Маля. Однажды в Гагаузии

Круча аардыр

Круча аардыр, круча аардыр

Куведин йок калдырмаа.

Ташымаа ону ляазымдыр,

Аллахын иилии онда.

Круча аардыр, круча аардыр

Ёл да пекь узактыр.

Куветлиндирь, Куртарыжи

Бу ерьдя яшамыкта.

Круча аардыр, круча аардыр

Кенди Сааби калдырды.

Аар, пекь зор ону ташырды

Яры ёлунда дющтю.

Круча алтында о дющтю

Кимсей ярдым етьмеди.

Озаман гёкьтеди Боба,

Бирь ярдымжи ёллады.

О бирь чифтчи, ады Симеон

Кручии о калдырды.

Ардында ёлланды Сааби,

Кан докаркан ёлунда.

Саваш кручаны ташымаа

Хич гюдженмя пайына.

Саде дайанмак хем кувет

Биз истейелим Аллахтан.

Хем Аллахын анасына

Ялвар ярдыма гельсинь.

О сана ядрдым едеджек

Саде сянь дарсыма хич.

Озаман ангель-коройуджу

Сениннянь биля гидеджекь.

Кручаны йардым едеджекь,

Биткийадан ташымаа.