70% вады

валяюся на асенняй зямлі

яна ледзь прыкметна пагладжвае па нырках

прыняць ад яе холад

невалацуга небяздомны сабака

харчуюся кавай і ветрам

які змяшаўшыся з ёй трапляецца ў пастку

трапляе ў пашчу

небяздомны сабака

гаспадар што навязаў мяне тут

невяртаецца

з часам абярнуся забытым роварам

усе ровары — проста дужа схуднелыя сабакі

адныя рэбры

і няма сілы падаць голас

час ад часу парыпваюць косткі