Няголены ранак

+

Дзяўчына

давайце рыхтавацца да выхаду

Навошта нам

наступныя станцыі

Нашыя грахі

пачынаюцца з гэтай

Чытайце Біблію

радок дванаццаты

Як, Вы Афелія, што чакае Гамлета?

Дайце зірнуць

у Вашыя вочы

У мяне таксама жыцьця рэзервацыя

З якой так

вырвацца хочацца

з такім каханьнем

каму яна трэба?

нейкаму Богу?

каб гадоў праз семдзесят

атрымаць павышэньне і анёлам лётаць

над горадам

душаў і целаў

грэшных?

у гэтай гульні козырам крыўда

толькі ў мяне

іншыя карты

хто на раздачы?

п’яны мача

тады

нясіце паболей ваты

якая будзе крычаць ад болю

замест мяне

фарбавацца ў колер

якому нават

макі на полі

схіляць

свае і чужыя

галовы