Свет першы і апошні

Я ўвайшоў,

каб спытаць пра сваё лісце

у індыйскіх мудрацоў.

На старатамільскай мове

мінулае і прышласць прышэльца вырыты

дробненькімі значкамі,

для маласпрактыкаванага вока амаль нераспазнавальнымі.

Для кожнага маюцца два лісты —

у 3665 тамах на 365 лісцяў у кожным.

На адным — аб перажытых ужо жыццях шматразова,

на другім — што ніхто не памірае назаўсёды

і аб наступных увасабленнях

на планеце Зямля,

паложанай на малазначным краі Млечнай дарогі,

аддаленай ад яе цэнтра на нейкіх 30 тысяч

светлавых гадоў.

Уладары часу,

прыбыўшы з вельмі далёка

на тахіёнавых машынах,

перададуць нам аб’ектыўны вобраз

нашай рэчаіснасці —

І не паверым.