Sonetler

22

Güzgü sübut etməz qocalığımı;

Sənin gəncliyinlə uçan quşam mən.

Üzündə açanda illər şırımı

Bir onda bilərəm qocalmışam mən.

Olduğu sinədə döyünmür ürək,

Sevdiyi sinədə çırpınır hər dəm.

Qəlbimiz dəyişib yerini, gerçək,

Səndən neçə yaşlı ola bilərəm?

Özünü mənim tək gözlə hər zaman,

— Düşərəm sənin üçün qara, borana,

Könlünü saxlaram dərddən, bəladan,

Körpəni beləcə qoruyar ana.

Köksümdə daima vurar ürəyin,

Ürəyim susanda susar ürəyin.