За здаровы лад жыцця

ЯНКУ КУПАЛУ

Аўтар і вершы аўтара -

Гэта рэчы вельмі розныя,

Адна ад адной адрозныя.

Вершы надрукаваныя на паперы,

А аўтар размазаны па сьцяне,

Па столі і па падлозе

І наогул па ўсёй кватэры.

А я ў позе нэкрафілічнай гетэры

Сяджу і чытаю вершы,

Надрукаваныя на сьцяне,

А потым размазваюся па паперы,

І побач зь вершамі аўтара

Атрымліваецца пляма.

І, спрачаемся, ніводная мама

Не пазнае ў ёй мяне.