Босая зорка

З вушацкае песні

Пад досвітак вяртаюся з карчмы,

З карчмы жыцця,

Hi п'яны, ні цвярозы.

Яшчэ ў душы

Віюць гняздзечка крозы,

А ў галаве не цішацца грамы.

На панібрата піў са мною час.

Плыла вясёла чарачка, як хмарка.

I доля —

Захмялелая карч марка —

Мне налівала ўкоптур i не раз.

Было,

Што зблізку бачыў салаўя,

Ды болей дзён

Пражыў пад крумкачамі.

Не дасыпалі сны мае начамі,

Каб у карчме

На ўсё забыўся я...