Рэканструкцыя неба

***

Я зьбіраюся на вайну

кожную раніцу

чышчу боты — рыхтую зброю

П0ТЫМ

мы будзем кахаць потым

а зараз няма калі

я зьбіраюся на вайну

чышчу боты — рыхтую зброю

хочаш — цалуй мае вочы

пакуль не баляць яны

ад калючага дроту

жабкай станецца хто-небудзь іншы

а мне няма калі

я зьбіраюся на вайну

чышчу боты - рыхтую зброю

заўтра птушкі скінуць па крыльцы -

гэта звычайны прагноз надвор’я

ну што ты паціскаеш плячыма

я — немагчыма