Літары ў расе

САЛАЎІНЫЯ СЫНЫ

Зачараваныя гаі —

Купальскія — гудуць!

Ідуць сівыя салаўі,

Сваіх сыноў вядуць.

Ідуць азёрнай стараной

Па залатым куп'і.

I акрыляюцца зямной

Любоўю салаўі.

Хачу i я за салаўя

Быць у цябе, Краіна.

Табе — уся любоў мая

I салаўя i сына.

За намі цеплыня гаёў

I продкаў цішыня.

Мацнеюць крылы ў салаўёў,

Надзеяцца штодня.

На ўзлёце вераць у зямлю,

Дзе з песнямі растуць.

Сваё крылатае «Люблю!»

Да сонца данясуць.

Хачу i я за салаўя

Быць у цябе, Краіна.

Табе — уся любоў мая

I салаўя i сына.