111 Fabloj

La besta bando kun avid'

Sufokis urson sur ebeno, —

Kaj por regalo dum festeno

Jam chiu besto por divid'

Arbitre parton sian prenas.

Leporo pro hazard' orelon ursan trenas.

"He vi, amik' kun straba vid'!

De kie venis vi sen voko?

Ne estis vi entute dum chasad'!"

"Kaj kiu dum invad'

La urson el arbaro pelis sen kompat'

Kaj pushis lin al kampo por sufoko?

Chu mi ne faris tion kun fervor'?"

Ghi estis fanfaron' absurda, senkonvena,

Sed je amuzo ghi ekshajnis plena

Kaj parton de orel' ricevis la Lepor'.

Ridinda estas hom' en fanfarono,

Sed ofte trafas lin porcio dum disdono.