У ноч на Пакровы

Усе, што гавораць сягоння

пра лёс беларускае мовы,

дзеляцца на дзве палавіны:

на тых, каму баліць

і каму не баліць.

Тыя, каму не баліць, —

спакойна зусім

філасофствуюць і разважаюць,

аналізуюць і аргументуюць,

нават пішуць трактаты.

Ну, а тыя, каму баліць, —

у прыступе болю

кідаюцца ніцма на дол

і плачуць надрыўна,

і б'юць кулакамі зямлю...

Вось і ўсё, і ўся розніца

паміж тымі і тымі.

Травень 2007 г.