Літары ў расе

РЭХА-ПРАРЭХА

У мяые такая справа:

заблудзіўся i стаю.

Злева — дуб, сасонка справа.

Страху ў пушчы не ўтаю.

Як знайсці дамоў сцяжыну?

Смела прамінуў ажыну.

Лоб у лоб — бярлога-клець,

а з яе бурчыць мядзведзь.

Дуб маўчыць. Я за сасонку:

будзь, сасонка, за заслонку!

На ратунак выйшаў Вожык,

перадаў арэхаў кошык:

— Чуеш Рэха? У бары

толькі з Рэхам гавары.

Рэха ў лесе не начуе.

Крыкні — i цябе пачуе.

Запытаецца:

— Ты дзе?

I дадому прывядзе.