Рэканструкцыя неба

***

калі памірае дрэва

ружовыя смочкі

схіляюць свае галовы

ў знак жалобы

калі памірае дрэва

робіцца цёмна

бо ўсе вочы хаваюць сорам

за фіранкамі вейкаў

калі памірае дрэва

боль каханка

я суцяшаю

вуснамі лекавымі

і перабінтоўваю

цела ягонае

рукамі ды пальцамі бялявымі

калі памірае дрэва

нехта моўчкі бярэ маю голаў

у далоні свае

і засынае

пакуль недзе за вокнамі

ПАМІРАЕ МАЁ ДРЭВА