ВОЗРАЖЕНИЕ, или РАЗОРЕНИЕ СМИРЕНАГО НИКОНА,Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы

Тем [2872] же братия святая, званию Божию причастницы, разумейте посланника и святителя исповеданию нашему, Иисус Христа верна суща сотворшему Его, якоже и Моисей [2873] во всем дому своем, множайше бо славе сей паче Моисея сподобил.

И по мале: Моисей [2874] убо верен есть во всем дому своем якоже угодник во свидетельство глаголаным. Христос же якоже Сын в дому Своем, Его же дом мы есмы, аще убо дерзновение и похвалу упования (л. 680 об.) [2875] даже до конца известно удержим. Тем же, якоже глаголет Дух Святый: Днесь [2876], аще глас Его услышите, не ожестите сердец ваших, якоже в прогневании по дни искушения в пустыни, идеже искусиша Мя отцы ваши и искусиша Мя и видеша дела Моя четыредесят лет. Сего ради негодовах рода того и рех, присно прелщаются сердцем. Тии же не познаша путий Моих, яко кляхся во гневе Моем, аше внидут в покой Мой. Аще [2877] делом от сложения мира бывшим, рече бо негде о седмом сице: И почи Бог в день седмый от всех дел Своих. И о сем паки: Аще [2878] внидут в покоище Мое, (л. 681) [2879] понеже убо лишени нецыи внити в не. И иже прежде благовествовани бывше, не внидоша за непослушание. Паки некий уставляет день, днесь в Давиде глаголя: По толицех летех, якоже прежде глаголася: Днесь [2880], аще глас Его услышисте, не ожестите сердец ваших, якоже в прогневании. Нецый бо, слышавше, прогневаша, но не вси изшедшии из Египта с Моисеом. Коих же негодова четыредесят лет, не согрешивших ли, их же кости падоша в пустыни. Которым же клятся не внити в покоище Его, яве яко противльшимся, и видим, яко не возмогоша внити за неверствие.

(л. 681 об.) [2881] Да [2882] убо в покоище веровавшии, якоже рече: Яко кляхся во гневе Моем, аще внидут в покоище мое, аще и делом от сложения мира бывшем.

Рече бо негде о седмом: И [2883] почи Бог в день седмый от всех дел Своих. Имуще убо архиерея велика прошедша небеса Иисуса Сына Божия, да держимся исповедания. И [2884] никто же собою приемлет честь, но званый от Бога, якоже Аарон, тако и Христос, не Себе прослави быти Первосвященнику, но глаголавый к Нему: Сын [2885] Мой еси Ты, Аз днесь родих Тя. Якоже и инде глаголет: Ты [2886] еси священник вовеки по чину Мелхиседекову.

(л. 682) [2887] Известихом [2888] же ся о вас, возлюблении, лучша и придержащихся спасению, аще и тако глаголем: Не обидлив бо Бог забыти дела вашего и труда и любве, еже показасте во имя Его, послужисте во имя Его, святым Его служаще. Желаем же коегождо вас являти тойжде тщание ко извещению упования до конца, да не лениви будете, но подобницы наследствующим верою и долготерпением обетования. Аврааму же обетова Бог, понеже ни единем имяше болшим клятися, клялся собою, глаголя: Истиною [2889] благословствуя благословлю тя, и множа, умножу тя. И тако [2890], (л. 682 об.) [2891] долго [2892] терпев, получи обетования. Человецы же болшим кленутся и всякому их прекословию кончина во извещение клятва есть. О нем же лишше хотя Бог показати наследником обетования непреложное совета Своего исходатай клятвы, яко да двема вещма непреложнома, понеже невозможно солгати Богу, крепко утешение имамы, прибегшей держатися за предлежащее упование, еже яко основание имамы души. Твердо же и известно и входяще во внутреннее завесе, идеже предтеча о нас вниде Христос, по чину [2893] Мелхиседекову Первосвященник быв вовеки.

(л. 683) [2894] Почто [2895] еще требе по чину Мелхиседекову, иному востати священнику, а не по чину Ааронову глаголатися. Прилагаему убо священству по нуже и закону пременение бывает. О нем же бо глаголются сия: Колену иному причаститися, от него же никто же причастися ко олтарю. Яве, яко от колена Июдова возсия Господь наш. О нем же, колене, Моисей о священстве ничесо же глагола и лишше еще яве есть, аще по подобию Мелхиседекову востанет священник ин, иже не по закону заповеди плотския бысть, но по силе живота неразрушенаго. Свидетельствует бо: Яко [2896] Ты еси священник вовеки по чину Мелхиседекову.

(л. 683 об.) [2897] Отлагание убо бывает прежде бывшия заповеди за немощное ея и неполезное, ничто же бо совершил, есть закон. Приложение есть лучшему упованию, им же приближаемся к Богу. И елико не без клятвы, они бо без клятвы суть священницы бывше. Сей же с клятвою ради глаголющаго к нему: Клятся Господь и не раскается, ты еси священник вовеки по чину Мелхиседекову. По [2898] толику лучшу завету бысть испоручник Иисус. И они множайши суть священницы бывше, зане смертию возбранени суть пребывати. Сей же, заеже пребывати Ему вовеки, непреступно имать священство.

(л. 684) [2899] Тем же и спасти может до конца приходящих Его ради к Богу, всегда жыв сый и ходатайствовати о них. Таков [2900] убо нам подобаше архиерей, преподобен, незлобив, бессквернен и отлучен от грешник, и выше нас быв, иже не имать по вся нужду, якоже [2901] первосвященницы прежде о своих гресех жертву приносити, потом же о людских. Сие бо сотвори единою Себе принес, закон бо человеки поставляет первосвященника, имущая немощь, слово же клятвенное, еже по законе Сына вовеки совершена. Глава [2902] же о глаголемых такова, имамы первосвященника, иже седе одесную (л. 684 об.) [2903] престола величествия на небесех, святым служитель, и скинии истинней, яже сооружи Господь, а не человек. Всяк [2904] бо первосвященник, воеже приносити дары же и жертвы, поставляем бывает. Тем же потреба имети, что к сему, еже принесет. Аще убо был на земли, не бы убо был Первосвященник сущим священником, приносящим по закону дары, иже образом истинни служат небесных. Якоже глаголано бысть Моисею, хотящу сотворити скинию: Виждь [2905] бо, рече, и сотвориши вся по образу, показаному на горе. Ныне же лучше улучи служение, поелику (л. 685) [2906] и болшаго есть ходатай, иже на лучша обетования взаконися. Аще [2907] бо первый закон непорочен был, не бы второму искалось место. Укоряя бо их, глаголет: Се дние грядут, глаголет Господь, совершу на дом Израилев и на дом Июдов завет нов. Не по завету, его же сотворих отцем их в день, в онь же емшу Ми их за руку извести их от земли Египетския, зане тии не пребыша в завете Моем. И Аз не радих о онех, глаголет Господь, яко сей завет, его же завещаю дому Израилеву. По онех днех, глаголет Господь [2908], даяй законы Моя в мыслех их и на сердцах их, напишу их и буду им Бог, (л. 685 об.) [2909] и тии будут Мне людие. И не имать научити коегождо искренняго Своего и койждо брата своего, глаголя: Познай Господа, яко вси уведят Мя от мала даже и до велика, зане молити буду о неправдах их и грехи их и беззакония их не имам помянути к Тому.

Имеяше [2910] бо первая скиния, оправдания службы, святое же людское. Скиния бо сооружена бысть первая, в ней же светилник и трапеза и предложение хлебом, яже глаголется «святая». По вторей же завесе скиния глаголемая «святая святых», злату имущи кадилницу и ковчег завету окован всюду златом. В нем же стамна зала, имущая манну (л. 686) [2911] и жезл Ааронов прозябший [2912] и скрижали Завета. Превыше же ея херувимы славы, осеняющии олтарь. О них же несть ныне глаголати подробну. Сим же тако устроеном, в первую убо скинию, в ну вхождаху священницы, службы совершающе. Во [2913] вторую же единою в лето, един архиерей, не бес крове, юже приносит за себе и о людских согрешениих.

Се [2914] являющу Духу Святому, яко не уявися святых путь, еще первей скинии имущей стояние, ей же притча во время настоящее утвердися, в ней же дары и жертвы приносятся, не могуща по совести совершити служащих, (л. 686 об.) [2915] точию на брашна и пития и различных омовениих и оправданиих плоти, и даже до времени исправления належащая.

Христос [2916] же пришед Архиерей грядущих благ болшею и совершеннейшею скиниею нерукотвореною, сиречь не сею тварию, ни кровию козлию, ни телчею, но Своею кровию вниде единою во святая, вечное избавление сотворив.

Аще [2917] бо кровь козлия и телчая и пепел юнчий кропящий оскверненая освящает к плотней чистоте, колми [2918] паче кровь Христова, иже Духом Святым Себе принесе непорочна к Богу, не очистит ли совесть нашу от мертвых дел? (л. 687) [2919] Воеже служити нам Богу живу и истину, и сего ради Нову Завету Ходатай есть.

Глава 10. Зачало 323.

Сень [2920] бо имый закон грядущих благ, а не самый образ вещей на вся лета теми жертвами, их же приносят выну, яже никогда же могут приступающих совершити, понеже престали бы убо быша приносимы, заеже ни едину имети еще совесть о гресех, служащим единою очищеном, но всих воспоминание грехом есть на коеждо лето. Невозможно [2921] бо крови юнчи и козли отпущати грехи. Тем же входя в мир, глаголет: Жертву [2922] и приношение (л. 687 об.) [2923] не восхоте, тело же соверши Ми еси, всесожжения и о гресех не взыскал еси. Тогда рех: Се прииду, в главизне книжней пишется о Мне, яко сотворити волю Твою, Боже. Выше глаголя, яко жертву и приношение, и всесожигаемых о гресех не восхотел еси, ни благоволил еси яже по закону приносятся. Тогда рече: Се прииду сотворити волю Твою, Боже мой. Отъемлет первое да второе поставит. Оней же воли освящени есмы, приношением тела Иисус Христова единою и всяк, убо священник стоит на всяк день служба и тыя же множицею принося жертвы, яже никогда же (л. 688) [2924] могут отъяти грехи. Он же единою о гресех принес Жертву, внегда седит одесную Бога [2925], прочее ожидая, дондеже [2926] положатся врази Его подножие ногама Его. Единем бо приношением совершил есть в ну освящаемых. Свидетельствует же и Дух Святый по реченому прежде: Сей [2927] Завет, Его же завещаю к ним, по днех онех глаголет Господь: Дая законы Моя на сердца их и в помышлениих их напишу их. Таже глаголет Господь: Грехи их и беззакония их не имам помянути к Тому. А идеже отпущение сих, к Тому несть приношения о гресех. Отвергся [2928] кто закона Моисеова, без милосердия (л. 688 об.) [2929] при двою или при триех свидетелех умирает. Колице [2930] Ми горшей сподобитися муце, иже Сына Божия поправый и кровь за верную скверну возмнив, в ней же освятися и дух благодати укорив. Вем [2931] бо рекшаго: Мне отмщение, Аз воздам, глаголет Господь. И паки: Яко судит Господь людем Своим, страшно еже впасти в руце Бога жива.

Зачало 326.

Не отложите убо дерзновения вашего, еже имать мздовоздаяние велико, терпение бо имати потребу, да волю Божию сотворше, приимете обетование. И [2932] еще бо в мале елико, елико приидет и не закоснит, а праве(л. 689)дный [2933] же от веры жив будет, и аще же обинется, не благоволит душа Моя о нем. Мы же, братия, несмы обиновения в погибель, но вере в снабдение душы.

Глава 11.

Есть же вера уповаемым извещение, вещем обличение невидимым, в сей бо свидетельствовани быша древнии. Верою [2934] разумеваем совершитися веком глаголом Божиим, воеже от невидимых видимая бывша. Верою [2935] множайшу жертву Авель паче Каина принесе Богу. Ею же свидетельствован бысть быти праведник, свидетелствующу о дарех его Богу и тоя ради и умре. И еще глаголется: (л. 689 об.) [2936] Верою [2937] Енох преложися не видети смерти и не обреташеся, зане преложи его Бог. Прежде бо преложения его, свидетельствован бысть, угодив Богу. Без веры же невозможно угодити Богу, веровати же подобает приходящим к Богу, яко есть и взыскающим Его мздовоздаятель бывает. Верою [2938] ответ приим Ное, о них же не убо видев и убояся сотвори ковчег во спасение дому своему, им же осуди весь мир, и яже по вере правды бысть наследник.

Зачало 327.

Верою зовом Авраам, послуша изыти на место, еже хотяше прияти в на(л. 690)следие [2939] и изыде, не ведый, камо грядет.

Зачало 328.

Верою прииде Авраам на землю обетования, якоже на чюжду, в кровы вселися со Исааком и Ияковом, с наследникома обетования тогожде. Ждаше бо основание имущаго града, ему же художник и содетель Бог.

Верою [2940] и сама Сарра неплоды силу вложенаго семени прият и паче времени возраста роди, понеже верна непщева обетовавшаго. Тем же от единаго родишася всем, да еще умерщвленаго телом, якоже звезды небесныя множеством и якоже песок морский вскрай моря безчислени. (л. 690 об.) [2941] По вере умроша вси, не приемше обетования, но издалече видевше я, и возлюбивше и исповедавше, яко странии и пришелцы суть на земли. Ибо таковая глаголющии являются, яко отечествия взыскуют и аще она помняху, от них же изыдоша, имели убо быша время возвратитися. Ныне же лутчаго желают, сиречь небеснаго, тем же не стыдится сими Бог, Бог нарицатися им, уготова бо им град.

Зачало 329.

Верою Авраам Исаака искушаем и единороднаго приношаше, обетования приемый [2942], к нему же глаголано бысть, яко о Исааце наре(л. 691)чет [2943] ти ся семя, помыслив, яко и из мертвых воскресити силен есть Бог тем же, Кого и в притчи прият.

Верою [2944] и о грядущих благослови Исаак Иякова и Исава. Верою [2945] Ияков умираше коегождо сына Иосифова благослови и поклонися на конец жезла его. Верою [2946] Иосиф умирая, о исхождении сынов Израилевых памятствована и о костех своих заповеда. Верою [2947] Моисей родився сокровен бысть три месяцы от отец своих [2948], зане видеша красно отроча и не убояшася повеления царева. Верою [2949] Моисей велик бысть, отвержеся нарицатися сын дщери фараоновы, паче же изволи страдати с людьми Божиими, (л. 691 об.) [2950] нежели имети временнаго греха сладость. Болшее богатство вменив египетских сокровищ поношение Христово, взираше бо на мздовоздаяние. Верою остави Египта, не убояся ярости царевы, Невидимаго бо яко видя терпяше. Верою [2951] сотвори Пасху и пролитие крови, да не погубляяй перворожденая, коснется им. Верою [2952] преидоша Чермное море аки по сусе земли, ему же искушение приемше, египтяне истопишася. Верою [2953] стены Иерихонския падоша обхождением седмих днех. Верою Раав блудная не погибе с сопротивлшимися, приимши сходники (л. 692) [2954] с миром и иным путем изведши. И что еще глаголю? Не достанет бо ми, повествующу лето, о Гедеоне [2955], Вараце же и Самсоне, Иеффаи, о Давиде же и Самуиле и о других пророцех, иже верою победиша царьствия, содеяша правду, получиша обетования. И прочее.

Тем [2956] же убо и мы, толик имуще облежащ нас облак свидетелей, гордость всяку отложше и удобь обстоятелный грех.

Блюдите [2957] же и не отрицайтеся глаголющаго, аще бо не избежаше оньи, отрекшися пророчествующа на земли множае паче мы, отрицающе Небеснаго. Его же глас землю тогда поколеба, (л. 692 об.) [2958] ныне же обетова, глаголя: Яко еще единою Аз потрясу не токмо землею, но и небом. А еже единою еще потрясу, сказует колеблемых преложение, аки сотвореном да пребудет, яже суть неподвижимая.

Тем же царьство непоколеблемо, приемлюще имамы благодать, ею же служим благоугодно Богу со благоговением и страхом. Ибо Бог [2959] наш огнь поядаяй есть.

Поминайте [2960] наставники ваша, иже глаголаша вам слово Божие, их же взирающе не скончание жителства, подражайте веку их, Иисус Христос вчера и днесь, той же и вовеки. В научения странна (л. 693) [2961] и различна не прилагайтеся, добро бо благодатию извещевати и утверждати сердца, а не брашны. От них же не прияша ползу ходившеи в них. Имамы же олтарь, от него же не имут власть ясти служащыи сени. Их [2962] же бо кровь животных вносится во святая за грехи первосвященником. Сих телеса сожигаются вне стана. Тем же и Христос да освятит люди Своею кровию, вне врат пострадати изволи. Тем же убо да исходим к Нему вне стана, поношение Его носяще, не [2963] имамы бо зде пребывающаго града, но грядущаго взыскуем. Тем убо приносим жертву хваления (л. 693 об.) [2964] выну Богу, сиречь плод устен исповедающеся [2965] имени Его. Благотоврения же и общения не забывайте, таковыми бо жертвами угождати Богу.

И се зде Божиею помощию вся свидетельства совершишася, аще и не по ряду зде положено бысть. Ум имея, да разумеет.

Разсмотри [2966], богоборче и истиноборче, повсюду Писание со свидетельствы писаное, а не без свидетельства, якоже ты, самоумне, написал Уложеную книгу без всякаго свидетельства.

Написа евангелист Матфей о родстве Господа нашего Иисуса Христа, глаголя не самоумне, ни без свидетельства, (л. 694) [2967] но сице рече: Книга родства Иисус Христова, сына Давидова, Сына Авраамля, и прочее. Такожде же и прочии евангелисти и елика о благовещении ко Пресвятей Богородицы, и елико о рождестве Господа нашего Иисус Христа, и елико от Иродова убийства бежании во Египет и паки от Египта отхождении в землю Израилеву, и елико о избиении младенцов Христа ради от Ирода, и елика о Иоанне Крестителе, и елико той о Христе пророчествова, и елико о Христе крещении и Духа Святаго над Него сшествии, и елико о искушении Христове от диавола, и елико о учении Христове и о заповедях Его (л. 694 об.) [2968] и о чюдесех Его, и елико Христово свидетельство Самаго о Себе, яко с небесе снидох, и елико о зависти жидовстей на Христа и о лжесвидетельстве жидовском и о неправеднем суде Иродове же и о Пилатове, и о поругании на Христа от жидов и от слуг, и о предании на пропятие [2969], и о распятии Христове, и о погребении, и о воскресении, и по воскресении о явлении ко учеником, и о вознесении, и о обещании послания Святаго Духа от Отца, и о втором Христове пришествии, и елико самаго Христа Бога ко святым Его учеником и апостолом поучении и заповедех уверял все от Писания, якоже се: (л. 695) [2970] Не тако ли писано есть, яко подобает пострадати Христу и воскреснути в третий день.

Кто же ли праведнее во пророцех паче Иоанна Предтечи, о нем же сам Христос свидетельствова [2971]: Чесо изыдосте видети? Пророка ли? Ей, глаголю, и лишше пророка сей бо есть. О нем же писано: Се Аз посылаю ангела Моего пред лицем Твоим, иже уготовит путь Твой пред Тобою. Аминь, глаголю вам, не воста в рожденых болий Иоанна Крестителя. И по мале: И [2972] аще хощете прияти, той есть Илия, хотяй приити. Имеяй уши слышати, да слышит, якоже богословец Иоанн глаголет о нем [2973]. (л. 695 об.) [2974] Иоанн свидетельствует о Нем: И воззва, глаголя: сей бе, Его же рех, иже по мне грядый, предо мною бысть, иже первее мене бе. И от исполнения Его мы вси прияхом и благодать во благодать, яко закон Моисеом дан бысть, благодать и истина Иисус Христом бысть.

(л. 696) [2975] Такожде и к пославшым от жидов от Иерусалима иерея и левиты да вопросят Его: Ты кто еси? И исповеда и не отвержеся и исповеда, яко несмь Аз Христос. И по мале рече: Аз [2976] глас вопиющаго в пустыни: исправисте путь Господень, якоже рече Исаиа.

Кто же ли вернее и крепчее паче Петра верховнаго, иже прежде всех исповеда Христа Сына Божия, о нем же сам Христос свидетельствова, якоже пишется: Воззрев [2977] нань Иисус и рече: Ты еси Сомин, сын Ионин, ты наречешися Кифа, еже сказуется Петр. И паки инде рече: Блажен еси Симоне, сын Ионин, яко плоть не яви тебе, но Отец Мой, (л. 696 об.) [2978] иже на небесех. И Аз же тебе глаголю: Яко [2979] ты еси Петр и на сем камени созижду Церковь Мою, и врата адова не удолеют Ей. И дам ти ключа Царьствия Небеснаго и еже аще свяжеши на земли, будет связано на небеси, и еже аще разрешиши на земли, будет разрешено на небеси. То ни сей что може без свидетельства писати о Христе ко июдеом, глаголя [2980], зане писано есть в Писании: Се полагаю в Сионе Камень краеуголен избран честне. И веруяй в Онь, не постыдится. И прочее. И паки рече, зане писано есть [2981]: Святи будете, яко Аз свят есмь. И прочее.

Кто же ли пречюднее Павла верхо(л. 697)внаго [2982], его же избра сам Господь учителя языком, и свидетельствова, глаголя: Яко [2983] сосуд избран Ми есть, пронести имя Мое пред языки и царьми и сынми Израилевыми. Аз бо скажу ему, елика подобает о имени Моем пострадати. Яко иже сам той пишет к Римляном: Павел [2984], раб Иисус Христов, зван апостол, избран во благовестие Божие. И прочее. И инде рече: и аз бо мнюся имени Духа Святаго. Но ни сей что любо, не писанием свидетельствуя о Господе нашем Иисусе Христе, но глаголаше, еже прежде обеща пророки Своими в писаниих святых о Сыне Своем, бывшем от семене Давидова, по плоти нареченне Сыне (л. 697 об.) [2985] Божий по Духу Святе, из воскрешения мертвых Иисус Христа Господа нашего. И прочее.

Кто же ли любимее Иоанна возлюбленаго, иже на перси Христовы возлеже, брат и друг Христу именовася, о нем же сам Христос свидетельствова, якоже пишется [2986]: Стояху же при Кресте Иисусове мати Его. Иисус же видев матере и ученика стояща, его же любляше, глагола матери Своей: Жено, се сын твой. Потом глагола ученику: Се мати твоя. И паки инде [2987]: Обращ же ся Петр, виде ученика, его же любляше Иисус, вослед идуща, иже возлеже на вечери на персе Его и рече: Господи, кто есть предаяй Тя? Сего видев (л. 698) [2988] Петр, глагола Иисусови: Господи, сей же что? Глагола ему Иисус: Аще хощу, да той пребывает, дондеже прииду что к тебе, ты по Мне гряди. Изыде же слово сие в братию, яко ученик той не умрет. И по мале рече сам той: Сей есть ученик свидетельствуяй о сих, иже и написа сия, и вем, яко истино есть свидетельство Его. Иже и вышше всех написа, о слове Божии глаголя: В начале бе Слово, и Слово бе у Бога, и Бог бе Слово. Се бе искони у Бога. И прочее.

Но ни сей что любо без свидетельства преда или написа. Такоже и вси святии апостоли и святии отцы, ничто же предаша или научиша от себе, (л. 698 об.) [2989] но все от Божественаго Писания.

Ныне же един точию ты предал закон, несогласен Ветхому и Новому закону и всему Божественому Писанию. Господу убо глаголющу: Не мните, яко приидох разорити закона. Или пророк: Не приидох разорити, но исполнити. Аминь, глаголю вам, дондеже прейдет небо и земля, иота едина или едина черта не прейдет от закона, дондеже вся будут, иже аще разорит едину заповедий малых и научит тако человеки, мний наречется во Царьствии Небеснем.

Ты же, богоборче, не закон и пророки, но и самое святое священное Евангелие разорити и вся святыя законы не устыдеся. (л. 699) [2990] Господу свидетельствующу и глаголющу: Небо и земля прейдет, от закона же иота едина или едина черта не прейдет. Ты же вся единою премину и ниже устрашися Божия страха, иже аще разорит едину, рече, заповедий малых и научит тако человеки, мний наречется во Царьствии Небеснем, то есть не наречется. Ты же сам вся святыя заповеди разорив и всем людем в закон свое беззаконие написа. Не глаголет убо Христос [2991], законныя заповеди малы, но их же Он предати хощет. Нарицает же их малы смирения ради, да и тебе научит смиреномудрствовати. Мал же наречется, иже Сам не творит (л. 699 об.) [2992] по заповедех и других тако учит, Сам дело не имея. Мал же наречется во Царьствии Небеснем, сиречь на воскресение последний и отвержен в геенну огнену, не вниде бо тако в Царьство Небесное. Других уча, сам же заповеди презирая попирая и ни во что же вменяя. Како бо инаго кто наставити может на путь, им же сам не ходил есть?

Ты же, богоборче, отметая заповеди Божия и не пребывая во учении Христове, како имаши внити в Царьство Небесное?

Не слышал еси Господа глаголюща: Но народ, иже не весть закона, прокляти суть. И святый Давид глаголет: (л. 700) [2993] Прокляти уклоняющиеся от заповедей Твоих. И святый Иоанн Богослов глаголет: Всяк преступаяй и не пребываяй во учении Христове, Бога не имать.

Святаго Василия Великаго правило 63.

Христов [2994] отметник во всем житии своем да кается.

Толкование.

Иже от Христа отвержется, во все время живота своего должен есть плакатися. На исходе же жития сподобится святаго причащения.

Того же Василия Великаго правило 45.

Христиан [2995] сый ругаяся Христу, от наречения ползы не приимет.

Толкование.

Вера без дел мертва есть, никая же бо полза от наречения, еже (л. 700 об.) [2996] нарицатися христианину, Христовы же заповеди отметати и делы злыми тому ругатися.

Святаго 6-го Вселенскаго собора правило 64.

Мирский [2997] человек да не учит, не вси бо пророцы, ниже [2998] убо вси апостоли.

Толкование.

Всяк убо должен есть свой чин ведати и не творити себе пастыря овца сый, и глава да не мнится нога сый, но повиноватися преданому от Бога чину и уши свои отверзати на послушание приемлющих благодать учительскаго словесе. Не вси бо пророци и не вси апостоли. Сего ради мирстии человецы да не учат, ни словес о заповедех да не подвизают, тем сан (л. 701) [2999] учительский к себе привлачаще.

И божественый же Павел утвержает, глаголя: Аще и ангел благовестит паче, еже приясте, проклят да будет.

И святаго 7-го Вселенскаго собора правило 1: Аще кто приложит или уимет что от Божественых заповедей и закон, проклят да будет.

В Уложеной книге твоего списания глава 1 статия 1 о богохулниках.

Будет иноверцы какия ни буди веры или руской человек возложит хулу на Господа Бога и Спаса нашего Иисуса Христа или на рождьшую Его Пречистую Владычицу нашу Богородицу и Приснодеву Марию или на Честный Крест или на святых Его (л. 701 об.) [3000] угодников и просыскивати всякими сыски накрепко. Да будет сыщется про то допряма, и того богохулника обличив казнити, зжечь.

И что болше тоя хулы, еже отложити вся заповеди Христовы и святых апостол и святых отец заповеди и каноны, лгати на Господа и на святых Его, о них же напреди скажем.

Да тое же Уложеной книге во 2-й главе в первой статье написано: Будет кто каким злым умышлением учнет мыслити на государьское здоровье злое дело, и про его злое умышление кто известит, и по тому извету про то его злое умышление (л. 702) [3001] сыщется допряма, что он на царьское величество злое дело мыслил и делать хотел, и такова по сыску казнити смертию.

Глава 1 [3002] статия 2.

Также будет кто при державе царьскаго величества, хотя Московским государьством завладети и государем быти, и для того своего злаго умышления начнет рать збирать, или кто учнет царьскаго величества с недруги учнет дружитися, и советными грамотами ссылатися, и помочь им всячески чинить, чтобы тем государевым недругом по его ссылке Московским государьством завладеть, или какое дурно учинить, и про то на него кто изве(л. 702 об.)стит [3003], и по тому извету сыщется про тое его измену допряма, и таковаго изменника по тому же казнити смертию.

Да в той ж книге во 2-й главе в 20-й статье.

Также самоволством, скопом и заговором к царьскому величеству и на его государевых бояр и околничих, и на думных, и на ближних людей, и в городех, и в полкех на воевод, и на приказных людей, и ни на кого никому не приходити и никого не грабити и не побивати.

21 статья.

А кто учнет к царьскому величеству или на его государевых бояр и околничих, и думных, и ближних людей, (л. 703) [3004] в городех и в полкех на воевод, и на приказных людей или на кого ни буди приходити скопом и заговором, и учнут кого грабити или побивати, и тех людей, кто так учинит, за то по тому же казнити смертию без всякия пощады.

И аще кто начнет мыслить на царьское величество злое умышление или похочет Московским государьством завладеть и государем быти, или кто учнет к царьскому величеству или на его государевых бояр и околничих, и думных, и ближних людей, и в городех, и в полкех на воевод, и на приказных людей или на кого ни буди приходити скопом (л. 703 об.) [3005] и заговором, и учнут кого грабити или побивати, и тех людей, кто так учинит, за то по тому же казнити смертию без всякия пощады.

Да ты же пишешь в 4 главе в 1 статье.

Будет кто грамоту от государя напишет сам себе воровски, или в подлиной государеве грамоте и в ыных каких приказных письмах что переправит своим вымыслом, мимо государева указу и боярскаго приговору или думных и приказных людей, и подьячески руки подпишет, или зделает у себя печать такову, какова государева печать, и такова за такия вины казнити смертию.

2-я статья.

А будет воровс(л. 704)твом [3006] же учнет отъимати государевы печати от государевых грамот или от иных каких приказных писем, и те государевы печати учнет к иным каким воровским письмам прикладывать, или будет кто учнет какия письма воровством же наряжати и приказныя писма переправливати мимо государева указу, и того казнити смертию, а писмам его нарядным ни в чем не верити.

А [3007] будет кто такия писма зделав умрет, и после его те писма объявятся у племяни или у прикащиков, и то его племя и прикащики учнут по тем письмам о каком деле государю бити челом, и про них сыскати, (л. 704 об.) [3008] каким обычаем те им письма достались, и где их взяли, и про то они ведали ли, что те письма нарядны. Да будет про них в сыску скажут или они сами в том повинятся, что они про то ведали, что те писма воровские нарядные, а держали их у себя для своих пожитков и корысти, и тех людей по тому ж казнити смертию.

Послушай, неправедный человече, что Господь к таковым лицемером глаголет: Рабе лукавый, от уст твоих сужду тя. Тако и зде не погрешит истины, кто тебе изглаголет такожде. И аще царьския грамоты и уставы и при(л. 705)казныя [3009] письма переправит кто своим вымыслом мимо государева указу и боярскаго приговору или думных и приказных людей и подьяческия руки подпишет, или будет кто учнет какия письма воровством нарежать и приказныя писма переправливати мимо государева указу, или после кого останутся такие воровския писма, или кто печать зделает, и за то казнити смертию.

А иже на самаго Бога вознеистовися и преобидит Божию власть, якоже и денница, и Божие достояние, и Божий суд преписав на царьское имя «суд государя царя» и прочее, и святых апостол и святых отец и учителей (л. 705 об.) [3010] и законоположников наших, приимших власть от несочетанаго Царя и Бога нашего Господа Иисус Христа, на земли и на небеси имущих власть вязати и решити, и не человеком точию хотящим судити, но ангелом, то тех обесчестив и власть и честь и заповеди разорив и ни во что положив, коликих мук и смерти достоин?

Господу свидетельствующу: Иже есть от Бога, глаголы Божия послушает. Сего ради вы не послушаесте, яко от Бога несте. И инде рече: Слушаяй вас, Мене слушает, и отметаяйся вас, Мене отметается.

Да ты же пишешь в 10-й главе во 141-й статье.

Будет кто (л. 706) [3011] учинится приставу силен и по доездной памяти по того ослушника послати в другие инаго пристава, а к воеводе в тот город, где тот ослушник живет, послати государева грамота, чтобы воевода на того ослушника приставу дал стрелцов и пушкарей и защитников сколко человек пригож, чтобы было приставу с кем такова ослушника изымати. Да как пристав того ослушника изымав к Москве приведет, и тому ослушнику за его ослушание учинити наказание, бить батоги, да на нем же доправить, исцу прочесть и волокита по указу, и неделщиком езд без суда и отдати истцу. (л. 706 об.) [3012] А будет кто в третие сотворит, и ему тоже наказание учинить и вкинуть в тюрьму на месяц.

А во 142-й статье.

Будет кто у пристава наказную и приставную память или государевы грамоты отъимет и издерет, и такова непослушника за государеву грамоту бить кнутом и посадить в тюрьму на три месяцы. А кто неделщика или понятых побиет до смерти, и того убойцу самаго казнити смертию же.

И аще тако царевым непослушником и суд иным без казни не прощено, а иже Божии и святых его апостол и законоположник заповеди преступая и попирая, колики муки (л. 707) [3013] ждут? Божие слово и не погрешает: Имже бо судом судите, осудитеся, и ею же мерою мерите, возмерится и приложится.

Господу глаголющу: Глаголю [3014] вам, яко аще не избудет правда ваша паче книжник и фарисей, не внидите в Царьство Небесное.

Толкование.

Правду глаголет всяку добродетель, якоже речено: Праведен бяше Иов, преподобен, непорочен. Устрашися прочее, о человече, разумев, колико должни суть. Таже учит нас, како изобилна правда наша будет, паче фарисей и книжник. Прочее же устрояет добродетели, глаголя Евангелие: Слышасте, яко речено бысть древним, (л. 707 об.) [3015] не убиеши, иже аще убиет, повинен есть суду. Аз же глаголю вам, яко всяк гневаяйся на брата своего всуе, повинен есть суду.

Толкование.

Пророцы бо, хотяще пророчествовати, глаголаху: Тако глаголет Господь. Христос же не тако, но: Аз глаголю, являя власть Божества Своего. Они ради бяху, сей же Сын и вся отеческа имея. Гневаяйся, рече, на брата своего туне, осужден будет. Аще ли кто прогневается по правде, и наказания ради и по духовней ревности, не осуждается таковый. И Павел убо ярости и гнева глаголы вещаше к Елиме волхву и ко архие(л. 708)рею [3016] на сонмище, но не туне, но по ревности божественней. Тогда бо туне гневаемся, егда имения ради и славы, и еже себе ради месть воздати.

Како же ты, богоотступниче, евангелских заповедей разорителю, ин закон вводишь в проклятом твоем списании в 10 главе в 27-й статье.

Будет боярин или околничей или думной человек обесчестит словом патриарха и за патриарше бесчестие боярина и околничего, и думнаго человека по сыску отослати к патриарху головою.

Статья 28.

А будет боярин или околничей или думной человек (л. 708 об.) [3017] обесчестит словом митрополита или архиепископа, или епископа, и за митрополичье и архиепископле и епископле безчестие боярину и околничему и думному человеку митрополиту за бесчестье четыреста рублев, архиепископу триста рублев, епископу двести рублев. А будет кому платить нечим, и его за властелинское безчестие отослать ко власти головою, будет сыщетца допряма.

Статья 29.

А будет боярин или околничей или думной человек обесчестит архимандрита или игумена или иной какой иноческой чин, и им за безчестье по суду или по сыску платить безче(л. 709)стье [3018] против государева указу.

Статья 30.

А будет патриарха или митрополита или архиепископа, или епископа или архимандрита или игумена или казначея или келаря или иной иноческий чин обесчестит словом столник или стряпчей или дворянин московской или гость или дьяк или жилец или дворянин или сын боярской городовой или иноземец или дворовой человек, а по сыску и по суду сыщется про то допряма, и им за такое безчестие чинить указ: за патриарха бить батоги, за митрополита посадить в тюрьму, за архиепископа и епископа (л. 709 об.) [3019] в тюрму же посадить.

Статья 31.

А будет патриарха или митрополита или архиепископа, или епископа или архимандрита или игумена или казначея или келаря или иной иноческий чин обесчестит словом гостиной и суконной сотни или черных сотен и слобод тяглой человек или стрелец или казак или пушкарь или кто иной какова чину ни будь, а по суду и по сыску про то сыщется допряма, и им за то чинить указ: за патриарха учинить торговая казнь да посадить в тюрьму на месяц, за митрополита бити батоги (л. 710) [3020] да в тюрму посадить на четыре дни, за архиепископа и епископа бить батоги да в тюрму посадить на три дни.

Архимандритом и игуменом и архидиакону и Троицы-Сергиева и всех монастырей келарем и казначеем и соборным старцом и рядовой братье править за бесчестье: Живоначалныя Троицы Сергиева монастыря архимандриту 100 рублев. И прочее о прочих монастырех писаное.

Откуду ты, беззаконниче и злобе списателю, такова навык чрез Божественыя Христовы заповеди и святых апостол и святых отец заповеди и каноны возмеряти противу зла зло, ранами и сребреными (л. 710 об.) [3021] искупы качествы и количествы. Не слышали твое нерадивое ухо законоположника нашего и учителя Господа Бога и Спаса нашего Иисуса Христа, учаща и глаголюща вышереченое: Глаголю [3022] вам, яко аще не избудет правда ваша паче книжник и фарисей, не внидите в Царьство Небесное.

Да которая правда в проклятом том твоем списании, аще кто патриарха обесчестит и по суду и по сыску, оваго головою отослать судил еси, оваго бить кнутом, инаго бить батоги, инаго в тюрму, на ином безчестие править, якоже выше сего твое безумие и проклятое беззаконие изообразися?

(л. 711) [3023] А во 83-й статье пишешь.

А будет митрополит или архиепископ, или епископ, или архимандрит, или игумен и прочие обесчестит словом бояр и околничих и прочих, а сыщется про то допряма, и им по сыску тем людем, кого они обесчестят, платить за бесчестье против их окладов, что кому государева денежнаго жалованья, а гостем и иных чинов людем по указным статьям.

Статья 84.

А будет которому архимандриту или игумену или келарю или казначею или рядовым старцам за чье безчестие платить будет нечим, (л. 711 об.) [3024] и на них тем людям править безчестье нещадно до тех мест, как они с ыстцы учинят зделку.

Горе тебе и писанию твоему, неправедниче, имать Бог бити стено поваплена по святому апостолу Павлу, яко суд укривлен всюду сотворил еси.

И пишешь в 91-й статье.

А будет боярина или околничего или думного человека обезчестит столник или стряпчей или дворянин московской или гость или дьяк или жилец или дворянин или сын боярской городовой или иноземец или дворовой человек, и на них бояром и околничим и думным людям по суду и по сы(л. 712)ску [3025] править безчестие же. А будет кому ис тех чинов, боярину или околничему или думному человеку за безчестье платить будет нечим, и их бить кнутом.

Статья 92.

А будет бояр и околничих и думных людей обезчестит кто словом гостиные и суконныя и черных сотен и слобод тяглой человек или стрелец или казак или пушкарь или монастырской слуга или иных чинов люди кто нибудь или холоп боярской, а по суду и по сыску сыщется про то допряма, и их за боярское и околничих и думных людей безчестие бити кнутом, да их же сажати в тюрму на две недели.

(л. 712 об.) [3026] Не послушал еси писанаго: Не познай силна и убога на суде, яко суд Божий есть. Себе и подобных себе мест всем несравнену положил, за патриарха бить батоги, а за митрополитов и архиепископов и епископов сажать в тюрму, а себе сугубо бить кнутом да на две недели в тюрму.

Не слышал еси Спаса, глаголюща: Яко им же судом судите, осудитеся, и ею же мерою мерите, возмерится. И божественный апостол глаголет: Безумне, ты избежиши ли суда Божия? Воистину, на творящих таковая суд Божий есть. Коликим мукам еси и томлению повинен за тако(л. 713)вое [3027] безбожное предание и беззаконный закон, елико по нему сотворили бедным осужеником раны и иная злая. Ты в сем повинен. Збысться во псалмех писаное: Рече [3028] безумен в сердце своем, несть Бога. Растлеша и омразишася в беззакониих, несть творяй благостыня, несть до единаго. Бог с небесе приниче на сыны человеческия видети, аще есть разумеваяй или взыскаяй Бога, вси уклонишася вкупе и непотребни быша. Несть творяй благое, несть до единаго, ни ли разумеют вси делающии беззаконие, снедающии люди Моя в хлеба место.

И паки другое писание: [3029] Провещают (л. 713 об.) [3030] и возглаголю неправду, возглаголю вси делающии беззаконие. Люди Твоя, Господи, смириша и достояние Твое озлобиша, вдовицу и сира умориша и пришелца. И реша: Не узрит Господь, ниже разумеет Бог Ияковль. Разумейте же безумнии в людех и буи некогда умудритеся, насаждаей ухо, не слышит ли, или создавый око, не смотреят ли, наказуяй языки, не обличит ли? Учай человека разуму, Господь весть помышления человеческа, яко суть суетна. И паки ино писание: Помыслиша [3031] бо и глаголаша в лукавстве, неправду в высоту глаголаша. Положиша на небеси уста своя и язык (л. 714) [3032] их прейде по земли. Рече бо в сердце своем: Не взыщет. Усты наша при нас суть, кто нам Господь есть. И реша: Како уведе Бог, аще есть разум в вышнем. Обаче за лщения их, положил еси им злая, низложил я еси внегда разгордети. И по мале: Яко се удаляющиися от Тебе погибнут, потребил еси всякаго любы деющаго от Тебе.

Послушай, праведный беззакония списателю, Божественаго учения, еже Господь глаголет: Аз же глаголю вам, яко всяк гневайся на брата своего всуе повинен есть суду. Которому суду? Не твоему беззаконному, но суду Божию нелицемерному, (л. 714 об.) [3033] неумытному, якоже учит нас святое священное Евангелие: Егда же приидет Сын человеческий во славе Своей и вси святии ангели с Ним, тогда сядет на престоле славы Своея и соберутся пред Ним вси языцы. И прочее. А не твоему суду повинни, еже ты написал. Аще кто обезчестит словом патриарха и митрополита или архиепископа и епископа, или игумена и прочаго того чина столник или стряпчей и прочии того чина или гостиной и суконной сотни, даже до стрелца и казака и пушкаря и прочаго всякого человека, а по суду и по сыску указ учинит по государеву указу. А кому кого судить, не определил еси. (л. 715) [3034] Кому патриарха, кому ли митрополита и архиепископа и епископа и архимандрита и игумена и прочих.

Якоже и в 13 главе в 1-й статье написал еси.

На митрополитов и на архиепископов и на их приказных, и на дворовых людей, и на детей боярских, и на их крестьян и на монастыри на архимандритов и игуменов, и на строителей, и на келарей, и на казначеев, и на рядовую братью, и на монастырских слуг, и на крестьян, и на попов, и на церковной причет во всяких исцовых искех суд давать в Монастырском приказе. А по которым правилом и кому судить, того не написано же.

(л. 715 об.) [3035] А в 10 главе в 1-й статье написано: Суд государя царя и великаго князя Алексия Михайловича всеа Русии судит бояром и околничим и думным людям и дьяком и всяким приказным людям и судьям и всякая росправа делает всем людем Московскаго царьства от болшаго и до меншаго чину в правду.

А в той же книге Уложеной написано на листу 61:

В лето 7158-го июля в 16 день государь царь и великий князь Алексий Михайлович всеа Русии самодержец в двадесятое лето возраста своего в третие лето Богом хранимыя своея державы советовал со отцем (л. 716) [3036] своим и богомолцом святейшим Иосифом, патриархом Московским и всеа Русии, и с митрополиты, и со архиепископы, и со епископы, и со всем освященным собором, и говорил с своими государевыми бояры и с околничими, и з думными людьми, которые статьи написаны в правилех святых апостол и святых отец и в градских законех Греческих царей. А пристойны те статьи к государьственным и земским делам, и те бы статьи выписать.

И чтобы прежних великих государей царей и великих князей Росийских и отца его государева блаженыя памяти великаго государя царя и великаго князя Михайла Феодоровича всеа Русии (л. 716 об.) [3037] и те государьские указы с старыми справити. А указал государь царь то все собрати и в доклад написати бояром, тебе, князю Никите Адоевскому с товарыщи. И ты по государеву цареву и великаго князя Алексия Михайловича всеа Русии самодержца указу, князь Никита Адоевской с товарыщи, написал, будто выписал ис правил святых апостол и святых отец и из градских законов Греческих царей и ис старых судебников прежних великих государей. И в том во всем ты, окаянный, солгал, написал, что ис правил святых апостол и святых отец и из градских законов Греческих царей и ис старых судебников (л. 717) [3038] прежних великих государей.

Покажи нам, где есть во апостолских и святых отец и благочестивых царей Греческих градских законов и в старых судебниках прежних великих государей судити бояром и околничим и думным людям и дьяком и всяким приказным людям и судьям патриарха и митрополитов и архиепископов и епископов, архимандритов и игуменов и весь духовный чин? Покажи во своем ложном списании и не отрекийся. И аз ти покажу Господа Бога и Спаса нашего Иисуса Христа суд и месть. Тако глаголет Господь: А [3039] иже бо аще речет брату своему (л. 717 об.) [3040] рака, повинен есть сонмищу.

Толкование.

Собор убо не царьское или боярское и прочих мирских судей, но архиерейской суд глаголет, якоже правила и царьския и великих князей таковыя безчестныя суды. Кто кого обезчестит словом, судить архиереом. О них же многащи писано есть выше сего. Нам же архиереом и прочим священнаго чина доволно есть на отмщение лаятелем нашим Божественая отмщение.

А [3041] иже речет, уроде, повинен есть геенне огненней. И что есть болши сего нашим лаятелем на отмщение, еже вечно мучитися в геенне огненней.

Толкование.

(л. 718) [3042] Мнози мнят, яко тяжко есть осуждение сие, яко единаго ради таковаго слова и во огнь вечный осудит. Обаче же несть, тяжко, но достойно и праведно Божий суд возмери, лишаяй бо брата своего слова и разума и нарицает его буя, сиречь луда и безумна. Море бо буй сказуется и луд безумен. Како бо таковый несть достоин мукам: уничтожая бо и досаждая кому, любовь разсыпает, ей же разсыпавшися, вся добродетели разсыпаются, якоже и любви стоящи, вся добродетели стоят. Отнюду же всяк уничижаяй и досаждаяй, вся добродетели растерзает, разсы(л. 718 об.)пане [3043] бывши любви. Отинуду же яве, яко достоин есть огню вечному.

Собора иже в Констянтине во Святей Софии правило 3.

Аще который мирский человек епископа в темницу ввержет или биет без вины или сплетет некую вину, да будет проклят.

От свитка новых заповедей Иустинияна царя глава 42 правило 36.

Никому [3044] же от властел не подобает боголюбивых епископ нудити на судище приити, да вдаст свидетельство о нечесом нудити и да посылает некия от служащих епископ ему, да предлежащу святому Евангелию, якоже (л. 719) [3045] лепо есть Спасителем. Рекут, яже ведят, но ни о именней, рекше о златней, ни о греховней вине ко властелю градскому или к воинскому неволею приити или предстати без повеления царева не прощаем, но властеля, аще писанием, аще ли без писания повелети дерзнувшаго, по отрешении пояса, рекше по отъятии воинскаго сана, и муками казнити и в заточение послати.

Того же Иустинияна царя правило 87.

Всем [3046] же единою отрицаем, не сотвористе пакости образу монашескому, ни черноризцу, ни черноризице, ни постнице, никим любо образом не поругатися (л. 719 об.) [3047] церковному строению. Се же аще кто дерзнет сотворити, телесную подъимет муку и в заточение предан будет.

Господу нашему сице учащу и заповедающу: Евангелие: слышасте [3048], яко речено бысть, око за око и зуб за зуб. Аз же глаголю вам, не противитися злу, но аще тя кто ударит в десную ланиту, обрати ему другую.

Толкование.

Законное разсуждение попущаше равная приимати зло сотворшим, яко да всяк боится такова же не пострадати, да не творят друг другу неправды. А еже ударяющему по ланите и другую обратити повеле, всяко, аще (л. 720) [3049] заповеди Божии хранит, может и сие претерпети, по апостолу: Да лутчее воскресение улучат терпением, рече, да течем, взирающе на предлежащии нам образ Началника вере и совершителя Иисуса, иже вместо предлежащия Ему радости претерпе крест, и о срамоте не ради, одесную Бога седе. И ин паки рече: Зане [3050] Иисус Христос пострада по нас, нам оставль образ, да последуем стопам Его, иже убо укоряем, не укоряше, стражда не прещаше. И паки той же рече: Братие Христову, пострадавшу по нас, и вы в ту же мысль облецетеся. И паки самому (л. 720 об.) [3051] Христу свидетельствующу: Прежде же сих всех возложат на вы руки своя и ижденут, предающе на сонмища и темница, ведоми ко царем и владыком, имени Моего ради. Прилучит же ся вам во свидетельство, положите убо на сердцех ваших. И по мале: Предани же будете и родители и братиею и родом и друзи и умертвят от вас, и будете ненавидеми от всех имени Моего ради. И инде рече: Тако [3052] бо изгнаша пророки, иже прежде вас. И паки инде рече: Поминайте слово, еже Аз рех, несть раб болий Господа своего. Аще Мене изгнаша, и вас ижденут, (л. 721) [3053] аще слово Мое соблюдоша, и ваше соблюдут. И по мале. Се же рех: Да не соблазнитеся от сонмищ ижденут вы, но приидет час, да всяк, иже убиет вы, мнится службу приносити Богу. И паки: Блажени есте поносят вы и ижденут и рекут всяк глаголы на вы, лжуще. Радуйтеся и веселитеся, яко мзда ваша многа есть на небесех.

Ты же, откуду им, нам нов закон проповедаеши, юже ни сам Христос рече, но апостоли проповедали, развее стрещися от таковых. Глаголаша: Блюдитеся [3054], да никто вас прелстит. Мнози бо приидут во имя Мое, глаголюще, яко (л. 721 об.) [3055] «Аз есмь», и многи прелстят, и верховный Петр: Быша же и лживии пророцы в людех, якоже и в вас будут лживи учителие, иже внесут ереси погибели и скупльшаго их Владыки отметающеся. Приводяще себе скору погибель и мнози последствуют их нечистотам, ими же путь истины похулится и в преумножении лстивых словес вас уловят, их же суд искони не коснит. Блюдете, убо да не приидет на вас реченое во пророцех. Видети, нерадивии, и чюдитеся и узрите и исчезнете, яко дело Аз соделаю во дни ваша. Ему же не имати веровати, аще кто исповесть вам. (л. 722) [3056] И паки: Никто [3057] же вас да лстит суетными словесы. Сих бо ради грядет гнев Божий на сыны непокоривыя. И паки рече: Блюдите [3058], братие, да некогда будет в некоем от вас сердце лукаво, исполнено неверия, еже отступити от Бога жива. И паки: Блюдите [3059] же, не отрицайтеся глаголющаго, аще бо не избежаша они отрекшейся пророчествующаго на земли, множае паче мы, отрицающеся небеснаго. И инде рече: Блюдитеся [3060], да никто же вас будет прелщая хитростию и тщетною лестию по преданию человеческому и по стихиям мира сего, а не по Христе Иисусе. И паки: Блюдитеся [3061], (л. 722 об.) [3062] рече, от творящих распря и раздоры чрез учения, ему же вы научистеся и уклонитеся от них.

И Господь [3063] свидетельствует о таковых: Иже есть от Бога, глаголы Божия послушает. Сего ради не послушаете, яко от Бога несте. И божественный Богослов [3064]: Всяк глаголет, преступаяй и не пребываяй во учении Христове, Бога не имать. И паки: Мы от Бога есмы. Разумеваяй Бога, послушает нас. О [3065] разумеваем дух истиный и дух лстеч. И о сем разумеем, яко познахом Его, аще заповеди Его соблюдаем. Глаголяй, яко познах Его, и заповеди Его не соблюдает, ложь есть, (л. 723) [3066] в сем истины несть. И по мале. Всяк [3067], не творяй правду, несть от Бога.

Не вся ли сия о тебе проречена и о проклятом твоем списании, еже и збышася.

Послушай же нашего Законоположника и еще к сим. Евангелие: И [3068] хотящему судитися с тобою и ризу твою взяти, отпусти ему и срачицу. И аще кто тя поимет по силе поприще едино, иди с ним две.

Толкование.

Не глаголет, абие хотящему, но аще на судище влечет тя и молву деет, тогда остави ему, и ризу молвы ради и смущения. И что глаголю, ризу и одежду, но и самое тело свое даждь неправедно влекущему тя, (л. 723 об.) [3069] и множае паче хотения сотвори насилующему тя. Тем же и наведе рече: Просящему у тебе дай и хотящего от тебе заяти не отвратися.

Ты же како нам паче сих ин закон полагаеши, еже прежде тебе по Христове рождестве и спасителном Его волном страдании и святых Его евангелских заповедей никто не сме новозаконие каково любо ввести, ни от царей и великих князей православных, развее поганых, якоже турка и прочих подобных ему, иже насилием и беззаконием умучают род христианский. Им же воздаст Господь Бог по делом руку их в день Судный, христианом же православным [3070] по терпению их жизнь (л. 724) [3071] вечную.

Слыши и еще к сим Божию заповедь. Евангелие слышасте [3072], яко речено есть: Возлюбиши искренняго твоего и возненавидиши врага своего. Аз глаголю вам: Любите враги ваша.

Толкование.

Постиже убо зде до верха добродетелем, что бо есть паче сего болше? Не невозможно есть. Моисей бо и Давид и Павел и Стефан и прочии святии неистовящихся на них и беснующихся жидов и врагов паче себе любляху и спасение их ищаху, и моляхуся о них, и тако обетования получиша, якоже и Господь заповеда, глаголя. Евангелие: Благословите кленущая вы, добро творите (л. 724 об.) [3073] ненавидящим вас и молитеся за творящих вам напасть и изгоняющая вы.

Толкование.

Зри, яко благодателей подобает имети сущия враги наши, всяк бо напаствуяй и гоняй нас облегчает нам греховныя муки. К тому же и толикий дар нам дарует, яко сыном Божиим быти. Слыши прочее. Евангелие: Яко да будете сынове Отца вашего, иже есть на небесех, яко солнце свое сияет на злыя и благия и дождит на праведныя и на неправедныя.

Толкование.

Видиши ли, колико добро дает ти ненавидяй тебе и напаствуяй, аще претерпиши, да будете, рече, сынове Отца (л. 725) [3074] вашего, иже есть на небесех. А идеже солнце не сияет, тамо тма есть, по писаному: Всяк творяй злое, не приходит ко свету, да не обличатся, яко дела зла суть. И таковый во тме ходит и не весть, камо идет, яко тма ослепи ему очи, по Божественому словеси, еже рече к жидом непокоривым: добре рече Исаия о вас, лицемерех: Уши имуще, не слышисте, и очи имуще, не видисте. Одебеле бо сердце людий сих, очи смежиша и ушима тяжко слышаша. А идеже не одождит, тамо всяко бесплодие. Ты же како сын Божий имаши быти, противная всюде Евангелию мудрствуя. (л. 725 об.) [3075] Блажени [3076] бо, рече, миротворцы, яко тии сынове Божии нарекутся. Блажени бо суть рече, не токмо иже сами себе со всеми смиряют, но и других ненавидящих смиряти смиряющии же ся суть, и поученми Божествеными враги приводяще, сынове бо суть Божии таковии. Понеже единородный Сын Божий смири нас к Богу, врагом сущим нам. А ты всюду вражду сотворил, а не мир. Первие, между Бога и человеков оставлением Божественых заповедей, якоже и от исперва некто. Таже между всеми человеки духовными и мирскими, малыми и великими, еже друг другу злобу мстит и безчестия (л. 726) [3077] искати не помянул еси апостолское слово: Злобу койждо искреннему своему да не поминает. И паки ин рече: Солнце во гневе вашем да не зайдет. Исаия же о таковых глаголет: Вы есте отца вашего диавола, и похоти отца вашего твористе. Он искони человек убийца есть и во истине не стоит. И паки глаголет: Блажени бо суть слышащии слово Божие и хранящее. А кой же презирающим и не хранящим слово Божие рече: Слово, еже заповедах им, то судит им в день Судный. Тебе же кто ублажит или избавит от суда Божия, весь евангелский закон и заповеди разорившаго? Но горе (л. 726 об.) [3078] тебе, второе распинающему Христа, унее бы тебе не родитися. Богу свидетельствующу: Отраднее быти Содому и Гомору, нежели тебе, слышавшему слово Божие и не хранящему.

Якоже пишешь в 12-й главе о суде патриарших приказных и дворовых всяких людей и крестьян.

Статья 1.

На патриарших приказных и на дворовых людей и на детей боярских и на крестьян и на всяких чинов людей, которые живут в патриарших домовых вотчинах, во всяких делех суд давать безсрочно на патриарше дворе, потому что при прежних государех и блаженыя памяти (л. 727) [3079] при великом государе царе и великом князе Михаиле Феодоровиче всея Русии ни в которых приказех на них суда не давали, а судили их на патриарше дворе, что судные дела слушает и указывает патриарх.

Смотри, злых предателю, како зде и сам свидетельствуеши, что при прежних государех и блаженыя памяти при великом государе царе и великом князе Михаиле Феодоровиче всея Русии на патриарших приказных и на дворовых людей и на детей боярских и на крестьян и на всяких чинов людей, которые живут в патриарших домовых вотчинах, во всяких делех суд давали на патриаршем (л. 727 об.) [3080] дворе. А ты самаго патриарха в суд мирской низвел, как пишешь в 10-й главе в 30-й и в 31-й статье: Будет кто обезчестит патриарха всякаго чину люди даже и до стрелцов и мужиков, а по суду и по сыску чинить указ коемуждо.

А во 12 главе в 3-й статье пишешь: А которыя патриаршия приказныя и дворовые люди и дети боярския и патриаши крестьяня учнут в которых приказех на каких людех всяких дел искати, а ответчики на них в тех же приказех, не сходя с суда, учнут встречно искать, и на них суд давать в тех же приказех.

(л. 728) [3081] И коли уж в том же приказе приказных патриарших и всяких чинов людей, где они сами искати станут, то уже и сам патриарх в котором приказе о своем безчестье станет бити челом на ково, и тем противно в том же приказе волно и на патриарха бити челом, в какове деле похотят, и указ тот же патриаху, со стрелцом и с мужиком.

Такожде и митрополитом и архиепископом и епископом и прочаго церковнаго причету, как пишешь в 13 главе в 1-й статье.

На митрополитов и архиепископов и епископов и прочее суд давать в Монастырском приказе.

Статья 2-я.

А которые (л. 728 об.) [3082] митрополичьи и архиепископли и епископли приказные и дворовые люди и дети боярские и крестьяне, также и розных монастырей архимариты и игумены и строители и келари и казначеи и соборные старцы и монастырские слуги и крестьяне учнут в котором приказе искати всяких чинов на людех, а ответчики после его ответу учнут по челобитным на тех исцах искать своих исковых дел, и тем ответчиком на митрополитов и на архиепископов и на епископов и на архимаритов и на игуменов и на строителей и на келарей, и на казначеев и на соборных и на рядовых (л. 729) [3083] старцов и на митрополичих и на архиепископлих и на епископлих приказных и на двороых людей и на детей боярских и на монастырских слуг и на крестьтян по их исковым челобитным суд давать в тех же приказех против их ответчиковых челобитен.

Да якоже в 10-й главе в 1-й статье написал еси: Суд един от мала и до велика, не описуя чина и достояния, то уже и казни неотменны, как простым людям, так и священнаго чину, патриарху и митрополиту и архиепископу и епископу и архимандриту и игумену и священнику и диакону и всем прочим причетником.

(л. 729 об.) [3084] Написано в 10-й главе в 106-й статье: А будет кто ни буди, пришед в которой приказ к суду или для инаго какова дела, судью обезчестит непригожим словом, а сыщется про то допряма, и того за государеву пеню бити кнутом, а судье велеть на нем доправити безчестие.

И во 142-й статье 10-й же главы: Будет кто наказную или приставную память и государевы грамоты отъимет и издерет, и тем он приказных людей, от которых тот пристав послан будет, обезчестит, а сыщется про то допряма, и такова непослушника за государеву грамоту бити кнутом и посадити в тюрму на три месяцы.

(л. 730) [3085] И аще бы принужен кто был священнаго чину, патриарх или митрополит или архиепископ или епископ или архимандрит или игумен или священник или дьякон даже до последних причетник по твоим беззаконным законом в судище, не точию послушал бы, но поплевал и про судью беззаконнаго и закон, якоже отроцы по повелению цареву не точию понудишася, но и оплеваху, такоже и прочии святии мученицы исповедницы, о них же слышим во вселетном воспоминании в книге Прологе, како храборски потщася влекоми на судища, не точию повинушася, но и оплеваша (л. 730 об.) [3086] и прокляша беззаконие их.

Тако и ныне: Аще кто за святый евангельский закон и за заповеди Христовы и святых апостол и святых отец каноны станет и мужески подвигнется, якоже и первии подвижницы, не точию судьи послушает, но и оплюет и проклянет веление его и закон, такожде и у пристава наказную и приставную память аще кто отъимет и издерет и поплюет и потопчет, не погрешит таковый своего спасения, якоже и первомученицы.

По чесому же ли се разумно будет? Свидетель сему первый Подвигоположник, самая истина Христос, глаголяй. (л. 731) [3087] Евангелие: Се [3088] Аз посылаю вас, яко овцы посреде волков. Будите же мудри яко змия и цели яко голубие.

Толкование.

Хощет Господь всем верующим в Него мудрым быти, даже не слушат яко овцам быти, име и возмниши яко несмыслену подобает бывати христианину. Глаголет же, яко и мудру подобает быти и яко ведети, како подобает пребывати посреде многих враг, якоже бо змий все тело свое проче дает на биение, главу же токмо соблюдает, тако и христианин вся имения дает и тело свое поражающим. Главу же, еже есть Христос и вера, яже к нему, (л. 731 об.) [3089] и закон и заповеди да сохранена да будет даже до смерти.

Евангелие: Блюдите [3090] же ся вы сами, внемлете же от человек, прежде же всех сих возложат на вы руки своя и изжденут, предоюще на сонмища и темница, и на соборищах биени будесте пред воеводы и владыки и цари ведени будесте Мене ради. Во свидетельство им и языком предани же будете и родители и братиею и родом и други, и умертвят от вас, и будете ненавидими от всех имене Моего ради. И влас главы вашея не погибнет, в терпении вашем стяжите душа ваша.

И паки инде: Блажени изгнани (л. 732) [3091] правды ради, яко тех есть Царьство Небесное. Блажени есте, егда поносят вам и ижденут вы и рекут всяк зол глагол на вы лжуще, имени Моего ради.

Толкование.

Не иже бо токмо уничижаем, блажен, но егда Христа ради и изгонится. Аще ли си две, не суть окаянен он есть, а не блажен, яко многих соблажняя. Понеже и злодее и разорителие закона евангелскаго и заповедей оглаголуеми и обличаеми от любящих и хранящих евангелское слово, мнят тяжко себе и поносно быти. И того ради умыслиша, якоже ты, князь Никита, новый закон написал советом антихриста, (л. 732 об.) [3092] учителя твоего в 10 главе в 83 статье: А будет митрополит или архиепископ, или епископ, или архимарит и прочее священнаго чину обесчестит словом бояр и околничих и прочих, а сыщется про то допряма, и им по сыску тем людям, кого они обезчестят, платить за бесчестье против их окладов.

Статья 84.

А будет которому архимариту или игумену и прочих за чье безчестие платить будет нечим, и на них тем людям править безчестье нещадно до тех мест, как они с ысцы учинят зделку или как (л. 733) [3093] в том исцом своим добьют челом.

Не суть ли дияволской се закон, ей, самаго антихриста, дабы никто не смел тяжести ради уложеныя никому о правде слова Божия проповедати, по писаному: Не обличай безумных, да не возненавидят тя. Обличение бо нечестивому, мозолие ему есть. Мозоль бо аще и не велми велика есть, но болезнена, тако и не приемлющим слова Божия, тяжко им мнится, аще кто возглаголет о правде Божии. Безчестие себе быти мнят и поношение. Того ради и Господь ко учителем слова рече: Аще согрешит к тебе брат твой, иди, обличи его. Аще ли послушает (л. 733 об.) [3094] тебе, приобрел еси брата своего, аще ли не послушает, поими с собою единаго или двух, да при двою или треми станет всяк глагол, то есть, дабы не приложили на оглаголующаго ложна слова, еже есть не мнили безчестие, якоже выше речеся. И аще по сих, рече, не послушает, повеждь церкви, то есть архипастырю церкви, патриарху или митрополиту или архиепископу или епископу и подобных от сих, и он накажет его повиноватися Божествеными евангелскими заповедем. И аще презрит таковое наказание, тогда не повинет таковый, аще такова презорника укорит и наречет (л. 734) [3095] его богоотступником и антихристовым предтечею и врагом Божиим и горее иноязычника и мытаря и повинника мукам вечным, почае содомлян и гоморян и грешнейши. На них же паде столп силоямский и поби их, и аще не покаются, такожде погибнут, якоже и они. И горе им проповедати паче Вифсаиды и Хоразина, не послушающим слова Божия, понеже зде не устыдеся Господа Бога и Его словес имать постыдетися пред ангелы Божиими. Тако Господу засвидетельствующу, якоже и Павел Елиму волхву, противящемуся, хотящаго Анфипата развратити от веры. (л. 734 об.) [3096] Савл же, иже и Павел, исполнися духа, возрев нань, рече: О исполненне всякоя лсти и всякоя злобы сыне дияволов, враже всякоя правды, не престаеши ли, развращая пути Господня правыя? От [3097] таковых убо по Божественей заповеди из града и из дому исходити и прах ног своих отрясти во свидетельство им. Якоже и деяния повествуют Павла верховнаго апостола тако сотворша.

И воздвигоша [3098], рече, гонение велико на Павла и Варнаву, и изгнаша их от предел своих. Они же отрясше прах от ног своих на них, приидоша во Иконию. И паки инде речеся: Противящим же ся (л. 735) [3099] им и хулящим отряс ризы своя, рече к ним: Кровь ваша на главах ваших. Чист аз, отныне во языки иду.

И аще кто и ныне, опустев, не восхощет слова Божия послушати, и не просто, но и безчестие вменив быти, и по беззаконному Уложению за бесчестие онаго непокориваго и беззаконнаго человека сребра или злата уставленую меру править или и на какие муки нанесут томителныя, таковый радуйся и веселися, яко мзда таковаго многа на небеси. Тако бо рече Спас: Изгнаша пророки, иже прежде вас, но влас главы вашея (л. 735 об.) [3100] не погибнет, в терпении вашем стяжите души ваши.

Евангелие: Како [3101] таковый может помолитеся ко Господу и глаголати: И остави нам долги наша, якоже и мы оставляем должником нашим.

Толкование.

Тако имать оставити и наша согрешения Господь Бог, якоже мы клевретом своим временная, и той вечная. Аже бо зло помним и глаголем, остави нам, якоже и мы оставляем, а не оставляем, то себе усугубляем, паче лжу творяще пред Богом, нас бо имать Бог образ. И якоже мы творим ближнему, тако и Бог сотворити имать нам. (л. 736) [3102] Аще благотворим, благо и нам сотворит, и аще мучим мы, и той имать вечно мучити нас. Тем же и глаголет Евангелие: Аще [3103] бо оставите человеком согрешения их, оставит и вам Отец ваш небесный.

Толкование.

Зде являет, яко ни сам той Сын хощет оставляти согрешения человеком, аще мы не прежде оставим. Тогда, рече, оставит Отец ваш небесный.

Евангелие: Аще ли же не оставит человеком согрешения их, ни Отец ваш небесный оставит вам согрешения ваша.

Толкование.

Ничто же бо тако ненавидит Бог, якоже сердце немилостиво и суровство (л. 736 об.) [3104] звериное, еже убивати и мучити брата своего. Зверско бо, еже любовь по разуму не имети и не миловати братию свою, братия бо есмы, якоже являет вышереченое слово, оставит и вам Отец ваш небесный, назнамена котораго Отца чада, не иже от по плоти рождьшаго отца коегождо, но Отца вашего небеснаго, яко да усрамимся чада, имея Отца небеснаго, тем же и о Себе глаголет яко: Не ищу волю Мою, но волю пославшаго Мя. И паки: Не могу Аз о себе творити ничесо же. И ко июдеом глаголет: Аминь [3105], аминь глаголю вам, не может Сын о себе творити ничесо же, (л. 737) [3106] аще не еже видит Отца творяща, яже бо Он творит, сия и Сын такожде творит. Отец бо любит Сына, вся [3107] показует Ему.

И паки инде рече [3108]: Аз, еже видех у Отца Моего, глаголю, и вы, убо еже видесте у отца вашего, творите. Отвещаша и речаша Ему: Отец наш Авраам есть. Глагола им Иисус: Аще чада Авраамля бысте были, дела Авраамля бысте творили. Ныне же ищете Мене убити, человека иже истину, вам глаголах, еже слышах от Бога. Сего Авраам несть сотворил, вы творите отца вашего. Реша же Ему: Мы от любодеяния несмы рождени, единаго Отца имамы Бога.

(л. 737 об.) [3109] Толкование.

Господь убо отца им написует диявола, не бо по достоянию, но от дел их видит. Они же выспрь идолу Авраама приносят. Часто же Господь убийственое их поминает произволение, ищете бо Мене, рече, убити и соглашаете на Мя. Како убо Онаго сынове есть, занеже Отчих дел не имате, о сродствии хвалитеся. Должни убо есте, аще хощете поистине Онаго чада именоватися и добродетелем подобитися. Они же паки рекоша: Мы от любодеяния несмы рождени, единаго Отца имамы Бога.

Виждь неразумнаго их кичения. Господь убо и Авраамля (л. 738) [3110] сродства изметается, они же тако гордят, якоже сыны себе Божия от неразумия своего сотворяют. Зане слышаша, первенец сын Мой Израиль. И сего ради хвалятся Божиим усыновлением. А достойно бе им слышати, еже Богу инде глаголющу пророком [3111]: Сыны родих и вознесох. Тии же Мене отвергошася.

Евангелие.

Паки [3112] рече им Иисус: Аще Бог Отец ваш бы был, любили убо бысте Мене. Аз бо от Бога изыдох и приидох, не о себе приидох, но Той Мя посла. Почто беседы Моея не разумеете, яко не можете слышати словесе Моего. Вы отца вашего диявола есте (л. 738 об.) [3113] и похоти отца вашего хощете творити. Он человекоубийца бе искони и во истине не стоит, яко несть истины в нем. Егда глаголет лжю, от своих глаголет, яко ложь есть и отец лжи. Аз же зане истину глаголю, не веруете Мене. Тем же на инем месте свидетельствует, глаголя [3114]: Аще Аз свидетельствую о Мне, свидетельство Мое несть истинно, ин есть свидетельствуяй о Мне, и вем, яко истино есть свидетельство Его, еже свидетельствует о Мне. Вы посласте ко Иоанну, и свидетельствова о истине, Аз не от человека свидетельства приемлю, но сия глаголю, да вы спасени будете. (л. 739) [3115] Аз же имам свидетельство боле Иоаннова. Дела бо, яже даст Мне Отец, да совершу я. Та дела, яже Аз творю, свидетельствуют о Мне, яко Отец Мя посла, и пославый Мя Отец, Той свидетельствова о Мне. Ни гласа Его нигде же слышасте, ни видения Его видесте и словесе Его не имате пребывающа в вас, зане Его же, Той посла, сему вы веру не емлете. Испытайте Писания, яко вы мните в них имети живот вечный, и та суть свидетельствующа о Мне. И не хощете приити ко Мне, да живот имате. Славы не приемлю, но разумех, яко любве Божия не имате в себе. Аз приидох во имя (л. 739 об.) [3116] Отца Моего и не приемлете Мене. Аще ин приидет во имя свое, того приемлете. Како вы можете веровати, славы друг от друга приемлюще, и славу, юже от единаго Бога не ищете. Не мните, яко на вы реку ко Отцу, есть иже нам глаголет Моисей, нань же вы уповаете [3117]. Аще бо бысте веровали Моисеови, веровали бысте убо и Мне, о Мне бо той писа. Аще ли того писанием не веруете, како Моим глаголом веру имете?

Толкование.

Зри, презориве, како Сын Божий и коликое свидетельство приводит, глаголя, яже Иоанна Крестителя и Моисея и пророки вся. Испытайте, рече, писания, (л. 740) [3118] и та суть свидетельствующа о Мне. Сего ради и от пророк поемлет первыя и славныя и великия, зане о Бозе и Отце велико непщевание имеша.

Таже дела о Бозе Отце соделаная боле пророческих гананий, таже и самаго того Бога Отца поставляет свидетеля и Святаго Духа свидетельствующа. И по сем сам Себе свидетеля и послуха неисписана и неложна вчиняет.

Ты же откуду сам о себе твориши свидетельство, яко подобает приити и законы новыя предавати, не сведомыя нам. От закона и пророк и святаго священнаго Евангелия и святых апостол и святых отец. Како же ты глаголеши: Отче наш, (л. 740 об.) [3119] иже еси на небеси. И прочее. Отчюждився своею злобою Его благодати, якоже и жиды. Ничто же сотворив достойно сыновства Божия, глаголаша: Мы от любодеяния несмы рождени, единаго отца имамы Бога. К ним же отрече Христос, глаголя. Евангелие: Аще [3120] Бог Отец ваш бы был, любили убо бысте Мене. Аз бо от Бога изыдох и приидох, не о Себе бо приидох, но Той Мя посла. Почто беседы Моея не разумеете, яко не можете слышати словесе Моего. Вы отца вашего диявола есте и похоти отца вашего хощете творити. Он человекоубийца бе искони и во истине не стоит, яко несть истины в нем. (л. 741) [3121] Егда глаголет лжю, от своих глаголет, яко ложь есть и отец лжи. Аз же зане истину глаголю, не веруете Мне.

Толкование.

Рек Господь к жидом, яко не можете слышати словесе Моего, таже наводит и вину. Почто не могут, рекше, не хотят? Зане рече: От отца своего вам се есть. Коего, глаголю, отца? Диявола. Вы бо Бога себе отца не разумеюще написуете, дела же вашего отца диявола вам послушествуют приснее. Того бо похоти хощете творити. И не рече же, дела, но похоти, являя, яко похотне зело прилежаху о лжи и убиийстве, еже есть свое дияволу. Он человекоубийца бе (л. 741 об.) [3122] искони, яко и вы ищете Мене убити. Оному уподобистеся, Адама убившему, он бо во истине не стоит, но лжи есть отец. И вы, лжуще на Мя, глаголете, яко несмь от Бога, и не стоите во истине, не пребываете в Моем слове, еже суть истина. Онаго чада есте, лжю рождьшаго, он бо и Бога к человеком оболга, к Еве рече, завидя вам, отрече вам древо, и к Богу паки человека оболга. Якоже и о Иове глаголя: Еда туне Иов чтет Бога, егда бо глаголет, от своих глаголет, человецы бо любящии лжю, яко чюжду лжю имут. Диявол же яко свою глаголет, лжа бо его есть исчадие и сам есть в тесноту ложь (л. 742) [3123] и отец лжи. Рече бо и о Еве, яко в онь же день аще снеста, будита яко бози, она же паче смерть объемля ста. Аз же, рече, яко истину глаголю и не веруете Ми. Ничто же бо инаго ищуще поимати Ми, разве едино, еже глаголати Ми истину. Сего ради совещесте на Мя, яко сынове отца вашего диавола. Аз же не от самого Себе глаголю, но еже видех от Отца Моего сия глаголю, и вы же, еже видесте от отца вашего, сия и творите. Аз убо, рече, Божия и небесная глаголю и Отца своего сих ради являю. Вы же своего отца, от них же делаесте и сообразуесте диавола всяко.

(л. 742 об.) [3124] И аще тако осуждаются жидове от Христа Бога за неверстие, еже не вероваша в Господа Бога и Спаса нашего Иисуса Христа сына, яко и сынови диаволи. Сынове же, разумей, беси, быти. А еже о муках тех сведетелствует сам Христос, глаголя: Тогда речет и сущим ошую Его: Идите от Мене, проклятии, во огнь вечный, уготованый диаволу и аггелом его. И паки. Тогда отвещает им, глаголя: Аминь, глаголю вам, понеже не сотвористе единому сих менших, ни Мне сотвористе и идут сии в муку вечную.

Толкование.

Сущих ошую Его во огнь посылает, еже уготовал есть диаволу и аггелом его, понеже немилостивни суть (л. 743) [3125] бесове и вражду многу имеют на нас. Достойно убо и таковой же муце предаеми бывают подобнии нравом бесовским, иже и своих ради дел прокляти быша.

Ты же, законопреступниче, не реку, яко отчасти, но всесовершенный отступниче, яко си ни блудницы, ни убийцы, ни похищницы суще в муки послани бывают. Но понеже не сотвориша ничто же по заподи [3126], того ради по правде таковии в муки вечныя идут. Якоже и Господь свидетельствует: Глаголю вам [3127], не вем вас, откуду весте. Отступите от Мене вси делателие неправде, ту будет плач и скрежет зубом.

И аще тако иже не увере жидом, неверства ради (л. 743 об.) [3128] таковыя муки приуготовашася, яко и отступником бесом. А иже отрекшися сатаны и всех дел его и всех аггел его и всего служение его и всея славы его и поплевав его, и сочетався Христу, и верова яко Царю и Богу, и елико святый Символ таинства в себе содержит исповеда, сими же паки сплетшеся побеждаеми бываю. Бывша [3129] ж им последняя горша первых. Лучши бо бе им не познати пути правды, нежели познавшим возвратитися от преданыя им святыя заповеди. Случи [3130] бо ся им истиная притча, пес возвращся на своя блевотину и свиния, омывшися в кале тине.

(л. 744) [3131] Господу глаголющу: Иже [3132] аще соблазнит единаго малых сих верующих в Мя, унее ему есть, да обесится, жернов осельский о выи его и потонет в пучине морстей. Горе миру от соблазн, нужда бо есть не приити соблазном, обаче горе человеку тому, им же соблазн приходит. Аще ли рука твоя или нога твоя соблажняет тя, отсецы ю и верзи от себе. Добрейши ти внити в живот хрому или бедну, нежели две руце или две нозе имущу, ввержену быти во огнь вечный. И аще око твое соблажняет тя, изми е и верзи от себе. Добрейши ти есть со единем оком в живот внити, неже две оце имущу, ввержену быти в геенну огненую. (л. 744 об.) [3133] Блюдите, да не презрите единаго от малых сих.

Зри, пагубниче, како Господь соблазнивших осуждает, яко ни жити такому оставляет зде, но на извещение тому вечных мук повелевает навязати [3134] на выю жернов осельский и воврещи во глубину морскую. Глубина же морская показание есть преисподнейшаго ада, идеже грешницы и соблазнителие верующих в Господа нашего Иисуса Христа живут, то есть мучатся. Якоже и последующее слово Божие показует, за едине уд, то есть за руку и прочих, аще соблажняет тя, рече, ввержен будеши во огнь вечный и в геенну огненую, идеже червь их не умирает (л. 745) [3135] и огнь не угасает. И сия тако суть. А иже аще кто не единаго человека соблазнит, но тысяща тысящами и тмы тмами, якоже ты, якоже Манасия весь Израиль сотвори отступити от Бога, и Улиян законопреступник новый Израиль. Но и сии легчае твоего пребеззакония, понеже не стыдно гонящу верующих Бога, и того ради не повинующиися таковым беззаконным велениям. Мнози мученически венцы увязошася и славу вечную и Царьствие Небесное получиша. Не могуще же мучения подвиг понести, крыяшеся по писаному в горах и пещерех и пропастех земных и прочих местех, и того ради и тех беззакония не сравняются твоим беззакониям.

Послушай (л. 745 об.) [3136] величество злобы твоея и беззакония.

Господу глаголющу: Его [3137] же бо посла Бог, глаголы Божия глаголет. А ты что Божиих глагол рекл еси в своем беззаконии, но все отца твоего диавола елика возглагола. Господу свидетельствующу: Аз [3138], еже видех у Отца Моего, глаголю. И вы убо еже видесте у отца вашего, твористе. Он человекоубийца есть искони и во истине не стоит, яко несть истины в нем. Егда глаголет, лжу глаголет, от своих глаголет, яко ложь есть и отец лжи. Аз же зане истину глаголю, и не веруете Мне. Тако и ныне, кто не верует словесем Божиим, он сын диаволов. А ты не точию веруеши словесем Божиим, но всюду сопротивная глаголешь и зако(л. 746)нополагаешь [3139], и еси воистину сын диаволов. Господу глаголющу: Кто от вас обличает Мя о гресе? Аще ли истину глаголю, почто вы не веруете? Почто же и ты не веруеши в Господа нашего Иисуса Христа глаголы Его и нов некак закон составляеши. Аще ли ни, то обличи о гресе Господа Бога и Спаса нашего Иисуса Христа что есть грех Его и почто не веруеши словесем Его. Богу самому свидетельствующу [3140], иже есть от Бога, глаголы Божия послушает. Сего ради не послушаете, яко от Бога несте. Аз [3141] о себе ничесо же не творю, но якоже научи Мя Отец, сия глаголю. Аз есть путь и истина и живот. А ты кто таков? Паки Господу глаголющу: Глаголы, яже Аз глаголю вам, о Себе не глаголю. (л. 746 об.) [3142] И паки: Мое [3143] учение несть Мое, но пославшаго Мя. Аще кто хощет волю Его творити, разумеет о учении, кое от Бога есть. Глаголяй о себе славы своея ищет, а ищай славы пославшаго его, сей истинен есть и несть неправды в нем. Отец [3144] же во Мне пребываяй, Той творит дела, яко снидох с небесе да не творю волю Мою, но волю пославшаго Мя Отца. И паки инде: Не [3145] могу Аз о себе творити ничесо же. И по мале: Яко не ищу волю Мою, но волю пославшаго Мя Отца. И паки Господу глаголющу: Аз [3146] есмь свет миру. Ходяй по мне, не имать ходити во тме. Ты же всех (л. 747) [3147] последующих твоему преданию свел во тму кромешную. И паки: Аще кто слово Мое соблюдет, смерти не имать видети вовеки.

Тако кто и не соблюдет слова Божия, якоже ты и последующии твоему проклятому законоположению, вечною смертию умерли.

Паки Господу глаголющу: Аще [3148] вы пребудете в словеси Моем, воистину ученицы Мои будете и разумеете истину, и истина свободит вы.

Тако кто и не пребывает в словеси Божием, несть ученик Онаго, но диавол, ниже разумеет истины, ниже свободь есть, но раб есть греху. Збысться Божественое слово о вас, иже рече: Глаголы, яже глаголах вам, (л. 747 об.) [3149] дух суть и живот суть. Но суть от вас нецыи [3150], иже не веруют, ведяше бо искони Иисус, кто суть неверующии. И паки инде рече: А неверуяй, уже осужден есть, и возлюбиша человецы паче тму неже свет. Беша бо их дела зла, всяк бо делаяй злая ненавидит света и не приходит ко свету, да не обличатся дела его, якоже лукава суть.

Тако и ты, уклонился от света евангелскаго и святых апостол и святых отец заповедей и преданий и не хощеши приити, да не обличатся яко вся дела твоя, лукавства и лжи, горести и льсти полна суть. О таковых Господь глаголет: А [3151] иже не верует в Сына, то есть Евангелию написаному (л. 748) [3152] и прочим святым законом, не узрит живота, но гнев Божий пребывает на нем. Таковый со Июдою предателем и с прочими жиды осудится во тму кромешную и с послушающими ложному тому списанию, якоже выше речеся, а неверуяй осужден есть. Еда и ты от таковых убо, иже глаголаша: жестоко [3153] слово се и кто может его послушати? И от сего мнози от ученик Его идоша вспять и к тому не хождаху с Ним. Аще ли речеши, яко веруеши Сыну Божию, послушай Иякова брата Божия, о сем возражающа тя и глаголюща: Кая [3154] полза, братия моя, аще веру кто глаголет имети, дела же не имет, еда вера может спасти его. Ты веруеши, яко (л. 748 об.) [3155] Бог един есть. Добре твориши, и беси веруют и трепещут. Хощеши ли разумети, о человече суетне, яко вера без дел мертва есть? И паки ин рече: Глаголяй, яко познах Его и заповедей Его не соблюдает, ложь есть и в сем истины несть. И паки: Всяк преступаяй и не пребываяй во учении Христове. Бога не имать. И сам Господь глаголет: Сего ради вы не послушаете, яко от Бога несте. Не любяй Мя, словес Моих не соблюдает [3156]. Святый же апостол Павел о таковых глаголет: Иже не любит Господа Иисуса, да будет проклят.

Зриши ли, беззаконноположниче, что Господь глаголет и святии апостоли о законопреступницех.

Правило Василия Великаго 45.

(л. 749) [3157] Христиан сый, ругаяся Христу, от наречения ползы не приимет.

Толкование.

Вера без дел мертва есть, никая же бо полза от наречения, еже нарицатись христианину, Христовы же заповеди отметати и делы злыми тому ругатися.

Шестаго Вселенскаго собора правило 64.

Мирский человек да не учит, не вси бо пророцы, ниже [3158] убо вси апостоли.

Толкование.

Всяк убо должен есть свой чин ведати и не творите себе пастыря овца сый, и глава да не мнится нога сый. Но повиноватися преданому от Бога чину и уши свои отверзати на послушание приемлющих благодать учительскаго словесе. Не вси бо пророцы и не вси апостоли. Сего ради мирстии человецы да не учат, ни словес о заповедех да не подвизают (л. 749 об.) [3159] тем сан учительский к себе привлачаще.

Послушай божественнаго апостола наказания: Сего [3160] ради подобает нам лишшее внимати слышаным, да некогда отпадем. Аще бо глаголаное ангелы слово бысть известно и всяко преступление и ослушание праведно прият мздовоздаяние. Како мы убежим отселе нерадивше спасении, еже зачало приемше глаголатися от Господа, слышавшими в нас известися. И паки той же святый апостол инде рече: Открывает бо ся гнев Божий с небесе на всяко нечестие и неправду человеческу, содержащих истину в неправде. Занеже разумное Божие яве есть в них, Бог бо явил есть им невидимая бо Его (л. 750) [3161] от создания мира творенми помышляема видима суть. И присносущная же сила Его и Божество, воеже быти им безответнем, занеже разумевше Бога, не яко Бога прославиша или благодариша, но осуетишася помышлении своими и омрачися неразумное их сердце. Глаголющи мудри быти, объюродеша, иже измениша истину Божию во лжу и якоже не искусиша Бога имети в разуме.

Сего ради предаст их Бог в неискусен ум творити неподобная, исполненых всякоя неправды [3162], лукавства, лихоимания, злобы, исполненых зависти, убийства, рвения, льсти, злонравия, шепотники, клеветники, богомерзки, досадителя, (л. 750 об.) [3163] величавы, горды, обретатели злым, родителем непокоривы, неразумны, непримирители, не любовны, не клятвохранители, не милостивы, нецыи же оправдание Божие разумевше, яко иже таковая творящии, достойни суть смерти, не точию же сия вся творят, но и волю деют творящих.

Слыша ли твое нерадивое ухо, что божественный апостол вещает о таковых, якоже ты и подобных тебе. Послушай же и прочая.

Сего [3164] ради безответен еси, о человече. Всяк судяй, им же бо судом судиши другу, себе осуждаеши. Тожде бо твориши, судяй, вемы же, яко суд Божий есть поисти(л. 751)не [3165] на творящих таковая. Помышляеши ли сие, о человече? Судяй таковая творящим и творя сам таяжде, яко ты избежиши суда Божия или о богатстве благости Его и кротости и долготерпения [3166] не радиши, не ведый, яко благость Божия в покаяние тя ведет. По жестокому же и непокаянному сердцу собираеши себе гнев в день гнева [3167] и откровения праведнаго суда Божия, иже воздаст коемуждо по делом его, овем убо по терпению дела благаго, славу и честь и нетление ищущим живота вечнаго. А иже по рвению и противляющимся убо истине, повинующим же ся неправде, ярость, (л. 751 об.) [3168] гнев и скорбь и теснота на всяку душю человека творящаго злое.

Ты же закон лаяй инем, почто сам беззаконнуеши? Не веси ли, яко несть на лица зрения у Бога? [3169] Елицы беззаконно согрешиша, беззаконно и погибнут. Неслышателие закона праведни пред Богом, но творцы закону сии оправдятся. Законополагаяй инем, убо себе ли не учиши? Проповедаеши не красти, Евангелский закон весь сокрал еси. Глаголяй, не прелюбы творити, прелюбы твориши. Аще ты неси архиерей, ни иерей, почто на Церковь неистовствуеши, судом и властию прелюбы твориши. Что убо себе тво(л. 752)риши [3170] пастыря? Овца сый. Что бываеши глава? Нога сый. Слеп сый, почто руководствовати нудишася? Грешен сый, почто оправдовати мнишися? Гнушаяся идол, святая крадеши. Иже в законе хвалишеся, преступлением закона Бога безчествуеши, имя Божие вами хулится. Божий бо устав и слово несть измены или приложения или умнения, само совершено и пречисто суще, не терпит от сих прикасающихся чесому. Аще ли чим опорочится и в мале, все таковый опроврати [3171] спасение свое, но ни без мук преминет. Богу свидетельствующу: Ведая раб волю Господа своего, а не творя я, биен будет много.

(л. 752 об.) [3172] Како же ты пишеши: Патриарху и митрополитом и архиепископом и епископом, архимандритом и игуменом и священником и диаконом судитися пред мирскими судьями, пред бояры и околничими и думными людми и перед диаки и судьи со всяких чинов людии.

Правило 8 и 9 святаго Вселенскаго 4-го собора и собора, иже в Карфагене, 15 правило и того же собора правило 104.

Людскаго суда у царя просяй, не епископ. Такожде и прочии священнаго чину, оставлше церковныя суды, к мирским судиям прибегнут, аще и оправдани будут, извергнутся.

Елицы ныне митрополити, архиепископи и епископи, архимандриты (л. 753) [3173] и игумени, священницы и диакони и прочии причетницы церковнии чрез Божественая правила под суд царьский и прочих мирских судей ходят, митрополити уже несть к тому достойно именовати митрополитами, такожде и архиепископи, и епископи, архимандриты и игумены, и попове и диакони, даже и до последних, аще в чину себе сочетовают и священных одежд лепотами являются, яко митрополити и епископи и прочии, но святых Божественых канонов извержени суть. Тем же и елико свящают, неосвящена суть, и елика благословляют, не благословена суть, ибо от тех крещени, не крещени, и поставлени, (л. 753 об.) [3174] не причетницы.

Святых апостол правило 10.

Моляйся со отлучеными, сам такожде да отлучен будет.

Правило 11.

Моляйся со извержеными, сам такожде осужден будет.

Правило 12.

Приемый инде не приятаго, сам не приятен. И аще от человек отлучени или извержени, им же причаствующии отлучени и извержени. А иже от закона Божия и заповедей колми паче тако вси отлучени и извержени, и такова ради беззакония все упразднилося святительство и священство и христианство от мала и до велика. А вся, яже суть взыщет на тебе, беззаконном предателе, всия сия соблазн и беззакония, от тебе прозябоша сия [3175] вся.

(л. 754) [3176] Еще же ти воспомянути хощу второе не менши перваго, аще и инде преже речеся, ныне же нужднейши прилучися.

Святых апостол правило 30, собора Лаодикийскаго правило 13, святаго седмаго Вселенскаго собора правило 3.

Аще кий мирских князь или людей помощию приимет церковь, да извержется и да отлучится.

Ныне вся сия бывают по указу царьскаго величества: епископи и архимандрити, и игумены, и попови, и диаконы, даже и до последних поставляются.

Святых апостол правило 34.

Без своего старейшаго ничто же да творят епископи, но токмо во своем пределе койждо, и старейший же без оных ничто же творит (л. 754 об.) [3177] полезнаго ради всем соединения.

Толкование.

Не подобает епископом кроме воли своего старейшаго, рекше без воли митрополита или архиепископа, творити излише ничто же, ни епископа поставити, ни о повелениих, ни о правилех новых стязатися, ни продати, ни отдати церковных неких вещей, но токмо достойная коемуждо в своих пределех правити и в сущих под ними странах и в селех. Но ни старейший же, рекше митрополит или архиепископ без воли всех епископов не может ничто ж таковаго творити. Сице бо творяще вси, соединения и любве заповедь соблюдут.

Государь царь (л. 755) [3178] Крутицкаго митрополита, меншаго всем болшим митрополитом, такожде и архиепископом и епископом старейшим, сотворил без собора и неизбранием. А 30-е правило святых апостол и 7-го Вселенскаго собора по 3-му правилу мирских князь помощию приимших церковь, аще бы и едина ему вручена, извергает. И есть таковый враг святыя Церкви и правилом святых апостол и святых отец извержен и отлучен. А Вселенскаго святаго 2-го собора по 1-му правилу и 7-го Вселенскаго собора по 1-му ж правилу извержен и проклят. А по 10-му правилу и по 11-му и по 12-му святых апостол со отлученым и со изверженым (л. 755 об.) [3179] моляйся, и той отлучен и извержен да будет. И святаго Вселенскаго 2-го собора по 4-му правилу и вси, от него поставлении презвитери и диакони и прочии причетницы, чюжди священия. И елицы от тех крещени, не крещени, и ниже християны нарицати тех лепо есть.

Такожде и вси, елицы ему приобщишася митрополити и архиепископи, и епископи, и прочии священнаго чина и мирстии людие, кто ни буди, по святым правилом извержены и отлучены. А еже митрополитом и епископом в чюжую епископию не преходити от своея области, многа правила покажу ти, возбраняюща, еже не приходити митрополиту (л. 756) [3180] или епископу от своея области во иную, ни поставляти презвитеры и диаконы или иное что епископское и церковное правление творити и церковных вещей. Не твердым и разрушеным быти от него сотвореным и самаго изврещи и яко псу ни во исходе души Божественых таин причастну быти, по писаному: Не дадите бо, рече, святая псом, ни пометайте бисер ваших пред свиниями. И аще единаго поставив презвитера или диакона толик страх и мука судом [3181] показана. А иже шесть лет многими епископиями владеет, коликих мук достоин будет?

Послушай правил святых апостол 14.

(л. 756 об.) [3182] От престола на престол не преходи, аще не тамо сущим лучший и учителнейший мним [3183] будеши, но и тако многих епископов разсуждением и умилением.

Толкование.

Несть достойно епископу, свою епископию оставльшу, иную восхитити, аще прежде не испытано будет и явится прежде сущим во граде том на ползу и яко учитель сый премудр. Но и тако многих епископов разсуждением и избранием и умолением. Сие же правило сокровено есть, ибо шестое на десять правило собора, иже во Антиохии, празнаго убо епископа, не имуща церкве, и в праздную церковь, не имеющую епископа, вводити (л. 757) [3184] не повелевает, но со искушением и судом совершенаго собора, сиречь всех сущих во области епископ ту сущу и митрополиту. Непраздному же епископу, имущему свою церковь, никако же не повелевает во ин град преходити. Такоже и пятоенадесять правило, иже в Никеи перваго собора, и 1-е и 2-е, иже в средце, собора, и 21-е, иже во Антиохии, собора такожде не повелевает.

Святаго Вселенскаго 1-го собора правило 15.

От града во град ни епископ, ни презвитер, ни диакон да не преходит. Понеже паки хотят обращени быти в церкви, в них же поставлени быша.

Толкование.

(л. 757 об.) [3185] Правило се не токмо епископом преступати от града во град отнюдь отрицает, но и презвитером и диаконом. И сотворшыя нечто таково, в свой град и в своя церкви, в них же поставлени быша, аки возвращати повелевает.

1-е же и 2-е правило собора, иже в средце, жесточае таковыя мучит, отставляя сих от святаго общения, и таковым епитимиами запрещает.

Святаго Антиохийскаго собора правило 13.

Аще никим же позван, ни умолен быв епископ, во иную область отшед, и поставит презвитера или диакона или правление (л. 758) [3186] некое церковное творит, такова нетверда и разрушена да пребудут, а он да извержется.

Толкование.

Многа правила обрящеши о сем, возбраняюща, еже не преходити епископу от своея области во иную и поставляти в ней презвитеры и диаконы или иное что епископское творити, токмо аще где позван будет, умолен от страны тоя епископа таковое что творити. Аще же от своего дому во иную область пришед, поставит презвитера или диакона или строению церковных вещей некое правления сотворит, нетвердым и разрушеным быти от него сотвореным и самаго изврещи правила повелевают.

(л. 758 об.) [3187] Того же святаго собора правило 16.

Иже кроме совершенаго собора, иже самаго митрополита, на праздный церкве престол наскочив, аще и сам есть празден, от епископии да будет извержен.

Толкование.

Празднаго убо епископа, не имущаго епископии, в праздную церковь, не имущую епископа, поставляти от совершенаго собора ту сущу митрополиту тоя области се правило повелевает, а не самому о себе престол восхищати, аще и от всех людей града того нудим есть, аще не хощет быти отвержен. Непраздному же епископу, имущему свою церковь, 21-е правило сего собора и другая различна, якоже (л. 759) [3188] в 14 апостолстем правиле писано есть, в другую церковь преити отнюдь не повелевает, но пребывати в церкви, в ней же исперва от Бога поставлен бысть.

Того же святаго собора правило 22.

Такоже, якоже и 13 правило сего собора, и се правило глаголет: Еже коемуждо епископу в своем пределе владати и поставляти презвитеры и диаконы, во ин же предел не ити, ни поставити презвитера, ни ино что епископское творити кроме [3189] воли епископа предела того. Аще же дерзнет и сотворит что таковое, да будет извержен и повинен и поставленый от него презвитер (л. 759 об.) [3190] или диакон.

Святаго Вселенскаго втораго собора правило 2.

Предел ради никто же да смешает церковь, ни поставляет ни презвитера, ни епископа. Сущия ж во языцех Божия церкви, святых отец обычай да держат.

Толкование.

Во многих правилех речено есть, яко не подобает епископу на чюждую епископия находити, но койждо внутрь своих пределов да пребывает и в своих пределех да поставляет епископ убо презвитеры и диаконы. Такоже и митрополит епископы своя во области своей, да не прескачет чрез пределы своя и церкви да не смятут. Сущия же во иноязыцех Божия (л. 760) [3191] церкви, яже во Египте и Ливи и в Пентаполии, древний обычай отеческий да держат, якоже 6-е правило 1-го Вселенскаго собора, иже в Никеи, повелевает.

Святаго 4-го Вселенскаго собора правило 5.

Преходящии из града во град, иже от них правилом повинни суть.

Толкование.

Речено есть в 13 правиле, иже во Антиохии, собора, яко не дерзнути епископу преити от своея области во иную и поставити презвитера или диакона без воли сущаго во области той епископа или что иное епископское творити правление. Аще бо и сотворит что таково, праздно и нетвердо да пребудет и той месть да приимет (л. 760 об.) [3192] своего безчиния, и извержен да будет от своего сана Святою Троицею. Тако бо и зде написаное правило повелевает.

Святаго Сардийскаго собора, еже есть в средце, 341, святых отец правило 1.

Не обрящется епископ, от мала града в велик пришед, иже убо от смиреннаго в высок прескочит, яко горд и лихоимец обрется, вся дни живота своего да будет без причащения.

Толкование.

Еже преходити епископом от града во град, сиречь оставиша свою епископию и иную взимати, се правило отнюдь таковому делу не повелевает быти. Но аще и будет, жесточае преходящыя [3193] мучит. (л. 761) [3194] Познавше убо святии отцы от сея вещи, яко ни един же епископ от великаго града в менший град тщится преити, но от мала града в вышний и болший град желает прескочити гордыни ради и лихоимства. Повелеша таковому ни с мирскими человеки равно причащения имети, но по извержении сана и причащениа отлучену быти.

Того ж собора правило 2.

Аще кто от града во град прешед и молвы творит, от народа приимая себе поборники, да глаголют, желаем и молимся, да будеши нам епископ, той ни на самой кончине не причастен.

Толкование.

Аще который епископ в толико шатание и неистовство пришед и дерзнет (л. 761 об.) [3195] просити и преити от града во град, глаголя: Яко хотят мене людие града того. И оттуду взем грамоту, показует написаное к нему от всех граждан моление, якоже дабы им епископ был. Еже яве есть, яко смышлением и хитростию таковое бысть, мало неких мздою и дары и честию возмогл привлещи к себе, да церкви ставше, молву сотворят, глаголюще велегласно, просяще имети того епископа. Таковаго убо яко зело смедша и таковое сотворша и познана бывша в том, велми святый сей собор осуди. Отрече бо тому ни во исходе от жития недостойну быти [3196] причащения и назна(л. 762)менана [3197]. Странно бо се и страшно есть, еже ни во исходе от жития не сподобитеся причащения, его же не обрящеши во всех правилех написана, о инех ни о коих же гресех такова запрещения.

Того ж собора правило 3.

Никоторый же епископ, не позван во град, да не приидет. И епископ с епископом, аще имать прю, чюжаго епископа да не призовет. Аще ли же ни, да судит Римский, ту будут чюждии.

Толкование.

В различных правилех речено есть, еже никому же дерзнути от своего предела во иную область преходити, аще не будет позван от области тоя митрополита и от сущих с ним епископ. Тожде убо и сей святый собор (л. 762 об.) [3198] повелевает. Но аще который епископ с другим епископом о некоей вещи распрю имать, и с ним да судится пред собором тоя области, в ней же есть, и не подобает от иныя области разума ради неких епископ призывати, но от единех тоя области епископ судитися. И аще неугоден ему будет суд и мнит, яко не по праву осужден быв, судивый его митрополит и епископи да возвестят Римскому Папе писанием вину и суд, како осудиша и. И аще не восхощет того суда, и той, или сам разсмотрив суд, аще право осужлен бысть, возвестит им писанием. (л. 763) [3199] Аще ли ни, тамо близ их сущая области епископом да повелит, да сотворше собор, судят ему паки второе.

Святаго 6-го Вселенскаго собора правило 20.

Епископ во инем граде в народе да не учит. Аще же обрящется, да престанет от епископства и презвитерская действует.

Толкование.

Епископ, во инем граде в народе уча, понеже гордости и буести ради преобидит ту сущаго епископа, яко тщася посрамити и уничижити и чюждий престол себе обручити, по достоянию да престанет таковый от епископства, иже бо чюждих желает, своих лишен будет, и на презвитерское место свести того, и презвитерская да действует. (л. 763 об.) [3200] И назнаменай се, когда епископ на презвитерское место сводится, ибо 29-е правило Халкидонскаго собора святотатство отнюдь нарицает, еже епископа на презвитерский свести степень. И имей се правило преболше Вселенскаго онаго правила.

Святаго 1-го и 2-го собора в церкви святых апостол правило 15.

Такожде аще который епископ или митрополит на своего патриарха таковая же дерзнет, всего святителства да будет лишен [3201]. Аще же нецыи отступят от некоего епископа не греховнаго ради извета, но за ересь его, от собора или от святых отец неведомому сущу, таковии чисти [3202] и приятия достойни суть (л. 764) [3203] яко правовернии.

Того ж собора правило 16.

Ни по которому же образу да не взыдет кто на епископию, ея же епископ жив есть. Подобает бо вину изыскати, его же хотят изгнати, и по извержении его другаго поставити. Аще который епископ не радит о своем стаде, ни болезнию, ни церковным повелением, ни патриарховым одержим, вящше шести месяц время [3204], от своея церкве отшед, сотворит, епископскаго сана и чести да будет чюжд.

Святаго 7-го Вселенскаго собора правило 1.

Свята правила облобызающа, приемлем и держим, святых апостол и шестих Вселенских соборов. К сим же и поместных и еще же (л. 764 об.) [3205] и святых отец наших, яко единаго Святаго Духа вдухновена. Их же прокляша, проклинаем, их же извергоша, изметаем и их же отлучиша, отлучаем, им же запретиша, запрещаем.

Зриши ли, колик собор святых апостол и святых отец того окаяннаго Крутицкаго митрополита измещет и проклятию предает. Им же и мы, воследовав, глаголем, есть и буди, якоже святых апостол правила и святых отец святый седмый Вселенский собор утвердиша. Их же прокляша, проклинаем, их же извергоша, изметаем и их же отлучиша, отлучаем, им же запретиша, запрещаем.

(л. 765) [3206] Виждь, яко не нам и святей Церкви сотворив статье беззаконный той прелютой человек, но и самому Богу и всемножеству святых, да не чюдится никто ж долготерпению Божию, яко не мстит злодейства его. Хощет Бог, всесовершенно в день Судный отмстит, якоже и глаголет: Слово, еже заповедах, то судит ему в день Судный. По писаному: Уклоняющая же ся в развращение отведет Господь с творящими беззаконие. Ниже дивися, яко проклят, и не бысть ему ничто же, ибо и Господь, прокля Вивсаиду и Хоразин и Капернуам, до ада осуди, и не сниде, якоже Содома и Гомор, яко и не приемшыя грады и домы, апостол (л. 765 об.) [3207] и прочих учитель, прокля и паче содомлян осуди, глаголя: Глаголю [3208] бо вам, яко содомляном в день той отраднее будет, неже граду тому. И ко учеником глаголя, рече: Аминь, глаголю вам, елика свяжете на земли, будут связана на небеси, и елика аще разрешите на земли, будут разрешена на небеси. Якоже и по воскресении явлься, рече учеником: Мир [3209] вам, якоже посла Мя Отец, и Аз посылаю вы. И се рек Духу и глагола им: Приимите Дух Свят, им же отпустите грехи, отпустятся им, и им же держите, держатся.

Разумей, невременну быти связанию, ниже в сем веце мсти воздаяние по клятве скоро (л. 774) [3210] нападати, но вечней и мучителнейшей. Якоже бо доброта онаго века несравнена есть нынешняго века по божественному апостолу, еже ни око виде, ни ухо слыша, ни на сердце человеку не взыде, яже уготова Бог любящим Его. Тако и муки зело прелютейши от сих временных и вечны, якоже сам Господь свидетельствует: Вверзите, рече, во тму кромешную, ту будет плач и скрежет зубом. А еже плач и скрежет лютость мучную являет, никто ж бо плачет или зубы скрежещет, аще не от прелютости болезненыя угрызаем будет. Притча богатаго да научит: Капли единыя желаше на устужение языка за все свое веселое житие века сего, еже (л. 774 об.) [3211] остави. Тем же и Господь, егда непокоривым жидом, укоряющим Его и глаголющим [3212]: не добре ли мы глаголем, яко самарянин еси Ты и бес имаши? Отвеща им, глаголя: Аз беса не имам, но чту Отца Моего, и вы не чтете Мене. Аз не ищу славы Моея, есть бо ищу и судя.

Толкование.

Зри же ми зде, яко они убо тако хулят и, Той же беззлобне о Себе досады их терпит. Егда же убо сыны Божия себе глаголаху, напрасно их обличает, истину отмщая. Вы убо, рече, зане чту Отца Моего, укоряема от вас. Оклеветающаго отца вашего быти, сего ради Мя безчествуете. Но аще (л. 775) [3213] и Аз себе не отмщу, но терплю досаждаем, не мните без отмщения оставитися таковой досаде. Есть бо Отец, иже Мене отомстит. Сего ради яко досаждаема того Аз отмщаю и терплю вам, творящим Себе сыны Онаго, не уподобившеся делы ни в мале. Моея же славы есть ищай, и не токмо ищай, но и судити могий, и осудит безсловесне досадивших Ми. Сего бо ради, рече, есть ищай и судяй.

Тако и иже мстителем Божественых догмат есть мстяй и судяй, рекий [3214]: Аще свяжете на земли, будет связано на небеси. Не рече бо, иже свяжите на земли, будет связано на земли, (л. 775 об.) [3215] но будет связано на небеси. По сему разумей, не в нынешнем веце на таковых связаных, то есть проклятых, казни находити, но в будущем.

Сего ради июдеом рече Господь [3216]: Аминь, аминь, глаголю вам. Аще кто слово Мое соблюдет, смерти не имать видети вовеки. И инде паки рече: Слушаяй словесе Моего и веруяй пославшему Мя, имать живот вечный. И инде: И слово Мое несть Мое, но пославшаго Мя. И паки: Той Ми заповеда, что реку или что возглаголю, и слово Его что есть. Слушаяй бо, рече, вас, Мене слушает, и отметаяйся вас, Мене отметается, и отметаяйся Мене, отме(л. 776)тается [3217] и пославшаго Мя. А отметаяйся Отца и Сына не будет без муки. Тако кто беззаконнику запрещает заповедию Божиею, той же послушает запрещения, без муки не будет. За единаго ставленика попа или диакона или некоторое строение сотворшему в чюжей епископии, от всего измещут и с поставленым от него.