І радасць i боль

Беленькія мамы,

Чорненькія дзеткі,—

Шчасця або драмы

Удзельнікі i сведкі.

Пошукі рамантыкі

Ці звычайнай страсці

Завялі раман такі,

Што гатовы ўпасці

У абдымкі ласкі

Юнакам з Нігерыі

I лічыць за казкі

Нават ночы шэрыя.

Змучаныя снамі

Ў будні, як у святы,

Саграшылі самі

Сціплыя дзяўчаты.

Вось i сталі дамамі,

Жонкамі часовымі,

I гуляюць з самымі

Чорненькімі Вовамі,

Песцяць i мілуюдь

Кожны пальчык любы

I у сне цалуюць

Пушкінскія губы.