Рарк

Лiрыка — гэта касмiчная станцыя,

Здатная ажыццявiць узнясенне,

Вылепленая з пялёсткаў акацыя,

Клямка, намацаная ў цёмных сенях,

Рытмамi створаная дэкарацыя

Для азарэння i ўваскрашэння,

Дадзеныя на хвiлiну вакацыi,

Лiпеньскi водар асфальту i сена...

Цiхая лiрыка — гэта прасветленасць,

Згубленая на iмгненне акрэсленасць,

Сонечны зайчык на страчаных веснiцах...

Сцiплая лiрыка — гэта мелодыя,

Формула, утвораная асалодаю,

Хлопчыкам выштукаваная лодачка...