Библиотека литературы Древней Руси. Том 15 (XVII век)

И почему было Москве царством быть, и хто то знал, что Москве государством слыть?

Были тут по Москве-реке села красные[694], хорошы боярина Кучка Стефана Ивановича[695]. И бысть у Кучка боярина два сына красны, и не было столь хорошых во всей Руской земле. Изведавъ про них князь Данило Суздальский и спроси у боярина Кучка Ивановича двух сыновъ к собе во двор с великим прением. И глагола: «Аще не дашь сыновъ своих ко мне во двор, и яз-де на тобя с войною приду, и тобя мечем погублю, и села твои красные огнем пожгу». И боярин Кучко Стефан Иванович убояся грозы князя Данила Суздальсково и отдав сыновъ обоих своих князю Данилу Суздальскому. И князю же Данилу Суздальскому полюбилися оба сынови Кучковы, почал их любити и пожалова их — одного в стольники и другаго в чашники.[696]

И приглянусь оне Данилове княгине Улите Юрьевне,[697] и уязви дьяволъ ея блудною похотью, возлюби красоту лица их; и дьявольскимъ возжелением зжилися любезно. И здумали извести князя Данила. И мысля Кучка боярина дети со княгиною, како предати злой смерти. И умыслиша ехати поля смотрити зайца лову. И поехав князь Данило с ними на поле и отъехав в дебрии, и нача Кучковы дети предавати злой смерти князя Данила. Князь ускоче на коне своем в рощу, частоте леса, и бежав зле[698] Оку-реку, остав конь свой. Оне же злии, аки волцы лютии, напрасно[699] хотя восхитити его, и в торопях и сами во ужасте иска его, и не могоша надти его, но токмо нашед коня его.

Князь же добежав зле Оку-реку до перевоза, и нечево дати перевозчику перевозного, токмо с руки перстень злат. Перевозщикъ глаголаше: «Лихи-де вы люди оманчивы, како перевези за реку вас, и удете не заплатя перевознаго». А не познав его, что князь есть. Перевозчик же приехавше блиско ко брегу и протянув весло: подай-де перстень на весло перевознаго. Князь же возложыв на весло свой перстень злат, перевозщык взяв перстень к собе, и отпехнувся в перевозне за Оку-реку, и не перевез его.

Князь побеже зле Оку-реку, бояся за собою людей погонщиков. И наста день той к вечеру темных осенных ночей. И не весть, где прикрытися: пусто место в дебрии. И нашед струбец[700], погребен ту был упокойный мертвый. Князь же влезе в струбецъ той, закрывся, забыв страсть[701] от мертвого. И почии нощь темну осенную до утрия.

Сынове же боярина Кучка Ивановича быв в сетованье и в печали, во скорби велицей, что упустили князя Данила жыва с побоища ранена: «Лутче было нам не мыслити и не деяти над князем злого дела смертнаго. Ушел-де князь Данило ранен от нас в Володимер-град ко брату своему, ко князю Андрею Александровичю[702], и будетъ князь Андрей к нам за то с войским, и принят будет от них злая казнь розноличная и смерть лютая, а тебе, княгина Улита Юрьевна, повешеной быть на воротех и зле[703] ростриляной, или в землю по плечь жывой быть закопаной, что мы напрасно здумали зло на князя неправедно».

Злая же та княгина Улита, наполни ей дьявол в сердце злыи мысли на мужа своего, князя Данила Александровича, аки ярому[704] змею яда лютаго, а дьявольским и сотониным навождением блудною похотью возлюбив милодобрех и наложников и сказа им, Кучковым детям, своим любовникомъ, все по ряду: «Есть-де у насъ песъ-выжлец[705]. И какъ князь Данило поежжает на грозные побоища против тотаровей и крымских людей и заказывает мне поедучи: „Либо-де я от тотаровей или от крымских людей убит буду, или на поле случитце мне смерть безвестная, и в трупу человечье меня сыскать или опознать будет немошно, или и в полонъ возмут жыва меня тотаровя, и которой дорогой в кою страну свезут меня жыва в свою землю, и ты пошли искать меня своих дворян с тем со псом выжлетом, и вели им пусти пса того наперед проста[706] и за ним самим ехати, и где будет я жыв свезен, и пес той дорогой дойдет меня, или на поле буду мертвъ без висти, или на побоище убит в трупу многаго человечья, и образ у меня у мертваго от кровавых ран переиначитце[707], не познать меня, и тот пес сыщет без оманки[708] меня и мертвому мне почнет радоватися, а мертвое мое тело почнет лизать на радосте"».

И на утрии княгина Улита того пса-выжлеца дав им, своим любовником, и твердо им наказывала: «Где вы его, князя, со псом сыщете жыва, и тут ему скоро и смерти предайте без милости» Они же, злии, злаго ума от тоя злоядницы княгины Улиты наполнились, взяв пса того, и доехав того места, где князя Данила вчера ранили, и с того места пустиша напред собя пса-выжлеца. И пес побеже, а они за ним скоро ехаша. И побежав пес зле Оку-реку, и добежав до того струпца упокойнаго, где ухоронися князь. И забив пес главу свою в струбец, а самъ весь пес в струбец не вместися, и увиде пес государя своего, князя Данила, и нача ему радоватись ласково. Те же искомый его увидевше пса радующеся и хвостом машуще и, скоро скоча, скрывают покров струбца того и нашли тут князя Данила Александровича. И скоро ту князю смерть дают лютую, мечи и копьи прободоша ребра ему и отсекоша главу ему, в том же струбце покрыта[709] тело его.

Той же благоверный князь Данило Александровичь бысть четвертый мученик новый, прият мученическую смерть от прелюбодеяний жены своие. Первый мученики, Борис, и Глебъ, и Святослав, убьени быша от брата своего, окаянного Святополка, рекомого Поганого полка[710]. Кучковы же дети приехав во град Суздаль, и привезли ризу кровавую князя Данила Александровича ко княгини его, и немного жыша со княгиной той въ бесовскомъ возжделением, сотониным законом связавшися, удручая тело свое блудною любовною похотию, скверня в прелюбодевствии.

Но скоро доходит весть в Володимер-град ко князю Андрею Александровичю, что здеяся таковое злоубивствие над братомъ его Даниломъ. Сыне же его, Ивану Даниловичю[711], внуку Александрову, остася младу сущу, но токмо пяти летъ и трех месяцъ, и храняше его и соблюде его верный слуга бысть князю Данилу, именем Давыд Тярдемив, храняше его втаи[712] два месяца. И зжалися той верный слуга Давыд о княже сыне Иване, и взяв его отай[713] нощию, и пад на конь[714], и гнав с ним скоро ко граду Володимеру, ко князю Андрею Александровичю, по рождению к дядюшке его. И сказав слуга той Давыд князю Андрею все по ряду бывшое, что во граде Суздале содеяся злоубивствие над братом его Даниломъ.

Князь же Андрей зжалися по брате своем, аки князь Ярослав Владимерович по братьи своей, по Борисе, и Глебе, и по Святославе, на окаяннаго злаго братоубийца Святополка, нарекомого Поганого полка. И собра Ярослав новгородцев войска, и Бога собе в помощь призывая, и шед ратью, и отмстив кровь праведну братьи своей, Бориса, и Глеба, и Святослава, победив окаянного Святополка Поганого полка. Такоже сий новый Ярослав, князь Андрей Александрович, прослезився горце[715] по брате своем, князе Даниле Суздальском, и воздевъ руце на небо, и рече со слезами: «Господи, Владыко, Творце и всему Создатель, мстил еси ты кровь праведну Бориса и Глеба князю Ярославу на окаянного Святополка. Такоже, Господи Владыко, мсти кровь сию неповинную, мне грешному, брата моего, князя Данила, на злых сих блудников, наложниковъ тоя бляди Улитки, несытых их плотских, блудных, скверных, грязных похотей, бесовских угодных делъ, связанья их сотонина закона. Святополкъ окаянный братоубивство сотворив, очи его злыи прельстися несытии сребра, и злата, и имения многаго, власть царства ти сего света на един час восхотевъ, а Небеснаго Царства вовеки отринух, а во дне адове вовеки мучение возлюбивъ. Такоже и та блядь Улитка своего чрева блудныя, скверныя похоти насытовство всласть на един час в бескорывство приим, не токмо Небеснаго Царьства отринувся, но и сего света власть, и злато, и сребро, и ризы многоценныя отринув, но возлюби скверность блудную, похоть чреву, несытость, возляже с теми наложники на един час, сласть возлюби, всю земную красоту забывъ, а стала ино аки[716] адъ изблева, похоть скверную вылья, невеста готовитце окаянному Святополку во дне адове, от сотаны дьявола законъ приемлют вовеки мучение, мужа своего изгубих своими наложники, аки сотона со двема дьяволы».

И собра князь Андрей в Володимере-граде своего войска пять тысящь и поиде ко граду Суздалю. И слышав во граде Суздале Кучка боярина Стефана Ивановича дети, что идетъ на них из Володимера-града князь Андрей с войским, и обыде[717] их страх и ужасть, что напрасно пролия кровь неповинную. И не возмогоша стати противо князя Андрея ратоватися, и бежа ко отцу своему, к Кучку боярину Стефану Ивановичю. Князь же Андрей своим воинствомъ пришедъ в Суздаль-град. Суздальцы же не противишася ему, но токмо покоришася ему глаголюще: «Государю князь Андрей Александрович, мы бо не советники государю своему убоица[718] князю Данилу, но не вемыи[719], что жена его злую смерть ему в кий час получи и можем тебе, князю Андрею, пособьствовати на слых тех изменниковъ». И взяв княгину Улиту, и казня всякими муками розноличными, и предаде ея смерти лютое, что она, злая, таковаго безтутства[720], Детеля[721] Бога не убояшася и вельможь, и всяких людей не усрамишася, а от добрых жен укору и посмеху не постыдешася, мужа своего злой смерти предала, и сама ту же злую смерть прия.

И собрався суздальцев три тысячи войска ко князю Андрею пособъствовати, и поидоша князь Андрей со всею силою на боярина Кучка Стефана Ивановича. И не было у Кучка боярина круг его красных селъ ограды каменныя, ни острогу[722] деревянного, и немного возмог Кучко боярин боем битися. И невдолге князь Андрей своей силою войскою емлет приступом селы и слободы красныя Кучка боярина, и самого его, Кучка боярина, и сь его детми в полонъ емлетъ. И куют их в железа крепкие, и казнят его и з детми его всякими казнми розноличными лютыми. И ту Кучко бояринъ и своими детми злую смерть приятъ в лето 6797 (1289) месяца марта в 17 день.

Князь же Андрей Александровичь отмстив кровь брата своего, победив Кучка боярина и злых убиец князя Данила, брата своего, а детей Кучка боярина и все именье богатства его розграбиша, а селъ и слобод красных еще не позжгоша огнемъ. И воздаде славу Бога на радосте, и почии ту до утрия. И на утрии востав и посмотрив по тем красным селам и слободам, и вложы Богъ в сердце князю Андрею мысль: те села и слободы добре ему красны полюбилися, и мысля во уме своем уподобися ту граду быть. И воздохнув из глубины сердца своего, и помолився Богу со слезами, и возревъ на небо, и рече: «Боже Вседержителю, Творче и всему Создатель, просвяти, Господи, место сие, уподобися граду быти и церквамъ Божиим, подаж ми, Господи, помощь хотения мысли моея устроити». И оттоле князь Андрей седе в тех красных селах и слободах жительствовати, во граде же Суздале и в Володимере посажая державъствовати сына своего Георгия, а плямника своего, брату сына, Ивана Даниловича, к собе взяв и воспитав его до возраста в добре наказании[723].

Той же благоверный князь Андрей Александрович созижде церковь Святыя Богородицы честнаго и славнаго ея Благовещенья, но невелику сущи, древянную, и Бога в помощь собе призывающи и Пречистую его Богоматерь. Таже нача и град основати около тех красных селъ по Москве-реке, Бога собе в помощь призывая. С ним же пособствова суздальцы, и володимерцы, и ростовцы, и все окрестные. Ту и соверши град Божию помощию, и устрой, и башни здела, и все градное устрой в лета 6799 (1291) месяца июля въ 27 день на память святого великомученика Пантелеймона. И оттоле нача именоватися и прославися град той Москва.

КОММЕНТАРИЙ

«Сказание об убиении Даниила Суздальского и о начале Москвы» — одна из четырех повестей, посвященных основанию этого города. «Сказание об убиении...» сложилось между 1652 и 1681 гг., в составе летописца, и впоследствии распространилось в отдельных списках. В «Сказании» излагается легендарная история основания столицы, расцвеченная рядом вымышленных подробностей. Засвидетельствованные летописными источниками события, имевшие место в XII в. (основание Москвы князем Юрием Долгоруким, убийство Андрея Боголюбского Кучковичами), автор «Сказания» переносит в XIII в. и включает в вымышленные биографии сыновей Александра Невского — Даниила и Андрея Александровичей (умерших в начале XIV в.). Автор «Сказания» превращает свой рассказ в занимательное повествование о трагических событиях, будто бы предшествовавших основанию Москвы, и прежде всего о семейной драме, разыгравшейся при дворе князя Даниила. Наличие любовной интриги, насыщенной драматизмом подробностей, связанных с убийством Даниила, сделало «Сказание» излюбленным чтением на протяжении XVII—XVIII вв.

Текст печатается по списку: ГИМ, Муз. собр., № 3996, сер. XVII в., являющемуся старейшим списком «Сказания», изданному в кн.: Повести о начале Москвы. Исследование и подготовка текстов М. А. Салминой. М.; Л., 1964, с. 199—212. Исправления внесены по списку: РЯБ, собр. Титова, № 3997, первой пол. XIX в.