111 Fabloj

Ekvolis Hom' al sia ombro veni.

Al ghi proksimas li, sed ghin ne povas teni.

Li kuras kun rapid', sed ne kapablas preni,

Char ombro en kurad' forglitas kun obstin',

Ja kvazau estas ghi trezoro.

Fin-fine post lacigh' returnis sin sinjoro

Kaj vidas: ombro nun jam persekutas lin.

Simila estas fakt' sub nia hela suno.

Rakonti pri afer' nun estas oportuno,

Char sama histori' rilatas al fortuno.

Jen vane shvitas hom' en revoj kaj sopir'

Por la atingo de felicho sia.

Alia hom' ne estas ambicia,

Sed ghuste la felich', post tiu kuras vir'.