Над пляцам

Палівачку пакінь, будзе дождж

З лёгкім водарам аўтамабільным.

Пад акном у гародчыку кош

Да падмурка прыціснецца шчыльна.

Дождж, бы меўшы чатыры нагі,

Праімчыць па запозненай крызе

I гарынскія берагі

Да бляшанага неба наблізіць.

Будзе дробна звінець-сумаваць

Палівачка ў дрымотнай адрыне.

Будзеш ты каля шыбкі стаяць

I глядзець у гародчык сіні,—

На маланкі агністы воз,

Які робіць шалёныя скокі.

Кіт сухі і патрэсканы скрозь

Будзе ў кош асыпацца глыбокі.