Не проста крыўдзіць-абражаць
Кагосьці сумнаю парою,
А слова жорсткае сказаць
Захочацца дзеля настрою,—
Дзеля натхнення, каб далоў
Збыць непатрэбшчыну сумнення.
Якою поўны да краёў
У кожнае сваё імгненне...
Пасля — за дальняю гарой,
Пасля — за бліжняю лагчынай
Любой часінай і парой,
З любой нагоды і прычыны
Наноў пяшчотнае шукаць,
Сумненням тоеснае слова,
I па-дзіцячы вымаўляць
У пэўнасці пайдастатковай.