Shakespeare's Sonnets in Latin

CXXXVI

Si, prope quod veni, mussant, tua pectora caeca

Corripe, meque tuum finge fuisse virum.

Ille quidem, agnoscunt, recipi consuevit eodem;

O facias igitur quod meus orat amor.

Sic tua vota Venus felix impleverit, opto,

Plurimaque immiscens, inter et illa meum.

Grandis ubi numerus, sententia cuique probatur,

Vnus homo in turba vix numerandus erit.

Tuque meum in multis patiare latescere nomen,

Non nihilum dum me vis retinere loci.

Me nihilum credas, nihili si voce notatur

Quod fieri exoptat dulce, puella, tibi.

Denique me sat ames si nomen amaveris ipsum,

Nam penitus quod eo significatur amas.