Слово о полку Игореве

III. СКАЗАНИЕ О МАМАЕВОМ ПОБОИЩЕ ОСНОВНОЙ РЕДАКЦИИ ПО ЕРМОЛАЕВСКОМУ СПИСКУ

л. 291

Основной текст:

РНБ, F.IV.231 Е

Разночтения:

БАН, 21.3.14 (Яроцкого) Я

ГИМ, собр. Уварова, № 802 У

Если чтения списков Е, Я, У дефектны, исправления вносятся по списку Толстовскому (РНБ, 0.IV.22) Основной группы Сказания. Список обозначается — Т.

л.293 Повесть о побоищи Мамаевымъ с княземъ Димитрием Ивановичем Володимерскимъ в лѣто 6889, ^I.1от рождества Христова 1381¹.[Я текст на поле.] Хощем, братие, начати повести новыя победы, како случися брань на Дону православным христианом з безбожными агаряны, како возвысися родъ христианский, а поганых уничижи Господь и посрами ихъ суровство, яко иногда Гедеоном над мадиамы злыя и пресланым (так!) Моисеом на фараона. Подобает нам повѣдати сия величетвия Божия, како сотвори волю боящимся его, како способствовал великому князю Димитрию Ивановичу Володимерскому на безбожныя татары.

Попущением Божиимъ, навождениемъ диаволскимъ воздвижеся царь^1а[На поле По Батый был Мамай лѣтъ 41.] от вос- точныя страны, именем Мамай, еллинъ сый вѣрою, идоложрецъ, иконоборецъ, злый христианский укоритель. Выииде в сердце его подстрекатель диаволъ, како егда пакости дѣетъ, христианом потреблену быти, яко да не славится имя Господне в людех его. Господь же, елико хощет, и творит. Он же безбожный царь, нача рвением диаволим носым[Я носиме.] бывати, первому отступнику Батию и новому законопреступнику Юлиану возревновав, нача испытовати от старых еллинъ, како той безбожный Батий плѣни землю Рускую, како случися ему от нихъ. И тако сказаша ему все, како плѣни Батий Киевъ и Володимеръ и всю Русь и Словенскую землю, и великого князя Юриа[Доб. по Я, У.] Димитриевича уби, и многих[Я мнимых.] славных[Испр. по Я. Е славны. У нет.] изби князей руских православных, и святыи монастырѣ оскверни, и вселенскую церковь златоверхую разбивъ. Ослѣпленну же тому очима, и тому не разумѣ, како Господь Богъ будетъ годѣ. Тако во оный днѣ Иерусалим плѣненъ бысть //л. 293, об. Титусом Римским и Навходосором Вавилонским за их согрешение и маловѣрие. Да не до конца прогневается Господь, ни во вѣки враждует.

Слышав же безбожный царь от своих агарянъ, и нача подвижнее быти и диаволом палим непрестанно, ратуя на християны. И бѣ[Испр. по У. Е, Я бо.] в себѣ нача глаголати ко отступником своим, еупатомъ, князем, и воеводам, яко: «Не хощу азъ тако творити, како Батий, — рка; — Егда же убо дойдем Руси, убию князя[Испр. по Я. У, Е князѣ.] их, и изберу который городы красный довлѣют нам, и ⁸ту приидем и⁸[8–8 Я, У нет.] ту сядем вѣдати тихо и безмятежно поживѣм». Не вѣдый того, яко Господня рука высока есть. По малѣх же днех и по злѣх сих перевезеся рѣку Оку и великую реку[Доб. по У. Е, Я нет.] Волгу[Испр. по У. Е, Я Олгу. На поле Ока и Олга рѣки.] со всѣми силами. Иные же мнозѣ орды совокупи к себѣ и глагола имъ: «Како обогатѣем руским златом! И пойдем на Русь», ревы яко левъ, пыхая[Испр. по Я. Е дыхая.] яко неутолимая ехидна. Доиде же устия рекѣ Воронежи,[Е, Я на поле Воронежъ рѣка.] роспустив облаву свою и завѣдавъ имъ всем, улусником своим, яко «ни единъ пахий хлѣба и будѣта готовы на руския хлѣбы!».

Слышав то Олгъ князь Резанский, яко царь Мамай ночюет[У кочюет.] на Воронежи, а хощет ити на Русь, на великого князя Дмитрия Ивановича Московского. Скудость же ума бысть во главѣ его. Посла же Олег великий[Здесь и далее в Е вл] князь[Е, Я на поле Олега здраица сусѣдь.] Резанский к царю Мамаю беззаконному своего посла с великою честию и со многими дарми, ярлыкъ свой написа к нему сицевым образом: «Восточному царю волному Мамаю, твой посажникъ Олегъ Резанский много тя молит. Слышах, господине, що[Я что.] хощеши ити на Русь, на своего служебника князя Дмитрия Ивановича Московского, огрозитися ему хощеши. Нынѣ же, всесвѣтлый царю, приспѣ время тебѣ, — злата и богатства много наполнися земля Московская.//л.294 А князь Дмитрий Иванович, к(ня)зь[Здесь и далее в Е кз.] великий, человѣкъ христианин, егда услышит имя твое и ярости твоея, то, царю, отбѣжит в далняя своя страны, к(ня)зь велики Димитрий, любо в Новгород Великий, любо на Двину, а злата много и богатства московского, то в твоей руцѣ да будет все и твоему великому войску в потребу. Мене же, раба твоего, Олга Резанского, держава твоя пощадит. Аз бо велми устрашу Русь и князя вел(икого)[Я, У нет.] Димитрия Ивановича. И еще, царю, молю тя, оба есмы твои рабы, и я велику обиду прияхъ от того ж Димитрия, вел(икого) к(ня)зя. Но еще, царю, молю тя не то едино, но егда о своей обидѣ твоим именем царским погрозих ему, а онъ того не радит. И еще град Коломну за себе заграбилъ, ино и о том, царю, молю тя».

А другаго же посла, скораго вѣстника посла Олегъ Резанский со своим написанием к вел(икому) к(ня)зю Олгерду[Я Олкгирду {здесь и ниже).] Литовскому: «Радоватися пишу тобѣ. Вѣм бо, яко издалече мислил еси московского князя Димитрия изгонити, а Московскою землею владѣти. Нынѣ же приспѣ время твое, яко великий царь Мамай грядет на него и на землю его. Нынѣ же приложимся к нему, к царю тому Мамаю. Вѣм бо, яко тобѣ царь Москву даст, а иныя грады от твоея власти, а мнѣ даст Коломну[Испр. по У. Е Колюмно, Я Камомно.] и Володимеръ и Муромль, иже от моея власти. Но азъ уже послах своего посла к царю Мамаю с великою честию и с дары. Еще и ты пошли к нему посла своего Кация, имаеши дары,[Испр. по У. Е, Я добре.] и пиши к нему книгу свою, елико сам вѣси, паче мене».

Олгирд же слышав, рад бысть велми ²⁰за велику похвалу²⁰[20–20 Испр. по Т. Е, Я но велико захвалю. У но много похвали.] другу своему Олгу Резанскому, и посла Олгирд з безчисленными дары к царю Мамаю и писа //л.294, об. к нему: «Вел(икий) к(ня)зь Олгерд Литовский, под твоею мил(остью) присяжникъ ти есть и много тя молит. Слышах, господине, що[Я что.] хощеши казнити своего служебника московского князя Дмитрия. Того ради молю, царю, вѣм бо велику творит пакость князь вел(икий) Московский твоему улуснику[Испр. по Я. Е услужнику.] князю Олгу Резанскому, да и мнѣ пакости дѣет. Молим оба, да приидет держава царствия твоего на отоки сыя, да приидет твое смотрение нашея грубости от московского князя Дмитрия».

Помышляше в собѣ, глаголюще, Олгъ Резанскый: «Егда услышит князь Дмитрий царево пришествие и нашу присягу к нему, то отбѣжит в Великий Новгород или на Двину. А мы сядем на Москвѣ и на Коломнѣ. Егда же царь[Доб. по У.] приидет, а мы его з болшими дары усрящем[Я срящем. У стрещем.] и умолим его, и возвратится царь, а мы собѣ княжение Московское царевым повелением разделимо, видѣв, яко ярлыкъ царь Мамай дати имат народом нашим по нас». А не вѣдяху, что помышляху, что глаголаху, яко несмысленныи младыи дѣтища, не вѣдуща Божия силы и владычня смотрения. Поистиннѣ рече: «Аще кто ко Богу вѣру держит з добрыми[Слово повторено дважды.] дѣлы и во правду в сердци имѣяй, не может быти без многихъ врагъ».

Князь же Дмитрий Ивановичъ образ смиренномудрия нося, небеснаго желая от Бога будущих благъ. Не вѣдый еще, еже совѣщаша на него ближнии его совет зол. О таковѣх бо рече пророкъ: «Не сотвори сусѣду своему ни ближнему своему зла и ни рый, ни подкопывай под другом своим ямы. Сам бо горше в ню вверженъ будеши».

Приидоша послове от Олгерда и Рязанского к безбожному царю Мамаю и принесоша дары многи ему и написанные[Испр. по Т. Е написание, Я написани, У писание.] книги. Царь Мамай восприя дары с любовию и написанных книг разслухав и послов чествовав,[Испр. по У. Е частвовав.] отпустив, и писание отписав Олгерду //л.295 Литовскому и Олгу Резанскому: «Елико написасте ко мнѣ, и на дарѣх ваших хвалю вам, и елико хощете отчизны руския, тѣм одарю вас. Но токмо присягу имейте ко мне и[Испр. по У. Е, Я со.] стрѣтте мя со своими силами, елико где успеете, да одолеете своего недруга. Мне убо сила ваша — пособие не удобно, аще бым хогѣл своею силою древный Иерусалим плѣнил,[Испр. по У. Е, Я плѣнити.] якоже и халдѣи. Не о чти вашею рукою распужен будет князь Дмитрий Московский, и огрозится имя ваше во странах ваших. Мнѣ убо, царю, достоигѣ побѣдити подобнаго собѣ и довлѣет ми царская честь. Рцѣте князем своим, „яко иду к нимъ со миром, только срящут мя с вой своими“».

Слышав же то вел(икий) князь Димитрий Иванович, яко грядет на нь (о таковых бо Патерикъ рече: «поистиннѣ бо отсѣкошися своея масличыны и приса- дишася к дикой масличыне») безбожный же царь Мамай со всѣми силами, неуклонно яряся на вѣру христианскую и ревнуя безглавному[Испр. по Я. Е беззаконному, У беглавному.] Батию, князь великий Димитрий Иванович велми опечалився о безбожных нахождению. И став пред святою иконою Господня образа, юже возглавии[Испр. по Я. Е во возглавии, У возплакав.] его стояше, и, пад на коліну свою, начат молитися: «И аще смею молитися, Господи, смиренный раб твой? То к кому простру уныние мое? Но на тебе надѣюся, Господи, ³²Боже мой³²[32–32 Я, У нет.] и возверзу печаль мою. Ты бо свѣдителю, владыко, яко отцемъ нашимъ, иже наведе на ны и на вся грады ихъ злого Батия. И еще бо, Господи, тому страху и трепету в нас сущу велику. И нынѣ Господи, не до конца прогневайся на ны, вѣм бо, Господи, яко мене ради хощеши всю землю нашу[Доб. по Я. Е нет. У рускую.] погубити. Азъ бо согрѣших пред тобою паче всѣх человѣкъ, сотвори убо, Господи, слез моих ради, яко Иезекиино, укроти, Господи, свирепому сему еже на ны воздвиглся». И рече, «на тя, Господи, уповахъ //л. 295 об., и не изнемогу». И посла по брата своего к(ня)зя Володимера Андреевича, во своей бо бяше ему обители в Боровици, и по всей землѣ розславъ гонцѣ, и по вся воеводы мѣстныя. Повелѣ имъ скоро быти к себѣ на Москву.

Князь Андреевич Володимеръ прииде вборзѣ на Москву и вси князѣ и воеводы прияхаша на Москву. Князь Дмитрий Иванович, поем брата своего к(ня)зя Володимера Андреевича и приидоша скоро к преосвященному митрополиту Киприяну: «Вѣси ли, отче нашъ, настоящую сию бѣду, яко безбожный царь Мамай грядет на нас, неуклонным образом ярость нося?». Митрополит же к великому князю рече Дмитрию Ивановичю: «Повеж ми, господине, чим ся еси ему не исправилъ?». Князь же великий Дмитрий Иванович рече: «Испытахомся, отче, до велика, яко все по отецъ наших преданию, еще же ноипаче воздах ему». Преосвященный же митрополит рече к вел(икому) князю: «Видиши ли, господине, попущением Божиим, а наших ради согрешений идет плѣнити землю нашу, но вам подобает, княземъ нашим православным, тых нечестивых дарми утолити, четверицею усугубити. Аще того ради не смирится, ино[Испр. по Я. У, Е то.] Господь его смирит, того ради Господь гордым противится, смиренным же дает благодать. И тако же случися великому Василию в Кесирии. Егда злый отступникъ Июлианъ, идый к Персомъ, хотя разорити град его, святый же Василий помолися со всѣми христианы Господу Богу и собра много злата и посла к нему, дабы его утолити моглъ того преступного злого. Он же паче возъярився, и Господь посла на него воина своего Меркурия. Изби Меркурий Божиею силою того отступника злого Юлиана со всѣми силами его. Ты же, господине, возми злато, еже имаеши, и пошли противу// л. 296 ему, паче исправися».

Князь же великий Димитрий Иванович избраннаго своего юношу, доволна сущи умомъ, именем Захарию Тутышына[Испр. по Я. Е Тушишина, У Тютишева.] и вда ему два толмача, умѣюща языку еллинску, злата много отпусти с ним ко царю Мамаю.[Я далее тому.] Захария же доиде[Испр. по У. Е, Я даде.] землѣ Рязанское и слышав, яко Олегъ Рязанский и Олгерд Литовский приложистася к царю Мамаю, посла вѣстника тайно к великому князю Дмитрию.

Князь же вел(икий) Дмитрий, слышав ту вѣсть, нача сердцем двизатися, наполнися ярости и горести, и нача молитися: «Господи Боже мой, на тя надѣюся, правду любящого. Аще ми врагъ пакости д£ет, то подобает ми противу ему терпѣти, яко искони врагъ роду человеческому. Сии же друзи мои искрении тако умыслиша на мя. Суди, Господи, межи има и мною, азъ ни единого зла сотворих, разве дары и чти приях, а ихъ тако же даровахъ. Суди, Господи, по правде моей, и да скончается злоба гръшных».

И поем съ собою брата своего Володимера, иде к преосвященному митрополиту второе, повода ему, яко Олгердъ Литовский князь и Олег Резанскый сово-купистася на ны. Князь же вел(икий) прослезився и рече: «Аще пред Богом согрѣшилъ есмъ и пред человѣки, а к ним ни едины черты по отецъ своих закону не преступих. В£си бо, отче, яко доволенъ есм своими отокы, а имъ кую обиду сотворих, не в£м бо, что ради умножишася на мя стужающии ми». Преосвященный же митрополит к вел(икому) к(ня)зю рече: «Сыну мой, господине, просвѣти си[Испр. по Я, У. Е ся.] с веселием сердце.[Испр. по Я. Е сердцем. У сердца.] И законъ Божий чтеши и твориши правду, яко праведенъ Господь, и правду возлюби. Нын£ же обыйдоша тя, яко пси мнози, и суетно и тщетно поучаются, ты же именем Господним противися им. Господь правдивъ и будет ти во правду помощникъ. А от всевидяща //л. 296, об. ока владычня где можеши избыти от крѣпкии[Испр. по У. Е крепости. Я крѣпки.]руки его?». Князь же великий Дмитрий Иванович и з братом своим, княземъ Володимером, и с всѣми рускими князѣ и воеводами здумаша, яко сторожю тверду уготовати в полѣ. И посла на сторожю избранных своих и крепких оружникъ — Родивона Ржевского, Иякова Андреева Волосатого, Василия Тупика,[Испр. по Я, У. Е Тупи.] многих и крепких юнот. Повели имъ на ⁴²Тихой Сосне⁴²[42–42 Испр. по У. Е, Я Тихом Сосъе.] стеречи со всяким усердием и под Орду ехати и языка добывати, и истинну услышати царева хотения.

А сам великий князь Дмитрий Иванович по всей Руской земли гонцѣ розослал со своими грамотами по всѣм градом: «Да готовы будут на брань з безбожными агаряны. Совокупление всѣм на Коломне[Испр. по У. Е, Я Колюмну.] на Успение пресвятыя Богородица».

И тыи убо сторожи замедлѣша в поли. Князь же вел(икий) второе сторожю послав — Климента Полянина и Иоана Свесланика,[У Сеславскаго.] Григория Судоковных[Испр. по Т. Е, Я Сулоконных, У Тупика.] и многих с ними, заповѣда имъ воскорѣ возвратитися. Они же стрѣтоша Василия Тупика, ведуще язык к вел(икому) к(ня)зю, какъ неизложно идет царь[Доб. по Я, У. Е нет.] на Русь и како обослашася и совокупишася с нимъ Олегъ Резанский. Но не спѣшит царь, того ради осени требует. Слышав же князь великий неизложную вѣсть, таковое безбожное востание, нача утѣшатися о Бозе и укрѣпляше брата своего Володимера и всѣх князей руских: «Гнѣздо есмо князя Володимера Киевского, иже из- веде нас от смерти еллинския, ему же Господь откры познати вѣру христианскую, якоже оному стратилату Плакидѣ, он же заповѣдая нам тую вѣру крепко держати и поборяти по ней. Аще кто ради[Испр. по Я, У. Е рад.] постраждет в оней, то в оном вѣцѣ со святыми Божиими будет. Аз же, братие, за вѣру христианскую хочю потерпѣти даже и до смерти».//л. 297 Рече же ему князь Володимер Андреевич и вси князи рускии и воеводы: «Воистинну Господь нашъ заповедь законную совершив и святому еуан- гелию послѣдоваша. Рече бо Господь: „Аще кто постраждет за имя мое, ту азъ есмъ с ним“. И мы, господине, днесь[Доб. по Я, У. Е нет.] готовы есмы умрѣти с тобою и главы своя положити за святую вѣру и за твою великую обиду».

Князь же великий Дмитрий Иванович, слышав то от брата своего князя Володимера Андреевича и от всѣх князей руских, яко дерзают о нем поборѣти, о вѣрѣ святой, повелѣ со всее землѣ Руское всѣм людем быти на Коломнѣ на Успение пресвятыя Богородица: «Яко да переберу[Испр. по Т. Е, Я поберут. У переберем.] полки, коемуждо полку воеводу уставлю». И мнози люди успѣша на Москву к вел(иком)у к(ня)зю Дмитрию Ивановичю, едиными усты глаголаху: «Дай же нам течение совершити, имени твоего ради».

Приидоша к нему бѣлоозерстии князѣ,[Е, Я на поле князи белозерстии.] подобны суще боеви, велми учреж- денно войско ихъ: князь Феодоръ Семенович, к(ня)зь Семен Михайлович, к(ня)зь Андрей Скимский, к(ня)зь Глѣбъ Каргопольской и ⁵¹Андомскиа князи⁵¹.[51–51 Испр. по Т. Е, Я Цинодокии, У Андоския князи.] Приидоша же и ярославские князѣ со своими силами: к(ня)зь Андрей Ярославский, к(ня)зь Роман Прозоровский,[Испр. по Т. Е, Я Проюровский, У нет.] к(ня)зь Лев Курбский,[Испр. по Я. Е Кубски. У нет.] к(ня)зь Дмитрий Ростовский, и иныи убо многии.

Ужъ ту стукъ стучит, силна рать вел(икого) князя Димитрия Ивановича в славном городѣ Москвѣ, а гримят рускии цареве злаченными доспѣхи.

Князь же вел(икий) Димитрий Иванович,[Е, Я на поле к(ня)зь Дмитрий в дорогу выходить.] поем со собою брата своего Володимера Андреевича, и вси князѣ рускии преславныи и иде ко живоначалной Троици и ко отцю своему Сергию преподобному и благословение получи от всея обители тоя святыя. И моли преподобный Сергий его, дабы слышал к(ня)зь вел(икий) литоргию святую, приспѣ же день воскресения на память святых Флора и Лавра. По отпустѣ же святыя литоргии, моли его святый со всею //л. 297, об. братиею, дабы вкусилъ хлѣба с(вятого). Великому князю нужно есть, яко приидоша к нему вѣстници, яко зближают поганый и моли преподобнаго[Испр. по Я, У. Е святого.] Сергия, дабы ею осла- билъ. И рече ему преподобный старецъ: «Се ти замедление сугубо послушливо будет. Не уже бо ти, господине, еще вѣнецъ сия победы носити, и минувших лѣтех, а иным же мнозѣм плетутся вѣнцы». К(ня)зь великий вкуси хлѣба ихъ, он же в то время повелѣ воду освящати с мощми святых мученикъ Флора и Лавра. Князь вел(икий) скоро от трапезы воставъ, преподобный же окропи его священною водою и все христолюбивое войско его и даст вел(икому) князю крест Христовъ — знамение на челѣ. И рече ему: «Поиди, господине, нарекий Бога. Господь Богъ да будет ти помощникъ и заступникъ». И рече ему тайно: «Имаши побѣдити супостат своих,[Испр. по Я. Е твоих. У своя.] елико довлеет твоему государству».[Е, Я на поле Старец преподобный Сергий пророчествует о побѣдѣ.] И рече ему к(ня)зь вел(икий) Дмитреи: «Отче, дай ми два воина от полку своего — Пресвѣта и брата своего Ослабля, то тыи и нами сам пособствуеши». Старец же преподобный скоро повелѣ приготоватися има, яко довѣдомыи суть ратницы. И оны же послушание сотвориша преподобному старцу и не отвергошася повеления его. И даст ⁵⁸в тленых⁵⁸[58–58 Испр. по У. Е, Я нетленных.] место оружия нетленно — крест Христовъ, нашит на схимахъ, и повелѣ вмѣсто[Испр. по У, Е. Я мѣсто.] шоломовъ возлагати на себе. И дасть в руце вел(икому) князю и рече: «Се ти мои оружници, а твои изволници». И рече: «Миръ вам, братие, стражите, добрый воины Христовы». И всему православному войску дасть знамение Христово — миръ и благословение.

Князь же вел(икий) обвеселися сердцемъ и не повода никому реченного старцем. Идый ко городу своему, яко обретъ нѣкое[Я некое велие.] сокровище некрадомое, несый благословение старче. Приехавъ на Москву и прииде и з братом своим, князем Володимером Андреевичем,//к преосвященному митрополиту, еже рече ему старец святый и како благословение даст ему и всему его войску православному. Архиепископъ же повели ему сия словеса сохранити и не повѣдати никомуже.

Приспѣвшу же четвертку авгус(та) 19 день, память с(вятаго) Пимина Отходника, восхотев к(ня)зь Дмитрий Иванович изыити против безбожных печенѣгъ. И поем со собою брата своего Володимера Андреевича и ста въ церкви с(вятыя) Богородица пред образом Господнимъ, пригнувъ руцѣ к персемъ своим, источ- никъ слез проливаючи, моляся, рече[Е, Я на поле м(о)л(итва) до Христа.]: «Владыко страшный и крепкий, воистинну бо еси царъ славы, помилуй нас грешных, егда унываем, к тебѣ, единому, прибегаем, нашему спасителю и благодателю, твоею рукою созданны есмы. Но вѣм, Господи, яко согрешения моя возыидоша ми на главу мою, не остави нас и не отступи от нас. Суди, Господи, обидящим мя и возбрани борущимся со мною, приими оружие и щит и стани во помощъ мнѣ. И дай же ми, Господи, победу на враги противныя, да и тыи познаютъ славу твою». И пакы прииде ко чюдотворному образу госпожѣ царицѣ владычицѣ Богородиц[Е, Я на поле м(о)л(итва) до пресвятой Богородицы.] юже Лука еуангелист живъ написа, рече: «Госпоже чюдотворнаа царице, владычице Богородице, всея твари помощнице человеческая и заступнице, тобою познахом истиннаго Бога, воплощшагося и рождшагося ис тебе. Не дай же, Госпоже, в разорение града нашего поганым, да не осквернят святых твоих церквий и вѣры християн- ския. И моли Сына своего Христа, Бога нашего, да Господь смирить сердце врагом нашим, да не будет рука их высока. И свою, Госпоже, помощъ поели с нами, нетленною своею ризою покрый нас, да не страшливы будем ранам, на тя надеемся и тобою ся хвалим, пречистая, иже в молитвѣ сы, яко твои есмы раби. Вѣм бо, Госпоже, аще хощеши, можеши нам помощи на сопротивныа враги, иже не призывают святого ти имени. Мы же, Госпоже, на тебѣ ся надѣем и на твою помощь на противныя //л.298, об., враги, подвизаемся[Испр. по У. Е, Я подвизайся.] против безбожных печенѣг, да будетъ тобою умоленъ Сынъ твой и Богъ нашъ». И паки прииде ко гробу блажен- наго чюдотворца[Е, Я па поле к(ня)зь молится у гробу с(вятого) Петра чудотворного.] Петра, любезно к нему припаде, моляся: «О чюдотворный святителю Петре, по милости Божой чюдодѣеши безпрестанно. И нынѣ приспѣ ти время за нас молитися ко общему владыце. Нынѣ убо на мя ополчишася супостаты поганый, на град твой Москву вооружаются. Тебе нам Господь прояви, последнему роду нашему, вжеглъ тя нам свѣщу світлу на свѣщнице высоцѣ. Тобі подобает о нас молитися, да не приидет на нас рана смертная, и рука грѣшнича да не погубит нас. Ты бо еси стражъ нашъ крѣпкий от сопротивных нахождений,[Я наденый, У нападений.] яко твоя паствина». И сконча молитву, поклонися архиепискому. Архиепископ же, благословивъ, отпусти его и дасть ему Христово знамение — крестъ и послав священныя соборы и со крылосы во Фроловския ворота и во Костантиновские ворота и Николские и з живоносными кресты и чудотворными иконы, да всякъ воинъ благословень будет ими.

Княз же вел(икий) Дмитрий со братом своим князем Володимером иде во церковь небесного воеводы архистратига Михаила[Е, Я на поле В церкви с(вятого) Михаила у гробов отцевских молится.] и биша челом[Испр. по Я, У. Е чем.] с(вятому) образу. Приступиша ко гробом православных князей прародителей своих, рекуще: «Истинныи хранителие, православный поборници. Аще имате дерзновение у Господа, помолитеся о наших унынияхъ, яко велико днесь востание приключися намъ, чадом вашим. И нынѣ подвизайтеся с нами». И се рекши, изыидоша из церкве.

Княгини же Овдотиа и княгини Володимерова и иных православныхъ князей княгине со воеводскими женами ту стояще, проводы дѣют во слезах, во восклицании сердцемъ, не могуще слова рещи и отдали вел(икому) князю конечное цѣлование. И прочая княгині и боярині со//своими князми и бояры тако ж цѣлование отдают, возворотишася со великою княгинею. Князь же великий мало удержався от слезь, не дав ся прослезити народа ради. А сердцем слезяше, но гѣшаше свою великую княгиню, и рече: «Жено, аше Богъ по нас, то кто на ны!».

Князь же великий[Е, Я на поле Князь великий на войну выѣхал з Москвы града.] взыиде на избранный свой конь, и вси князі и воеводы сѣдоша на конѣ. Солнце ему ясно на востоцѣ сияетъ, путь ему поведает. Уже тогда, якъ соколы от златых колодицъ оторвахуся из красного града Москвы. А князі бѣлозорстии особъ своим полком выехали. Урядно бо бѣ видѣти войско ихъ.

Княз же великий отпусти брата своего на Брашево дорогою, а сам поиде, вел(икий) к(ня)зь, на Котелъ. Спереди же ему солнце удоб грѣет, а по нем кроткий вѣтрецъ вѣеть. Сего ради и разлучися з братом своим, яко не вміститися дорогами.

Княгини же Овдотия и з своею снохою и з воеводскими женами взыиде в златоверхий свой терем и в набережной, сяде на[Доб. по Я, У. Е нет.] урондицѣ под стекольчатыми[Испр. по У. Е, Я котел четырми.] окны. Уже конечное зрѣние зритъ на великого князя, слезы проливающи, аки быстрину рѣчную. С печалию великою и шибетъ руцѣ свои к персемъ своим, пригнула и рече: «Господи Боже мой, призри на мое смирение, сподоби мя, видѣти еще господина моего славного в полцех вел(икого) князя Димитрия Ивановича. И дай же ему помощъ от крѣпкия руки твоея побѣдити противныя ему. И не сотворити, яже за мало лѣт брань была на Колкахъ християном со еллины. От такоя, Господи, спаси и помилуй. Не дай же, Господи, еще оставитися християнству, да славится имя твое святое. От толикия бѣды Руския земля унылая и не имам же ни на кого надежи, //л. 299, об. толико на всевидящаго Бога. Азъ же имѣю двѣ отрасли малѣ, Василия и Юрия. А егда поразит ихъ солнце со юга и ветры повеют противу запада, обоего не могу терпѣти. Аз же когда что сотворю? Но возврати, Господи, отца поздорову, то и земля[Испр. по У, Е. Я землѣ.] их спасется, а они царствуют во вѣки». Князь же великий поиде, поем со собою десеть мужей сурожанъ, видения ради: аще что случится, имут тыи повѣдати в далнѣх землях, яко исходници суще: Василия Капицю, Сидора Олфириева,[Испр. по Я. Е Офириева. У Алферева.] Козму Ховру, Костантина, Семена Онтонова, Михаила Саларева,[Испр. по Т. Е, Я Сараева. У Салалаева.] Тимофея Весикова, Дмитрия Чорного, Дементия Со- лорова, Ивани Шиха.

И подвигнеся князь вел(икий) по велицей широцей дорозѣ, а по нем сынове русские спѣшнѣ грядут, яко медовныя чашѣ пити и стеблия виннаго ясти, хотят собѣ чести добыти и славного имени. Стукъ стучит, громъ[Испр. по Я, У. Е грум.] гримит по ранной зорѣ, а к(ня)зь Володимеръ Андреевич Москву-рѣку перевозится на Красном перевозѣ в Боровицѣ.

Князь великий прииде в суботу на Коломну,[Испр. по У. Е, Я Колумне.] на память с(вятаго) отца Моисия Мурина. Ту ты ж быша мнозѣ воеводы и ратници, стрѣтаху его на рѣцѣ на Сѣверскии.[Е, Я па поле Сѣвер рѣка.] Архиепископъ же стрѣте у воротѣхъ градныхъ з живоносными кресты и со крылосы и осѣни крестомъ и молитву сотвори: «Спаси, Боже, люди своя»[Я далее и благословы достояние свое.] и прочее. Наутрие же к(ня)зь вел(икий) повелъ всѣм воеводам выехати к Дѣвичу на поле.[Е, Я па поле Дѣвич(е) поле.] Во святую же нед(ѣлю) по заутрнии и начаша мнозѣх трубы гласити, и арганы многих бити, и стязи ревуть наволочаны у сада Памфилова.

Сынове рустие наступиша великие поля коломенстии, яко невместно[Испр. по Т. Е, Я не вѣстно. У не есть.] бѣ презрѣти очима рати вел(икого) князя. Княз же великий, выеха з братом своим Володимером[Е, Я па поле к(нязь) вел(икий) полки розноряживаетъ.] видѣти множество //л.300 много людии и возрадовашася и уряди кое- муждо полку воеводу. Себѣ же приемъ в полкъ бѣлоозерскиѣ князе, праву себѣ руку уряди брата своего князя Володимера и да ему в полк ярославские князѣ, а лѣву собѣ руку сотвори князя Глѣба Бранского, передовый же полкъ — Дмитрий Всеволож, коломенского полку — Микула Василиевич. Володимерский же воевода, юриевский Тимофей Валуевичь, костромский же воевода Иванъ Радивонович Квашня,[Испр. по У. Е Кууашия, Я Кувашия] переславский же воевода Андрей Серкизович. А у князя Володимера воеводы: Данило Велевут, Костантинъ Кононович, княз же Феодоръ Елецкий, и к(ня)зь Юрий Мещерской, к(ня)зь Андрей Муромский.

Князь великий, урядив полки и поводе[Испр. по Я, У. Е каза. Е, Я па поле Ока рѣка.] имъ Оку реку перевозитися и запо- вѣда комуждо полку: «Аще кто идет по Рязанской земли, никому же не коснѣтеся ни единому власу!». И взем благословение от архиепископа коломенского, самъ князь перевезеся Оку рѣку. И отпусти в поле трою сторожю, избранных вѣтязь, яко да купно видятся со сторожи татарскими: Семена Мелика, Игнатия Крѣня, Фому Тину, Петра Горецкаго,[Испр. по У. Е, Я Юрского.] Карпа Олексина, Петрушю Чирикова и иных много вѣдомцов.

Рече же к(ня)зь вел(икий) брату своему князю Володимеру: «Поспѣшим, брате, противу безбожных печенѣгъ, и утолим лица своя от безстудия их. Аще смерть приключится намъ, то не просто, ни без ума намъ си смерть», идый же путем своим, призывая сродников своих, святых мученикъ Бориса и Глѣба.

Слышав же то Олегъ Резанский, яко великий князь Московский совокупися со многими силами и грядет во стрѣтение безбожному царю Мамаю, наипаче же вооружився твердо[Испр. по Я. Е крѣпко. У твердою.] своею вѣрою, иже к Богу о всѣх за вся имѣя упование ко Вседержителю. Олегъ Резанский нача блюстися и с мѣста на мѣсто //л.300, об., преходити со единомыслными своими, глагола[Испр. по У. Е, Я по.]: «Аще бы послати мощно вѣстникъ многоразумному Олкгерду противу такового приключения, како имет мыслити, но застали нам путь. Но по преднему чая ихъ, яко не подобаетъ рускому князю против восточного стати царя. Не убо, что разумах? Откуду убо ему прииде помоч, яко противу трех нас вооружився?».

И рекоша ему бояре: «Намъ, княже, за осмъ дний повѣдели, мы же ся устыдѣли тебѣ повидѣти: какъ в отчизнѣ его есть калугеръ, Сергий именем, той велми прозорливъ. Той паче вооруживъ его и от своих калугеръ дав ему пособники тыи». Слышавъ то Олегъ от бояръ своих[Е, Я на поле Олегъ окаевает себе здрайца.]: «Почто ми не поведали преж сего? То бых шелъ, умолил нечестиваго царя, да ничто же зло сотворилося. Горе мнѣ, яко погубих си мудрость и ум, но и паче азъ единъ оскудѣх умом, но и паче мене разумѣлъ Олгерд Литовский князь и оного[Испр. по У. Е, Я оного и.] мене возыщет Богъ, онъ бо законъ Гугнивого Петра разумѣ. Но что поползохся аз? Того ради о мнѣ рече: „Аще бы рабъ вѣдалъ закон господина своего, абие много будет бить“. Нынѣ убо что сотворю и къ которому разумению моему дамся? Аще убо великому князю поработати — вѣсть бо отнюдь измѣну мою, — то не приимет мене. Аще приложуся к нечестивому Мамаю, то поистиннѣ, яко древний гонитель на Христову веру, яко новаго Святополка земля мя пожрет, не только княжения лишуся, но и живота гонзнуся. Аще ли Господь по них, никтоже на ных. Еще молитва о нем всегда прозорливаго онаго мниха. Аще ли ни едино мощи не сотворю, то во прокъ како могутъ от обоих прострѣти? Кому Господь поможет, тому и присягну».

Олгерд же прореченным своим уроком, совокупи литвы //л.301 много, варяг и жмойты, поиде на помощъ Мамаю. И прииде Олгерд ку Одуеву. И слышав, яко князь великий совокупив со собою многую свою Русь и словены, иде же кождо. И слыша, яко Олег[Испр. по У. Е, Я князь.] Резанский убояся, и пребысть ту оттолѣ неподвижим. И начат разумѣти суетныя своя помыслы, видѣ совокупление свое розно и нача рватися и сердитися и глагола: «Елико человеку не достает своея мудрости, всуе чуждую мудрость требуетъ. Николи же бо Литва Олегом Резанским учена бѣ! Нынѣ же изведе мя ума, а сам паче погибе. Нынѣ же убо пребудем зде, дондеже услышим Московского побѣду».

В то ж время, услышавъ Андрей князь Полоцкий и князь Дмитрий Бранский, Олгердовичи, яко велика належит печаль великому князю Московскому и всему православному християнству от безбожнаго Мамая. И оттолѣ мыслиша ко отцем ненавидима, но паче Богомъ любима. Бѣста бо крещение прияли от своея мачехи, княгинѣ Анны. Бѣста бо, аки нѣкия класы доброплодныи,[Испр. по Я, У. Е добродетельный.] терниемъ подавляемый, живущи межи нечестивыми, и не бѣ имъ коли плода достойна росплодити. И посла князь Андрей ко князю Дмитрию тайно буквицю малу, а в ней же писано бѣ: «Вѣси бо, брате мои возлюбленый, яко отец насъ отверже от себе, но и паче Господь нашъ небесный присвоив нас к coöt, дав намъ закон свой — ходити по нему же обрѣт ны нас[Доб. по Я, У. Е нет.] пустошны суеты, сотворены[Испр. по Я. Е сотворень, У сотворена.] ради тоя.[Я твоя.] ⁹³Мы же что имамы⁹³[93–93 Я Сим же имам что, У Си же имае что.] воздати сему ж противу такому его прошению, скончав убо ему подвиг добрый подвижнику Христу, началникъ бо христианству. И великому князю Московскому велика туга належит от поганых измаилтянъ, но еще отецъ нашъ поборяет, но, еще// л.302., об. Олег приводит ихъ. Нам же подобает пророчество совершити: „Братие, в бѣдax не сумляйтеся“. Иже себе брать отцу противитися, нам еуангелист рече: ⁹⁴„преданы будите родителми⁹⁴[94–94 Испр. по У. Е, Я во предании будете родителми.] и братиею и умертвят васъ имени моего ради. Претерпѣвый же до конца, той спасется“. Излѣзeм от давляючого терния и присадимся истинному плодови, тому винограду христианскому, дранному рукою Христовою. Нынѣ убо подвизаимся, брате, не земнаго ради живота, но небесныя почести желающе, юже Господь дает творящим волю его».

Прочет же к(ня)зь Дмитрий писание брата своего старѣйшаго, нача радоватися и плакати от радости: «Владыко человѣколюбче, дай же рабом своим хотение совершити и сим путем подвига сего добраго, еще открыл еси брату моему старейшему!». И рече до посла радоватися по велику: «Брату моему, рци к(ня)зю Андрею, готов есмъ с тобою по твоему наказанию, брате, господине. Колико есть войска моего, то вкупѣ со мною: Божиим бо промыслом совокупленный грады брани належашу ему от дунайских татаръ. И ныне рцѣте брату моему: слышах бо, яко приидоша ко мне медокормци[Испр. по Т. Е, Я медонормци.] со Севера, а кажут уже, к(ня)зь Дмитрий на Дону, яко днесь пребысть. Тут бо хощет ждати злых сыроядецъ. И ⁹⁶нам подобает ити⁹⁶[96–96 Испр. по У. Е, Я ным подобаеть.] к Северу и ту совокупитися нам гѣм путем, отца нашего утаитися, не возбранити студно».

По малѣх же днех снидошася оба брата желанно со всѣми силами к Оѣверю и, видѣвшеся возрадовашася, якоже иногда Иосифъ со Вениамином, видѣв же у себе множество людей, усердно и урядно нарочитыи противници и полци. И приспѣвша на Донъ борзо, сущыи наехаша видящи великого князя обою страну Дону, полцы //л. 302 расположены на мѣстци, нареченном Березуй, ту совокупишася.

Княз же великий Дмитрий и з братом своим князем Володимером, иж совокупистася с ними Олгирдовичи: княз же Андрѣй Полоцкий и князь Дмитрий Бранский. Княз же великий Дмитрий возрадовася радостию великою силе Божией, яко не удобъ бѣ мощно таковому быти, яко дѣти отца оставляют и пору- гашася, яко иногда волсви Ироду, и приидоша на помощъ нашу. И многими дарми почте ихъ, яко бѣ мощно на путь радующеся, и веселящеся о Святомъ Дусѣ, земнаго уже отвергошася глаголюще собѣ безсмертнаго инаго премѣнения. И рече же к нимъ князь великий: «Братия моя милая, коей ради выны или потребы приидосте сѣмо ко мнѣ? Азъ убо разумею, яко не мене ради приидосте сѣмо, но Господь посла вас в путь свой. Воистинну ревнители есте отца нашего Авраама, тайно воскорѣ Лотовѣ поможетъ, яко доблестному великому князю Ярославу, яко той отмсти бѣду братии своей».

Воскорѣ востав, отосла ко преосвященному митрополиту Киприяну, яко «Олгирдовичѣ князѣ приидоша ко мне со многими силами, а отца своего оставиша». Скоро прииде вѣсть к преосвященному архиепископу. Архиепископ[Доб. по Я, У. Е нет.] слышав то и прослезився, нача молитву творити: «Господи владыко человѣколюбче, яко со- противныи наши вѣтры на тихость прелагаеши!». Послав во вся соборныя церкви и во обителѣх, повелѣ всегда молитву творити день и нощъ ко вседержителю Богу, наипаче въ обители игумена Сергия, нех ихъ молитвы послушает Богъ. Княгини же Овдотия слышала великое милосердие Божие, милостынѣ начала творити убогимъ, сама же непрестанно текущи ко церкви Божией день // л. 302, об.

Си же паки оставим, на первое возыидемъ.

Великому же князю бывшу на мѣстѣ, нарицаемом Березуа,[Испр. по Я. Е. Березу.] яко за двадцетъ и за тры поприща до Дону, приспѣвшу же дни септеврия 5, на память с(вятаго) отца Захарии и на память сродника его убиение вел(икого) к(ня)зя Глѣба Воло- димеровича, приидоша два от страж его — Петр Голецькой,[Испр. по У. Е, Я готский.] Карпъ Олексинъ, и приведоша языкъ нарочытъ от сановных царевых. Той же языкъ повѣда иже царъ на Кузминѣ пришел, но не спѣшит, ожидает Олга Резанского и Олгирда Литовского, а твоего прихода, царъ не вѣсть, стрѣтения твоего не чае, ¹⁰⁰по предписаным Ольговым книгам¹⁰⁰[100–100 Испр. по У. Е, Я на преднаписанныя ему книги Олговы.] по трех днехъ мает быти на Дону. Княз же великий вопроси о сил’ѣ его. Он же рече: «Неисчетенна бѣ, ни мощно никому же». Княз же великий нача думати и з братом своим Володимером и с новонареченною братиею з литовским князми: «Зде ли паки пребудем или Донъ перевеземся?». Рекоша ему Олгирдовичи: «Аще хощеши крѣпкаго войска, то днесь повелим войску возитися, то ність ни единому же помышления воспять; а велицей силѣ его^II.1[Я далее пропуск между л. 241 и 242, включая слова кто видѣ (Е, л. 309 об.).] нѣсть сетования, яко не в силѣ Богъ, но во правдѣ: Ярослав, превезеся рѣку, Святополка победи, прадед твой великий Александеръ к(ня)з иж рѣку перевезеся, короля победи, тобѣ ж, нарек Бога, тое ж подобает творити. И аще не побием ихъ, то всѣ общую смерть приимем от князя и до простых людий. То уже великому государю оставити смертная, до здѣ се убиенными словесы глаголати и гѣми словесы крѣпитися войско твое. А мы убо видим, яко множество избранных вѣтязь у войску твоем».

Княз же великий повелѣ воем своим за Дон возитися. //л. 303 Вѣстници же прискоряют,[В Е далее яко прискоряют.] яко ближают[Так У. Е бѣжают.] татарове поганый. Мнози же сынове рустии зѣло возрадовашася радостию великою, зря щи своего желаннаго подвига, а еже аще вожделѣша.

За много дний приидоша волцы на мѣсто то, выюще непрестанно. Гроза же велика полком. Храбрым же сердца укрепляются, а юншим слышати руским, паче укротиша, а еже имъ много брани необычный собрашася, неумолкающе глаголюще. Галици ж свойски глаголюще, орли же мнози от устъ Дону слетошася и ту тож кричаху и ждущи дни грознаго. Мнози звѣри стекошася, лисицы брешуть, глядячи на златыя доспѣхи, ждуще часу, кои же час приидет, Богомъ возлюбленным, вон же имат пасти трупиа[Испр. по У. Е труба.] человѣча и кровопролитие, аки морской водѣ из мѣста вылиятися. От таковаго страха и великия бѣды и грозы, а древа вся прекланяются, и трава вся силная постилается. Мнози от обоихъ унывают, видящи уже пред очима смерть. Начаша же поганый студом омрачатися о погибель живота своего, понеже умре нечестивый и погибе память ихъ со шумом. А правовѣрнии человѣцы наипаче процвѣтоша, радующеся, чающе совышше онаго обетованных прекрасных венцов, о них же преподобный старець повода.

Вѣстници же прискорѣвают, яко приближаются напрасно погании и безбожный. Яко 6 час прииде Семенъ Меликъ со дружиною своею, а по них гониша мнозы татарове. Толико бо безстудно гнаша олни полцы наши ударишася. Видѣвше же многое множество полков и возвратишася и воз(ъ)ехавши на мѣсто высоко и ту увидѣвше полцы наших и скоро возвратишася ко царю и повѣдаша ему, яко князѣ рустии ополчишася при Дону Божиим повелением, елико видѣша людие четверицею множество. Он же нечестивый царь //л.303, об. разжением дияволим пагубу крикнув напрасно, испусти глас: «Тако сила моя, аще сего не одолѣю, то како имам возвратитися в землю свою?». И повелѣ беззаконный царь всѣм полком своим вооружитися.

Мелик же повода великому князю, яко: «на Гусинъ брод[Е на поле Гусинъ брод. Прядва.] переидоша ужъ за єдину нощъ межи себе, на утреи бо приидут над Прядву. Тебе же, вел(икому) князю, днесь исполчитися, да не ускоряют поганый». И начен же великий князь Дмитрий Иванович з братом, князем Володимером Андрѣевичемъ, и со литов- скыми князми Олгирдовичи Андреем и Дмитриемъ до 6 часа полци начаша уставлевати. Еже 6ѣ воевода нѣкто, прииде с Литвы с литовскими князями ис Литовское землѣ, именем Дмитрий Боброкъ, родом сый из землѣ Волынское, иже нарочит бысть полковидец, велми урядно ставиша полцы по достоянию, елико где кому по достоянию стати.

Князь же вел(икий), поя и з собою и брата своего князя Володимера Андреевича и литовскии князѣ вси и воеводы рускии, и воз(ъ)ехавъ на мѣсто высоко и видѣвъ образы святыхъ, иже суть воображены в християнских знаменних, аки нѣкии свѣтилници свѣтящеся, аки облаци, тихо трепещити, хотят промолвити. Богатырие же рускии, яко вода в силныи вътръ колъоается, а шоломы на главах ихъ позлащенный свѣтящеся аки утрняя роса во время вѣтра сияющи. Яловчики ж шоломов ихъ, якъ пламень огненный, колѣбашася.

Жалосно бѣ видѣти и грозно зрѣти таковых воинъ руских собрания и храбрости таковаго учрежения, вси бо единъ за единаго хотят умрѣти и вси единъ глас начата глаголати: «Господи Боже, с высоты призри на ны и даруй православному князю нашему, яко Константину, побѣду. //л. 304 И покори под нозѣ враги, яко же иногда Аммалика кроткому Давыду». Сему же удивишася литовскии князѣ и рекоша к себѣ: «Истиннѣ быти при нас, ни прежде, ни[Доб. по У. Е нет.] по нас такому войску. Подобны суть макидонскому войску мужеством их и бысть Гедеоновы снужници, Господь же своею силою вооружил ихъ».

Князь же великий, видѣвъ полцы свои вооруженны достойно и урядно, исшед и з коня и пад на колѣну своею на травѣ зеленѣ прямо болшого полку чермному знамении, на нем же воображенъ владыки Господа нашего Иисуса Христа образ, из глубины душа нача воздыхати от сердца, жалосно слезяше, звати велегласно: «Владыко Господи вседержителю тварем! Виждъ своим смотреливым окомъ на рабы своя сия, иже твоею кровию искупленны суть работы Аристора. Внуши, Господи, глас молитвъ, обрати лице твое на нечестивых, иже творят злаа рабом твоим. Молю бо ся образу твоему святому и пречистой святой твоей Матери и твердому и необоримому твоему любленику, иже от нас к тобѣ, рускому святителю Петру, на его же молитвы надѣющеся, смѣю призывати имя твое святое».

Войска же руские по молитвѣ всѣдше на конѣ свои и начата вси молитву творити и по полком ездити со князми своими и воеводами, коемуждо полку рече усты своими: «Братия моя милая, сынове християнстии от мала и до велика! Се вам приспѣ день, грозно приближися. Бдите и во молитвѣ мужайтеся и крѣпитеся. Господь с нами, силенъ во бранех. И зде пребудем кождо в напастехъ своих, не мятущеся, утрѣ бо неудобь мощно тако уставити, уже госгѣ наши близ суть, на рѣцѣ Непрадвѣ ополчишася. Утро ж имаете пити вси общую чашу, и ту вам и нам поведенная, ея же аще друзии мои //л. 304, об. на Руси вожделѣша. Уповайте на Бога живаго, да миръ вам буди, братии моей. Еще бо утрѣ ускорю со братиею и со князи своими». Отпусти брата своего к(ня)зя Володимера у верхъ по Дону, в дуброву, яко да утаитися полку его, и далъ ему достойны вѣтязѣ своего двора воинъ. Еще отпусти с нимъ известного своего воеводу Дмитрия Волынского.

Уже бо ношъ приспѣ свѣтоноснаго праздника Рождества пресвятыя Богородицы. Осени же тогда удолжившися, денми светлыми сияющи. Бысть же тож теплота и тихость нощи тоеи и мразы нощным явишася. Поистиннѣ бо рече: «Нощъ не светла неверным, а верным просвещение». Рече же Дмитрий Волынский вел(икому) к(ня)зю: «Примету свою искусу».

Уже нощи глубоцѣ и заря изгасе. Дмитрий же всѣд на конь и поем со собою вел(икого) к(ня)зя единого, и единъ выехавши на поле Куликово.[Испр. по У. Е Кулиново. Е па поле Поле Куликово. Войсковое приметы. Волынецъ з князем едутъ усмотривати в нощи.] И ставъ посредѣ обоих полковъ и обратися на полкъ татарский, и слышавши стукъ великъ или аки торгъ снимаются, аки град зиждущии. Бысть созади ихъ волцы выюще грозно велми. По десной же странѣ вороны кличуще. И бысть трепетъ и клич птицъ, великий велми, враном же, якъ горам играющим. Противу по рѣцѣ той Непрадвѣ гуси и лебедѣ крылми плещуще, необычную грозу подают. Рече Волынцу князь: «Слышу, брате, гроза велика есть». И рече Волынец вел(икому) князю: «Призываются». Князь же обратися на полкъ руский: «Что слышасте?». Он же рече: «Но токмо видѣхъ множество огненны зари снимаются». И рече Волынецъ: «Остави, княже, огни, — добро знамение. Призывай Господа и не оскудѣй вѣрою!». И паки рече: «Еще примета есть». И снииде с коня Волынецъ и паде на десное ухо, приниче ко земли и предлежи на долгий час. Востав и пониче. Рече же князь вел(икий): «Что есть, брате Димитрий?». Он же не хотя //л. 305 сказати ему. Князь же вел(икий) много нуди его. Онъ же рече: «Едина бо есть на ползу, а другая ж ти скорбна. Слышахом[Е на поле Примета войсковая.] земли плачущися надвое: едина бо страна, аки нѣкая жена, горко плачущи еллинским гласом чад своихъ, а другая ж страна, аки нѣкая девица, едино вопросопе, аки свѣриль жалосно плачевным гласом. Аз же множество гѣх боевъ приметы испытав, сего ради надеемся о Бозѣ — святых мученикъ Бориса и Глѣба, сродники ваша, азъ чаю победы поганых. А християном много падения будет». Слышав же то, князь вел(икий) прослезися и рече: «Тако будуть победы Господны!». И рече Волынецъ: «Не подобает тобѣ, государю, того нѣкому сказати, повѣдати в полцехъ своихъ, ни брату своему, кождому Бога молити и святых его призывати. Рано утро вели имъ подвизатися на конѣ своя, и всякому крестом огрождатися. То бо есть оружие на противныя».

В ту ж нощь нѣкто сунглитъ, разбойникъ, именем Фома Кацибей,[Испр. по Т. Е Кацѣи. У Клицабей.] поставлень бысть сторожем от князя вел(икого), на рѣцѣ[Испр. по У. Е рѣ.] на Черу Михайловѣ, мужества его ради на крѣпцѣ сторожѣ от поганых. Сего ради увѣрая, откры ему Бог видѣти в нощи той видение велико.[Е па поле Видение.] На высотѣ облакъ видѣвъ изрядно прият, аки нѣкия полки от востокъ великих зѣло. От полуденныя же страны приидоша два юноши свѣтлыи, имущи свѣщи, во обоих руках меча остра. И рекоша полковником: «Кто вам повелѣ требити отчество наше, его же нам дарова Господь?». И нача сѣчи, и ни един же от них не избысть. И цѣломудръ на утрия же повода князю единому. Он же рече ему: «Не глаголи ж никому». Сам же князь вел(икий) воздѣв руцѣ свои на небо и нача плакатися и глаголати[Е на поле Молитва к(ня)зя вел(икого).]: «Господи, Боже,//л. 305, об. творче и человѣколюбче, молитвою святых м(у)ч(еник) Бориса и Глѣба, помози, Господи, яко же Моисею на Амалика, перво Ярославу на Святополка, и прадѣду моему Александру на хвалящагося короля римского разорити его отчесство. Не по грѣхом моим воздаждь ми, излий на ны милость свою, простри на нас благоутробие свое, не дай же нас во смѣхъ врагом нашим, да не порадуются на нас врази наши, ни рекутъ страны неверных: „Где есть Бог их, на нь же уповаша“. Но помози, Господи, християном, ими же величается имя твое святое!».

Приспѣвшу же дню великому празднику, нареченному спасенному Рождеству святыя Богородица, свитающу пятку, восходящу солнцю, бывшу же утру мгляву сущу. Начаша стязи християнстии простиратися и трубы многихъ гласити. Уж бо рустии конѣ укрѣпишася гласомъ, кождо под своим знамением трубнымъ. Идоша же полцы по поучению, елицы имъ повелѣша. Часу же третиому наставшу, начаша трубити и гласы гласити и от обоих странъ трубы сниматися, татарский же трубы яко онѣмѣша, а рускии трубы утвердишася. Не бѣ ся еще полкомъ видати, занеже утро мгляно суще, нежели земля стонет,[Испр. по Т. Е танетъ, У нет.] грозу подающи, востокъ нелны до моря, а запад до Дону, поля же Куликово[Испр. по У. Е Куликовы.] прегибающеся, рѣки же выступающе из мѣстъ своих, яко же николи же быти людем толиким на мѣстѣ томъ.

Великому же князю присѣдающу на конь избранный, ездя по полкомъ,[Е на поле княз полки росправляет, напоминает, абы сердечне за церковь билися и за вѣру.] плачущи и глаголющи: «Отцы и братия моя, Бога и Господа ради, всядѣте на конѣ своѣ, подвизайтеся и покладѣте главы своя святыхъ ради //л. 306 церквей и вѣры християнския. Сия бо смерть нѣсть смерть, но живот вѣчный наследуете, ничто же не мыслите, не уклонитеся на своение, да вѣнцы победными увяземся Христа Бога нашего душам нашим». Утвердив же полки и паки прииде под свое знамение чермное и изсѣде из своего коня и зсяде на инъ конь и совлече из себе приволоку, на него же положи царскую свою, во ину облечеся. Той же конь

дасть под Михаила Бреника и ту свою приволоку на него положил, иже любимъ ему 6ѣ паче мѣры, и тое знамя повелѣ рыделю своему над нимъ возити. Под тым знаменимъ убиенъ бысть за вел(икого) князя.

Князь же великий ста на мѣсгѣ своем, положи руку свою за пазуху и взем живоносный крестъ, на нем же выображение страсти Христовы, в нем же живоносное древо, восплакався горко: «Тобѣ же убо конечное надѣяся, живоносный кресте, иже симъ образом явися греческому царю Константину, егда ему на брани сущи с нечестивыми, и чуднымъ образом побѣди ихъ. Не могут бо обрезанный человѣцы противу образа твоего стояти. Тако, Господи, удиви милость свою на рабѣ твоем!».

Се же ему глаголющи, в то же время приидоша к нему книги от преподоб- наго старца Сергия. Во книгах же написано: «Великому князю Димитрию Ивановичю и всѣм руским князем и всему православному воинству миръ и благословение!». Князь же великий слыша написание вел(икого) старца и цѣловалъ посолника етера любезного, гѣм же писанием аки нѣкими твердыми на[Доб. по У. Е нет] брань утвердися. Еще ж дасть ему старецъ, посланный от игумена Сергия, данный хлѣбецъ пресвятыя пречистыя Богоматере. Князь же великий соядъ хлѣбецъ той святый и простеръ руцѣ свои, и паче возопи велиим гласом: «О великое имя святыя Троица, о пресвятая Богородице, помогай // намъ на противныя молитвами Сергия, спаси душа наша!».

И приемъ копие свое и вземъ палицю железную, подвижеся из полку вонъ, восхогѣ самъ почати преж до поганых полковъ от горести душа своея, за свою обиду великую и за православную вѣру. Мнози же богатырѣ рускии удержавше его и возбраниша ему, рекуще: «Не подобаетъ тобѣ, князю великому, в полку самому битися, тобѣ подобаетъ особъ стояти, нас разсмотрѣвати, пред ким яви- тися. Егда посѣтитъ тебе Богъ, великого князя, милостию своею, то временной чести почему разумевши, кого рода ты. Мы же готовы есмы вси днесь головы своя класти за тебе, вел(икого) князя за ласкава государя.[Испр. по У. Е гра и надстрочное д.] Тобѣ же подобает, великому государю рабъ своих, елико кто заслужит своею главою, память сотворити, якоже Леонтий царь Феодору Тирону, во книги соборныя написати насъ, память творити ради рускимъ сыномъ, иже по нас будутъ. Аще единого згубимъ, то от кого чаяти имамы надежды? Аще вси спасемся, а тебе единого останем, то кий успѣхъ будет намъ? И будет, яко стадо овче, не имый пастыря, в пустынѣ влачимо, бѣ же пришедше волцы дивыи распудят, елико кто хощетъ. Тобѣ подобает спасти себе и насъ».

Княз же великий прослезися и рече имъ: «Братия моя милая, рѣчы вашы добры и не могущи отвѣщати, известно паче неже успѣти, но токмо похвалюся, вы бо есте друзи и рабы истиннаго Бога. Паче же вѣсте мучение с(вятого) Арефы, егда мучим Юстинияном царем. Сего же воина по многих муках повелѣ царь вести на позорище и посѣщи его. Добрый же воинъ воеводы единъ по едином //л. 307 скоро под мѣчь кланяется, кидящи убо почесть побѣды своея, то воевода не возбрани своему войску: „Вѣсте ли, братия моя, у земского царя не аз[Испр. по У. Е из.] ли прежде вас почтен бых земныя чести, и дарове взимая? Нынѣ же прииде, и увидѣти подобает моей главѣ у небеснаго царя прежде усѣченѣй быти, паче же и вѣнчаннѣй“. Приступлъ воинъ и сѣкну главу послѣже 60 воинъ. Тако ж и азъ, братие. Кто болий мене в руских князехъ и от вас чтенъ бѣхъ, но всѣм глаголал бых, благая ли прияхъ от Господа, злых ли нестерпимъ, мене бо ради единого общую чашу всѣм пити, аще ли смертиию общею умрем всѣ. Аще ли умру с вами, аще ли спасуся с вами. Нынѣ вси останемся, уже бо ко ¹⁸своим потягнем»¹⁸.[18–18 Испр. по У. Е коих ко коему потягнет.]

Передовым же полцы заступишася на нас, первое же полцы ведутъ князь Дмитрие Всеволож, да Володимеръ — братъ его, и з правую ж руку бридет[У бредет.] Минула Василиевич с коломичі и со иніми же князі. Поганый же бридутъ обаполъ, и ніт бо міста, где имъ ростягнутися. Безбожный же царъ выехавъ на місто высоко с треми князми, зряще человіческаго кровопролития.

Уже полцы поганый з рускими полки близ себе ходят, и выеха из полка татарска печеніѣгь именем Телебѣй,[Е па поле Телебей подобен Голияду.] еллинскимъ языком, пред всѣми мужество являя, подобен бысть древнему Голияду. Видѣв же сего, Пересвѣть чернецъ ис полку Володимеря Всеволожа, и двигся из полку против: «Сей человек противника собѣ хощет, азъ хощу с ним видатися!». И пыхая, яко левъ, аки жених,//л. 307, об. хотя восприяти вѣнець Небеснаго Царствия. Бяше шлем вооруженъ архаггелского образа схимою по повелению игумена Сергия. И глагола: «Отце и братия, простоте мя, грѣшнаго, и благословѣте! И ты, брате, прости мя, грѣшнаго, от себе и моли Бога за мя». Войско же все едином гласом вопиюще: «Поиди, господине, Богъ да простит тебе». «И с(вятой) Сергий, помагай ми, рабу своему молитвою своею на безбожнаго сего печеніга, аже на мя вооружися». Онъ, без- бежный печенѣг, устремися противу ему, глаголющи: «От(ец) Магмет помози!». Вой же християнстии вси воскликнуша едиными усты: «Боже нашъ, помози рабу своему!». И ударишася крепко два богатыре межи собою, аки силныи громы грянуша, егда мѣсто не проломися под ними. А падоша оба с коней своихъ, и ту оба скончашася.

И се ж наставши час третий дне. Видѣвши ж то князь вел(икий) Дмитрий Иванович, и рече своим войском: «Се уже, братие, поганый суть, гостѣ наши, приближаются к нам, испиваютъ полный чаши, и ведут собѣ поведенную, иныи жъ от нихъ испиша и веселы быша». Ужъ бо время, подобный час, прииде кождо ко своим конемъ и поскочиста вси, аки медовныя чаши пити, храбрым же сердца веселястася, а имъ сердца ужасастася, и кликнуша едным гласом: «С нами Богъ!». И паки: «Боже християнский, помози намъ на противныя враги, и не дай же, Господи, в посмѣхь врагом нашим, но дай же, Господи, помощъ на враги наша». Печенѣги ж з вой кликнуша, призывающе своих боговъ Магмета: «О Магмит, помози намъ и моли Бога о нас». Ступишася велицыи полцы и кріпко биющися и на //л. 308 прасно. Щипляются щиты богатырский о злаченыя[Испр. по У. Е злычныи.] доспѣхи, а лиется кровъ богатырская под сідлами коваными, блискаютъ шаблі булатный около голов богатырских, котятся шоломы позлащенный с личинами добрыми конемъ под копыта, валяются головы многихъ богатырей з добрых коней на сырую землю, и подоптаны бываютъ. Не едины богатырие руские биены быша, но и татарскихъ ведвое. Не токмо бо оружиемъ биющеся, но и самы от себе разбивахуся. Под трупиемъ мертвым многие живыи умираху, от великия тѣсноты издыхаху, яко же бо немощно вмѣститися имъ на полѣ Куликове,[Испр. по У. Е Кулинове.] еже мѣсто тѣсно межи Дономъ и Мечею.[Е на поле Дон и Меча рѣки.] На том бо поли силныи и велицыи полцы снимашася, из нихъ выступили ²⁴кровавые зари²⁴,[24–24 Испр. по У. Е крвавыи езера.] блистание же мечное трепеташеся, аки молнии, из рук богатырских от мечнаго січения. Бысть же тогда трѣскь и ломъ великъ копейный, яко же бо не мощно зрѣти никого же. Сего грозного дни и страшнаго часа во единъ убо час во мновении ока от толикъ тысячъ создания Божия погибоша неисчетенно. Воля же Господня совершается, не ослабѣются християне з печеніги.

Юже шестому часу наставшу, Божиим попущением, а нашихъ ради согрішений нача одолівати поганый, ²⁵а християне уже восияха на хвалу же. Уж везется дивно на землю. Уж от много²⁵[25–25 у крестиан. Уже бо восияет хула на хвалу. Уже бо верже гея диво на землю. Уже мнози от.] храбрыхъ богатырей и юнот рускихъ побиены суть. Богатыре иже руские, аки древо дубравно, скланяются на землю, под борзый конѣй копыта. Мнози же сынове рустии сотрошася и погибоша. Самаго же великого князя Дмитрия уязвиша велми, иже нужею склонися с коня и иде //л. 308, об. з побоища, яко не мощно ему битися. Южъ Божиим неизнеможением стязи великого князя подсѣкоша поганый, но не стязишася, ноипаче крѣпишася.

Се же слышахом от вѣрнаго самовидца, глаголюща. Сей же бѣ от полку Володимерова Андреевича, повѣда видѣние вел(икому) князю: «Во шестую годину сего дни вѣдѣв над ними небо отверсто, из него же изыиде облак, яко рання зоря и над ними низко держащися. Той же облакъ исполненъ рукъ человѣческихъ, каяждо рука держаши оружие и отпустишася от облака того на главы християнскии».

Поганый жъ уже обыидоша отовсюду, християнстыи полцы оскудѣша: уже бо мало християнъ, а все поганый. Видѣвъ же князь Володимеръ Андрѣевичъ великую побѣду христианскую, аки класы бо пшеничныи подавляеми тернием, а терние растяше и буяше. Благородный же князь Володимер Андрѣевичъ не могий того терпѣти победы християнской и рече Дмитрию Волынскому: «Брате Дмитрий, кая бо полза стояние наше, який успѣхъ будеть намъ, уже кому имамы помощи». И рече Дмитрий: «Бѣда уже, княже, велика, не уже[Испр. по У. Е у.] прииде наша година: начиная убо без времени, вред себѣ прииметъ. Мало убо претерпи до времени подобна, да получимъ. В они же здравие отдадимъ противником поганым. Нынѣ толико Бога призывайте». Осмаго часа година, в он же имат быти благодать Божая и помощъ християнская. Князь же Володимеръ Андрѣевичъ, воздѣвъ руцѣ на небо, и рече: «Господи Боже нашъ, содѣтелю тваре, сотворивый небо и землю, предстояй на ны крамолы дѣет. Не дай же о нас радоватися врагом нашим поганымъ //л. 309 мало показни нас, много помилуй, бездна бо еси милости». Сынове рустии в полку его плачуща, видяще друзи свои братия погибаемы, непрестанно покушающийся, яко звани[Испр. по У. Е звинии.] на бракъ сладкаго вина пити. Волынец же возбраняше имъ: «Пождете мало,[Испр. по У. Е мал.] буевы сынове, есть бо когда утѣшатися, есть бо и вамъ с кимъ веселитися!». Приспѣ же час осмый, абие потягну духу южну созади нас. Возопи Волынецъ гласомъ великим: «Княже Володимере, час прииде, время приближися!», рече: «Братия моя милая и друзи, дерзайте, сила бо святого помагаетъ намъ!». Богатыре же рустии выяхаша из дубровы зеленыя, аки ясный соколы удариша на журавины стада, тако и сии удалци направлены крѣпким воеводою. Бяху бо, яко Давыдовы отроци, сим сердца аки и лвова, поистиннѣ бо лвовы образы имущи, яко стадо приидосте.

Поганый же видѣвше мнози полцы и кликнуша: «Увы нам, Русь умудрися паки: юншии бо ся с нами браша, а богатыреве вси соблюдошася». И обрати- шася и даша плещи и побѣгоша. Сынове же рустии силою Святого Духа гониша и гнаша ихъ помощию святых страстотерпецъ Бориса и Глѣба. Поганый же сѣчены быша, аки лѣсы кланяхуся, аки трава от косы постилается. Бѣжащии гла- голюще еллински: «Увы, увы тобѣ, нечестивый Мамаю! Вознесый бо ся высоко и до ада сшел еси!». И мнозыи же уязвенныи наши рустии, помагаютъ намъ, сѣкуше без милости: ни единому же паки мощно бѣ како убѣжати, зане же конѣ ихъ потомилися.

Мамай, видѣв бѣду свою, нача призывати боги своя Перуна и Салавата,[Испр. Е. Я, У Савата.] и Раклия, и Гурса, и//великого своего пособника Магмета. И не бысть ему помощи от нихъ, силою бо Святого Духа, яко огнемъ, татарский полки пожигаются, рускими мечы посѣкаются. Видѣв же беззаконный царь Мамай бѣду свою, иже новые людие приидоша, и рече своимъ угодникомъ: «Побѣгнемъ, ничто же добро чаяти, но свои головы упасемъ!». И абие побѣгоша со четырми мужми.

Мнозии же сынове рустии гнаша по нихъ и не одолѣша о конех ихъ, яко цѣлы суть. Гонящии же ихъ возворотишася и обрѣтоше множество трупия мертвых поганых обаполъ рѣки Непрядвы, идеже быти мощно полкомъ християнским. Сии жъ биемы от святыхъ мученикъ Бориса и Глѣба, о них же предповіда Фома разбойникъ, егда ж на сторожѣ стоя. Богатыре же рустии гоняху тогда, всѣхь погубиша и возвращахуся вси под свое знамя.

Княз же Володимеръ Андріевичь ставь под знамением чермнымъ на костехъ и не обріте брата своего великого князя Димитрия Ивановича в полку, но токмо литовским князѣ Олгирдовичи едины. И повелі трубити со избранною трубою. Пожда часъ и не обріте вел(икого) князя, и нача глаголати: «Братия, кто видѣ[На этом слове кончается пропуск в Я.] или кто слыша своего пастыра. Первопорожденный пастырь разыидутся овца, то кому честь довліеть и кто сея побѣды побѣдникь явится?». И рѣша ему литовским князі: «Мы мнимамы, яко живъ есть, но уязвенъ велми, егда во трупіхь мертвыхъ будет». А иный рече: «Азъ его видіхь пятого часа кріпко // биющася палицею своею». Иный рече: «Азъ послі того видіхь с четырми печеніги, належат ему велми, он же ³¹крепко бияшеся с ними³¹.[31–31 Доб. по Т. Е, Я, У нет.] Нікто юноша князь, именем Стефанъ, новасилский князь, и тот рече: «Азъ видixъ его пред твоим приходомъ, піша, идуща с побоища, уязвенна велми. Того ради не многохъ ему помощи — гоним треми татарины, но милостию Божиею едва от нихъ спасохся, а много от нихъ пострадахъ, извістно видіте».

³²Князъ же Володимер Андрдевич рече³²[32–32 Доб. по У. Е, Я нет.]: «Братия и друзи, кто обрящетъ живаго брата моего, то поистинні во первыхъ будетъ во насъ». Расчителие же отроци разсунушася по великому грозному побоищу, ищуще и побідителя. Овыи е наяхаша Михаила Адріевича Бренника, убитаго во приволоці великого князя и в шолому; иныи же наяхаша князя Феодора Семеновича Білоозерского, чающе вел(икого) князя, занеже приличенъ бяше ему.

Два же воина уклонишася на десную страну дуброві, единъ именем Федоръ Саборъ, а другий Григорей Холопищевъ, родомъ косторомичю. Мало ж πoixaвъ с побоища и наехавъ великого князя, бита велми, отдыхающу ему под сінию березовою, сеченою.[Испр. по У. Е, Я сѣченаго.] И видівше его, спадше с коней и поклонишася ему. Саборъ же скоро возвратися повідати князю Володимеру. И рече: «Великий князь Димитрий Ивановичъ царствуетъ во віки!». Все же князі и воеводы слышавше таковую радость, и скоро скочиша на конехъ своихъ и приидоша и падоша на ногу его и пролияша слезы своя, и глаголаша: «Радуйся, нашъ древный Ярославе, новый Александре, радуйся світило Руское земли и пастыру добрый заблуждшимъ овцамъ, //л. 310, об. побідителю врагомъ сымъ. Ея же побіды тобі честь довліеть». Князь же великий едва рече: «Что есть, братие, поведайте ми». Рече же князь Володимеръ: «По милости Божой и пречистой его Матери и молитвами сород- никъ нашихъ святыхъ мученикъ Бориса и Гліба и молением рускаго святителя Петра[Е, Я на поле святый Петръ митрополит киевский преставися року 1325.] и пособника нашего вооружителя Сергия, тѣх всѣхь враги наши побіжденны святыхъ молитвами, мы же спасохомся».

Князь же великий, слышавъ та словеса, и рече: «Сей день, его же сотвори Господь, возрадуемся и возвеселимся, во н». И паки рече: «Сей день Господень радуйтеся, людие! Велий еси, Господи, и чюдна діла твоя: вечеръ водворится плачъ и заутра радость!». И паки рече: «Хвалю[Испр. по У. Е хваю.] тя, Господи Боже мой, и почитаю имя твое святое». И паки: «Иже не далъ еси иному языку похвалитися, иже на мя умножишася. Но суди, Господи, по неправді их. Аз же во віки уповаю на тя!». И приведоша ему конь, и всідь, и ехавъ на побоище, и видів войско многихъ побито, а четверицею убито много поганых. Обратися князь великий к Волынцю и рече: «Воистинну, Димитрий, не ложна есть примета твоя, подобаетъ бо ти всегда воеводою быти».

И нача князь великий и з братомъ своимъ княземь Володимеромъ и со старшими князи ездити по великому грозному побоищу, сердцемъ крычаще и слезами мыяся. Наехалъ мѣсто, где лежать осмъ князей бѣлоозерскихъ вкупѣ побиты суть; толми бо напрасно бишася, яко единъ единаго ради умирает. Ту жъ и близь лежитъ Микулъ Василиевичь. Над ними же стоялъ многодаровитый государь и князь великий, //л. 311 над любезными рабы, и нача плакатися и глаголати: «Братия моя и князи, сынове рустии, аще имате дерзновение у Господа, помолитеся о нас, вѣмъ бо азъ, яко послушаетъ васъ Богъ, да паки о насъ молитеся да въкупѣ с вами будемъ».

Прииде на иное мѣсто и наеха своего наперстника Михаила Андреевича Бренника, близъ его твердый стражъ Семенъ Меликъ. Близъ же и Тимофей Валуевичъ убиенъ бысть. Над ними же ставъ князь великий, и рече: «Братия моя возлюбленная, моего ради образа убиенны бысте. Кто бо таковый рабъ можетъ господину служите, яко мене ради самого мысленно на смерть поехавъ? Истинному[Я истино.] древнему[На этом оканчивается список Я.] явися подобенъ, иже бѣ от полку Дария Перскаго, и он тако творить». Лежащу ту Мелику, и рече князь великий: «О крепкий мой сторожу, и твердо пасомы есмы от тебе». Прииде же на ино мѣсто, видѣвъ Пересвѣта чернца и близъ его нарочита богатыра Григория Капустина. И обратився князь великий и рече: «Видите, братие, своего починалника Пересвѣта, той бо победи подобна себѣ, наеде печенѣга, от него же было пити всемъ горкую чашу».

И ставъ на мѣстѣ, повелѣ трубите со избранною трубою. Храбрый же богатыре со всѣхъ странъ приехаша на трубный гласъ и на всѣхъ испытовати доволно всѣхъ оружии от поганых татаръ. Грядуще же и весело ликующе и поюще пѣсни, ово богородичнѣ, ово мученичнѣ и побѣдныи. Собранному же всему воинству, князь же великий на мѣстѣ ставъ посредѣ ихъ, начать плакате и радоватися. Глаголюще: «Князи и сынове рустии, бояре мѣст //л. 311, об. ныи, и воеводы силныи и сынове всея земли Руския! Вамъ подобает тако ж служити, а мнѣ подобаетъ тако радоватися. Внегда посетить мя Господь, а буду на своемъ столѣ, на великомъ княжении, и тогда имамъ васъ даровати. А нынѣ сия управимъ, кождо ближняго своего похороните, да не будутъ во снедъ звѣремъ телеса християнская».

Княз же великий стоя за Дономъ осмъ дний, дондеже разобра телеса християнская с нечестивыми. Християн же похорониша скоро, колко успѣша, нечестивый же повержены зверем на снѣдение.[Над словом надписано расхищении.]

Говоритъ князь великий Димитрий Ивановичъ: «Братия, князѣ руския, воеводы мѣстныя, считайтеся, братия, коликихъ воеводъ нету, колико молодыхъ нѣтъ?». Говоритъ Григорий Александровичу московский боляринъ: «Ну ж, гос- подинъ князь великий Димитрий Ивановичъ, нету у насъ боляринов московскихъ болших 40, а 12 князей бѣлоозерскихъ, а 13 боляриновъ посадниковъ новогородскихъ, а четыредесяти боляринов серпуховских,[Испр. по У. Е серповскихъ.] а 20 боляринов переяславских, а 25 боляриновъ костромскихъ, а 35 боляриновъ володимерскихъ, а осмъ боляриновъ суждалскихъ, а чтыредесятъ бояринов муромских, а 30 боляриновъ ростовских, а 25 боляриновъ димитровских, а 60 боляриновъ звиногородскихъ, а 15 боляринов углецских. А згинуло у нас дружины полтретяста тысячъ. И помилова Богъ землю Рускую, осталося всеѣ дружины 40 тысячей и пять».

Рече же великий князь Димитрий Ивановичъ: «Братия, князи рустии, воеводы местный, //л. 312 молодыи люди избиты всѣ. Вамъ, братие, сужено между Дономъ и Днѣпромъ, на полѣ Куликов,[Испр. по У. Е Кулиновѣ.] на рѣцѣ на Неправдѣ. Положили есте головы своя за землю Рускую, за святыя церквы. Простоте мя и благословите в семъ вѣцѣ и в будущемъ». Сие же оставимъ, на преднее возыидѣмъ.

Поганому же царю Мамаю отселѣ избежавшу до моря, до мѣста, идеже град Кафа созданъ бысть. Утаивъ свое имя, и Познань бысть нѣким купцемъ, и ту убить бысть от фрагъ, испроверже злѣ живот свой. Сия же оставимъ зде.

Слышав же се Олгердь Литовский, яко князь великий Димитрий Ивановичь победи и одолѣ безбожного Мамая, возвратися воспятъ со студомъ своимъ. Безбожный же не токмо Москвы не получив, но и своих лишенъ еллинъ. Олгъ Резанский такожъ злѣ животъ скончавъ. Ровъ изры ископаи и впадеся въ яму, юже сотвори, обратися болѣзнь его на главу его, и на верхъ его неправда его сниидетъ.