ПСАЛТИРЬ

Псалом 42.

Суди ми, Боже, и разсуди прю мою; от языка не преподобна, от человека неправедна и льстива избави мя. Зане ты eси, Боже, крепость моя, вскую отринул мя eси? и вскую сетуя хожду, внегда оскорбляет враг? Посли свет твой и истину твою; та мя настависта, и введоста мя в гору святую твою и в селeнiя твоя. И вниду к жертвеннику Божiю, к Богу веселящему юность мою; исповемся тебе в гуслех, Боже, Боже мой. Вскую прискорбна eси, душе моя? и вскую смущаеши мя? уповай на Бога, яко исповемся eму, спасенiе лица моего и Бог мой.