Sonetler

80

Biləndə ki, məndən qüdrətli şair

Həsr edir adına gözəl nəğmələr,

Məni susdurmaq üçün coşur, çağlayır,

Çaşqınlıq könlümə salır ilmələr.

Fəqət ləyaqətin bənzər ümmana,

Odur ki sönməyir ümid çırağım.

İstəyirəm gedib üzsün yan-yana

O böyük gəmiylə kiçik qayığım.

Keçib iftixarla fırtınalardan

O çatır ən uzaq, ən dərin yerə.

Sənin köməyinlə üzərək hər an

Mən də can atıram dərinliklərə.

Olsam bu yollarda qəzaya düçar,

Öz sevgim olacaq özümə məzar.