Раніца

Дзве мовы сталі блізкімі мне змалку,

У сэрца упляліся назаўжды.

Гучала калыханка — песня маткі —

Празрыстым звонам нёманскай вады,

Пявучым словам беларускіх вёсак...

А бацька — сын шырокае Акі —

Прынёс мне ў дар, як водгук сваіх вёснаў,

Расійскай мовы гучныя радкі. -

Зліваюцца славянскія вытокі

У рэчышчы адным, як і спрадвек.

Аднолькава і ў Гродна, і ў Растове

Гучаць: хлеб, соль і чалавек...