Sonetlər

54

Gül hüsnün daha da görünür qəşəng,

Çünki vəfan bəzər onun ruhunu.

Qızılgül açılıb olsa da rəng-rəng,

Zinəti ətridir, kim bilmir bumu?

Vardır itburnunda ən gözəl boya,

Sanki yaranıbdır qızılgüllə tən.

Tikandan asılıb rəqs edir, guya,

Yayın mehi ilə çıxıb qönçədən.

Onun gözəlliyi — öz ləyaqəti,

Bir azdan məhv olur faydasız, hədər.

Qızılgülün belə deyil xilqəti,

Soldumu, çevrilib ətirə dönər.

Zaman solduranda gül surətini,

Şerlərim saxlar sədaqətini.