Літары ў расе

Я — ДЗЯЎЧЫНКА КАЛЯДА

Новы Год на падыходзе.

У абноўленай прыродзе

я малюю — усур'ёз:

тата стаў як Дзед Мароз,

а Снягуркай сёння — мама.

На маім малюнку — Брама.

Пройдзе праз яе да нас

у вясёлы школьны клас

Новы Год, увесь кудлаты.

Для яго убор багаты

я зрабіла — Каляда.

Падышла пара святая:

калядую я, вітаю

з Днём Народзінаў Хрыста!

Будзе вера у народзе, —

перад Богам стане ў згодзе

беларусаў грамада.