Вяртанне

Крумкач вяртаўся ва ўчарашні дзень,

Ён абгінаў Зямлю хутчэй яе вярчэння.

Інакш пражыць хацеў судовы дзень,

Каб здрадніцтвы свае схаваць ад пакаленняў…

Жыццё як сон — павекі толькі ўзняў…

Чаргуюцца мясціны: Вільня, Коўна…

З усіх існуючых зямных праяў

Вяртанне ва ўчарашняе найбольш умоўна.

Крумкач вяртаўся — ён у часе знік.

Адразу знікла пачуццё напрамку руху…

У цемрадзі стагоддзяў бразгацеў цягнік,

Дагнаць які не хопіць ні жыцця, ні духу.