Няголены ранак

+

як неразношаны абутак

мне цісьне сэрца

і калі не ў памеры справа

тады ў чым

віно гарбата піва

часам кава

такая сынанімія дачканімія бяздзетнасьць і дзеці

па-за шлюбам не мае

я не магу казаць (як зручна што “х” і “з” так

блізка на клявіятуры)

і так ня блізка мы

і шыбеніцы будаўнічых кранаў

на іх штодня я адзіноту

вешаю сваю

(ты са сваёй спраўляйся залпам)

ў бязлюдным парку

буду гвалціць сум

падчас абедзенага перапынку

і

нават згубленая завушніца

не давядзе

што

злодзей гэта я