Рэканструкцыя неба

***

Мне белым кітом

умерзнуць у неба

мне белым кітом

заснуць за вакном

прачнуцца

не пяском

і ня глебай

а белым белым белым кітом

і дзень будзе сьніць мае акіяны няўдала

падзеленыя лініяй фронту

войскі аблокаў і войскі хмараў

пад кулямі плачуць

сухім потам

а мне выкінуцца на бераг

кітом белым

і хлеба духмянага кавалак

зьесьці

пакуль не прыйшлі

на той бераг

людзі

цяжарныя сьмерцю.