111 Fabloj

La porkon al sinjora kort' hazarda vago pushis,

Che stalo kaj lavej' kotajhon ghi ektushis,

En ajna malpurajh', ghi kun agrablo kushis,

Per akvo de forlav' ghi banis sin kaj dushis,

Kaj venis kun efekt'

De porka belaspekt'.

"Nu, kion vidis vi, Porkulo mia kara?"

Demandis ghin Pashtist':

"Ja oni diras kun persist',

Ke vivas por plezur' richuloj en ekzist',

Ke ili ghuas nur pri richo senkompara."

Responde gruntas Pork':

"Absurd' kaj vanta vort'.

La famo pri richec' ja estas plen-erara:

Trovighas tie nur malpur' kaj simpla kot',

Kaj tamen faris mi tre multe por esploro,

Mi fosis kun fervoro En tuta besta kort'."

Ne volas mi ofendi en kompar'!

Sed chu la kritikist' al Porko ne similas,

Se li je chiu verk' nuf pri malbon' babilas

Dum sia jughdeklar'?