Стихотворения

Всяк себе в помощь вышняго предавый

живет под кровом божией державы.

Той везде радость обретаяй многу

веселым гласом возопиет к богу:

5 Ты мой заступник, ты мой и щит твердый,

в тебе надежда, ты бог милосердый!

О, блажен еси, в бозе уповая,

он бо от тебе отвратит вся злая,

Измет от сети ловец злонадежных

10 и предочистит от словес мятежных.

Он своих рамен и своих крыл щитом

тебе покрыет пред всяким наветом.

Истинна его, аки страж оружный,

тебе отвсюду оградит в час нужный.

15 Не страшен тебе нощный вран и стрелы,

ими же сеет злый случай в день белый;

Ни бледый примрак, в тме людей страшащий,

ниже бес черный, в полудни ходящий.

И будет егда от обоей страны

20 тысяща и тмы упадет на брани,

Но к тебе в той час и время то злое

не приближится бедство ни малое.

А над врагами узриши твоими

достойную казнь, сам сый невредимый.

25 Богу бо себе вручаю твоему,

имаши бога в крепость незыблему.

Не прийдет к тебе зло люто до зела,

рана твоего не угрызнет тела.

Велит бо своим слугам велелепным

30 стрещи тя везде оком неусыпным.

На руках возмут и на всяком пути

не дадут тебе ног твоих преткнути.

Стренет иногда аспид зверь нелепый,

или василиск, или лев свирепый,—

35 На тых безвредно будеши ступати

и по змиевых хребтах шествовати.

Слыши самаго неложное слово,

тебе ко всякой помощи готово:

В моей он силе надежду имеет,

40 и сила моя онаго покрыет.

Познай мя, бога, аз готов внимати,

егда мя будеш на помощь взывати.

С ним есмь во скорби и подам избаву

и еще к тому неложную славу,

45 И дам век ему долгий и пространный

и введу его в живот обещанный.