Літары ў расе

ФІЛІН ФІЛЬКА

Філін Філь замест малін

любіць а-цы-да-філін.

Лес глухі — свой родны дом —

памяняў на гастраном.

Філь глядзіць на ношу нашу:

у «Кефір», ці «Сыраквашу»

толькі дзюбай дзеўбане:

вітаміны ёсць на дне?

— Дайце

а-цы-да-філіну

мне!

Чуем Фількі смелы кліч.

Ён разумны, лекар Сыч.

Медсястра ў яго — Сава:

з мудрай дзюбай галава.

Прастуджуся, —

дзесяць ложак

дайце ацыдафіліну ў ложак.

I Сыча паклікаць варта:

будзе ля пасцелі варта.

З ім, здаровы, перад сном

палячу

у гастраном.