Порт-Артурская икона Божией Матери

Молитва ко Пресвятой Богородице

О, Пресвятая Госпоже, Дево Богородице, Превысшая Херувим и Серафим и Святейшая всех святых! Припадая ко святей иконе Твоей, смиренно молимся: вонми гласу моления нашего, виждь скорби наша, виждь беды наша, и яко любвеобильная Мати, потщися на помощь нам беспомощным, умоли Сына Твоего и Бога нашего: да не предаст земли нашей на поругание варваров, да не погубит нас за беззакония наша, но явит человеколюбно нам милость Свою.

Испроси нам, Владычице, у благости Его телесное здравие и душевное спасение, мирное житие и земли плодоносив, воздухов благорастворение и благословение свыше на вся благия дела и начинания наша. И якоже прежде милостивно явила нам икону Свою «Торжество Пресвятыя Богородицы», яко защитницу всея земли Российская, тако и ныне припадающих к обретенному Твоему образу при ими усердное молитвословие.

О, Царице Всепетая! Простри ко Господу богоносныя руце Твоя, имиже Богомладенца Иисуса Христа носила еси и умоли Его избавите нас от всякого зла. Яви, Владычице, милость Твою нам: болящие исцели, скорбящие утеши, бедствующим помози и сподоби нас благочестно житие земное совершите, христианскую кончину получите и Царствие Небесное наследите Матерним Твоим ходатайством к родшемуся от Тебе Христу Богу нашему. Ему же со Безначальным Его Отцем и Пресвятым Духом подобает всякая слава, честь и поклонение, ныне и присно и во веки веков.

Аминь.