Я пчала

Танцуй, маленькая чараўніца,

І хай нават прынцы паэтаў

Перад табой лягуць ніцма!

Танцуй, праставалосая бестыя,

А іхнія зайчыкі і заінькі

Хай сабе павесяцца!

Трывож іх прарэхі,

Выгінаючы белую спіну.

Чуеш, у зале прабегла рэхам:

“Блудніца…”

А ты не зважай,

Ты танцуй, чырвоная чараўніца!

Сукенкай сваёй ядвабнай

Прываблівай.

Танцуй, пазіраючы зверху на іх:

Айсідор Дункан павінна хапіць на ўсіх!