Свет першы і апошні

Матэрыя —

прадметы, рэчы

вельмі любяць,

калі іх кранаюць,

гладзяць, выкарыстоўваюць,

перастаўляюць, папіхаюць,

таўкуць, націскаюць,

круцяць да сёмых патоў

і разаграваюць да белай гарачкі.

Прадметны свет

штодня, кругласутачна

дамагаецца чалавечай рукі,

цеплыні ягонай душы.

Чапляецца чалавека,

не адпускае ад сябе,

засмоктвае, хоча —

у рэшце рэшт —

прыпадобніць да рэчаў у сябе.

Браты мае і сёстры.