Пыл саркафагаў

каралі і магнаты медальёнам і люстрам

літургіі балі цудоўным шматлікім

ад пампезных санатаў акратэрыям аркам

люструюцца залы пано габеленам

святлацень арабескаў капітэлям аканту

ажур гарэльефнасць разеткам філёнкам

каларыт еўрапейскасць праз партал да пілонаў

дэкор-эфемернасць шмыгаю таемна

балаўніцтва балетніц і пад столлю плафонаў

машнары з узораў згалцелы прыемна

з атуманеных лесвіц прыгажуню шукаю

меандр ілюзору з вачыма як хоры

як адлітыя з медзі і знайшоўшы сціскаю

разносяць паненкі мармуравы холад

дэкальтэ дыяменты кампазіцый прапорцый

парфуму сукенкі спакусы праходзяць

я ў люкарню дзіўлюся маскаронамі порцік

пуці срэбракрылым глядзіць на стагоддзі