana gördüm,
Sözlərimdə məna gördüm,
İnci kəlam gətirmişəm.
312
Aşıq Yusif düz anandı,
El-obanı dolanandı,
Arif kamal, söz qanandı,
Dünya-aləm gətirmişəm.
Ustad oxuyub, sözünü tamama yetirdi. Azaflı icazə
istədi ki, ustad, məktubu açımmı? Ustad dedi:
- Aç, oğlum, məktub sənədir.
Azaflı məktubu açıb oxuyur, elə bil birdən-birə o
qıza qarşı qəlbində mehri-məhəbbət oyanır. Ustadı onun
bu halını görüb deyir:
- Oğlum, Xatunun məktubunu sazla oxu görək necə
çıxır?
Azaflı sazı köynəkdən çıxarıb zilini zil, bəmini bəm,
sinəsini müstəkəm eləyib, aldı görək necə oxudu?
Haqdan gələn bir sədaya bağlandım,
Oldum elə dərdə yanan, Azaflı.
Qəm sevincim olub, möhnət vüsalım,
Tərk etmədi məni bir an, Azaflı.
Bu səda fikrimi bəyan eylədi,
Cövrü-cəfasında giryan eylədi,
Mənə nə etdisə canan eylədi,
Kimə deyim arif qanan, Azaflı.
Gəl nəğməyə dönək telin dəmində,
Ötək xanə-xanə zildə, bəmində,
Neçə arif gördüm söz aləmində,
Hər söz tutan olmaz qanan, Azaflı.
Xatunam, qalmışam söz meydanında,
Həcər, Pəri xisləti var qanımda.
Ələsgər dünyası varsa canında,
Buyur, səninkidir meydan, Azaflı.
313
Ustad deyir ki, çox gözəl yazıb, sən də gözəl oxudun.
Çox sağ ol, amma ona cavab yaz, mütləq yaz, deyib gedir.
Azaflı otağında tək qalanda məktubu dönə-dönə
oxuyur, üzünü görmədiyi Xatun onun qəlbinə hakim olur.
Odur ki, sazı sinəsinə basıb, Xatuna cavab deyib
yazmağa başlayır. «Göyçəgülü » havası ilə:
Oxudum naməni, şad oldu qəlbim,
Hər sözü dürdana, ay Narınc Xatun.
Həqiqət haraylar ilhamım, təbim,
İnan saf vicdana, ay Narınc Xatun.
Yaxşılar özünü yaman eyləməz,
Sevda hər sədadan aman eyləməz,
Hiyləni, fitnəni qanan eyləməz,
Dərdi de mərdana, ay Narınc Xatun.
Hamının dərdi var öz aləmində,
Həyatın qəhrinə döz aləmində.
Nəğmə dünyasında, söz aləmində
Dönmüşəm dastana, ay Narınc Xatun.
Azaflı haqq gəzir bir sərdar kimi,
Zəri zərdən seçər düz zərgər kimi,
Gah Koroğlu, gah da Ələsgər kimi
Çıxıram meydana, ay Narınc Xatun.
Azaflı ikinci bir şer deməyə başladı. Sonra öz-
özlüyündə fikirləşdi ki, Narınc xatun deyər birə-bir deyir.
Qoy bilsin ki, birə-iki deyirəm. Qoy bilsin ki, mən də
maraqlanıb bu məclisdə olan əhvalatı öyrənmişəm. Aldı
görək nə dedi «Keşiş oğlu» havası ilə:
Narınc xatun mən sədanı eşitdim,
Şair təbin dolğunusan dedilər.
Sazın-sözün fərağında alışan,
314
Məhəbbətin yorğunusan dedilər.
Gözəllərin, gözəlliyin aşiqi,
Saf ürəyinin əməlinin aşiqi,
Öz yurdunun, öz elinin aşiqi,
Şer –sənət vurğunusan dedilər.
Azaflıya ya Həcərsən, ya Niğar,
Məhsətidən, Natəvandan yadigar,
Muğan qızı, özün şair-sənətkar,
Əsl eşqin durğunusan dedilər.
Demə, anası bayaqdan bəri olan əhvalatları eşidirdi.
Gördü ki, oğlu yaman yanıqlı-yanıqlı oxuyur, öz-özünə
dedi: «Oğlum kiməsə aşiq olub, ustadı gəlib gedəndən
bəri halı birtəhərdir». Odur ki, oğlu oxuyub qurtaran kimi
içəri girdi. Onun halını bir cür görüb dedi:
- Oğlum sənə nə olub? İstəyirsən toyunu edək.
Allaha şükür, gözəl-göyçək nişanlın var. Özü də öz
canımız-ciyərimizdir, yaxşı qızdır. Nə deyirsən?
Azaflı cavab verdi ki, yox, ana, hələ dayan. Ana isə
heç nə demədən şübhələnmiş halda gedir.
Azaflı yazdığı naməni Xatuna göndərir. Namə
Muğanda Xatuna çatır, oxuyub çox-çox şad oldu, elə bil
ki, sözlü-sirli bir aləmə düşdü. Məktubu dönə-dönə
oxuyub xeyli fikirləşdi və Azaflıya belə bir məktub yazdı:
Cəfalarda məni çəkmə sınağa,
Başdan-başa məhəbbətəm, Azaflı.
Ürək versəm, könül versəm sədaya,
Etibara sədaqətəm, Azaflı.
Neçə aşiq yandı aman eşqimə,
Kimi yaxşı, kimi yaman eşqimə.
315
Əhdi-peyman, ilqar, iman eşqinə,
Vüsal üçün əmanətəm, Azaflı.
Mən Xatunam, çox bulandım, duruldum,
Xəyal ilə yer-göy gəzdim, yoruldum,
Görməmişdən bir sədaya vuruldum,
Həsrət dolu qəm- möhnətəm, Azaflı.
Bəli, Xatunun ikinci məktubu Azaflıya çatır.
Oxuyur, məzmunundan hali olur, aydın olur ki, Xatun da,
onu sevir. Gəl deyir, həsrətim sənsən.
Bu iki kəlmə söz Azaflının qəlbini əlindən aldı,
sanki öz dünyasına sığışa bilmədi. Otağında var- gəl
eləməyə başladı. Sözlə dolu ürəyini kağıza tökməyə
başladı, görək nə dedi, «Aran gözəlləməsi»ndə:
Dərdimənd aşiqəm həmdəm olmağa,
Mən sənin üzünü görmək istərəm.
Sevda həsrətindən yanıb fərağa,
Odunu, közünü görmək istərəm.
Qəlbimə bağladım hər kəlamını,
Təbimi coşduran tər kəlamını,
Ürəklər oxşayan zər kəlamını,
Şerini, sözünü görmək istərəm.
Azaflıyam, xudam yar olsun sizə,
Olmasın hicranın vurduğu nizə,
Gülsün təbiətin mürvəti bizə,
Xatunum, özünü görmək istərəm.
Bəli, qəlbi Xatunu görmək, dinləmək həvəsi ilə
çırpınan Azaflı məktubu Xatuna yola salır. Məktub gedir
Muğanda Xatuna çatır. Xatun həmkarından gələn
məktubu sevinclə açıb oxuyur. Qəlbində min arzu
316
boylanır. «Demək indi o da məni sevir, mənim
həsrətimsən», - deyir. Həm də məni görmək həvəsindədir.
Xatun bu xəbərdən çox şad olur, böyük arzu, ümidlə
onun yolunu gözləyir. Ancaq günlər, aylar gəlib keçir,
Azaflıdan nə bir xəbər, nə bir məktub olur. Bu
nigarançılıq, bu həsrət Xatunun qəlbini üzür, bəzən öz-
özünə deyir: «İlahi, bu necə sirri-xudadır ki, ondan bir
xəbər yoxdur. Gör neçə aylar keçib gedir». Xatun başında
minbir fikir yenə də Azaflıya məktub yazır. Xeyli
gözləyir, bu məktuba da cavab ala bilmir. Ümidsizlik
içində deyir: «Ya Rəbbim, o mənə biganəlik etsə də
dözərəm, təki ona bir xata gəlməsin». Amma biçarə Xatun
bilmirdi ki, Azaflının başına nə qəzavü-qədər gəlibdir.
Bəli, belə nəql edirlər ki, Azaflı Gürcüstan
mahalında olarkən onun üstünə şər atırlar, bu iş ayırd
olunca Tiflis qazamatında yatır. İş yoxlanılır, heç bir
günahı olmayan Azaflı bəraət qazanır. Öz doğma eli
Şəmşəddin mahalına qayıdır. Hamı onun görüşünə gəlir,
Azaflının gəlişi elin böyük sevincinə səbəb olur. Xatunun
axırıncı məktubunu ustadı Yusif Azaflıya verib deyir:
- Oğlum, Xatunun sənə gələn məktubunu
saxlamışam. Sənin qazamatda olduğunu ona xəbər
vermədim. Allaha çox şükür ki, sənin haqq işin həqiqət
oldu, sağ-salamat evimizə qayıtdın. İndi Xatunu nigaran
qoyma.
Azaflı Xatunun məktubunu açıb oxuyur, üzünü elə
bil qəm dumanı bürüyür. Ustadı bunu duyub dedi:
- Oğlum, nə oldu ki, belə tutuldun?
- Ustad, qulaq as, gör Xatun nə yazır?
Sazı sinəsinə basıb oxudu:
A mənim könlümü bihal eyləyən,
Yad edibən bir bu yana gəlginən.
Könlüm səni istər yaz havasında,
317
Saz götürüb bir bəyana gəlginən.
Nə müddətdir gözü yolda qalmışam,
Ürəyi gileylə, sözlə dolmuşam,
Həsrətin əlində qərib olmuşam,
Həyanımsan, bir həyana gəlginən.
Sanma Xatun dövlət-varı istəyir,
Etibarı, düz ilqarı istəyir,
Sənin kimi əhli –yarı isəyir,
Gəşt eyləyib, bir Muğana gəlginən.
Söz tamam oldu, ustadı soruşdu:
- Oğlum, indi fikrin nədir?
Azaflı dedi:
- Ustad, onun gözü yoldadır, məktubunun cavabını
yazım, qonaqlar aram olandan sonra özüm Muğana
gedəcəm.
Görək Azaflı Xatuna necə cavab yazır və sazını
sinəsinə basıb görək nə dedi:
Sənə qurban olum, ey mehri-mahım,
Günlərini sana, sana, gəlirəm.
Oxudum naməni od oldu ahım,
Saz götürüb düz Muğana gəlirəm.
Gəlirəm hüsnünə pərvanə kimi,
Ağlını itirmiş divanə kimi,
Amandır qınama biganə kimi,
Fəda qılıb can qurbana gəlirəm.
Azaflıyam Şəmşəddindir mahalım.
Qoymaram könlünü üzsün məlalım.
Dolanım başına, ay mahcəmalım.
Salmısan könlümü qana, gəlirəm.
318
Söz tamam olur, ustad deyir:
- Oğlum, çox gözəl yazmısan, Allah səni muradına
yetirsin.
Azaflı məktubu bağladı, şəyirdi Xanları çağırıb
dedi:
- Bu məktubu apar sal yola, getsin.
Xanlar Xatuna yazılan məktubu yola salır, Azaflıya
ayrı bir məktub, gətirir. Bu məktub Kəlbəcər mahalından
Aşıq Şəmşirdən idi. Aşıq Şəmşir yazmışdı ki, Azaflı
ürəyim səni istəyir, xəstəyəm, gəl Ağdabana, səni görüm.
Başına gələn qəza məni öldürdü. Allaha çox-çox şükürlər
olsun ki, azad olmusan, günahın olmadan bəla çəkmisən.
Həyatda hər cür hadisə ola bilər.
Azaflı Şəmşirin məktubuna tez cavab yazır, həm də
fikirləşir ki, o ustaddır, gedim onunla görüşüm,
məsləhətləşim, oradan da Muğana dedim. Görək Şəmşir
Azaflıya şerlə nə dedi:
Çəmənə, çiçəyə bəzənib hər yan,
Sən bizim dağlara yaz olanda gəl.
Lalə, nərgiz açılanda ərməğan,
Boran bu yerlərdə az olanda gəl.
Bənövşə kollara sarışan zaman,
Əliklər meşədə barışan zaman,
Göllərdə çalxanıb çığrışan zaman,
Çayların üstündə qaz olanda gəl.
Xəstəlik əlində belə çaşbaşam,
Axı bacarmıram sellənib-daşam,
Müddətdir yatıram, hələ naxoşam,
319
Şəmşirin əlində saz olanda gəl.
Görək Azaflı Dədə Şəmşirə cavab nə yazdı:
Deyirsən baharda gül açanda gəl,
Bir xəbər yetirsən, yazda gələrəm.
Tufanlar içində odda yanmışam,
Olsa qar, qasırğa, buz da gələrəm.
Əzəldən yarandıq faili-muxtar,
Əhli-hal görəndə ürəyim toxtar.
Sən məni gəzəndə qəlbində axtar,
Hər yay, payız, hər ili yazda gələrəm.
Sənət dağlarında, ay uca Şəmşir,
Gövhər bəzirganı, ay xoca Şəmşir,
Azaflıya ustad, ay qoca Şəmşir,
Sədəfli sazını sazla, gəlirəm.
Azaflı məktubu yola saldı. Özü də qonaqlar
azalandan sonra Muğana yox, Kəlbəcər mahalına yola
düşür. Kəlbəcər camaatı Azaflını çox gözəl, mehriban
qarşıladı. Şəmşirin evində məclis quruldu, şairlər, aşıqlar,
söz, sənət qədrini bilənlər gəldilər, hamısı görüşdülər.
Hal-əhval tutdular. Azaflı aldı görək nə dedi:
Sanki dağlar dilə gəldi,
Şən bülbüllər gülə gəldi,
Cavanlar əl-ələ gəldi,
Qocalar könülə gəldi,
Qız-gəlinlər elə gəldi,
Ağ barmaqlar telə gəldi,
Şəmşir sazı dilə gəldi.
320
Aldı Dədə Şəmşir görək Azaflının gəlişi münasibəti
ilə nə dedi:
Yaxın qohum, əziz dostum,
Bizim elə xoş gəlibsən.
Öpüm səni, budur qəsdim,
Çəmən gülə xoş gəlibsən.
Aldı Azaflı:
Aşıq Şəmşir, dağlar oğlu,
Köklə sazın dilə gəlsin.
Söz qoşunun alay-alay,
Qatar-qatar ilə gəlsin.
Aldı Şəmşir:
Bu elləri gördü gözüm,
Bir kamil sərrafsan özün.
«Qoca qartal» adlı sözün
Düşüb dilə, xoş gəlibsən.
Aldı Azaflı:
Duyğularda zülal kimi,
Min mənalı sual kimi,
Qıy vuranda qartal kimi
Dağlar, daşlar dilə gəlsin.
Aldı Şəmşir:
Sənətimin nur şüası,
Ürəyində haqq duası,
Sinəsində söz dəryası
Donub lələ, xoş gəlibsən.
Aldı Azaflı:
Söz qoşduğun çiçəklərə,
321
Xoş arzulu diləklərə,
Ürəklərdən-ürəklərə
Nəğmən gülə-gülə gəlsin.
Aldı Şəmşir:
Qəlb oxşayan sənətimiz,
Fitri kamal qüdrətimiz,
Dövranımız, şöhrətimiz
Keçsin belə xoş gəlibsən.
Aldı Azaflı:
Vurğun ilə gəzən yerdən,
O ətirdən, o əsərdən,
Gözlərinlə Ələsgərdən
Gözlərimə şölə gəlsin.
Aldı Şəmşir:
Şəmşirəm, Miskindir babam,
Səni sevir elim, obam.
Gec gəlibsən, sənlə davam
Çoxdur, hələ xoş gəlibsən.
Aldı Azaflı:
Nə yetmişi, nə səksəni,
İstəyincə yaşa səni.
Azaflının od vətəni,
Dünya ona lələ gəlsin.
«Hər tərəfdən əhsən-əhsən» səsi asimana bülənd
oldu, «sağ olun», «sağ olun» sədaları dağlara, daşlara səs
salmışdı. Elə bil ki, ruzigarın gözü belə şənlik
görməmişdi. Aşıq Şəmşirin sevincinin həddi-hüdudu yox
idi. Aşıq Mikayıl Azaflı Aşıq Şəmşirlə qohum idilər.
Azaflının babasının qardaşı Kərbəlayı Kərim bir hadisə ilə
əlaqədar olaraq öz mahalı Şəmşəddindən uzaq düşmüşdü.
Gedir Kəlbəcərin Dəmirçidam kəndinə, oradan da
322
Ağdabana gəlir. Ömürlük o kənddə yaşayır. Böyük bir
nəsil artmış, yeddi oğlu və iki qızı olmuşdur. Qızını
Şəmşirin babası Qocaya vermiş, ondan Şəmşirin atası
Qurban olmuşdur. Aşıq Qurban öz dövrünün böyük,
kamil bir sənətkarı olmuşdur. Göyçəli Aşıq Ələsgərlə siğə
qardaş olmuşdur. Ona görə Ağdaban kəndinin çoxu
Azaflının əmisi uşağı sayılır. Onlar belə qohum idilər. O
nəslə Dəlləkli nəsli deyirlər.
Azaflının gəlişini eşidib, Aşıq Şəmşirin qonağı daha
da çoxaldı. Qohumlar, dostlar, dövrünün ən məşhur şair-
aşıqları olan, Qəşkeş Allahverdi, gözəl şair olan Əli
Qurbanov və qeyriləri gəlmişdi. Şəmşir xahiş etdi ki,
Azaflı yollarda əziyyət çəkib, bir az dincəlsin, sonra
deyər. Özü sazı sinəsinə basıb, görək «Divani» havası ilə
nə dedi:
Xanəmizə dürr kəlamlı, bir kamil insan gəlib,
Sanki ruhum təzələnib, cəsədimə can gəlib.
Təlatümə gəlib təbim coşğun Araz, Kür təki,
Dəryalardan xərac alan çox dərin ümman gəlib.
Havalanıb dövrə çıxıb, alıcı tərlan kimi,
Kəlmələri şəhdi –zülal, həm ləli-mərcan kimi,
O, Misrdən yola düşüb, Yusifi-Kənan kimi,
Bəlkə gözə işıq verən Yaquba dərman kimi.
Qoymaram gözdən yayına, olsa əlacım mənim,
Qoy yolunda sərf olunsun, badi xəracım mənim,
Etibarlı vəfadarlı sərimdə tağım mənim,
Qəlb evində taxta çıxıb, Mülkü-Süleyman gəlib.
Sözü şirin, kəlmə lətif, əqli kamaldan dürüst,
Tərbiyəli ad qazanıb eldə, mahalda dürüst,
Fəhimdən-fərasətdən, huşdan, camaldan dürüst,
323
Elə bil meydana bu gün Ələsgər Qurban gəlib.
Əl verib zalım qocalıq, deməyin müstər mənə,
Şəmşirəm keçdi günüm, çatdı yaşım səksənə,
Cavanlığın təlatümü yadıma düşdü yenə,
Mənə ürək vermək üçün Azaflı Loğman gəlib.
Məclis əhli yerbəyerdən dedi «Sağ ol, baba»,
«Şəmşir, var ol», «Dədə Şəmşir, iman yiyəsi olasan!»
Azaflını tərif etdi, görəsən dediyi kimi varmı? Xahiş
edirik bir divanı da o, oxusun, - dedilər.
Şəmşir dedi:
- Azaflını görənlər tanıyırlar, Qafqazdakı bütün
azərbaycanlılar tərifləyirlər.
Bu zaman Aşıq Azaflı, Aşıq Şəmşirdən icazə
istəyib, sazı sinəsinə basdı, «Zəncirləmə» bəhri-təvil iki
qafiyə divani deməyə başladı:
Adam var ki, el anası o şən dövran istəyir,
Adam var ki, qəlb aynası məslək vicdan istəyir,
Adam var ki, iltiması dahi qanan istəyir,
Adam var ki, təmənnası dərdə dərman istəyr,
Adam var ki, şər xətası fitnə-şeytan istəyir,
Adam var ki, bəşər yası zülm zaman istəyir,
Adam var ki, iddiası qala zindan istəyir,
Adam var ki, can şəfası şən gülüstan istəyir,
Adam var ki, insan xası cənnət məkan istəyir,
Adam var ki, su sonası yar mehriban istəyir,
Adam var ki, qan qalası iblis oğlu-iblisdi,
Adam var ki, qadir sübhan – Şahi Mərdan istəyir.
Adam var ki, məhəbbəti, eşqi yanar dünyada,
Adam var ki, sədaqəti dostu qanar dünyada,
Adam var ki, səxavəti hörmət anar dünyada,
324
Adam var ki, ədaləti haqqı qanar dünyada,
Adam var ki, şan-şöhrəti hədər sanar dünyada,
Adam var ki, ibadəti edər kənar dünyada,
Adam var ki, təbiəti xaliq sanar dünyada,
Adam var ki, qəm möhnəti qəlbi sınar dünyada,
Adam var ki, ünsiyyəti şaha qonar dünyada,
Adam var ki, var-dövləti gəzər dinar dünyada
Adam var ki, təxti-rəvan şahı cahan istəyir.
Adam var ki, hər büsata çatar gedər, Azaflı,
Adam var ki, xarabata batar gedər, Azaflı,
Adam var ki, yata-yata yatar gedər, Azaflı,
Adam var ki, min-min xəta tutar gedər, Azaflı,
Adam var ki, ata-ana satar gedər, Azaflı,
Adam var ki, minər ata tatar gedər, Azaflı,
Adam var ki, can barata qatar gedər, Azaflı,
Adam var ki, qazamata atar gedər, Azaflı,
Adam var ki, heyvanata otar gedər, Azaflı,
Adam var ki, kainata səttar gedər, Azaflı,
Adam var ki, yüz həyata qatar gedər, Azaflı,
Adam var ki, gəzər sağ can haqqı-divan istəyər.
Azaflının bu divanısına hamı heyran qaldı. «Əhsən
kəlamına, biz belə divanı eşitməmişdik. Çox sağ ol, bizi
feyziyab etdin. Azaflı, bayaq səninlə zarafat edirdik. Sən
doğrudan da qüdrətli sənətkarsan, hamımız üzünü
görmədən belə səni çox istəyirik», - dedilər.
Şəmşir dedi:
- Gördünüzmü mən düz deyirəm. Onun gəlişi ilə bir
təcnis yazdım. Qulaq asın onu deyim. Çünki ustadlar
divanından sonra təcnis demişlər. Aldı Şəmşir görək nə
dedi:
Nə zamandı qalıb həsrəti didar,
Bu gün qonaq gəldi bu dağ bu dağa.
325
Elə bil gül açıb, gəlibdi bahar,
Könül bağçasında bu tağ, bu tağa
Azaflı dedi:
- Ustad, təcnisə cavab vermək olmaz, amma
oxşatmaq olar. Təzadı ilə demək olar. Odur ki, dağın
təzadı arandı. İcazə ver, əksini mən deyim.
Aldı Azaflı:
Aranmı yaxşıdı, dağmı yaxşıdı,
Deyiblər gözəldir aran arana.
Düz-əyri, xeyir-şər vaxtın naxşıdı.
Salar ayrılığı aran-arana
Aldı Şəmşir:
Dərs aldım yetişdim iki sənədə,
Bir gün yol düşəcək iki sənədə.
Eşqidən çəkilib iki sanədə,
Baxıram oxşayır bu dağ bu dağa.
Aldı Azaflı:
Kamal haqdandı birinci sinə,
Vurğunam sənətin bir incisinə.
İnsan duyğusunun birincisi nə?
Əzəl namus, qeyrət, ar an ar ana.
Aldı Şəmşir:
Şəmşir üçün zərdin ayağı dostun,
Doğsun günəşinin ay ağı dostun.
Mənimlə süzülüb ay ağı dostum,
Əriyib qarışır bu dağ bu dağa.
Aldı Azaflı:
326
Azaflı namərdin ata daşını,
Mərd igidlər vurmaz ata daşını,
Əsil oğul atmaz ata daşını,
Tez-gec qohum-qardaş aranar ana.
Şəmşir Azaflının əllərini sıxıb onu varlığı ilə
bağrına basdı və dedi:
- Əhsən istedadına, fitrətinə, zehninə, təbinə,
ilhamın artıq olsun, bərakallah. Doğrudan da mənim
təcnisimə cavab oldu. Sən varlıqların əksini də, təzadını
da yaxşı bilirsən, mən dağı dedim, sən aranı. Mən daşı
desəm sən torpağı deyərsən. Böyük sənətkarsan, çox
sevinirəm ki, xalqımızın sənin kimi kamil, qüdrətli
sənətkarı vardır. Allah sənə uzun ömür versin, hələ
cavansan, yazıb-yaradasan.
Azaflı Aşıq Şəmşirdən bir söz demək üçün icazə
istədi, ustad dedi: «İzindir, buyur».
Aldı Azafl:
Mən səni görəndə, ay Dədə Şəmşir,
Vurğunun nuranı yadıma düşdü.
Abbas Qurban, Qasım, Hüseyn, Ələsgər,
Qurbanı, İmanı yadıma düşdü.
İstərəm canımı yandırsın odun,
Qopuzun, kamanın, ney, sazın, udun.
Mən səni görəndə Dədə Qorqudun
Oğuzlar dastanı yadıma düşdü.
Azaflı quludur düz etibarın,
Dərd ürəklərdən getməz diyarın.
Mən səni görəndə mərd ataların
Məclisi, dövranı yadıma düşdü.
327
Azaflı bu şeri deyəndə hamı bir cür oldu. Şəmşir
Azaflını qucaqlayıb öpəndə hər ikisinin gözündə bir neçə
qətrə yaş damlaları göründü. Çünki bu vaxt Vurğun
əhvalatı yada düşdü.
Bəli, məclis aram olanda Azaflının əmisi oğlu
Qəzənfər ayağa qalxıb dedi:
- Şəmşir baba, Mikayıl Azaflıya icazə ver, indi
əmisinin, həm də mənim qonağım olsun. Bir neçə gün də
məclis bizdə keçsin.
Şəmşir dedi:
- Oğlum, Azaflı bütün mahalın qonağıdı, buyurun,
indi də sizdə olaq.
Qəzənfər Kəlbəcərdə olurdu. Səhəri Kəlbəcərdən
Qəzənfərin evində Azaflının adına böyük bir məclis
quruldu. Qohumlar, dostlar, şairlər, aşıqlar, sənətsevərlər
və bütün istəyən-sevən hamısı gəldi. Erkəklər kəsildi,
qurbanlar paylandı. Əmisi oğlu Qəzənfər dedi:
- Əmioğlu, əhdim var, gərək yeddi qurban kəsəm,
qonaqlar çoxaldı.
Kəlbəcər mahalında Şəmşirdən sonra böyük
sənətkar və kamil şair-aşıq Qəmkeş Allahverdi məclisdə
dövran etməyə başladı. Aldı Qəmkeş görək nə dedi:
O qədər ki, həsrətini çəkmişdim,
Saya saldı haqqı, tarı Azaflı.
Hicran hücrəsindən, qəm qalasından
Azad etdi intizarı Azaflı.
Qəmkeş belə deyəndə Azaflı sazını sinəsinə basıb
görək nə dedi:
Dünya faciədir, həyat vahimə,
Tutub çərxi-fələk marı, a Qəmkeş.
Gah dönür zalıma, gah gəlir rəhmə,
328
Gah tökür boranı, qarı, a Qəmkeş.
Aldı Qəmkeş:
Ariflər sözümü saymaz qəbahət,
Şeri sənə verib Sahibi-qüdrət.
Özün bir azəri, ismin kainat,
Bizim elin iftixarı Azaflı.
Aldı Azaflı:
Bilməm azəriyəm, əğəməm, türkəm,
Çox yadlar əlində talanmış ölkəm.
Yarandım elimin qəhrını çəkəm,
Yazan yazdı məhbəsdarıya, Qəmkeş.
Aldı Qəmkeş:
Budadı Qəmkeşi qəhrin sitəmi,
Olaq sirr yoldaşı könül həmdəmi.
Yoxluğu, varlığı, şadlığı, qəmi
Bölək qardaş kimi yarı, Azaflı.
Aldı Azaflı:
Azaflıyam, verdim sizə könlümü,
Bağladım vicdanı düzə könlümü.
İstərəm əzaba dözə könlümü,
Çəkək vətən dərdi, arı, a Qəmkeş.
Söz tamam oldu. Hər tərəfdən əhsən-əhsən sədaları
dağlara, dərələrə səs saldı. Məclis çox gur keçirdi. Bu ara
Azaflı çox yorulmuşdu, məclisdən icazə aldı ki, bağçada
bir az dincəlib gəlsin.
Hamı razı oldu. Azaflı bağçada oturub hər şeyi seyr
edirdi. Birdən fikirləşdi ki, ay dili-qafil, Kəlbəcərdə şəfa
bulağı var, bura Ələsgər oylağı olub, Qurban oylağı olub,
İman sorağı olub, Vurğun qonağı olub, Şəmşir çırağı olub,
329
nə üçün bir Kəlbəcər şeri yazmayım. Elə oradaca bir şer
yazıb, yenə məclisə gəlir.
Gələndə görür ki, şair Əli Qurbanov görüşə gəlib.
Hər iki şair bir-biri ilə görüşürlər. Bu ara əmioğlu
Qəzənfər Azaflıdan xahiş edir ki, bağda yazdığın şeri
deyəsən. Azaflı sazı sinəsinə basıb görək nə dedi:
Zirvəsi göylərdən ərşə ucalan.
Dağlar kahkaşanı Kəlbəcərdədir.
İşğallar başından taxtı-tac alan
Koroğlu nişanı Kəlbəcərdədir.
Keçmişin yazdığı memar nəqqaşı,
Əsrə tarix dəyər hər türbə daşı.
Cahan bir canlısa burdadır başı,
Ziyarət məkanı Kəlbəcərdədir.
Şimşək pərdəsində çalanda kaman
Əl vurub buludlar, oynayır duman.
Şabaşı yağışdan tökülən zaman
Tərtərin ümmanı Kəlbəcərdədir.
Ələsgər, Qurbanı salıb söz bağı,
İmanın, Şəmşirin əziz oylağı,
Vurğunun gəzdiyi ceyran bulağı,
İstisu dərmanı Kəlbəcərdədir.
Söhbəti Babəkdən, Dədə Qorquddan,
Təbiət qəlbinə töküb yaqutdan,
Donu gül-çiçəkdən, şalı buluddan,
Güllər gülüstanı Gəlbəcərdədir.
Sənət dəryasına çaylar daşdıran,
Əliyə, Məmmədə min dil açdıran,
Şamilə, Qəmkeşə dastan qoşduran
Abbası, Bəhmanı Kəlbəcərdədir.
330
Azaflıyam, hələ sözüm az oldu,
Mehriban görüşüm bir muraz oldu.
Elə ki, qış getdi, gəldi yaz oldu,
Dünyanın mehmanı Kəlbəcərdədir.
Məclisdəkilər Azaflının ifaçılıq bacarığına, saz
çalmaq məharətinə heyran qalmışdılar. Xahiş etdilər ki,
sazda bir «Azaflı dübeytisi» çalsın. Azaflı sazı sinəsinə
basıb elə məharətlə çaldı ki, məclisdəkilər sazın sədaları
altında sanki şerə dönmüşdülər. Bu vaxt Əli müəllim
məclisdə oturanlara dedi:
- Burda Azaflıya bir şer yazmışam, icazə verin onu
deyim.
Dedilər ki, buyurun. Görək Əli müəllim nə dedi:
Dostlar, tamam məst olmuşam
Azaflının məclisində.
Hikmətlə zirdəst olmuşam
Azaflının məclisində.
Zilləndikcə sazda cəngi,
Nurlandı dünyanın rəngi,
Yaraqlandı Babək həngi
Azaflının məclisində
Hər obada şöhrət-şanı,
Ləli –mərcan, gövhər kanı.
Xəyalım gəzdi dünyanı
Azaflınıni məclisində.
El hikməti aşdı-daşdı,
Telli sazla qucaqlaşdı.
Əli döndü cavanlaşdı
Azaflının məclisində.
331
Hamı ehtiramla, hörmətlə Əli müəllimə afərin dedi.
Şer hamının xoşuna gəldi. Azaflı dedi:
- Şer xoşuma gəldi. Əli müəllim razı olsa, ona mən
də cavab deyərdim.
Yerbəyerdən hamı: «Buyurun» - dedi. Görək Azaflı
nə dedi:
Mən istərəm Azərbaycan
Eli ola məclisimdə.
Arifləri, dahiləri
Ali ola məclisimdə.
Hər üzləri xoş sevinci,
Ala zövqü, ürək dinci.
Şerlərin inci-inci,
Ləli olan məclisimdə.
Ağrıtmaya söz ürəyi,
Sağlıq deyə düz ürəyi.
Həqiqətin öz ürəyi,
Dili ola məclisində.
Şəmşir, Yusif, Qəmkeş, Bəhman,
Həm Şəhriyar, həmi Orxan,
Bəxtiyarla o Zəlimxan,
Əli ola məclisimdə.
Azaflının sədaqəti,
Mehribanı, məhəbbəti,
Bu dünyanın bir neməti
Bəli ola məclisimdə.
332
Bəli, söz tamam oldu, hamı Azaflının şer deməsinə
heyran qaldı. Nə isə, məclis çox aramla gedirdi, şairlərin,
aşıqların sözləri tükənmirdi. Məclisin belə bir vaxtında
Qəmkeş Allahverdi dedi:
- Ustad, bizim İstisuya Muğandan bir qız gəlib. Bir
neçə şairlə, aşıqla deyişib, hətta mənimlə də deyişib, çox
qəribə qızdı.
Azaflı maraqlanıb xəbər aldı:
- Adı nədir?
Qəmkeş dedi:
- Adı Narınc Xatundur. Bir qədər olar ki, İstisuya
gəlibdi.
Azaflı Narınc Xatun adını eşidəndə bir an özünü
itirən kimi olub, fikrə getdi. Qəlb aləmində nələr
olduğunu deməklə qurtarmaz. Özü-özünə dedi: «Bu necə
xoş təsadüfdür, mən onu aranda görməyə gedirdim, gör
dağlardan taleyimə necə xoş gün düşdü».
Bu vaxt Azaflı Qəmkeşdən xahiş etdi ki, Xatunla
olan deyişmələrdən birini de. Qəmkeş razılıq əlaməti
olaraq sazı sinəsinə aldı, görək Xatunla olan deyişməsini
necə dedi.
Xatun:
Bel bağladı Dəli Kürə,
Yandı aran düzdə, Xatun.
Könül vüsal həsrətindən
Gözü yolda, izdə, Xatun.
Qəmkeş:
Dəli Kürdən söhbət açdım,
Közə döndü söz də Xatun.
Yetər bir gün vüsal dəmi,
Hicranlara döz də, Xatun.
Xatun:
333
Günlər mənə edir sitəm,
Ocaq-ocaq olub sinəm.
Nədir hicran, nədir bu qəm,
Yanır sönməz közdə Xatun.
Qəmkeş:
Biz şairlər qəm övladı,
Şirin olur vüsal dadı.
Yanar ocaq, sönməz odu,
Alovlana köz də, Xatun.
Xatun:
Xatun eldən ar eyləyir,
Gen dünyasın dar eyləyir,
Yazıb sirrin car eyləyir,
Gəzir dildə, sözdə Xatun.
Qəmkeş:
Qəmkeş, olar köz ürəkdə,
Alovlana söz ürəkdə.
Haqq yaşasa düz ürəkdə,
Arzu gülər üzdə, Xatun.
Söz tamam oldu, məclisdə oturanlar qızın şerinə
heyran qaldılar. Dedilər şerindən görünür ki, onun bir
dərdi vardır. Qəmkeş dedi:
- Çox fikirli, xəyallı qızdır, nə sirdirsə şerləri elə
nikbindir.
Azaflı bu sözləri eşidəndə qəlbində rahatlıq tapa
bilmədi. O bütün gecə çimir eləmədi, Xatunun xəyalı ilə
səhəri açdı. Səhər durub əmisi oğluna dedi:
-İstisuya getməliyəm, gəl mənimlə bərabər gedək.
Qəzənfər ona maraqla baxdı. Azaflı dedi ki, yolda
sənə danışaram. Hər ikisi İstisuya yola düşdülər.
334
İndi sizə kimdən deyək Muğan qızı Xatundan.
Xatun bir neçə gün idi ki, anası ilə İstisuda dincəlməkdə
idi. Azaflının fikri, xəyalı ilə yaşayan Xatun bu gözəl
İstisu dağlarında da rahatlıq tapa bilmirdi. O istəyirdi ki,
Muğana qayıtsın, bəlkə Azaflıdan bir məktub gələ, bir
xəbər eşidə. Onun qəlbinə hakim kəsilən bu ülvi
məhəbbətin iztirabları elə bil duyğularını, fikirlərini də
əlindən almışdı. Elə hey deyirdi: «İlahi, cövrü-cəfa mənə
etsin itəm, təki ona bir xəta gəlməsin, mən onun hər
cəfasına dözərəm».
Bir an Xatunun qəlbindən bir həsrət, bir haray
qopdu, görək nə dedi:
Duman aldı bağlarımı,
Hardasan hayıma səs ver.
Şirin keçən cağlarımı,
Hardasan hayıma səs ver.
Təbli, ilhamlı cağımda,
Küsür söz də dodağımda.
Qoydun qəmlər qucağında,
Hardasan səsimə səs ver.
Xatun yandı gilə-gilə,
Yandı cismi, döndü külə.
Ayım, günüm dönüb ilə,
Hardasan hayıma səs ver.
Xatun belə pəjmurdə ikən onun pasibanı olan
Məryəm ana içəri girib dedi:
- Qızım, iki nəfər səni görmək istəyir.
Xatun örtüyünü alıb, başını örtüb qapıya çıxdı.
Gördü ki, aşıq libasında Yusif misallı bir oğlanla orta
335
yaşlı kişidir. Xatun onlara «buyurun» - dedi. Bu vaxt
Azaflının əmisi oğlu Xatuna yaxınlaşıb dedi:
- Xanım qız, bu oğlan Aşıq Mikayıl Azaflıdır. Sizi
görməyə gəlibdi.
Xatun sevincdən tutulmuşdu, heç nə deyə bilmədi.
Bu an Azaflı ona yaxınlaşıb dedi:
- Salam, Xatun, xoş gördük!
Xatun da onun salamını alıb dedi:
- Xoş gəlmisiniz!
Bu vaxt anası onları içəri dəvət etdi. Hörmətlə yer
göstərdi, onlar izn istəyib oturdular. Elə bil ilk baxışdan
bu duru bənizli, zərif, gözəl, heyran baxışlı Xatun
Azaflının qəlbini özünə əsir etdi. Xatun isə bu təsadüfi
görüşdən özünü itirmişdi.
Bəli, bu vaxt Azaflının gəlişini bilən dostları,
tanışları onu görməyə gəldilər. Əlbət ki, Aşıq Azaflıynan
Narınc Xatunu kim dinləmək istəməzdi. Odur ki,
Azaflının gəlişinə aramı bir məclis düzəldi. Hamının fikri
Azaflı ilə Xatunda idi. Qəlbi sözlə aşıb-daşan Azaflı
məclisdən izn istəyib, sazı köynəkdən çıxartdı. Zilini zil,
bəmini bəm edib, görək nə dedi:
Aranda gəzdiyim dağda göründü.
Nə gözəl qədəmim buraya düşdü.
Zirvələr baş əydi səcdəgahıma,
Elə bil aləmlər haraya düşdü.
Azaflı belə deyəndə məclis əhli Xatundan xahiş etdi
ki, o da bir söz desin. Xatun bu təklifi yerə salmayıb
görək nə dedi:
Hər bir günün fərəh dolu anı var,
Ömrümün bu günü necə say düşdü.
Elə bil qarşımda baş əydi dağlar,
336
Aranıma haray düşdü, hay düşdü.
Azaflı:
Püskürən eşqimdən qopdu hərarət,
Elə bil təsadüf oldu zərurət.
Dolanım başına, edim ziyarət,
Canım qurbanıdı, fədaya düşdü.
Xatun:
Fərəhimdən gözümə nur ələndi,
Yerlər, göylər sevincimə bələndi.
Qədir dostlar söz qədrini biləndi,
Bu ülfətdən bu gün mənə pay düşdü.
Azaflı:
Getsin Azaflının ahı, naləsi,
Yanar vüsalında qəmin şələsi.
Günəşin işığı, Ayın şöləsi
Kainat gözümdə dünyaya düşdü.
Xatun:
Bu dünyanın qəm üzünü kim dilər,
Ağır yükün ağırlığın nər bilər.
Xatun deyər zər qədrini zər bilər,
Getdi möhnət, sevinc mənə pay düşdü.
Bu iki aşiq deyişsə də gözləri bir-birindən
ayrılmırdı. Sanki ürəkləri də bir-biri üçün döyünürdü.
Xatunun yaxın bir adamı astadan Xatunun qulağına dedi:
- Ay qız, bu ustad çox hazırcavabdır, özünü gözlə,
meydanda məğlub olma, o bütün şer formalarının
hamısını bilir. Tez qıfılbəndə keç.
Xatun istəmirdi ki, Azaflı məğlub olsun, çünki nə
müddətdi onun həsrətini çəkirdi. Söz tamam olanda Azaflı
Xatuna dedi:
- Xanım qız, indi məclis, söz sizindir.
337
Xatun bir qədər tərəddüd etdi, amma məclisdəkilər
əl çəkmədi. Yerbəyerdən: «Söz sənindi, Xatun,» - dedilər.
Bu an Xatun Azaflıya baxdı, Azaflı işarə elədi ki, de.
Xatun bundan çox məmnun qaldı. İndi görək aldı Xatun
nə dedi:
Bir hakim görmüşəm beş aləm üstə,
İki gedir, iki uçur, bir olur.
Səkkiz min yeddi yüz altmış içində
Şeytan olur, mömin olur, pir olur.
Azaflı məclisdəkilərdən icazə istədi, hər bəndə beş
dəqiqə vaxt vermək olarmı? Dedilər bəli, lap on dəqiqə də
olar. Xatun çox peşman oldu, ürəyində dedi kaş
deməyəydim. Azaflı dedi:
- Xatun, sözünün cavabına qulaq as, amma fikrini
dəyişmə.
Görək Azaflı nə dedi:
İnsan bir aləmdir, beş budaq üstə
İki ayaq, iki qolu bir olur.
Səkkiz min yeddi yüz altmış saat
Alim olur, nadan olur, pir olur.
Xatun:
Dördü beş-beş, iyirmi beş cəmi bir,
Birində altı yol, dərdi-qəmi bır.
Arzusu bir, diləyi bir, qəmi bir,
Açıq olur, bağlı olur, sirr olur.
Azaflı:
Dörd əl-ayaq barmaq beşə bağlıdır,
Bir başda altı yol işə bağlıdır.
338
Ürəyi ürəyə,demə bağlıdır,
Aşiq olur, məşuq olur, sirr olur.
Xatun:
Xatun deyər neçə ad var Quranda?
O nədir ki, çarx dolanır hər anda?
O nədir ki, yer-göy gəzir, bir anda,
Alim olur, sultan olur, pir olur.
Azaflı:
Azaflı, san min bir ad var Quranda,
Kainatı çərx dolanır hər anda.
Fikir-xəyal, yer-göy gəzir, bir anda,
Dərya olur, dünya olur, sirr olur.
Söz tamam oldu, hamı bu iki sənətkara ürəkdən
əhsən-əhsən söylədi. Xatun Azaflının əllərini sıxıb dedi:
- Böyük ustad, indi söz sizindir.
Azaflı dedi:
- Mən səninlə görüşməyə gəlmişəm, deyişməyə yox,
sabah Ceyran bulağında deyərəm. İndi sənə bir qatar
sözüm var, qoy onu deyim.
Sazı sinəsinə basıb görək nə dedi:
Bu könlümün dünyasında
Müdam andım, gəzdim səni.
Aşiq, dərviş libasında
El dolandım, gəzdim səni.
Xatun:
Sehri-eşqin xatasında
Yaralandım, gəzdim səni.
Onun qaynar sevdasında
339
Paralandım, gəzdim səni.
Azaflı:
Yolum düşdü min zülmətə,
Əsir oldum qəm-möhnətə.
Ən müqəddəs məhəbbətə
Mən inandım, gəzdim səni.
Xatun:
Ürəyimin bir səsindən
Nəfəs aldım nəfəsindən.
Xəyalının şöləsindən
Qaralandım, gəzdim səni.
Azaflı:
Azaflıyam amanlarda,
Dağ-dağ oldum zamanlarda.
Tufanlarda, yamanlarda
Oda yandım, gəzdim səni.
Xatun:
Xatun kamın alar kamdan,
Pərvanələr yanar şamdan.
Diyar-diyar el-obamdan
Aralandım, gəzdim səni.
Hər iki aşiq-məşuq elə bil dünyaya təzə gəlmişdilər.
Sevincin, şadlığın, şənliyin ləzzəti göylərin tacına,
gecənin qaranlığına nur çiləyirdi. O gecə səhərə kimi
aşiqlə-məşuq söhbət etdilər. Xatun soruşdu ki, neçə
vaxtdır səndən nə bir məktub, nə də bir xəbər gəlir,
ümidimi itirmişdim.
Azaflı dedi:
340
- Əzizim, insan qəza-qədərdən qaçıb qurtara bilmir.
Allaha çox şükür ki, tale bizi burada görüşdürdü. Mən
ağır günlərimdə belə səni görmək ümidi ilə yaşamışam.
Azaflı başına gələn hadisədləri nəql elədi. Xatunun
qəmi sevincə, sevinci qəmə qarışdı. Xatun dedi:
- Demək sənə böhtan atılmış, xeyli əziyyət
çəkmisən. Bəs niyə mənə yazmamısan?
- İstəmirdim, sənin qəlbin ağrıya.
Xatun yenə dedi:
- Demək, anan səni nişanlamışdı?
Azaflı dedi:
- O mən istəmədən olubdu. O vaxtı səndən məktub
alanda, ustad Yusif sənin xəbərini gətirən gündən bütün
varlığımı sənə vermişəm. Səndən qeyri ürəyimdə heç kim
yoxdur. İndi elə bilirəm bütün dünya-aləm buradadı.
Hər iki aşiq şirin-şirin söhbətlərlə səhəri açdı.
Səhərlər üzünüzə xeyirliklə açılsın.
Azaflının dostları, tanışları, sənətsevərləri vaxta
hazır olub Xatunla Ceyran bulağına getdilər. O günü
Ceyran bulağının qonaqları çox idi, amma Azaflı ilə
Xatun ən əziz qonaq sayılırdı. Hamı Azaflını gözləyirdi
ki, bir söz desin. Azaflının gözü isə Ceyran bulağının
daşına yazılmış adlarda idi: «Səməd Vurğun-Şəmşir».
Onun üstünə çox qonaqlar gəlib-getmişdi: Aşıq Ələsgər,
Aşıq Alı, Aşıq İman, Aşıq Qurban, Aşıq Şəmşir, Səməd
Vurğun. Azaflı sazı köynəyindən çıxarıb, görək Ceyran
bulağından nə soruşur, nədeyir:
Gəlmişəm türbəni ziyarət edim,
Ellərin oylağı Ceyran bulagı.
Kef-dəm əvəzinə fəğan eylədim,
Dərdlidir qonağın, Ceyran bulağı.
Başında saxlayır göyü dağların,
341
Qüdrətdən nur səpir axar-baxarın.
Karvan –karvan gəlir hər gün zəvvarın,
Kəsilməz yığnağın Ceyran bulağı.
De niyə üzümə nisgilli baxdın,
Talanmış könlümü yandırıb-yaxdın.
İstədim su içəm, qəlbimə axdın,
Bir intizar dağı Ceyran bulağı.
Dəlidağ başında mil tarixin var,
Salsaldan, Babəkdən qalmış yadigar.
Mehmanın olubdur Koroğlu, Nigar,
Əsrlər növrağı, Ceyran bulağı.
Azaflı, inlədi ürək sözlərin,
Hanı Ələsgərdən ayaq izlərin?
Vurğunu axtarır yaşlı gözlərin,
Şəmşirin oylağı Ceyran bulağı.
Azaflının Ceyran bulağına dediyi söz hamının
ürəyindən oldu. Xahiş etdilər ki, Xatun da bir söz desin.
Azaflı dedi:
- Ceyran bulağına mən dedim, Dəlidağ da onun
vuqarıdır, ona da Xatun desin.
Xatun Azaflıdan izn istəyib görək nə dedi:
Bahar gəlib gözəlləşdi
Dəlidağ da, Dəlidağ da.
Gözəlliklər sehirləşdi
Dəlidağda, Dəlidağda.
Yapıncısın salıb belə,
Qarı, buzu dönüb selə,
Bərəkətdir günə, elə
342
Dəlidağ da, Dəlidağ da.
Cilvələnib hüsnü mehdən,
Çəmən yuyur üzün şehdən,
Sədalanıb dərə neydən
Dəlidağda, Dəlidağda.
Çeşmələrin suyu baldır,
Çiçəklərin sarı, aldır,
Gözəllikdə gözüm qaldı
Dəlidağda, Dəlidağda.
Xatun Şəmşir sözün istər,
Etibarın düzün istər,
Mərd iyidlər izin istər
Dəlidağda, Dəlidağda.
Hamı bu iki sənətkara çox sağ olsun, var olsun, bizi
feyziyab etdiniz, ilhamınız, təbiniz artıq olsun dedi.
Ceyran bulağının qonaqları yeyib-içəndən sonra hər kəs
öz istədiyi dağları, yamacları, seyr etməyə getdi. Azaflı ilə
Xatun da təbiətin dağlara verdiyi gözəlliklərə,
çəmənliklərə tamaşa edirdilər. Gələcəklərindən heç nə
demirdilər. Xatunun qəlbi kədərlə dolmuşdu. Azaflı
düşündü etdi ki, yəqin məndən söz istəyir. Görək Azaflı
nə dedi:
Sevgilim, gözəlsən Günəşdən, Aydan
Ulduzlar zəvvardır elindən ötrü.
Cənnətin qızları tökülüb göydən,
Tamaşana gəlir telindən ötrü.
Məhəbbət çırağı, eşqin işığı,
Gözəllər mürşüdü, el yaraşığı,
343
Şaha baş əyməyən haqqın aşığı
Əsir-yesir olub dilindən ötrü.
Azaflıyam, ey yar, qəlbində olam,
Eşqinə vurğunam, eşqinə qulam.
Ey qibleyi-aləm, olarmı qalam,
Dolanım başına belindən ötrü.
Xatun yenə dillənmədi, Azaflı ürəyində fikirlələşdi:
«Yarəbb, görəsən buna nə oldu? Mənim günahım nədir? »
Elə bil minbir mənzərəli dağları duman aldı. Aldı görək
nə dedi:
Sənə ürək verdim, pənah gətirdim,
Günahsız öldürmə yar, insaf eylə.
Qoy özü öldürsün məni gözlərin,
Vermə yad əlinə, bir insaf eylə.
Dünyaya sığmayan ürəyə sığar,
Bəla da acıqdan, qəzəbdən doğar.
Bulud təki dolan, yağış tək yağar,
Baharda yağdırma qar, insaf eylə
Azaflı neyləsin üzü dönəndə,
Məhəbbət işığı birdən sönəndə.
Asdır boğazından, öldür sinəndə,
Qur o saçlarında dar, insaf eylə.
Xatun o zaman Azaflının üzünə baxdı, gözlər
gözlərə zilləndi, yenə dinmədi. Görək indi nə dedi, «Baş
sarıtel» havası ilə:
Verdin eşqin bəlasını
Xana-xana, a tərlanım.
344
Yıxaq hicran qalasını
Yana-yana, a tərlanım.
Olsun əhd-peymanımız,
İlqarımız, imanımız.
Keçib gedir zamanımız,
Sana sana, a tərlanım.
Azaflıyam diləyimi,
Küsdürmüşəm mələyimi,
Gəl qanatma ürəyimi
Qana-qana, a tərlanım.
Bu zaman Xatun gülə-gülə Azaflının əllərindən
tutub dedi:
- Səni sınayırdım, görüm doğrurdan da məni
sevirsənmi? İndən belə ixtiyar sənin əlindədir. Necə
istəyirsən elə edə bilərsən.
Azaflı dedi:
- Əzizim, mən yola düşməliyəm, həm də Gürcüstan
mahalında toyum var.
Xatun bu an dəli kimi oldu. Gözləri dola-dola görək
nə dedi:
And verirəm o dağlara,
Getmə, amandır, gəl getmə.
Bu müqəddəs bulaqlara,
Getmə, amandır, gəl getmə.
Azaflı:
Səbr eylə döz mehr-ülfətim,
Söz vermişəm, gedər gəlləm.
Yaxşı saxla əmanəti,
Söz vermişəm, gedər, gəlləm.
345
Xatun:
İndi bildim pənahım sən,
Sevincim sən, gunahım sən,
Kənizinəm, ay şahım, sən
Getmə amandır, gəl getmə.
Azaflı:
Canım qurban yar boyuna,
Dünya dəyər bir muyuna.
İki gəncin mən toyuna
Söz vermişəm, gedər, gəlləm.
Xatun:
Xatun deyər getmə aman,
Qoyma könlümü bədguman.
Can istəsən can da qurban,
Getmə, amandır, gəl getmə.
Azaflı:
Azaflının bu halına,
Yanar eşqin məlalına.
Gürcüstanın mahalına
Söz vermişəm, gedər, gəlləm.
Söz tamam oldu. Azaflı dedi:
- Əzizim, bu ayrılıq hər ikimiz üçün çox çətindir.
Bilirəm səndən ayrı mənim də səbr-qərarım olmayacaq.
Xatun göz yaşları tökərək dedi:
- Əzizim, mən səni itirməkdən qorxuram, çünki sən
ananın sözündən çıxa bilmirsən.
Azaflı Xatunun göz yaşlarını silərək dedi:
- Mən anamın dediyi ilə heç vaxt razılaşmayacam.
Mənim yeganə arzum, diləyim, məhəbbətim sənsən.
Xatun dedi:
346
- Mən səni hər gün, hər an gözləyəcəm. Saçlarım
ağarsa belə yenə səni gözləyəcəm.
Azaflı dedi:
- Əzizim, mehribanım, mən səni dünyanın o başında
olsan belə tapacam.
Xatun dedi:
- Nə edək, bu ayrılıq yenə bizim üçün çətin bir yol
açdı.
Ürəyi qəmlə dolan Xatun görək nə dedi:
Səndən ayrı bilirəm mən,
Yaman olar bu ayrılıq.
Həsrətinlə yanar könlüm,
Aman olar bu ayrılıq.
Azaflı:
Ey Xatunum, ey cahanım,
Xəyal olar bu ayrılıq.
Məhəbbətdə imtahanım
Sual olar bu ayrılıq.
Xatun:
Günlər keçsə sına-sına,
Cəfalarda məni sına.
Gözlərimin qarasına
Duman olar bu ayrılıq.
Azaflı:
Əgər olsa bir mümkünüm,
Səndən ayrı olmaz günüm.
Dağ-dağ eylər ərşi ünüm,
Məlal olar bu ayrılıq.
347
Xatun:
Saldın eşqin axarına,
Yandım günəş baxarına,
Xəyal düşsə baharıma,
Güman olar bu ayrılıq.
Azaflı:
Şirin görüş, sevinc qəmi,
Gözlərimin yaşı zəmi,
Eşqimizin sınaq dəmi
Aman olar bu ayrılıq.
Xatun:
Xatun deyər, ay aləmim,
Oldun fikri, qəhri-qəmim.
Bir gün yetsə vüsal dəmim,
Talan olar bu ayrılıq,
Yalan olar bu ayrılıq.
Azaflı:
Azaflını tikən könül,
Göz yaşları tökən könül,
Aman həsrət çəkən könül,
Bihal olar bu ayrılıq,
Vüsal olar bu ayrılıq.
Söz tamam oldu. Aşiqlə məşuq bir-birinə söz verib,
əhd-peyman bağlayıb ayrıldılar. Aşıq Azaflı Şəmşəddin
mahalına, oradan da Gürcüstana, Xatun isə Muğana yola
düşdü.
Bəli, sizə kimdən deyək, iki aşiqdən. Payız
aylarıydı, toylar bir-birinin ardınca gedir, Aşıq Azaflı elin
toy şənliklərini sazı-sözü ilə bəzəyirdi. Onun səsi
Gürcüstandan, Göyçə mahalından, Dəmirqapı
348
Dərbənddən, Qafqazın çox yerindən gəlirdi. Azaflı belə
səfərlərdə də Xatunu bir an belə unuda bilmirdi. Anası bir
neçə dəfə təklif etmişdi ki, oğlum, gəl toyunu edim, ancaq
Azaflı razı olmamışdı. O, yalnız anasının Xatuna
razılığını gözləyirdi. Ana isə inad edirdi. Azaflı odla su
arasında qalmışdı. Bir də anasına hörməti olduğundan
başqa cür hərəkət edə bilmirdi. Belə-belə aylar, günlər
gəlib keçirdi. Bu ara ona bir məktub verdilər. Məktub evə
gəlmişdi. Şəyirdi Xanlar məktubu gətirib ustadına verdi,
məktub Xatundan idi. Azaflı naməni sevincək açıb oxudu.
Birdən onun üzünü elə qəm bürüdü ki, məclis əhli də
bunu duydu. Xatun yazırdı:
Payız keçib, qış yetişib, yaz gəlib,
Bağça-bağda bülbül zarı görünməz.
Çıxdın seyrangaha min həvəs ilə,
Bu könlümün vəfadarı görünməz.
Vədə verib məndən uzaq gəzənim,
Məclis qurub sözü-sözə düzənim,
Mən necə şad olum, necə bəzənim,
Gülşənimin xan sərdarı görünməz.
Xatun deyər, görən gözüm ağlayır,
Dindirməyin, dildə sözüm ağlayır,
Ayrılıqdan canda dözüm ağlayır,
Dözülməzdir, könül yarı görünməz.
Azaflı sazı çalıb elə yana-yana oxuyurdu ki, bütün
məclis əhlini vəcdə, heyrətə gətirmişdi. O, Xatunlu bir
aləmdə idi. Şair qəlbi sözlə dolmuşdu. Şəyirdinə işarə etdi
ki, dəftər-qələm gətirsin, dediyini yazsın. O, sazı sinəsinə
basıb, görək bədahətən necə dedi:
Gəl pərişan olma, vəfalı Xatun,
349
Səndən ayrı üz gülməzdir, üz gülməz.
Düşəndə yadıma yanır həyatım,
Yar həsrəti dözülməzdir, dözülməz.
Mən aşiqəm diyar- diyar gəzərəm,
Saz tutuban sözü-sözə düzərəm,
Xəyalımla can evimi bəzərəm,
Sənsiz misram düzülməzdir, düzülməz.
Vəsfini eylərəm min aya, günə,
Ayrılıq salmasın eşqi düyünə.
Azaflının hakim oldun könlünə,
Qəlbim səndən üzülməzdir, üzülməz.
Söz tamam oldu. Məclis əhli yerbəyerdən «Sağ ol,
aşıq, Allah sənin murazını versin», - dedilər. Məclis
qurtarandan sonra Azaflı Xatuna yazdığı məktubu
Xanlara verib dedi:
- Apar məktubu yola sal, gəl.
Bəli, Azaflı ellərin toy-düyünlərini belə yola verirdi.
Onun səsi-sədası, eşqi, sevdası bütün mahala yayılmışdı.
Bir gün yenə ustadı Yusiflə toydan evə qayıdırdı. Yolda
ustadı dedi:
- Oğlum, daha bəsdir, get öz toyunu eylə,sonra da
ellərin toyunu edək. O sənin yolunu gözləyir, gör neçə
vaxtlar gəlib keçi, gör ananı razı sala bilirsənmi?
Azaflı dedi:
- Ustad, anam Xatuna razılıq verməyincə,
evlənməyəcəm.
Onlar evə getdilər. Bir qədər dincəlmişdilər ki, ana
dedi:
- Oğlum, Molla Əhməd səni axtarırdı.
Usta Yusif dedi:
- Görən niyə axtarır, toy var ki?
350
Bu vaxt anası Azaflıya dedi:
- Özü də çox hirsli idi, bir məktub verib, al oxu, gör
nə yazıb?
Azaflı ilə ustadı məktubu oxudular. Görək Molla
Əhməd nə yazır:
Nə müddətdir çalışırsan söz üçün,
Hələ çatmamısan başa nə qaldı?
Bir düşərsən kamil ustad əlinə,
Çəkərsən əlindən haşa nə qaldı?
Ucada oturma, qayıdıb enərsən,
Hündürdən danışma, yavaş dinərsən.
Kərkədan yerinə himar minərsən,
Çəkərsən qatırla qoşa, nə qaldı?
Bir söz deyim el içində məzəli,
Yaxın vaxtda toy-nişanın azalı.
Tafqırın boşalıb, belin nəzəli,
Qarnıyın doymağı yovşana qaldı.
Molla Əhməd sözün deyər sənana,
Nəsihətdir anlayana, qanana.
Pişik qalxır, pəncə çalır aslana,
Nəhənglər meydanı dovşana qaldı.
Usta Yusif deyir ki, bu necə olan işdir? Azaflı ərz
edir ki, usta, yəqin kimsə aranı vurubdu, yoxsa o,
havayıdan söz deməz. Usta deyir:
- Məqsədin nədi?
Azaflı dedi:
- Məqsədim deyişməkdi.
Görək Azaflı Molla Əhmədə nə yazır:
351
Əhməd dayı, əzəl salamməleyküm,
Həcvi söz yazmısan cəncəl, a molla.
Mən nə səni, nə sən məni görməmiş
Gəlsən törətməyək cəncəl, a molla.
Dəyirman dönəndə şahadı batar,
İlan baş ağrıyar, yol üstə yatar.
Nanəcib dil açsa yaxşını satar,
Arala köçünü sən gəl, a molla.
Azaflı söz mülkün eylər virana,
Hörmət qoy kəlama, dinə, Qurana,
Şeytan fitnəsilə girsən meydana,
Keçəcək başına çəngəl, a molla.
Namə Molla Əhmədə çatan kimi oxuyub
məzmunundan hali olur. Yaman qorxur, bu vaxt onu
deyişməyə vadar edən adam özünü yetirir mollanın
yanına. Onun qorxduğunu görüb deyir:
- Ay Molla Əhməd, sən həm aşıq, həm şair, həm
molla, həm də alim. Sən gör bir kimdən qorxursan?
Dünən meydana çıxan bir uşaqdan. Qorxma, onu
meydana çağır. Molla ürəklənib görək nə yazır:
Əleyküməssalam, aldım məktubun,
Yaxşı elədim yazdım, gəl-gəl Azaflı.
Deyən şairlikdə çox dotələbsən,
Gəlmək istəyirsən, sən gəl, Azaflı.
Dəyirmançı deyib yekəlik satma,
Görürsən ki yatıb, marı oyatma.
Qocalmış pələngə boş fişəng atma,
Gətirər başına əngəl, Azaflı.
352
Məhf etdi Nəmrudu, bir dənə milçək,
Sən də fəxr eyləmə o Dağyunus tək.
Daşqın bir şairdir, Əhməddən əl çək,
Tap tayını onla tən gəl, Azaflı.
Məktub Azaflıya çatır. Oxuyub məzmunundan hali
olur. Həmin vaxtı ustadı Aşıq Yusifi də götürüb Qovlara
gedir. Məclis qurulur, aşıq ilə molla söz meydanına çıxır.
O zaman aravuran adam da özünü yetirir. Məclisi
hamıdan çox o qızışdırır. Məclisdə ağsaqqallığı o yerin
ən hörmətli ağsaqqalı Abbasəli kişi edirdi. Məclisdə
şairlər də, aşıqlar da, ariflər də, aqillər də, hər yerdən
eşidib bilənlər də iştirak edirdi. Birinci sözü mollaya
verdilər.
Aldı Molla Əhməd:
Qışda çıxma dağ başına, qarı gözlə-gözlə sən,
Doğru yanda əyri demə, şəri gözlə-gözlə sən.
Məğrur olub əl uzatma hər yetənin əlinə,
Pəncə çalar dəstim sıxar, zoru gözlə-gözlə sən.
Molla divanisinə görək Azaflı nə cavab verdi:
Hayıxıb gedir üstünə nəri gözlə-gözlə sən,
Bu dalaşda, bu deyişdə səri gözlə-gözlə sən.
Zəlzələdən daldalanıb, girmə daxma-deşiyə,
Gah irəli, gah sol-sağa, geri gözlə-gözlə sən.
Molla Əhməd:
İstər gəda, istər şah ol, oturanda taxta sən,
Saralarsan heyva kimi əcəl gələn vaxta sən.
353
Elə bil tabut üstə hazırsan qabaqda sən,
Qazıbdılar məzarını, goru gözlə-gözlə sən.
Azaflı:
Bir ayağı amandadır, bir ayağı dardadır,
Ölüm bir haqqın işidir, hələ mənə hardadır?
Ömrün keçib, günün keçib, titrər başın gordadır,
Sorğu-sual qarşısında dəri gözlə-gözlə sən.
Molla Əhməd:
Əhməd deyər yaradan var, dolandırır dünyanı,
Murğu könlüm şəhpər çalır, dövr eyləyir asmanı.
Haqq nəzəri əyri baxsa göydən salar tərlanı,
Ovçu durub bərəsində toru gözlə-gözlə sən.
Azaflı:
Azaflıyam, Xudam verib hər dərdimi ziyada,
Ərşin- gürşün səyyadıyam, getmə mənlə piyada.
Nə öləsən, nə itəsən, bu dəm fani dünyada,
Mənşərətən hey yaşayıb, yeri gözlə-gözlə sən.
Divani deyişmələr başa çatdı, hamı afərin, əhsən
dedi. Bu vaxt ağsaqqal dedi ki, indi də söz Aşıq Mikayıl
Azaflınındır. Bu zaman arada xeyli mübahisə oldu. Azaflı
deyir ki, əzizlərim, aşıq sənətində sözlərin, havaların adı
var. Bütün qoşmaların 52 adı var, havaların isə 102 adı
var. Onun hamısını deməliyik, neçə gun, neçə ay çəkər,
çəksin. Bu sözü eşidəndə molla qorxuya düşür. Öz-özünə
deyir: «Axı mən onların çoxunu bilmirəm. Bu dəfə də söz
mənim olsa, qıfılbənd deyəcəm. Yoxsa bu məni
bağlayacaq, el içində biabır olacam».
354
Molla xahiş edir ki, bu dəfə də sözü mənə verin.
Məclisdəkilər deyirlər ki, Azaflı , qoca kişidir, qoy o
desin. Molla Əhməd fürsəti fövtə verməyib qıfılbəndə
başlayır. O aravuran adam qulağına deyir.:
- Ayə, bərk dur! İsmi-əzəm duası oxu, dilini-ağzını
bağla.
Molla deyir:
- Evim yıxıldı. Mənim evimi sən yıxdın. Bağlamanı
tapsa mən batdım.
Aldı Molla Əhməd:
Dövr edib dünyanı, dolan ətrafın,
Nə üstə qurulmuş, orada nə var?
Əzəl əldən neçə millət yarandı?
Neçəsi əfzəldi, neçə günahkar?
Azaflı dedi ki, biz belə danışmadıq. Divanidən
sonra təcnis olmalıdı. Tez qıfılbənd demək qorxaqlıqı.
Molla Əhməd hər şeyi boynuna alıb dedi:
- Mən o siz deyənləri bilmirəm, bildiyim budur,
cavab verirsən ver, vermirsən özün bil.
Azaflı dedi:
- Ustadlar belə deməyib, bu hesab deyil, ustad yolu
getməliyik.
Molla dedi:
- Mən ustad deyiləm, mollayam. Bilirsən ki, molla
ilə aşıq ləc olurlar.
Azaflı dedi:
- Onda sözünün cavabını al.
Dünya dövrü-dərya, çərxi-cazibə,
Mah üstə qurulub, orada bu var.
Yetmiş iki millət yarandı əzəl,
Beş, yeddi əfzəldir, şeytan günahkar.
355
Hamının gözü Azaflıya dikilmişdi. Onun qalib
gəlməyini istəyirdilər. Beş–yeddinin mənasını soruşdular.
O dedi:
- Beş-pənci əladır, yeddi əfzəl peyğəmbərdir. Onlar
Allahın yanında bütün yaranmışdan əzizdir.
Mollanın özü də bu sualın açılmasına heyran
qalmışdı. Özünü sındırmayıb dedi:
Dolanan gərdişin neçədir pəri,
Neçəsi irəli, neçəsi geri?
Harada qurulur çarxın dəvvarı,
Onun yazısında neçə məna var?
Azaflı:
Dolanan gərdişin on dörddür pəri,
Yeddisi göydədir, yeddisi yeri,
Nil Hüt dəryasında çarxın dəvvarı,
Onun yazısında yeddi məna var.
Molla Əhməd:
Hansı ağac bitti cənnət bağında,
Nə kəlmə yazıldı ərşin sağında?
O nədir ki, olur baş ayağında,
Olan zamanın da mənə ver xəbər.
Azaflı:
Tubb ağacı bitdi cənnət bağında,
Kəlmeyi-şəhadət ərşin çağında.
Buzov uşaq olur baş ayağında,
Sağıb, doğulanda özün bil nə var.
Molla Əhməd:
O kimdir ki, durub cəm-cəmin üstə?
O kimdir kimnən çəkibdi bəstə?
O kimdir deyirlər hey yatır xəstə?
356
Ölüdür, diridir, onda nə sirr var?
Azaflı:
Yaradan durubdur cəm cəmin üstə,
Şeytan Adəm ilə çəkibdi bəstə.
Əli atda Sal-sal hey yatır xəstə,
Gah ölü, gah diri, onda nə sirr var?
Molla Əhməd:
Dörd dərviş quyuya atanda səngi,
İki ovçu ona atır xədəngi.
Altının altıya bənzəri rəngi,
Əhməd deyər bunu eylə aşikar.
Azaflı:
Dörd fəsil bir ilnən etdikcə cəngi,
Ay ilə gün ona atar xədəngi.
Altı ayın, altı aya bənzəri rəngi,
Azaflı sözünü eylər aşikar.
Söz tamam oldu. Əl vuran kim, mərhaba deyən kim,
Azaflını öpən kim, hamı sevinirdi. Söz Azaflıya verildi, o
dedi:
- Divanidən sonra təcnis deyilməliydi. Molla
demədi, qıfılbənd dedi. İndi mən təcnis deyəcəyəm. Dörd
iynə gətirin. İkisi mənim, ikisi mollanın, iynənin birini
dodağın arasına, birini dil ilə damağın arasına qoyub
deyəcəyik. Hamı məəttəl qaldı, iynələri gətirdilər. Molla
bəribaşdan dedi:
- Mən təslim, sən də nə oxuyursan, oxu. Mən
dodağıma, damağıma iynə batıra bilmərəm.
Aldı Azaflı, dodaqdəyməz, diltərpənməz, zindani,
dilsiz təcnis deməyə:
Haqqı ağa, haqqa axa həqiqi,
357
Ac yağı ağıya, a yağa hey-hey.
Yağı qıyı qaya-qaya ax, ahı,
Ahı qıy yağıya ay ağa hey-hey.
Qağa yaxı haya ay, haya-haya,
Axa-axa yeyi ay haya-haya.
Yağı əyə-əyə ay həya-həya,
Ey aqeyi yaxı ayağa hey-hey.
Ay Azaflı ağı yaxı ay, ah, ey
Qah-qah yağı ey hey, ya hey, aya hey.
Yeyi yeyə, yeyi hayə, aya hey,
Ağa, ağa, ağa, ay ağa hey-hey.
Azaflı hər bəndin mənalarını da dedi.
Molla dedi:
-Mən bilənlərdən desin. Belə təcnis eşitməmişəm.
O mollanın adamı da çox etiraz elədi ki, Azaflı da
qırılbənd desin. Bu nədir, adamın dili də tutmur.
Aldı Azaflı:
Bir hakim əyləşib iki taxt üstə,
Beş min üç yüz otuz birinnən dərdi bir.
Dördü min üç yüz otuz vəzir, vəkili,
Üç yüz altmış yüz səksəni gördü bir.
O nədir ki, iki yeddi rəngi var?
Bir vərəq üstündə min bir şah yaşar.
Dörd, on dərya gördün alnından daşar,
Qırxı beşdir, beşi dörddür, dördü bir.
Azaflı ilhamı sehri-baratdı,
Dərd piyada, ərən göründü atdı.
Min doqquz yüz yarə məni qocaltdı,
Səkkiz şahın doqquz taxtda yurdu bir.
358
Söz tamam olan kimi Aşıq Yusif, Abbasəli kişi və
bir neçə arif, aqil Azaflını bağrına basıb öpdü. Molla
Əhməd də öpdü və dedi:
- Oğlum, afərin zəkana, ilhamına, təbinə, hər zaman
zehnin artıq olsun!
O, Aşıq Qəhrəmanı göstərib dedi:
- O məni aldadıb səninlə deyişdirdi, mərdimazara
Allah lənət etsin! Məni bağışla!
Bəli, bu vaxtı Aşıq Qəhrəman ayağa qalxıb dedi:
- Bu hekayətin, bu deyişmənin qəhrəmanı mənəm,
mən olmasaydım bu yaranmazdı. Təşəkkürü mənə verin
ki, bunları mən deyişdirdim. Bunun adı «Molla-aşıq
hekayəti» kimi qalsın.
Döyran qurtardı.
İndi sizə kimdən deyək Narınc Xatundan. Narınc
Xatun Azaflıdan ayrılandan sonra gözündə bir dünya,
könlündə bir aləm Muğana gəldi. Elə bil Muğan da
gözündə dəyişmişdi.
Azaflının xəyalı bir an da olsa onu tərk etmirdi.
Ceyran bulağındakı o görüş anları və birdən-birə
gözlənilməyən bu ayrılıq Xatunun qəlbində möhnətə,
həsrətə dönmüşdü. Günlər, aylar gəlib keçirdi. Azaflıdan
heç bir xəbər yox idi. Ancaq Xatun yenə də onun yolunu
intizarla gözləyirdi. Bəzən də fikirlər içərisində dəlicəsinə
sarsılırdı: «Axı o, nişanlıdır. Anası mənim kimi sənətkar
qızla evlənməyinə razı olmaz». O, şübhələr içərisində
boğulsa da sevdiyindən ümidini üzmürdü. Çünki onun
Azaflıya olan məhəbbətinin həddi-hüdudu yox idi. O,
bəzən göz yaşları töküb deyirdi: «Əzizim, qəmin də,
möhnətin də mənə şirindir. Əgər bu şübhələr olmasaydı,
mən sənin məhəbbətinlə yüz ömür yaşardım». Belə
qəmlər içərisində donub qalan Xatun könlü vüsal
həsrətində görək nə dedi:
359
Bahar olub ətirləndi
Çiçəklərin yanağında.
Şerə dönüb sətirləndi
Nəğmələrin dodağında.
Zirvələrdə duman oldum,
Quzeylərdə donan oldum,
Bir susmayan kaman oldum
Aylar, illər sorağında.
Xatun, yardan uzaq düşdün,
Yollarına çıraq düşdün,
Gözü yaşlı bulaq düşdün
Hicranların qucağında.
Heç nədən təsəlli tapmayan Xatun intizar günlər
keçirirdi. Bir gün Azaflının və Xatunun Kəlbəcərli dostu
Əli Qarabağdan dövlət işi üçün Muğana gəlir. Deyir
gedim Xatunla görüşüm. Gəlir Xatunla görüşür, onu çox
pərişan görür. Əli deyir:
- Bacı, gözümə birtəhər dəyirsən, Azaflıdan nə
xəbər var? Xatun Azaflının nə səbəbdənsə gəlmədiyini
deyir. Qəlbi yar gileyində görək Xatun nə dedi:
Arif insan Əli qardaş,
Günlər çəkib dara məni.
Sənsən hər sirrin şahidi,
Qoyma yanım nara məni.
Bu sirrimi necə danım,
Ondadır canım, cahanım.
Sən o Tanrı, o imanın,
Yetir, yetir yara məni.
360
Xatunam eşqə diləndim,
Söz kövhərinə bələndim,
Bircə sözə pünhan gəldim,
Söylə sitəmkarə məni.
Əli dedi:
- Xatun, Azaflı ilə sən mənə canımdan əziz
adamlarsız, yolunuzda hər əziyyətə dözməyə hazıram.
Mən Qarabağa qayıdıb, oradan da Şəmşəddin mahalına
getməliyəm. Xatun bir qədər etiraz etdi ki, getmə. O, dedi
ki, getməliyəm. Bu hal məni karıxdırıb. Görüm ona nə
olub, bəlkə başında bir hadisə var.
Xatun dedi:
- Bu naməni də ona verərsən.
Əli naməni alıb, Xatunla görüşüb yola düşdü. O,
Qarabağa, oradan da Şəmşəddin mahalına getdi.
Əli o vaxt Şəmşəddin mahalına gəlib çıxır ki, Azaflı
neçə gündür Molla Əhmədlə deyişmədədir. Əli tanışlıq
vermədən məclisin gur yerində oturub işin axırını
gözləməli olur. Məclis qurtaran kimi Əli ayağa durdu.
Azafli ilə görüşüb-öpüşdülər. Sonra Azaflı ustadı Yusifi,
dostu Əlini götürüb evlərinə gəldi. Oturub yeyib-içəndən
sonra Əli Muğana getdiyindən, Xatunu gördüyündən
danışmağa başladı. Azaflı soruşdu ki, onu necə gördün,
əhvalı necədir? Mənim ayağım cidadan, dilim sözdən
qurtarmır. Bilirəm onun intizar qalmağına səbəb mənəm.
Bu vaxt Əli məktubu çıxarıb ona verdi. Dedi:
- O, səni gözləyir, bacar tez get.
Azaflı məktubu oxuyanda ustadı dedi:
- Oğlum, şerdirsə sazla oxu. Qoy Əli də qulaq
assın.
Azaflı sazı sinəsinə basıb oxudu:
Əgər soruşsan Xatunu,
361
Qəlbi ağlar qan, Azaflı.
Şam təki hicrində yannam,
Bir deyən yox can, Azaflı.
Gözdə axan yaş olmuşam,
Qəmlərə sirdaş olmuşam,
Sanki dönüb daş olmuşam,
Olmuşam büryan, Azaflı.
Xatun əldən gedir canı,
Kəsilib səbri, gümanı,
Sənsən təbibi, loğmanı,
Gəl eylə dərman, Azaflı.
Söz tamama yetdi. Amma Azaflı sazı yerə qoymadı.
Daha da coşqunluqla çalırdı. O, elə çalırdı ki, yaşla dolan
gözlərindən qəm tökülürdü. Bunu duyan dostu Əli çox
kövrəldi. Əlini Azaflının çiyninə qoyub dedi:
- Əziz dostum, sən məni kövrəltdin, indi şahidi
oldum ki, sən də onu sevirsən.
Azaflı dedi:
- Qulaq as gör nə deyirəm:
Mənim ürəyimdə o mehri-mahım
Cahan bir yanadır, o bir yanadır.
Səmada ulduzum, günəşim, ayım,
İnan, bir yanadır, o bir yanadır.
Həsrətdən çəkirəm dərdi, yamanı,
Fəryadı, naləni, ahı, amanı.
Ömrümə verməyə hökmü, fərmanı
Zaman bir yanadır, o bir yanadır.
Odur kainatım bu kainatda,
Sevdi Azaflı da sehri-baratda.
Dünya aləmində mülki-həyatda
362
İnsan bir yanadır, o bir yanadır.
Söz tamam olanda Əli Azaflını bağrına basıb dedi:
- Dostum, indi fikrin nədir?
Azaflı dedi:
- Sabah Muğana yola düşməliyəm. Daha qala
bilmərəm.
Əli dedi:
- Mən də səninlə gedirəm.
Belə söhbət etdikləri vaxt ana içəri girdi. Oğlunu və
Əlini bikef görüb, təəccüblə onlara baxdı. Azaflı anasına
dedi:
- Ana, mən sabah Muğana gedirəm.
Ana şübhə içərisində dedi:
- Oğlum, toyların belə çox vaxtında Muğanda nə
işin var? Bir də ki, sənin toyuna hazırlıq görürük.
Azaflı dedi:
- Yox, ana, mən mütləq Muğana getməliyəm.
Ana daha heç nə deməyib, pərt halda otaqdan çıxdı.
Azaflı gecəni belə açdı. Səhər dostu Əli ilə birlikdə
Muğana yola düşdülər.
Həmin günün axşamı Gəncədə qonaq qaldılar.
Azaflının gəldiyini eşidən şairlər, aşıqlar, onun başına
yığıldılar. Molla Əhməd əhvalatı necə olmuşdusa, onu
nəql etdirdilər. Sonra xahiş etdilər ki, aramızda böyük
mübahisə var. Gərək bizə bir təcnis gəraylı, çığalı
gəraylı, təxmis gəraylı oxuyasan. Azaflı dedi:
- Məni imtahanmı edirsiniz?
And içdilər ki, yox, yalnız bilmək istəyirik.
Azaflı dedi:
- Yeddi gəraylı forması var. Siz deyənləri oxuyum,
qulaq asın.
TƏCNIS GƏRAYLI
363
İnsan oğlu, hörmətini
Saxla namus, qan ar, qan ar.
Kamil sənət qiymətini
Eldən alar qanar-qanar.
Namərd qəlbə al, çax deyər,
Ucalara alçax deyər,
Alçax sözü alçax deyər,
Yaralarım qanar-qanar.
Azaflıyam bir yarım çıx,
Ürəyimi bir yarım çıx.
Bir bədəsil, bir yarımçıx,
Çətin-çətin qanar-qanar.
Söz tamam oldu. Hamı xahiş etdi ki, bu təcnis
gəraylını de yazaq. Hamı qələm götürüb, ikinci cığalı
gəraylını yazmağa başladı:
Dönük çıxsa yar aşiqə,
Ürək yanar, dil qan ağlar,
Yaradan ol yar aşiqə.
Vəfasız yar
Könül talar
Oda qalar,
Alovlanar, gül qan ağlar.
Əsil aşiq müdam yanar,
Əhvalını qanan qanar.
Şər axtaran haqqı danar,
Qopar mənşər,
Dava düşər,
İnlər bəşər,
364
Çərxi sınar, il qan ağlar.
Azaflının saf niyyəti
Ürəyində məhəbbəti.
Dostuma var sədaqəti,
Ədaləti,
Həqiqəti,
Şərafəti,
Zalım talar, el qan ağlar.
Söz tamam oldu. Hamı «mərhəba, əhsən» dedi.
Xahiş etdilər ki, de, bunu da yazaq.
Azaflı üçüncü təxnis gəraylını deməyə başladı:
Qəlbi daş, qəm ürəyini
Oyanmadı, oyanmadı,
Qəlbi daş, qəmu rəyimi
Oy anmadı, oy anmadı.
Yandı canım, oda yandı,
Yandı canım, oda yandı,
Yandı canım, o dayandı,
O yanmadı, o yanmadı.
Azaflı o yatdı, yatdı,
Azaflı oy atdı, yatdı.
Azaflı oyatdı, yatdı,
Oyanmadı, oyanmadı.
Onlar Azaflıdan çox razı oldular, onun
sənətkarlığına heyran qaldılar. Ona uzun ömür, cansağlığı,
uğurlu yollar arzuladılar. Məclis çox yaxşı keçdi.
Qonaqlar şad-xürrəm ayrıldılar. Azaflı isə gecəni orada
qalıb, səhəri dostu Əli ilə Muğana yola düşdü.
365
Aşıq Azaflı dostu Əli ilə yola düşməkdə olsun, indi
sizə kimdən xəbər verim Muğan qızı Narınc Xatundan.
Gözləri yolda, qəlbi intizarda ümidini itirmiş Xatun
hər şeyə biganə qalmışdı. Bu sıxıntılar, bu şübhələr
Xatunu necə də dəyişdirmişdi. Onun göz yaşları
qurumurdu. Muğana bahar gəlmişdi. Təbiətin vurğunu
olan Xatun elə bil çox sevdiyi güllü-çiçəkli Kürün
sahillərindən də küsmüşdü. Evdən heç bir yana çıxmırdı.
Rəfiqələri bilirdi ki, Xatun baharın vurğunudur. O, yaz
vaxtları gəzməyi sevir. Odur ki, qızlar yığma qoydular ki,
sabah Kür üstünə gəzməyə gedək. Səhəri qızlar yığılıb,
Xatunu da götürüb Kür üstünə getdilər. Onlar körpüyə
yaxınlaşıb güllü-çiçəkli bir yer seçdilər. Kilim-palaz
döşədilər. Samavara od saldılar. Gətirdikləri naz-neməti
süfrəyə düzdülər. Onlar əylənib, yeyib-içdilər. Çal-çağır,
hay-haray səsləri Kürün sularına qarışaraq qayalarda əks-
səda verirdi. Bu məclisdə bircə Xatun gülüb-danışmırdı.
O, sakit, fikirli dolanırdı. Xatunun belə görən qızlar onu
araya aldılar, dedilər:
- Xatun, niyə gülüb-danışmırsan? Xeyli vaxtdır səni
pərişan görürük. Bizi bu sirdən agah elə. Nədir səni belə
sıxan?
Xatun qızları belə mehriban görəndə görək göz
yaşları içində nə dedi:
Xanım qızlar, soruşmayın halımı,
Büryan olub qəmdə canım, ağlaram.
Susubdur ilhamım, tuti zəbanın,
Pərişandır can-cahanım, ağlaram.
Bir Yusif misalli, Yüsifi-Kənan,
Cəfai-eşqində eyləyib büryan.
Verdim Züleyxa tək varımı qurban,
Gedib əldən şövkət-şanım, ağlaram.
366
Bu gizli dərdimi yazım haraya,
Seyrəqublar şüvən salıb araya.
Ah çəkmədən özüm döndüm ah-vaya,
Yetməz əlim, yox amanım ağlaram.
Xatunam alıbdır kədər-qəm məni,
Bürüyübdür duman məni, çən məni,
Soran olsa deyin bəxti kəm məni,
Gedibdir sultanım, xanım, ağlaram.
Söz tamam olanda qızlar dedi:
- Xatun, qəm çəkmə, görünür o oğlan sənə vəfasız
çıxıb. Sən isə onun yolunda göz yaşı tökürsən.
Xatun dedi:
- O, vəfasız deyil, mənim taleyim belə gətirdi. Anası
ona öz qohumunu almaq istəyir. Mən isə sadə, sənətkar
qızam. Deyir sənətkar qızdan ana olmaz. Xatun belə
deyəndə öz taleyinə acıdı. Görək nə dedi:
Görüb bu dünyanı duyduğum gündən
Ulduzlu səmalar, ay mahım oldu.
Möhnəti-sevdaya düşdüyüm gündən,
Xəyallar, duyğular pənahım oldu.
Yandım bu sevdada şirin-şirin mən,
Zöhrə oldum, Leyli oldum, Şirin mən.
İçdim yarın qəhrin şirin-şirin mən,
Dövlətim, cəlalım, qəm ahım oldu.
Xatunam, dünyanı duydum dərindən,
Axır göz yaşlarım dərdi-sərimdən.
Nadan tənəsindən, nadan şərindən
Söz tutmaq, söz qoşmaq günahım oldu.
367
Xatunun yaxın rəfiqəsi Məlahət onu qucaqlayıb
dedi:
- Xatun can, əzizim, saz tutmaq, söz qoşmaq gunah
iş deyil. Onu sənə Tanrı bəxş edib. Qoy o Tanrı sənin
sevgilini də sənə yetirsin. Qızlar hamısı yerbəyerdən amin
dedilər. Bu vaxt qızlardan biri, gözəl səsi olan Briliyant
Xatundan izn istəyib dedi:
- İcazə ver, sənin sözlərindən birini oxuyum.
O istəyirdi Xatunun ürəyi açılsın. Qızlar
yerbəyerdən: «Oxu, ay qız, oxu», - dedilər. Briliyant sazı
sinəsinə basıb oxudu:
Mən elimin aşiqiyəm,
Demərəm ki, yorulmuşam.
Həqiqətin cövhərindən,
Məhəbbətdən yoğrulmuşam.
Gör nələr var harayımda,
Təcnisimdə, gəraylımda.
Dədə Ozan hər boyunda
Axıb-axıb durulmuşam.
Xatun, eşqin tükənməzdir,
Zirvələrdən enilməzdir.
Söz vüqarım yenilməzdir,
Çünki elə vurulmuşam.
Hamı qızlar ona: «Afərin-afərin, nə gözəl oxudun»,-
söylədilər. Əl-ələ verib gülüşdülər. Gah da bir-birnə gül-
çiçək atdılar. Bunların belə şən vaxtlarında diribaş
qızlardan biri dedi:
368
- Ay qızlar, bir ora baxın, iki nəfər kişi bizə sarı
gəlir. Odur ey, körpüdən duşdulər aşağı. Düz bizə sarı
gəlirlər. Biri deyəsən aşıq libasındadır.
Hamı körpü tərəfə baxdı. Birdən Xatun dedi:
- Aman Allah, olmaya bu Azaflıdı?
Bir də baxdı: «Azaflıdı, Azaflıdı», - deyib ona sarı
getdi. Qızlar məəttəl qaldılar. Azaflı da iti addımlarla ona
sarı gəlirdi. Bunlar bir-birinə çatanda Xatun hörmət
əlaməti olaraq ona sarı əyildi. Azaflı isə tez onun
qollarından tutub öz bərabərinə qaldırdı, Xatunun
gözlərinə baxdı. Bu an Xatun tutularaq ondan geri çəkildi.
Sevincdənmi, gileydənmi göz yaşları üzünə axdı. Kövrək
səslə görək Azaflıya necə «Xoş gəldin» deyir:
Tanrım nicat qıldı mənə,
Cövrü- məlalım , xoş gəldin!
İnanmıram gözlərimə,
Halım, əhvalım, xoş gəldin!
Xatun belə deyəndə Azaflı sazı sinəsinə basıb dedi:
Yarım, nədir giley-güzar,
Gileyinə qurban gəldim.
Tükənibdi səbri-qərar,
Oldum sənə heyran, gəldim
Xatun:
Əzəl gündən mehri-meylim,
Şirin sözüm, qəm gileyim,
Gəlişinlə bilməm neylim,
Cahı-cəlalım, xoş gəldin.
Azaflı:
Gözləri qəmlə dolanım,
369
Ürək verib, can alanım,
Məni odlara salanım,
Çəkdim ahı-fəğan, gəldim.
Xatun:
Ey dünyanın bəxtiyarı,
Aldın məndən ixtiyarı.
Götür sazı, dinlə yarı,
Bülbül nəvalım, xoş gədin.
Azaflı:
Küskün baxma, ey dürr dəhan,
Aşıq gəzər cahan-cahan.
Həsrətinlə yandım pünhan,
Keçdim boran, tufan gəldim.
Xatun:
Xatun deyər xaqanım sən,
Yerim, göyüm, cahanım sən,
Amanım sən, gümanım sən,
Küllü mahalım, xoş gəldin.
Azaflı:
Azaflı sən gülə qurban,
Döndü bağrım külə, qurban.
Gileylənmə elə qurban
Tovuz, Gəncə, Muğan gəldim.
Söz tamama yetdi.Qızlar da, Azaflının dostu Əli də:
«Allaha çox şükür ki, hər iki aşiq görüşə bildi»,- deyə
sevindilər. Nədənsə Xatun yenə kədərli görünürdü. Azaflı
öz-özünə dedi: «Sevinməkdənsə nə üçün kədərlidir?».
Odur ki, sazı sinəsinə basıb, dübarə görək nə dedi:
370
Dolma bulud kimi, a mehribanım,
Bir danış, sözunun fədası gəldim.
Döndərmə üzünü, şahım, sultanım,
Olmağa gözünün fədası gəldim.
Sevda həsrətindən yorğun olmuşam,
Möhnətdən bulanıb, durğun olmuşam,
Söylə, o dillərə vurğun olmuşam,
O günəş üzünün fədası gəldim.
Azaflıyam, qəmdən alasan məni,
Can deyib canına cala sən məni.
Qəlbinin oduyla qala sən məni,
Qoy yanım, gözünün fədası gəldim.
Bu dəfə Xatunun baxışlarından sevinc, şadlıq duyan
Azaflı dübarə beşlik gəraylı ilə görək nə dedi:
Gəlmişəm mehman,
Can sənə qurban.
Çəkmişəm hicran,
Sənin eşqindən.
Gəzdim dərində,
Dağlar sərində.
Qəmlər qəhrində,
Sənin eşqindən.
Yanmışam oda,
Gəl yetiş dada.
Gəzdim dünyada
Sənin eşqindən.
Dərmədim güllər,
Vermədim dillər,
371
Dolandım ellər,
Sənin eşqindən,
Azaflı təbin,
Titrəyir ləbim.
Alışdı qəlbim
Sənin eşqindən.
Söz tamam oldu, Xatun qonaqları evlərinə dəvət etdi.
Onlar deyə-gülə evə gəldilər. Ata-ana qonaqları çox
səmimi, hörmətlə qarşıladılar. Xatunun anası Kəlbəcərdən
Azaflı ilə qızının bir-birini sevdiklərini bilirdi. O haqda da
ərinə xeyli söhbət etmişdi. Ona görə Xatuna nə qədər elçi
gəlsə də qızının fikrini bilib gələnlərə yox demişdi.
İxtiyarı Xatunun özünə vermişdilər. Ata-ana bu gələn
qonaqların şərəfinə məclis düzəltdi. Yeyib-içəndən sonra
Əli dostuna dedi:
- Aşıq Azaflı, qızlar bir sifariş verib, deyirlər bugünkü
gün nə günüdür? Aşıq qardaş sazla desin.
Azaflı sazı köynəkdən çıxarıb, fikri Xatunda ola-ola
görək nə dedi:
Sevdamın dünyası, ey qibləgahım,
Mehriban görüşüm, mehrac günümdür.
Yetişdin dadıma, ey mehri mahım,
Səndən ayrı günüm tarac günümdür.
Həmdəmim olmasın xəyal görüşün,
Ürəyimdə minbir sual görüşün,
Əbədi mənimlə vüsal görüşün,
İntizar qəlbimə əlac günümdür.
Sən cansan Azaflıya sən indən belə,
Duram qulluğunda mən indən belə,
372
Keçsin günlərimiz şən indən belə,
Yarın yara sevinc, sirr aç günüdür.
Aşıq Azaflıdan bir də xahiş etdilər ki, həqiqətlə
bağlı bir söz desin. Azaflı: «Baş üstə» -deyib sazı sinəsinə
basdı:
İnsanlığın hər qanunu gözəli,
Həqiqətdir, həqiqətdir, həqiqət.
Düz dostluğun etibarı, təməli
Sədaqətdir, sədaqətdir, sədaqət.
İlham olur çaylar kimi çağlayan,
İstəməyə dərd-qəm çəkib ağlayan,
Qəlbi qəlbə, gözü gözə bağlayan
Məhəbbətdir, məhəbbətdir, məhəbbət.
Mötəbərdir, elə verən çörəyi,
Əsil odur, şəfa xeyrin gərəyi.
Yaxşılığın, ibadətin ürəyi
Səxavətdir, səxavətdir, səxavət.
Xoşdur canı haqq yolunda üzdüyüm,
Ucalmasın əməlindən bezdirim.
Azaflıyam, dünya üçün gəzdiyim
Ədalətdir, ədalətdir, ədalət.
Söz tamam oldu. Qonaqlar Azaflıya minnətdarlığını
bildirib, çox sağ ol deyib, görüşüb getdilər.
Azaflı ilə Xatun isə çıxdılar bağa gəzməyə. Onlar
gəlib bağın sakit bir guşəsində əyləşdilər. Gülün-çiçəyin
ətri, bülbüllərin səsi bütün bağı bürümüşdü. O gecə elə
füsunkar, elə gözəl idi ki, dilnən demək çətindi. Azaflı ilə
Xatunun sevinci, şadlığı yerə-göyə sığmırdı. Danışdıqca
sözləri, söhbətləri tükənmirdi.
373
Azaflı dedi:
- Əzizim Xatun, sənə dediyim kimi mən sabah
mahala yola düşürəm. Gedib necə olur-olsun anamı da bu
işdən razı salacam. Elimizin adəti ilə atanın qapısına
gələcəm. Sən bunu bil ki, mənim həyatım yalnız və yalnız
səninlə xoşbəxt olacaq. Qoy taleh bizə yar olsun.
Xatun dedi:
- Qoy tale bizi bir daha ayrılıqla sınağa çəkməsin.
Əzizim, indi mən bu sənli anların sevincində elə itib-
batmışam ki… Bu özü xoşbəxtlik deyilmi ?
Xatun bu hal ilə görək nə dedi:
Xoşbəxtlərin xoşbəxtiyəm,
Mənim yarım, mənim yarım.
Aldın məni qəm-möhnətdən,
Mənim yarım, mənim yarım.
Mətanətin enməz oldu,
Sədaqətin dönməz oldu,
Məhəbbətin sönməz oldu,
Mənim yarım, mənim yarım.
Ayrılığın nə yamandı,
Sənsiz könlüm bir virandı.
Xatun deyər bir cahandı
Mənim yarım, mənim yarım.
Söz tamam olanda Azaflı gülə-gülə Xatunun
əllərindən tutub dedi:
- Xatunum, mehribanım, sənsən mənim ömrümün
mənası, könlümün dünyası. Qulaq as, gör nə deyirəm.
Aldı yeddi qafiyə muxəmməslə görək nə dedi:
Mehribanım, din-imanım,
Canım, qanım, qurban olum.
374
Şahım, xanım, xanimanım,
Fikrim, anım, qurban olum.
Can cahanım, asimanım,
Şöhrət-şanım, qurban olum.
Həm loğmanım, həm dərmanım,
Şəfakanım, qurban olum.
Sənət eşqim, məhəbbətim,
Qibləm, Kəbəm, ziyarətim,
Yaz-baharım, təravətim,
Min aləmim, təbiətim,
Saf diləyim, sədaqətim,
Ömrə, günə dəyanətim,
Arzum, sevgim, mehr, ülfətim,
Sübhüm, danım, qurban olum.
Camalındır nur ziyalı,
Qaşlarındır ay hilalı,
Yanaqların dan boyalı,
Güldən gözəl gül camalın.
Hər kamaldan var kamalın,
Təb dəryası, zər amalı,
Bir baxışın min can alır,
Söz qananım, qurban olum.
Telin dəyər yüzlərinə,
Fəda olum gözlərinə,
Şirin-şirn sözlərinə.
Yandım aman gözlərinə
Nur çilənib üzlərinə,
Necə dözüm dözlərinə
Düşdüm sevda düzlərinə
Dürr məkanım, qurban olum.
Gələ-gələ Azaflını,
Gətir dilə Azaflını,
375
Gülə-gülə Azaflını,
Gövhər-lələ Azaflını,
Dünya bilə Azaflını,
Saxla elə Azaflını,
Xatun Banum, qurban olum.
Səhərlər üzünüzə xeyirliklə açılsın. Səhər oldu.
Azaflı, Xatun və onun ata-anası ilə görüşüb, böyük ümid
və arzularla Əli dostu ilə yola düşdü.
Yolda Azaflı Əliyə dedi:
- Mənim fikrim qətidir. Necə olur-olsun, anamı bu
işdən razı salmalıyam.
Əli dedi:
- Bu barədə ananla danışacağam. Darıxma, dostum,
sənin bu işini yoluna salmayınca Qarabağa getməyəcəm.
Onlar bu məqsədlə, bu arzu ilə gəlib Şəmşəddin
mahalına çatdılar. Azaflı kənardan gördü ki, həyətlərində
çadır qurulub. Çox təəccübləndi. Əliyə dedi:
- Bu nə çadırdır bizim həyətdə? Görəsən nə
olubdur? Olmaya anamın başında bir iş var?
Hər ikisi evə yaxınlaşdı. Gördülər çadıra qırmızı
xələtlər bağlanıb. Azaflı özünü itirmiş halda həyətə girdi.
Bu vaxt ana onları gülə-gülə qarşıladı:
- Xoş gəlmisən, oğlum, yaxşı vaxtda gəlmisən.
Azaflı elə tutulmuşdu ki, cavab verə bilmədi, ancaq
onu deyə bildi ki, ana bu nə işdir mənim başıma gətirdin?
Anası dedi:
- Oğlum, de nə vaxta kimi gözləyəcəkdim? Gördüm
o yan-bu yan edirsən, mən də belə elədim. Gəlini
gətirmişəm, sabah toyundur. Oğlum, mən el içində rüsvay
ola bilməzdim.
Azaflı heç nə deyə bilmədi, çıxılmaz vəziyyətdə
qalmışdı. Nə edə bilərdi? Gözləri yaşla dolan Azaflı
376
heyrətə gəlmişdi. Bu vaxt Əli onun boynunu qucaqlayıb
dedi:
- Sakit ol, dostum, özünü ələ al, qismət belə imiş.
Azaflı dedi:
- Mən necə sakit olum? Anam məni məhv etdi.
Ürəyi od tutub yanan Azaflı görək nə dedi:
Gəl mənə qəm çəkmə deyən dostlarım,
Könlümün gülşəni solub, ağlaram.
Gözü yolda qaldı o mehri-mahın,
Məhəbbətim talan olub, ağlaram.
Şadlığım özgənin, qəm mənim oldu,
Talehin mürvəti, qəm qənim oldu.
Öz bəxtim, yığvalım düşmənim oldu,
Canımı qəm-hicran yorub, ağlaram.
Azaflıyam, həsrət qaldı mələyim,
Fəna getdi şirin arzu-diləyim,
Od tutub alışır, yanır ürəyim,
Gözlərim qan yaşla dolub, ağlaram.
Azaflının toyu heç bir toya bənzəmirdi. Onun
toyuna hər yerdən, hər mahaldan xanəndələr, şairlər,
aşıqlar gəlmişdilər.
Toya təşrif gətirən sənətkarlar hamısı bir-bir söz
deyib oxudular. Toyun duvaqqatmasını xahiş etdilər ki,
özü desin. Görək Azaflı bağlı qafiyə müxəmməsilə nə
dedi:
Talehimə belə yazdı,
Düşdü hicran, həsrət mənə.
Aşiq oldum sözlü-sazlı,
Həmdəm oldu möhnət mənə.
377
Ayağımdan fələk qazdı,
Əzab verdi zülmət mənə.
Heç bilmirəm qışdı, yazdı,
Hücum etdi afət mənə.
Veran qəlbim beymurazdı,
Çulğaladı dəhşət mənə.
Məhəbbətin peyman andı
Oldu tarmar, gətirmədi.
Aşıq ağlar sinə qandır,
Bəxtim şikar gətirmədi.
Ömrüm, günüm, canım yandı,
İlim bahar gətirmədi,
Həyat çarxım tərs dolandı,
Arzum nigar gətirmədi,
Yaralarım yaralandı,
Yox kimsədən ülfət mənə.
Leyli-Məcnun, Şirin-Fərhad,
Mən onlardan betər oldum.
Xumar-Sənan, Vərqa-Gülşad,
Kənanlardan betər oldum.
Əsli-Kərəm çəkdi fəryad,
Yananlardan betər oldum.
Sarı Aşıq o beymurad,
Amanlardan betər oldum.
Vurğun, Məftun oldumu şad,
Ondan düşdü qismət mənə.
Dünya, səndən nə kam aldım,
Can canandan ayrı düşdüm?
Şad könlümü daşa çaldım,
Din -imandan ayrı düşdüm.
Qəm dəryada tənha qaldım,
Mehribandan ayrı düşdüm.
378
Niskilimi oda sadım,
Şadimandan ayrı düşdüm.
Azaflıyam ağlar qaldım,
Yar olmadı qismət mana.
UŞAQ FOLKLORU
379
NAZLAMALAR
Səni verənə qurban olum,
Könül görənə qurban olum.
Mən demişdim xoruz ver,
Fərə verənə qurban olum.
Başına dönüm, döndərim,
Səni Şəkiyə göndərim,
Sən Şəkidən gələnəcən,
Özümü daşa döndərim.
Süd dibi, qatıq dibi,
Qadaların alsın bibi.
Süd yala, qatıq yala,
Qadaların alsın xala.
Öyüm-eşiyim, hədiyim,
Allahdan dilədiyim,
Qaraçıdan qapdığım,
Hax yolundan tapdığım.
Dəyirman altı qabax,
Yarpağı tabax-tabax.
Nəvəmə bir qız sevəcəm,
Uzunboy,açıx qabax.
Nənəsi qurban balasına,
Odunu yığsın şələsinə,
Gətisin versin nənəsinə,
Nənəsi də bir kökə salsın.
Pişiyim-pişiyim bağdəsər,
Eşiyə çıxma, yel əsər.
380
Taxçada pendir,
Qaç onu yendir.
Əmim oğlu sənmisən,
Sən məni bəyənmirsən?
Eləsinə gedərəm,
Sən onun nökərisən.
Əzizinəm əzəl sən,
Sən hər güldən təzəsən.
Allahdan arzum budu,
Tuppulu-tuppulu gəzəsən.
Qızım qızlar içində,
Əyrisi yox qıçında,
Qızıma elçi gələcək
Gələn ayın üçündə.
Ay balaca oğlan,
Bazarda tullan,
Qoy qızlar görsün,
Dərdindən ölsün.
Qızım, qızım
Qızlar ağası,
Başında var
Tomağacı.
Balam yaraşıqlıdı,
Qəndə bulaşıqlıdı.
Ay qara milçək,
Balamdan əl çək.
Əzizinəm əzəl sən,
Sən hər güldən təzəsən,
381
Allahdan arzum budu,
Tuppul-tuppul gəzəsən.
Balama qurban iki kişi,
Biri fəsəli, biri pişi.
Xoyluda Salman kişi,
Şadılıda Həvil kişi.
Xırmançı vurar qıçına,
Yıxılar arxın içinə.
Arxın içi çiçək olar,
Balam hamıdan göyçək olar.
Ağacın göyü, qadan alım,
Dibinin şöyü, qadan alım.
Gözümü sənə dikmişəm,
Tezcə böyü, qadan alım.
382
DÜZGÜLƏR
BİBİLİ QOZ
Bibili qoz, ay bibili qoz,
Nənəm gətdi iki qoz,
Biri ala, biri boz.
Mindim bozun boynuna.
Getdim Urum yoluna,
Urum yolu dərbədər,
İçində meymun gəzər.
Meymunları ürkütdüm,
Qulaqlarını qırpıtdım.
Yolda gəzən xocalar,
Vurdu qolum qırıldı.
Qolum qazanda qaynar,
Oğlaq yanımda oynar.
Oğlağı vurdum yerə,
Yer mənə yemlik verdi.
Yemliyi verdim tata,
Tat mənə darı verdi.
Darını verdim quşa,
Quş mənə qanad verdi.
Qanaddandım uçmağa,
Haqq qapısın açmağa.
Haqq qapısı açıqdı,
İçi dolu palçıxdı.
383
A NƏRGİZƏ, NƏRGİZƏ
A Nərgizə, Nərgizə,
Bir qaşıq götür,
Gəl bizə,
Biznən gedək Tiflisə.
Tiflis yolu bağlıdı,
Nənəmin gözü yağlıdı.
Nənəm qaymaq çalanda
Bir pişik başını buladı.
-A pişik, kimin pişiyisən?
-Həsən bəyin pişiyiyəm.
-Həsən bəyin nəyi var?
-Bir pota inəyi var.
Daram-duram toy gedir.
İçində fayton gedir.
Birində əmim qızı,
Birində dayım qızı,
Birində də rus qızı,
Yanaqları qırmızı.
GET BABADAN PUL ISTƏ
Get babadan pul istə!
Baba dedi:
-Yoxumdu.
- Get nənədən pul istə!
Nənə dedi:
- Yoxumdu.
- Get əmidən pul istə!
Əmi dedi:
-Yoxumdu.
- Get bibidən pul istə!
384
Bibi dedi:
-Yoxumdu.
Get gombuldan pul istə!
Gombul dedi:
-Yoxumdu.
Gombulu partlatdılar,
Zeynəbi oynatdılar.
A SARA XALA
A Sara xala,
Təndiri qala,
Ərin qapıdan girəndə,
Kösöyü götür,
Bizi qovala.
ARAZ GƏLIR
Araz gəlir,
Lil gəlir
Dəstə-dəstə
Gül gəlir,
O gülün birin
Üzəydim,