«Gravamina Livonica»
Оригинальные тексты
(28, fol. 1v.) Gravamina Livonica. Anno [15]56. Unkosth: In anno [15]56 n[ostri] d[omin]i 10 September werden verorden[t] de achtebare dochter Juhan Rudeh, her Lambert van Dallen unde Benedictus Blicherten, de van Righe unde Revel, unde de unkost, de dar up vorspilder vart was bey 300 th(aler) ungheferliche.
(28/1, fol. 2v.)
Gebrecke unnd beschwerliche nieringe dem Lubeschenn Copmanne in den landen Lifflandt verkherende wedder olden unnd lofflichenn hergebrachtenn gebruck inn mennigerley wege beiegende.
(на полях: frey saltzkauf) Beklaget thom erstenn die Copmann, dath wowoll vor langen unnd velenn Jaren tho Reval gewontlich gewest inn der haven uth den Schepenn dath Soldt fryg unnd ane alle verhinderinge tho kopen, so ist menn dennoch nu tor tyt nicht mechtich ein schippundt soltes uth den schepenn thokopenn.
(на полях: 2. Freie schiffart nach der Narve) Thom anderenn berichtet ock die copman, dath eth inn vortydenn fryg gewesenn den jenigenn so tho Lübeck unnd inn die Anze tho huß behorenn na der Narve tho schepenn, duerst nu tor tyt will men sodans nicht gestadenn, eth geschee denn uth sunderlicher gunst etc.
Thom druddenn iß jeher unnd alle
(28/1, fol. 2r.)
(на полях: 3 das buten och permutiren in dem Resput zu dorpte frei) — wege tho Dorpte freyg gewesenn inn dem Respute tho butenn, wes ein jder vergeldenn konde, der orsachenn, dath inn sollicher tyt gemeinlick die beste kopenschop plecht thofallenn. Duerst nu tor tyt werdenn die Lübeschenn coplude daruth gesteth unnd nemandes dartho gestadet etc.
Item up unnd kegenn desse dre vorgeschreven Artickele lathenn sich die vann Revell inn ohrenn anthwordenn, so sie ann einenn Erbarenn Radt tho Lübeck gelangen lathen vornhemenn, wo folget.
Vorerst, dath sollichs wes vorschrevenn vann olders ny gewesenn, eth where denn wedder ohre wethenn heimlick gescheenn.
Item die soldt unnd roggenn handeil sy vann anfange eine borger nheringe gewesenn, wo eth ock blivenn moste, so fernn sie unnd die ohrenn nicht ghar nher[ing]loß sinn scholdenn.
(28/1, fol. 3v.) Item solliche soldtbuthe unnd koep inn der havenn sy vann anfange beth nu ohrenn egenn borger kindernn, so noch unbegevenn vele weiniger frombdenn nicht gestadet wordenn.
Item sie konenn ock hinfurder nicht geduldenn edder gestadenn, wes sie mit dem fracht solte bether tho geduldet hebbenn tho ohrem ock ohrer Stadt verderfe, uth dessenn orsachenn, dath darmit unbillich gefarenn unnd ummegegaenn werth.
Item alle gesellenn junge knechte ock der vann Lübeck borgere unnd kindere uth soldt ane allenn underschedt by grotenn summenn upschuddenn umme dathsulve ohres gefallens wedderumme tho flockenn unnd tho forenn. Item sie handelenn jo lenger so mher, darmede ohnenn unnd ohrenn burgernn tho vorfange.
Item settenn den ohrenn denn duerenn koep.
(28/1, fol. 3r.) Item sagenn dem Russenn tho, die ock allene darvann denn vordeell hebbenn etc. derhalvenn sie die fryenn afschepinge nha der Narve jdermennichlichen nicht gunnen konenn.
Item sie heddenn beth anher wol erliden konen, dath eth fracht soldt so denn Lübeschenn borgernn propper thogekhamenn mochte affgeschepet werdenn, duerst nu wolden sick under dem nhamenn der vann Lübeck alle gesellenn. Item dethmerschen unnd andere vorbiddenn, also dath woll teinn personenn so sich Lübescher freygheit beromenn kegenn einenn ohrer borger, so soldt afschepenn befundenn wurdenn.
Item eth wurde dardorch ock alle tyt eth soldt, so sie mith durem koepe roggens ann sich gebracht, inn denn dreck ge jaget. Item die schutenn fracht kegenn der gemeinenn kopenschop beste verhoget. Item dath sacklowent dem Russenn tho vordeell thom hogenn prise gesteyert.
(28/1, fol. 4v.) Item endtlich lathenn sie sich up die vorigenn Artickele, so vele eth soldt belanget horenn, dath eth nutte wer, dath eth fracht soldt umme des gemeinenn nuttes willenn allene denn Lifflandeschenn borgernn verkofft edder tho Lübeck unnd inn Lifflandt Moschuppien wise twischenn denn Borgernn verhandelt wurde, dann solange dath nicht geschege, hedde die Russe denn vordeell unnd frombde, die der Steder unplicht nicht drogenn denn geneth etc.
Item up sollichenn vormeentenn bericht unnd anthworde der vann Revall ist thoseggenn unnd anthotoegenn.
Vorerst so vele belanget denn fryenn soldtkoep unnd afschepinge des Solttes nha der Narve etc., dath clerlick unnd apenbar uth olden handelers bokenn unnd schrifften her tho Lübeck, so aver vefftich septich unnd seventich Jarnn inn Lifflandt mith Borgernn tho Revall gehandelt
(28/1, fol. 4r.) unnd Maschuppie gehatt, genuchsam thobewisenn, wo och tho siner tyt woll gescheenn khan. Ist ock ane dath mith hernn Johan Viandes reckenschuppenn, so hie seligem Wolter van Hennep ethwan borger tho Lübeck avergesandt woll dartho doende, dath die borger aldar tho Revall etlick soldt van denn Hollandernn unnd ock roggenn vann den haveludenn ohrer felschup thom bestenn uth denn scheppen gebutet unnd gekofft hebbenn.
Darnefenst ist ock nicht alleine uth oldenn handelers bokenn, schrifftenn unnd brievenn offentlick thobewisenn, sundernn ock noch velenn inn Lifflandt tho Riga, Revell, Dorpt, so noch im levende sulfft bewust, dath die afschepinge des soltes denn vann Lübeck unnd andernn inn die Hanse tho hus behorende jeher unnd allewege freyg gewesenn. Ock nicht allein afschepinge des soltes, dann allerley gudere nichts butenn bescheidenn denne
(28/1, fol. 5v.) jeher unnd allewege, wenner die Copman mith sinenn gudernn uth der See quam vann Lübeck offt vann Westenn aff mit soltte, heringe, zeem, tynn, missinges drat, allun, figenn, rossinenn offt wath uth vor gudere werenn, nichts buten bescheiden mochte. Hie solliche gudere uth den Schepenn lathenn schepenn nha der Narve, Dorpte offte Newgardenn, wor hie die gudere henn hebben wolde, sunder allenn beschwer.
(на полях: 4) Item menn findt och wider inn allenn olden schrifftenn der jennigenn, die solt plegenn tho schepenn, dath ein jeder sin soldt mochte upgethenn tho Revell inn die kellere unnd uthsulvige wedder afschepenn na der Narve, nha Dorpte offt wor die copman sollichs hebbenn wolde, tho Newgardenn, inn Schwedenn edder in die Nu, dewile dan sollichs vann olders herbrucklich unnd fryg gewesenn, ock mith olden loffwerdigenn bokenn, schrifftenn, reckenschuppen.
(28/1, fol. 5r.) Belangende die Russesche kopenschop etc., de jeher unnd allewege freygh gewesenn unnd menn doch nun inn Lifflandt inn den stedenn nicht thogestadenn vermeent etc. der orsachenn wie sich inn ohrenn anthwerden vormerckenn lathenn, dath nachdem es vann olders gebrucklich unnd nicht ane ripem rade unnd hogem bedenckenn vormoge ohrer Privilegienn ohnenn gnediglich gegevenn unnd vann ohrenn landesfurstenn confirmert. Ock ohrer Stadt Revall burspracke notturfftiglich verseenn, dath gast mith gaste tho kopschlagenn mith nichte schall vorgunt noch thogelathenn werdenn. So gedechtenn sie ock daraver thoholdenn unnd sollichs hinfuro nicht thogestadenn, wente sie densulvenn Artitickell tho allenn eerenn vermöge solicher ohrer Privilegienn unnd stadt burspracke woll kondenn verbiddenn unnd erholdenn.
Item eth wurde nu mheer ogenschinlich unnd wer genoch am dagk, dath mith allen nichts angeseenn noch betrachtet wurde, dath sie
(28/1, fol. 6v.) als die ingesetenn bürgere inn tyt der nott unnd sunst eines jdernn gelegenheit unnd der geböte nha by denn landenn Lifflandt ethwas doenn unnd upsettenn mostenn, die havenn boiwerk, wege, torns, welle unnd murenn beterenn unnd diesulvigenn mith notturfftigem gebuwete versorgenn, ja liff unnd levendt darby upsettenn, wor entkegenn die overseeschenn unnd frembde se doch ghar unbehorlicker wise handeldenn, wenner die ohrenn budell woll gefullet unnd ohnenn die nheringe deger unnd all enttagenn unnd sick vann dannenn begevenn gar nichts dedenn.
Item mith wath menninge unnd veelheit bavenn der gemeinenn steder Recesse, die sie mith schwarenn uncostenn heddenn helpenn, uprichtenn unnd belevenn mothenn, daraver sie ock gerne heldenn, allerley fromede gesellenn darhenn kemenn, wher nicht tho seggenn, dann woll thobedenckenn, fft menn densulvenn, die doch nicht alle sich tho Lübeck offte tho Revall, dar sie ohre nheringe gewinnenn settedenn, borger-
(28/1, fol. 6r.) — licke frygheitt gunnenn konde etc. mith mheer andernn unnd lengerenn redenn.
Darup ist anthotogenn, dath sovele denn punct belanget ock inn olden reckenschoppen unnd brevenn, dewelcke aver sestich unnd seventich larnn oldt sint, lütter unnd clerlich befundenn werth. Ock darnefenst velenn ludenn alhir tho Lübeck dergelickenn tho Rige, Revall unnd Dorpte, dewelcke noch im levende sinn, ghar woll bewust, dath die Russesche kopenschop denn vann Lübeck unnd andernn inn der Hanse allewege freyg gewesenn, also dath sie mochtenn mith denn Russenn handelenn unnd buten tho jeder tyt avents unnd morgens, ock sowoll butenn als inn dem Respute tho Rige, Revell, Dorpte, thor Nerve mith allerley whare als waß, werck, marckenn, sabulenn, Menckenn, lastkenn, hemelenn, flaß, tallich, hennip unnd sustz mith allerley hudenn unnd whar, so die Russenn uthbrachtenn, nichts uthbeschedenn.
(28/1, fol. 7v.) Sollichs ist ock dorch erbar, frame, uprichtige unnd leffwerdige lüde der eins deels Radeß verwandtenn unnd die mehrer deell borgere tho Lübeck sint, inn jüngster vergaderinge der erbarnn gemeiner Anze Steder beschedentlick. Anno etc. XL. vor denn hernn Radessendebadenn, darsulvest upen Radthuse vorsamblet warhenn die upgemeltenn Personen geeschet unnd gefordert, die welcke ock inn denn landenn Lifflandt aver dortich unnd vertich jarnn ungeferlich min offte mheer gehantert unnd gehandelt hebbenn, mith aller umbstendicheit clerlich unnd öffentlich betuget unnd bekandt wordenn. Nemblich dath die Kopenschop mith denn Russenn inn allenn Stedenn ock binnenn Newgardenn stetz unnd allewege frygh gewesenn, welckere tuchenisse unnd bekandtniß ock allenthalven inn den Receß so darsulvest upgerichtet clerlich ist, verteickent wordenn, inn aller mathenn, wo uth dessem hirinne vorwartem Extract desulvenn Recesses itzigenn Artickell belangende klerlich thobefindenn.
Ludende wo folget.
(28/2, fol. 8v.) Extrahert uth dem Recesse gemeiner Antze Steder anno etc. XL jungest binnenn Lübeck vorgadert. Folio 45.
Belangende die frye kopmanschup mith denn Russenn unnd andernn etc. inn denn Landenn Lifflandt.
Vor denn gemeinenn der Erbar Steter Radessendebadenn sinn erschenenn die Erbarnn wolwisenn unnd Ersamenn Radtmanne unnd loffwerdigenn Bürgere tho Lübeck wo hirna benhomet.
Erstlich herr Iohan Stoltervoth radtman unnd hefft gesecht, dath hie binnen Reval gebarnn were unnd inn Lifflandt tho Riga, Dorpte, Reval unnd thor Narva inn die vertich Jar gehandelt hedde mith Russen unnd andernn fryg gekoepschlaget unnd nhe gehört, dath jemandes inn denn Stedenn dar vor, dath hie mith denn Russenn gekopschlaget geweddet hedde, ane die uth denn Schwedeschenn schutenn vellichte ann botter unnd anders vorkoep gedaenn unnd wher, dathsulve noch ser geringe gewessenn. Item
(28/2, fol. 8r.) die hockers werenn ock ein mall tho Revall gekomenn unnd heddenn vann denn Russenn etlich was gekofft, dath sie mitgebracht. So hedde ohnenn die Radt nicht gunnenn willenn, solch waß aldar thovorkopenn oder wechthoschepen, sunder heddenn dar stracks mede uth der Stadt mothenn ane dath ohnenn dorch grote vorbede nhagegevenn wordenn, so vele thovorkopenn, dath sie die vorlude mede stilledenn unnd heddenn forth, dath ander mothenn nha Rige forenn unnd sulvest mit thohenn.
Darnha hefft gesecht her Herman van Doren, dath hie ungeferlich acht unnd twintich Jhar vor sick unnd andere inn Lifflandt gehandelt unnd hedde nie anders ersport, denn dath die kopenschop mith den Russenn fryg gewesenn inn allenn stedenn ock binnenn Nowgarden, wo denn die Bürgermeister her Hinrick Ulenbrock dessulvenn so woll alse hie unnd andere mithgenhatenn hedde, hie where ock sin levelanck umb khein wedde angesprackenn, noch sins wethens jemant anders anhe die mith Schwedenn unnd Vinnenn verfenckliche kopenschop bedrevenn heddenn.
Herr Albrecht Clever hefft gesecht, dath hie inn
(28/2, fol. 9v.) allenn Stedenn dar gewesenn in negenn unnd twintigste Jar unnd hedde gehandelt mith den Russenn, dath ohme ein penninck nicht where affgenhamenn, dan uth hadde einem jedernn freig gestaenn unnd wolde sich vorwilkhorenn vor einenn jedernn penninck, die ohme muchte affgeschattet synn, einenn gülden thogevenn, dar uth anders konde bewiset werden.
Guerdt Stortelberch hefft gesecht, dath idt itzt wherenn ein unnd dortich jhar, dath hie inn Lifflandt gehandelt hedde unnd where ohme newerle vann jenigem wedde gesecht wordenn, aver dith hedde sich thogedragenn, dath sinem diener eins soß unnd dortich marck Rigisch werenn affgeschattenn, darumb dath hie einem Schwedenn solt inn Tunnenn affgekofft hedde, suß where die kopenschop mith denn Russenn allenn fryg gewesenn. Hermen Israel hedde viff unnd dortich Ihar tho velenn dusendenn in Lifflandt gehandelt, inn allenn Stedenn unnd allewege fryg gehandelt, so dath ohme ock ein böse worth derwegenn nicht gesecht worden, dar dath anders gefunden wurde, wolde hie vor einen jedernn guldenn twintich gevenn.
(28/2, fol. 9r.) Hermen Sickman hefft gesecht, dath hie unnd sine gesellenn inn die veer unnd twintich Ihar inn Lifflandt gehandelt heddenn unnd weren nie beschattet.
Hieronimus Schinkel hedde siß unnd twintich edder 28 Ihar lanck gehandelt tho Riga unnd Dorpte mith den Russenn, wenner tho Riga die strusen afgekhamenn werenn unnd wher ohme nhe ein worth gesecht edder hie derhalvenn gestraffet wordenn, alleinn do hie noch einn lung gewesenn, were hie ein mall vort wedde vorbadet. Herr lordan Pleßkow were die tyt einn Iunge mith ohme gewesenn unnd hedde der so woll mithgenhatenn alse hie.
Helmeke Schmit hedde dortich Ihar lanck tho Riga ein Steinhuß geholdenn, wo hie ock noch hedde unnd nie gewethenn vann solcker beschattung alse nhu kortes vorgenhamen were, wowoll hie dar gehandelt tho vele dusendt, wo den her Hinrich Ulenbroeck, jo so woll als hie gedaenn, demgelickenn hedde herr jordan Pleßkow unnd hie eine schute dar tho hope gehatt tho ohrer kopenschop, de wüste eth sulvenn jo so woll alse hie alleinenn ein-
(28/2, fol. 10v.) — mall hedde hie twe hören gülden mothenn gevenn, derhalvenn dath hie Borger nherung solde gedaenn hebbenn, sunst hedde hie fryg unnd her Hinrick Ulenbroeck mith ohme uthgeschepet solt, Herinck unnd anders.
Godeke Engelstede hedde nie anders gewethenn edder gehört, denn dath die Coplude uth der Anse inn allenn Steden in Lifflandt, jo so fryg werenn alse die Bürgere darsulvest.
Bavenn disse vorgeschrevene werenn ock noch dar unnd wolden ohre witlicheit gesecht hebbenn, welchs doch umb verlengerung willenn der tyt underlathenn Hanß vann der Aa, Baltzar vann Dalenn, Dethleff Reimers, Gossen Ludurckhusenn, Helmeke Pinekrull, Hinrick Gellinckhusenn, Daniel Schrever, Hinrick Tatendorp, Jeronimus Brockhusenn, Hans Hermelinn unnd Hans Niemann.
Eth ist ock uth dem eigentlich thovornhemenn, dath die Russesche kopenschop fryg gewesenn,
(28/2, fol. 10v.) dath die Russenn jeher unnd allewege begert lever tho handelenn unnd tho kopschlagenn mith deme copmanne uth den Overseeschenn stedenn, dan mith den ingesetenn des landes, welchs je nicht sinn konde, wenner die Overseeschenn mith den Russenn tho handelenn unnd tho kopschlagenn nicht fryg gewesenn.
Thodem hefft ock die Copman tho Lübeck tor tyt als die Grothfürste jungst beschicket, umme dath soltt wedderumb fryg thomacken, unnd dathmall mith demsulvenn Grotfürsten ein frede offte krutzekussinge gemacket alle die uncoste so dosulvest inn der beschickinge gescheenn, die mede up die vann Lübeck unnd ohre gudere gelecht wert, bethalen mothen, welchs sie sustz so ohnenn die Copmanschup mith dem Russenn nicht fryg gewesenn nicht schuldich gewesenn, sick ock unnd ohre gudere darmede nicht heddenn beschwerenn lathenn.
Weret overst, dath jenich mangell vann denn butenn hensischenn darann where, dath eth darmede nha vermeldinge der olden Recesse tho holdenn.
(28/2, fol. 11v.) Item derhalvenn mith denn Lifflandeschenn thohandelenn.
Item men findt inn denn oldenn unnd sustz velenn Recessenn, dath die Lifflandeschenn stede keine jungenn offte knechte frembder Nationn mustenn annhemenn offt entpfangenn, umme thor kopenschop tho holdenn, by vorborter der steder unnd copmans frygheitt unnd gerechticheit.
Item dath nemandt inn Lifflandt spracke lerenn scholde, die inn der Hanse nicht begrepenn.
Item dath ock nemandt butenn der Hanse inn Lifflandt hanterenn offte sine kopenschop driven scholde anders dann aliene inn denn stedenn by der Zee belegenn etc. Alles nha vormeldinge hirbyverwarter artickele uth der steder Recesse getagenn, sollichs allen ist overst nicht geholdenn wordenn etc.
(28/3, fol. 12v.) Wo vele dat men van guderenn to wegende geven schal.
Ith. hopper, blye, fflaß dat schyppunt.
Ith. schyff[punt] wasß baven vj ß. iiij d. weghende vj ß. Ith. eyn schebbe waß vj d.
Ith. th. honnypheß vj [d.].
Ith. schyffjpunt] tyneß 1 ß.
Ith. sacke peperß iynghevor 1 ß.
Ith. saffrans 1 punt ld.
Ith. vor alle hette krude als negholke, musschaten der ghelyck van 4 fund j d.
Ith. van mandese, Rasynen, swevel, allun, anyße vor hundert ij d.
(28/3, fol. 12r.) Ith. schippunt bussen und klocken lß. Ith. eynen kleynen wulle sack ij ß.
Ith. eynen ghroten wulle sack iiij ß.
Ith. eyn schyppunt wulle edder sedere 6 ß.
Ith. eyn schepunt ghrothe kettel viij d.
Ith. eyn tener dradeß 3 d.
Ith. vor eyn fatt flasß baven iiij schippunt weghende iiij ß.
Ith. eyn fat dat baven viij schippunt unnd [повреждеtraejwyff lyspunt myt den holte vj ß.
Ith. th. (ge)salte Hude iiij [ß].
Ith. talich fat 1 ß.
Ith. th. tallycß von ße eyn schyppunt wycht iiij d.
(28/4, fol. 13v.) Belangende denn Artickel van der wage etc. unnd dath die Copman höchlich beswert wert, also dath oldinges gewontlich gewest, vor einen Sack Pepers thogevenn tho wegen — j ß rigisch hefft overst folgendes — iv ß und nun 1 m. rigesch.
Item vor ein Schippundt wasses vormals 1 ß, nu averst ix ß. Item vor ein Schippundt flasses unnd hennippes j d., jtz vj d. rigesch unnd also fordann na Advenante mith dem solte, tinnenn, Blyg, kopper unnd allerley whare geven mothen.
Item dath ock die coplude, wenner sie waß, tallich, flaß, hennip unnd ander whar inn denn Lifflandeschenn stedenn thor wage entpfangenn unnd inn ohre steinhuser gebracht hebbenn unnd darnha uthschepenn willenn etc., diesulven gudere overmals wegenn lathenn mothenn, wo nicht dennoch gellicke woll dath wage geldt uthgeven.
Item men plach ock tho Revall inn vortydenn up jeder schippundt gernne tho hebbenn viff lispundt, nu overst sedder, dath die wage gescherpet hefft. Menn alhir tho Lübeck
(28/4, fol. 13r.) kume upt wass vonfftehalff liss., up rüge whar kume veer lißpundt, welchs eine jennelicke grote beschnidinge ist etc.
Hirup lathenn sick die van Revell inn anthworde vernhemenn, dath ohnenn wundert, dath die copman daraver klaget, dan so weinich die van Lübeck seegenn, sie ock ohre stadt mith nichte upthoholdenn unnd alle unplicht thostaende.
Item die van Lübeck unnd andere wurden in dem ock nicht hoger als sie unnd sie offt die ohrenn nicht hoger als die copman beschwert unnd gelick die vann Lübeck denn vann Reval nicht fragenn woldenn, wes sie tho ohrer stadt beste up die frembdenn unnd ock ohrenn leggenn scholdenn, sollichs ock nicht gedaenn, do sie die wage verhoget heddenn. So wurdenn sie ock ohre bürgere van ohrenn clagen desto guthwilliger affwisenn, mith dem wasse unnd tallige so tho Dorpte geteckent unnd gewagenn wurde, idt wedderumme by ohnen na dem oldenn geholdenn.
Item sie hadden sich nicht vorseen, dath men sie dergestalt, wie mit der angetogeten hemelicken beschnidinge
(28/4, fol. 14v.) gescheenn, scholde betastet hebbenn, wile sie ohre wage up keine hemelicke beschnidinge geschehet, dan dewile mathe unnd gewichte wen gades gerichte, so wolden sie die gernn sovele mogelich erholdenn, jedoch nicht anders vor die ohrenn als die Lübeschenn koplude. Eth weren ock die punde unnd lede, darmede men vor velen jarnn unnd vor der scherpinge der wage gewagenn unverändert etc. mith bith sie mith sollichenn tholagenn thoverschonenn etc.
Hirup iß tho seggen unnd thoanthworden, wen eth so were als die van Reval schreivenn, dath die punde unnd lode weren unvorandert, lethe men eth darby woll vorblivenn. Eth wurde averst mith gudem gründe in der wicht vele anders befundenn, derhalven moste men den olden Sleper darby bringen.
Item wo eth ock mith dem solte geholdenn worde, quemen die iennigenn, so eth uth den Schepen entpfangenn dagelichs woll in erfaringe.
Item wes van den van Revall angetagenn wurde, vann verhoginge der wage alhir, so were eth mith der verhoginge der wage aldar tho Revall unnd hir tho Lübeck ein seer ungelick dinck, denne tho Revall werth vann einem Schillinge up seß und dortich Schillinge Rigesch verhoget.
(28/4, fol. I5v.) Samt der kenning unnd dem Tornn tho dagedenn unnd dem ungewontlichen upgesettedenn havenn gelde, darmede die Schepe gantz beschwerlich beschattet werdenn als vann vofftich lastenn dre marck Rigesch vann hundert lastenn soß marck. Iß eth Schip groter alßdenne achte negen tein marck unnd so vordann, so vacken sollichs kumpt, moth sodan geldt gegevenn werdenn, welchs vorwar nicht ein geringes ist.
Darup die vann Revall doen anthwerdenn, dath ohnenn der clage des copmans befremdet unnd dath men nicht liden konde, wes einem tho sinem bestenn geschege unnd solde denn copludenn menn so beschwerlich nicht sinn sollich geldt utthogevenn, noch sich dartho vorlangenn lathen, dath die kenninge nicht lichtlich konde affgedaenn werdenn, dann wes noch kortzlich darvann by ohnenn gehandelt, unnd wes sie darentkegenn vor frygheit by sich vorgunt, were ohnenn woll bewust unnd soldenn derhalvenn sick mith nichte so hochlichenn beclagenn etc.
(28/4, fol. 15r.) Ist hirup denn vann Revall anthotogenn unnd thoseggenn, dath die vann Lübeck sich nicht geweyert, wie ock noch wes ohnenn der kenninge halvenn tho doende geboert, dath sie overst ohre havenn unnd bolwerck underholdenn unnd derhalvenn solliche ungewontliche beschattinge up ohre Schepe gelecht werdenn scholde, wer ohnenn beschwerlich unnd ock nicht doenlick mith beger sollichs affthostellenn etc.
(28/4, fol. 16v.) Vann wegenn der beschweringe, so dem copmanne mith dem terra der tallich fathe bejegent, wor mith die copman ock merklich vernadeelt wert etc. derhalvenn umme geborlichenn wandell thoverschaffen biddende.
Worup die vann Revell geantwordeth inn ohrenn schrifftenn, dath uth woll seer guth were, dewile die hir nicht beredet, men des einenn wandell hebbenn khonde, woldenn ock gernn so vele doenn helpen als ohnenn mogelich etc.
Tho seggenn, dath menn sich des noch foelt mercklich beschwert, derhalvenn ock thoforderenn, umme mith denn vann Dorbte unnd thor Narve darann tho sinde, dath sollich beschwer affgeschafft unnd die copmann darmede unvornadelt blivenn möge.
(28/4, fol. 16r.) Up denn Artickell, dath eth soldt, so vann hieraff up Revall werth geschepet, aldar plach frygh thowesenn unnd keinenn tollenn thogevenn, unnd doch nunn vann jder last solttes, wenn uth uthgeschepet wert, einenn ferdinck gevenn moth etc.
Aver welckenn Artickell die vann Revall henghann, unnd densulven unbeantwordet lathenn.
Ist nochmals tho forderenn, solliche beschattinge wedder affthostellenn.
(28/4, fol. 17v.) Endtlich beclaget sich ock der copmann, dath newlich am vorgangenn winter tho Dorpte beyde bürgere unnd gesellenn darsulvest hebbenn mothenn certicerenn, worup ohnenn ock vann dem borgermeister aldar tho Dorpte eyn teckenn gegevenn, dath die gudere so tho Dorpte vann den Russenn verhütet, ohnenn denn burgernn unnd gesellenn sampt Rige unnd Revell aliene thobehordenn unnd dath nemandes so mith ohnenn maschuppie hebbenn, eth sy binnenn Lübeck offt anders wor, darann parth offte deell hedde, woruth clerlich thovermercken, dath die Lifflandeschenn steder nicht anders bedacht sinn, dann denn copman thom gründe thovorderven.
(28/5, fol. 18v.) Extract aus dem Recess anni 1554 Ermitstis.
(на полях: de uprechtung des Nowgardisch Cuntors unnd befurderung einer Legation in die Muscow belangend).
(28/5, fol. 19v.) Extract aus dem Reces vonn anno 1554 vonn dem Nowgardischen Cunthor.
Unnd iß darup eindrechtiglich bewilliget, diweile mann noch vor der hanndt uth allerley orsakenn nicht bequemlich up de stede der Residenten efft man die tho Brügge edder Anthwerpenn holdenn wolde, schluthenn konde, dath vorerst de sake des Naugardischenn Cunthors getractirt, beradtschlaget unnd darinn geschlothenn, unnd tho der behuff der her Rigische Bürgermeister Bürgermeister (sic!), weß der drier Lifflenndischen steder bedencken unnd bevelch were avermals gehört werden mochte.
Worup sine E.w. erstlich sovele de wedderuprichtinge des Nowgardischen cunthors belanngt vonn wegenn seiner obern unnd oldesten angetzeigt, dath ßich die Erbarn stede uth dem Receß anno etc. 49 jungst alhier upgerichtet uth des burgermeisters hern jurgen Palen, damals Rathen vonn Rige, derwegenn ingebrachten bevelich unnd warhafftigenn bericht der geferlicheit halven genuchsam thoerinnern hedden, unnd erhelt ßich de
(28/5, fol. 19r.) sake noch alßo unnd nicht annders. Zu deme wolde ganntz schwär unnd ßorglich sein, dath de wahr als werck unnd andere Pelterie, so vormals upt cunthor tho Nowgarden gebracht unnd darmit der vornembste hanndel plach tho ßin, wile de nun in ßo veler lude handen gekamenn unnd de Lettoiwisehen, Cracowischenn, Passenower unnd anndere, de halden unnd nach Leipzig unnd andere orde brachtenn, dath de wederumb uth der Lude hannden unnd alleine thom Cunthor tho Nowgardenn gebracht werden konnden. Tho deme were ock woll thobeßorgen, wen gelick der grottfürst vele laven worde, datt dennoch datsulve schwerlich geholden werden ßolde, unnd dath de kopman ahne [gejfahr mit ohren persohnen unnd gudern dath cunthor beßoken unnd de Residentie dar holdenn kohnden.
Up solchenn bericht die andern gemeinen hern Rathen nach der vonn Rige affrede ßich beradtschlaget unnd nafolgender meynung entschlathenn, dersulve ock den hern
(28/5, fol. 20v.) Rigischen Gesanndten wiederumme dorch denn herrn Lübischenn Bürgermeister angesecht, nemlich dath die Erbarn gemeyne Radhen, weß sine Erb. w. ohrer oldesten vann wedder uprichtinge des Naugardischenn cunthors jtem des Puntt tollenn halven in nahmen aller dryer stede Rige, Revel, Dorpte ßich vornehmen lathenn, verstannden, unnd datsulve riplich beradtschlaget unnd bewagenn, unnd wowol nun vonn ohnen vermercket, dath ohre obern unnd oldersten uth etlichenn angelagenn ursachenn de wedderuprichtinge des Naugardischenn cunthors unnd derwegen jhenige Legation ann den grotforsten tho doende nicht vor radtsam erachtet, ock ßich beschwert den punttoll in ohren stedenn tho der behoff anthosetten. So heddenn dennoch die Erb. gemeine rathen vor gutt unnd nodich angesehen unnd beschlothenn, nachdem by dem grottforsten bereith ein geleide thom intoge dorch die Erbaren vonn Revel uthgebracht, dath men die beschickung tho förderlichster gelegenheit ann den grottforsten doen ßolde, damit man edt cunthor tho Naugardenn widerumb uprichten unnd
(28/5, fol. 20r.) alßo de Stapel wedderumme in der Ansehischen hennde unnd alßo tho dem Cunthor tho Brügge edder wor men de Residentie in den Nedderlanndenn eins werdenn konde, bringenn mochte, unnd dath der behoff de punttollen inn den thween Steden upgestettet werden mochte, dann ßolchs je unnd allewegenn inn ßolkenn feilen gebrucklich gewesen unnd nachdem ßolcher punttollenn allein up des kopmanns vonn der Hense unnd nicht der frembdtenn anndern potentaten unnd der Key. matt, unnderworpen guder gesettet, so heddenn se sich derwegenn einige beschwerhrunge ader nien uplage ann denen mit rechtenn thobefahren, dan densulve ahne dath ßolches fry were unnd men ohnen, wenn so des bedacht, nicht sperrenn oder verhindernn konnde. Idt were averst gemeinen Erbarn stedenn fast beschwerlich unnd de lennge keins wegs mehr thogeduldenn, nachdem je annders nicht vonn ohnen vermercket wurde, dann dath ohnen ßo wol als anndere vor radtsam erachtetenn, dath Brüggische cunthor wiederumb anthorichten unnd eine Residentie tho unnderholden, unnd ßolches nicht geschehenn konde, eth mostenn dann
(28/5, fol. 21v.) de Stapel guder ock eindrechtiglich thom cunthor gebracht werden, dath ohnen unradtsam duchte, dath Naugardische cunthor wedder upthorichten, so ßick ock beschwehrdenn den puntthollenn inn ohren steden anthosettenn, nachdem nu solche guder so vormals tho Naugarden durch die Russen gebracht unnd darvan de gemeyne hanße stede koplude ohre nahhrung unnd handtierung up idt Brüggische cunthor dreven, inn de dre stede gebracht werden. Unnd wowol nah verstoringe des Nawgardischen cunthors lannge jar aller Annze stede kuplude ßolcke guder ock in den dren steden, ßo woll als ohre borgere, de fry kopen, unnd mit denn Russenn unverhindert handlenn mochten, so sick dennoch nu je lenger je mehr unndernehmen der gemeinen steder kopluden ßolches nicht mehr in ohren steden thogestaden unnd ohnen alßo ohre gewöhnliche frie nahrunge gantz unfreuntlich unnd unnachbarlich thoverhindern, unnd ßich alßo dath jhenige, weß gemeiner Erbaren steder gewesen iß alleine thothoeigenen unnd jfft man woll daraver veelfoldich geclagt. So werde doch ßolches je lenger je beschwerlicher furgenahmen, welches dan denn Erbarn steden thom hohesten beschwerlich, unnd wurden derwegenn
(28/5, fol. 21r.) nottwendig tho wedder uprichtinge des Naugardischenn Cunthors unnd beschickung ann denn grotfürsten verorsacket, dar averst by ohnen thoerholdenn, unnd se des einigenn bevel heddenn thovertrosten, dath de gemeine kopman inn de Antze stede gehorich, wie vor olders geschehenn, mit den Russenn aldar frye kopenn unnd verkopenn mochtenn. Hedde idt ßine mathe, hedde men lever by denn frundenn als frombdenn tho bliven, wo averst nicht hedden se affthonehmenn, wen idt gelick tho Naugardenn nicht radtsam befundenn wurde, dath men dennoch tho annderen gelegenen ordenn unnd wegenn, dar dem gemeinem kopmanne so woll als ohren mit denn Russen thohandlen fry gelathenn, gedencken wurde, der men ßick averst beth hertho umb older verwanndtnisse ohren stedenn thom besten nicht gebrucken wolle. Tho dem heddenn se affthonehmen, wen ßolches an denn grotfürstenn gelangede, dath denn Russenn mit denn averseheschenn in ohren stedenn thohanndlenn nicht frygelathenn, dath se ßolches ock nicht vor guth hebben wurde unnd daruth woll weß, dath ohnen unnd ohren steden nicht ßo gar wol gelegen erfolgenn konnde. Derwegenn nochmals frundtlich vonn gemeyner Rathen wegen
(28/5, fol. 22v.) vann ohnen begert werden, dat ßie ßich herinne der billicheit nach nachparlich schickenn unnd vernehmen lassenn woldenn.
Vorup der her Rigisch burgermeister anngetaiget, weß se ßick vonn wegen wedderuprichtinge des Nawgardischenn cunthors unnd beschickung ann denn grothforsten vernehmen lathenn, solckes hedde he alleine vonn wegen ohrer obernn unnd oldesten des rades tho Rige angeleget, averst des punttollenn halven were aller drier steder bevelch, sovele averst belangede de frie hanndtierung mit denn Russenn, des were je vor thween jaren denn hern bübischen gesanndtenn derwegenn guder bescheidt angetzeigt, de ßolches ahne thwivel woll wordenn gereferirt hebbenn, darby se solches lathenn wolde, unnd hedde keinnenn anndern bevelch mit anthehung, dath de kopenschup mit denn Russenn, so vormals upt Naugardische cunthor eine geschwinde Veränderung gewunnenn, unnd inn viel annderer lüde freumbde hande gekamenn unnd frembde Natien de fordern unnd iß ßo grott up ohre stede nicht geschehen, dath so nu nicht alle doren unnd finster einem jeder de updede, unnd dath jhenne dar
(28/5, fol. 22r.) ßick ohre burger mit ernehren mothenn alle man frig lethenn, des hedde men se billich je nicht thoverdenckenn.
Unnd wowoll hiervan noch allerlei wesselrede gefallenn van verstadung der stapelguder inn ohrer statt inn hannde der Hollannder unnd annder frombde Natien, unnd der her Rigische Bürgermeister ßolches hiermit veranthwort, wen ohnen datsulve gelick in ohrer statt nicht gestadet, se na Dunemünde teen unnd darsulvest ohre notturfft bekamenn, welches se nicht verhindern kohnden, unnd ßunst by ßinem vorigenn inbringenn und bevellich dede beharrenn, unnd datsulve im Receß thoverwahrenn gebedenn. So iß idt gelike by gemeynes Rathen beschluth vonn beschickung des grottfürstenn unnd upsettinge des punttollenn gebleven unnd worth tho der behuff vam punttollenn uth dem Receß anni 1453, dath men von hundert marck lübisch einen ferding tho gevenn, ein drechtig bewillet unnd ein affschrifft des uthgebrachtenn geleides gelesen.
Unnd na verlesunge durch denn herrn bübischen Bürgermeister angetzeigt, wile uth verlesinge berurtes Recesses befurdenn, dath idt mit dem punttollenn nicht nie iß, sondern vonn
(28/5, fol. 23v.) oldenß ßo gebruchlick gewesenn, muste men idt darby lathenn, wes averst belannget durch welcher stede gesanndten, die beschickung geschehenn scholl, wile verganngenes lars darinne geschlothenn unnd neffenst des Erbarnn Rades tho Lübeck, Collenn, Hamborch, Konnigßperg, Rige, Revel, Dar(p)th verordnet. So moste idt billich darby ock bliven, welches de gemeimen Rathen allßo bewillet, uthgenahmen allein, dath die Erbarenn von Collenn, so vele de beschikung belanget angezeigt, dath ohrenn obernn unnd oldestenn ßolches vergangnes jars ingebracht, unnd se averst der widenn affgelegenheit halven darinn nicht willigenn können, nochmals gebedenn, darmit frundtlich verschonth thowerden, deßlickenn de von Riga ock gebeden unnd abgetzeigt, dath se darinne ock denn punttollen tho willigen unnd denwegenn einige ennderung annders als ohnen vonn de Erb. dren steden bevalenn nicht inthoruhmen wüsten unnd wie nun die Erb. vonn Collenn, deßlick de vann Riga ein afftredt genahmen unnd dennoch nochmals vor guth unnd radtsam angesehen ock angestecht, dath de Erbaren vonn Collenn umb mehrers ansehenns willen, wile se fast de witest affgelegene overseheschen werenn, de beschickung mede doenn unnd
(28/5, fol. 23r.) ßolches by ohren obernn unnd oldesten mit dem besten befordernn unnd vortsetten willen, hebben se ßolchs jedoch up behorh unnd beleninge ohrer oldestenn ann desulven heuvththobringenn unnd referiren angenahmen, de ßich des och wes ohren Erb. w. derwegen edder nicht tho dermede tidtlich erclerenn wurden.
So vele averst de Erbarenn vann Riga belanngt, iß densulven angesecht, wile se vornn jar thor beschickung mit verordert, sege man noch wol vor gutt, dath se als ein hoveth der drier lifflendischen steder unnd de der Lande gelegenheit wethenn, dath se de beschickung mit gedaen, unnd se ßolches an ohre oldesten mit dem besten gelangen muchten, wo averst je nicht muste men idt darby lathenn gescheen.
Darnach wurth etlicher mathen vonn der Instruction, welch man denn gesanndten mitgeven ßolde, geproponirt unnd under annderen in radtschlagung gesteh, ifft men ock umme den olden schadenn furdernn solde, item ifft men tho den
(28/5, fol. 24v.) Privilegienn, so menn dar im lannde hedde, noch wes mehr tho notturfft unnd versekerung des kopmanns begerenn solde, unnd wowoll ßo vele denn oldenn schadenn belangt, nicht radtsam erachtet, densulvigenn tho forderenn, wile menn umb Confirmati — on unnd erlangung Privilegien unnd freyheit schickenn wolde, sunder dath des woll inn aller gudicheit gedacht werdenn muchte, darmit der kunfftigenn fahr halven men desto fuglicher ßick verwahren lathenn muchte. Diewile averst van Privilegien vorgefallenn, so iß vor gutt angesehenn, vorerst thobesichtigenn unnd horenn lesten, weß menn vor Privilegien im lannde hedde, item uth denn Recessen, wes vormals des schadenns halven getractirt, darmit menn daruth de Instruction desto beth thostellenn etc. unnd wurt darsulve jegenn folgennden dath tho 7 uhren verschoven.
Sonnavendes morgens als de hern Rathen
(28/5, fol. 24r.) wiederumb bei einannder ersehenen, iß vorerst gelesenn uth dem Receß anni 1498, weß des schadenns halven mit denn Russischenn gesandten gehandelt, darinn der Russen clacht unnd der stede anthworth ock gegen clacht wedder de Russenn, wes ßick inn rede unnd wedderrede thogedragenn nach aller notturfft beredet, item wes ßunst by dem Rade tho Lübeck gerhandelt, nemlich einn Privilegium vonn konnigenn lerethlawes ßone, item ein krutzkussinge 1472, item ein Copie eines geleides brieves von dem Bisschop unnd der statt Nowgardenn, item Statuta des kopmanns unnd s. Peters Schräge, unnd worth daruth nichts sonderlichs van Privilegien edder freyheit vermerckt, sunder wile bedacht, dath men dar im lannde mit keinenn thollenn oder unplichtenn wie in Dutschen landt beschwert unnd darfur geachtet, dath idt am meisten ann einer bestendigen versekerung der persohnen unnd guder gelegenn ßein wolle, ock wol villeichte noch woll wes eigentlichers unnd mehr das in denn lifflendischenn steden vorhanden ßin mach, ßo mochten ßick dar de gesandten deß wider erkundigenn.
(28/5, fol. 25v.) Item wurth ock durch denn herrn Lübschen Bürgermeister bewogenn, dath men sich der tidt, wenner men de beschickung doenn wolde, verglicken unnd vereinigen mochte.
Item nachdem men dem grottfürsten unnd anndernn Baiardenn verehren musten, wath ßolche geschencke ßin. Item woher man dartho ock thor uncost, ßo up de Legation lopen wurde, dath gelt nehmen ßolde, wile de punttollen vor dem kunfftigenn jare noch nicht angesettet werden konnde. Item wo vele unnd wath persohnen ein jeder deputierde statt schicken ßolde. Item dath ann die van Riga unnd Dorpte geschreven werden, muste ßick gegenn ankunffst der gesandten gehnn Revel thoverfogen, damit men ßick mitt dennsulven der olden Privilegien, frey- unnd gerechtigkeit halven der Erbarn Antzestette mit denn Russenn in denn Lifflendischenn stedenn gehatt in ohren Stedenn thohandlenn, bespreckenn unnd wes by ohnen thoerholdenn, vorerst erkundet
(28/5, fol. 25r.) werdenn muchte oder, wo nicht ifft se ock macht hebbenn ßolden einer andern stede in Lifflanndt, dar de kopman mit denn Russenn frie hanndtirung hebben mochte, sick verglickenn unnd derwegen thohandlenn. Item de vann Revel ock daranne tidtlich adverterenn, deßglickenn den Erbarnn vonn Konigsberge thoschriven, dath se ßick unnd jegenn welcke tidt tho der legation gesatet makenn mögen. Item ifft menn ßich der Instruction hier vereinigenn unnd verglickenn oder den gesanndtenn derwegenn ßick inn denn Lifflendischenn steden mit denn verordentenn thoentschluthenn macht geven wolde.
Unnd nachdem hierinn de stemmenn unglick, ßo iß tho forderung der sakenn ein uth schott bewilliget, de alle hier inne notturftige dinge uth denn privilegienn unnd olden tractatenn erkundenn, erwegenn unnd darin up gemeiner Rathen behoch schluthenn mochten unnd ßindt dartzu gedeputert neffenst den Erbarnn vann Lübeck die Erbarn von Collenn, Hamborch, Dantzigk und Rige etc.
(28/5, fol. 26v.) Unnd so vele de Instruction belannget, wiewoll desulve hier nicht vollen kamelich gesteh werden konnde, sunder des denn vorordenten gesanndten vollenkamen macht in Lifflandt mit denn steden ßick thoverglicken gegeven werden muste, iß dennoch denn heren des uttschotes bevalen worden, die instruction etlicher mathenn tho stellenn, unnd ßust annder puncte halven ßick tho verglicken.
So vele de persohnen wordorch die beschickung tho donde, belanngt iß vor gutt angesehen, dath ein jeder deputerde statt eine Radesperßohnn schickenn möge.
Vorher dath verlach der uncosten thom geschencke unnd ßunnst thor Legation vorerst genohmmen ßolle werden, wile derwegenn ein ßonderlicker Artickel von der Contribution tho betalinge ßolchen angewandten uncosten uthgeschreven, iß ßolckes beth tho radtschlagung dessulven reservirth etc.
(28/6, fol. 27v.) Extract uth dem Recess Anni 1559 Jacobi Apostoli belangende die handlung so tho der tyt mith des herren Meisters tho Lifflandt unnd der steder Riga unnd Revell Gesandtenn, der Erbarnn allgemeiner Hense stette affgesandtenn geplegenn etc.
(28/6, fol. 28v.) Extract uth dem Recess Anni 1559 Jacobi Apostoli.
Negest dissem iß der Erbarn van Revell anthwortschrifft, so denn vormiddach, wo gemelt, overgegevenn, denevenn einer andern schrifft, darinn Ursachen angetagenn, wordurch ßie ohre uthliggere jegen die Wyburgesfarer utthorusten bewagenn, unnd des herren meisters bestellung, dergelicken eine copie der verdracht, so hir tho Lübeck twischen beyden parthen upgerichtet, verlesenn wordenn. Als nu die herr Bürgermeister tho Lübeck soliche schriffte dem wedderparthe notturfftiger jegenanthwurt halvenn thothosteilen begert, sollichs averst ane vorgaende Deliberationn van denn herrnn Radtsgesandthen nicht hefft können bewilliget werdenn, sint die herrenn tho beidenn syden darup affgetredenn.
Darna als sie wedder binnenn gekamenn, iß ohnenn durch den hern doctor van Collen dusse meynung angetzeigt.
Och hedden die herrn Gesandtenn uth vorgebrachter clage unnd anthwurt die errunge beyder Raethe vernhamenn unnd bewagenn, dath na gelegenen sachenn nicht radtsam noch nodich tho ferner disputation mehr schriffte thoproducierenn, diewile dan hirbevorn denn Erbarnn van Revell die begerte schrifft der jegendeele affgeschlagenn, so moßtenn sich ock die Erbarn van Lübeck nicht beschweren, dath ohnen der vann Revell anthwurtt dithmahl ock nicht folgenn konde, sovele averst den Principali handeil belangede vermuchte die Confoederation,
(28/6, fol. 28r.) dath alle twispaltt, so twischen den Steden mochten infallenn, allererst durch beydersith frunde, offt ße gütlich thoverdragenn, solde verßicht werdenn, derwegenn wolde sich geboerenn, dath dusse weg erst vorgenhamenn wurde, die herren Gesandtenn weren erbodich, sich dartho gerne gebrucken tholatenn, unnd diewile im uthschrivenn desses dages ein Artickell vann der Segellation up Wyborch mith ingestellet, So were der herrn Radtsgesandtenn frundtlich ansinnen, dath dieselve Artickell hirnegest muchte vor die handt genamenn unnd darinn consultert werdenn.
Hirmith sint beide parthe thofredenn gewest unnd hebben ohnenn tho guetlicher underhandlung stede thoernennenn begert, sollichs averst beyder sitz tho gefallenn gesteh, welcke stede ein jeder parth sulvest erkesenn woldenn. jedoch hefft die herr burgermeister tho Lübeck vermeldet, dath der Wyburgesfarer schrifft, welche die vann Revall nu so flitich gefordert, ohnenn inn die herberge thogeschicket gewessenn unnd sie diesulve nicht heddenn annhemenn willenn.
Unnd als idt hiermith ann den avendt gelopenn, iß die handeil der Wyburgischenn Siegellation beth thom negestenn suspendieret unnd alleinenn eine Supplication schrifft ann die gemeine Radtsgesandtenn Anthony Kolers jegen Hans Loffhagenn, darinne umb vorschrifft ann die Fürstenn tho Pommernn gebedenn, die ohme ock decerviert wordenn, verlesenn unnd denn dach darbey verblevenn.
(28/6, fol. 29v.) Maendage Morgens den 28th Augusti tho 7 schlagen, als des herrn Meisters tho Lifflandt obgedachte geschickede ingefurdert, iß ohnenn thosampt denn Erbarn van Riga unnd Revell durch denn herrenn Collinischenn doctor nafolgende anthwurt thogelicke gegevenn.
Der Erbarn allgemeiner Antze stett Gesandten heddenn vergangenn jhars ock desser tyt vann des hochwerdigenn unnd grotmechtigenn Fürsten unnd herrenn, herrenn Meister tho Lifflandt unnd der beydenn stede Riga unnd Revell gesandthen den beschwerlichenn unnd bedrofflichen thostandt der Lande Lifflandt, wo die nach der lenge verteilet, unnd wath darup gesicht unnd begert werdenn mith bedrevedem genuthe angehoret unnd vernhamen, droegen ock der allen ein getruwlich unnd nachberlich mithlidenn.
Unnd wowoll sie solliche allerhogeste beschwerunge, darbeneven ock die macht unnd gewaldt der fiendes mith aller umbstendicheit tho gemoete getagenn ock bewagen unnd betrachtet, wo unnd welcher gestalt dem bedrovedenn lande unnd stedenn uth sollicher last, bedruck unnd geschar wedderumb tho fredt unnd ruhe mochte verholpen werden.
So befinden sie doch dath die Sachen groet unnd hochwichtig, diewile denne dath Landt eine Provintz des hilligenn Romischenn Rykes ock andern umbliggenden Potentathen, Kunnigen, Fürsten unnd herrenn, Stenden unnd steden mith darann merklich gelegenn, also men dem fiende (welchs Godt gnediglich wolde verhodenn) sinen willen thofullen bringenn solde, verhenget unnd gestadet werden.
(28/6, fol. 29r.) Dath ohnenn allenn daruth unwedderbringlich unradt unnd verderff erfolgenn wurde, we ein jeder verstendiger by sich woll thobedenckenn, unnd nu die Erbarn gesandthen noch nicht vermercket, wes die Rom. Key. May. sampt Chur- unnd Fürstenn ock den gemeinen Stendenn des hilligenn Rykes dergelickenn die andern negstbelegene Potentathen, Kunnige, Fürsten unnd herrenn bescheidentlich die Kon. May. tho Polen, Dennemarckenn, Schwedenn, die Fürsten tho Prussen, Pommern unnd Meckelburg mith anderenn so bethanher des Landes, in Sonderheit vor andernn genatenn unnd noch henfurder, wenn die Allmechtige frede unnd ruhe wedder gevenn wolde, genetenn wurdenn, tho erreddunge der Landes mith trost, hulp, bystandt unnd entsettinge thodoende geneget unnd ock, gefatet edder nicht, ane welchs der Erbarn steder vermugeliche hulpe inn betrachtung des fiends groter unnd beharlicher macht weinig edder gar nicht ersprießlich ßinn wurde. So kondenn sich disse Erbarnn gesandthen eher unnd thovornn sie sollichs gehortt unnd erwagenn, ohres gemuets unnd bevelch nicht erclerenn noch entschlutenn. Wen sie averst des notturfftiglich unnd bestendiglich berichtet wordenn, alßdenne woldenn sie sich ohrer herrenn unnd Overnn befelchs ferner vernhemenn lathenn.
Up disse anthwurtt hebbenn die geschickedenn bedencken, gebeden unnd erholden, wo sie nu allso enthweckenn, thosampt den beydenn Stedenn Riga unnd Revell, iß middeler wile des Hertogenn tho Pommern, Herren Bernims Vorschrifft
(28/6, fol. 30v.) gelesenn wordenn vor einen siner f. g. underdanen Gerdt Stevenn genandt mith dessulvenn Steven bygefogeder Supplication jegen den Erbarn Radt tho Lübeck etlicher enthmaulenn Lakenn unnd eines Schepes halvenn, des denne einem Erbarnn Radt tho Lübeck die veranthwordung bevalenn wordenn.
Als nu die Geschickedenn wedder ingekamenn, hebben sie negest gnediger ohrer Fürstenn unnd dienstlicher ohrer Personen dancksagung der vermerckeden frundtlichenn unnd mithlidendenn thoneigung halven disse anthwurtt gegevenn.
Dath sie nicht twifeldenn, dann die Erbarnn Radtsgesandthen heddenn genochsam vermercket, inn wath grote unnd overmetige beschwerunge die Lande tho Lifflandt dusser tyt durch vorhenckniß des Allmechtigenn geradenn unnd wath vordeels dennoch des Tartarenn halvenn tho verhopentlicher betherunge van dem Levenn Gade ock verhenget, derhalvenn denn die macht des findes nicht so ßehr als die vorstandt allerhogeste unnd ulerste nodt der frunde. Unnd durch wath wise diesulvenn muchten gereddet werdenn, billich thobedencken beneven dem, dath jtziger gelegenheit nu mith einer geringer hulpe dath woll thobeschaffenn, welchs her namals mith velen dusendenn wurde feilenn. Derwegenn were ohres gnedigenn herrenn gentzliche thoversicht unnd vertruwenn, dath die herrenn Gesandtenn
(28/6, fol. 30r.) sollichs wurdenn tho herten unnd gemuet schoeren, damith so einem Ummenschlichem fiende ßyn Tirannisch bludtdurstig vorhebbenn, dath hie gernn jegenn alle dusse Lande unnd Stede bewisede inn tydenn, mochte gewehret unnd verhindert werdenn, denn so man die hulpe lenger wolde upholdenn unnd vortehenn, wurde man der Order jo so ein erbärmlich Exempell mith den Russenn, als inn Ungaren mith den Turcken spuren unnd befinden. Alßdann nu begert worde, dath sie sick solden ercleren, weß trostes disses schals vann der Key. May. unnd denn gemeinenn Rykes Stendenn, dergelickenn vann andernn unnd sonderlichs denn benaberdenn konigenn unnd Fürstenn als Polen, Schwedenn, Prussenn, Pommern etc. thovermoedenn. So heddenn sie des keinenn bevelch, were ohnen ock tho deme unkundt, dith averst wustenn sie gewiß, dath ohre gnedige herre mith besokinge hogstgedachter Key. May. thosampt dem gantzen Ryke, ock anderer Kunnige, Fürstenn unnd Potentathen allenn moglichenn unnd menschlichenn flit nicht gesparet hopedenn ock dath die sachenn up dem Itzigenn Rykesdage so wyt gedrevenn, dath mann die armen bedroevedenn Lande nicht gar trostloeß wurde vergethenn, wo averst unnd durch wath maten sollichs solde vorgenhamenn werdenn, were ohnen noch tor tyt verbergenn. Polen unnd Schweden wurdenn ock ohre hulpliche hende nicht anholdenn kondenn, averst noch thor tyt des friedlichenn anstandes halvenn, darmith sie sich jegenn
(28/6, fol. 31v.) denn Grotfürstenn ingelathenn, dartho nicht kamenn.
Wo averst dem so hebben die Erbarnn allgemeinen stede die günstige thosage gedaen, dath sie sich up desser dachfhart ohres gemuetes endtlich wolden vernhemen lathenn.
Demnha were ehre hochflitige bede, dath demsulvigenn also muchte geburliche folge geschehenn unangesehenn, dath sie die geschickedenn sich also vor der handt up die vorgestelledenn frage uth gehordenn sachenn nicht konden erclerenn. Sollichs wurde ohre gnediger herr mith gnadenn nimmer vergetenn. Sie woldenn ock gerne verdienenn.
Darmith sich nu die herren Radtsgesandthen avermals up dusse meinunnge muchten beradtschlagenn, sint die Geschickedenn enthweckenn, diewile averst die tyt fast verlopenn, dath sie umme wichticheit willen der Sachenn nicht endtlich hebbenn können eins werden. Sint die geschickedenn beth tho gelegener tyt, dath man sie tho endtlicher anthwurtt wedderumb konde bescheidenn, sich tho entholdenn gebedenn wordenn.
(28/7, fol. 32v.) Extract uth dem Recess Anni 1559 Jacobi Apostoli.
Dinßdage Morgens 29. Augusti umb Seigers 7. als die herrnn Radtsgesandtenn bedacht wordenn der Lifflendischen anwerffinge halvenn thoconsulteren unnd sich einer endtlichen anthwurt thoentschlutenn, sint die Erbarn van Riga unnd Revell uthgewiset unnd hebben sich middeler wile na langem bewage unnd velen radtschlegenn die Erbarnn gemeine Radtsgesandtenn sollich einer anthwurtt als hirna verteickent denn negestenn dach des herrenn Meisters geschickedenn thogevenn vereiniget.
(на полях поздняя приписка: NB. Lifflandische Stette selbst Ursache zur verstorung Lifflands gegeben) Denn Radtsgesandtenn averst der beidenn Steder Riga unnd Revell als sie ingeeschet, iß durch den herrn doctor vann Collenn desse meinung angetzeigt.
Die Erbarn gemeinen Rathsgesandthen hedden, weß beide mundtlich unnd schrifftlich van wegenn des beschwerlichen abliegens des Landes Lifflandt ock der Segellation halven nha Wyborch ann sie gelanget unnd gesucht genochsam vernhamen. Nu were nicht ane unnd sie wüsten sulvest, dath die sachenn tho den wegen geraden, dath nicht woll middele thofinden, wordurch solliche beschwerunge affthowendenn, wowoll die allgemeinem! Gesandten alle billiche anschlege bewagenn, wordurch den dingenn mochte geraden unnd geholpen werdenn. Nu wurde doch gelichewoll befunden, dath die Stede sulverst tho dusser verstörung unnd droffnisse Ursachen gegevenn mith dem, dath sie dessenn Stedenn unnd ohren Copludenn an ohrer kopenschop unnd handelung, die sie so lange jhar her by ohnenn fryg gehatt, darover ock die Lifflendischen
(28/7, fol. 32r.) Stede tho allem upnhemenn gedye unnd geluckselicheit geradenn, verkortinge unnd affbrock gedaen, unangesehenn, dath desse Stede nu inn die dortich lahr here mith besondernn anholdenn, beide schrifftlich unnd mundtlich, so mennigfoldige furderunge unnd bede angewandt, darmith sollichem kumpstiglichem unrade inn tyden mochte vorgesehenn unnd gewehret werdenn, welches alles Grotziglich verachtet unnd in denn wyndt geschlagenn wordenn beth so lange, dath nu weder trost noch hulpe mehr vorhandenn. Nu wustenn sie ock, wo flitich unnd getruwelick vor veer lahernn tho ohrem bestenn einer stattlichenn Legation halvenn ann denn Groetfürstenn tho ferdigenn, die gemeinenn Stedere gerathschlaget, tho welcker behoef ock die Instruction schonn gestellt, die Personen deputieret, dath geleyde erworven unnd alle andere nottupfft bereidt gewessenn. Welchs doch sie alleinn dardurch, dath sie denn bewilligedenn Punttollenn, die doch ane allenn ohren schadenn hedde können genamenn werdenn, nicht inrumen willen, gestoert unnd verhindert, welchs allenn die Erbarn stede sich nicht versegenn heddenn. Nu averst ohnenn sulvest schir tho unwedder bringlichem vorderffe uthgelopenn were, vele spites unnd hohmudes, so dusser stede koplude beide mith wordenn unnd dadenn by ohnenn verdragenn mothen geschwegenn. Dem averst unangesehenn so werenn dennoch desse Stede uth Christlichem mithlidenn unnd naberlicher verwandtniß geneiget, sie mith einer umgelichen hulpe nicht thoverlathen.
(28/7, fol. 33v.) Wenn idt averst die meynunge hebben scholde, dath mann solliche guthhertzicheit, wenn die allmechtige als tho wunschenn wedder inn gude rouwe unnd fredelichenn thostandt setten wurde, nhamals wo vor in vergetinge stellenn unnd den bewußten beschwerungenn keinen billichen wandeil gevenn wolde, so werenn die allgemeinen Stede ock nicht thoverdenckenn, dath sie darmith an sich heldenn, derhalvenn so sie die gesandtenn der beydenn Stede bevelch heddenn sich des thoverlatich thoerclerenn. So woldenn darna disse Stede an dem so ohnen mogelich sich ock geburlich ertogenn unnd alßdann ohres gemuets wider ock vernhemen lathen, so vele die Segellation unnd handlung up Wyborch dede belangenn. Wurde vermercket, wen sich schon desse Stede des handeis darhen enthelden, dath darmith dennoch wedder dem herrn Meister noch ohnenn weinig gedienet noch gehulpenn. Idt were dann, dath andere frembde Nationen, nemblich Engelsche, Hollendere, Fresen, Schwedenn, Denen, Polen unnd Letteuwere, dessenn ock affholden wurdenn. So were derwegenn eine schrifftliche vernotelung gestellet, die solde mann ohnen overgevenn sich darup thobedenckenn, wo sie denne einigenn radt darjegenn wustenn, denn woldenn die Stede hörenn unnd sich alßdann der gebuer ock wethenn thoverholdenn.
Hirup hebbenn beyder Steder Gesandten ohre bedenckenn beth des andernn dages gebedenn unnd erholden darby die handeil den Morgenn berouwet.
Namiddages tho dren schlegenn, als die herrn Radtsgesandtenn wedderumb versammelet gewessen unnd nhu vann dem hernn Lübischenn Bürgermeister des guten-
(28/7, fol. 33r.) — morgigenn bescheidts erinnerung beschehenn, hefft die Erbar her Hinrick Ulenbrock van Riga angefangenn na frundtlicher dancksagung, dath die Erbarnn der gemeinenn Steder Gesandtenn inn erwegung ohrer anliggendenn nodt sich umb erreddinge willenn des Landes tho Liffland also bemuhedenn ungeferlich tho desser meynung, nachdem angelagenn, dath die Lifflendischenn Stede tho dem erbarnelichen overfalle des Russen Ursache soldenn gegevenn hebbenn. So were woll nicht ane die Muscowiter hedde des inn sinem entseggenuß brieffe einenn besondern Artickell vorgewendet. Eth erhelde sich averst, dath die sache ane grote beschwerunge woll thoverhandelenn gewest, averst die begerte unmugliche Tribuets furderunge uth dem Stiffte tho Dorpte unnd darnegest die vermeinte unbefugte gerechticheit einer kerckenn tho Riga, welcke even sowoll unmogelich heddenn denn kriech verursachet. Denn Pundttollen berurende heddenn ein Erbar Radt tho Riga besonders erhafft gehatt, darumme die nicht hedde können ingerumet werdenn. Werenn dennoch erboedich gewessenn tho behoeff der Legation benevenn andernn Stedenn ock ohre gebure tholeistenn. Bedenn derwegenn sie mith gunstenn entschuldiget thonhemenn, dath sie sich averst erclerenn soldenn, weß sich die Erbarnn Steder desser order ohrer oldenn gerechticheit halvenn by ohnenn, wenn disse jtzt schwevende kriegsbeschwerung ethwann gestillet wurde, muchtenn thovertrosten hebbenn, des heddenn sich ohre Overn unnd Oldestenn anno etc. jungstverschenenn 51 jegen die bübischen
(28/7, fol. 34v.) Gesandtenn ohres verhapens aller billicheit vernhemen lathenn, nemblich, dath dessenn Stedenn alles, wes sie na dem oldenn berechtiget, solde vergunt werden, sofern dath ohrenn Privilegienn nicht entjegenn were, unnd denn ohrenn inn gelickenuß dathsulve in dessenn Stedenn widderumb mochte ungewehret blivenn. Sollichs wolden sie itzt wedderhalet hebbenn unnd sich dessulvenn noch also erbadenn.
Der Wyburgischenn Segellation halvenn were die sache woll nicht unrecht bewagenn, sie werenn averst des vermugens nicht, dath sie denn angetagenenn frembden Nationenn, die fart hemmenn ader hinderen kondenn, stunden averst inn der thoversicht, dath ohre gnediger herr derwegenn by konnigenn, herrnn unnd fürsten ansichenn unnd radt schaffenn wurde, insonderheit so stunde idt itzundes mith der Kun. Ht tho Polenn im handeil, were kein twifell denn diesulve wurde, sich des Landes annhemenn unnd disses fhals notturfftige verstehung doenn werdenn.
Darna hebbenn die Erbarnn vann Revell ock angetzeiget, dath sie vann ohrenn Oldestenn unnd Overen bevelch heddenn, inn ohrem nhamenn die erclerunge tho doende, dath sofer die Erbarnn gemeinenn Stede sie nicht verlathenn, sondernn als Christliche Nabere unnd frunde entsettenn woldenn, also dath sie inn denn vorigenn standt wedderumb mochtenn verholpenn unnd gesettet werdenn. Die Stedde alßdann alle olde frygheitt,
(28/7, fol. 34r.) wo sie vormals gehatt, wedderumb bekamenn unnd der genetenn soldenn in matenn als ohre gesandten anno etc. 40 inn gemeiner steder versamblung sich erbadenn heddenn unnd vernhemenn lathenn.
(на полях: Soldt) Mith der Wyburgischenn thofuer wurde idt bereidt by ohnen geholdenn, dath darhenn keinerley gestadet wurde, uthgenhamenn Soltt, welkes inn ohrer Stadt also vann je heruth gebrucklich gewessenn, doch nicht anders dann by eedes Verpflichtung, dath idt inn Rußlandt nicht wider solde verschoeret werdenn. Wenn sich nu desse Stede des ock wolden entholdenn, so versegenn sie sich gentzlich, dath ohre gnediger herr by der Kun. Cht tho Hispanienn unnd andernn des ock notturfftige Verhinderung beschaffenn wurde. Wath uth Schwedenn darhenn mochte gefhurt werdenn, were nichts sonderlichs thoachtenn.
Hirup wurdt entschlatenn, dath menn des negestenn dages des hern Meisters geschickedenn unnd dessen beiden Stedenn ein anthwurtt gevenn wolde, wo hirnachfolget.
Anthwurtt des herrnn Meisters Gesandtenn durch den herrn Cölnischenn doctor gegevenn.
Nachdem die Erbarnn Stede anfangs her, dath sie
(28/8, fol. 35v.) inn dessenn hochbeschwerlichenn obliegenn unnd bedrucke der gemeinenn Lande tho Lifflandt umb trost, hulpe unnd entsettinge ersocht werdenn, alle wege, wo ock nu jungst vann ohnenn denn Jegennwardigenn geschickedenn gebedenn bericht thowerden, diewile der gemeinen Steder hulpe jegen so geweldigenn feindt mehr den tho weinig, wath vor anders herren unnd fürstenn ohre hulpliche handt mith anschlaenn woldenn, des averst niewerle unnd noch keinen gewissenn bescheidt unnd thoverlatich erfaren mögen, unangesehenn, dath dennoch unverborgenn, dath derwegen by velenn konnigenn, fürstenn unnd Stenden voruff der key. May. unnd denn Stenden des Romischenn Rykes up itzt staendem Rykesdage ansuchung gescheenn. So were der Erbarn Steder gelegenheit nicht, kondens ock mith foegenn unnd billicheit nicht vordacht werdenn, dath sie sich ohres gemuets eher dann sie darvann gewissenn bescheidt bekamenn nicht kondenn resolvierenn, wo denne ock etliche des also einenn gemetenenn unnd keinen andernn bevelch heddenn. Tho deme so hedde mann vann ohnenn denn geschickedenn sulvest vernhamenn, wo denne ock ane dath ein gemein geschrey ginge, dath tho erreddinge der Landt Lifflandt eine gemeine Rykes stur bewilliget unnd ingeruemet wordenn, wo nu dem also, wo dem gudenn Lande woll thogunnen. So wurde doch ein jeder desser Stede enthweder vann dem Rykes ader ohrenn fürstenn tho desser gemeinenn sture och beiecht werdenn, unnd were thoermetenn, dath denn Stedenn nicht weinig beschwerlich, wenn sie also twefacht unnd dubbeldt soldenn belastet werdenn,
(28/8, fol. 35r.) dennoch darmith man je tho spurenn, dath desse Stede dem gudenn Lande uth Christlichem naberlichem mithlidenn als vor sich na aller umgeliheit gerne geholpenn. So heddenn sie sich bavenn die gemeine Rykes stur einer enckedenn gewissenn hulpe, die beyden Stede Riga unnd Revell darmith thoentsettenn entschlatenn, des erachtens, diewile ann den beydenn Stedenn dem gemeinen Lande na aller gelegenheit sehr hoch gelegenn, dath ohre Gnedige herre solchs evenn so hoch als wenn idt ohrer f. gth Person beschehenn tho gnedigem gefallenn wurde annhemenn. So vele nu die affschaffunge der Segellation up Wyborch belangede wurde befundenn unnd were ungetwifelt, wenn gelick desse Stede sich sollicher Segelationn affdedenn, dath dardurch, diewile die Lifflendischenn Stede unnd anders uth Engelandt, Hollandt, Preußlandt, Dennemarckenn, Schwedenn, Polenn unnd Lettouwenn die fhart unverhindert darhenn heldenn, dem beschwertenn Lande nicht mith dem weinigstenn gedienet noch gehulpenn were unnd wurdenn dennoch disse Stede ane jenige frucht des deels narungloß sittenn, jedoch wo dem allenn ock unangesehenn, dath in sunderheit die van Lübeck sich Rußlandt mith ohrer handelung unnd kopmanschop ock inn öffentlicher veyde twischenn denn Russenn unnd Lifflendischenn nicht thoentholdenn vann denn vorigenn herrn Meisternn hochlofflicher gedechtnuß stattlich privilegieret unnd begnadet. Welche Privilegia disse Erbarnn der Stede Gesandten vorlesen gehortt. So woldenn dennoch die Erbarnn Stede unnd die van
(28/8, fol. 36v.) Lübeck mith jedoch dem itzigenn ohrem Privilegio hernachmals unvergriplich dem beschwertenn Lande tho hulpe unnd tröste, so ser die herr Meister by den hochgedachten Kunnigenn unnd fürstenn, dath sich ohre Undersaten der Segellationn up Wyborch affdedenn, konden beschaffenn unnd befurderenn, des ock dissenn Stedenn gewissenn thoverlatigenn bescheidt tho schickenn, sich in deme och geburlich unnd gelickforung holdenn.
Hirjegenn hebbenn die Fürstlichenn gesandten na geholdener thoruggespracke unnd korter repetierung wedderummb angetoeget, dath sie vele eine andere unnd tröstlicher anthwurtt als denenn so sie Christenn unnd frunde, welchs ock an dem erbarmlichenn thostande des bedroevedenn Landes kheinn gefallen droegenn erachtet vermodende gewest, diewile genochsam vermercket wordenn, dath ohre gnediger Herr ann dem des erclerung vann ohnenn begert allen meschlichenn unnd megelichenn flyt by der Key. Mayte unnd velenn andernn konnigenn unnd Potentaten vorthowendenn nicht underlathenn, des ock noch inn daglicher arbeydt stunde, dath averst darup sobalde die vorthoffentliche endtliche bescheidt nicht erfolgede; were woll thoerachtenn, dath die lettinge ann dem, dath so vele hoge heupter nicht sobalde inn ein thobringenn, welchs ohrem gnedigen Herrnn thom hogstenn beschwerlich. Eth weren ock die bedroevedenn Lande dardurch nu so wyt geradenn als ogenschynlich, doch stundenn sie inn hopeninge, diewile nu die herre Cumpthur vann Düneborch umb hulpe unnd bystandt aldar embsiges flites angeholdenn, dath nhumehr die Key. Mayt unnd dath hillige Ryke sich einer trostlichenn beharlichenn hulpe wurden ercleret hebbenn, unnd wowoll die Erbarn
(28/8, fol. 36r.) Stede sich hörenn lathenn, dath sie dartho ohre gebuer ock gerne donn woldenn, so wurde doch sollichs langsam thogaenn unnd die vertoch denn bereidt altho sehr beschwerden landenn noch mehr beschwerlicheit unnd denn endtlichenn undergang geberenn. Werenn derhalvenn instendiges flites upt högeste frundtlich sinnende, dath die Erbarn Stede sollichem unrade vorthokamenn ohrem gnedigenn Herrenn eine ansehenliche Summa geldes up genochsame Caution, dath sie die Keiserliche Penningmeister wedder solde erleggenn unnd bethalenn mochtenn verstreckenn unnd thostellenn, wo der lofflichenn Stede vorfarenn wolt eher gedaenn, unnd nhu nicht fast rhumlich anstaenn wolde, wenn die eine Christe vann dem andemn also troestloß solde verlathenn werdenn, die Christliche leve, welche die eine dem andernn inn nodenn schuldich wurde, darmith ock nicht ertoget.
Der Segellation halvenn up Wyburch kondenn sie denn Erbarnn Stedenn nicht verholdenn, dath ohre gnedige herre umb Verhinderung willenn der thofhor die kunnige tho Polenn, Schwedenn unnd Dennemarckenn mith mehr anderenn Potentatenn frundtlich unnd flitich ersuchenn lathenn, hopedenn ock, dath dardurch denn fiendenn allerley thofhuer solde gesperret werdenn, sonderlichs jo inn Dennemarckenn, daruth mann bereidt ohme dath allergeringeste nicht thoschickede, Uth Schwedenn konde dergelickenn ock woll geschehenn, went nicht die thofhur uth dessenn Stedenn dede. Und were thobedenckenn, wath der gemeinenn Christenheit hirann gelegenn, weß vann
(28/8, fol. 37v.) Privilegienn angetagenn wordenn. So werenn diesulvenn nicht tho verderffe unnd underdruckinge der Christenheit, Lande unnd Lude gegevenn, sondernn weren sollichs falles billich upthohevenn unnd thocasserenn. Unnd woldenn sollichs aller wo gemelt denn Erbarn Stedenn mith sampt der allerhogestenn nodt der hochbedrovedenn Landenn tho Lifflandt inn günstig unnd Christlich bedenckenn heimgestellet hebben mith erbedunge etc.
Als nu die Geschickedenn hirmith enthweckenn unnd die herrenn Radtsgesandtenn solliche anthwurt nicht alleine jegenn ohre billiche erbedenn undanckbar, sondernn ock sunst allenhalvenn fast verdretlich vermercket, insonderheit wile die vertrostede hulpe denn beidenn Stedenn uth guthhertziger meynung gedaen gar mith stillschwigenn overgegangenn. Hebbenn die herrenn Radtsgesandtenn sollichs, wo billich tho gemute gefhuret unnd dem herrenn doctor van Collenn na notturfft unnd der gestalt, wo verursachet, anthwurt darup thogevenn bevalenn, wo denne nach der lange mith verhalinge aller unnd jeder artickell unnd dem endtlichenn beschlute, dath die Erbarnn Stede sollicher ohrer anthwurtt vor der Key. Maytt dem gantzenn Romischenn Ryke unnd allenn Stendenn, sonst ock vor jeder menniglich woldenn bekandt synn, unnd derwegenn mith denn wordenn als gehöret billich verschonet werenn, ock dath sie diesulvige ohre anthwurtt na aller gelegenheit dißmahls nicht musten thoenderenn.
(28/8, fol. 37r.) Geschehenn derwegenn dann die Gesandten, dath die Erbarn Stede alles willenn tho gude holdenn. Sie heddenn, wes so geredet, nicht anders dann im besten unnd als idt die notturfft unnd umbstendicheit der sachenn erfurdert gemeint angetagenn. Weß man sich der Erbarnn Steder Riga unnd Revell halvenn erbadenn, nhemenn sie tho dancke ann, woldent ock benevenn dem andernn ann ohrenn gnedigenn herrenn gelangenn lathenn, die wurde idt ungetwifelt mith allenn gnadenn ock erkennenn. Unnd sint darmith affgetredenn.
Namiddages tho dren schlegenn iß ock der Erbarnn Steder Riga unnd Revell Gesandtenn durch denn herrenn doctor vann Collenn desse bescheidt gegevenn, dath die herrenn Gesandtenn ohre gedane erclerunge up der Steder vorgeholdenn bedenckenn vernhamenn, diewile sie sich denne thom deele up die verhandelung des jares 51. thom deele ock up denn Receß anni 40 dedenn refererenn. So heddenn sich die herrenn Gesandtenn uth sollichenn Receß unnd handlungenn der gelegenheit erkundet unnd befundenn denn bescheidt ungewyß unnd twivelhafftig, ja mehr affschlaglich dann thoverlatich. Nu muste desse sache einenn rechten wissenn unnd vhastenn grundt hebbenn, damith kunfftigem wedderwillenn unnd fernerer disputation vorthokamenn, derwegenn heddenn die Erbarn stede eine schrifftliche vernothung, wo idt eigentlich darmith thoholdenn stellenn lathenn, diesulve solde
(28/8, fol. 38v.) mann ohnenn anergevenn der Erbarnn steder meynung daruth thoersehenn. Wo nuhnn solliche schrifft ohrenn oldestenn unnd ohnenn gefallenn wurde, als die Stede nicht anders woldenn hapenn unnd die Stede des eine gewisse versekerunge durch besegelde urkunde bekamenn kondenn. So heddenn sie sich dermathen ercleret, dath sie inn dussem ohrem anliggenn unnd bedruncke mith einer vermugelichenn hulpe kondenn entsettet werdenn, heddenn sie tho der behoeff uth Christlichem mithlidenn unnd naberlicher verwandtnuß ingerumet, dath ohnenn die Jungst bewilligede Contributionn up vyff jahre nhu up ein mahl solde gegevenn unnd thogestellet werdenn. Unnd wowoll etliche Stede disses also bevelch gehatt unnd darinn bewilliget, etliche averst jedoch weinig uth mangell bevelchs, noch tor tyt nicht willigenn konnenn. So woldenn sie doch sollichs by ohrenn oldestenn mith allem flite bewerffenn der thoversicht, dath sie sich denn andernn wurdenn gelickmelich holdenn. Ann die Erbarnn vann Brunschwick unnd ohre Dordendeell woldenn dusse Stede samptlich schrivenn inn hapeninge, dath sie gelicksfalles sich ock nicht wurdenn uterenn. So erachtedenn ock disse Erbarnn stede, diewile ohnenn sulvest bewust inn wath groter beschwerunge sie der cunthor halvenn disser tyt setenn, dergelickenn ock, wenn dath Römische Ryke eine stur unnd tholage wie gehapet, ingerhumet, dath alßdenne desse Stede hirentbavenn ock noch wider woldenn beiecht unnd beschweret werden, dath sie die beydenn Lifflendischenn stede mith desser
(28/8, fol. 38r.) bewilligedenn hulpe also wurdenn gestediget synn, wor sunst disse Erbarnn Stede ohnenn willenn unnd gefallenn wider muchtenn ertogenn, des woldenn sie jeder tyt willig erspurtt werdenn.
Weß die Segellation up Wyborch belangede, were uth gehördenn ursachenn darhenn gestehet, dath die herr Meister unnd sie tho denn wegenn moßtenn verdacht wesenn, darmith frembde Nationes als Engelsche, Schottenn, Hollender, Fresenn, Denen, Schweden, Polen unnd Lettouwer sich sollicher Segellationn mochtenn affdoenn, alßdenne unnd darna woldenn sich desse Stede dem gelickmetich verholdenn, jedoch sollicher Privilegienn als die Erbarnn vann Lübeck hirlegen heddenn darmith unbegevenn.
Hirup iß ohrenn Erbth die verramede vernotelung, wo sie begeret, thogestellet als sie averst na verlesunge unnd negest frundilicher dancksagung, etlicher weiniger Puncta moderation begert mith antzeigung, dath dennoch ohre Stede sowoll als andere Privilegia heddenn, darup sie gegründet, unnd wen sie darvann unnd sunst vann dem vordeele, denn sie jo billich vor denn frembden eigedenn, diewille sie alle unplicht ohrer Stede unnd des Landes mith dragenn mußtenn ock liff unnd levendt, wen idt nödich, mede thosettenn afftredenn soldenn, dath sie alßdann inn grundt verdorvenn werdenn. Benevenn erclerung, dath idt tho Riga in Sonderheit
(28/8, fol. 39v.) mith denn Russenn einenn underscheidt hedde unnd dath die frombde coplude mith erbithenn, dath rechte Russen werenn, denn handeil fryg, mith etlichem! averst, welcke Russenn geledenn unnd doch gelickewoll der kronenn tho Polen underworpenn werenn, den handeil niemals gehatt. Mith beger sie desser tyt nicht thodrengenn, iß die begerte Moderation ingerumet unnd ohnenn also die vernotelung, dath sie sich wider darup mochtenn bedenckenn wedderumb thogestellet worden.
Die Erbarnn vann Revell hebbenn ock bericht gedoenn vann wegenn der twyer hoffe tho Nawgardenn als des dudesschenn haves denn die dudesschenn aldar noch holdenn unnd des Gottenhaves, welcken sie nhu yth hete unnd bevelch der gemeinenn Steder, darmith hie nicht inn der Russenn unnd frembder Nation hende keme, aver die hundert Jahre geholdenn. Unnd diewile sie alle jare darvann vyff goldenn fullwichtige guldenn tho tynse gevenn mochtenn unnd sich des nu die Summa 720 goldenn guldenn vorbepe, so were ohre bede, dath inn betrachtung ohrer itzigenn gelegenheit ohnenn nhu solliche Summa vann denn Erbarnn stedenn wedder rauchte erstadet unnd bethalet werdenn. Welche sache vann denn herrenn gesandtenn inn bedenck genhamenn etc.
(28/9, fol. 40v.) An den Radt zu Reval.
Ersame gude frunde, wir haben E. Ers. langes unn vierlisstiges schreiben, darin ißt gerne die gantze rede mit ungehinderten klagen unn unerfindet kein vorheben überreden woltett. Supere iungst entfugten unbedechtigt, datt unn abermals ith unserer borgerscheft unn gueter wider allen volker mohe unn den Keys, lantfardbericht geübte gewaltsame handlungen entschuldigtt zunemen unn zubillichen, entfangen. Nun seind wir aber gott lob. (allein zo stymemt gestlichen rhum unn ehren gemelden) wol des Verstandes, das wyr als aych kein ydes Erbars genantts leicht spuren upgreiffenn unn befinden kunnen, das solch euwes vormeint vorklagen gefechtet schein zu keinem andern ende noch meinung gerichtet, dan allein uns un unsere burger über zugefuhrt schaden, gewalt unn iniurien, somit uns mit fast christlichen fursatz doch darzu mit höchstem rechten[sch]apff zu beladen, wiewol aber alles, das so darhvon auch vormeintlich vorzeihen ahn sich soll,
(28/9, fol. 40r.) nichtich unbillicher weis one einigen bestandt uff uns von euch geschoben un wol keiner antwortt gewertt, wir uns auch mit euch derhalben aber hir bevor ahn euch beschetzen unser gelangen yn gesutz einzulaßen mit gemeint feind. So kunnen wir doch mit unterlaßen euwer unbedechtig vornemen euch selber, ob yhrs mercken unn euch zur billigkeit anders schicken woltet, abermals ein wenig für äugen zustellen unn seind vor erst mitt nichten gestendig sol sich auch ym grund unn warheitt nicht befinden, das wir unsern bürgern unn kaufleuten die freie unn gewonliche schiffartt vorpoten oder für künftigen schaden solten haben vorwarnen laßen, und ob wir wol uf ewer gesandten umbsege forderung, solchs unseren bürgern furhalten und vermanen, wir das über der unsern gegenbericht wider solden begern auch lassen. So haben sie doch mit Verwendung unser stedt Privilegien und anderer noturft darum nicht bewilligt und sich irer freyheit Vorbehalten durven, wir sie auch mit fugen nicht drengen können. Euwer unn euwre gesandten seile eigene geschieht viel anders bezeichen, als erstlich das die euwere so voren yhar hier gewesen, zu yhrem rukzug ein schreiben ahn uns gefertigt, darin sie nochmals mit langer erholung der schiffartt einstellung ahn uns getanen unn sich darzu vornemen laßen, wen unsere burger ir nicht stilsitzen wolten, das sie alsdan die gutter durch die
(28/9, fol. 41v.) Sveden yn Revel bringen laßen, die darnach die unsern gleich den euwern mitt den Sveden verhandten sollen. Daraus is klar, das von uns kein vorbott geschehet noch gewilligt sein kan. Zum anderen das yn iungster tagfartt alhir als die euweren solche einstelling mit allegirung aller Receß abermals gesucht, der Receß wie sich die euwern ob sie wollen gantz wol zuentsinnen, darauf sie sich referirten vor den gemeinen Erbarn Stedten gelesen, aber des angezogen ynhalts also mit befunden worden, auch die andern Erbarn Stedte sich deßen erben so weint als wir, die wie doch sunderlich über andere privilegyrt, begeben wolten, unn darauf von den Erb. gesanten nach fleißiger deliberation ein geburlicher bescheit un antwortt gefallen, die fhartt wie gebeten nicht verboten noch zu verbieten bewilligt worden, wie wir uns des uff den Receß hiermit thun referiren. Zum dritten das wir uns unangesehen euwere burger den gantzen Summer uth euwer Stadt nach der Narve unn wederumb von dar ynn Revel mit den Rußen euwern eigenen
(28/9, fol. 41r.) frunden vorhandelt unn ehre eigennutzigt narung versucht, nicht laßen wollen, dennoch als die verwanten freuntlich erpothen, wo ihr sellbs sampt den von Riga, solche Rußische handlung unn fharte einstellen unn gleiches gestalt bey andern nationen vorschaffen wurdett, das wir uns (iedoch unsern haben ihr freiheiten unvorgerifflich) yn dieser noett unvorvleislich verhalten wollen. In maßen solchs auch des hern meistern unn anderer fürsten gesanten unter anderm vormeldet werden. Aber der her meister yst von euch on ferner erklerung oder vorwarunng ermelts unsens erbietens zu unerhortenn iungst geubtenn lantfriedberichten gewalt gereitzt un bewogen worden, welchs wir uns whar also von euch mitt versehen sollen, das yßt vor geßund, aller freuntschafft, trost, rath unn hulff, so vorgangen unn sis yhar euch von uns beschehen. In wider euwer eigen mugst ahn uns gelangte schrifftliche danksagung für alle gute befinderungen euwern gesanten yn iungster tagefartt van uns beschehen, dermaßen bei uns als ob wir die feind selber wheren unn nie nichts gutts gedan
(28/9, fol. 42v.) hetten. Uber uns hettet staffieren sollen unn also unvorsehentlich uß abgekertenn gemuet die unsenn wider alle notvilige mohe unn billigkeit, auch der Keys, lantfrieden wie gesweiget des christlichen lieb unn vorwantenns des yhren gewaltsam entsetzen unn benemen unn nun mit gepfanten handen zu recht erbieten sollen, welchs fruwar geburende danckbarkeit ffolgents seind wie auch dem hern meister keine dengleich vorwarung daruff billich mag zugrieffen werden, gestendigt unn ob ehr gleich dergestalt ahn uns yn zeit als doch nit geschehen geschrieben, hette sich dennoch unser antwort zu wenigsten darauff zuerwenten geburen wollen, das auch die Ro. Keys. Mtt unser allergnedichste her Frederich des hern meisters gesanten ein gnedigste gesinnen ahn der schiffart halb uff das auch gethan. So yßt doch solchs nicht devettlich geböte wie auch diese stunde von fhreiheitt, och uns derwegen einich inhibicion oder dergleichen mandat erfolgt, wir aber uff vorberurts yhrer Mtt schreiben unser nottwendige antwort iegenbericht erklerung aller gelegenheit sampt uberflusigen
(28/9, fol. 42r.) versenn vorgemeten erbieten yhr K. Mt yn aller untertenigkt wederumb vormeldet haben unn des ungezweivelt vorhoffens sein yhre M solchs vorgnugsam erkennet werden. So gestehett yhr yn iungk euweren schreiben selbs, das keine dergleich Warnung uns widerfharen unn allein anziehet, das yhr einen rechten geschefft gehatt, aber über den betrogenn worden seiet, wie wir das hiermit als bekantlich von euch angemeinen haben wollen, darauf aber wir fruwen, die yhr sich selbs zubescheiden vorschlaget nit allein für uns mit erachten mögen, sunder auch gewis seind niemals unparteisch unn vorstendig thun werde, das von euwen wider die unsern gemelthen lantfriedberichth handlung uff erzelte gelegenheit als genugsam verwaltett billig. Besundern wollen gesteig sunst viel mher über vortraut nachbarlich unaufkunt versehen, ungeburlich freuntlich wider alle macht unn gegenheit aus bösem furhaben unbillich vorgewinnen worden seyn, demneben so swerem bescheiden anderer leut, das sie christlicher gebürt vorgeßentt von euch nit fast christlich auf die unsern so bitter ausgeßen als solt gott euwernt halben ßie gueter leande unn schaden über sie vorhenden laßen, darentig doch euch wol selbst zubeleuchtet hettet, ob nit
(28/9, fol. 43v.) versehende not mit dem Rußen durch eigen nutzig suchen ein groß teil vorursacht, welchs wir doch gott zurichten heimbevelen unn dar in yme nit vorgreiffen wollen. Wie auch euwer gesanten hanttaslich unn vormoge aufgerichten vortrags vorpflichtigung nach unsern bürgern, die erste angehalten gueter von euch wider losgeben unn damit wohin ynen geliebet paßiren gelaßen yst offenbar. Unn daraus wol befindtlich, welcher teil über vortrag sache, was einmal vorsprochen, vorleyt habe, weil dan diesem allen alse wir auch darüber gut kuntschafft haben, das yhr Denen, Sweden, Holländer unn andere ungeirrt paßieren laßet, (на полях: Reval alle anderen Nation paßieren laßen, Lubegk allein anhehalten) unn die unsern allei so feintlich uberfallen, so kan disfals von euch vorhengte gewaltsubung auch mit einigem schein rechtens, wie auch yn anderen unseren schreiben ferner ausgefurt nit gefulet werden. Noch wir euwer vormeint entschuldigen als ob yhr sodann nit abkheren kunnen aller gelegenheit, unn euwerenn diese nhame bey dem herr meister zuvorhegen unn die bestellung, derwegen nu den heren meister furstentlecher vorhevdet, zu confirmiren, euweren empsatz ansetzen unn drauf euweren eigen ubung nach keins wegs zu genüge annemen, wie auch unsere burger zugefugten schaden bey euch, vornemlich wißen wollen sich vornemen laßen, demnach so vormanen wir euch abermals, das yhr zu den wegen unn mittein vordacht sein wachten unn wircklich vorschaffen wollet,
(28/9, fol. 43r.) das unsere beschädigte burger ihrer gemeinenscheff unn guter auch erstattig zugefugte schades on enthhelt widerumb erlangen mögen unn besnellige Weiterung Zuvorursachen ahn euch nit befinden laßen wollet. Wes wir uns das ergentlich zuvorsehn, begern wir euwer zuvorleßig richtig antwort dan.
(28/10, fol. 44v.) Warhaftiger bericht der erbarn stede gesantenn tho donde up itziger vorhandenen Dagesfhart, uth was notwendigen und unvormitligen Orsacken eine Stadt Revall ohre Schepe uth maken moten, den iennigen so ohren vianden thovor bie lopen wollen, anthoholden und de guder besichtigen tho latenn.
Приписка на оборотной стороне письма: Liflendische Sachen. Revel verwende(t) exenthation ihres in der unßenn geübten gewalts ann gesprech.
(на полях: Handlung mith den Rußen bei itzigen mangelwesen sie zuenthalten) Erstlich dat unser genediger furst und herre, meister tho Lifflande, durch den hern Cumpther tho Dünenborch sampt sinen mitvorordenten ock der Stadt Revall gesanten velfeltich und gants trewlich mit ermanunge bidden und Schlehen anholden laten, dat de Erbaren Stede und bevor aff de Erbarn von Lübeck als ein hovet und gudt wympell der lofflichen Anzoe willn sollichs von ohrem kopmanne vormercket, sich tho desser tit der benaberden und von olders befreunden unnd verwanten provints und darinne gelegenen Steden tho Lifflande tho gude entholden muchten der hanterung und segelation up de Russen, idt were tho Ihwanegrot, Narve oder Wieborch angesehen, dat da billich und Christlich, dat de Russe dorch de vorwanten mit handelunge nicht gesterket, besunder tho desser tit der provints Lifflandt gefherlich, wenner ehr durch de handelung eine trennunge vormerken wurde, under den Steden. Also dat older vorwanteniß tho kegen vormercket, dat tho dessen tiden Lifflandt von den Steden vorlaten, besunder deren viandt och durch den eigennützigen kopman sunst aller hande kuntschop erlangen konde, daruth ehr tho ersporen, dat ahn allen enden Lifflandt trostlos, ehr desto ehr fuglicher und
(28/10, fol. 44r.) meher sin Tirannische vorhebben ahn der provints tho follenfhoren vororsaket, mit gedaner warschuwinge dar de fhart mit willen nicht ingestelleth und jemants darob beschediget, desulven kunen vordret tho hebben. (на полях: der Reuse bauten Schifer g[ege]n Liffland) Thom andern, dat baven solliche bede und warschuwinge unser genediger fürst und her der Provints Lifflandt und Stadt Revall, in gewisse erfaringe gekamen, dat der unmilde Russe sine viandtlige macht nicht allene tho Lande, besundern ock tho wateren ahn Lifflande tovorsoken willens und derwegen in der Nue und mher orde durch angeven der vorlopenen dudesschen ock etliger Engelschen in de 10 jachts solde buwen laten, darmit nicht alleine den paß und thofhore up Lifflandt thosluten und tobehinderen, besundern ock geschutte und andere artelerie aff tho bringen, darmit ehr de Stadt Revall desto gefuglicher tho engsten.
(на полях: Deutsche fhuren den Rußen verpottene wharen zu) Thom drudden, dat unse genedige her und ock de Stadt Revall gewisse und eigentliche kuntschop erlanget und bekamen, beide von westen und osten, dat etliche unbodechtige und der Christlichen und brüderlichen leve gantze vorgetene lüde allerley viandtliche waren und kopmanschop up den Russen tho fhoren, willens darmit und durch der viandt gespiset und gesterket, wie dan ock luder in openbarer daet bofunden, dat man dem viandt tho hundert Schipfunden koppers und daraver eine persone geswigen der anderen gelichte swevell, bussen, lode als man dar opentlich von secht und schrifft togefhort sollen hebben.
Thom veherden, dat ja Godt de leve und alle krieges und
(28/10, fol. 45v.) volcker recht erhasschet und erfurdert, das billich ein jeder sins viandts und derer so vientliche guder und up viantliche stede und orde fhoren wollen acht hebben soll. Und je nicht ein, sunder etliche schepe strak tho unsern vianden und up ohre stede lopen wollen, welche nicht weiniger von Gots alles rechts wegen unser viande tho achten.
(на полях: keine frembde haven zu besuchen) Thom vofften, dat de stede in Lifflandt als socie et confederate civitates Anzae Teutonice mit den loffligen steden der Anzae voreiniget und durch stadtlige Recesse anno XI aneinander vorbunden, dat keine Stadt der andern tho nhadeill jenige frombde haven, wie geswigen der viande, besoken solen, und de de Römer, Greicken und alle heiden vor ohre vianden geachtet und geholden, de ohre socios bestediget oder ohren vianden verschus gethan, wie vele desto mher sollen sich vorrunge der Recess des unsere socij Christiani entholden hebben, de in steden geseten.
(на полях: Lifflandt alwege g[ege]n den Reusen von den stetten entsetzet) Thom sosten, dat de befindtlich und warhafftich, dat de loffliche unsere vorfharen, de und alle wegen Lifflandt in den Rußisschen kriegen biegeplichtet, dasselbe entwedder durch eine Legation thom freden befördert oder aber durch dathlichen bistant bettcherto alle malen erredden helpen und des Russen angebadene freuntschop und frig handelunge. Wie uth den Artiklen der angesetteden dagefhart anno vj tho ehrsehen, so hoich nicht geachtet als de Christlige broderlige leve und der Anzae vorwanteniß und freuntschop darher van damaln der Recess von der Ranefarie, welche her nach tho diversen dagefahrten is vornomet. Bette daher aber nie upgehoven wordenn
(на полях: Recessen anni 1511).
(28/10, fol. 45r.) upgerichtet, hedde man sich verhapet als in der vorfharen stede de nachkomen getreden se ock in dem ohrenn ernst leve unnd wäre freuntschop in gelicken noden bie Lifflandt soldten bewesen hebben, damit unserm genedigen und de Stadt Revall de unvorbigencklige noth nicht vororsaket tho wegen tho trachten, de velichte tho unfreuntschaft und schaden uth sehen muchten.
(на полях: Narva und Wyborch bei der fhur gepotten). Dan wat ock uth jtziger nien vorgenhamen Ranefarer reise nha Wieborch und der Narve vor unordentliche borch- und vorkopenschop wedder den olden gebruck der loffligen Cuntore, so bie der ehre vorbaden ingereten, is leider gade geklaget, de warheit genuchsam tobeluchten und ahm dage.
(на полях: umb freumbdte Nationen auß der Seh zuhalten ihre lachte ausgemachet). Thom sovenden willn alle dagefharte und geltspildunge darumb angewendet, dat de Erbaren stede bi der narunge erhalten und de Ostshe den frombden Hollenndern, Brabendern, Schotten, Engelisschen und Denen, so kunt und apenbar nicht gemacket, desulvigen aber durch den eigen nuttigen kopman ock up de ungewontlige orde tho soken vororsaket, dardurch nhu und kunfftich alle Stede bie der Ostsehe ohrer nharunge berovet konden werdenn, welchs wie gans ungerne gesehen und denen mit tho affschrecken unsere lachte vorordenet. Wie dan derer etliche wedderumb von uns nha Dantzick gelopen, hetten wir woll vorhapet, wir mher dancks als beschuldigunge darumb eigenen solten.
Will aber nhu bie dem kopman keine warschuwinge beide
(28/10, fol. 46v.) Christlige broderlige leve noch de Lofflige voreinigunge der Recesse keine Stadt hebben finden mögen. Unnd je de noet so hoich und grot vorhanden gewesen, dat man up de so up der viande lande lopen wollen, hefft acht hebben moten. Bie denen aber so nha Wieborch lopen wollen, so ein unbostendich und gefherlich dinck vormercket ahn worden. Und kopmans waren is unser genediger her vororsaket worden, uns und unserm kopmanne bestellungen tho geven, darup wir etliche Schepe inhalen, ein deill von sich sulvest ingekamen, de guder besichtigen, aber nemants nichts nemen 1haten, und hefft uns hir tho nicht alleine bewagen de ernante unsers genedigen hern bostellungen, besunder dat baven gescheine warschuwinge und vorboth der Receße. Wie nicht gemeinet, dat jenich biddet man von Godt Rechts und billicheit wegen sich des aver unsern genedigen hern und uns tobeschweren hetten etc.
(на полях: Lubeger gewarßame kaufman nicht der Narva sich enthalten wollen) Nachdem aber wir leider bofinden, dat de erbarn von Lübeck, unse günstige hern und frunde, sampt ohrem kopmanne, bie denen wir idt doch ahm weinigeste vormoden gewesen, sintemall durch unsere gesanten so gantzs flitich und freuntlich umb instellunge sollicher fhart bie ohnen is gehandelt worden, ock grote warschuwinge denselbigen durch unsers genedigen hern gesanten, so woll de unsern muntlich und schriftlich gesehen, welck dan trewlich durch einen Erbarn Radt der stadt Lübeck dem kopman referert und vorgeholden, vor andern sich unser uth noeth Christligere rechtmetigheit
(28/10, fol. 46r.) und billigeren bewegnissen gescheenere anholdinge hefftich dhon boschweren, also dat E. Erb. w. ahne alle gelickmetige orsacken uns arme albereit vorlatene und bedrovede lüde durch ein vorgunts arrest up unse arme guder nicht allene hoger bedroven laten, dem gesette der Natur tho wedder, besundern ock ohren bürgern so doch mit viantliger wäre umbgangen, vorhengen uns und de unsern gants unschuldich und ahne alle rechtmetige Christlige und billige orsake tho iniurien vorungelimpfen und tho ßnehen, welche Iniurien wir dan nicht unbilliche tho gemote gefhoret und de tho prosequern nach gelegenheit uns geburen will, darvon wi ock bedingen.
Als hebben wir uth hoichdraglicher noeth, ob wiwoll niemants, etwes genomen und ock datsulve so angeholden worden, welchs up des viandes landt nicht segelen wollen noch viandtliche guder gewesen alboreit frigwillich loes gegeven. Dannoch hebbe wir durch ermelte unse gesanten E. Erb.w. semptligenn desse unse ehehaffte moten tho erkennen geven mit deinstliger bede, desulven bie sick rieflich und woll tho erwegen und darob tho erkennen offte wie ehrlich oder dem rechten und Erbeiheit hirinne entiegen gehandelt, up dat wie andere erkentenisse darinne nicht gebrucken dorften, darmit warlich wy mennichlicher lever vorschonet weten wollen, dat weth und richte Godt ihm hemmeil.
(Вклейка) (на полях: Hetten der Stad Lübeck zum besten in konnigk Hansen fridt schiff de guetten vorgestercket, de gelohren). Szo (kan) man ock up schaden drengen und daraver holden, wo nicht vormotlich als hefft sich ein itzliger rechtvorstendiger in gunsten toborichten, wes vor gude und bestendige ordenunge in apentlichen krige konen und mögen geholden werden, geschwigen, ßo jemants schade darinne togefoget, wer de in sodanen feilen angst unnd noden einem jederen wedder ehrstadet und upgerichtet kan werden und ob nicht bodencklich, offte alle dinge als danne sogar snorlike tho gaen und geholden konen werden. Als idt nhu vormeinter wise gesucht wert, stellen ditsulve hirmit in eine jedem rechtvorstendigen rieplichen bodencken, wo obsteit Olters, wie ock umme gemeines besten willen thor Sehewart bie koning hanses in Dennemarcken tiden, dho de Erbare Stadt Lübeck in openen krige mit siner M. gerhaden. E. E. w. tho gude gedan unse schepe und guder vorloren und merckligen groten schaden, den uns nemant noch tor tir wedder upgerichtet erbeden. Hedde wir gemeinet, man henwedderumb des in gedenck in unsen noden wesen solde.
Und werden sick an dessem, so woll anderen articklen E. Erb. w. kegen uns ein mall richtlich tho erkleren weten, wes
(28/10, fol. 47v.) wie uns up de Recesse Radtlich, hulfflich und Datlich mögen und sollen tovorlaten hebben, dan dar idt de menunge hebben solde, wie andern tho gudem mit unserm vormugen de varunge befurdern helpen solden. Ock wir jungst mit den Engelischen gesthen tho unserm vorderve stille sitten, wenner aber de gelegenheit ein gelicks mit uns erforderen, dede man alsdanne lever mit unchristen freuntschop, alse mit uns hebben wolde, wüsten wir nicht, wor tho wir mit so groter gefhar, mühe, arbeit und geldtspildunge vorgeblich ahn den Recesse solden gebunden sein, und uns bie den dagefharten hinfur finden laten, dar wir uns doch ungerne von der Anzae gemeinschafft befunden wollen.
Wir sin ock erbodich, dar de unsern thovorn der Reussischen fhart nach Iwanegrot und nhu desser ahn andere ungewontlige orter anfenger gewesen als ob Godt will nummer erwißen soll werden, besundern wir ein anders weten gudt tho dhonde, dat wir die und so idt henfurdern don muchten nach vorordenunge und beschlute der Recesse mit ernste also straffen wollen, dat sich der intholdinge aver uns mith billicheit nemandt beklagen soll.
Idt werden ock unsere gesanten, dar idt de not erfordert, wo nicht vormutlich, alle desser dinge gelegenheit E. Erb. w. boricht tho dhonde weten, de wy bidden sich desulven mit gunsten bovalen syn wollen laten und in dessen hendelen erkennende, wes billich und dat den unsern ock ohre guder unbohindert mögen widderummb frig gelaten werden, dat arrest affgedan, de frommen gehanthavet und de bosheit ge straffet,
(28/10, fol. 47r.) welchs dar idt gelicht wert Godt to erholdunge E. Erb. w. und Erbarn stede frigheit, Reputation, narunge, geluck und heill geven und bidden wir dit nicht anders als gemeinet von uns tovorstande, dan wie warlich bie einem Erbarn Rade der Stadt Lübeck nichts anders soken dan freuntschop, leve und einigkeit, welchs Godt erkennen wert etc. Hirmit dem gudigen Christo entphelende etc.
ТЕЛЕГРАМКанал с обзорами, анонсами новинок и книжными подборками
Книжный Вестник
Бот для удобного поиска книг (если не нашлось на сайте)
Поиск книг
Свежие любовные романы в удобных форматах
Любовные романы
Детективы и триллеры, все новинки
Детективы
Фантастика и фэнтези, все новинки
Фантастика
Отборные классические книги
Классика
ВКОНТАКТЕБиблиотека с любовными романами, которая наверняка придётся по вкусу женской части аудитории
Любовные романы
Библиотека с фантастикой и фэнтези, а также смежных жанров
Фантастика
Самые популярные книги в формате фб2
Топ фб2
книги