Зневажаю мараль і плюю ў яе вочы,
А яна, балаўніца, мне толькі рагоча,
Шчэрыць пастку зжаваных зубоў.
Па касцёлах і цэрквах з іконаў святыя
Пазіраюць здаўна.., але гэта не тыя,
Хто сарве кайданы з нас, рабоў.
На слупах ліхтары абмяжоўваюць неба,
I ад іх інтэлекту за горад ганебна,
Вочы поўняцца горыччу слёз.
Ну, а нас абмяжоўваюць хлусам прарокі,
Што разносяць па вуліцах гулкія крокі,
I ад крокаў па скуры мароз...